Partnerzy Katowic

[broneknotgeld]

No, możno cosik piyknego ze tego bydzie
forum.gazeta.pl/forum/72,2.html?f=28940&w=46473775
Ło kamratach Katowic tyż tam przeca jakeś rymy winny być.
Inkszo sprawa, że szukom tymatow do fraszek i rymowanek, toż moglibyscie se w
to włonczyć
forum.gazeta.pl/forum/72,2.html?f=28940&w=46888537
Zaproszom do wspołpracy.

[broneknotgeld]

Ano - tam żech poloz
www.um.katowice.pl/pl/index.php?option=content&task=category§ionid=2&id=52&Itemid=148
Tako cosik znoloz.

[broneknotgeld]

Ech - bu poszły Katowice
W tym Kluczborka śladym
forum.gazeta.pl/forum/72,2.html?f=26289&w=46914209&a=47161531
Inksze jednak tukej wice
Niy ma na to rady?

[broneknotgeld]

Wyboczcie

Link mioł być na cały wontek
forum.gazeta.pl/forum/72,2.html?f=26289&w=46914209&a=46914209
A niy yno jedyn kontek.

Ostrawa - Katowice

[broneknotgeld]

Ech - niy yno dlo zabawy
Chyca teroz se Ostrawy
Co prym na Morawach wiedzie
Toż niych bydzie tu na przedzie.

[broneknotgeld]

W Morawsko-Ślonski Dziedzinie

Prawiom w Morawsko-Ślonski Dziedzinie
Jest narod kery niychej niy zginie
Dyć Czechy w zocy majom Ślonzoka
We Polsce ćmokym mynczom boroka.

[broneknotgeld]

Ostrawa

Na wonglu urosła - jako Katowice
Zdoł sie łon bajlagom i na czeski sznicie.

[broneknotgeld]

320 tysiyncy dusz

We Czechach trzecio ta miejsko sztela
Dyć skuli tego znaczy tyż wiela
Jako z tym rownać se Katowicom?
Choć trocha wiyncy dusz przeca liczom.

[broneknotgeld]

Bioły koń

Bioły koń wiyrzgo w herbie Ostrawy
Siodło mo puste - koniec zabawy?

[broneknotgeld]

Plac Masaryka

Przi niymu stary ratusz znojdziecie
Ano we Czechach żeście som przecie
Tu w kożdym grodzie coś z Masaryka
Szczyńściym co niy trza do niego rzykać.

[broneknotgeld]

Stary ratusz (XVI w.)

Tyn stary ratusz trza nom łodwiedzić
Tukej Muzeum Ostrawske siedzi
Kaj historyjo grodu poznocie?
Na wiyrchu przeca jom jakby mocie.

[broneknotgeld]

"Petrkowicko Venus"

W Ostrawskim Muzeum zodziwi wos frela
Dwadziścia tysiyncy mo rokow - toż wiela.

[broneknotgeld]

Kościoł św. Wacława (XIII w.)

W niym se łostała staro Ostrawa
Dyć tela wiekow to niy zabawa
Mały i tako przebudowany
Ze kapliczkami przed łoczy dany
Gotyk tu jednak ciyngym widzymy
Czy historyji pozowiszczymy?

skończ nudzić, nikt cię tu nie chce

[Gość: bibi]

ile tysięcy razy jeszcze napiszesz sam do siebie zanim to zrozumiesz ? to co
piszesz jest dennie beznadziejne i żałośnie grafomańskie

[broneknotgeld]

"Bibi" to "nikt"?
Zmiyń możno wikt.

[broneknotgeld]

Niychej link i taki jest
www.um.katowice.pl/pl/index.php?option=content&task=view&id=57&Itemid=148
Trza kamracić se nom fest.

[broneknotgeld]

Muzeum Gornicze we Ostrawie

Noy trza se dziwać że łone prawie
Znojdziecie tako we ty Ostrawie
Tu nawet dzisioj w bergmońskim fachu
Jak kery robi to niy mo strachu
Ze Polski ludzi przeca werbujom
U nos niy idzie - tu pofedrujom.

[broneknotgeld]

Na gorce Landek

Piyrwyj tu łowcy mamutow żyli
Cosik ze tego łostało
Toż do muzeum to wszysko wziyli
By wiela se dziwowało.

[broneknotgeld]

Muzeum Gornictwa Wynglowego
Ostrawa-Petrzkowice 9.IX.2006

Bergmony w Ostrawie ze tym dniym świyntujom
Dziewiontego września zowdy se radujom
Toż prawa bergmońske we tym dniu Jihlava
Dostała ze ryncow krola Czech - Wacława.

[broneknotgeld]

"Janaczkowy maj" w Ostrawie

Melomana tym pokusi
W maju tu zoglondnońć musi
Choć na wonglu ciyngym stoji
Grod w kulturze wiela broji.

Kolonia - Katowice

[broneknotgeld]

Kolońsko katedra

Szejset lot dźwigali
W koncu zrychtowali
Niychej se niom aszom nojmni druge tela
Bo czym bez katedry jest ta miejsko sztela?


"Żywo siyła"

Z fligow tepichym Kolonia pokryli
Yno katedra durś stoła
W Niebo wołała - Bydymy tu żyli!
Nawet sie łognia niy boła

Kaj łona przeca - chnet wszysko łodrośnie
W niyj siyła żywo "zaklynto"
Czowiek - nadzieja - blikanie ku wiośnie
A niy zaś jakeś "memynto".

[broneknotgeld]

20 Światowe Dni Młodzieży

Co czi dni znaczom w historii miasta?
Z krześcijańskego dyć rosło ciasta
I tako dali niychej tu bydzie
Ze Dni Młodzieży dobro w świat idzie.



Jako ku dobru?

Jan Paweł II zwołoł tu modych
Papiyż Benedykt jednak ich witoł
Jedyn zakonczoł życio przigody
Drugi za Niego Ponboczka pytoł

Jako ku dobru wiyźć modych dali?
Jako w ich dusze wloć pszonie świata?
W ty intyncyji tyż z Niym rzykali
Ci przed kerymi prziszłe som lata.



"Przybyliśmy oddać Mu pokłon"

Dyć prziszli młodzi - w Kolonii siyła
pont znakym wiary dlo nich głymbokim
Co ciyngym bydzie jako i była
Pokłon dać Jymu richtig głymboki.

[broneknotgeld]

Mu ulżyło

Już dwa tysionce rokow niom rod
Zdo sie w ramiona jeji łon wpod
Prawiom - Rynowi przi niyj ulżyło
Wpiyrw gorzi ze niym podobnoś było.


Kolonia 33 r.p.n.e

Ciśli w ta strona łostro Rzymiany
Chocioz broniyli se fest Germany
Tako nad Rynym rodzi se sztela
Historio do jyj gyszynkow wiela.


Kolonia 50 r.n.e.

Sie Agrypina Młodszo w niyj rodzi
Co za cysorza Rzymu wychodzi
Klaudiusz szczyńśliwy nadaje prawa
Miasta rzymskego - toż niy zabawa
Stond tyż Koloniom zwać sie już może
Rzymskom - tref ze tym wcale niy korze.

[broneknotgeld]

Kolonia IV w.

Stolicom biskupstwa Kolonia sie stała
Krześcijaństwu tako wiela łod sia dała.


Krześcijaństwo

Z połnocy cysorstwa zdo sie być na kraju
Bestoż krześcijany myślom tu ło raju?
Dyc stare we nowe sie leko niy miyni
Mynczyństwym znaczono przemiana ty ziymi.


Seweryn Gereon Urszula

Wspomnieć trza te miana
Jejich śmierć za wiara
Łokwieci se rana
Zdo sie już na marach

Życiym bogobojnym
Świyntości służyli
Przikłodym dostojnym
Dlo pokolyń byli

Z jejich mogił aże
Wyrosły kościoły
Ponboczek niy karze
Z Niymi jest wesoły

Chwała tymu światu
Za dzieci przezocne
Z niych mosz wiela blasku
I korzynie zocne.

[broneknotgeld]

Wolne Miasto Rzeszy

Łod średniowieczo po nowsze czasy
Biydom Kolonia Niymiec niy straszy
Toż ciyngym rośnie - durś sie bogaci
Profity zbiyro rzodko zaś traci.


Woda kolońsko (XVIIIw.)

Ze Italyji koncept tyn wziyła
Se na ty "wodzie" tyż wzbogaciyła
Niuchoł ktoś kwiotki na szpyrytusie
Toż ze tym jakby kłonioł i tu sie.


"Eau de Cologne"

Yno jom niy myl z "wodom łognistom"
Zdrowi jak gymba przepłokosz "czystom".

[broneknotgeld]

Katedra kolońsko

Toż drugo wojna jom łoszczyńdziyła
Stoji durś tako jako wpiyrw była
Alianckim fligrom latarniom zdo sie
Poczebnom - z tego cud jakby mo sie.


12 kościołow

Dwanoście kościołow romańskich tu przeca
Kożdy zocnom gwiozdom na kolońskim niebie
Łozdoby to wielke tutejszego neca
Na chwała dźwignione Ponboczku dyć Ciebie.


Kościoł św Gereona

Konstrukcyjom swojom zodziwi kożdego
Bydziesz we Kolonii zoglondnij na niego.

Klub Sztrasburski

[broneknotgeld]

Ano - wloz żech na to prawie
Tyż wyglondo to ciekawie.

[broneknotgeld]

Zapomnioł żech linka
www.club-strasbourg.eu/
Dyć to niy jest mynka.

