Ło Warmii i Mazurach

[broneknotgeld]

Toż Małopolska downo tu momy
Tyż Wielkopolska no i Pomorze
Ślonsk cołki - przeca go dobrze znomy
Nawet Mazowsze we godce - Boże

Warmii i Mazur jednak brakuje
Feler to wielki i czas z tym skończyć
Niych rym ło zocny ziymi sie suje
Choćby skiż tego ktoś chcioł zaś "bronczyć".

[broneknotgeld]

Dyć wontek bydzie zaś dubeltowy
Niych internauta se ło tym dowiy
forum.gazeta.pl/forum/72,2.html?f=64&w=15994312
Zowdy łodbija w glacy co szkryfna
I se na Olsztyn rym ślonski gichna.

[broneknotgeld]

Możno pomoże ktoś w ty zabawie
Bych som niy musioł szkryflać tu prawie
Dyć na Mazury Ślonzokow ciongnie
Ktosik we wontek z czasym se wprzongnie.

[broneknotgeld]

Czy prawdziwych Mazurow już niy ma?
Możno z Niymiec se wrocom w ta ziymia.

[broneknotgeld]

Kraina Tysionca Jezior

Prowda to? -Joch nigdy tego niy rachowoł
Dyć możno recht we tym - tako mi sie zdowo.

[broneknotgeld]

Możno trefia na "kartacze"
Lepsze niż "pasztety kacze".

[broneknotgeld]

Warmio, Mazury - komu to wadzi
forum.gazeta.pl/forum/72,2.html?f=64&w=15994312&s=0
jak se i Ślonzok tako paradzi?

[broneknotgeld]

Dyć tam te Giżycko jest!
Sie kamraci z Rudom fest?

[broneknotgeld]

Mono tukej kuknie ktory
Latoś w modzie te Mazury.

[broneknotgeld]

Co we Polsce bardzi w zocy
We Mazurach wiela mocy.

[broneknotgeld]

Do Cyfusa "ślabikorza"
mojemazury.pl/125744,Moja-Warmia-moje-zycie-czyli-Edward-Cyfus-od-kuchni.html
Pewno kedyś kuknońć woża.

[broneknotgeld]

Warmińsko godka
pódzie do przodka?
www.wochenblatt.pl/index.php/wiadomosci/kultura/item/2090-olsztyn-nowa-ksiazka-o-starym-jezyku

[broneknotgeld]

"Warmia i Mazury" Erwina Kruka

Se tako ksionżka chca wom polecić
Możno se udo z niyj fraszki sklecić.

[broneknotgeld]

U Ptolemeusza

Galindy Sudowy u Ptolemeusza
To pruske plemiona - szkryfnońć tako musza
Dwa tysionce lotek tymu tukej byli
Choć pisma niy znali - po swojymu żyli.

[broneknotgeld]

"Bruzi"

"Geograf bawarski" tako już napisoł?
Ze "Bruzi" do "Prusi" czowiek pryndko prziszoł.

[broneknotgeld]

Nad jeziorym Orzysz

Wele Orzysza kurhan łodkryli
Wiedzom że tukej Galindy żyli
Była to prawie ty ajzy era
Mo archeolog uciecha teraz.

[broneknotgeld]

Truso

Legyndarne Truso Wulfstan już łopisoł
Dlo Wikingow cosik łone tyż znaczyło
Teroz archeolog na te miejsce prziszoł
We jeziorze Druzno miano se ukryło.

[broneknotgeld]

Niy znali wina

Niy znali wina - kumys lubieli
Niym fajrowali we pruski szteli.

[broneknotgeld]

Świynty Wojciech

Prziszoł biskup Wojciech do Prusow ze krziżym
Dyć ze kraju w kerym widzieli tyż wroga
Niy chcieli ze Bolkym pewnikym być bliży
I niy rozumieli "Jedynego Boga"

Zginoł Adalbertus na ty pruski ziymi
Chrobry zaś łodkupioł mynczynnika ciało
Historyjo tako ło kery my wiymy
Tysionc lot ze hokym tymu to sie stało.

[broneknotgeld]

Czyja wina?

Porzondliwym łokym Piasty zoglondali
Na Bałtow łodwieczno ta przeca dziedzina
Niy z krziżym to z mieczym se tu wyprowiali
Bydymy sie wadzić z kery strony wina.

[broneknotgeld]

Szaniec Prusow

Znosz szaniec kaj Śniardwy i jezioro Tyrkło?
Myśla co tu serce Prusa nawet pynkło
Przeca tyż zrobiyli niyjedne powstanie
Możno łod tych czasow tukej jejich szaniec.

[broneknotgeld]

A Długosz

Długosz na Prusach nudle se wiyszoł
Ło łożyrokach cosik namiyszoł
Szkryfnoł że co dziyń se tu kompali
By słepać mogli zarozki dali

Toż niy mieściyło sie w jego gowie
Że chcioł być czysty tyn pruski czowiek
Pewno w Krakowie było inaczy
Tela tyn zapis Długosza znaczy?

[broneknotgeld]

Prusowie

"Lud srogi i okrutny" - pisoł Długosz tako
Zowdy ło poganach szkryflali jednako
Dyć pruske plemiona chciały żyć szczyńśliwie
Niy było to dane w historyji dziwie.

[broneknotgeld]

Biskup Chrystian

Chrystian mioł we misji dość dobre wyniki
Na krziż zoglondali pruske naczelniki
Surwabuno Warpode już Krystusa znajom
No a Chrystianowi mitra nakłodajom
W tysionc dwiesta piytnostym roku se to stało
Rzym tyż sie dziwowoł podobnoś niymało.

[broneknotgeld]

Bałtowie Zachodni

Prusy i Jaćwingi to już historyjo
Mieli z somsiodami pierońsko mecyjo
Dyć łoni Krziżokow na kark im ściongnyli
Terozki szkryflomy co kedyć tu żyli.
--

[broneknotgeld]

1222 - 1223

Chrystian z Konradym wyprawiy wiydli
Tako z Pomorza krziżowcy
W końcu se Prusom richtig łobrzidli
Przeca niy chcieli grać "owcy"

Bestoż wybrali sie na Pomorze
Mazowsze tyż łoberwało
Piosek w klepsydrze lecioł - łoj Boże
Nojgorsze na nich czekało.

[broneknotgeld]

Tako było

Papiyż Chrystianowi nakozoł krucjaty
By łokrzcioł te ziymie choćby i na raty
Zakony go miały we tym nawet wspiyrać
Bardzi dlo Kościoła niż do sia zabiyrać

Dyć ło tym już wiymy - inaczy sie stało
Ło cudze Krziżakom bić sie tyż niy chciało
Kaj mieczym i łogniym znak krziża pokładli
Tam tyż Prusow z ziymi normalnie łokradli

Ze rynkom w nachtopie teroz tyż Poloki
Myśleli co zyszczom - wyszło że boroki.

[broneknotgeld]

1230

Już Herman von Salza - Wielki Miszcz Zakonu
Ze ksiyńciym Mazowsza Konradym sie zgodoł
Zadboł tyż ło wsparcie papiyskiego tronu
Niym rozkaz "Na Prusy" rycerzom swym podoł

We Ziymi Chełmiński se nojpiyrw stanyli
Łoni z wojowanio przeca ciyngym żyli
Pokozali Prusom jako jejich siyła
Dyć i Polka na tym cosik utraciyła.

[broneknotgeld]

Herman von Balk

Miszczym Krajowym karlus tyn był
Dyć loł tych Prusow ze wszyskich siył
Kaj wrazioł mocno tyn czorny krziż
Już grod warowny przeca to wiysz
Kwidzyn i Elblong Bałga tyż inksze
Jedne dość małe nikere wiynksze
Już tu niy stykło sie łokrzcić yno
Zakon ło wszysko se dopomino
Łon "panym" życio i śmierci jest
Toż autochtonow umynczoł fest.

[broneknotgeld]

1242

Prusowie se dźwigli - wybuchło powstanie
Zaś tu krew i łogyń na lata łostanie
Świyntopełk pomorski tyż pomoc im doł
We końcu i jymu tyn Zakon fest wloł
Skończyło sie wszysko "christburskim pokojym"
Dyć rycerz zakonny dali mocno stoji.

[broneknotgeld]

1249 Christburg (Dzierzgoń)

Prusowie co piyrwyj sie tukej łokrzciyli
Jakby z tym pokojym ździybeczko lżyj żyli

Dyć przeca na wiela im sie to niy zdało
Nawroconym pryndko ciynższe jarzmo dało.

[broneknotgeld]

1243

Niym jeszcze Prusow cołkym podbiyli
Sztyry biskupstwa już wykrojyli
Z bullom papiyża Innocentego
Dyć ze tym mianym przeca szwortego.

[broneknotgeld]

Sztyry

Pomezańskie tyż chełmińskie
Sambijskie i te warmińskie
Toż biskupstwa teroz sztyry
Dyć niy Prusow to som "gyry".

[broneknotgeld]

Dzielom skora na niydźwiedziu

Mieli to wszysko dzielić na czi
Dwa dlo Zakonu - jedyn "dlo mszy"
Prusom niy miało łostać już nic
To jedno we tym pewne - toż wiydz.

[broneknotgeld]

W diecezjach

Dwie czecie ty ziymi noleżne Krziżokom
Reszta dlo Kościoła - co pruskim borokom?

[broneknotgeld]

1260 -1274

Miyndzy Niymnym a Wisłom zaś teroz powstanie
Nojwiynksze co było we tym pruskim stanie
Krziżoki po rzici wiela łoberwali
Z pomocom Europy jednak wyczimali

Prusoki ze Litwom mieli w tym przimierze
Bo łoba narode we pogański wierze
Łostatni ty ziymi to jyż "zryw wolności"
Terozki w niywola pódom "ludzie prości".

[broneknotgeld]

Harkus Monte

Natangow do boju tyn Harkus prowadzioł
Przeca bić Krziżakow pierońsko poradzioł
W Magdeburgu take pobiyroł nauki?
Ci łod Helmericha przi niymu to tuki.

[broneknotgeld]

Pod Lubawom

Pod Lubawom Harkus fest Krziżakow pobioł
Ze wojsk Helmericha łon se nic niy robioł.

