Fora Ślonska

[broneknotgeld]

Ślonzok niych łonczy te wszyske fora
Co ze zocnego som przeca wora
I pamiyntajom Wielke Morawy
Se tu zablysnom dlo ślonski sprawy.

[broneknotgeld]

No, myśla że werci se mieć tu taki wontek kery łonczy a niy dzieli.

"Ruda Śląska - stolica fraszki"

[broneknotgeld]

Zaproszom na forum stolicy fraszki
Dlo tych kierzy szukajom fraszek i rymowanek tymatycznych nojwygodni bydzie
włazić przez taki link
forum.gazeta.pl/forum/72,2.html?f=28940&w=28740096
Po prowdzie to spis treści jeszcze niy jest kompletny, dyć poleku byda go
uzupełnioł.
Rzycza miły lektury i zaproszom do wspołpracy.
Kożdo fraszka, rymowanka, wierszyk zowdy jest tam mile widziany.
Niy musi być wcale we naszy godce, przeca przi ślonskim rymie i inkszy może
urosnońć.
Szczyńść Boże.

[rita100]

wytrwały jesteś Bronek
od pracy zaczynasz dzionek :)

[broneknotgeld]

Możno coś ze tego bydzie
Z inkszych for tu ktosik przidzie.

[szwager_z_laband]

Do miecha bieresz wszysko jak leci,
Abo wysujesz zyn' nojprzod "smieci"?
Bo do jednosci cza dobryj woli
A hasiok w oczach kozdego boli

Niych slosnske fora sie sam jednoczom
Niych sie Slonzoki nigdy niy droczom
A jak nos bydzie aze za tela
To nojpiykniejszo bydzie to sztela

[broneknotgeld]

Toż we tym tukej mosz cołkym recht
Niy trza nom łazić kajsik na fecht
Czy ślonske fora cuzamyn bydom?
Możno ze czasym do tego przidom.