Strasburg

[broneknotgeld]

Katedra

Katedra w Strasburgu mo miara Europy
Czista lot jom przeca budowali chopy
Dyć stanyło tukej richtig piykne cudo
Możno kedyś do niyj zajrzeć mi sie udo

Se alzacke wino w tyj intyncji pija
Bo przeca we Unii już terozki żyja
W ty flaszce zamknione słońce ze Francyji
Niebo w gymbie - w uszach jakby dzwiynki cyji.

[broneknotgeld]

"Mało Francjo"

W Strasburgu se Niymcy ze Francjom miyszajom
Dyć starowka - serce jakby tego miasta
Łod lot "Małom Francjom" tukej nazywajom
"Upiykła" sie łonz z alzackego "ciasta".

[broneknotgeld]

Starowka

Starowka tutejszo "dziedzictwym kultury"
UNESCO chce chronić strasburske te mury.

La Valetta

[broneknotgeld]

La Valetta

Nad uliczkami wiszom balkony
Pewnikym na kark niy spadnom łonym.

[broneknotgeld]

"Ściyńcie św. Jana Krzciciela"

Łobroz Caravaggia taki tu znojdziecie
Piyrwyj we katedrze wystawiony przecie
Terozki muzeum katedralne krasi
Dyć se cołko Malta kunsztym jego asi.

Bratysława

[broneknotgeld]

Pozsóny

Tako sie tyż kedyś Bratysława zwała
Stolicom Madziarow dyć dugo bywała
Tu krole korona na gowa se kłodli
Niym pod Austryjokym we końcu sie znodli.

[broneknotgeld]

Wzgorze Slovin

A możno "gorka ambasadorow"?
Przeca dość trocha tu jejich szteli
Myśla co jednak niy "wzgorze zmorow"
Bo by tu istni siedzieć niy chcieli.

[broneknotgeld]

W IX wieku

Ano - to pewne
Zamek już mieli
Swoji dziedziny
Pilnować chcieli.

[broneknotgeld]

Zamek 1811

Zgoroł! Zatracony tako
Ze ruinom niy jednako
Dyć go dugo niy dźwigali
Zdo sie jakby mu niy pszali.

[broneknotgeld]

--"Nad modrym Dunajym"

Nad modrym Dunajym znojdziesz Bratysława
Wiednia Budapesztu niy przićmi jyj sława
Dyć cie tyż zodziwi i tako ubawi
Toż wander tam zocnym kożdymu se jawi.

Lublana

[broneknotgeld]

Krakovo

W Lublanie ta piykno dzielnica - Krakovo
Artystow prziciongo - tako mi sie zdowo.

Budapeszt

[broneknotgeld]

Budapeszt

We stolicy co pionty Madziar zamiyszkuje
Bestoż łona wiela we tym kraju znaczy
Ze "Perły Dunaju" kożdy sie raduje
Czamu? -Se możecie ło tym tu łonaczyć.

[broneknotgeld]

"Perła Dunaju"

Tako Budapeszt zowiom łod lot
I kozdy Madziar ze tego rod
Asi sie ciyngym łon swojom sztelom
Bronić mu tego dyć niy łośmielom

[broneknotgeld]

W XII wieku

Buda ze Pesztym se rozwijały
Chocioż przegrodzoł je Dunaj cały.

[broneknotgeld]

Po Mohaczu (1526)

Ano - krew Madziarow drapko wsionko w ziymia
Co było wielkego już terozki niy ma
Z niywolom tureckom idzie poniżynie
Aże sie łobudzi w Europie sumiynie.

[broneknotgeld]

Połonczynie

Se Peszt z Budom zlepioł tako
Że nom zdo sie już jednako
-Jakby niy boł skuplowany
-Łod zowdy cuzamyn dany.

[broneknotgeld]

"Mały Stalin"

Za Matiasa Rakosiego
Było im tu brak "Wielkiego".

[broneknotgeld]

Blikej na Buda

Blikej na Buda z brzegu Dunaju
Zdowo sie gryfnym dziełym czowieka
Niy przipomino dyć wcale raju
Bestoż niy bydziesz tu na to czekać.

[broneknotgeld]

Siedym wieżyczek

W Rybacki Baszcie wieżyczek siedym
Plymion madziarskich tyż tako
Choć władza chycioł naprowdy jedyn
Piyrwyj niy było jednako.

[broneknotgeld]

Jako to było?

Jako to było z tym Budapesztym?
Skuplowoł miasta dwa łon bez reszty?
Dyć kajś żech czytoł co nawet trzi
Czy ktosik ło tym coś wiyncy wiy?

[broneknotgeld]

"I do bitki i do szklanki"

Na roz - pije
Na dwa - bije
Dyć po prowdzie przi kelichu
Zapomino se ło grzychu.

[broneknotgeld]

Za wielki?

Budapeszt se zdowo w tym kraju za wielki
Tela tu Madziarom - toż niy duperelki.

[broneknotgeld]

Gora Gellerta

Starom Gorom piyrwyj zwano
Mo świyntego teroz miano.

[broneknotgeld]

Św. Gotard (XI w.)

Tukej świynty Gotart Gellertym tyż zwany
Śmierć mu zrychtowali mynczyńsko pogany
Wraziyli biskupa do beki dymbowy
Z gwoździami łod środka - koncept jakby nowy

Toż tako ze gory se w Dunaj pokuloł
Przeżyć tego niy mog - toż niy byda fuloł
Yno we pamiyńci - tako ze świyntymi
Do dzisioj łon ciyngym jakby na ty ziymi.

[broneknotgeld]

Na Gorze Gellerta

Na Gorze Gellerta wielko cytadela
Austryjo dźwignyła by wachować sztela.

[broneknotgeld]

Dzisioj cytadela

Dzisioj tako twierdza służy już zabawie
Geld tu możesz wydać przenocować prawie
By rano zaś zwiydzać dali miejsko sztela
Bo czasu i na to potrza richtig wiela.

[broneknotgeld]

"Statua Wolności" w Budapeszcie

Ech - frelka z liściym palmowym
Dźwigniony łon wyży gowy
Karlus ze faklom zas niży
Teroz wolności już bliży
Bo gwiazda z dynkmalu sciongniono
Armijo tyż wykludzono.

[broneknotgeld]

Wielkanoc 1951

Kaj Wzgorze Gellerta pauliny rzykali
Dyć przeca bezpiece łodporu niy dali
Przeor śmieć mioł łod nich nojpiyrw "naszkryflano"
Inkszym dziesiyńć rokow kozy tako dano.

[broneknotgeld]

Hotel Gellert 1918

Hotel Gellert już łotwarty
Wele gorki ło tym mianie
Toż secesji zocne "karty"
Nojgryfniejsze - gaftnij na nie!

[broneknotgeld]

Ponoć

Ponoć już piyrwyj se tu toplali
Tako w źrodełkach tyż kurowali.

[broneknotgeld]

Budapeszt Zdroj

Ano - dyć zdrojym jest ta stolica
Źrodła mo zocne w swych okolicach
Jako je dzisioj wszyske zrachować?
Ważne że tu sie idzie kurować.

[broneknotgeld]

Za Turkow

Za Turkow Budapeszt w warzity bogaty
Chocioż se seblyko przeca niy sagaty.

[broneknotgeld]

"Hammamy"

Ano - po Turkach tela łostało
Toż jejich łaźni przeca niymało.

[broneknotgeld]

Gora Zamkowo

Niywysoko chocioż dugo
Starym miastym do nos mrugo
Łod połednia na niyj zamek
Atrakcyje tukej same.

[broneknotgeld]

Buda

Na zamkowym wzgorzu ta Buda wpiyrw rosła
Drapko do znoczynio wielkego tyż doszła
Tu przeca monarcha mioł siedziba swoja
Zdało sie co richtig dobro to łostoja
Dyć utropa prziszła razym ze Turkami
A na koniec tako Sobieski z wojskami.

[broneknotgeld]

Barokowy zamek

Toż Marja Teresa dźwigo tako sztela
Za Franca Jozefa pozmiyniali wiela
Choć przi II wojnie cołkym se wypoloł
Dyć łodbudowali - byda jo ich chwoloł.

[broneknotgeld]

Turul

Tako już Madziary łod wiekow bajajom
Co w turulu przodka jejich wodze majom
Jako i nasz oreł podobnym jest ptokym
Wodz mo go patronym - toż nigdy borokym.

[broneknotgeld]

Madziarsko Galeryjo Narodowo

Kunszt madziarski tukej mocie
Tako se i fest dziwocie
W galeryji tysionclecie
Ciepiom wom przed łoczy przecie.

[broneknotgeld]

Fontanna krolewsko (1904)

Macieja Korwina widać tu na łowach
No a wele niego gryfny frelki gowa
Modziutko Ilonka sarynka se czimie
I pewnikym niy wiy co śmierć kajsik drzymie

Krol choć jeszcze mody przeca już żyniaty
Łoj - niy posuchała dziołuszka se taty
Tako jeji pszonie chnet śmiertka przerwała
Choć dusza i potym do władcy targała.

[broneknotgeld]

Zamek - krzidło połnocne

Krzidło połnocne - kunszt tu dzisiejszy
Niy wszyscy myślom co pośledniejszy
Czasym tymaty richtig zodziwiom
Aże fest ludzie głowami kiwiom.

