Ruda Śląska - Giżycko

[broneknotgeld]

Se tam a nazod ludzie rajzujom
Zdo sie nikerzy w proficie
Z łońskego roku to forsztelujom
A wy co ło tym powiycie?

[broneknotgeld]

Łod września

Łod września my som partnery
No dyć do jasny cholery
Z "zielonych szkoł" latoś nic
Skond my już znomy tyn "wic"?

[broneknotgeld]

Wiceszef RM

Pytlok zwalo na "partnera"
Że niymrawy coś - cholera
Że przetargi som na "szkoły"
Niy wiedzieli - jakeś woły?
Zdo sie jakby z łobu stron
Ktoś w fałszywy bije dzwon.

[broneknotgeld]

Zaczło sie niyhersko
Bydzie dali sielsko?

[broneknotgeld]

Giżycko ze Rudom teroz sztama czimie
Zdo sie - coś dobrego we tym richtig drzymie.

[broneknotgeld]

Foldery

Foldery z Giżycka ponoć w Rudzie som
Niy widziołch - dyć wierza i radocha mom
Ło zniżkach czy cosik we nich już szkryfnyli?
Kto ze nich skorzysto? -W Urzyńdzie szepnyli?

[broneknotgeld]

Promocja Rudy Ślonski w Giżycku

Ruda we Giżycku chce sie tyż promować
Toż trza mi tych fraszek tukej wiyncy dować
Plany majom wielke - choć zdowo sie tajne
Łoj bydzie tam richtig blyszczeć Ruda fajnie.

[broneknotgeld]

Możno Giżycko rymym rozruszać
Ano - przemyśleć jo sie to musza

[broneknotgeld]

Zaprosiyli

Zaprosiyli na Barborka ze Giżycka władze
Tako na doł tyż zjechali w bergmoński paradzie
Pora dni se ugościyło ze Mazur partnera
Z wiosnom bydzie rewizyta? Kto pojedzie teraz?

[broneknotgeld]

Ponoć w maju "Dziyń Giżycki"
Bydzie tako już tu wdycki?

[broneknotgeld]

Co inkszego już se stało
forum.gazeta.pl/forum/72,2.html?f=261&w=40533352
Drapci wszysko poleciało.

[broneknotgeld]

Tako se przido link do Giżycka
www.gizycko.um.gov.pl/
Możno ze Rudy dojedzie bryczka.

[broneknotgeld]

Blyśnie Rudzie turystykom?
www.gizycko.turystyka.pl/index_pol.html
W ty intyncji jo porzykom.

[broneknotgeld]

Kontek warmińsko-mazurski przeca
www.wm.pl/index.php?ct=gizycko&Numer_sesji=379b63b06975e76cc1523fd605b00277
Toż tako zajta wylazła z neca.

[broneknotgeld]

Giżycko gmina
www.ugg.pl/www/index.php
Mazur dziedzina.

[broneknotgeld]

Niy śmiołbych wos tu cyganić
www.sail-almatur.pl/
Dyć tam idzie pozyjmanić.

[broneknotgeld]

Cosik z encyklopedyji
pl.wikipedia.org/wiki/Gi%C5%BCycko
Przeca niy ma z tym mecyji.

[broneknotgeld]

Taki link se tukej dom
www.mazury.info.pl/fotogaleria/jatkowski/gizycko.html
Z niym uciechy wiela mom.

[broneknotgeld]

Za tydziyń Giżycko se lepi poznomy
Dyć na razie yno taki wontek momy.

[broneknotgeld]

W sobota u nos Giżycko blyśnie
forum.gazeta.pl/forum/72,2.html?f=261&w=40533352
Abo przi tymu cosik nom pryśnie.

[broneknotgeld]

Delegacyjo giżycko

Dyć zoglondnom do Bielszowic
Fraszko ślonsko - coś im powiydz.

