POGODOOMY PO NASZYMU

[hanys_hans]

"..........Wasze suowa soom starsze jak na Warszawie!..........."

schlesien.nwgw.de/m/Pogodoomy_po_naszymu/Sally_Schaefer.mp3

[jaborygyn]

Toorz ... porzoondzyma! :-)

[szwager_z_laband]

SUPER!!!

zaroto dom tym slimokom:), na forum o kodyfikacji slonskego!

[sloneczko1]

szwager_z_laband napisał:

> SUPER!!!
>
> zaroto dom tym slimokom:), na forum o kodyfikacji slonskego!
pozdrow ich tam od nos

[hanys_hans]

"..........Pjync´ lot wiynziynia za porzucynie roboty!..........."

Ino niy s´limtac´ mi sam bo 5 lot to rous dwa s´leci!

schlesien.nwgw.de/m/Pogodoomy_po_naszymu/Pelagia_Gorecka.mp3

[szwager_z_laband]

jerona, kaj ta to niy boua, to je ciekawsze jak ruski film:)

ps

Hanys mosz jeszcze cosik od tych slonzokow z Teksasu mozno?

[hanys_hans]

"..............Uroki rzycio maurzyn´skego........................"

schlesien.nwgw.de/m/Pogodoomy_po_naszymu/Henryk_Konsek.mp3

--------o00o---//{ ´°`(_)´°` }\\---o00o--------

[hanys_hans]

Kule na mole ale rzech sie sam chachnyu tyn Henryk Konsek to byu pszesa kooniorz!

"...o urokach rzycio maurzyn´skego....." bydze uosprawiou Krzysztof Zarymba

schlesien.nwgw.de/m/Pogodoomy_po_naszymu/Krzysztof_Zaremba.mp3

[rita100]

Świetne te gadki, mozna słuchac w czasie innych prac obok komputera :)

[hanys_hans]

" skoondrzes´ je - z opoula! zakurz sie - niy poula! jakes´ psziszou - pszes
poula! za cos´ siedziou - za pistoula! "


schlesien.nwgw.de/m/Pogodoomy_po_naszymu/Gabriela_Dworakowska.mp3

[szwager_z_laband]

jo z Opoula, ty z Opoula
Podz kupiymy se pistoula!

Hanys

[sloneczko1]

dowej dali takie fajne konski --

[hanys_hans]

"...................jako krowa tako dzioucha.................................."

schlesien.nwgw.de/m/Pogodoomy_po_naszymu/Dorota_Sojka.mp3

[hanys_hans]

"................s'loonsko nasza gotka..................."

mitglied.lycos.de/hanyshans/gotka.mp3

[hanys_hans]

"......pogodoomy po naszymu....."

mitglied.lycos.de/beno164/Pogodomy_po_naszymu.mp3

[hanys_hans]

"......pogodoomy po naszymu......"

mitglied.lycos.de/beno164/po_naszymu.mp3

[hanys_hans]

"......rozumie pszic´ ku mie......"


schlesien.nwgw.de/m/Pogodoomy_po_naszymu/Tomasz_Koj.mp3

[szwager_z_laband]

Hanys, nojlepsze je to ze jak zech ostatbio jechou do Monte Carlo to Koj
siedziou zaro czi sice za mnom i rojbrowou tak ze couki bus sie lachou :)))

[hanys_hans]

Jak jeszcze Żydziynta w Palestynie żyli,
To ciyngiym z Filistynami wojna kludziyli.
Fligrow, bombow i kanonow, to sie wtedy niy znało,
Ale czym wojok umioł żgać i prać, na wojna sie brało.
A Filistyni mieli Goliata, olbrzima,
To tyż król ze swojimi lojtnantami,
Ze strachu trzyńśli przed nim galotami.
Łon ryczoł jak Styntor, a pysk mioł jak wrota,
Aż tu od Żydkow wychodzi siyrota.
Dawid mu było na miano. Bez galot, bosy,
Ni mioł ani wideł, ani siyrpa, ani kosy.
Jedno co mioł, to dobre sumiynie,
Zaś w rynce mioł trzi słuszne kamiynie.
Tyn Dawid prziszoł do króla i prawi:
Mości królu, Goliat, tyn soroń, tyn Wos przezywo, Jo sie go niy boja!
Pozwol, królu, a ta wojna śnim na pewno obstoja...
I poszoł. Goliat, jak Dawida łoboczył, Wrzeszczy:
Podź sam yno, ty diosecki najduchu! Dawid na to nic niy pedzioł, Wyciągnył
szlojder, namierził i puściył. Trefiył Goliata w paszczynka. O jeje, jeje!
Krew z gymby i nosa jak z plompy sie leje... I umar tyn „klupa”
Wtedy król do Dawida prziskoczył i padoł: Dawid! Tyś nas wyretowoł...!
I zaroz winym go czynstowoł, A potym go swojim porucznikiym mianowoł...

(Utopek)

www.nowiny.rybnik.pl/index.php?last=&numer=200246&show=artykul&id=1548

[hanys_hans]

schlesien.nwgw.de/m/Pogodoomy_po_naszymu/k.gwozdz.mp3

[hanys_hans]

.....moja starka godali.....

schlesien.nwgw.de/m/Pogodoomy_po_naszymu/Aniela_Langer.mp3

[ballest]

Fajnie godou po slonsku, niy !