[broneknotgeld]

Budapesztańske Muzeum Historyczne

W krzidle połedniowym Zamku Krolewskego
Na gorze zamkowy niy łomijej tego
Ciyngym zdo sie dycho tukej średniowiecze
A rzeźby gotycke werte łoka przecie

Dyć i historyjo Budapesztu tukej
Na talyrz ci kładom - kaj ińdzi niy szukej
Toż we tym muzeum spokopisz dość wiela
I zocniejszom zdo sie potym cołko sztela.

[broneknotgeld]

Dynkmal "honveda"

"Honved" we Wiosna Ludow wojowoł
Łod Aystryjoka Madziara bronioł
Nic że se w końcu rady niy dowoł
Dyć z Budy istnych piyrwyj przegonioł.

[broneknotgeld]

Plac Świynty Trojcy

Toż starowki Budapesztu serce zdo sie bije
Kto zoglondnie yno tukej pewno to łodkryje.

[broneknotgeld]

Kościoł Macieja

Toż Maciej Korwin kościoł fundowoł
Sie Salomonym madziarskim zdowoł
Plac Świynty Trojcy - zocno świontynia
Ze szlachetnego jakby kamiynia
Tukej se krole koronowali
Franc Jozef z Sisi tako tron brali.

[broneknotgeld]

Baszta Rybacko

Za Kościołym Macieja ta baszta zodziwio
We słonku ci zdo sie jeszcze bardzi bioło
Bronić jyj niy trzeba - grod se dobrze miywo
Dyć skiż jyj wieżyczek tu bardzi wesoło.

[broneknotgeld]

Muzeum Historii Muzyki

W pałacu Erdodych brama barokowo
Historio muzyki - tako se niy zdowo
Tukej insztrumynty stare pokazujom
Partyturom nawet nut tyż niy żałujom.

[broneknotgeld]

Plac św. Jana Kapistrana

Pamiyntajom to mnichowi że aż pod Belgradym
Turkom lyjty wielke dowoł razym z Hunyadym
Toż mu dynkmal wystawiyli - miano placu tako
Skuli wiary czy wojynki? -Możno to jednako.

[broneknotgeld]

Droga Pańsko

Nojdugszo zdo sie - tako wiekowo
Droga starowki we budzie
Toż se dyć trocha tyż i wydowo
Jakbyś se dreptoł po cudzie

Tu kamiynice łod średniowiecza
Inksze barokym zaś kuszom
Bestoż łoczami po domach leca
Kerych widoki aż duszom.

[broneknotgeld]

Budziński labirynt

Zamkowo gora jako tyn szwam
Dziur ponoć richtig wiela jest tam
W wopiynny skale czynsto to bywo
Toż wos to pewno wcale niy dziwo

Ludzie tyż swoje tu dokłodali
W grotach se przeca czysto chowali
Niymce zaś z teko skiż drugi wojny
Schron zbajstlowali - zdo sie dostojny.

[broneknotgeld]

Budziński Labirynt 1536

Groty i lochy szkodzom ty Budzie
Armio turecko tom drogom pódzie
Tako i miasto już w jejich rynkach
Kto krześcijanin dlo tego mynka.

Debreczyn

[broneknotgeld]

Debrezun (XIII w.)

Ano - już była tukej osada
Szłoby to szkryfnonć - normalno wiocha
Dyć ło korzynie niy idzie zwada
Yno trza poznać korzynie trocha.

Szeged

[broneknotgeld]

Muzeum Salami

Tu trza muzeum zwiydzić salami
Co łod lot rzońdzi już Madziarami
Pewnikym yjzji wiela tu majom
No bo salami richtig fest pszajom.

Sofia

[broneknotgeld]

Sofia

Stolicom ty ziymi niy zowdy dyć była
Choć se w historyji downo pojawiyła.

[broneknotgeld]

Ulpia Serdica 29 r.n.e.

Toż sztela podbiyli na amyn Rzymiany
Stolicy prowincji tref jyj teroz dany
W Dacyji Wewnyntrzny tyn grod durś na przedzie
Ciyngym se rozwijo - ku lepszymu "jedzie".

[broneknotgeld]

Najazd Hunow 441

Ze tym dlo Serdiki utropa prowdziwo
Grod wiela utraci - to pewno niy dziwo.

[broneknotgeld]

"Sredec"

Tako se Bułgary zeslawizowali
Że w końcu Serdice miano "środka" dali.

[broneknotgeld]

Sofia (XIV w.)

"Swiynto Sofija" - toz bazylika
Kaj krześcijany łaziyli rzykać
Ze ty świontyni grod mo już miano
Sofia - usłyszysz tukej co rano.

[broneknotgeld]

Stolica Rumelji

Turki prowincyjo Rumeljo tyż mieli
Tako i stolicom łona cołki szteli
Traci se terozki to co krześcijańske
Dyć rośnie we siyła tako muzułmańske.

Wrocław

[broneknotgeld]

Dzielnica Wzajymnego Szacunku

Ta ścieżka połonczy tu przibytki Boga
Na bezrok już bydzie - tela szkryfnońć moga
Pop pastor ksiondz rabin razym to zrychtujom
Bogu i bliźniymu - tako forsztelujom.

Tallin

[broneknotgeld]

Tallin

Tallin to ponoć znaczy "miasto duńske"
Toż se wspominajom teroz czasy łońske.

[broneknotgeld]

Mury obronne

Dugszych w Europie możno niy nońdziesz
Chocioż jom za tym caluśko zońdziesz.

Brno

[broneknotgeld]

Brno

Brno nojwiynksze na Morawach
Za niym przeca ta Ostrawa.

[broneknotgeld]

Brno (XI w.)

Przemyślidy tu siedzieli
Pociecha ze grodu mieli.

Ołomuniec

[broneknotgeld]

Ano - wloz tam
forum.gazeta.pl/forum/72,2.html?f=59&w=46891440&a=47501324
Tu mioł być kram.

[broneknotgeld]

Ołomuniec 1063

Z tym rokym już biskup w Ołomuńcu siedzi
Tela wom tu szkryfna - choćby na spowiedzi.

Pilzno

[broneknotgeld]

Pilzno 1295

Z woli krola Pilzno rośnie
Handlym kwitnie - se rozwijo
Szkryfna tako tu radośnie
To przeca niy tragedyjo.

[broneknotgeld]

260 piwowarow

We sztyrnostym wieku piwowarow tela
Czy se powodziyło mieszczanom za wiela?

Wilno

[broneknotgeld]

Wilno

Miyndzy Wiliom i Wilenkom z Giedymina mocy
Grod litewski stanoł pryndko - dziwiyły sie łoczy.

[broneknotgeld]

4.IV - "Kaziuki"

Kaziuki som tukej łod sztyrystu lot
Kożdy ze jarmarku we Wilnie jest rod
Przeca sie zabawisz chocioż grosz tyż stracisz
We wercie co dusza tako ubogacisz.


Wilnianka na Kaziukach

Serce mu z piernika frela tu kupiyła
No i tym pierońsko karlusa tyz wziyła
Toż jyj palma fundnoł kero piyknie stoła
I tako sie łostać z niym łona niy boła.

Św. Kazimierz

Toż świyty Kazimierz Wilnu patronuje
Niy yno "kaziukom" - kożdy forszteluje.

[broneknotgeld]

Katedra

Katedra wilyńsko zaś świontyniom zocnom
Galeryjom była - zdo sie porom "nocnom"
Dyć zaś tu som nazod relkwie patrona
Co niyherske było ze Niym szło pokonać.

Św.Kazimierz

Kostucha we Wilnie karlusa dopadła
Dyć tubera piyrwyj już mu płuca zjadła
Rokow szejść dwadziścia - ano richtig mało
Jak Cie Kazimierzu Niebo już zabrało

Płakali po Ciebie wszyske Jagiellony
Chocioż już wiedzieli komuś przeznaczony
Toż i tako samo Wilno fest ślintało
Łone już świyntego we Ciebie widziało.

[broneknotgeld]

Brat z bratym

Kazik z Aleksandrym we katedrze leżom
Bratki Jagiellony u tych co durś wierzom
W łopieka Ponboczka nad Litwy stolicom
Kerom se we rymach tako jo zochwycom.

Trojrynki

Malyrz na łobrozie rynka zmiynić chcioł
Choć zamalowywoł ciyngym piyrszo mioł
Bestoż mo Kazimierz rynce aże czi
Ło tym cudzie zaroz cołko Litwa wiy

Pont se wtedy zaczoł - czynste uzdrowiynia
Dało papiyżowi to fest do myślynia
Drapko Kazimierza świyntym dyć łogłosioł
Czy łon "czeciom rynkom" ło to wtedy prosioł?

[broneknotgeld]

Św. Kazimiyrz 1602

No toż sie stało co stać musiało
Wilno świyntego tako "dostało".


Katedra 1618

Kaj groby dwoch braci wpiyrw była kaplica
Dyć mało sie zdała już na świynte lica
Tu na muster rzymski świontynia stanyła
Kero w sercach wilnian nojzocniejszo była.

Gdańsk

[broneknotgeld]

Dwor Artusa

Czi Dwory Artusa w Europie łostały
A przeca ich było piyrwyj richtig wiela
Gdańsk Tallin i Ryga - to już spis jest cały
Nojpiykniejszy gdański - szkryfnońć sie łośmiela.

[broneknotgeld]

"Ukraińske Wikingi"

Przipłynyli latoś do Gdańska na łodzi
Wele Ołowianki drakkara cumuje
W Kijowie "Rok Polski" no toż se to godzi
Na bezrok zaś nazod załoga popruje.

(fraszka zeszłoroczno)

[broneknotgeld]

"Amberia"

Niyjedna we Gdańsku bursztynu galeria
Na Mariacki jednak jest zocno "Amberia"
Cudami z jantaru napasiesz tu łoko
Z tego nawet serce ponoć czasym skoko.