[broneknotgeld]

Spytom se tu ło ty porze
forum.gazeta.pl/forum/72,2.html?f=38695&w=48022874
Richtig mo Girzycko dworzec?

[broneknotgeld]

Sołectwo Bystry ich prziwitało
forum.gazeta.pl/forum/72,2.html?f=261&w=48099512&a=48099512
Radości było ze tym niymało
Tako Giżycko już pozwiydzali
Latoś wystyknie - na bezrok dali.

[broneknotgeld]

Se Giżycko fest promuje
Ruda Ślonsko forszteluje?

[broneknotgeld]

"Dziyń Giżycka"

Pierombol - możno latoś se udo
Zbajstlować w Rudzie i take cudo
No a nojlepi na ty Halymbie
Kaj Kłodka płynie i rym we gymbie.

[broneknotgeld]

Do giżycka se wybiera
Dyć to pewne że niy teraz.

[broneknotgeld]

Joch se karnoł wirtualnie
forum.gazeta.pl/forum/72,2.html?f=28940&w=23395906&v=2&s=0
Z fraszkom dyć i tako fajnie.

[broneknotgeld]

Sie bije

Bije sie Giżycko ze Mikołajkami
Ło to kero sztela jest letniom stolicom
Warmiji i Mazur - powiydzcie im sami
Jak treficie tukej - przeca na to liczom.

[broneknotgeld]

Hołd Giżycku?

Tym hołd Giżycku zrychtować jako?
Sztele kuplować na wieki tako!

[broneknotgeld]

Trza ty Rudzie pszoć
czy Giżycka boć?

[broneknotgeld]

Rymym popieszcza
Kej "lecom w leszcza"
www.gizycko.pl/gizycko-zaprasza-na-400-lecie-miasta-8862.html

[broneknotgeld]

400 rokow miasta Giżycko!

Sztyry setki - richtig wiela
Fajruje mazursko sztela
Przez rok cołki - niy dziwota
Tropić tym - zdo sie gupota!

[broneknotgeld]

Dziyń Animatora Kultury

U partnera
www.gizyckiecentrumkultury.pl/
Prawie teraz.

Giżycko

[broneknotgeld]

Giżycko

Gizewiusza tako uhonorowali
Że ze niego miano miastu tymu dali
Pastor przeca zowdy był za Mazurami
Dyć ich kajś przegnali - tyż uciykli sami

[broneknotgeld]

Fajno sztela

Niegocin kanał łonczy z Kisajno
A miyndzy nimi sztela jest fajno
Kaj byż zabawioł niyjedna nocka
I dziołchom pszoł tyż na pewno mocka.

[broneknotgeld]

Gustaw Gizewiusz 1810-1848

Pastor we łobrona Mazurow durś broł
Historio tyż ło tym pamiynto
Dyć serce dlo wszyskich jednake łon mioł
Na ziymi co jeszcze niy świynto.

[broneknotgeld]

Krziż św. Brunona

Tukej świynty Brunon Prusow krzcić tyż chcioł
Z poparciym Chrobrego dyć prziszoł
Za wiara łon jednak życie swoje doł
We tysionc dziewiontym - toś słyszoł

Przez las wiedzie droga św. Brunona
Idź - dyć se tego niy lynkej
Kaj krziż dzisioj stoji prziszło jymu skonać
Mosz Boga we duszy to klynkej.

[broneknotgeld]

Giżycko agroturystyka

Agroturystykom Giżycko se blyszczy
Czy z rudzkich wandrusow latoś wiyncy zyszczy?

[broneknotgeld]

We gminie

Zdo sie dość jezior w giżycki gminie
Kero w mazurski przeca dziedzinie
Joch szejść na mapie aże zrachowoł
Łoj - bych se po niych tyż pożeglowoł
Chocioż zyjmanić umia niywiela
Dyć mie tym kusi giżycko sztela.

[broneknotgeld]

Giżycki herb

Pływie w wodzie karp łod rana
Nad niym widza kormorana.

