Na Wielkanoc

[broneknotgeld]

Wielkanoc to radość - przeca ło tym wiycie
Z tym jakby łod nowa budzi sie w nos życie
Niy darmo mo tela ze wiosny symboli
Wszysko zmartwychwstanie - Ponboczka dyć chwoli.

[Gość: Pit]

Bronek, you are the best !!!

[broneknotgeld]

Hehe - dyć wontek tyn wielkanocny
Możno za tydziyń stanie sie "mocny"
Abo i lepi - "Wielkim" już bydzie
Bo czas tyn przeca drapko nom przidzie.

[Gość: M.P.]

Chopie, co to za przedbiegi ?
Przeca wkoło leża śniegi,
Przeca jeszcze śpi natura !
Ślepyś, Bronku, jak ta kura ?
Chwyć najlepij jaką pannę
I ją utop jak Marzannę
To przyspieszysz wiosny przyjście
Tylko takie widzę wyjście...
Póki mróz za gębę trzyma
Żadnej Wielkanocy ni ma !

[rico-chorzow]

Gość portalu: M.P. napisał(a):

> Chopie, co to za przedbiegi ?
> Przeca wkoło leża śniegi,
> Przeca jeszcze śpi natura !
> Ślepyś, Bronku, jak ta kura ?
> Chwyć najlepij jaką pannę
> I ją utop jak Marzannę
> To przyspieszysz wiosny przyjście
> Tylko takie widzę wyjście...
> Póki mróz za gębę trzyma
> Żadnej Wielkanocy ni ma !


Sśy synek pomylou i tyla
Marzanny na Slonsku niy ma.

[broneknotgeld]

Kartki wysłoł żech do Efu
Toż niy bydzie we tym grzechu
Jak i tukej wielkanocnie
Poszkryflomy se - a zocnie.

[builder]

broneknotgeld napisał:

> Wielkanoc to radość - przeca ło tym wiycie
> Z tym jakby łod nowa budzi sie w nos życie
> Niy darmo mo tela ze wiosny symboli
> Wszysko zmartwychwstanie - Ponboczka dyć chwoli.

fajno fraszka!,
godom ci, wydej to;),
a piniondze dej bajtlom bysdomnym,

the builder

[broneknotgelt]

Polske Muzeum Pisanki

Pozowiściyli my Ukrainie
Kero z muzeum pisanki słynie
No i już sami to u sia momy
Przeca na jajcach fest my sie znomy

We Ciechanowcu w dworku myśliwskim
Zabytek zowdy Polokom bliski
Tukej kroluje teroz pisanka
Gaftej se na nia kożdego ranka.

[broneknotgeld]

Nawet klon se tukej przikuloł skiż świynta
"T" w zadku to tako jego mało piynta.

[broneknotgeld]

"Złodziejstwa" niy licza - w Polsce cnotom zdo sie
Ano - tako bywo jak już klona mo sie.

[broneknotgeld]

We tajymnicy ty Zmartwychwstania
Zdo sie - trza szukać Ślonska zarania
Bestoż do wontku tego Wos prosza
Te Zmartwychwstanie tako tu głosza.

[ciupazka]

NASE ZWYKI góralskie

o naskik dziedzinach w cwortom niedziele postu dziewcęta chodzom po
dziedzinak ze śmiertkom na kiju postawionom popod okna gazdów śpiewajęcy,
pokazujęcy śmierzć przez syby gazdom i piyknie sie wte ozlygo:

Idzie śmiertka z miasta
Pon Jezus do miasta,
Dziewcątka jom niesom
O jajecko prosom.

Zebyście jyj dali,
A nie załowali.
Śmierzć piniendzy nie fce,
Mo sobie za lekce.

Śmierzć pałasym zwijo,
Nikogo nie mijo.
Hale óna woli,
Jak cłowieka zgoli,
Wte juz nic nie boli.
I...smyk do dołu!

A dejciez nom, dejcie
Co nom mocie dać,
Bo wom kurke oskubiemy,
Pod nozecki podścielimy,
Bo nom zimno stoć,
Bo nom zimno stoć.

Kieby do Wos dzieciska przysły pod okna śpiewajęcy ze śmiertkom, to nie
wozcie sie nic nie dać, bo Wos zgarnie z wiesnom, hehe...
Wesołego Haluluja Ślonzokom!
Telo.Pozdr.