[broneknotgeld]

Gdańsk marszałkym stoji?

Zbiyrajom na pomnik Zefla Piłsudskiego
Wrzeszcz - tam ponoć miejsce nojlepsze dlo niego
We rocznica śmierci na bezrok postawiom
Tako se w tym Danzig teroz władze bawiom.

[broneknotgeld]

Oliwa

Wele Sopotu jest ta Oliwa
Trza cosik szkryfnońć ło jeji dziwach.

[broneknotgeld]

Oliwa 1186

Staraniym sie stało Sambora I
-Przeca dobrze znocie ksiyńcia pomorskego
Co ło swoje ziymie jak umioł tak dboł
Łon tutejszo ziymia tym cystersom doł.

[broneknotgeld]

Po prowdzie "odpis" łostoł sie nom
Te "sprostowanie" terozki dom.

[broneknotgeld]

Poczontek klasztoru 1186-1188

Toż princ Sobisław myśloł już ło tym
Ściongnońć cystersow - niy dlo gupoty
Łostawioł jednak to Samborowi
Synym był jego - to kożdy powiy

Konwynt mnich Dithard tukej przikludzioł
Z Kołbacza karlus tako se trudzioł
Bo miało to być ich "kolanijom"
Chocioż cysterskom tyż familijom

Zamek myśliwski princa w tych stronach
No toż niy myśloł ło jakiś kromach
Yno kwatera w niym przirychtowoł
I ze mnichami klasztor już stowioł

Tako minyły dwa lata z Bogym
Już braty chwolom sie swojim progym
Akt fundacyjny Sambor wystawioł
Gdańsk ponoć wtedy za to go sławioł

Nadoł przi tymu majontku tela
Że pryndko rosła oliwsko sztela
Prziwilejami sie tyż cieszyła
Z nich tako samo zakonu siyła.
--

"Oława"

Czy Potok Oliwski piyrwyj tako zwali?
Czy ze ty "Oławy" miano szteli dali?
Po prowdzie to niy wiym - tako yno szkryfna
No i rymym ło tym terozki se gichna.

[broneknotgeld]

Oliwa 1226

Skiż wypraw krziżowych tako tragedyjo
Prusy se łodgryźli no i stond mecyjo
Wypolony klasztor kościoła tyż niy ma
Opata z mnichami już niy nosi ziymia

Choć na łoczach gdańszczan ich pomordowali
Jedni tu skończyli - inksi zaczynali
Bo zaś ze Kołbacza mnichow prziszło tela
Że łodrosła chnetko ta cystersko sztela.

[broneknotgeld]

Oliwa - 1243, 1247, 1252

Czi razy Krziżaki tukej se panoszom
Na krześcijanina miecz zakonny wznoszom
Toż cystersy skiż nich niy mieli tyż leko
Zdo sie - co nojgorsze jeszcze ich tu czeko.

[broneknotgeld]

Oliwa 1308

Krziżaki Gdańśk wziyli - krew przi tymu loli
Krześcijan - Ponboczka sie cosik niy boli
Se opat Rudiger tymu fest dziwowoł
Zwłoki yno zbiyroł - we Oliwie chowoł.

[broneknotgeld]

Oliwa 1433

Wojna Polska wiedzie srogo z Krziżakami
Przi tym se kamraci nawet z Husytami
Toż prziszli Pepiki - Oliwa złupiyli
Szczyńściym sie cystersy do Gdańska schroniyli

[broneknotgeld]

Opat Lambert Schlieff

Zdo sie co wspiyroł reformacyjo
A gospodarzoł! -Ciyngym mecyjo!
Majontkow klasztor myni już mo
I podupado - tako sie zdo.

[broneknotgeld]

Opat Dawid Konarski

Przi niymu zaś wszysko zakwitło łod nowa
Blysnyła fest sztuka - we tym jego gowa
Wystrojym sie asić mog kościoł terozki
Aże do nastympny richtig wielki troski.

[broneknotgeld]

Oliwa 1697

Ksionże Conti ze wojskym prziloz po korona
Trza było Sasowi tukej go pokonać
No i uciyrpiało przi tymu opactwo
Przeca do rabunku zdolne jest żołdactwo.

[broneknotgeld]

Oliwa 1772

Ze rozbiorym polski prziszła ta utropa
Ac wszysko to zdo sie skuli tego chopa
Co go historyjo Niymiec zowie Wielkim
Z niym to już niy były jakeś duperelki

Zagarnoł cystersom cołki ich majontek
Przeca ani wyśloł zrobić im wyjontek
Łod krola terozki folwark trza dzierżawić
By sie moc regułom tu terozki "bawić"

Choć opat Rybicki mo swoja pyndzyjo
Z pałacu niy grozi mu tyż eksmisyjo
Toż przeca boleje nad tym trefym złym
Wiela lot minyło - dyć to dobrze wiym.

[broneknotgeld]

Dekret 1829

Krol pruski dekret podpisoł złowrogi
Skasujom tyn zakon - poniesom kajś nogi.

[broneknotgeld]

Towarzystwo Ludowe "Jedność" (21.II.1982)

W dziewiytnostym wieku Kaszubow łonczyło
Przeca ciyngym wiela ich w Oliwie było
Narod richtig twardy - co mu tam "hakata"
Był jest no i bydzie aż do końca świata.

[broneknotgeld]

Wiosna Ludow w Oliwie

Oliwsko biydota ruszyła na sklepy
Piekarnio zajyli chlyb do dom pobrali
Dyć przeca tu kupce niy byli tyż kiepy
Pomoc ściongli z Gdańska i łupnia im dali.

[broneknotgeld]

Banka (1873-1879)

Ano se bankom na Gdańsk jeździyło
Dyć pora koni wagon ciongnyło
Bestoż i stajnie w Oliwie były
Choć plajta cosik pryndko zrobiyły.

[broneknotgeld]

Oliwa-Jelitkowo 1908

Już do Jelitkowa wiedom banki glajzy
Wszysko tu gryfniejsze - przeca niy dlo łajzy
Yno by z letnikow grosz godziwy ściongnońć
W tyn gyszeft już gmina mocno chce sie wprzongnońć.

[broneknotgeld]

Już Gdańsk 1.VII.1926

Toż se niy ma czymu dziwać
Że już Gdańskym jest Oliwa
Długi przi tym pospłacane
Yno to uratowane.

[broneknotgeld]

Oliwa 1.VI.1926

Już Edward O'Rourke tu ordynariuszym
Kościoł poklasztorny w katedry se ruszył.

[broneknotgeld]

Oliwske łorgany

Jan Walf z Ornety doł te łorgany
Wiek łoziymnosty we nich schowany.

[broneknotgeld]

Jan Flachsbinder - Dantyszek (1485-1548)

Kim był tyn Dantyszek - ciynżko mi napisać
Tako coby nudli niy chcieliście wyszać
Bestoż szkryfna yno - gdańszczanin to zocny
Z czasow w kerych czowiek zdoł sie bardzi mocny.

[broneknotgeld]

Filip Kluwer (1580-1623)

Geografio z historyjom w jednym palcu czimoł
Toż na uniwerku w Lejdzie wcale łon niy drzymoł
Historyjo geografii Filip piyrszy spisoł
Dyć i przeca w kartografii wiela se namiyszoł
Tyż Kluwera mosz we gymbie jak godosz te słowa
"Historyjo starożytno" - w tym niy twoja gowa.

[broneknotgeld]

Podziały

Miasto Głowne - Miasto Stare
Czy podziały ciyngym jare?
Historyjo tako prawi
Dzisioj tyż se w łoczach jawi.

[broneknotgeld]

Żuraw

Setki lot już stoji
Nad brzegym Motławy
Gdańsk se w niego stroji
A łon? -Niy ma sprawy.

[broneknotgeld]

Filharmonijo Bałtycko

Tam kaj elektrownia piyrwyj gdańsko była
Se filharmonijo łostatnio wkludziyła
Salom koncertowom terozki sie aszom
Grajom tak że życie budzom a niy gaszom.

[broneknotgeld]

Plac "Solidarności"

Czi wielke krziże zdobiom go tako
Śmierci stoczniowcow tyż znakym
Oby niy było ze tym jednako
Komuna poszła z niysmakym?

[broneknotgeld]

4-6.VIII.2006 Gdański Festiwal Carillonowy

Dwa carillony zocny Gdańsk mo
Muzyka jejich niych Polska zno.

[broneknotgeld]

4-6.VIII.2006 Gdański Festiwal Carillonowy

Dwa carillony zocny Gdańsk mo
Muzyka jejich niych Polska zno.

Warszawa

[broneknotgeld]

Nigdych niy łazioł po ty Warszawie
Ynoch na dworcu przesiodki mioł
Bestoż sie szkryfna jo ło tym prawie
Taki już przeca jest tyn moj fioł.

[broneknotgeld]

Most Świyntokrzyski

Tym łon podobnoś tukej zasłynoł
Że ktoś se richtig z kosztami minoł
Fufcig miljonow wiyncyj wydali
Mo szwong stolica - niy żałowali.

[broneknotgeld]

"Toi Toi"

Turek Toy wieżowiec tyn zaprojektowoł
Hajziel przipomino - czy mi sie wydowo?

[broneknotgeld]

Plac Defilad

Kaj som te ludzie co tukej stoli?
Toż ponoć wiela komunie pszoli
Bardzi w pamiyńci już targowisko
To historyjo przeca nom blisko.

