hanys_hans
06.05.07, 11:48
Miroslaw Klose!!!
Malo biografia jednego slawnego slonskigo synka ...
Klose
Nasz chop, Mirek Klose, urodziol sie 9 czerwca 1978 w Opolu, na Slonsku.
Ojciec Josef tyz bol fussbalok, a grol w "AJ Auxerre" (kaj to genau je to wom
tak drapko niy powiym). Jego mutra Barbara tyz z ballem miala cosik
doczyniynio ino ze ryncznie i grala w polskiyj druzynie narodowyj.
Jak Mirek miol osiym lot to calo ta familijo wyjechala, nojpiyrw do Francji, a
potym do Rajchu. Poczontki to miol tyn nosz synek niy lekke: ze biydok tak
richtich jeszcze po niymiecku godac niy umiol to go przeniysli z czwortej do
drugiej klasy.
Ale kedys sie tam jakos juz nauczol i zaczol kopac ball w SG
Blaubach-Diedelkopf, a od 1998 jako mody synek w FC Homburg. W kwietniu 2000
zagrol piyrwszy spiel w Bundeslidze. Do sezonu 2003/2004 grol w 1. FC
Kaiserslautern, ale lebry zbankrutowali wiync Mirek przeniosl sie za piync
milionow euro do SV Werder Bremen kaj mo jeszcze umowa do 2008. W sezonie
2005/2006 zrobiol w 26 spielach 25 torow w Bundeslidze i beztuz zostol krolem
szczelcow. Tak wogule to Mirek zdobol 84 tory w Bundeslidze i je on nojlepszym
niymieckim szczelcym w 21 wieku.
Piyrwszy spiel w niymieckyj mannschafcie zagrol sie Mirek 24 marca 2001 w
Leverkusen przeciwko Albani. Wciepnol na krotko przed koncym jedyn tor i
Niymcy wygrali 2:1. Tyz 2001 przyjechol do niego Jerzy Engel i chciol go
przegodac na polski fussball. Mirek jako patryjota odmowiol.
Na majsterschaftach 2002 w Japoni zrobiol do Niymcow piync torow, a wszyske
gowkom, co sie jeszcze nikomu innymu przed nim niy udalo. Za to wszystko
dostol "Silbernen Schuh" czyli srebrny szczewik.
W Portugalji 2004 za duzo sie niy pogrol bo bol kontuzjowany. 2005 tyz niy bol
do Mirka za piynkny. W Confed-Cup wcale niy grol a potym tyz mu nic niy
wychodziolo.
Na tych majsterschaftach 2006 trocha lepiyj to wszysko leci i Mirek szczelol
jak na razie piync torow: przeciwko Costa Rica, w swoj 28 geburtstag trefiol
dwa razy, Ekwadorowi wlol tyz dwa a Argentynie jedyn. Je na razie piyrwszy na
liscie krolow szczelcow.
Klose je juz hajtniynty, z zonom Sylwiom mo dwoch bajtli, blizniokow: Luan i
Noah. Calo ta familia tera miyszko w Bremen-Oberneuland.
Mirek mo, jak kozdy pozondny Slonzok, dwa paszporty: jedyn czerwony, a drugi,
no, tyn inny ... Czynsto jezdzi na besuch do Opola, a z kumplem Podolskim godo
na fussballplacu ino po naszymu.
Lubi kotlet z indyka z kartofloma, rap i hip hop.
www.dramatal.de/mediapool/42/421841/data/dramatal_miroslav_klose_biografie.html