[broneknotgeld]

Skomand

A Skomanda znocie? Jaćwingow wiod wiela
Aze se zdowało - niy krziżacko sztela
Przeca sie pokozoł pod Toruniym z niymi
Doprze że my dzisioj cosik ło tym wiymy.

[broneknotgeld]

W Pomezanii

Nawet w Pomezanii było te powstanie
Toż se Kwidzynowi przi tymu dostanie.

[broneknotgeld]

Diwan Klekin

Ze Bartow chca wspomnieć Diwana Klekina
Spustoszoł łon przeca chełmińsko dziedzina.

[broneknotgeld]

1274

W tym roku upadło dyć Prusow powstanie
Terozki niywola na wieki nastanie
Europa rycerzy Zakonowi słała
Toż sie jego siyła ciyngym łodnowiała.

[broneknotgeld]

1283

Toż ziymie Nordowii Skalowii Jaćwieży
Cołkym już podbite - możecie mi wierzyć.

[broneknotgeld]

Pyjter z Dusburga

Karlus podboj Prusow w tych latach łopisoł
Choć możno przi tymu tyż cosik namiyszoł
Momy relacyjo yno z jedny strony
Jako ze ty drugi - tego niy poznomy.

[broneknotgeld]

"Neronis imitatores"

"Naśladowcy Nerona" tako ich tyż zwali
Bo sie z ludym Prusow niy patyczkowali
Nawroconych możnych ździybko w zocy mieli
Dyć reszty niywola czekała w ty szteli.

[broneknotgeld]

Krzysztof Hartknoch 1644-1687

W Gimnazjum Toruńskim karlus rechtorowoł
Swy ziymi wypszony historyjo dowoł
Dyć wele Pasymia w Jabłonce rodzony
Ze dziejami Mazur richtig pogodzony.

[broneknotgeld]

1307

Wenecjo już Miszcza Krziżakow żegnała
Pewno płakać po niym wcale niy musiała
Dyć w tym roku Malbork wiela se radowoł
Feuchtwangena przeca siedzibom sie stowoł
Stolicom Zakonu - ziym pruskich podbitych
Zamkym-twierdzom wielkom - tref "niypospolity".

[broneknotgeld]

uż Feuchtwangen

Już Feuchtwangen zrobioł swoje
Wpiyrw ło "jynzyk" toczoł boje
Kary kłod na tych co chcieli
Pruskim godać w jego szteli

Sprusieć tukej żodyn niy mog
Taki Miszcza był w tym wymog
Przeszło sto lot trza dyć było
Niym se "pruski" wytympiyło.

[broneknotgeld]

Winrych von Kniprode (1352-1382)

Za jego czasow niymiecki wszyńdzie
Łacina zniko nawet w urzyńdzie
Pruski se tracioł - przegrano godka
Jedna leciała yno do przodka.

[broneknotgeld]

Los powstańca pruskego

Zowdy niywola go tu czekała
Katorga kero skrocała życie
Niyjedna twierdza na tym powstała
Pot krew w kamiyniu - przeca to wiycie

I cegła z tego czerwono bardzi
Zamki kościoły jakby krasiyła
Zakon choć Prusym pierońsko gardzi
Z jego roboty biere swo siyła.

[broneknotgeld]

Niy wytli

Po prowdzie Prusow niy wytli w piyń
Dyć świat im zdoł sie jakby tyn ciyń
Niymiec czy Litwin abo tyż Polok?
W czi strony ciongnoł tyn "pruski bolok".

[broneknotgeld]

Niymcy w Prusach

Zdo sie co ciynko ziymia pokryli
Tym bracteatym tu jakby byli
Ze jedny strony bardzi blyszczeli
Drugom se asić przeca niy chcieli.

[broneknotgeld]

Zwionzek Pruski 1440

Zakon uciskoł szlachta i miasta
Toż chcieli pedzieć już tymu - basta
We Zwionzku Pruskim siyły zbiyrali
Bo już niy chcieli żyć tako dali.

[broneknotgeld]

Rod Skolimow

Prywatno wojna mieli z Zakonym
Zdo sie - Mars sprzijoł pierońsko łonym
Zwionzku Pruskego staraniym przeca
Niyjedyn komtur "wylecioł z neca".

[broneknotgeld]

Toruń 1466

Toruniu - wojna ty teroz przetni
Ciynżki był czas tyn czinostoletni
Toż cosik przinios jednak tyn boj
Bo historyjo pedziała - kroj

Prusy Krolewske - Zakonne tyż
Krolewiec rośnie - już teroz wiysz
Stolicom państwa dyć zakonnego
Zdo sie - czas lepszy prziszoł do niego.

[broneknotgeld]

Wojna 1519-1521

Skiż hołdu wojna terozki tukej
We niyj upadku Zakonu szukej
Krziżaki skarbiec se wyczyściyli
Ziymiom żołd panom czynsto płaciyli
Aż w końcu ściepli "zakonne szatki"
Toż Hohenzollern princ teroz gładki
Chocioż uklynknoł w końcu w Krakowie
Dyć cosik erbnoł ze tym tyn czowiek.

[broneknotgeld]

Hołd Pruski 1525

Dlo nos łon ciyngym wizjom Matejki
W niyj Zygmunt Stary zdowoł sie Wielki.

[broneknotgeld]

Albrecht Hohenzollern

Na Brandynburgii no i na Prusach
Mocno se zicnoł - to szkryfnońć musza
Na protestantyzm tyż łon postawioł
Zdo sie przi tymu co wiynkszym jawioł.

[broneknotgeld]

Godka prusko (XVI w)

Przi protestantach jakby coś blysła
Dyć w końcu cołkym z użycio wyszła
W Sambii i Warmii tako godali
-Możno ciut dłuży zapominali.

[broneknotgeld]

Diecezjo Warmińsko (1243)

Diecezjo Warmińsko nojwiynkszo we Prusach
Ziymie Bardow Galindow wspomnieć tukej musza
Pogezanow i Warmow z kerych miano wziyła
Siedziba biskupow zowdy w Warmii była
Z czasym Warmiom zowiom cołko diecezyjo
Prusow już niy było toż na co mecyjo.

[broneknotgeld]

Biskup Anzelm

Piyrszy na stolcu warmińskim siedzioł
I zdo sie - dobrze łon ło tym wiedzioł
Że trza na Zakon fest pozor dować
Choć przeca niy mog z niymi wojować.

[broneknotgeld]

Biskup Paweł Lagendorf

Rok se tym stolcym biskupim cieszoł
Za mało nawet by coś nagrzeszoł
Pruski rod Stango karlusa nosioł
A Jagiellończyk na Warmio prosioł
By diecezyjo przi krolu czimoł
I ze Zakonym konszachtow niy mioł.

[broneknotgeld]

Biskup Łukasz Watzenrode (1447-1512)

Przi niymu Warmio kwitnońć sie zdowo
Gowa mioł karlus niy łod parady
Toż skiż Korony nadzieja nowo
Zdo sie - tyż myni tukej jest zwady.

[broneknotgeld]

Ono ujek

Watzenrode ujkym był łod Kopernika
Toż mu prziszykowoł fara kanonika.

[broneknotgeld]

Biskup Maurycy Ferber

Warmio pamiynto to biskupowi
Że wydoł wojna jakby Lutrowi
Hohenzollerna tym wnerwioł chyba
Dyć ze Ferbera niy jakoś ryba.

[broneknotgeld]

Indygynat pruski?

We Prusach Krolewskich był gwarantowany
Dyć zdo sie - na zowdy wcale tu niy dany
Niyroz to Koronie właziyło do gowy
Wcisnońć tam swojego kaj mioł być miejscowy.

[broneknotgeld]

Biskup Jan Dantyszek (1538-1548)

Dziesiyńć lot biskupstwo w swojich rynkach czimoł
Zdowało sie tukej że nigdy niy drzymoł
Niy dość że poeta z niego wielko był
Diecezjo durś dźwigoł z cołkich swoich siył

Toż łon kanonikom kozoł sztudiyrować
Na kultura ciyngym chcioł tyż pozor dować
Dboł ło bibliotyka, zbior malarstwa zocny
I w dyplomacyji Dantyszek był mocny.

[broneknotgeld]

Biskup Thiedemann Giese (1549-1550)

Łostatni "miejscowy" na stolcu biskupa
Zdo sie - już Korona wyloła ta "zupa"
Terozki swojymi se w ty Warmii "warzy"
Toż Polokom ciyngym ta fara sie marzy.

[broneknotgeld]

Biskup Stanisław Hozjusz

Już Polska swojego biskupa tu dała
Ło indygynacie cosik zapomniała
Karlus sie z niymiecki familijo wodzioł
Rodzony w Krakowie Koronie dogodzioł

Z niym kontrreformacjo mocniejszo w tych stronach
Do nauki Lutra niy mog se przekonać
Jezuitow pryndko tyż tukej sprowadzioł
Som z protestantami by se niy poradzioł.

[broneknotgeld]

Biskup Marcin Kromer

Już indygyna tukej niy bydzie
Zowdy z Korony nominat przidzie
I choć niy tykom se jo Kromera
Coś mie przi tymu biere cholera

Dyć co sie tyczy tego biskupa
Szłoby tu szkryfnońć ło niym tyż kupa
Warmii ze stolca swojego bronioł
Zdo sie przed Polskom nawet jom chronioł.

[broneknotgeld]

Dziejopis Marcin Kromer 1512-1589

Zocny dziejopis dwou w Krakowie
Toż Jagiellonow łoddany czowiek
Biskupym w końcu zostoł w Lidzbarku
Była ta Warmio na jego karku.

[broneknotgeld]

W biskupich dobrach gracjalnych

Chnet kożdy biskup niy indygyna
Ściongoł tu swoja tyż familijo
A jako monka ze tego "młyna"?
-Warmia poleku jak kolanijo.

[broneknotgeld]

Prusy Ksionżynce

Piyrsze to państwo w cołki Europie
Kaj sie na Lutra tezy niy "kopie"
Princ Albrecht polskim lynnikym łostoł
Dyć wolno rynka we Prusach dostoł.

[broneknotgeld]

Krolewiec 1544

Dboł Hohenzollern ło swo stolica
Chcioł by gryfniejsze durś miała lica
Toż uniwerek tukej wystawioł
By uczoł ale tyż przeca sławioł.