[broneknotgeld]

100

"Setkom" przejechać se po stolicy
Czy już wystyknie ty okolicy?

[broneknotgeld]

"Koneser"

Nojzocniejszo tukej gorzołeczka prasko
Dyć czasym na gowie tyż jom keryś szczasko.

[broneknotgeld]

Pałacowy zygor

Wajzry mo ponoć łon "rekordowe"
Choć czas tu jakby "stanoł na gowie".

[broneknotgeld]

"Belwedere" - gryfny widok

Pac tu swoji ślubny pałacyk wystawioł
Niy yno ze Klarom widokym se bawioł
Dyć to pewno skryła ta ichnio alkowa
Bestoż se niy byda zawrocoł tym gowa.

[broneknotgeld]

Żoliborz

Łostoł sie z wojny cołki w Warszawie
Bo tukej Niymce miyszkali prawie
Polić i bulić mieli stolica
By już niy mogła podźwignońć lica.

[broneknotgeld]

"Kanałek"

Tu piyrwyj Wisła loła swo woda
"Kanałek" łostoł - ździybeczko szkoda.

[broneknotgeld]

Polkowske młyny

Wiela stanyło młynow przi Drnie?
-Komu se dzisioj łodpedzieć chce?

[broneknotgeld]

Fosa

Ze Drny fosa sie łostała
Cytadeli bronić miała
Ruski tako umocniyli
Bo niy cołkym u sia byli.

[broneknotgeld]

"Joli bord"

Marysiyńka Sobiesko tako powiedziała
Jak na ta dziedzina kedyś se blikała.

[broneknotgeld]

Pod ryskim zaborym

Pod ruskim zaborym Żoliborz rozkwito?
Cytadela kwiotkym? -Wojok cie tu wito?!

[broneknotgeld]

Żoliborz dziynnikarski

Żornalisty rożne w dzielnicy miyszkajom
Ze szkryflanio żyjom - piorom tako pszajom
Toż jejich społdzielnia domy zbudowała
Bestoż tu cuzamyn istnych pozbiyrała.

[broneknotgeld]

Solidarnościowy Żoliborz

Tu Popiełuszko głosioł kozania
Zaś Kuroń miyszkoł kaj Plac Wilsona
Tukej wolności szukać zarania
Choć sie zdowało że bydzie konać.

[broneknotgeld]

Czesław Niemen

Na Żoliborzu pieśniczki tworzoł
Szkoda że końca swojego dożoł.

[broneknotgeld]

Hala Ludowo

Hala Ludowo "dziedzictwym świata"
Tako UNESCO przeca pedziało
Niych Wrocek krasi na duge lata
Choć przeca rokow już mo niymało.

Wrocław

[broneknotgeld]

Ech - ze tym Wrockym se popieprzyło
Piwko mie trocha chyba zećmiyło.

[broneknotgeld]

Hala Ludowo perełkom architektury

Już takom byłą jak powstowała
Za to tyż punkty dzisioj dostała
Ajza z betonym w niyj skuplowano
Tako że cudym jakby nom dano.

[broneknotgeld]

Wrocławsko Hala

Wrocławsko hala krziżym podparto
Już teroz wiymy - wiela jest warto
I cudym Ślonska zdo sie nom dzisioj
Czy ło zocniejszy żes tukej słyszoł?

[broneknotgeld]

W stulecie bitwy pod Lipskym

Z bitwom pod Lipskym zas Prusy wolne
Tam pułki ślonske swoje zrobiyły
Tref do we końcu życie spokojne?
Dyć wojna ciyngym łodbiyro siyły.

[broneknotgeld]

Po czym poznowo?

Po czym świat cołki Wrocek poznowo?
Pewnikym wiycie - Hala Ludowo.

[broneknotgeld]

Hala Stulecio 1918

Róża Luksemburg w Hali wiecuje
Pokoj dlo świata tu łobiycuje
Co z czasym wyszło? -Dyć wiycie przeca
Jo historyji rymym niy kleca.

[broneknotgeld]

Kino "Gigant"

W Hali take wielke kino
Czy Europa je wspomino?
Ponoć w niyj nojwiynksze było
Ano - przeca już minyło.

Poznań

[broneknotgeld]

Na Marcina

W listopadzie na Marcina
Poznań mo wesoło mina
Ze kościoła procesyjo
Nigdy zamku niu łomijo
Przeca przed niym festyn wielki
Dlo karlusa i dlo frelki

Ston se wziyło że co roku
W siyrpniu wiyncy poznaniokow
Na tyn boży świat sie rodzi
Dyć w Marcina pszoć nom godzi.

---

Ostrow Tumski

Jak żeś jest w Poznaniu toż drogi kolego
Niy możesz łominońć Ostrowa Tumskiego
Tu grod był nojwyrszy za Mieszka I
I tukej łokrzciyli nom ksiyńcia istnego

We katedrze znojdziesz tyż Złoto Kaplica
Kero bizantyjske mo jak gdyby lica
Prochy Mieszka z Bolkym tukej som złożone
Kaj piyrsze we Polsce miejsce poświyncone.

[broneknotgeld]

Kościoł Nojświyntszy Maryji Panny (1448)

Toż wiekow pora w tym miejscu stoji
Durś tu łostatnio coś kopiom
Archeologow łon se już boji
Dyć chyba go niy "utopiom".

[broneknotgeld]

Czecio katedra (1243)

Toż se we gotyk już łoblykała
Ździybko to trwało niym wykończyli
Dyć i z wiekami tako zmiyniała
Że jom barokym w końcu łokryli.

[broneknotgeld]

Ostrow Tumski

Se połoglondosz tukej na raty
Kanonie tako i wikariaty
We nich historio przeca zamkniynto
Godo nom cosik - dyć kto spamiynto?

[broneknotgeld]

Cybina

Ano toż tako Warty łodnoga
Za niom Ostrowek - przed "sztela Boga".

[broneknotgeld]

Śródka

Piyrwyj Ostrowek ta Śródka wziyła
"Osobny fiyrtel" -łabość czy siyła?
Smykać po nocy sie tam niy byda
Coby niy naszła mie jakoś biyda.

[broneknotgeld]

Kościoł św. Małgorzaty

Wiek sztyrnosty nań już blikoł
Toż gotykym durś se asi
Zocny czowiek tukej rzykoł
Bestoż ciyngym Śródka krasi.

[broneknotgeld]

Poznań 1253

Przemysł I go lokowoł
Tam kaj Warty brzeg jest lewy
Zdo sie grod z tym nowy stowioł
Tref mu sprzijoł - to niy plewy.

[broneknotgeld]

Jan Baptysta Quadro

Toż kunszt w Poznaniu pokozoł tako
Gotyk skiż niego pewno zapłakoł
Dyć ratusz blyszczy renesansowo
Fasada aże w czech sztokach stowo.

[broneknotgeld]

Muzeum Historyji Miasta Poznania

Ano muzeum dzisioj w ratuszu
Szkryflać by wiela - zabraknie tuszu
Koziołki dali se tu trykajom
Ty szteli zocny wszyscy tyż pszajom.

[broneknotgeld]

Stary Rynek 1945

Wiela uciyrpioł w zimowe dni
Łodbudowany - toz kożdy wiy
Dyć tu po wojnie ruina była
Dzwigli bo Poznań ciyngym mo siyła.

[broneknotgeld]

Katedra śś Pyjtra i Pawła

Pyjter i Paweł jak wieże jyj
Toż do Ponboczka porzykać chciyj.

[broneknotgeld]

Kaplica św Marcina

Łobroz ze legyndom Marcina znojdziecie
Co patronym tako Poznania na zowdy
Płotno namalowoł Boguszewski przecie
W siedymnostym wieku zrychtowoł - naprowdy.
-

Kaplica św Marcina

Łobroz ze legyndom Marcina znojdziecie
Co patronym tako Poznania na zowdy
Płotno namalowoł Boguszewski przecie
W siedymnostym wieku zrychtowoł - naprowdy.

Toż se niy dziwejcie co Wazow widzicie
Przeca i ze kunsztym idzie pofolgować
Ano - take zowdy już te nasze życie
Władza chce by cosik tyż łod sia jyj dować.

[broneknotgeld]

Muzeum Sztuk Użytkowych

Kunszt w czymś zdo sie do roboty
Ano blikej - niy gupoty.

Kraków

[broneknotgeld]

Kopiec Kraka

Ksionże Wiślan Krakym zwany
Tukej mioł być pochowany
Możno żył łon w VII wieku
Kto to dzisioj wiy czowieku?

--

1000

Thietmar szkryfnoł ło Krakowie
Rok był wtedy rowno tysionc
Grod wawelski co sie zowie
Na to już mogymy przisionc

Było te podgrodzie Okół
Zowdy take przi grodziszczu
Dwie osady tyż na boku
Pryndko sława Kraków zyszczoł.

--

Goethe w Krakowie

Goethe tyż w Krakowie siedzioł
Był tu przez dni sztyry
Ło Wieliczce przeca wiedzioł
Tam go niosły gyry

Minerały mioł we zocy
Tego był ciekawy
Solom piyknie napas łoczy
Tela mioł zabawy

Dyć na chałpie kaj nocowoł
Wisi już tabula
Bliknij jak ci sie wydowo
Że jo chca cie fulać.

[broneknotgeld]

Krakow 1257

Bolesław Wstydliwy Krakow dźwignoł tako
Że doł prawo miejske mustrym magdyburskim
Grod se samorzońdzioł jak wiela jednako
Giścińcym szyrokim a niy jakimś wonskim.

