+ Zbigniew Wójcik +

[broneknotgeld]

Zbigniew Wójcik
Żarów

Co roku przijyżdżoł tukej z kamratami
Wszyscy sie asiyli przeca gołymbiami
W samym środku hali siedzieli we szworka
-Dyć niy łodzywała sie jego komorka

Toż znodli go rano - jak gołomb zagruchoł
Już godki ło ptokach niy bydzie łon słuchoł
Tako ślubno z synym Zbyszka łopłakujom
W Żarowie somsiady bol tyż wielki czujom.

[broneknotgeld]

Gołomb

Gołomb znakym jest pokoju
Tako łonym i Duch Świynty
Mom se tropić fraszkom mojom
W kery słabość "ludzki piynty"?

Lepi być ze gołymbiami
Gowa w gora durś mi skoko
Łone życio aniołami
Niych furgajom se wysoko

Dyć je widać nad Chorzowym
Trza ze duszy swoji paczeć
Tela dzisioj yno powiym
Wrona coś zowistnie kracze

Skond straszydło se tu wziyło?
Dziub mo jak łod śmiertki kosa
Ano jest jako i było
Choć gołymbia w sercu nosza.

[umbradomini1]

[']

[broneknotgeld]

Ech - rocznica drapko idzie
Pamiyńć niych we ludziach bydzie.