[ballest]

Hanys, a kedy jou to mom przesuchac?
Aber DANKE, muszam isc spac !
Szkoda

[hanys_hans]

"...............maurzynstwo to kara za rajski bunt i pokuta.............."

schlesien.nwgw.de/m/Pogodoomy_po_naszymu/Sandra_Grochla.mp3

[szwager_z_laband]

jo zawsze padom "pamiyntej co bunt je karalny!" :))

[hanys_hans]

".................musiou byc szajtel abo broozda..............."


schlesien.nwgw.de/m/Pogodoomy_po_naszymu/Monika_Organisciok.mp3

[ballest]

Hanys nie wsadzej wiyncy jak dwie na dziyn, bo to je trocha suchaniou, wczoraj
uech siedziou do nocy i suchou, fajne to je!

[hanys_hans]

"Równica" z Ustronia

schlesien.nwgw.de/m/Pogodoomy_po_naszymu/Rownica_z_Ustronia.mp3

[hanys_hans]

[Sławek Osadnik (Hajduk)]

Za bajtla na grubie 16.03.2004r.


Połosprawiom Wom trocha, jak we moim przipadku sprawdzioło sie porzykadło:
„mody i gupi”. Tosz tak jak jo i moje kamraty ze klasy mieli my po 13-14 lot,
to wiycie, co takim łeboniom do gowy może piznońć?

Kole Hugobergu jes gruba – dzisiyjszo „Polska-Wirek”. W czasach, kere terozki
łopisza mianowała sie łona:
„Nowy Wirek”. Boł czos w życiorysie moim i moich kamratow, że niy wiedzieli my,
co momy robić na placu i tak my sie szlajali bez celu ze jednego końca Hajduk
na drugi. W czasie takigo szlajanio dolejźli my do Kochlowic i miyjsca,
kaj przi tyj spomnianyj grubie stoły bele jake stare graty. Stoła ci tam na
prelboku staro poniymiecko lokomotywa z 1914 roku i wagon do łodśniyżanio
glajzow ze 1888 roku, co wyglondoł choby pancerwagon. Tosz do nos to boły cuda
techniki! Lotali my tam i skokali po tych „eksponatach” i udowali Indianerow,
co napodajom na cug (kończoło sie to prawie że szarpakom – ale wszyjsko boło
ino tak naskwol). Poleku zaczynało nos tam cosik smyczyć. Łaziyli my tam pora
razy tak skokać - no ja, nale wiela to idzie po wagonach skokać? Prziszoł
momynt, że coś nom do gowy pizło i tak my sie wypokopiyli, że pudymy na teryn
tyj gruby. Jedne sie boli, a druge zajś niy i chcieli iś. W końcu postanowiyli
my, że ta bardzij łodważno i wyrychlato czelodka pudzie piyrszo. Te drugie
mieli czekać we lesie.

Boła zima i wczas sie ćmioło, to dostowali my wiynkszyj łodwagi, bo po jasnoku
to mieli my ij trocha mynij. Jo boł we tyj piyrszyj czelodce. Czekali my, aż
sie zećmi i wlejźli my na teryn gruby łod strony lasu na Hugobergu.
Szli my tak po tyj grubie, aż do miyjsca, kaj leżały kuloki na sztymple. Tam
zaczli my szukać jakisik gratow, coby szło zabrać, jako dowod do kamratow. W
końcu zabrali my gaśnica, coby jakosik to udowodnić, że my do tego miyjsca
dolejźli. Trocha my sie boli, że nos wachtyrze przifilujom i chycom,
ale jakoś udało nom sie dolyjź nazot. Nale niy mogło być tak dobrze – mój
kamrat szkopyrtnoł sie i mu jakesik charpyńcie do rzici wlazły (niyskorzij je
wyciongoł, a rycoł choby bajtlik, że chnet by mu cza nupel dać). Te, co na nos
czekali, byli ciekawe kaj my to byli. No tosz jak my im wszyjsko połosprawiali,
to tyn jedyn, co niy szoł z nami, myśloł, że go chcymy łokminić i pado do
kamrata:

- fajnie mi sam fulosz jak mulorz, a ze zadnij kapsy ci miszong leci.

A tyn, co mu to łosprawioł, bimboł go i pado mu:

- ja, ja, godej mi Lyjo.

Godka sie dopiyro ucholkała trocha, jak my im pokozali ta gaśnica. Potym my tom
gaśnicom śniyg łobielyli,
bo boł corny łod sadzow i zaczli my sztaunować, co teroski śniom zrobić.

Jedyn moj kamrat pado tak:

- sam blisko je Morske Oko (taki mały stow, co jes we srogij dolince po
biydaszybie) to jom tam utopiymy.

Tak tysz my zrobiyli. Lod boł ciynki i gaśnica pultła do wody i poszła na dno.
Jak my przilejźli nazot kole chałpy na Kalina (przi hali „Bartoszka”, co to
jusz boroka je zwalono) paczymy, a Alojz leci choby pogupiały do autobusa 165.
Nojprzod nom sie zdowało, że łon lubi rajzować, nale jakosik nom to niy
spasowało i jo mu rycza:

- te, kaj ty jedziesz?

a łon na to:

- leca, bo jak gliniorze znojdom ta gaśnica, to psy chycom trop i spomiarkujom
sie, że to jo tam boł - to byda mioł w doma przerypane, a tak pojada sie
autobusym i łone tyn trop stracom...

Jeronie, co my sie uśmioli, jedyn bez drugigo godoł:

- przeca łon mo zajoba abo co.