[broneknotgeld]

Mazury

Mazury z Mazowszo prziszli
Dyć skiż wojny stond tyż wyszli.

[broneknotgeld]

Ło mazurskości

Ło mazurskości jako tu prawić
W szesnostym wieku zaczła sie jawić
Czynsto siyngomy w wiek dziewiytnosty
Dyć z niom jest problym - richtig niyprosty

Łod Prus Ksionżyncych zdo sie to idzie
Z wangelikami we zgodzie bydzie
Polski ze pruskim se razym zmiyszo
Niymiec dołoży - nudli niy wiyszo.

[broneknotgeld]

Przi Hohenzollernie

Przi Hohenzollernie Krolewiec to zyszczy
Że polskościom jakby teroz bardzi blyszczy
Albrecht reformacjo wspiyroł we Koronie
Dyć i katolikom niy powiedzioł - koniec.

[broneknotgeld]

W Krolewcu i Ełku (1543-1552)

Wiyncy tu ksionżek polskich drukujom
Niż w cołki Polsce - to forszelujom?

[broneknotgeld]

Dlo Arian

Kontrreformacjo w Rzeczpospolity
Prusy dlo Arian krajym łodkrytym.

[broneknotgeld]

Prusy ze Szwecyjom

We Prusach Ksionżyncych niy było wesoło
Jak sie wojsko szwedzke na Polska wyloło
Brandynburczyk zgodoł sie ze krolym szwedzkim
I doszło skiż tego w tych stronach do sieczki

Toż Gosiewski prziszoł razym z Tatarami
Pokozoł co umioł w bitwie pod Prostami
Tysionce poległy - tysionce w niywoli
Mor zabroł nojwiynce - serce z tego boli.

[broneknotgeld]

Traktat welawsko-bydgoski 1657

Prusy skiż wojny fest uciyrpiały
Fryderyk Wilhelm jednak mioł profit
"Wielki Elektor" wpiyrw "lynnik mały"
Dostoł nagroda - niy coś ze sztrofy

Już hołdu skłodać przeca niy musi
Prus Brandynburgii pan absolutny
Zdo sie tyż wiynkszo rola go kusi
Downiejszy wasal teroz fest butny.

[broneknotgeld]

Krolewiec 18.X.1663

Hołd złożyły pruske stany
Władca "z boży łaski dany"
Dziyń "Wielkego Elektora"
Absolutyzm - tako pora.

[broneknotgeld]

Edukacjo w Prusach

Piyrsze państwo we Europie co lud kształcić chciało
No i przeca na ty drodze zrobiyło niymało
Pryndko co wpiyrw tukej polske szło we zapomniynie
Geld kariera inkszy profit - niy mynczy sumiynie.

[broneknotgeld]

Samuel Przypkowski (XVI w)

Samuel przypkowski osiod w Kozinowie
Toż ze Braci Polskich richtig zocny czowiek
Ściongali do niego Z Korony ariany
Dyć w Polsce już niy mog być spokoj im dany.

[broneknotgeld]

Fryderyk von der Groeben (1645-1712)

Fater sie ksiyńciu tukej sprzeciwioł
Toż nikt synowi se tyż niy dziwoł
Że z regimyntym swojym pod Wiedniym
Druh Sobieskiego zdo sie łon przedni.

[broneknotgeld]

Jan Władysław Suchodolec (1687-1751)

Kartograf fater - inżynier syn
We tym woda już na ichni młyn
We Wyngorzewie wodociong przeca
Zdo sie co wyloz ze jego neca
Wyregulować Wisła planowoł
Kanały "Wielkim Jeziorom" dowoł.

[broneknotgeld]

Komornictwa

Biskupstwo Warmińske tako se dzielyło
Aż dziesiyńć komornictw przeca we niym było
Siedym czimoł biskup mocno w swoji rynce
Czi zaś kapituła - czy przez to we mynce?

[broneknotgeld]

Frombork Pieniężno Olsztyn

Toż te komornictwa czimie kapituła
Myni tu znaczyła łod biskupa stuła.

[broneknotgeld]

Warmiński synator

W Koronie zesel mioł synatora
Ze "wysokego" przeca był "wora"
Tyn co w lidzbarskim zamku se siedzioł
Trza byś i ło tym czowieku wiedzioł.

[broneknotgeld]

Biskup Szymon Rudnicki (1605-1621)

Tymu przi dworze stykło być prawie
Sakra biskupio dostoł w Warszawie
Ło swe owieczki jednak fest dboł
I Świynto Lipka we zocy mioł

Gościoł w Lidzbarku brandynburczyka
Dyć to chca wciepnońć tyż do koszyka
-Łon po niymiecku wcale niy umioł
Szczyńściym elektor go wyrozumioł.

[broneknotgeld]

Stefan Sadorski (XVII w)

Przi krolu polskim sekretarzowoł
Dyć wiela łod sia Warmii tyż dowoł
Dboł ło ta ziymia kaj mioł majontek
Chcioł ciyngym dźwigać tyn zocny kontek

[broneknotgeld]

"Potop"

Kaj Karol Gustaw wpiyrw mioł kwatera?
-Wybroł se Frombork - jasno cholera
I brandynbuczyk po jego stronie
Toż sie zdowało że z Polskom koniec

Fest kapituła wtedy ciyrpiała
Łogołocono cołkym bez mała
Dyć jak już Szwedy wyleźli z "wora"
Warmio we rynkach jest elektora

Stropiono ciyngym biskupio dusza
Doczkała w końcu - szkryfnońć to musza
Po łośmiu latach djecezji wolny
Czas ze tym prziszoł bardzi spokojny.

[broneknotgeld]

Mor w Prusach 1709-1711

Ano toż prziszły czasy zarazy
Godali - "skuli boski łobrazy"
Dyć mor wzioł cosik dwiesta tysiyncy
Toż niy dziwota że ziymia jynczy
I zdo sie woło ło nowych ludzi
Przeca chce życie nazod łobudzić

Prziszli z Salzburga Nassau Szwajcarii
Na prusko ziymia jednak sie garli
By zaś wydała swoj nowy plon
I niy pedziała nikomu - won!

Kanał Elbląski

[broneknotgeld]

Kanał Warmiński

Ze takim mianym
Tyż czasym dany.

[broneknotgeld]

Kanał Elblonsko-Mazurski

Ano - co chcecie?
Tyż prowda przecie.

[broneknotgeld]

Kanał Staropruski

Prusow downo niy ma
Niy jejich już ziymia.

[broneknotgeld]

Kanał Ostródzko-Elblonski

Tako zowdy zwać go pódzie
Jak bydziecie we Ostródzie.

[broneknotgeld]

Kanał Elblonski

We Elblongu majom recht
Po co łazić z tym na fecht?

[broneknotgeld]

Kanał Elblonsko-Ostródzki

Stare Jabłonki kaj? A Iława?
Ze Miłomłynym tyż tako sprawa.

[broneknotgeld]

Kanał Elblonski!

Coby ze prowdom na wiyrchu stować
Wystyknie yno tako mianować.

[broneknotgeld]

Na muster "Morris"

Mustrym był kanał hamerykański
Co dzisioj zdo sie jakby cygański
Bo przeca z cołkym nowom technikom
Tu na historio i tako blikom.

[broneknotgeld]

82 km

Ze elblonga do Ostródy kilometrow tela
Dyć se niychej ci niy zdowo że to cołko sztela.

[broneknotgeld]

129,8 km

Tela kilometrow kanału zrachujesz
Tyż ze łodnogami - przeca forsztelujesz.

[broneknotgeld]

1860-2010 Gyburstag Kanału Elblonskego

Za sztyry roki gyburstag przidzie
Jako fajrować ta sztela bydzie
Możno czas ło tym pomyśleć prawie
By niy skończyło sie na zabawie.

[broneknotgeld]

Jakub Georg Steenke

W kanale "Morris" już muster mioł
Dyć przeca dzieło take nom doł
Co aże dzisioj cudym sie zdowo
Kunszt Steenke światu durś na wiyrch stowio.

[broneknotgeld]

2310 m po glajzach

Tela po glajzach se "popływajom"
Toz richtig we tym radocha majom.

[broneknotgeld]

"Canal Trophy"

Wiela uciechy piyrwyj z tym było
Na bele czym s4e go przepłynyło
Mozno tradycjo wroci se jeszcze
Przi gyburstagu? Ano - w to wierzcie!

[broneknotgeld]

Kanał Elblonski 1860

Gyburstag chnetko bydzie mioł zocny
Kanał Elblonski do dzisioj zocny.

[broneknotgeld]

Kanał Oberlandzki

Oberlandu miano dzisioj zapomniane
Dyć ze tym kanałym piyrwyj kuplowane.

Mazury Garbate

[broneknotgeld]

"Mazury Garbate"

Po ślonsku szkryfnońć - bydom "puklate"
Jedno jest pewne - niy som sagate
Choć je tyż czasym "Alaskom" zwom
Teroz we gowie je prawie mom.

[broneknotgeld]

Kaj łone?

Puszcza Romnicko tako Borecko
Wiy ło nich możno i nawet dziecko
A te "Mazury Puklate" kaj?
Dyć miyndzy niymi to zdo sie raj
Wele Gołdapi mosz Szeske Wzgorza
Ty ziymi lepsze czasy jo wroża.

[broneknotgeld]

Śniyg

Śniyg mazurski dugo leży
Niy trza jechać by uwierzyć
Se do puszczy tyż weź narty
Bez biegowek to niy żarty.

[broneknotgeld]

"Alaska"

Mazury zimom tyż przeca piykne
Tako "Alaska" zdo sie wystyknie
Na Piykno Gora zowdy bier narty
Sztela mo przeca i take "karty".

[broneknotgeld]

"Tatarsko Gora"

Aszom se tym parkym Mazury Garbate
We dziko zwierzyna ziymie przebogate
W Polsce tu hodowla nojwiynkszo takowo
Możecie mi wierzyć terozki na słowo.

[broneknotgeld]

Marale

Ałtajskim Jelyniom jedynym w Europie
Na Tatarski Gorze podziwej se chopie.

[broneknotgeld]

Tadeusz Rudziewicz

Skuli pomyślunku jego
Choć i geldu tyż trza było
Zoo-safari tu istnego
Sie Mazurom przitrefiyło.

