Na Wilijo

22.12.05, 19:06
"(Narrator)
Jako z Maryjôm naszôm sie stało
Co modo frelka Syna poczyła
Niychej wiy ło tym i ziymia cało
Z Pônbôczka woli brzymiynnôm była
Toż Zefel stolorz wziôn jôm za ślubno
"Syn Dawidowy" śnik tyż mioł taki
W kerym klarowoł mu anioł rôwno;

(Anioł)
Niy som na darmo te wszyske znaki
Ty dlo Jezusa rodzicym bydziesz
Przeca żeś chopym niy belejakim
Z Immanuelym do Nieba przidziesz

(Zefel)
Toż môj aniele niych to sie stanie
Ślubnôm mi ciyngiym Maryjo czysto
A jak już przidzie jyj rozwiônzanie
Pszoć tako byda - rzecz łoczywisto

Jezusiczkowi co sie narodzi
Z cołkiych siył swojich zastômpia Pana
Tako mi słudze przijôńć se godzi
Ta wola bosko - jak yno wstana

(Narrator)
Chnet czas registru prziszoł rzymskigo
Zefel z Maryjôm już we Betlyjym
Sie spodziywajôm szczyńścio swojigo
Dyć tu ze ańclom wiela mecyji

W stajynce tako kôntek swôj majôm
Tref? – Przeznoczynie co im pisane
Świynto Familjo – choć fest sie pszajôm
Dzieciôntko w biydzie na świat wydane.

(Kacper, Melchior, Baltazar)
Toż nôm we łoczach gwiozda durś blyszczy
Do krôla drôga wskazuje
Narôd żydowski z Niym wiela zyszczy
Zdo sie – już ziymia to czuje

Arcykapłany – czy drôga znocie?
Kaj Krystus se wôm narodziôł?
Dobro nowina dlo nos już mocie?
Cud ty Judeji przigodziôł?

(Herod)
Co to za myndrce? Kogo szukajôm?
Krôlym Judeji jo tako!
Bojaźni w sercu łôni niy majôm?!
Dyć zowdy niychej jednako

Tôż tyn môj narôd mie słuchać bydzie
W utropie jako w radości
Niy?! – Dyć mu richtich z tym gorzi przidzie!
Wiela krôlewskij môm złości!

Hej – sługi moje! Myndrcôw mi dować!
Niychej łopytôm se gości
Cygaństwo abo jakosik zmowa?
Kto mie łodbiyro wielkości?!

(Narrator)
Jako rozkozoł tako sie stało
Już isnych wiedôm mu sługi
Dostojność jejich aż błyszczy cało
Dyszkurs niy bydzie za dugi.

(Kacper, Melchior, Baltazar)
Herodzie – gwiozda niy łocygani
Do krôla świata nos wiedzie
Ćmok przidzie - łoko sôm połôż na ni
Judzke Betlyjym na przedzie

W niym se dokôno co przeca musi
Tôż ziymia kwiycie wydowo
W pszoniu nojwiynkszy – grzych go niy skusi
Śmiertelny Bogym sie zdowo

Kraj twôj szczyńśliwy niych se raduje
Sôm Stwôrcy tako złôż dziynki
Uwiyrz jak tego niy forsztelujesz
Skôńczôm sie wieczne nôm mynki.

(Herod)
Toż roztomili idźcie szukejcie
Recht co to musi być cudo
A jak znojdziecie znać drapko dejcie
Bych sôm z pokłônym se udoł.

(Kacper, Melchior, Baltazar)
Panie Judeji - niychej sie stanie
Tôm samôm drogôm wrôcymy
Byś tyż môg zaczôńć te fajrowanie
Wszysko ci chnet łopowiymy

(Narrator)
Toż do Betlyjym w kôńcu ruszyli
Stajynka i żłobek znodli
Kaj już pastyrze nojpiyrwyj byli
Dzieciôntku dary pokłodli.

(Kacper, Melchior, Baltazar)
Maryjo gryfno i Zeflu zocny
Z wôs świynto już familijo
Dzieciôntko zesłoł Pôn Bôg wszechmocny
Szczyńście – niy jakoś mecyjo

Tu pokłôn Jymu my złożyć prziszli
Gwiozdka nos wiôdła do Niego
Ano żył nojprzôd we naszy myśli
Dzisioj widzymy Isnego

(Maryjo)
Myndrce ze wschodu a wpiyrw pastyrze
Dzieciôntko Boske witajôm
We żłobie dzisioj jego jest lyże
Dyć przeca wiela mu pszajôm

Zdo sie - w świat idzie dobro nowina
Ło cudzie w małyj stajynce
Boże w łopiece miyj mo Dziecina
Durś Twoje czim nad Niôm rynce.