[broneknotgeld]

Hotel "Kopernikus"

Hotel "Kopernikus" wloz już do elity
Chocioż w kamiynicy staryńki jest przi tym
We niyj nasz Kopernik richtig pomiyszkiwoł
Jak żakym w Krakowie jakiś czas przebywoł.

[broneknotgeld]

Bożnice Kazimierza

Toż se łostały na Kazimierzu
Choć możno bych w to i niy uwierzoł
Że ciyngym stojom tu synagogi
Dyć przidź - łoglondnij - przeca mosz nogi.

[broneknotgeld]

Na Skałce

Na Skałce dzisioj Paulinow znojdziesz
Kościoł i klasztor - drapko tam dojdziesz
Teroz barokym wszysko sie asi
Tako ta Skałka i Krakow krasi.

[broneknotgeld]

Kościoł św. Wojciecha

Na Rynku se stoji
Nojstarszy w Krakowie
Styl "misz-masz" go stroji
Dyć w sercu mo czowiek.

[broneknotgeld]

Ołtorz mariacki

Przi tym ołtorzu ło Stwosza Wita
Żodym w Europie niy śmi zapytać
Bo arcydzieło wielke to przeca
Styknie że slypiym po świyntych leca
We kunszcie wola Ponboczka widać?
Czy rynka ludzko? -Dowod trza by dać

[broneknotgeld]

Na Plantach

Na Plantach se dychniesz
Na ławeczce zicniesz
Niym szpas Krakowowi
Jeszcze jakiś wytniesz.

[broneknotgeld]

"C.K.Browar"

Na Podwalu knajpa tako
Piwo przednie - durś jednako
Se tu zicniesz i napijesz
Ano - zaroz wiysz że żyjesz.

[broneknotgeld]

Mo Krakow

Mo Krakow we Istnym swojego patrona
Dyć niyroz tu robioł Łon za fojermona.

[broneknotgeld]

Rok Krakowa drapko przidzie
forum.gazeta.pl/forum/72,2.html?f=170&w=46418223
Ze tym nowo radość bydzie.

[broneknotgeld]

Krakow wandrusow zaproszo tako
www.krakow.zaprasza.net/
Toż niychej żodyn u nich niy płako.

[broneknotgeld]

"Krakow żyje..."

Krakow żyje z turystyki
Som we wercie cosik bliki
Łod wandrusa co se zjawi
Grod upasie - som zabawi.

[broneknotgeld]

Na Kazimierz

Z rynku przeca niydaleko
Toż Kazimierz na mie czeko
Se prziwitom w paździyrniku
Możno kajsik tam porzykom.

[broneknotgeld]

Plac Mariacki

Z Małego Rynku na Głowny ida
Toż Plac Mariacki to niy łobrzida
Łon jako Krakow gryfny jest przeca
Tyż zdo sie dziwym ty szteli neca.

[broneknotgeld]

Plac Mariacki

Z Małego Rynku na Głowny ida
Toż Plac Mariacki to niy łobrzida
Łon jako Krakow gryfny jest przeca
Tyż zdo sie dziwym ty szteli neca.

[broneknotgeld]

Kaplica Zygmuntowsko

Blyszczy kopuła se jeji złotym
Jako łostawić istno na potym?
Jak ło Wawelu myśla to marza
Że familijom wpiyrw tukej właża.

[broneknotgeld]

Arcybractwo Dobry Śmierci 1595

Toż se mu dziwej terozki chopie
Jedne łostało łone w Europie
Choć już skazańcow niy wykupujom
Przeca w Krakowie dobrze se czujom.

[broneknotgeld]

W Arcybractwie

Toż w niym mog być krol i kmieć
Czy wystykło yno chcieć?

[broneknotgeld]

Jako spokopi to wszysko gowa?
forum.gazeta.pl/forum/72,2.html?f=61&w=47516511
Fajer Sztrasburski we Rok Krakowa?!

Łódź

[broneknotgeld]

Łódź

Łódź ze "Ziymi Obiycany"
Taki łobroz piyrszy dany
Coś se szkryfna ło tym tukej
Łódź żydowsko - w nia zaklupej.

[broneknotgeld]

Przi rynku

Przi rynku Żydow nojwiyncy miyszko
Na jejich muster ta sztela blysko
Dyć se to inkszym niy spodobało
Starozakonnych chcieli mieć mało.

[broneknotgeld]

Niy w "rewirze"

Miyszkać kaj ińdzi niy było leko
Wiela utropy na Żyda czeko
Niy śmiy łoblykac se po swojymu
Godać po polsku - niy po ichniymu
Chyba że na tyn niymiecki przyńdzie
Abo francuski z gymby mu wyńdzie.

Katowiece

[broneknotgeld]

Agnieszka

Łod huty cynku szło jeji miano
Bo jom tu piyknie "Agnes" nazwano
Konsek a byliby my w Chorzowie
Dyć jom przigarła gmina Wełnowiec
Kto z wos pamiynto te piykne zdjyńcie?
Co biydaszyby przi "Prezydyncie"
W latach kryzysu pokazywało
Z tego słynyła Agnieszka cało
Dzisioj sie wspomnij ta kolanijo
Jak czasym droga Agnieszki mijosz.


Kostuchna

W Kostuchnie miyszkali na "Murckach" robiyli
No a potym jeszcze na tych "Bożych Darach"
Coby ze grubami tu sie niy pomylić
"Emanuelssegen" - wspomna nazwo stara

Potym to cuzamyn we "Murcki" zebrali
Miano łod bergmonow kere szli z roboty
Ta gruba w Kostuchnie fedruje nom dali
Jak na niyj durś robisz to nosisz galoty.


Alfred

Tyj gruby "Alfred" już tu niy momy
Ło "Hohenlohe" zapominomy
A na Alfredzie przeca bergmony
We familokach byli sie pony
To tukej po swyj ciynżki robocie
Mieli ze życio choć trocha pociech
W Polsce Alfreda nom podzielyli
Do Siymianowic konsek dopiyli
Reszta z Wełnowcym we Katowice
W tym eku trzech miost momy granice.

[broneknotgeld]

Bogucice

Już w wieku czinostym - łod lot to godajom
Stoła tukej wioska na prawie niymieckim
Dyć nojstarszy papior z kerego jom znajom
Wionże z wojewodom sie tym sandomierskim

Otton ze Pilicy - take jego miano
We cztyrnostym wieku wieś mu ta nadano
Mikołaja była we tym szczyro wola
- Ksiyńcia Raciborza no i tyż Opola

Potym było tukej Ksiynstwo Pszczyńske sławne
Z kerego Salamon wykroł ordynacjo
No i w końcu prziszły czasy niy tak dawne
Jak po Mieroszewskim Tiele-Winckler nastoł

Bo wszyscy my wiymy że te Bogucice
Były ważnom czyńściom "Państwa Mysłowice"
Przipadła im przeca ciekawo kariera
Rosnyły se razym z majontkym Wincklera.


Kuźnica bogucko

Staro kuźnica przi rzyce Rawie
Stoła tu ponoć w piytnostym wieku
To sie niy mieści we gowie prawie
Ajza dyrś loli - mody człowieku.


"Ferdynand"

Jako by żyły bogucke strony
Bez "Ferdynanda" kerego znomy
Ta gruba dowo durś przeca życie
Dzisioj jyj miano to "Katowice".

[broneknotgeld]

Katowicko fojerwera

Mo gyburstag fojerwera ze naszych Katowic
Myśla tukej ło karlusach cołkym zawodowych
Niymcy - Polska durś na zmiana im sie to kulało
Ważne że te fojermany gasiyli niymało
Sto lot - przeca przez szmat czasu służyli tu co dnia
Życzyć im trza co by mynij jeździyli do łognia.


Borki

Przicupły prawie nad tom Brynicom
W Sosnowiec ciepnoł byś stond kłonicom
Mie gruba "Polska" zaciekawiyła
Co w miyndzywojniu tukej stanyła
Dyć dwóch knajpiorzy jom miało przeca
Co z niyjednego jedli chlyb pieca.


Boże Dary

Tu gruba "Boer" Hohberg założoł
Do tego kolonio doszła
Za staryj Polski wongel tyn wożoł
Pszczyna stond jeszcze niy poszła

Przed drugom wojnom zmiynili miano
Kawałka tyj ślonski ziymi
Już "Boże Dary" wszysko to zwano
Teroz cieszymy sie nimi.

[broneknotgeld]

"Oheim" - "Wujek"

Ksionże Hohenlohe gruba ta postawioł
Wielgachno bo łon sie drobnicom niy bawioł
We tych Katowicach do dzisioj fedruje
Bo przeca ze "Wujka" durś sie wongel suje.


Burowiec

Wedle Dombrowki tyj Mały
Chałpy Burowca se stały
Ziymia se leko łorali
Aże Wincklerow poznali
Ze hut sie tu zakopciyło
Gruba tyż rosła aż miło
Swoje dociepli łod Gischa
Kajsik strociyła sie cisza
Wongel i ajza - ołow i cynk
Bamber ze tego tukej by pynk.


Domb

Łod średniowieczo już Domb był tukej
U bożogrobcow dowodow szukej
Przeszli jak burza przez Domb Tatary
Zniszczyli nawet tyn Chorzow stary

Dyć miechowitow wioski to były
Lazarytowi ciyngiym służyły
Tymu z Bytomia - Świyntego Ducha
Kaj wiela chorych znodło otucha.