Cołki tyn tyjater sie skończoł, jak mojego kamrata Zeflika bracik z łokna
zawołoł:

- Zeflik do dom, bo matka żurym dzieli.

Tak my sie tysz wszyjscy rozleźli do chałpow. Na bezdziyń, zajś my poszli kole
gruby. Nale teroski poszła ta drugo czelodka, w keryj jedyn moj kamrat - Ywald
tak sie szykowoł do tyj „ekspedycji”: wzion pukeltasza, a wnij taszynlampa i
kust (klapsznita ze tustym, abo z pieron wiy czym, zelter i gorczek i jedyn
magiwyrfel do lizanio), łoblyk sie staro jupa, co wyglondała choby olikmantel
piyrszyj zorty (chyba jom erbnoł łod łojca), staro mycka na palica, stare
galoty – co to w nich mierzoł woda we pywnicy, rozepcone halpki na szwajfusach

– bo chyba łojca niy boło stać na zimowe szczewiki, abo je komuś przekajplowoł
(wszyjsko to po to, coby sie niy zmarasić czystych łachow), jo ino niy wiym, co
łon mioł pod galotami – normalne batki abo dynamowy (jakby to dzisioj pedzieli
boxerki); potym nasztalowoł wajzry we swoim ruskim zygarku marki „Raketa” (a
boła trzićwierci na szosto, nale łon mu i tak wancki cisnoł), forsknoł w grace
i pado:

- mogymy iś!

Te pierony dolejźli jeszcze dalij łod nos, aż do takij srogij i dugij ściany
betonowyj (we tym miyjscu jes uskok terynu, bestosz zrobiyli tam tako ściana –
widać jom jak sie jedzie łod bramy z gruby na doł bez most, w strona rynku w
Kochlowicach), a tam znodli jakesik tunel, co chyba boł zbajslowany jeszcze za
staryj Polski. Ywald jak prziszoł nazot, to zaroski sie tyn zelter z gorczka
szluknoł na eks, a spust mioł taki, że tysz ta klapsznita jednym ciyngiym cołko
zeżar i sie hepnoł (a mioł ci łon spust, bo gymba mioł tako szyroko, że
poradzioł cołkiym srogo ałgustka wciś do tyj japy – PonBoczku, a jakby łon tak
boł dziołchom, to by mu geltaku niy stykło na lipensztift!). Niy wiym ino, na
co mu boł tyn magiwyrfel, bo jakosik go niy lizoł, a zupy tysz niy warzoł
(chyba, że sie go łostawioł na wieczerzo do wodzionki?). Łon poradzioł tela
zeżrić, że czasym matka musiała mu natronu dować, coby mioł lepsze sranie.
No, a skuli tego, że mioł na gyrach te halpki, to łon tak te szfajfusy
uziombioł, że we chałpie musioł szłapy wrazić do waszpeku z gorkom wodom, a
halpki dać na kachlok. Jeronie, niy cza boło dugo czekać, bo jusz na nastympny
roz szli my wszyjscy do kupy. Jak my byli jusz na terynie gruby paczymy, a sam
idom grubiorze corne jak wongel, że ino ślypia mieli biołe. Łoboczyli nos i
godajom:

- chopcy, a kaj wy to idziecie?

A my na to:

- do łojca z wieczerzom...

Nale grubiorze niy dowali za wygrano i padajom:

- tosz tela wos mo łojciec?

A my:

- no niy, ino dwóch mo sam łojca, a ta reszta to kamraty.

Łone sie ino łośmioli i poszli dalij, a nos choby hercklekoty brały. Idymy
dalij i ustalomy, co bydymy robić, jak nos wachtyrze zoboczom. Moj kamrat
Paulek pado tak:

- nojlepij bydzie, jakby tak nos zoboczyli wachtyrze, jak kożdy poleci w swoja
strona, coby te wachtyrze niy wiedzieli kogo majom nojprzod chytać. Wszyjscy do
kupy my sie z tym zgodziyli. Jak my jusz byli blank blisko tego tunelu paczymy,
a sam leci ku nom dwóch wachtyrzow i ryczom:

- wy pierońskie łebonie, doczkejcie ino jak wos chycymy, to wom nogi z rzici
wytargomy. Jeronie to ci boła opresyjo, my choby w pysk dostali, no i teroski
co? Cza citać, bo jak nos chycom, to nom nazgrzitajom! Jak jo słyszoł ryk –
jezderkusie! tosz drapko żech sztartnoł w strona płota i ani sie niy łoglondoł
za sia. Leca choby gupi, w końcu jes płot, chytom i tom mojom jednom rynkom
rach - ciach i jużech boł na drugij stronie. Wtynczos pacza do zatku, a sam
gzujom moje kamraty, choby stado baranow – wszyjscy w jednyj kupie. Jak łone
sie ciepli na tyn płot, to jo myśloł, że łon sie zaroski zynknie. Jedyn bez
drugigo po tym płocie, a te larmo i przezywanie łod ciulow. W końcu wszyjscy
przeleźli na drugo strona, nale jedyn mioł pecha bo bez cufal dostoł w szłapa z
luftbiksy nabojym gumowym i musioł peramt z kamratym do chałpy iś. Jak my
przilejźli na plac na Kalina, to mioł jusz ta szłapa spuchniono choby kalfas.
Boł to moj kamrat Antek. Boł sie iś do chałpy, bo wiedzioł, że bydzie mioł
chaja (łojciec sztryng czimoł we familiji). W końcu sie przemog i poszoł.
Musioł łon ci gryfne bery łojcom łosprowiać, skoro mu dali wiara