[broneknotgeld]

"Śmierć abo życie" - dwa lica świata
Dyć we Wielkanoc szczodro "zapłata".

[broneknotgeld]

Hehe - dyć wygrywo życie
We Wielkanoc ło tym wiycie.

[ciupazka]

SYĆKIM, SYĆKIM, SYĆKIM...

Syćkiego dobrego:

zdrowio dlo rodziny,
godnyj święceliny,
swojskiyj kiełbasecki,
krzonu odróbecki,
barwinkiem przybranyk
jojek malowanyk,
do tego w NIEDZIELĘ
gorzołki niewiele,
za to duzy kołoc
w tom WIELGOM ŚWIYNTOM NOC !
Smacnego Jojka i udanyj polywacki

Telo.Pozdrowiynio prosto ze Zokopanego! Biercie sie ino ku nom, Taterki
sie Wom klaniajom, barz piyknie, śniegu moc!!! Zima na Wielkanoc!
ZAPRASZAMY! Hej!

[Gość: godula 5]

Żyby nasz Bronek nie przepracował się przed świętami chciałbym wyręczyć w
wklejaniu,to ze forum Zakopanego ze zeszłego roku:

• Re: ...'Wesołych Świąt! ... Wielkanoc 2004...
broneknotgeld 09.04.2004 05:10 + odpowiedz
"Za Boże rany
łod deski do sciany"

We Wielki Piontek dzieciska ołma
Zowdy budziyła rano kijoma
Niy godom żech był ze tego świynty
Ździybko bolały mie yno piynty.



Krziż - w niym ciyrpiynie
Dyć i zbawiynie
Znak Boga znakym czowieka
Razym go dżwigej
Już sie niy migej
Dugo trza na cie zaś czekać?


"Za Boże rany
łod deski do sciany"

We Wielki Piontek dzieciska ołma
Zowdy budziyła rano kijoma
Niy godom żech był ze tego świynty
Ździybko bolały mie yno piynty.


Krziż - w niym ciyrpiynie
Dyć i zbawiynie
Znak Boga znakym czowieka
Razym go dżwigej
Już sie niy migej
Dugo trza na cie zaś czekać?
No toż był żech już w spowiedzi
Dlo mie jakby sztart do świont
W robocie sie niy trza biedzić
Radość leci nawet stond.
We Wielko Sobota

We Wielko Sobota babowka sie piykło
Coby jom na świynta wszyskim tyż wystykło
No i wiela jajec na twardo warzyło
Z niych se te kroszonki piykne porobiyło.

Tako jest i dzisioj - przeca ło tym wiycie
Niychej dobrze leci cołke nasze życie.
We Wielko Sobota

We Wielko Sobota babowka sie piykło
Coby jom na świynta wszyskim tyż wystykło
No i wiela jajec na twardo warzyło
Z niych se te kroszonki piykne porobiyło.

Tako jest i dzisioj - przeca ło tym wiycie
Niychej dobrze leci cołke nasze życie.

Świyncone

Co było do kustu we koszyk sie kładło
Trza przeca w kościele poświyńcić to jadło
By na stole potym niy brakło świynconki
Przi biydzie to choćby chleba małe kromki.

Świyncone już mocie? -No bo u mie taraz
Do kościoła ze tym wybrała sie cera.
ALLELUJA

Już momy niydziela - grob cołkym łotwarty
A ciała Jezusa w środku wcale niy ma
Możno je wykradli - dyć to niy som żarty
Z martwych powstoł? Może radować sie ziymia?

Maria Magdalyna przi grobie łostała
Anioły spytały jom czamu fest ślinto
Z niymi ALLELUJA piyrszo zawołała
Postać jego przeca ujrzała tyż świynto.


Dyngus

No toż lejymy dzisioj te baby
Ło ich uroda dbać przeca trza by
Wyńdzie to richtig tyż im na zdrowie
I pszonio wiyncyj bydzie we gowie.

jeśli coś się powtarza -trudno,dobrej poezji nigdy za wiele.

[broneknotgeld]

Dziynki - Bronek niy "spamuje"
Jak ktoś moje rymy suje
Bele autor jest podany
Zdo sie to "za boże rany".

[broneknotgeld]

Co u wos bydzie na ta świynconka?
Jak wiosna idzie to zdo sie - łonka.

[broneknotgeld]

Wielkanocno zista.

Werci łoberwać kijym po piyntach
By zisty najeść se przi tych świyntach.