[broneknotgeld]

"Waterloo"

"Waterloo" - gruba tako tu była
Dusza Baildona we niyj sie skryła
Czimoł na społa łon jom z klasztorym
Tym co pomogoł Ślonzokom chorym

Potym wyrosła z niyj "Eminyncjo"
Bo w wonglu przeca była potyncjo
Za tyj komuny "Gottwald" jom zwali
Dyć czorne złoto sypało dali

Złonczyli jom tyż ze "Kleofasym"
A jak czerwone przestało straszyć
I nikt niy kłonioł sie tymu po pas
Zrobiyli "Katowice - Kleofas"

Dyć nojważniejsze jest to że w Dombie
Tyn duch Baildona durś w ścianie rombie.


Dombrowa

Niydowno łona we Katowicach
Durś swojym lasym może zachwycać
Wiedzie do niego ta droba "Saska"
Mor tukej dopod wojsko - do diaska
Byli na służbie Augusta Sasa
Tukej skończyli w Dombrowy lasach.


Dombrowka Mało

Niy wiym czy idzie godać ze mało
Jak z samyj nazwy by wynikało
Gmina tu przeca dość ludno była
Co koloniami sie łobłożyła
Norma i Pnioki Czekaj Burowiec
Ze niyj wyrosły te sztele nowe
A jak dołożyć gruby i werki
Powiym że konsek Ślonska był wielki.

[broneknotgeld]

Fryderyka

Kolanijo Fryderyka kedyś tukej była
Dyć w Wełnowiec sie dość downo cołkym nom wtopiyła
Hohenlohe jom założoł dlo tych z werkow jego
Miano swoje tyż dołożoł no i tela z tego.


Giszowiec

Ta modo osada Gischewaldym zwano
Łod tych z "Gisches Erben" wziyła swoje miano
Las piyrwyj należoł do Thiele-Wincklera
Osiedle powstało piykne jak cholera

Dzisioj by pedzieli że było wzorcowe
Chałpy przeca tukej tyż cołkym stylowe
Bergmon po robocie w łogrodku sie siedzioł
Za co tak harowoł - ło tym dobrze wiedzioł

Leciało to dalyj za tyj stary Polski
Dyć po drugi wojnie nastoł już czas "swojski"
Łoboczyli my to w "paciorkach rożańca"
Jak komuna wziyła starzykow do tańca

"Łobalić trza stare - postawić se nowe"
Bez to momy tu tyż osiedle klockowe
Stare ze tym nowym dziwnie pomiyszali
Ciekawe co piyrwyj bydzie sie zaś walić.


Huta Arnold

Huta cynku "Arnold" i jyj kolanijo
Janowa to była kedyś familijo
W Katowicach dzisioj lecom im godziny
Arnolda poszukej wele tyj Boliny.

[broneknotgeld]

Jozefowiec

Miano łostało po tym Bederze
Zeflik mu przeca godali
Droga Bedera - naszkryflom szczerze
Tyż Jozefowskom nazwali

Bo jak komuna prziszła po wojnie
A ze niom zaś inkszo nyndza
Farorz we grobie społ niyspokojnie
Niy chcieli patrona ksiyndza

Dyć zamazane to jakoś dzisioj
Jakby historio ktoś sprościoł
Ło tym ksiynżoszku wiyncyj by słyszoł
Kto w Katowicach by gościoł.


Jozefowiec

Skiż Hohenlohego - pana na Bytkowie
Pryndko sie rozwinoł tyn nasz Jozefowiec
Ci ze werkow jego musieli kajś miyszkać
Po blisku - by piechty zadreptać na szychta
Były jednak tukej tyż przeca i szkoły
Chor i rożne zwionzki co Polsce durś pszoły
Już we polskich czasach pryndko Jozefowiec
Włonczyli na amyn we gmina Wełnowiec
Jak po drugi wojnie rosły Katowice
To sie upomniały ło te okolice
Miano nom łostało - tako zwom osiedle
Droga Jozefowsko co leci tyż wedle
Yno zaginyło nazwisko Bedera
Choć myśla ło ksiyndzu - biere mie cholera.

[broneknotgeld]

"Gische"

Kopalń janowskich było bez liku
Zrobiyli z nich jedna - "Gische"
Wiela pokolyń naszych gornikow
W ziymia łod lot tu sie pisze

I chocioż teroz inksze jyj miano
We gymbie "Wieczorek" momy
Fedruje bergmon tukej co rano
Durś wongel stond dobywomy.


We Janowie

We Janowie malować lubiyli
Z tego downiyj już tu zasłynyli
Piyrszy ze nich Ociepka Teofil
Jo bych pedzioł że łon był "carbofil".


Jozefowiec

Miano łostało po tym Bederze
Zeflik mu przeca godali
Droga Bedera - naszkryflom szczerze
Tyż Jozefowskom nazwali

Bo jak komuna prziszła po wojnie
A ze niom zaś inkszo nyndza
Farorz we grobie społ niyspokojnie
Niy chcieli patrona ksiyndza

Dyć zamazane to jakoś dzisioj
Jakby historio ktoś sprościoł
Ło tym ksiynżoszku wiyncyj by słyszoł
Kto w Katowicach by gościoł.

[broneknotgeld]

Klizmowiec

W Katowicach z Klizmowca nic niy ma
Szłoby tukej łopuścić tyn tymat
Dyć przez pamiyńć zocnego młynorza
Jednak szkryflać sie ło tym łodwoża

Domki kedyś te fińske tu stoły
Teroz w niebo sie dropiom "pachoły"
Beton jakoś niy cieszy mie wiela
Wolołch staro spokojno ta sztela

Tysionclecie tu dzisioj jest Gorne
Chocioż życie wydaje sie chmurne
Jada bankom i blikom ze glajzow
Widza yno tyn kopiec amajzow.


Kokociniec

Konsek Katowic przi samy Rudzie
Możno Kłodnicom spłynońć tam pódzie
Jest tu osiedle bergmonow "Ślonska"
To tyż ze Rudom nitka niywonska

Piyrwyj tu były jednak dziedziny
Łod tych Hochbergow ksionżont ze Pszczyny
Huta i gruba tu postawiyli
Wonglym już przeca ajza topiyli.


Kolonio Wysockiego

Na trasie z Giszowca do tego Nikisza
Po drodze kolonio se leży
Terozki niywiela jo ło niyj już słysza
Wysocki jyj patron - uwierzysz?

Dyć był to se karlus co Flawian mioł miano
Łon kedyś harowoł na "Gischu"
Komunie pszoł mocno i bestoż tak zwano
Osada przi sławnym Nikiszu.

[broneknotgeld]

Kuźnica Bogucko

Kuźnica Bogucko tukej piyrwyj była
Łona nad Roździankom sie nom rozwinyła
Dyć ło niyj Walynty Roździeński napisoł
Że Jurga Kleparski kuźnikym tu prziszoł

Bez lata jom zwali durś łod tyj kuźnice
Choć rosła tyż tukej ta wieś Katowice
Po myśli inkszego kuźnika - Andrzeja
By z czasym zastompić jom we dalszych dziejach.


Huta "Marta"

Dzisioj jom niy ma choć dugo była
Prawie przi rynku miasta nowego
Tam kaj ta sławno kuźnica żyła
Wspomnij kuźnika tu boguckego.


Ligota

Łod Staryj Ligoty wszysko sie zaczyło
Choć we downych czasach ciynżko tukej było
Rzondziyła tu przeca czynsto tyż zaraza
Po polach sie huloł wiater we tych razach

Jak sam zaś nastały czasy huty "Idy"
Poleku Ligota wylazła ze biydy
Doszła jeszcze gruba kerom "Szadok" zwali
Wongel do tyj huty we niyj dobywali

Dobrze tyż sie stało że cug tu puściyli
Bo małe letnisko z Ligoty zrobiyli
Przi banhofie rosła osada łod nowa
Ta staro przi nowyj zaczyła sie chować

Wszysko to sie dzioło tu za Niymca jeszcze
We powiecie pszczyńskim była wtedy - wierzcie
A już za tyj Polski cołko okolica
Czwortom tajlom była we tych Katowicach

Dyć do dzisioj to jest Katowic dziedzina
Chocioż tak niydowno włodała niom Pszczyna
Jak tam kedyś zajrzysz wspomnij moje słowa
I tyskego piwa chlapnij se dlo zdrowia.

[broneknotgeld]

Co to jest?

Dzielnica i gruba jedne majom miano
Skiż wonglo tak piyknie je przeca nazwano
Kedyś było tukej "Wolne Państwo Pszczyna"
Dzisioj to Katowic ciekawo dziedzina.


Nikiszowiec

Dyć niy było by "Nikisza"
Jakby tu zabrakło "Gischa"
Ze tyj gruby szachty miano
Do osiedlo przipisano

Zillmann to zaprojektowoł
Swojo dusza w cegły dowoł
Wyszło piykne mini-miasto
Juz docynić prziszoł czas to

Bo perełka naszo ślonsko
Tyż historio mo niywonsko
To jest jakby jedyn świat
W Ślonsku ślonski richtig brat.


"Perła"

Ta "Perła w koronie" widziołch pora razy
Tam ze Nikiszowca som piykne łobrazy
Dziynki Kutza sztuce Polska to widziała
Dyć jednak pewnikym pryndko zapomniała
Trza to jakoś zmiynić - Nikisz nom promować
Nowe klocki przi tym powinny sie schować
Chyba niy przipadkym ta "janowsko grupa"
Właśnie tu sie jakoś zebrała we kupa
Pyndzle se chyciyli - malowali piyknie
Było tego tela że dzisioj nom styknie.