[broneknotgeld]

W ty gminie

Jezior dużo lasow mniyj
Dyć zyjmanie tukej żyj.

[broneknotgeld]

W herbie miasta

W herbie miasta ryby czi
Styknie tela abo niy?

[broneknotgeld]

W herbie gminy

Kormoran u gory
Dwie ryby zjod ktory?

[broneknotgeld]

400 rokow miasta Giżycko!

Sztyry setki - richtig wiela
Fajruje mazursko sztela
Przez rok cołki - niy dziwota
Tropić tym - zdo sie gupota!

[broneknotgeld]

400 rokow miasta Giżycko!

www.gizycko.pl/gizycko-zaprasza-na-400-lecie-miasta.html
Sztyry setki - richtig wiela
Fajruje mazursko sztela
Przez rok cołki - niy dziwota
Tropić tym - zdo sie gupota!

[broneknotgeld]

"Trzi leszcze"

Na zamku "Lecu" elektor bawioł
Kuchorz sie ponoć pieronym sprawioł
Kej mu trzi leszcze piyknie wysmażoł
Dyć go dukatym władca łobdarzoł

Niy fertig na tym - ano uwierzcie
W herbie Giżycka przeca trzi leszcze
Nowo Wieś dźwignoł - doł grodu prawa
Princ kontynt, tako zocno w tym sprawa

Ponoć i na tym sie niy skończyło
Lekci rybokom tu teroz żyło
Mogli brać ryby ze Niegocina
Richtig szczyńśliwszo stała dziedzina.

[broneknotgeld]

Lötzen - 1612

Łod zamku miano Nowo Wieś wziyła
Wiyrchym terozki wartko stanyła
Bogactwo jeji we Niegocinie
Rybow niych styknie zowdy dziedzinie.

[broneknotgeld]

Dziyń Animatora Kultury

U partnera
www.gizyckiecentrumkultury.pl/
Prawie teraz.

Wilkasy

[broneknotgeld]

Kaj by latoś na te wczasy?
Wiym - wołajom mie Wilkasy.

[broneknotgeld]

Wilkaski "Gwarek"

Toż wiela tukej bergmonow było?
Kierzy we wodzie toplać se chcieli
Ta Piykno Gora tyż bogaciyło
A jako teroz jest we ty szteli?

[broneknotgeld]

Pynsjonat "Skarpa"

Taki pynsjonacik latym kwieciym kusi
Szczyńściym tyż za wiela potmanyj niy dusi
We Wilkasach znojdziesz - Niegocin po blisku
Tu uśmiych rozkwitnie na niyjednym pysku.

[broneknotgeld]

Ośrodek "Fregata"

Ta "Fregata" kusi
Dyć portmanyj dusi.

[broneknotgeld]

Pynsjonat "Yaga"

"Yaga" piyknie cie ugości
Tu niy bydziesz wcale pościć
Przeca nawet Jaś z Małgolom
Kuchnia "Yagi" tyż pochwolom.

[broneknotgeld]

"Łabyńdzi Ostrow"

W Piykny Gorze łon wilkaski
Tu tyż spotkosz gryfne "laski"
Dyć czasami - co za dziw?
Usłyszysz łabyńdzi śpiyw.

[broneknotgeld]

Wilkasy

Kaj by latoś na te wczasy?
Wiym - wołajom mie Wilkasy
"Gwarek", "Skarpa" czy "Fregata"
Kuszom i na stare lata.

Doba

[broneknotgeld]

Cie choroba!
Tukej ta miejscowość - Doba
I jezioro Dobskie jest
Toż we doba dychniesz fest.

Krukolin

[broneknotgeld]

Krukolin

Kruk na liny tu poluje?
Toż to kożdy forszteluje
Że nurkować coś niy umi
Yno czy kruk to rozumi?