[broneknotgeld]

Zista na Wielkanoc w bradtrule upiykła
Jak sie niy udała to heksa urzykła
-Dyć to sie niy mogło przi świyntach tych stać
Przeca do świynconki trza tyż jom se dać.

[broneknotgeld]

Palmowo Niydziela

Za rychło we tym ta ludzko radość
Dyć przeca jeszcze niy było za dość
Przidzie tyż wielke drapko ciyrpiynie
Niym już nastanie te łodkupiynie.

[broneknotgeld]

Krol choć na yjzlu przijechoł dzisioj
To richtig prowda - obych niy wisioł
Jerozolima go prziwitała
Zdo sie - cześć jakby Jymu łoddała.

[broneknotgeld]

Dzisioj w Betanii bydźcie z Krystusym
Nogi łobmyjcie mu piyknie
Możno to ździybko wos tyż już wzruszy
W Wielki Pyńdziałek - czy styknie?

[broneknotgeld]

Z Nazarejczykym wieczerzo zjedli
Dziwow przi tymu se dowiedzieli
Za zdrajcom łoczy już swoje wiedli
Zaprzeć Jezusa tyż niy myśleli.

[broneknotgeld]

Dniym Iskarioty ta Środa zdo sie
Czynsto Judosza we duszy mo sie
Bez niego byłoby Zmartwychwstanie?
We Twoji władzy - łodpuść nom Panie.

[broneknotgeld]

"Biercie i jydzcie z tego wszyscy"

Dyć wpiyrw malućkim gyry umyjcie
Yno bez musu - richtig to chciyjcie
Taki poczontek Wieczerzy Pański
Tako se rodzioł tyn stan kapłański.

[broneknotgeld]

"Za Boże rany
łod deski do sciany"

We Wielki Piontek dzieciska ołma
Zowdy budziyła rano kijoma
Niy godom żech był ze tego świynty
Ździybko bolały mie yno piynty.

[broneknotgeld]

Jak już te gyry fest łoberwały
Bajtle do mycio se zabiyrały
Przi studni abo lepi we rzyce
Tyż skiż Jezusa - przeca to wiycie
Że do Cedronu w tyn dziyń Go wciepli
Niym se na Niego cołkym już hepli
Choć zimno woda we Piontek rano
Moc mo cudowno - wtedy jyj dano.

[broneknotgeld]

"Boże, moj Boże, czamuś Mie łopuścioł"

Toż niyjednymu to dzisioj zdo sie
Jak siył już braknie - czy wiara mo sie?
Wszyskim pisane łostatnie tchniynie
A czynsto czorne momy sumiynie
Choć niy dźwigomy krziża Jezusa
I lekci w życie nasze nom ruszać.

[broneknotgeld]

Krziż

Krziż - w niym ciyrpiynie
Dyć i zbawiynie
Znak Boga znakym czowieka
Razym go dzwigej
Już sie niy migej
Dugo trza na cie zaś czekać?

[broneknotgeld]

Trudka se waszkorb wyciongła z rana
Wsadziyła nojpiyrw wonnego siana
I prawie wszysko co miała z jodła
Gibko dośroka teroz pokłodła

Zefel aż ciyrpnoł jak na to blikoł
Zdo sie połgymbkym cosik tam rzykoł
Ano bo prziszła Wielko Sobota
A ślubno zaś mu dowo robota

Dyć przeca razym waszkorb se wziyli
I do kościoła z niym popyńdziyli
By cołke jodło śwyncone było
I przez rok cały dobrze im żyło.

[broneknotgeld]

Czy we Sobota już niy ma Boga?
Poskopić tego cosik niy moga
Ciyngym nadzieja przeca we duszy
Światło z paschału w cołki świat ruszy.

[broneknotgeld]

Niychej Ponboczek w nos zmartwychwstanie
Take jest moje powinszowanie.

[broneknotgeld]

Alleluja!!!

Alleluja! -Toż sie stało
Życie ze śmierciom wygrało
Krystus z martwych powstoł nom
Czowiek z niym a nigdy som.

[broneknotgeld]

Toż wody dzisioj wiela nom trza
Z niyj ta uroda frelek jest - pra
Trza loć je wiela i niy żałować
By kunszt natury mog se durś stować.

[Gość: bronuś]

Za rok ło tyj porze
tyż bydzie zimno,ło boże