[broneknotgeld]

Bezkrwawe Safari

U Rudziewicza w dżipie se siedzi
I tako wjyżdżo w środek gowiedzi.

[broneknotgeld]

Pynsjonat "Bioły Dwor"

Tego szukej w Dubiennikach
Kuszom skoki we Stańczykach.

Gołdap

[broneknotgeld]

Gołdap-Zdroj

Ponoć luft nojczystszy tukej
W cołki Polsce już niy szukej
Bestoż płuca se kurujom
Ci co dychawica czujom.

[broneknotgeld]

Zdroj

We warmińsko-mazurski terozki dziedzinie
Miano take yno Gołdapi niy minie.

[broneknotgeld]

Na nerwy

Nerwy słabe - do Gołdapi
Tam niy yno nic niy capi
Zdo sie dusza tyż ukojisz
Profit - życio se niy bojisz.

[broneknotgeld]

Kant w Gołdapi

We Gołdapi Kant przebywoł
Pomnik jego tu niy dziwo.

[broneknotgeld]

W Gołdapi

Niy zapomnij tego wdycki
Że przi puszczy jest Romnicki
Ano - zicnij se na koło
Popyndaluj tam wesoło.

[broneknotgeld]

Na Piykny Gorze

Na Piykny Gorze stare grodzisko
Żodyn z Jaćwingow już tam niy miyszko
Dyć wiater cosik szumi ło Prusach
Wsłuchać se kedyś w to richtig musza.

[broneknotgeld]

Poszli we tany

Gołdap z Gołdapom poszli we tany
Tako Gołdapi poczontek dany.

[broneknotgeld]

Spływ Gołdapom

Z jeziora rzekom aż do Rożyńska
Cie na tym konsku niy czeko klynska
Dalo - do Wrobla już gorzi bydzie
Szczimież - toż radość ze tego przidzie.

[broneknotgeld]

"Janczes" - Gołdap

Tukej liny we śmietanie
Toż jeronie - leca na nie!

[broneknotgeld]

W restauracyji "Janczesu"

Kartacze z krautym tyż tukej zjym
I niy za drogo - dobrze że wiym
We samym środku Gołdapi przeca
Bestoż na łobiod drapko tam leca.

[broneknotgeld]

"Janczes" - łogrodek letni

Łogrodek letni - zupa grzibowo
Golonko z krzonym podjym se zdrowo
Wszysko zaś biyrym zocnym zapija
No toż zarozki wiym że jo żyja.

[broneknotgeld]

Narciarski Bieg Jaćwingow

Co roku w styczniu kaj Piykno Gora
Gołdap to przeca niy jakoś dziura.

[broneknotgeld]

Zajazd "Pod Piyknom Gorom"

Komu kartacz zasmakuje
Tu se pympkym świata czuje
Wiela łon dyć przeca znaczy
W Cyntrum Smakoszy Kartaczy.

[broneknotgeld]

"Kartaczewo"

Połowa siyrpnia - świynto kartaczy
W Gołdapi kożdy se tym łonaczy
To wtedy zdo sie tu pympek świata
Trza jeszcze czekać mi tego lata.

[broneknotgeld]

"Pod Piyknom Gorom"

Te "Kartaczewo" w zajeździe takim
Toż łobżarciuchy - szykować smaki!

[broneknotgeld]

"Leśny Zakontek"

W "Lesnym Zakontku" nad samom wodom
Dychniesz se dobrze - tela ci godom
Ździybko portmanyj uciyrpi na tym
Dyć geld trza wydać tyż do wypłaty.

[broneknotgeld]

Dom "Pod Dzikom Różom"

Na d rzeczkom i przi jeziorze
Trza polecić teroz może
Niy za drogo z familijom
Choć problym z restauracyjom.

[broneknotgeld]

Skiż Gryfny Góry

Do Gołdapi jedź na narty
We Garbate te Mazury
Richtig wypad tego warty
Choćby skiż ty Gryfny Góry

[broneknotgeld]

Gryfno Gora (272 m n.p.m.)

Narty ci tu pożyczajom
Przeca wszyskim tako pszajom
Kierzy geldu coś łostawiom
I na śniegu sie zabawiom.

[broneknotgeld]

Niy musisz

Jak cie umynczy stok Gryfny Góry
Bar ciepły w dole pokusi
W kominku łogyń rozjaśnio chmury
Drapko stond wylyżć niy musisz.

[broneknotgeld]

X Miyndzynarodowy Konkurs Krzikoczy

Larma w Gołdapi dzisioj za wiela
Karlus to wygro czy możno frela?

[broneknotgeld]

Ogolnopolski Zjazd Internowanych i Represjonowanych
23-24.IX.2006 Gołdap

"Stanu wojynnego" tako we ćwierćwiecze
Trza pamiyntać jako historyjo plecie.

Puszcza Romnicka

[broneknotgeld]

Puszcza Romnicko

Puszcza Romnicko tajgom nom zdo sie
Niy yno zimom myśl tako mo sie.

[broneknotgeld]

"Rechot"

W Puszczy Romnicki ścieżka jest tako
Z edukacyjom żabom jednako
Ludzi natura jednak ciekawi
To przeca uczy niy yno bawi.

[broneknotgeld]

Wiynkszo

Puszcza jest wiynkszo niż sie nom zdo
Dwie czecie przeca z niyj Rusek mo.

[broneknotgeld]

Kajzerowskie kamiynie

Na zielonym szlaku w puszczy je znojdziecie
Toż lubioł polować tukej kajzer przecie
Kaj Wilusia kula jelynia siyngnyła
Tak kamiyń dowali - jest ich tukej siyła.

[broneknotgeld]

Zielony szlak

Z Jurkiszek łon wiedzie cie przez rezerwaty
W kere bor do dzisioj przeca jest bogaty.

[broneknotgeld]

Dziko

Puszcza Romnicko ciyngym jest dziko
Czy kajzer Wiluś tako wyrzykoł?
By zwiyrz mioł tukej zowdy ostoja
Dyć jo sie dzisioj ło nia tyż boja.

[broneknotgeld]

Agroturystyka "Czi Świyrki"

Jezioro Ostrowek już w Puszczy Romnicki
Dyć pod te "Czi Świyrki" wrocać byś chcioł wdycki
Kuchniom regjonalnom skuszom niyjednego
Atrakcyji wiela dołożom do tego.

[broneknotgeld]

Agroturystyka "Puszcza Romnicko"

Na skraju puszczy w chałupie stary
Zdowć sie bydzie żeś ciyngym jary
Jeszcze jak babka zjysz kartoflano
Chuć tura może bydzie ci dano.

[broneknotgeld]

Agroturystyka "Cicho Dolina"

Chałupa leży tu we kotlinie
Swoja zatoczka na rzeczce mo
We ty gołdapski piykny dziedzinie
"Cicho Dolina" niyjedyn zno.

Banie Mazurskie

[broneknotgeld]

Banie Mazurske

Przi tankszteli auto stanie
Noclegym cie skuszom Banie.

[broneknotgeld]

Bar "Młyn"

Bar "Młyn" w Baniach
- Niy cygania
Dobrze zjysz
Już to wiysz.

Puszcza Borecko

[broneknotgeld]

Krol Puszczy Borecki

Żubr tukej rzońdzi
Zdo mi sie tako
W puszczy niy błońdzi
I niy zapłako.

[broneknotgeld]

50 sztuk

Take stadko mo krol-żuber
Wcale z niego niy jest zuber.

[broneknotgeld]

Na śmierć żubra

Ze rynki krola Hiszpanii pod
Joch wcale niy był ze tego rod
Krol zabioł krola roku łońskiego
Czy Juan Karlos zjod już istnego?

[broneknotgeld]

Agroturystyka "Kozie Gory"

Puszczy Borecki teroz mosz kraj
Zdo sie mazurski kolejny raj.

Stańczyki

[broneknotgeld]

Stańczyki

Nad Błyńdziankom cupnyły przi Puszczy Romnicki
Zdo sie że tu łone leżom już łod wdycki.

[broneknotgeld]

Wiadukty

Stojom jak rzymske tu akwedukty
A to ze bany yno wiadukty.

[broneknotgeld]

Wiadukty w Stańczykach

Cug Gołdap - Żytkiejmy Niymce mieli w planie
Toż we miyndzywojniu zaczli budowanie
Wiadukty w Stańczykach na bezrok mieć bydom
Łoziymdziesiont rokow - na gyburtag przidom?

[broneknotgeld]

Kaj te glajzy?

Glajzow już niy ma szejśćdziesiont lot
Rusek ze łupu ponoć był rod.

[broneknotgeld]

"Szlak Połomanych Symaforow"

Z Botkun niybieski szlak cie powiedzie
Trasom kaj cug już downo niy jedzie
Blikej ciekawie jednak na mosty
Przez Jarka piyrsze - muster ich prosty
Nad Blodziom przyńdziesz sucho drugimi
Czecie Stańczyki - co ło nich wiymy?
-Ano wiadukty zdo sie nojwyrsze
We cołki Polsce łone w tym piyrsze.

[broneknotgeld]

Prywatne

W Stańczykach dej pozor - wiadukty prywatne
Chcesz skokać na bungee - portmanyj se natnie.

[broneknotgeld]

1924

Wele jeziora Taballus Mały
W tym roku szpryngnoł se metan cały
Zdo sie bogactwym tutejszy ziymi
Czy zaś wybuchnie? -Tego niy wiymy.

Rapa

[broneknotgeld]

Rapa

Ale zy mie richtig gapa
Piramidom słynie Rapa.

[broneknotgeld]

Barthel Thorvaldsen

Barthel Thorvaldsen grobowiec stowioł
Poniatowskiego Warszawie dowoł
I tako samo tyż Kopernika
W Rapie kunszt widać z jego "koszyka"

[broneknotgeld]

Fryderyk von Farenheid

Toż ciekawo mioł zachcianka
Choć niy prziszoł z tym do manka
Piramida se wystawioł
Możno w Egipt tako bawioł.

[broneknotgeld]

Ninette

Piyrszo w grobowcu cera "spoczyła"
Czi roki miała - kostucha wziyła.

