Wejherowo

[broneknotgeld]

Po kaszebsku jo niy umia
Ślonski yno wyrozumia
Dyć pociongna se do przodka
W Wejherowie moja godka.

[broneknotgeld]

Wejherowu pszaja wiela
Ło niym rymy teroz ściela.

[broneknotgeld]

Kaszubsko stolica

W pradolinie Redy zocne miasto leży
Kere Wejher tukej przed laty zbudowoł
Kaszubsko stolica - możecie mi wierzyć
Niy myślcie że yno mi sie to wydowo.

[broneknotgeld]

We tym Wejherowie jo żech jest co rok
Z Gdyni SKM-kom robia se tam skok.

[broneknotgeld]

360 lot Wejherowa

Klupło to łońskego roku
Choć niyskoro - dyć winszuja
Niychej rośnie krok po kroku!
Wejherowu rym tyn suja.

[broneknotgeld]

Wejherowske fedry

Reda Bolszewka i Cedron
Mie widzom sie jakby fedrom
Na kery wszysko sie czimie
I jakoś siyła w tym drzymie.

[broneknotgeld]

Śmiechowo

Jak cugym tam jada
To lachom sie wiela
Niy mynczy mie zwada
Ze szpasym ta sztela.

[broneknotgeld]

Z Nanic

Coś w duszy gro?
Z Nanic sie zdo!

[broneknotgeld]

Gora Zamkowo

Wele wejherowa jest Gora Zamkowo
Średniowieczny grodek - archeolog godo
Na kurhany blikej - tyż ciekawe tukej
Downy historyji kaj chcesz tam se szukej.

[broneknotgeld]

W średniowieczu

Pod zwiyrzchnośćiom Piastow kasztelanii gdański
Ta ziymia se nojpiyrw trocha podlygała
Dyć to se zmiyniyło wedle woli pański
Jak pucko zrobiyli to tam zoglondała.

[broneknotgeld]

XIII - XIV wiek

Za ksionżont pomorskich Prusowie osiedli
Łoni we tych stronach zocne życie wiedli
Dyć w XIV wieku już w Zakonu mocy
Kery Łokietkowi łotwar ponoć łoczy.

[broneknotgeld]

Rycerske dobra

Śmiechowo i Nanice łod wiekow tu były
Jeszcze ło Wejherze te ziymie niy śniyły.

[broneknotgeld]

XV wiek

Po Grunwaldzie Zakon słaby
Już niy dowoł se tu rady
Zwionzek Pruski przeca powstoł
Wiatru w żagle ździybko dostoł

W końcu wojna przikulało
Z niyj biydniejszo ziymia cało
Przez czinoście lotek przeca
Wojska brały durś do neca

Roz pomorske roz krziżacke
I na zmiana tyż te lacke
Potym Polska zaś tu prziszła
Choć ze wojny nyndza wyszła.

[broneknotgeld]

1526

Zygmunt Stary potwierdzo nadania
Ziymi Nanic i tyż ze Śmiechowa
Majom prawo tu niymi władania
Janek Loka i Michał z Jackowa.

[broneknotgeld]

No i już Wejher

Łod Jackowskich te ziymie Wejher kupioł w końcu
Jak tyn wiek szesnosty już niy blyszczoł w słońcu.

[broneknotgeld]

Z rodowych legynd

Legyndy rodowe głoszom - rod z Frankonii aże
Karol Łysy - cysorz rzymski już Wejhera znoł
Dyć ta bajka historyjo dzisioj cołkym marze
Widać yno że ambicjo tyn rod wielko mioł

We dwunostym wieku ponoć tyn Ryszawobrody
Pas rycerski przipasowoł z Wejherow jednymu
Bo sie wiela mu zasłużoł choć był jeszcze młody
I łostało to w pamiyńci na chwała istnymu

Wiek sztyrnosty - już ich Zakon przigarnoł do siebie
Mieczy tyngich poczebowoł przeca łon tu zowdy
W lynno wiycie co dostali? -Ano godom - Łebe
Ale sie mie niy pytejcie wiela w tym jest prowdy.

[broneknotgeld]

Historio rodu Wejherow

Piyrszy był Mikołoj - możno tak niy zwany
Mistrz Zakonu nadoł mu w Gyńsi te łany
Wieś ze Białogardy zocny parafiji
Łon tu zaczoł dzieje naszy familiji
Kero pryndko wziyła sie Wejhera miano
Ze wojtostwa Łeby tyż stała sie znano
Tako ło tym jeszcze wiek sztyrnosty godo
Niy wiym czy coś wiyncy historyjo dodo

[broneknotgeld]

Hans Wejher

Ło niym to my richtig już dość wiela wiymy
Znali go ze tego że krziżokom pszoł
We czinostoletniyj wojnie go widzymy
Dyć żech tukej szkryfnoł jako strona broł

Szczyńściym wloz pod krzidła ksiyńcia pomorskego
Bo ziymia lymborsko we ta poszła strona
To go uchroniyło łod gniywu polskego
Synkow łon mioł ośmiu - w spokoju mog konać.