Bogacko

[broneknotgeld]

Bogacko

Niybogaty kaj Bogacko
Jednak czuje sie tyż chwacko
Do szczyńścio Dejguny mo
Styknie abo mi sie zdo?

Gajewo

[broneknotgeld]

Gajewo

Gajewo przi gaju
Dyć cołkym na skraju
Niy kuszom cie ryby
To tukej na grziby.

[broneknotgeld]

Hotel "Gajewo"

Niy przijedzie dyć tu "cieć"
Trza mu pełno kapsa mieć
Nic że idzie porajtować
Jak trza grosza wiela dować
Ano - droższo to już "klasa"
-Wola siedzieć we Wilkasach.

Wrony

[broneknotgeld]

Wrony

Jednak niy czorne tutejsze Wrony
Jezioro Tałty blask dowo łonym.

[broneknotgeld]

"Elixir" - Wrony

Mo ośrodek własny szif
Przi jeziorze toż niy dziw.

[broneknotgeld]

Tako godo wrona wronie
- U nos som noclegi tonie.

Guty

[broneknotgeld]

Guty

Guty zdo sie dobre bydom
Kaj Kisajno grosz swoj wydom.

[broneknotgeld]

Yno co w tych Gutach jest?
Terozki se tropia fest
No i jako tam dojechać?
Przez Kamionki - toż uciecha.

[broneknotgeld]

W foldery Giżycka kukom
Cosik ło tych Gutach szukom
Ano to niy żodyn wic
Ło ty szteli richtig nic.

Wilkaski

[broneknotgeld]

Wilkaski

Zdo sie Wilkasow to kolanijo
Dali łod wody - czy z tym mecyjo?

Wronka

[broneknotgeld]

Wronka

Przi jeziorze Tałty Wronka se ciupnyła
Choć po drugi stronie już i Wrona była.

[broneknotgeld]

Kamracynie sie spomniało?
Ano - by zaś sztimowało.
www.facebook.com/aniakrzysteczko/posts/1413873573224842

Ło Warmii i Mazurach

[broneknotgeld]

Czy prawdziwych Mazurow już niy ma?
Możno z Niymiec se wrocom w ta ziymia

[broneknotgeld]

U Ptolemeusza

Galindy Sudowy u Ptolemeusza
To pruske plemiona - szkryfnońć tako musza
Dwa tysionce lotek tymu tukej byli
Choć pisma niy znali - po swojymu żyli.

[broneknotgeld]

Truso

Legyndarne Truso Wulfstan już łopisoł
Dlo Wikingow cosik łone tyż znaczyło
Teroz archeolog na te miejsce prziszoł
We jeziorze Druzno miano se ukryło.

[broneknotgeld]

Czyja wina?

Porzondliwym łokym Piasty zoglondali
Na Bałtow łodwieczno ta przeca dziedzina
Niy z krziżym to z mieczym se tu wyprowiali
Bydymy sie wadzić z kery strony wina.

[broneknotgeld]

Prusowie

"Lud srogi i okrutny" - pisoł Długosz tako
Zowdy ło poganach szkryflali jednako
Dyć pruske plemiona chciały żyć szczyńśliwie
Niy było to dane w historyji dziwie.

[broneknotgeld]

1222 - 1223

Chrystian z Konradym wyprawiy wiydli
Tako z Pomorza krziżowcy
W końcu se Prusom richtig łobrzidli
Przeca niy chcieli grać "owcy"

Bestoż wybrali sie na Pomorze
Mazowsze tyż łoberwało
Piosek w klepsydrze lecioł - łoj Boże
Nojgorsze na nich czekało.

[broneknotgeld]

Herman von Balk

Miszczym Krajowym karlus tyn był
Dyć loł tych Prusow ze wszyskich siył
Kaj wrazioł mocno tyn czorny krziż
Już grod warowny przeca to wiysz
Kwidzyn i Elblong Bałga tyż inksze
Jedne dość małe nikere wiynksze
Już tu niy stykło sie łokrzcić yno
Zakon ło wszysko se dopomino
Łon "panym" życio i śmierci jest
Toż autochtonow umynczoł fest.