[broneknotgeld]

W łotwartych trułach

W łotwartych trułach "mumie" tu leżom
Se zoglondnijcie kierzy niy wierzom
Ano to ruskich soldatow sprowka
Dlo nich to była yno zabowka
Czy na pamiontka głowy zabrali?
Tago grobowiec sprofanowali.

[broneknotgeld]

Legyndy

Legyndami łobrosła w Rapie piramida
Możno cosik szkryfna jak kedyś tam byda.

Nowe Miasto Lubawskie

[broneknotgeld]

Park Miniatur

Na Park Miniatur tu se dziwuja
Trza chopa z fiołym - to forszteluja
Toż Doleckiymu szejść gwiozdek za to
Sztela skiż niego bardzi bogato.

[broneknotgeld]

Zamek w Morongu

Na brzegu jeziora warownia stanyła
Wpiyrw ponoć ze drzewa yno łona była
Pryndko murowany zamek postawiyli
Krziżaki w tym majstry na mazurach byli

[broneknotgeld]

Modry zamek

Tako za komuny go posztrajchowali
Sond se tukej wkludzioł i było tyż kino
Ło zabytek jednak za wiela niy dbali
Tela to sie jeszcze ludziom przipomino

Jedne krzodło zocne do dzisioj łostało
Możno je poleku zaś wyremontujom
Niywiela - dyć przeca tyż richtig niymało
Teroz w rynkach ludzi co ducha w niym czujom.

[broneknotgeld]

Duch zamku

Wielki Mistrz von Plauen tu wyzionoł ducha
Jak zakon hołd łoddoł krolowi polskymu
Błonko sie po zamku i durś szuko zucha
By Krziżakow powiod - bo siył brakło jymu

[jozefosmenda]

..to tam dopiero są prawdziwe Mazury.Na dodatek powiem ci Bronku,że moja
teściowa mieszka w Węgorzewie i dla mnie urlop bez pobytu tam właśnie to urlop
stracony.Znam te ziemie całkiem przyzwoicie bo bywam tam od ponad 35 lat.Mam
porównanie jak Węgorzewo i inne miejsowości się zmieniają.
W ostatni wekend nasi radni byli z wizytą w Giżycku by podpisac tam umowę o
współpracy.A ślązacy na Mazurach byli od zawsze i są tam bardzo lubiani.Mamy
również w Rudzie Śląskiej mazurów, którzy już są na emeryturach górniczych lub
jeszcze pracują na naszych kopalniach.To są jeszce efekty poprzedniej epoki jak
jeździliśmy tam i werbowali ludzi do pracy na gruba i do szkół górniczych. Nie
mam z tego powodu jednak wyrzutów sumienia lecz pewną nutkę satysfakcji.

[broneknotgeld]

No piyknie.
Wiym że Giżycko już wspołpracuje z naszom Rudom. Jakby tak jeszcze inkszych
miast było mało to proponuja Wejherowo i Zakopane.
Tyn wontek poleku bydzie sie rozwijoł. Ze wszyskim łostro ciongnońć niy moga,
ale czasu jest dość. Jak Rudzie klupnie fufcig lot, to możno Giżycko fondnie jyj
tomik ślonskich fraszek ło Mazurach.
A Wyngorzewo przi okazji tyż "rzduchna".
Pozdrowiom. broneknotgeld

[madalenka25]

ja jestem z Giżycka
a w Wilkasach koło Giżycka był kiedys ośrodek wypoczynkowy gdzie w wakacje
przyjeżdzał chyba cały Śląsk
a z tego co wiem to po takich wakacjach starsznie dużo małżeństw było
zawieranych :-)))

a wilakskie chłopaki nie raz spuścili manto ślązakom za podrywanie "ich"
dziewczyn

a mógłbys cos więcej napisac o współpracy Rudy z Giżyckiem?

[mo66]

No, chyba nie cały Śląsk.

[broneknotgeld]

Hehe - wiym że Ruda z Giżyckym "tańcuje"
Poleku sie rymy i ło tym wysuje
Bestoż tyż tyn wontek we Rudzie być musi
Dyć na razie jednak co inkszego kusi.

[broneknotgeld]

Won!

Tako von Plauen ryczy tu basym
Bo godka durś słyszy polsko
Idzie wystraszyć se tego czasym
Dyć dlo nikerych to swojsko.

[broneknotgeld]

Johann Gottfried von Herder (1744-1803)

Toż filozof Herder w Morongu se rodzioł
W Krolewcu sztudiowoł - pastorym był tyż
Jakby mog to wszyske narody by godzioł
No - terozki przeca ło tym dobrze wiysz.

[broneknotgeld]

Trza nom iść ku lepszym czasom
W kerych Morong blyśnie klasom.

[broneknotgeld]

Piotr von Dohna

Rod jego downo Krziżakom służoł
Przi nich wyrosnoł i wiela użoł
Pyjter w Morongu burgrabiom łostoł
Zameczek zocny przi tymu dostoł
Dyć sie ze czasym zamek stoł ciasny
Syn - Piotr Achacy - postawioł własny.

Słobity

[broneknotgeld]

"Nowy Dom"

Pyjter von Dohna syna tyż mioł
Pyjter Achacy - dwa miana doł
Toż tego Morong nic niy łonacy
Wkludzioł do Słobit se nasz Achacy.

[broneknotgeld]

Abraham von Dohna

Pyjter Achacy fatrym łod niego
Bogactwo czimie sie tu istnego
Toż wybudowoł pałac w Słobitach
Talarkow stykło - niy trza sie pytać.

[broneknotgeld]

Aleksander zu Dohna

Tego już poznoł wiek siedymnosty
I chocioż czas tyn niy był za prosty
Olek se pałac fest rozbudowoł
Szło sie niym asić - dowom wom słowo.

[broneknotgeld]

A dzisioj

A dzisioj zgliszcza mi ciyngym w gowie
Uciyrpioł pałac - zawinioł czowiek.

Klewki

[broneknotgeld]

Klewki 1352

Kapituła Warmińsko włóki ziymi dowo
Klauke za zasadź ce przeca tukej stowo
Tako wieś urosła miyndzy jeziorami
Kero se mianuje na dzisioj Klewkami.

[broneknotgeld]

Mikołaj Klauke

Niy Polok, niy Niymec
Prusok był z istnego
Choć se zatraciyła
Dziedzina Klaukego.

[broneknotgeld]

Klaukendorf

Ze Klauka se miano wziyna ta wioszczyna
Choć Prusow już niy ma łostała dziedzina.

[broneknotgeld]

Klaukendorf (XVI w.)

Toż Jerzy Troszka tu gospodarzy
Se świytność rodu istnymu marzy?
Pewnikym folwark wystawioł tukej
Toż dzisioj w Klewkach pałacu szukej.

[broneknotgeld]

Klankendorf 1581

Sztyrech bratkow - Troszkow tako
Reskiyrujom tu jednako?
Czy Klankendorf se z tym dzieli?
Czy nojstarszy młodszym ścieli?

[broneknotgeld]

Giżycko

Gizewiusza tako uhonorowali
Że ze niego miano miastu tymu dali
Pastor przeca zowdy był za Mazurami
Dyć ich kajś przegnali - tyż uciykli sami.

[broneknotgeld]

Fajno sztela

Niegocin kanał łonczy z Kisajno
A miyndzy nimi sztela jest fajno
Kaj byż zabawioł niyjedna nocka
I dziołchom pszoł tyż na pewno mocka.

[broneknotgeld]

Gustaw Gizewiusz

Pastor we łobrona Mazurow durś broł
Historio tyż ło tym pamiynto
Dyć serce dlo wszyskich jednake łon mioł
Na ziymi co jeszcze niy świynto.

[broneknotgeld]

Krziż św. Brunona

Tukej świynty Brunon Prusow krzcić tyż chcioł
Z poparciym Chrobrego dyć prziszoł
Za wiara łon jednak życie swoje doł
We tysionc dziewiontym - toś słyszoł

Przez las wiedzie droga św. Brunona
Idź - dyć se tego niy lynkej
Kaj krziż dzisioj stoji prziszło jymu skonać
Mosz Boga we duszy to klynkej.

[ol4]

Ty bronek ale dajesz:) skad te wiersze?

[broneknotgeld]

Nauczyli czytać szkryflać nauczyli
No i sie mecyji zy mnom dorobiyli.

[broneknotgeld]

Giżycko ze Rudom teroz sztama czimie
Zdo sie - coś dobrego we tym richtig drzymie.

[broneknotgeld]

Giżycko agroturystyka

Agroturystykom Giżycko se blyszczy
Czy z rudzkich wandrusow latoś wiyncy zyszczy?

[broneknotgeld]

We gminie

Zdo sie dość jezior w giżycki gminie
Kero w mazurski przeca dziedzinie
Joch szejść na mapie aże zrachowoł
Łoj - bych se po niych tyż pożeglowoł
Chocioż zyjmanić umia niywiela
Dyć mie tym kusi giżycko sztela.

[broneknotgeld]

Giżycki herb

Pływie w wodzie karp łod rana
Nad niym widza kormorana.

[broneknotgeld]

W ty gminie

Jezior dużo lasow mniyj
Dyć zyjmanie tukej żyj.

[broneknotgeld]

Rymym popieszcza
Kej "lecom w leszcza"
www.gizycko.pl/gizycko-zaprasza-na-400-lecie-miasta-8862.html

[broneknotgeld]

400 rokow miasta Giżycko!

Sztyry setki - richtig wiela
Fajruje mazursko sztela
Przez rok cołki - niy dziwota
Tropić tym - zdo sie gupota!

Wilkasy

[broneknotgeld]

Kaj by latoś na te wczasy?
Wiym - wołajom mie Wilkasy.

[broneknotgeld]

Wilkaski "Gwarek"

Toż wiela tukej bergmonow było?
Kierzy we wodzie toplać se chcieli
Ta Piykno Gora tyż bogaciyło
A jako teroz jest we ty szteli?

[broneknotgeld]

Pynsjonat "Skarpa"

Taki pynsjonacik latym kwieciym kusi
Szczyńściym tyż za wiela potmanyj niy dusi
We Wilkasach znojdziesz - Niegocin po blisku
Tu uśmiych rozkwitnie na niyjednym pysku.

Doba

[broneknotgeld]

Cie choroba!
Tukej ta miejscowość - Doba
I jezioro Dobskie jest
Toż we doba dychniesz fest.