[hanys_hans]

[Sławek Osadnik (Hajduk)]

Musioł łon ci gryfne bery łojcom łosprowiać, skoro mu dali wiara (a boł śniego
miglanc). No, ale Antek boł na jakisik czos uziymiony, bo zołwizoł dostoł
sztuba, a szłapa mu sie gojoła poleku. Bez cołki nastympny dziyń niy poszli my
na gruba. Stoli my w ajnfarcie i spominali łoński dziyń. Wszyjscy zgodnie
pedzieli, że niy umiom spokopić, jak jo bez jednyj rynki, mog sie tak wartko na
płot pospinać? Mie chyba tyn strach dodoł krzideł, że jo prawie furgoł (a niy
boło ci wtynczos jeszcze Red Bulla w delikatesach u Mzyka, bo tak po prowdzie
to we sklepach gówno boło).

Ale tref z wachtyrzami, to i tak niy boła do nos żodno sromota. Minoły jakeś
dwa dni i postanowiyli my zajś ruszyć na gruba. Wziyli my taszynlampy i poszli.
Mieli my pieronowe szczyńście, bo niy boło tych wachtyrzow i nikt nos niy
szterowoł. W tunelu boło ćma choby u nyjgra w rzici (chocia jo nigdy u nyjgra w
rzici niy boł), nale mieli my te taszynlampy i włażymy. Driny leżały jakeś
stare glajzy z pult-bany i tracioły sie za winklym. Poszli my za tymi glajzami
za winkel i w sumie przelejźli my chyba ze 250 metrow a sam „zawał” i my
zahaltowali. Co teroski? Jedyn moj kamrat wpod na „cudowno myśl” i pado:

- a możno by tak przismyczyć sam ze dwie hercowy i przekopać sie na drugo zajta?

A my (ta reszta) choby take pofyrtańce, godomy mu:

- no ja, to je blank dobre, chopie tyś to wyforsztelowoł...

Niy cza boło dugo czekać. Na bezdziyń szli my na gruba z dwiyma hercowami. Po
drodze zajś nos widzieli grubiorze, nale byli daleko i niy poradziyli sie nos
spytać kaj my to idymy z tymi hercowami w zima? W końcu dolejźli my do tego
tunelu, wlejźli rajn i stanyli przi tym „zawale”. Te piyrsze jusz
napoczli „fedrować”, nale w końcu jedyn z nos (jusz niy pamiyntom fto – bo
wiycie, skleroza) pado:

- te, a jak nom sam tompnie jeszcze roz i nos przisuje, to łostanie z nos masny
flek i hołzyntregi, abo łodetnie nom droga, to fto nos sam znojdzie i przidzie
nom na retong?

Wtynczos my dopiyro zaszaltrowali nasze palice, że przeca godo prowda.
Tak tysz my pociepli te hercowy (chyba leżom tam do dzisioj) i wylejźli ze tego
tunelu. Jak sie to teroski tak spomna, to richtik by nos do dzisioj niy znodli,
tym bardzij, że nikt niy wiedzioł, że my tam idymy. Nale to jeszcze niy boł
koniec. Jak my wyłaziyli ze tego tunelu to paczymy, a sam pora metrow dalij jes
jakoś drabinka, co idzie aż do połowy wysokości tyj betonowyj ściany, a tam
boło jakeś wejście i wlatywały do tego dupne ruły. Boło jusz niyskoro i my
musieli iś do chałpy. W drodze do dom gowy mieli my połne duperszwancow ło tych
rułach, drabince, itd.

Bez pora dni mieli my ruła choby z żeleźnioka i niy chciało nom sie iś na gruba.
Prziszoł jednak czas, że ruszyli my zajś. Jak zwykle – taszynlampy do kabzy i
raus. Bez szterowanio dolejźli my do tyj drabinki i pospinali do gory.
Przeciśli my sie miyndzy rułami i wlejźli rajn – a tam tunele. Łoświyciyli my
taszynlampy i poszli dalij. Jedyn moj kamrat, Adam, to boł taki bojonczek
wystraszony jak zelter, że moimu kuzynowi chnet by rynkow urwoł (a mioł ci łon
siła, bo mu mutra dowała jeś na śniodanie hawerfloki, a beztydziyń na łobiod
oberiba abo ajnlauf i w tygliku sztamfkartofle, a we niydziela nudelzupa,
kloski, modro kapusta ino bez roladow, bo wtynczos miynsa niy boło u masorza),
a ze makowy mu pot lecioł choby woda z kokotka. Boło widać, że te tunele jusz
kupa lot niy boły łodwiydzane i z jednego rozwidlały sie inksze. Tak na zicher
zakrymplowali my sznorek do jednyj ruły i poszli my po tych zakamarkach.
Tak idymy tymi tunelami i słyszymy coroz wiynksze larmo. Jak my byli jusz blank
blisko paczymy, a sam siedzi na hokru grubiorz w hełmie i w suchawkach na gowie
i obsługuje taśmociong z wonglym (boły ci tam tysz jakesik inksze fizmatynty).
Jeronie my sie tak boli, że jak nos chycom to nom szmary dajom podug lot, że po
tym sznorku gibko nazot my przilejźli, po drabince i w strona chałpy.
Adam wyglondoł jak wypluty kanold - boł cołki bamontny z tego strachu (choby
szcziga zoboczoł) i chnet by go kopszelont chycioł, a moj kuzyn zajś furgnoł
(szczeloł gryfny sztelong) i stracioł jedna makowa – poza tym boł łobkulany ze
ciaplyty. Niy wiym na kogo łon sie podoł, że taki śniego szpotlok. Chcioł sie
te łachy pościyrać, nale mu niy wylazło. W drodze do chałpy ształnowali my, co
bydymy godać naszym łojcom (że niby kaj my byli). Tradycyjnie ugodali my sie,
że jakby co, to my byli u naszego kamrata Wilusia. Jakoś nom to niy pomogło...
Jak stoł przed drzwiyrzami, to matka paczała bez kulkok i go niy poznała, bo
łon ci boł taki ufifrany. Potym musioł mutrze fanzolić, że u Wilusia na placu
sie łobaloł i niby niy wiy kaj je ta makowa. Ale i tak mioł chaja w doma i
dostoł szmary, beztosz, że boł zmazany jak świynto ziymia (a mutra go dycki
gryfnie łoblykała – boł ci łon wysztiglowany, łoberchymda wybiglowano, kragel
sztywny jak umarlok, szajtel na wosach gynał na postrzodku palicy – a sam mosz,
taki ciarach). Ciotka musiała potym omszlag dać sie na swoja palica,
bo jom miała gorko łod tyj breweryji.

