Minister Zdrowio ślimto wiela wlezie

[bonobo44]

tako mało bera
z Nikisza
na Nowy Rok:

Szłech żech wieczór, po ćmoku do dom a tu patrza, że na
borsztajnie siedzi sama Minister Zdrowia, no wiecie ta pieruńska
Motyka, Kopocz czy jakosi tak, i ślimto wiela wlezie. Żol mi się ji
zrobiło i padom:
- A co wom się pani nojwyzsiejszo władzo nad kurzom i swinsko grypo
i wszelakiemy choróbskami przytrafiło, że tak beczycie?
- Bo mie się pies stracił
- Ło pierona kandego, dyć jak się pies stracił to trafi do dom.
- Łon ja ale jo?

[bonobo44]

Kiedyś nauczycielka godo do bajtli aby wymyslili jakieś zdanie ze
słowym „cheba”. Jedyn pado:
- Cheba bydzie pogoda, bo klara fajnie grzeje
Drugi wstaje i pado:
- Cheba za chwila poleje dyszcz, bo sie zachmurzyło
Trzeci wstoł i godo:
- Minister wzieła gazeta i poszła do haźla
Nauczycielka patrzy się na niego i naprowadzo:
- A jako to była gazeta?
- A jo wim? Myślo, że Lancyt...
- A kaj tu jest cheba? - pyto nauczycielka.
- Cheba bydzie sroła, bo czytać niy poradzi

bera z
Nikisza

Katowice

[bonobo44]

U nos we Katowicach sie wiela zmjynioło i furt cosik nowego sie
widzi. Stare domy, co to je jeszcze za Winklerów i Grundmana
postawjyli tera pjyknie na nowo łobciepali i dopjyro tera idzie
łobejrzeć jak to sie downiyj ludziska starali, to co inkszego jak te
nowe graniaste kszynki. A to jakoś gowa przyłonaczono, a to jakisik
gzims na łozdoba, abo jake kwjotki ze kamjynia nałobkoło okien.
Ludzie stojom, gymby rozdziowiajom, mało co im gybis nie wyleci.

Tretuary wszyndy wyrychtowane, żodyn nie bydzie jusz kromflekow
łomoł. A geszefty momy tysz fajniste, kejby w Hameryce, idzie tak
bez cołki dzień łazić i łoglondać.

A biercie na tyn przykłod tako poczta. Chałpa ta samo, ale jak sie
wlezie to aże łocy porazi, som mesing i marmury a wszysko sie
blyszczy jak by to wtoś sidolem wypucowoł. Łokiynka tysz gryfne, a
wszyndy małe szezlongi ze siwyj skory aże by sie chciało na nich sie
kantnonć. Nie chca Wos za błozna robić, ale za pora lot nie poznocie
nasze Katowice. Przyjeżdżejcie ludkowie a nie pożałujecie.

Teroski jesce nom rondo rozkopali , i nijak nie idzie jeździć po
tych Katowicach kole Spodka. Zwłaszcza gorole łod Sosnowca jak jadom
do Chorzowa abo do Piykor. Jak byda jechoł na pielgrzimka chopów do
Piykorski Pani gdy jus łocalyje łod świński grypy jo i mojo
familijo, to musza bić łod Tychów abo na hołda Załynzsko, abo na
Bytków. Na Piykorskim wzgórzu bydzie okazjo niy tylko do modlitwy,
coby Pan Bucek obdorowoł nos mniej gupiom Minister od wszelakych
choróbsk, ale tyż do spotkanio z kamratami i ...poklachanio.

Wejrzynie na żywot łod zadku !

[bonobo44]

Zaczyno sie łod tego, że poru chopów przinosi Cie we srogij krzini i
zaroski trefiosz na łojom. Tam ciem natleniajom, aże płuca mosz
czorne jak po grubie. Potym bez cy dni mynczysz sie i majoczysz w
malignie. Wreszcie szukosz, kaby siem tu zaszczypić przeciw
świńskiej grypie. I... nimo kaj...

Dali jest jus lekcej. Prowadzisz spokojny żywot staroszka i stajesz
sie coroz to modszy. Keregoś tam raza dostajesz łodprawa i idziesz
do roboty. Mynczysz sie kole sztyrdziyści rokow i poznowosz radocha
życio. Zaczynosz pić coroz to wiyncyj gorzołeczki, coroz to fescij
imprezujesz i tyż coroz to dukszyj i gynścij sie kochosz. Kej Ci to
już idzie cołkiym dobrze, zaczynosz sztudyjerować. Potym zdowosz
matura i bez dukszy czos mynczysz sie we szuli. Przeżywosz piyrsze
łodwzajymnione miłowanie we coroz to modszych frelkach. Zaczynosz
łazić do Powszechnyj i niy spuszczosz ślypiow ze szykownych
rechtorek. Coroz to mynij łod Ciebie chcom i mosz dużo czasu na
roztomajte graczki ze inkszymi bajtlami. Robisz sie coroz myńszy,
aże trefiosz do.......hmm , kaj bez dziewiynć miesionczków sie
bulosz i nojbarzij koji Cie klekot mutrowego serca. Zasik potym
nogle....... Twoji życie kończysz na łorgaźmie.
8-)

[bonobo44]