Krukolin

[broneknotgeld]

Krukolin

Kruk na liny tu poluje?
Toż to kożdy forszteluje
Że nurkować coś niy umi
Yno czy kruk to rozumi?

Bogacko

[broneknotgeld]

Bogacko

Niybogaty kaj Bogacko
Jednak czuje sie tyż chwacko
Do szczyńścio Dejguny mo
Styknie abo mi sie zdo?

Gajewo

[broneknotgeld]

Gajewo

Gajewo przi gaju
Dyć cołkym na skraju
Niy kuszom cie ryby
To tukej na grziby.

Gajewo

[broneknotgeld]

Hotel "Gajewo"

Niy przijedzie dyć tu "cieć"
Trza mu pełno kapsa mieć
Nic że idzie porajtować
Jak trza grosza wiela dować
Ano - droższo to już "klasa"
-Wola siedzieć we Wilkasach.

Wrony

[broneknotgeld]

Wrony

Jednak niy czorne tutejsze Wrony
Jezioro Tałty blask dowo łonym.

Guty

[broneknotgeld]

Guty

Guty zdo sie dobre bydom
Kaj Kisajno grosz swoj wydom.

[broneknotgeld]

Yno co w tych Gutach jest?
Terozki se tropia fest
No i jako tam dojechać?
Przez Kamionki - toż uciecha.

[broneknotgeld]

W foldery Giżycka kukom
Cosik ło tych Gutach szukom
Ano to niy żodyn wic
Ło ty szteli richtig nic.

[broneknotgeld]

Prawie giżyczan w Rudzie goszczymy
forum.gazeta.pl/forum/72,2.html?f=28940&w=23395906&a=41173893
Przeca se teroz fest kamracymy.

[madalenka25]

żebym jeszcze rozumiała co piszesz :-)))

ale wywnioskowałam, że chodzi Ci o rymowanki tak??

[w36]

Jak chodzi o Bronka to metoda jest prosta. Bierze n.p. takie teksty:
www.gizycko.um.gov.pl/Miasto/Historia/Historia.htm
swidwin.piwko.pl/files/zakon11.htm
i przy jego zdolnościach, z nawet krótkiej notki potrafi wytworzyć kilkadziesiąt
rymowanek.Bardziej trafnie jednak, można powiedzieć, kilkadziesiąt dni na
wznoszenie się na szczycie forum, bo rymowanie to niestety nie jest głównym
hobby Bronka, czego tu na forum w szczególny sposób doświadczamy.

To też jest ciekawe, jeśli Was Bronek interesuje:
forum.gazeta.pl/forum/72,2.html?f=261&w=11518549&a=11585912
forum.gazeta.pl/forum/72,2.html?f=261&w=12146579&a=12167348

do w36

[madalenka25]

dzięki za wyjaśnienie
czyli bronek to taki wasz lokalny wierszokleta
tak myslałam, szkoda tylko że do tłumaczenia jego "poezji" musze prosić
domowników

pozdrawiam

madalence

[broneknotgeld]

Ano Madalenko - tyż godom że szkoda
Dyć na godka ślonsko możno przidzie moda.

[broneknotgeld]

Ano widzisz Magdalynko
Fraszka ślonsko niy mo miynko
Dyć we Rudzie durś sie rodzi
Choć niy kożdy se z tym godzi.

[broneknotgelt]

Dźwigosz Madzia moje ego,
Dźwigła byś mi co innego

[broneknotgeld]

Z "t" na końcu - niy moj szpas
Niy dej mu sie wywiyźć w las.

[broneknotgelt]

Pojadymy w rudzki las,
zrobia ci tam fajny szpas

marzyciel

[madalenka25]

[broneknotgeld]

Toż trza sie ważyć
Tako pomarzyć

[broneknotgeld]

Olsztyn?

Olsztyn? A! -Sztela mało we Jurze
Ponoć tam dobre som jajca kurze
Bo niy brakuje w skorupce wopna
Taki rym wom tu na forum "dopna".

[broneknotgeld]

Ja no - dyć yno to skuli szpasu
I niy szukejcie we tym marasu.

[broneknotgeld]

Wszyske drogi

Wszyske drogi Warmii wiedom do Olsztyna
Niy musza wom przeca ło tym przipominać.

[broneknotgeld]

"Baba prusko"

Tukej "baba prusko" jakby muster frelki
Chopy pociong majom do niyj richtig wielki
Retli jom ze wieży zamkowy wysoki
Teroz na dziedzińcu czimajom boroki.

[broneknotgeld]

Kopernik nakrykloł

Kopernik łoglondoł niebo tukej w nocy
Przeca kapitule łon administrowoł
Nakrykloł som cosik skuli rownonocy
Na ścianie krużganka - tako se wydowo.

[broneknotgeld]

Erich Mendelsohn

Tu Erich Mendelsohn piyrszy dom swoj stowioł
Tyn wele kirkuta - we niym łoczyszczynie
Potym kunszt swoj wielki Europie tyż dowoł
Dyć serce łostało na zowdy w Olsztynie.

[broneknotgeld]

Herb Olsztyna

Blikom na Herb tyn i widza droga
Toż muszla przeca w Jakuba rynce
Pont w tym Olsztyna mo być do Boga?
Łoj - bydzie możno miasto we mynce.

[broneknotgeld]

Kościoł św. Jakuba 1334

W tym roku kościoł zaczyli stowiać
Trocha to jednak potrwało
Dzisioj przed łoczy trza nom go dować
Niywiela takich łostało

Zdo sie gotyku perłom połnocnom
Nojstarszym w zocnym Olsztynie
Łon no i zamek czimiom sie mocno
Niychej ich czas tu niy minie.

[broneknotgeld]

Wieczerzo Żydowsko - Olsztyn 30.XI.2011

Już Hotel Wilyński na wieczerzo prosi
Muzyki klezmerski niy braknie - to głosi
I szpas po żydowsku - pewnikym lubicie
Przi tymu szlajmzupy, czulyntu pojycie.

[broneknotgeld]

OLSZTYN
Województwo warmińsko-mazurskie
miasto na prawach powiatu
---
Powierzchnia: 88,33 km2
Liczba ludności: 174775
Nadanie praw miejskich: 1353
---
Bazylika konkatedralna pw. Św. Jakuba Apostoła
- II poł. XIV w.
-------------
Olsztyn

Grōd nad Alnōm – dzisioj Łynōm
Czasy Prusōw tym wspōminōm
Wpiyrw strażnica tukej była
Wartko zamek – przeca siyła
Zakōn ciyngym dźwigōł swoja
Miecz i krziż niōs w srogich bojach
Dyć tyż dźwigoł grody, miasta
Allenstein z Zakōnu ciasta.

[broneknotgeld]

"Bitwa pod Grunwaldym"

Tu wojsko cara lyjty dostało
Choć wpiyrw pociśli w przodek niymało
Hindenburg Ruska ponoć zaczimoł
Choć we salonce yno se drzymoł.

[broneknotgeld]

1410

Wiycie - Ślonzokom wtedy fest wloli
Bestoż jo niy wiym czy to pochwolić.

[broneknotgeld]

Jakiś "historyk" możno namiyszoł
Kto z Luksymburga nakazu prziszoł?
Ano wasale - tako Ślonzoki
Mieli ło cudze bić sie boroki
Bestoż Krziżaki wojna przegrali
A my po rzici fest łoberwali.

[broneknotgeld]

A możno jednak ze tym mecyjo
Czy inkszo była ta historyjo?
Prowda podobnoś wiela we wercie
forum.gazeta.pl/forum/72,2.html?f=261&w=9841103&v=2&s=0
Na razie link se takowy biercie

[broneknotgeld]

Po łobu stronach Ślonzoki były
Niyroz już tako braty sie biyły.

[broneknotgeld]

"Byli" i "biyli" trza mi napisać
Dyć nudli na tym niy chciyjcie wiyszać
Bo to na Ślonsku jakby niy "błond"
A przeca wiycie że pisza stond.

[broneknotgeld]

Kościoł Grunwaldzki

Kościoł ze dzwonnicom Zakon tu zbudowoł
Pociecha poległych duszom ponoć dowoł
Tysionc lot stoć bydzie - tako sie zdowało
Dyć po niymu dzisioj nic już niy łostało.

[broneknotgeld]

Pod Tannynbergym co piyrwyj było?
info-poland.buffalo.edu/classroom/JM/monument.html
Skiż wielki bitwy tako se wziyło!

[broneknotgeld]

Nidzica

Zamek krziżacki wpiyrw tukej był
Przi niymu osada rosła
Jak Zakon bardzi nabiyroł siył
I łona praw miejskich doszła

Winrych Kniprode przeca je doł
Wiek jeszcze lecioł sztyrnosty
Dyć dźwignońć tako ta sztela chcioł
Koncept w tym richtig był prosty.

[broneknotgeld]

Matka Bosko Gietrzwałdzko

Warmińskim frelkom co żeś godała
jakeś ze klona na nie blikała?
Niy po niymiecku - to yno wiym
Co żeś pedziała? Po to tkom rym.

[broneknotgeld]

Możno szkryfnie ktoś coś ło tym
Niy zostawi to - na potym.

[broneknotgeld]

W Gietrzwałdzie

Przed cudownym łobrozym i papiyż tu klynkoł
Porzykoł i jakby se myni już lynkoł
Toż wiedzioł - Maryja ło wszyskich pamiynto
Kożdo rodzicielka ze niom jakby świynto.

Miasto Partnerskie - Giżycko

[broneknotgeld]

Se tam a nazod ludzie rajzujom
Zdo sie nikerzy w proficie
Z łońskego roku to forsztelujom
A wy co ło tym powiycie?

[broneknotgeld]

Giżycko

Gizewiusza tako uhonorowali
Że ze niego miano miastu tymu dali
Pastor przeca zowdy był za Mazurami
Dyć ich kajś przegnali - tyż uciykli sami

Mrągowo

[broneknotgeld]

Czos i Juno

Czos i Juno - toż se zdowo
Że my wdepli w te Mrongowo.

[broneknotgeld]

Skiż

Skiż Kristofa Celestyna
Zwom Mrongowym ta dziedzina
No bo przeca tyn Mrongowiusz
Polsko godka w zocy mioł już.