Na bezdziyń na placu spominali my przipadek Adama i śmioli my sie jak
pofyrtane, a łon prziloz ku nom i jak to słyszoł, to sie rozhajcowoł i pedzioł
nom, że mogymy mu skoczyć na pukel, wzion graczki i poszoł na swoj plac.
Nale jakosik my sie śnim potym dogodali, chocia chichrali my sie śniego dalij i
ze tych jego makow, co je mog wciepnonć do szlojdermaszyny. Ze tym jego
pocyniym, to łon mioł richtik łostuda. Na lekcji rechtorka go wziona do
łodpowiedzi, a łon stoł borok kole tabule i pot mu kidoł ze gracow na zol tak,
że jakby mu podstawiyli giskana, to by dobrego nawozu naszporowoł
(mog by niyskorzyj iś na torg na Barsko i to skalić). Ale tak to je, jak sie je
yjzlym i cza ształnować przi tabule, coby sam pedzieć. Co do makow zajś, to
spomnioł mi sie taki wic. Skuli tego, że jo niy mom jednyj rynki, to bez zima
moje kamraty mieli zymnom dycki komedyjo, no bo jak prziłaziyli na plac, to
ściongali ze prawyj gracy makowa, coby sie prziwitać, a jak dołaziyli do mie,
to musieli tysz drugo ściongnonć. Potym na mie ryceli, że skuli mie zimno im we
dwie grace, a niy we jedna. Niystety, jo niy mog dalij łazić na gruba, bo żech
boł w niymocy i słaby jak cwist, a moje kamraty tysz jakosik bezymie niy
chcieli tam iś. Jak sie skończoła zima, to my jusz tam niy łaziyli, bo po
jasnoku niy mieli my łodwagi, a w nocy tysz my niy mogli łazić do chałpy, bo
sztuba pewno.

Zbliżoł sie koniec szkoły (8 klasa), potym wakacje i średnio szkoła.
Tosz my jusz byli za srogie pachoły, coby na gruba łazić i tak sie skończoła
naszo przigoda ze grubom „Nowy Wirek”. Teroski jak sie czasym trefiymy, tzn. jo
ze swoimi kamratami i spominomy nasze przigody na grubie, to momy richtik
uciechy na dwa miechy.

Nojlepij boło, jak w naszyj szkole (nr 34 na Kalinie) jedna frelka – Gryjta - z
naszyj klasy, pytała sie kamrata czy ij pszaje, a łon pado, że ja, nale jeszcze
mo inkszo miłość; to Gryjta dostała jusz sztich do haji i wnerwiono pado:

- a co to za jako?

a łon ij godo:

- GRUBA....

Tosz wiycie – drogie czytelniki – som fale, cufale i durchfale i to,
co sam żech Wom naszkryfloł, to je cołko prowda, a niy żodne bery - ino miano
żech moim kamratom zwekslowoł,
coby mi kejsik niy nazdali, a i trocha żech ausdrukow do chichrania sam wciep.

To by boło na tela

[szwager_z_laband]

ciekawe eli to je tyn od Uli Osadnik :))

[hanys_hans]

WSPOMNIENIE PO NASZYMU
(Henryk Polok)

Jak zech byl bajtlym w klipa my grali,
W kestel czy fosbal, w palanta,
A wieczór razym wszyjscy spiywali
Na Wiyrku, na lawce, na plantach.
W zima szlynzuchy abo holcoki
I jazda za autobusym,
A w nosie spiki jak dwa lizoki
I ciegiym zmarzniyte uszy.
W hotelu naszym byli Gorole
I czasym sie dzioly numery.
Jedyn roz Gorol miol bula na czole
Innym zas razym Hanys L-cztery.
Potym na „Wandzie” fest fedrowali,
Nosili kapy i ringi.
U „Jana” z piwa kufle czaskali
I za to placiyli dziyngi.
Na holdzie starzik puszczol mi dracha,
To miol uciecha jak dioski.
Roz zamiast w góra wpod mi pod pacha,
Ludzie sie smioli zaroski.
Teraz na Wiyrku inksze som czasy,
Inksi tyz calkiym som modzi.
Durch ino dzinsy czy adidasy
I byle sie czym niy dogodzi.
To byly lata, to byly czasy,
Wiyrek to gryfno dzielnica.
Niy trzeba bylo jezdzic na wczasy
Bo styklo isc na „Strzelnica”.
Na tym basynie bajtle po nagu,
A baby i frelki w halkach.
Chlopy zas tak jak w filmowym gagu:
Na dece, w fuzeklach i sztrajfkach.
W Rudzie tyn folklor wartko wymiyro
I nic na to niy poradzymy.
Wazne by ludziom sie nie zaciyrol
Lobroz ze sciany matczyny.