[broneknotgeld]

1243

Niym jeszcze Prusow cołkym podbiyli
Sztyry biskupstwa już wykrojyli
Z bullom papiyża Innocentego
Dyć ze tym mianym przeca szwortego.

[broneknotgeld]

W diecezjach

Dwie czecie ty ziymi noleżne Krziżokom
Reszta dlo Kościoła - co pruskim borokom?

[broneknotgeld]

Pod Lubawom

Pod Lubawom Harkus fest Krziżakow pobioł
Ze wojsk Helmericha łon se nic niy robioł.

[broneknotgeld]

Diwan Klekin

Ze Bartow chca wspomnieć Diwana Klekina
Spustoszoł łon przeca chełmińsko dziedzina.

[broneknotgeld]

Pyjter z Dusburga

Karlus podboj Prusow w tych latach łopisoł
Choć możno przi tymu tyż cosik namiyszoł
Momy relacyjo yno z jedny strony
Jako ze ty drugi - tego niy poznomy.

[broneknotgeld]

1307

Wenecjo już Miszcza Krziżakow żegnała
Pewno płakać po niym wcale niy musiała
Dyć w tym roku Malbork wiela se radowoł
Feuchtwangena przeca siedzibom sie stowoł
Stolicom Zakonu - ziym pruskich podbitych
Zamkym-twierdzom wielkom - tref "niypospolity".

[broneknotgeld]

Los powstańca pruskego

Zowdy niywola go tu czekała
Katorga kero skrocała życie
Niyjedna twierdza na tym powstała
Pot krew w kamiyniu - przeca to wiycie

I cegła z tego czerwono bardzi
Zamki kościoły jakby krasiyła
Zakon choć Prusym pierońsko gardzi
Z jego roboty biere swo siyła.

[broneknotgeld]

Zwionzek Pruski 1440

Zakon uciskoł szlachta i miasta
Toż chcieli pedzieć już tymu - basta
We Zwionzku Pruskim siyły zbiyrali
Bo już niy chcieli żyć tako dali.

[broneknotgeld]

Wojna 1519-1521

Skiż hołdu wojna terozki tukej
We niyj upadku Zakonu szukej
Krziżaki skarbiec se wyczyściyli
Ziymiom żołd panom czynsto płaciyli
Aż w końcu ściepli "zakonne szatki"
Toż Hohenzollern princ teroz gładki
Chocioż uklynknoł w końcu w Krakowie
Dyć cosik erbnoł ze tym tyn czowiek.

[broneknotgeld]

Godka prusko (XVI w)

Przi protestantach jakby coś blysła
Dyć w końcu cołkym z użycio wyszła
W Sambii i Warmii tako godali
-Możno ciut dłuży zapominali.

[broneknotgeld]

Biskup Paweł Lagendorf

Rok se tym stolcym biskupim cieszoł
Za mało nawet by coś nagrzeszoł
Pruski rod Stango karlusa nosioł
A Jagiellończyk na Warmio prosioł
By diecezyjo przi krolu czimoł
I ze Zakonym konszachtow niy mioł.

[broneknotgeld]

Biskup Thiedemann Giese (1549-1550)

Łostatni "miejscowy" na stolcu biskupa
Zdo sie - już Korona wyloła ta "zupa"
Terozki swojymi se w ty Warmii "warzy"
Toż Polokom ciyngym ta fara sie marzy.

[broneknotgeld]

Dziejopis Marcin Kromer 1512-1589

Zocny dziejopis dwou w Krakowie
Toż Jagiellonow łoddany czowiek
Biskupym w końcu zostoł w Lidzbarku
Była ta Warmio na jego karku.