[broneknotgeld]

Jerzy Gosiewski - leśnik

Znajom go dobrze mrongowske lasy
Zoglondnie we nie i teroz czasym
Czidziści rokow taki roboty
To richtig niy som jakeś gupoty.

[broneknotgeld]

1990-2002 Mrongowo

Mrongowskim rajcom rokow dwanoście
Bestoż niy yno we las go wroźcie.

[broneknotgeld]

2002 Radny sejmiku

Tako w Olsztynie leśnika znali
Toż niy dziwota - w posły wysłali!

[broneknotgeld]

Gora Sztyrech Wiatrow

Gora Sztyrech Wiatrow we Mrongowie majom
Dyć i tu terozki narciarzom fest pszajom.

[broneknotgeld]

Zima w Mrongowie

Gora Sztyrech Wiatrow narciarzy tu wito
Sztyryma trasami - jakby se kto pytoł
Dyć mosz jeszcze tukej i tor saneczkowy
Rynny do snowboardu toż niy trop se gowy

Ośrodek łońskego roku zrychtowany
Zdo ci sie i dzisioj co wysztiglowany
Tych chyntnych do zjazdu dużo tukej bywo
Niychej to we zima nikogo niy dziwo.

-
forum.gazeta.pl/forum/71,1.html?f=28940

[broneknotgeld]

Park im. Juliusza Słowackiego

Stare dymby graby sosny
We Mrongowie cie czekajom
Zazielyni sie park z wiosny
Choć i zimom jymu pszajom.

[broneknotgeld]

Park im. Sikorskiego

W nocy strach tu szpacyrować
Dyć to musisz forsztelować
Co wpiyrw kerchof tukej był
Wangelikow tako krył.

[broneknotgeld]

Na galindzki ziymi

Galindy te ziymie wpiyrw zamiyszkiwali
Niym Krziżaki życie im poprzewrocali.

[broneknotgeld]

"Sensburg"

Toż take piyrwyj grod nosioł miano
Niym Mrongowiusza za Polski dano.

-
forum.gazeta.pl/forum/71,1.html?f=28940

[broneknotgeld]

"Sense" (kosa)

W okolicy niedźwiedź pieroński grasowoł
Toż niyjedyn śmiałek mu rady niy dowoł
Dyc jak w końcu kosom łapa mu utnyli
To ze jom do herbu miasta przeca wziyli.

Pisz

[broneknotgeld]

Pisa

Brzeg jyj bagnisty - zdo sie że "pisa"
Tako te miano mazurske słysza.

[broneknotgeld]

Johannisburg

Zamek nad Pisom krziżacki stoji
Johannisburgym go zwali
W mazurski godce Jańsbork - niy w moji
Toście już forsztelowali.

[broneknotgeld]

Pisz

Skond se wywodzi grodu te miano?
Ano łod "pisy" rzecz to już znano
Prusy na bagno tako godali
Zdo sie - w pamiyńci naszy łostali.

[broneknotgeld]

Jerzy Krzysztof Pisański

Pisański przeca musioł być z Pisza
Ło tym karlusie terozki słysza
Regionalista we Prusach piyrszy
Choć czas pokoże co niy nojwyrszy.

[broneknotgeld]

II Fesitwal Runa Leśnego 10.IX.2011

Co las dowo tukej zjycie
Ano - to dopiyro życie
Niy trza z rana zaroz stować
Styknie w Piszu degustować.

[broneknotgeld]

PISZ

Województwo warmińsko-mazurskie
powiat piski, gmina miejsko-wiejska
---
Powierzchnia: 10,08 km2
Liczba ludności: 19547
Nadanie praw miejskich: 1645
---
Kosciół pw. Św. Jana Chrzciciela – 1694
------------------------------
Pisz – Johannisburg

Galindio Mazowszu? Galindio Kujawōm?
Princ Kazimierz zrzekł sie, tōż Krziżoki jawiōm
Nad Pisōm co piyrwyj Prusōw radowała
Miecz krwawi, żor poli, Pōnbōczkowi chwała?!

Zakōn zamek dźwignōł, już Litwinōm wadzi
Kiejstut ze wojami swojymi zaradzi?
Krziżokōm nazgobiōł we tych strōnach wiela
Ze hasio zdoł dźwigać Johannisburg – tela.

Frombork

[broneknotgeld]

Lubecki Frombork

Na prawie lubeckom zostoł lokowany
Historyjom tako z Lubekom zwionzany
Ze kery tu prziszli osadniki piyrsze
Te ziymie sie stały dlo nich chnet nojwyrsze.

[broneknotgeld]

Frombork 1278

Prusy Braniewo fest poniszczyli
Trza było przeniyść tu kapituła
Biskupy Frombork tako dźwignyli
Dyć som na Warmii - niy trza sie tułać.

[broneknotgeld]

Frombork 8.VII.1310

Osmego lipca fajer tu zowdy
Skiż tych praw miejskich! -Wiela w tym prowdy?

[broneknotgeld]

Frauenburg - Frombork

Toż "Grodu Pani" pisane było
Biskupstwo z Braniewa tu se przekludziyło
I choć poszło dali do tego Lidzbarka
We Fromborku ciyngym "kapitulno" marka.

[broneknotgeld]

"Madonna w Winnej Altanie"

Łobroz nagrobny łod kanonika
Kunsztym niy yno dziwuje
W łokrongły romie - cudo gotyka
Teroz już to forsztelujesz?

[broneknotgeld]

Mikołaj Kopernik (1473-1543)

"Samotnikym fromborskim" kanonika zwali
We gwiozdy zoglondoł toż forsztelowali
Że niy trza przi tymu sie za wiela wadzić
By z haltongym słońca mog se som poradzić.

[broneknotgeld]

"Wieża Kopernika"

Toż i dzisioj stoji "Wieża Kopernika"
I pewno wspomino nawet kanonika
Kery tu samotnie na gwiozdy se dziwoł
W dziyń blikoł ku słońcu i palcym mu kiwoł.

[broneknotgeld]

"O obrotach sfer niebieskich"

Co dowiod? -Niy wszyscy w Polsce rozumieli
A możno tyż czasym poskopić niy chcieli
Przeca wieki całe Kościoł zakozywoł
Czytać "O obrotach..." - bestoż to niy dziwo.

[broneknotgeld]

Frombork 1626

Co tu w katedrze cynnego było
To wojsko szwedzke cołkym złupiyło
Tako z Gustawa Adolfa woli
-Niych Warmio ciyrpi - niych to jom boli.

[broneknotgeld]

Ołpa Kopernika

Ołpa Kopernika miyszkoł wele Nysy
W wiosce Kopperniki - niych forum to słyszy.

[broneknotgeld]

Frombork

Województwo warmińsko-mazurskie,
powiat braniewski, gmina miejsko-wiejska
---
Powierzchnia: 7,59 km2
Liczba ludności: 2470
Pierwsza wzmianka historyczna: 1278
---
Bazylika archikatedralna pw. Wniebowzięcia NMP
---
Frombork (Frauenburg)

Kej Prusy roz sztrabli – Braniewo spolyli
Biskupa Warmiji pierōnym stropiyli
Tōż sie kapituła tukej przekludziyła
I wartko katedra tyż nowo stanyła

Łod jeji patrōnki teroz miano grodu
Frauenburg – i dzisioj czasym tako godōm
Tysiōnc trzista dziesiyńć – trza tyn rok pamiyntać
Grōd już w prawie miejskim – przeca to niy piynta.

Ełk

[broneknotgeld]

Jan z Sącza (XVI w)

Jan z Sącza w Ełku drukarnia mioł
Wiela łon ksionżek po polsku doł
Zdo sie - Ełk wtedy blyszczoł w Koronie
Choć z czasym prziszoł i na to koniec.

Kętrzyn

[broneknotgeld]

"Rast"

Prusy osada mieli przi borze
Spokojnie w niyj kedyś żyli
Dyć krziż już mieczym za cosik korze
Bestoż trza pedzieć - tu byli.

[broneknotgeld]

"Rastenburg" - 1329

Już tu Krziżakow strażnica stoji
Łognia se jednak przi tymu boji
Bo przeca ciyngym jeszcze drewniano
Trza by zrychtować chnet murowano.

[broneknotgeld]

"Rastenbburg" 1374

A no zamczysko już stoji zocne
W murach krew jakby - toz richtig mocne
Dobudowali przez wieki wiela
W łostatni wojnie w łogniu ta sztela
Dyć dzisioj zamkym Kyntrzyn sie asi
Łodbudowany zaś miasto krasi.

[broneknotgeld]

Zowdy mosz wesoło mina
Jak zoglondniesz do Kyntrzyna.

Węgorzewo

[broneknotgeld]

Jerzy Andrzej Helwig

Szkryfoł ta "Flora Angerburgica"
Zowdy do ziyla łobrocoł lica
We Wyngorzewie przecw rodzony
Toż paczoł zowdy na swoje strony.

Święta Lipka

[broneknotgeld]

Świynto Lipka 1482

Kapliczka już tukej se stoła
W opiece Zakonu była
W niyj lipa a łona dokoła
-Jakby te drzewo chroniyła

Wiela na pont prziłaziyło
Prosiyło ło łaska Nieba
Nikerym sie to ziściyło
Szkryfnońć mi tako tu czeba.

[broneknotgeld]

Świynto Lipka

Toż i protestanty na pont tu łaziyli
Przeca boski łaski tyż łoni prosiyli.

[broneknotgeld]

Downe jarmarki we Świynty Lipce

Co roku tu płotno tym "złotym" towarym
Nawet ze Flandryji kupce se zjyżdżali
Niy yno pontnikow kusiyła swym czarym
W Świynty Lipce przeca gyszeft ubijali.

[rita100]

www.jezuici.pl/swlipka/photos/04.html
Oglądnijcie ten cudowny album

Reszel

[broneknotgeld]

Reszel 1631

Jezuici z Braniewa tukej se wkludziyli
Ano skuli Szwedow we tułaczce byli
Dyć reszel z tym zyskoł kolegium przezocne
Wiela to wspiyrało - toż stało sie mocne.

[broneknotgeld]

Reszel dzisioj

Toż mie sie tako ciyngym tu zdo
Co richtig Reszel fest szczyńście mo
Wojna go przeca niy poszczyrbiyła
Se za murami jakby stanyła.