[szwager_z_laband]

Cymbergaj i inksze

Pyrsk Pierony !

Cymbergaj

Dzisiej chciolech Wom przipomniec jedyn szpil, kery juz chyba je prawie
zapomniony. Pamiyntocie cymbergaja ?! To je domie nojbardziyj slonski szpil,
wiyncyj slonski jak szkat. Ale szkata to grali wielke Pierony, a bajtle mieli
swoje szpile. Mysla tysz, co cymbergaja grali (grajom) niy ino bajtle. Wiela
razy za bajtla siedzieli my colki dziyn (we zima) u keregos kumpla w piwnicy
(kaj my se robiyli klub - tak my na to godali) i grali tyn szpil. Szpasu bolo
tela ze niyroz na drugi dziyn zamiast isc do szkoly to szli my na blauka coby
pograc w cymbergaja. Ja, tak to kedys bolo, a potym zaczli chopcy wyjyzdzac do !
Rajchu! i poleku sie juz zodyn niy ostol, kery by to jeszcze grol. Dzisiej som
te Air- Cymbergaje, ale to juz niy robi tela szpasu. Mysla, co mozno sie werci
tukej konsek przipomniec, jak to sie gralo i robiolo samymu tego cymbergja. Dyc
przodki trocha o tym jak my to se rychtowali tyn szpil.

Kozdy plac robiol to trocha inaczyj, chocioz niby tak samo. U nos bolo to tak :
Plyta do grania musi byc fest gladko, coby szlo grac bez sztopowania. My jom
robiyli tak kajsik na meter dugo i na 60 cm szyroko. Banda bola kole 2-3 cm, a
budy (sam boly nojwiynksze roznice) kajsik 5-6 cm wielke. Budy robiolo sie ze
supkoma, kere mogly byc z fajnego, prostego drota. Niy robic je za wysoke, ino
trocha wiynksze od bandow. Nec robiyli my wtedy ze staryj sztrumpfy od oumy ,
ale dzisiej som dycki fajniejsze "nece". No ja , i niy zapomnijcie o liniach
takich jak na normalnym fuzbalplacu . A terozki o tym jak my to grali tego
szpila, kerymu je cymbergaj. Do wiela punktow bydziecie grac, to sie zaro na
poczontek musicie ugodac. Ciepie sie piyniondzym, kerym sie gro, tak jak sie
kedys ciepalo we fuzbalu, coby wiedziec kery mo zaczynac. No ja, polowa je
egal, bo sie i tak w pauzie poradzicie zmiynic. Gro sie dwoma "zlotkami" (tak
bolo wtedy), a za bala brali my "cita" (10 groszy). Fuzbalery boly ruszane
(tukej kozdy miol swoj prywatny, wyprobowany patynt) jakoms plytkom plastikowom
(4*2 cm).

Niykere brali piorko od gitary - to byli te kere poradziyli grac na gitarze, a
niykere maly grzebiyn - ale tego my niy uzywali, bo my sie juz uwazali
za "profi". Szczylali my, kozdy roz, chyba ze sie trefiolo swoim "zlotkym" we
fuzbalera od tego kery bol przeciwnikym . Jak sie trefiolo tego przeciwnika
zamiast bala, to to bol faul i tyn drugi miol dwa ruchy. Szczylalo sie abo
normalnie "zlotkym" w bala (cita), abo ze odbiciym o banda. Profi szczylali tak
jak we bilardzie i to bol nojwiynkszy szpas. Elwry my robiyli tak , ze tyn co
szczylol i budziorz za zasloniyntymi ryncami ustowiali swoje zlotki i tak jak
je nasztalowali (richtunk) tak tysz musieli potym szczylac. Jak kerys sie
szajsnol i szelol w inkszy richtunk, to gol sie niy liczol i elwra niy szlo
drugi roz szczylac. Aus bol wyciepywany z tyj szteli kaj bal wyleciol, ale
musiol byc z odbiciym o banda. Dzisiej czytolech we Inecie, ze som przepisy i
wymiary blank dokladnie, ale to se kozdy poradzi som znalysc. mie sam idzie o
te cymbergaje, kerych juz niyma - abo ? Jak kerys pamiyntocosik wiyncyj, abo
lepiyj to niych szkryknie i sie podzieli z inkszymi Pieronami colkim tym
szpasym, kery on miol przi tym naszym szpilu kerymu je cymbergaj. Jeszcze jedna
rzecz - czamu to sie nazywo cymbergaj ? Jak kerys wiy to je dobry !