(Zefel)
Toż dejcie dary wele Jezusa
Łodpoczońć w stajni tyż chciyjcie
Posłać w barłogu wôm jednak musza
Biyda - tu spanie se miyjcie

(Anioł)
Kacprze, Melchiorze i Baltazarze
Misyjo waszo skôńczono
Już historyjo tego niy zmaże
Co Bôg w Betlejym dokônôł

Zowrôćcie do sia – mińcie Heroda
Niy paczcie danego słowa
Bo ze tym prziszłaby wiynkszo szkoda
Choć krôl - zowistno mo gowa.

(Narrator)
Jak aniôł pedziôł tako sie stało
Myndrce już do sia wrôcajom
Heroda mynczy zaś richtich małość
- Ciyngym złe myśli ścigajôm.

A wele żłobka dali jest radość
Aż prziszôł tyn co mo piôra

(Anioł)
Coby złe tukej niy miało zadość
Zefel – se wybier za gôra
Niy yno jedna – za rzeki pola
Słônko z miesiônczkiym niych wiedzie
Anô – ci Egipt terozki chwola
Prowodź familjo na przedzie."
    • broneknotgeld Re: Na Wilijo 22.12.05, 19:06
      (Herod)
      Kaj sôm te myndrce? Downo być mieli!
      Wieść ło Dzieciôntku prziniyśli?!
      Czekôm jak gupi w ty moji szteli
      Możno z Judeji już wyszli!

      (Sługi)
      Panie - kraj ponoć przeszli po cichu
      Blisko już dôma sôm łôni
      Śmieli se niy boć takiygo grzychu
      Dyć jako isnych nôm gonić?

      (Herod)
      Tôż co zrychtować? - Bajtli zabijać!
      Kere łostatnio zrodzône?!
      Wojoki! Trza sie za tym uwijać!
      -Utropy z tym łodmiyniône!

      (Wojoki)
      Krôlu Herodzie twôj rozkaz srogi
      My sługi tako spełniymy
      Tyś jest nôm bardzij łod dzieci drogi
      Żeś władcôm - to jedno wiymy

      Jako rozkożesz tako sie stanie
      Na nic ślimtanie i jynki
      Matek w utropie głośne wołanie
      Jak wolôm twojôm ich mynki

      (Herod)
      Ano! Dyć ze tym trôn mocny bydzie
      Zicna se na niym jak piyrwyj
      Deliberować ło taki biydzie
      Jak styknie pedzieć mi - wyrwij!

      (Narrator)
      Rzeź niywiniôntek straszno nastała
      W Judeji podniôs sie lamynt
      Litości wola krôla niy znała
      Dlo synkôw taki był amynt

      Świynto familjo w Egipcie bôła
      Jezus im rosnôł poleku
      We Niym sie bosko wola ukrôła
      Wiydz ło tym dobry człowieku

      Syn Boga richtich Krystusym bydzie
      We kôńcu czas łodkupiynio
      Człowiek do Łojca-Stwôrcy chnet przidzie
      Świat Jego pszôniym sie zmiynio

      Dyć we Betlejym wszysko sie stało
      Pônbôczek w Synu narodziôł
      Choć ta betlyjka licho i mało
      Przeca i na nia tyż zgodziôł.
    • broneknotgeld Re: Na Wilijo 23.12.05, 09:11

      Ze Godami chca winszować
      Zdrowio szczyńścio pomyślności
      Mo Ponboczek łaski dować
      Radość w familijoch gościć.
    • broneknotgeld Re: Na Wilijo 24.12.05, 21:55
      Na pastyrka

      Ze pastyrzami chnetko pódymy
      Dzieciontko radośnie witać
      Już narodzone - to dobrze wiymy
      Niy trza nikogo sie pytać