Stary niedoba wybiyroł sie na pogrzeb sómsioda, kiery akurot
wzion i tak som z siebie siłemi natury pomarł na świnsko grypa. Niż
jesce z dómu wyszeł staro mu prawi tak. Dej se pozór, obyś wczas
prziszeł a niy kaj o 2 w nocy. Mosz fajny czorny ancug, abyś go w
gospodzie niy łobloł jakom gorzałkom. Aha ! Dzisio byda schody
sztrajchować, tak dej pozór, obyś mi ich niy zaszmatloł. Przed
dziesiątą mosz być doma, bo sie chytom roboty.
- Nic niy bój - byda dzisio wczas w dómu.
Jednak chop to chop. Prziszoł do dom o drugi, poczuł farba i
wspómnioł se, że ślubno miała te schody sztrajchować. Aby ich niy
zababrać, okrocył poryncz i wio na góra. Jak już był na wierchu, to
mu kryka spadła na dół. Wio zaś na dól po niom i drugi roz sie
winduje na porynczy na wierch. Prośnie mu to szło, pot sie loł z
czoła, wyciongnoł śnuptychla z kapsy, a tu bęc – kluc mu wypod na
dół. Musioł sie zaś na dół spuszczać i zaś wio na wierch. W końcu
łotworził dźwiyrze, po cichu wloz do izby, ale baba sie zaroz
łobudziła i pado.
- No pyknieś to prziszeł. Myślisz co jo niy wiym, że som dwie? Dyć
teraziunko wybił zygor. No, ale mosz szczynście, żech dzisio tych
schodów niy sztrajchowała, ino… samom poryncz.

UWAGA: Nie zażywajcie aspiryny ani polopiryny !!!

[bonobo44]

UWAGA - PEŁNA POWAGA: przy obecnej grypie może powodować wylewy,
ciężkie krwotoki wewnętrzne i trudne do zatrzymania z nosa... to
tyle, co dodaję od siebie, bo wiem... a za Ministerstwem Zdrowia
przytaczam stosownie enigmatyczny komunikat w niepełnym brzmieniu:

Informacja dla lekarzy w sprawie postępowania w związku z
przypadkami grypy A/H1N1

W związku ze zwiększającą się liczbą zachorowań na zakażenia
górnych dróg oddechowych, w tym na grypę A (H1N1) zaleca się co
następuje:

Objawy

W większości przypadków choroba przebiega łagodnie . Podstawowy
zestaw leków obniżających gorączkę i zmniejszających dolegliwości ze
strony układu mięśniowego jest wystarczający. Nie zaleca się
stosowania kwasu acetylosalicylowego.

Minister Zdrowia /?/ Ewa Kopacz
www.mz.gov.pl/wwwmz/index?mr=m10&ms=689&ml=pl&mi=689&mx=0&mt=&my=684&ma=014036

Nie dajcie się też zapuszkować pod tlen na amen!

[bonobo44]

Drodzy ludkowie, nie dajcie się też na OJomach zapakować na amen pod
tlen, bo przy tej grypie to może być prawdziwy amen!!!
Zamyka wam to drogę do ECMO,które daje nawet 80% szans ocalenia przy
pełnej niewydolności oddechowej spowodowanej komplikacjami przy
świńskiej grypie. Ten aktor we Wrocławiu leży najprawdopodobniej pod
ECMO:
forum.gazeta.pl/forum/w,177,104918111,,Oszczednosci_Kopaczowej.html?v=2

Zażywajcie KURAmin (to jest żart)

[bonobo44]

KURAMIN KURAMIN
KURAMIN co dzialo na szlag
KURAMIN KURAMIN KURAMIN
KURAMIN co dzialo tak:
na kurzom i swinsko grypa i wszelake choroby.

Najnowsze jes to dzisioj odkrycie
zapewnie panstwo lo tym jusz wiycie
Dzis kiedy momy wszelake braki
ino KURAMIN kupisz bes draki

Bo nasz KURAMIN ,KURAMIN bycy
wszystko zastompi wszystko wylycy.
I bes kolyjki i bes stonio
u nas KURAMIN je do dostanio

Nasz stary Otton umi go robic,
on wiy codoloc a co nadrobic.
Wiync powiym panstwu jak sie go robi,
co sie dolywo a co sie drobi.

Jak sama nazwa na to wskazuje
KURAMIN s kury sie produkuje:
Ze kurzy lapy namiela kitu
po tym do tego dodom karbitu

Wszystko to potym brynom zaleja
i jusz KURAMIN do flaszek leja,
pyrskpotym te fropy zalywom woskym,
flaszki naciyrom smierdzoncym czosnkym.

I to je KURAMIN. Tak to je tyn KURAMIN!!!!!!

KURAMIN KURAMIN KURAMIN
KURAMIN co dzialo na szlag
KURAMIN KURAMIN KURAMIN
KURAMIN co dzialo tak:
na wancki szwoby i wszelake choroby.

Ros moja zonka jadla mielonka
i zaros potym miala biegonka.
Niy bylo wtedy proszku w aptyce.
Co jom zatkalo no pszeca wiycie

Na psziklod maluch niyrobi kupki
wtedy KURAMIN wkapnonc do dupki.
To jak zakloci to jak zawieje
Mamusia ksziczy co sie to dzieje.

Jezeli brak jest takigo lyku
co czeba wszczyknonc starymu byku
Zeby pozytek z byka byl taki,
no i w oborze niy bylo draki

A zeby krowka sie don lajala
i zeby mondre cielynta dala
Bo dzis cielokow momy na kopy
Lecz bes porzytku same kuopoty.

Bo nasz KURAMIN zastompi wszysko
najlepsze lyki te z Ameryki
On nawet prosci sksziwione kosci,
A jak poczeba wyrzuco gosci