Citki i duca

Jeszcze cosik sam cza spomniec. Za bajtla sie gralo tysz w "citki" (wczesniyj
niykere na to godali pinkanie) . Gralo, to je za malo pedziane, to cza pedziec,
sie gralo jak pieron ! Boly citki (10 gr) i inksze piyniondze, ale mieli ino
interesa do citkow. Kozdy miol ich polno kabza, bo sie szlo z nimi fajnie
pograc. Najprzod Wom opowia jak my grali w "citki pod sciana". Kozdy ciepol ze
lini, keryj za pierona niy szlo przynsc, citkom pod sciana, a tyn kerego cita
bola nojblizyj sciany ciepol potym ostatni. No to sztart ! - kozdy ciepol wele
raji, a tyn kery ciepnol nojblizyj sciany brol wszyske piyniondze na rynka i
przeciepywol czi razy z jednyj strony dloni na drugo i wiela kto na koniec tych
citkow chyciol to tela bolo od niego. Potym kej sie cosik ostalo to bol tyn
nostympny dran, itd . Jak kery ciepnol pod sciana tak co jedna cita legla aby
konsek na drugyj, to abo mog wszyske piyniondzole zwinonc (wzinc) do kabzy abo
(drugi wariant szpila) ciepol "na rynce" za piyrszego. Drugi szpil my tysz za
bajtla grali to bola "duca". Tukej szlo grac ino na twordyj ziymi, w keryj cza
bolo wyszkrobac (nojlepiyj starom lyzkom) dziura (duca). Ta duca bola kajsik
miyjwiyncyj 7 cm szyroko i tela tysz glymboko. Rand musiol byc fajny okrongly i
rowny. Ciepalo sie tyszze lini (jak daleko to sie szlo ugodac) tak coby trefic
rajn do tyj ducy, abo byc od niyj jak nojblizyj. Reszta bola tak jak
w "citkach" pod scianom. Bol jeszcze wariant tego, kery grali mynsze bajtle -
zamiast ciepac "na rynce" to sie pstrykalopiyniondze do tyj ducy. Szlo
pstryknonc abo wele raji tego kery bol nojblizyj od dziury tak dugo aze sie niy
trefiolo. No ja, mozno to juz styknie tego spominania co my to za bajtla za
szpile mieli. A mozno kerys tysz se mo lust cosik pospominac i szkryknonc ?
Zaproszom i mysla, co nasze bajtle sie znos niy za fest bydom smioc jak to bez
cufal poczytajom. Na szlus maly konsek odymie.

Bajtle

Kej my jeszcze bajtle byli
I do budy juz laziyli
Kozdy z nos miol pukeltasza
A dziurawo z galot tasza
Na niydziela glancszczewiki
Pucowali my Karliki
W doma swoje ryczki mieli
A na placu durch gupieli
Mlyko piyli my ze szklonki
U Szmatloczki rwali ponki
W lato ino fuzbal grali
Zima za to sie kiouzdali
O nic my sie niy starali
Fatrom zas po nerwach grali
Fajnie nom sie dycki zolo
chocioz richtik biydnie bolo
Dzisiej zato sie martwiymy
Czi sie z wszyskim wyrobiymy
Choc nom nic juz niy brakuje
Ab und zu nos serce kuje
Jak spomnymy bajtlow lata
Toc widzieli ma hrom swiata
(A) kozdy wzion by juzas bala
I wykopnol az na "klara"
Kozdy zagrol by zas klipa
A ze smalcym zjod se sznita
Bezto koncza juz i ida
Z synkym zagrac - szczaskac szyba .

ab und zu (czytej ab und cu) - od czasu do czasu .
Szmatloczka - moja somsiadka ze ulicy na keryjch miyszkol.

No to by bolo na tela i

Pyrsk !

Szwager

[dede99]

Szmatloczka - moja somsiadka ze ulicy na keryjch miyszkol.

Pyrsk !

Szwager
Szmatlok - Haderlok.

[szwager_z_laband]

wiym:)

ale jyj bouo Szmatlok:)

[szwager_z_laband]

abo Szmatloch - juz zaczyno mi sie to wszysko zapominac poleku :(

[rico-chorzow]

Serwus Szwader,pamiyntos tyn szpil,co siy rypuo pijondzym(piyńciok szou
nojlepszi),ceguo we murze,jak siy tyn nazywou?

[szwager_z_laband]

niy:( jakos niy kojaza

[rico-chorzow]

Ale wiys uo co mi idzie?,mje prziszuy - fynole -,yno niy wiym cy richtich.

[rico-chorzow]

Ach,by'ch zapomniou,szuo grać tysz na duca.

[szwager_z_laband]

ja duca znom, ale tego cos przodki padou to chyba niy - opisz to jakos mozno
krotko:)

[rico-chorzow]

Biou'ś mincom (najlepsze bouy te stare,Bismarcki eli Adofy itp.,bouy
cinszke,daleko cionguy,rzodyn nie umiou Ciy dostać) uo ściana ale yno ze
ceguy,drugi tysz biou uo ściana i probowou jak nojblirzi ku Twoi mincy,potym siy
mierzouo palcami uod rynki,np.:miyndzy mauym a kciokym bou ceski jak fto woli
cita,miydzy kciokym a ringfinger 2 ceske itd.,jageś tak blisko prziszou ze
Twojym pijondzym,coś kciokym je umiou pouoncyć,to bouo te nojwysze i wygrou'ś
zuotka.

[szwager_z_laband]

ja pamiyntom:9 - tego bouo wiyncyj wariantow

[rico-chorzow]

Niy -pod ściana- yno uod ściany,tymi ciynszkymi biouo siy uo ściana coby siy
uodbiouy.

[rico-chorzow]

Nakuadka,bou u nos dopyldeker.