[broneknotgeld]

To ci fater

Tym tyż zasłynoł Hans Wejher tukej
Że ośmiu synow po niym aż szukej
Klaus Pyter Hanslik Jorgyn i Martin
Bartłomiyj Dytryk Jakub - niy żarty.

[broneknotgeld]

Klaus Wejher

Syn Hansa Mikołaj - Klausym czyńści zwany
Jymu tyn wojt Łeby był tukej pisany
Na Słupsku starosta - urzond przeca zocny
W Polsce i Pomorzu pan to już był mocny

Ze Zofijom Rahmel czech synow uchowoł
Marcin sie biskupym kamiyńskim mianowoł
Francik w swoje rynce wzioł ziymia lymborsko
Ernest jednak musioł wybrać polske wojsko.

[broneknotgeld]

Ernest Wejher

Łon Rzeczpospolityj ze oddziałym służoł
Kery na Pomorzu pryndko se zwerbowoł
Na wojnie sie wiela wzbogacioł i użoł
Inkszym najymnikom taki przikłod dowoł

W Inflantach wojowoł niy yno dlo Polski
Bo przi tym tyż ponoć zadboł fest ło swoje
Jak tyn zamek Dahlen zajmowoł ze wojskym
To przi czyńści skarbu pedzioł "To jest moje"

Co zdobył lokowoł u sia na Pomorzu
Rosły tukej ciyngym ziymske dobra jego
No i przeca tego tyż na końcu dożył
Że jak na magnata paczeli na niego

Dyć wojna to było coś co mu leżało
Na Gdańsk i na Moskwa poszoł ze Batorym
Do Szwecji za Wazom tyż mu sie lyźć chciało
Bo bez juchy z ajzom bywoł jakby chory

[gonia49]

mieszkalam kiedys w wejherowie ale takiej wiochy nie slyszalam

[autochton5]

gonia49 napisała:

> mieszkalam kiedys w wejherowie ale takiej wiochy nie slyszalam

No to bardzo dobrze, że już w Wejrowie nie mieszkasz i nie siejesz wiochy.
Pozdrawiam Bronka!

[broneknotgeld]

Witom
Dziynki za pozdrowiynia.
W pyńdziałek byda we Wejherowie, no dyć jada do Kopalina.
We choczewski szkole łotworza tako maluśko wystawa notgeldu pomorskego.
Piniondze miejske samego Wejherowa tyż tam bydom.
No toż mocie tukej cosik ło ty Waszy nadmorski gminie
forum.gazeta.pl/forum/72,2.html?f=28940&w=24115299&v=2&s=0Pozdrowiom

[bopin]

eeeee, że czem proszę?

[broneknotgeld]

Po kaszebsku jo niy szkryfna
Yno ślonskim rymym gichna.

[monmon]

Nie rozumiem wszystkiego, ale jestem pod dużym wrażeniem :)

[broneknotgeld]

Hehe. Przidzie jeszcze czas na to. Pociongna historio Wejherowa do końca.
Zaproszom na forum Ruda Ślonsko. Tam jest tyż słownik ślonski.
Pozdrowiom.

[broneknotgeld]

Co by wom pedzieć? Szkrobia se w gowo
Pozdrowiom wszyskich ze Wejherowa
Prosto z kafyjki w Cyntrum Kultury
Toż niych tyn wontek leci do gory.

[broneknotgeld]

Ponoć latoś

Ponoć latoś w Wejherowie gyszeft był na paryzolach
Możno se niy mieści w gowie dyć jo wierzyć we to wola.

[mac_gyver]

Bronku co to sa te paryzole???

[broneknotgeld]

Paryzol nosioł we dyszcz
Podobnoś nawet i wiyszcz.

[broneknotgeld]

"Aquarena Wejherowo" 1999-2005

Wejherowsko bajka cołkym se skończyła
Aquaparku niy ma no i już niy bydzie
Szczyńściym se parcela do miasta wrociyła
Profit we nauce - ze tym niy som w biydzie.

[broneknotgeld]

Wejherowo ponczkuje

Ano w Posły dyć ponczkuje
Dwie gowy do Sejmu suje
Jedyn z PO drugi z PiSu
W ty kadyncji taki miszung.

[donat351]

dawaj Bronek, dobrze robisz. ja z Wejherowa a po kaszebszci ze wstydem musze
przyznac; zero. Pozdrawiam

[igel1]

Aby tak dalej BRONET TZYMAJ FASON !!!!!


NIE POTRWA JUZ DLUGO A UZNA SIE TWOJA TWORCZOSC 11111


POWODZENIA ::JANUSZ

[broneknotgeld]

Toż dziynki za dobre słowo
Gorom niychej Wejherowo!