[broneknotgeld]

Ochojec

Nad rzekom Ślepotkom ta wioska leżała
Z czasym sie rozrosła trocha wybujała
No a na łostatku lazaryt tu powstoł
Kaj niyjedyn bergmon koncek zdrowio dostoł.


Osiedle Belojannisa

Był pieroński pożar na tym "Kleofasie"
Bergmonow uczciyli już we Polski czasie
Kery na osiedlu se tukej zamiyszkoł
Nazwiskym boroka nom czasym zablyskoł
Bo do dzisioj drożki ze osiedlo tego
Noszom miano ofiar - wiela w tym dobrego.


Osiedle Modych

Na Osiedlu Modych
Szukej swyj przigody
Przijedź do Zadola
Jak mosz tako wola
Schowej sie w malinach
Tam zrzyndnie ci mina
Jak szukosz dobroci
To skryj sie w paproci
Podzimki borowki
Wlezom ci do gowki
Mynczy cie rodzina
Łostow jom w jeżynach.

[broneknotgeld]

Osiedle Staszica

Wdepły te klocki nom do Giszowca
Chciałyby dalyj dyć już niy potrza.


Osiedle Tysionclecia

Tysionclecie poleku rośnie nom tu dali
Nawt kościoł do tego piykny zbudowali
Doszły tukej tyż nowe jakeś "kukurydze"
Mozno kedyś ze tego dobry "popcorn" bydzie.



Panewniki

Nojpiyrw był tukej jedyn Panewnik
Starym go zowiom do dzisioj
Panwie robiyli tu w dziyń powszedni
Downo to było - joch słyszoł

W cztyrnostym wieku był wele Kłodki
Teroz żech tyż to łoboczoł
Czimie sie jeszcze małyj Ślepotki
I nigdy jom niy przekroczoł

Domb tukej rosnoł wele zajazdu
Co blikoł na Jana wojsko
Pod Wiedyń ciongnoł łon wielkom jazdom
Armia z łodsieczom szła polsko

Dyć niydaleko łod Panewnika
Klasztor zaczyli budować
Wyrosła piykno tyż bazylika
Stary sie zaczoł dziwować

Bo pryndko inksze chałpy tu doszły
Urzyndy knajpy i szkoły
W Nowym już łone piyknie wyrosły
Tyn kont był teroz wesoły

Panewnik zmiynioł sie w Panewniki
I w Polsce już tak go zwano
Czy dzisioj wiedzom to małe smyki
Że jest łod panwi to miano?

[broneknotgeld]

Podlesie

We pszczyńskim Podlesiu po czeskich husytach
Niy ujrzoł żeś chopa ani tyż kobiyta
Dyć poleku wioska sie zaś zaludniyła
Podlesie urosło - ziymia sie blyszczyła

A tutejszy sołtys pod Wiedniym bioł Turkow
Z pszczyńskimi chopami nasiekoł z nich wiorkow
Kedyś tu kwatery miały wojska Sasa
Chop przi nich zaciskoł richtig swego pasa

Nastoł w koncu tukej tyn wiek dziewiytnosty
Łon tyż dlo Podlesia wcale niy był prosty
Choć durś przeca rosła cołko okolica
Ze klucza wyrskego hrabiego Promnica

Kmiycie już pańszczyzny płacić tu niy chcieli
W końcu i na swojim gospodarzyć mieli
Bo w połowie wieku uwłaszczynie prziszło
Kere niy kożdymu fest na dobre wyszło

Z powietrzym morowym tu sie tyż mynczyli
Chocioż coroz gyńści we tyj gminie żyli
Nowy wiek im przinios same "Boże Dary"
No i tyż sie wynios porzondek tyn stary

Jakoś sie kulało w tyj Polsce do przodu
I durś przibywało we gminie narodu
Za Gierka Kostuchna jednak tu rzońdziyła
Krotko - bo poznała tych Katowic siyła.


Pod Młynym

Młynorza Kaśka młyn tukej miała
Tyż tu sie kończy Dombrowka Mała
Mielyła zboże po naszyj stronie
Bo przeciyż Ślonska tukej był koniec.


Downy Roździyń

Łon już nom wyrosł w cztyrnostym wieku
Ponow mioł wiela - niy licz człowieku
Tukej tyż staro kuźnica była
Kero nad Rawom sie rozłożyła

Wtedy jom zresztom Roździankom zwali
Sławny Roździeński tukej był dali
Co pisoł wierszym ło swyj robocie
Z keryj durś wiela mioł przeca pociech

Do wieku pary kuźnica doszła
Z czasym historiom swojom łobrosła
I choć jom potym wcale niy było
Ło jyj kuźnikach durś coś sie śniyło.

[broneknotgeld]

Szabelnia

Kuźnica Turzonów kedyś tukej była
Kero sie w szabelnia pryndko zamiyniyła
Szabla szopiynicko niy słynyła może
Pamiyńć nom łostała i za to - szczyńść Boże.


Kedyś w Szopiynicach

Husyty do Szopiynic prziszli ze Zagorza
Ciynżko dlo tyj wioski była ta ich burza
Dyć poleku jednak zaś sie zaludniyła
A przed wiekym pary Mieroszewskich była
Wszysko sie zmiyniyło łod tyj "Wilhelminy"
Cynk we niyj topiyli ze ślonski dziedziny
A do tego doszło pryndko grubow pora
No i cug - przemysłu ślonskego podpora.


Szopiynice

Roździyń-Szopiynice tako gmina była
Zanim sie tu Polska naprowdy zaczyła
Dyć jeszcze za Niymca sie nom rozłonczyły
Niydugo - a jednak już osobno były

Jak zaś tukej Polska głośno zaklupała
Szopiynicom gminno miejskość sie dostała
Miastym cołkom gymbom by wtedy se były
Yno prziszła wojna i już niy zdonżyły

Stało sie to jednak w piyńdziesiontym roku
Nawet powiat miejski wykroli na boku
Bo tyn Janow Ślonski i Dombrowka Mało
Do powiatu wlazły - tako była całość

Problym jednak we tym że te Katowice
W końcu połaszczyły sie na Szopiynice
I choć jest tyż ze nich osobno dzielnica
To jakoś niy wszyscy chcom sie tym zachwycać.

[broneknotgeld]

Wełnowiec

Za Niymca i za Polski staryj
Była tu samodzielno gmina
Losu niy bierom już na bary
Dzisioj Katowic to dziedzina.


Wilhelmina

Na Wilhelminie już niy te czasy
Kere tu kedyś bywały
W łoczy sie ciepiom yno te sztrasy
A piyrwyj świat tu był mały

Kery sie kryńcioł wele tyj huty
Łod "Spadkobiercow Gischego"
Ze "Wilhelminy" suchali nuty
Żyli do rytmu takego.


Wymysłow

Piyrwyj jak keryś jechoł z Wrocławia
Tym traktym na Mysłowice
To za Ślepotkom mioł już zabawa
Bo bliske to okolice.

[broneknotgeld]

"Bugla"

Bugla - tak sie chop tyn zwoł
Co gront czimoł bo durś sioł
Ziymia łorać zboże sioć
Niy ma co sie z tego śmioć

Dyć choć mocno tym sie smucioł
Kijym rzeki niy zawrocioł
Jakbyś był tu cołkym blisko
Wlyź na "Bugla" - kompielisko.


Załynże

Załynże to richtig jest staro już wiocha
Tych kuźnic tu było łod diobła i trocha
Panow tyż zmiyniało choby rynkawiczki
Ważne że istniało nom przeca tu wdycki.


Kramsta w Załynżu

We Wrocku handlowoł
W Załynżu fedrowoł

"Charlotte" i "Victor" te dwie kopalynki
"Oheim" potym capnoł - poszło to łod rynki

Dyć Kramście sie jeszcze huta zamarzyła
Nazwoł jom tyż "Victor" - cynk tukej topiyła.

[broneknotgeld]

Zarzecki wodnik

Miyndzy Bagnikym a Kaskadnikym
Kożdy sie może poczuć wodnikym
Pełno tu rybow kajbyś niy blikoł
Joch sie tu kedyś łusek nałykoł
Czyje te łuski do dzisioj niy wiym
Jednak z tutejszyj słodki to ryby.


Zarzecze

Ze Uniczowow wyszło Zarzecze
Było we pszczyńskim kedyś powiecie
Gminno kariera jednak skończyło
Jak ze Podlesiym sie połonczyło
Potym Kostuchna Zarzecze chciała
Z nim w Katowice sie tyż dostała.


Zawodzie

Dlo Bogucic to było za wodom
Za tom Rawom jo jeszcze tyż dodom
Nastowiali tu werkow aż tela
Że wyliczyć sie ich niy łośmiela

Choć cieszyło sie gminy prawami
Jednak zepli je z Bogucicami

Piykny ratusz tyż miała ta gmina
We Zawodziu go niy trza wspominać
Ekonomia w nim teroz kroluje
No i ważne że nom sie niy suje

Blisko jest stond do cyntrum Katowic
W tyj dzielnicy ci kożdy to powiy.

[broneknotgeld]

Katowice? -Tako wiocha
Co wyrosła jakby trocha
Na tym wonglu ajzie cynku
Tela powiym jo ci synku.

Ołomuniec

[broneknotgeld]

Ołomuniec

Piyrwyj stolica Moraw tu była
Mo Ołomuniec i dzisioj siyła.

bronek lo Jezu chopie do biolego dymej

[matka_niemka]

bo z gowom cos mos zo som ze sobom godos