[hanys_hans]

www.iwona.bazzar.pl/?id=1&idSub=gwara/gwara.php&nazwaSub=scenka2.txt

[Iwona Krupa]

Scenka napisana przeze mnie i uczniów zaprezentowana na IV Powiatowym Konkursie
Gwary Śląskiej O Ślązaczkę; Racibórz 2004 (uczniowie zajęli w tym konkursie II
miejsce)


* E! Co użeś wyczytoł w tyj gozycie?
* E... tam Zaś chcom ludziom wcisnyć jakiś kit, że jak wleźli my do tyj
Unii, to nie bydzie bjydy.
* Ty yno ta polityka czytosz, a i tak nic z tego nie wyczytosz.
* Wola ta polityka, a ni tak jak ty i Agnes. Zygowek na fensterbret i
lygocie se abo przy płocie stoicie i wyglondocie na droga. A Agnes to tako uż
masno, co połne łokno szczynścio, a wiela larma robicie jak eszcze ta Frida od
masorza przidzie... Jedna przez drugom łobgadujecie każdygo, co pod łoknym czy
płotym przelezie!
* A widzisz, Agnes mi wczora pedziała, że Francek, wiysz, tyn od cwilingów,
żyni się z tom, e...., wiysz, cera od Pytlika, Baśkom!
* Baśka? To ta chudo szpindla, co mo za krótko kecka?
* To ty uż na jyj kecka zaglondosz? A kajś ty dzisio po robocie tak dugo był?
* Na piwo my z Antkiym do szynku weszli, bo hyc jak nie wjym.
* Ja?! Jo ci dom na piwo po robocie łazić! A jo tu łokna opucowane i czekom,
żebyś mi pomóg gardiny zawiesić , w końcu przyjechała Greta i jak my się wziyły
za sprzątanie to....
* Dyć przecie w chałupie mosz dycki czysto i fajnie narychtowane.
* Ja! Wszyscy wiedzom, co Ślonzory to czyste i robotne baby i żodnego marasu
w chałpie nie cierpiom. Ale te gardiny to uż ni ma fajne, Danka se kupiła takie
moderne...
* E... tam
* Podziwej se na ta staro heksa, ta uż nie wiy co na siebie nazuć, dyć tako
czerwono jakla to na modo pasuje, a nie na taki stary raszpel! Ale czy to ni ma
aby....?
* O! Witejcie, mamusiu! Ja Hajdla doma, uż wom łotwiyrom dwerzi.
* No to jo może pójda kawa zrobić, dobrze, żem tyż kołocz wczora upiekła

[hanys_hans]

www.iwona.bazzar.pl/?id=1&idSub=gwara/gwara.php&nazwaSub=scenka1.txt
Byłech na robocie w Rajchu
Scenka w gwarze śląskiej zaprezentowana na V Powiatowym Konkursie gwary śląskiej
(uczniowie zajęli tej scence i znajomości gwary śląskiej II miejsce)


Mateusz:
Byłech na robocie w Rajchu i bydzie ze trzy dni, jak zjechołech na urlop.
Myślołech, że se trocha odpoczna a tu mnie łod razu baba do roboty zagoniła. -
Wiosna - godo - Podziwej Se - Alojz (znaczy se nasz somsiod, masorz) uż mo
wszysko na zagrodzie narychtowane, a my eszcze som w lesie.
Skond u moi stary tako godka to nie wiym ("w lesie")! Jo by powiedział prosto:
do zadku! No ale ona moc cajtungów czyto, chyba s tego... Szkoda, że nie
wyczytała tam: "robota nie zajonc..."
Jak trza, to trza - myśla se. Rano, eszcze poranno kawa nie zdążyłech se napić a
tu przyjechała tanty Erika z flancami (tanty Erika mo wielko szklarnio i dycki
od nia flancy bierymy). Do połednia my sadzili szałot na zagrodzie. Potym eszcze
trza było pobielić stromy i połobcinac gałynzie.
No to żech się zmachał. Na szczynscie uż był obiod. O... moja staro rychtig
dobrze warzy, akurat uwarzyła to co jo lubia � rolada ze szpekiym, palce lizać!
A po takim jedzeniu to se trza legnyć. Piynkno pogoda była to poszłech do
altanki. Przeszłego roku my ta altana z synkiem wyrychtowali. A co tam! somsiady
majom, to my gorsi?! A tako altana to rychtig fajno rzecz! Bez lato ciepło,
rożno i moja Dorka na leżaku... Rozmarzyłech se a tu ktoś gwizdo za płotym.
Alojz mnie uwidzioł i przyszoł sie przywitać. I tak my se witali do wieczerzy.
A teroz to jo się trocha boja is du dum...
Ewa:
- Pyjter! Pyjter!
Mateusz:
- Rany Julek! Dyć to moja Dorka!
Ewa:
- E! Z kim ty tu znowu godosz?! Cudzym ludziom o naszych problemach opowiadasz?!
Do spanio, bo rano wczas trza stować! Robota se chytać, szlema przywieźli! Znowu
bydziesz fanzolić, że cie klapeta bolom!
Mateusz:
- Ida, uż Ida! No to teroz pamiyntejcie: kto chce się roboty naumieć, na Ślonsk
mo przyjechać! Nie darmo Gorole godajom: Muter, sprzedajcie konia, kupcie se
Ślązoka!

[szwager_z_laband]

tyn "rany Julek" to je chyba kajs z podle Warszawy, ale te "klapeta" som
elegancke:))