[broneknotgeld]

Krolewiec 1544

Dboł Hohenzollern ło swo stolica
Chcioł by gryfniejsze durś miała lica
Toż uniwerek tukej wystawioł
By uczoł ale tyż przeca sławioł.

[broneknotgeld]

Biskup Maurycy Ferber

Warmio pamiynto to biskupowi
Że wydoł wojna jakby Lutrowi
Hohenzollerna tym wnerwioł chyba
Dyć ze Ferbera niy jakoś ryba.

[broneknotgeld]

Przi Hohenzollernie

Przi Hohenzollernie Krolewiec to zyszczy
Że polskościom jakby teroz bardzi blyszczy
Albrecht reformacjo wspiyroł we Koronie
Dyć i katolikom niy powiedzioł - koniec.

[broneknotgeld]

Prusy ze Szwecyjom

We Prusach Ksionżyncych niy było wesoło
Jak sie wojsko szwedzke na Polska wyloło
Brandynburczyk zgodoł sie ze krolym szwedzkim
I doszło skiż tego w tych stronach do sieczki

Toż Gosiewski prziszoł razym z Tatarami
Pokozoł co umioł w bitwie pod Prostami
Tysionce poległy - tysionce w niywoli
Mor zabroł nojwiynce - serce z tego boli.

[broneknotgeld]

Edukacjo w Prusach

Piyrsze państwo we Europie co lud kształcić chciało
No i przeca na ty drodze zrobiyło niymało
Pryndko co wpiyrw tukej polske szło we zapomniynie
Geld kariera inkszy profit - niy mynczy sumiynie.

[broneknotgeld]

Jan Władysław Suchodolec (1687-1751)

Kartograf fater - inżynier syn
We tym woda już na ichni młyn
We Wyngorzewie wodociong przeca
Zdo sie co wyloz ze jego neca
Wyregulować Wisła planowoł
Kanały "Wielkim Jeziorom" dowoł.

[broneknotgeld]

Warmiński synator

W Koronie zesel mioł synatora
Ze "wysokego" przeca był "wora"
Tyn co w lidzbarskim zamku se siedzioł
Trza byś i ło tym czowieku wiedzioł.

[broneknotgeld]

"Potop"

Kaj Karol Gustaw wpiyrw mioł kwatera?
-Wybroł se Frombork - jasno cholera
I brandynbuczyk po jego stronie
Toż sie zdowało że z Polskom koniec

Fest kapituła wtedy ciyrpiała
Łogołocono cołkym bez mała
Dyć jak już Szwedy wyleźli z "wora"
Warmio we rynkach jest elektora

Stropiono ciyngym biskupio dusza
Doczkała w końcu - szkryfnońć to musza
Po łośmiu latach djecezji wolny
Czas ze tym prziszoł bardzi spokojny.

[broneknotgeld]

"Mazury Puklate" - czy takowe znocie?
Przeca tu "Alaska" zdo sie polsko mocie.

[rita100]

tralala33
Data: 13.05.06, 14:40Jarmark Wiosenny w Rudzie Śląskiej.
W Jarmarku brały udział miasta partnerskie Rudy. Do grona tego należy gmina
wiejska Giżycko. Stąd obecność tam pracowników Centrum Promocji i Informacji
Turystycznej w Giżycku oraz zespołów Jarzębiny i Mazurskiej Kapeli Ludowej z
Gminnego Ośrodka Kultury w Wilkasach. Giżycczanie zaprezentowali na Jarmarku
wyroby rękodzieła ludowego oraz mazurskie specjały kulinarne: wędliny, ryby,
sękacze firmy Mark oraz piwo Regina.

Sławomir Kędzierski
www.wm.pl/Index.php?ct=gizycko&sct=gizycko&id=860987

[broneknotgeld]

Czy latoś było?
Partnerstwo żyło?

[broneknotgeld]

Tela co wiym
Kuplowoł rym.

[broneknotgeld]

Możno coś chyci
Juzaś uklyci.