[rita100]

www.reszel.iap.pl/index.html?k=23&id_tekst=3
zobacz Bronek - po prawej, trzecie zdjęcie - czy to nie jest właśnie not geld?

[rita100]

Re: Reszel i fraszka
Autor: Gość: tralala
'Wojna go przeca niy poszczyrbiyła
Se za murami jakby stanyła.' To prawda - dzięki temu Reszel mógł trafić na
listę zabytków, bo całe miasto zachowało dawny gotycki układ ulic i urodę
sprzed stuleci. Szukałam gdzieś zdjęcia całego miasteczka, i chyba najlepsze co
znalazałam jest tu - trzeba jeszcze tylko dodatkowo kliknąć Widok z wieży i
otwiera się panorama (dziś bezpłatnie - promocja! na żywo 4 zł od osoby)

www.reszel.iap.pl/index.html?k=31&id_tekst=15

[broneknotgeld]

Pewno do kościoła przida
Jak we zocnym reszlu byda.

[broneknotgeld]

Ja, Rita, znom tyn notgeld.
Yno cosik ze datom pomiyszali - 1920.

Mikołajki

[broneknotgeld]

Wojciech Pomian Pasarowius (1594-1696)

W Mikołajkach w kościele portret jego mocie
Ze dugego wieku niy yno go znocie
Siedymdziesiont jedyn lot parafiom kryńcioł
Pomogoł durś wiernym a sie niy umynczoł.

[broneknotgeld]

Andrzej Kowalewski

Po Pasaraviusie Kowalewski prziszoł
Toż ło tym pastorze co inkszego słyszołch
Ze zdrowiym miol ciyngym pierońsko utropa
Dyć wiela doł inkszym - żałowali chopa.

[broneknotgeld]

Mikołajki 1444

Piyrszy roz wzmiankujom je ponoć w tym roku
Już była to sztela mazurskich rybokow.

[broneknotgeld]

Mikołajki 1726

Ze wioski przeca w końcu wyrosły
Do tych miast w Prusach terozki doszły.

[broneknotgeld]

Mikołajki

"Perłom Mazur" zowiom Mikołajki dzisioj
Pewno żeś już ło tym w cołki Polsce słyszoł
Miyndzy Mikołajskim a Tałty jeziorym
Zajrzyj jak żeś niy był tukej do ty pory.

[broneknotgeld]

Fontanna

Fontanna na rynku Z Sielawym tu stoji
Zyjmanow prziciongo - dwoji se i troji.

[broneknotgeld]

Festiwal Krola Sielaw

Sezon turystyczny krol Sielaw zaczyno
Chocioż wystrugany ze drzewa łon yno
Wodujom go przeca i na holu czimiom
Dyć możno tyż czary we ty rybie drzymiom.

[broneknotgeld]

Krol Sielaw

Przez wieki Krol Sielaw w jeziorze panowoł
Toż cołki swiat wodny cześć mu tu łoddowoł
Ludzie w końcu prziszli - ryby zaczli łowić
I zdo sie - Sielawa w tym krolestwie dowić

Łon tyż se rybokom doł we znaki wiela
Bo przeca sie ciśli tam kaj jego sztela
We sieci ze ajzy jednak go chyciyli
Życie darowali chocioż zniywolyli


Gorzke dlo Sielawa tu czasy nostały
Z tego se niyszczyńścia tyż nastympne dzioły
Ciyngym przeca widzioł w sieciach swo czelodka
Już wiedzioł że lepi mu było śmierć spotkać.

[broneknotgeld]

Kajki

Jak jakoś sztrasa miano mo Kajki
To pewno bydom tyż Mikołajki.

[broneknotgeld]

Hotel "Mazur"

Toż łobleka se jo lacie
We tym downym magistracie
Kaj beamtry wpiyrw dzrzymali
Teroz tako leci dali.

[broneknotgeld]

Na promenadzie

Na promenadzie ze kuflym piwa
Se na jezioro bych chcioł podziwać
Zyjmanić niy trza - tego mi styknie
Biyr i jezioro - toż już jest piyknie.

[broneknotgeld]

Niy miniesz

Jak z Rucianego na Ryn se płyniesz
To Mikołajek przeca niy miniesz.

[wedkarz25]

Ile kilometrów jest z Mrągowa do Mikołajek

[broneknotgeld]

Coniyco żech przeżoł
Dyć tego niymierzoł.

[broneknotgeld]

W herbie

W herbie majom krola - Sielaw jego miano
Bliko tyż na miasto z fontanny co rano.

[broneknotgeld]

Liceum im. Marion Donhoff

Mo tu liceum naszo grafini
To Mikołajki ździybko łodmiyni
Już dzisioj cisnom se tam szkolorze
A chnet internat ponoć być może.

[broneknotgeld]

"Perła Mazur"

Tukej krol Sielaw mo swo stolica
Sie Mikołajek radujom lica
I jako perła mazursko blyszczom
Inksze dziedziny z zowiści piszczom?

[broneknotgeld]

W herbie

Krol Sielaw w herbie ty szteli zocny
Tam kaj jeziora łon wszyndy mocny.

[broneknotgeld]

Fontanna z Sielawym

Kaj by mog se asić tako?
Sielaw rzońdzi czy tu płako?
Łańcuch dyć wandrusa dziwo
W końcu smutno mu pokiwo.

[broneknotgeld]

Mazursko Wenecjo

Zdo sie jakby tyż na wodzie
Dwa jeziora tu we zgodzie
Krasy szteli dokłodajom
Mikołajkom przeca pszajom.

[broneknotgeld]

Muzeum Reformacyji Polski

W stary szkole co wele kościoła
Historyjo i tako chce wołać
Toż zoglondnij - ideji se dziwej
Ździybko inkszy tyż wierze pokiwej.

[broneknotgeld]

Nad jezioro Łukajno

Bryczkom z Mikołajek drapko tam dojedziesz
Ano - jest Łukajno we Europy przedzie
Zodziwio łabyńdzi epnom kolanijom
Kero przed UNESCO tu wcale niy kryjom.

Lidzbark Warmiński

[broneknotgeld]

[broneknotgeld]

Krzyżowo Gora

Krzyżowo Gora we zimie blyszczy
Tu kozdy narciorz radochy zyszczy
Już poranoście lot se to kulo
Jakby w Beskidach - niy byda fuloł.

[broneknotgeld]

Trasa "Jurek"

Dlo poczontkujoncych chnetko poł kilosa
Jak na mie - wystyknie. Ło wiyncy niy prosza.

[broneknotgeld]

Trasa "Paulina"

Idzie pohulać na ty "Paulinie"
Czas ze uciechom ci tukej minie.

[broneknotgeld]

Trasa "Kormoran"

Chocioż przikrotko dyć stromo trocha
Dej pozor - możesz cosik popochać.

[broneknotgeld]

Trasa "Klaudia"

Zowdy "Klaudia" łostro była
Toż karlusow fest ciongnyła.

[broneknotgeld]

LIDZBARK WARMIŃSKI

Województwo warmińsko-mazurskie
powiat lidzbarski, gmina miejska
---
Powierzchnia: 14,34
Liczba ludności: 16826
Nadanie praw miejskich: 1308
---
Brak kościoła pw. Jezusa Chrystusa
----------------------------------
Lidzbark Warmiński

Kaj Warmy, kaj Barty ich Ledzbarg stoł zocny
Przeciwko Krziżakōm - zdo niy bōł za mocny
Choć wartko w dziedzinie zamek postawiyli
Dyć Prusy w powstaniu go cołkym spolyli

Na nic krew przelōno – wiycie – historyjo
Prusōm rychtowała wartko tragedyjo
Kej biskupym Warmji stoł Eberhard z Nysy
Ślōnzokōw naskludzoł – Ślōnskym Lidzbark dyszy?

[broneknotgeld]

Lidzbark Warmiński po ślonsku bydzie?
Zdo, doczko tego, czas na to przidzie.

www.facebook.com/groups/332939560673928/posts/933396310628247/

Wojnowo

[broneknotgeld]

Wojnowo

Z guberni witebski wiedzie swoje miano
Na pamiontka inkszy szteli tako dano
W kery Sidon Borys na tyn świat se prziloz
Ze carski Rosyji istny potym wyloz.

[broneknotgeld]

Wieś filiponow

W siedymnostym wieku wygnoni z Rosyji
Bo reform Nikona niy chcieli przijmować
Trefiyli w te strony - choć niy bez mecyji
Mogom po swojymu chwała Bogu dować.

[broneknotgeld]

Starowiercow

Starowiercow te Wojnowo
Nawet dzisioj se wydowo.

[broneknotgeld]

Wojnowsko cerkiewka

Niy mo nawet tych stu lot
Dyć jak blikosz toś fest rod
Zdo sie przeca ci bajkowo
No i tako - cebulowo.

[broneknotgeld]

Klasztor

Na skraju wioski
Kaj Duś jezioro
Trza ci zoglondnońć
Choć już niyskoro

Czy jeszcze tukej
Dźwiyrza łotworzom?
Toż roki lecom
Wszysko chnet zmożom.

[broneknotgeld]

Klosztor żyński

Wele cerkwi ciyngym stoji
Choć i łon ło los sie boji
W chopskim downo mnichow niy ma
Cosik yno godo ziymia.

[broneknotgeld]

Stary kerchow

Stary kerchof se cyplym wcino we jezioro
Lepi tam niy łaźcie jak richtig niyskoro.

Krziżacke kościoły

[broneknotgeld]

Krziżacke kościoły

Momy ich we Polsce do dzisioj niymało
Na lista UNESCO wpisać se je zdało
Przez to by pewnikym myni nom niszczały
Dziedzictwym kultury na wieki łostały.

[rita100]

Krziżackie koszczioły
uleciały jak pszczoły
Dziedzictwo narodowe
wznowi budowe

[broneknotgeld]

Ech - by se chciało i ło tym pisać
Dyć rymy w głowie zaczynom miyszać.

[haisza]

A co o Poznaniu napisał byś?
Mnie to bardzo ciekawi tyż.

Pasłęk

[broneknotgeld]

Pasłynk

Historyjo swoja jawi
Toż pewnikym zaciekawi.