      Toż na pastyrce nom kolyndować
      Nowina rozgłosić w świecie
      Pszonie we sercach rozblysko z nowa
      Nadzieja dowo nom Dziecie.
      • broneknotgeld Re: Na Wilijo 26.12.05, 09:20
        Przi świyntym Michale usłyszysz śpiyw ptoszka
        Do Wiliji bydzie zimy yno troszka.
        • broneknotgeld Re: Na Wilijo 26.12.05, 14:03
          Opłatek

          Czy se niym yno we Polsce dzielom?
          Czy tam kaj w świecie jest Polonijo?
          Choć som niy u sia dyć tyż łośmielom
          Łomać opłatkym zowdy w Wilijo.
          • broneknotgeld Re: Na Wilijo 26.12.05, 14:57
            Pod jymiołom

            Pod jymiołom wieczerzocie
            Ze tym pokoj w doma mocie.
            • broneknotgeld Re: Na Wilijo 26.12.05, 21:41
              W noc cudow

              W noc cudow i gowiydź godo jako ludzie
              Kto zły do stworzynio w zogrodzie niy pódzie.
    • ja_iris Re: Na Wilijo 27.12.05, 12:43
      Z całą pewnością Twoje wiersze i fraszki sa piękne ale dla mnie i jak sądzę
      większości osób na tym Forum poprostu niezrozumiałe.My nie jesteśmy Ślązakami a
      jedynie przypisani do Śląska.Troszkę późno na życzenia Świąteczne więc przyjmij
      Noworoczne:o)Najlepszego! Iris
      • jatubylam Re: Na Wilijo 27.12.05, 14:15
        Czytalam je na innych forach.
        Sa internauci ktorzy z przyjemnoscia broneknotgelda czytaja. Nie tylko na Slasku:)
      • singielek1 Re: Na Wilijo 27.12.05, 17:45
        Droga Iris,

        proszę Cię bardzo, nie traktuj życzeń mojego Kolegi Bronka i Brata w
        Klawiaturze tak obcesowo. Bez zbędnych regionalnych złośliwości. Jego poezja,
        jakkolwiek tworzona w innym dialekcie nie powinna być dla nas aż tak
        niezrozumiała. Ten jego dialekt to „armia i flota”.
        forum.gazeta.pl/forum/71,1.html?f=28940
        Bronek to wybitny poeta, znany na forach w całym kraju i zagranicą, chociaż
        jego macierzystym „warsztatem” jest forum stolicy fraszki w Rudzie Śląskiej
        gdzie jest panem i gospodarzem.
        forum.gazeta.pl/forum/72,2.html?f=57&w=19517235&s=0
        Uważam, że nasze forum nie ucierpi, a wręcz przeciwnie wiele zyska goszcząc na
        swoich łamach „inostrancow” i twórców z innych, niekoniecznie wrogich regionów.

        Peace et grzaniec !
        (grzaniec nadal aktualny)

        Pozdrawiam
        • ja_iris Re: Na Wilijo 27.12.05, 18:02
          Ja potraktowałam Twojego kolegę obcesowo??Kilka dni nikt się nawet nie
          zainteresował a ja przynajmniej starałm się przeczytać i jak napisałam (jest
          gosciem na tym Forum więc wypadło odpisać) ,że zpewne piękne ale dla mnie
          niezroumiałe to zaraz atak na mnie.Przeciez ja nic złego nie napisałm
          jedynie,że dla mnie jest to mało zrozumiały język bo niby skąd mam znać śląską
          gwarę??? Napisałm co czuję ale nikogo nie miałm zamiaru urazić. Pozdrawiam
          • jatubylam Re: Na Wilijo 27.12.05, 18:37
            ślunska dziołszka
            jest jedna z promotorek tworczosci broneknotgelda
          • singielek1 Re: Na Wilijo 29.12.05, 19:29
            I to nie po raz pierwszy:
            forum.gazeta.pl/forum/72,2.html?f=55&w=19041530&a=19073406
            gwoli przypomnienia.
            • ja_iris Re: Na Wilijo 29.12.05, 21:59
              I co w tym widzisz złośliwego lub obrażliwego?Poprostu nie jest to dla mnie
              zrozumiałe i nie wstydzę sie tego.Czy Ty we wszytkich gwarach tak świetnie się
              porozumiewasz??Jeśli można napisz mi proszę czym obraziłam autora??Tak gwoli
              przypomnienia,plisss :o) Iris
Inne wątki na temat:
Pełna wersja