Ło Małopolsce

[broneknotgeld]

Cołki Ślonzek w Rudzie jest
Idzie poznać go tu fest
Dyć regiony jeszcze inksze
Robiom to że forum wiynksze

Wielkopolska i Pomorze
Wiysz łod downa ło tym Boże
Małopolska tyż jest zocno
No i w rymach przeca mocno

Bestoż myśla - tymat chyci
Chciyjcie tyż tu cosik klycić.

[broneknotgeld]

W Zakopanym tymat pódzie
Jako i tyż w naszy Rudzie.
forum.gazeta.pl/forum/72,2.html?f=170&w=10360036

[broneknotgeld]

Możno ktoś z Zakopanego
Łod sia wciepnie coś do tego.

[broneknotgeld]

Możno...

Możno dońdymy z tym do tysionca
Niym sie doczkomy letniego słońca
Dyć ździybko mi w tym tyż pomogejcie
I swoje posty wciepać tu chciejcie.

[broneknotgeld]

Z Zakopcym

Niy pomyśloł żech piyrwyj ło tym
Że z tym tela mom roboty
Wirtualnie se go zwiydzom
Jakbych yno był za miedzom.

[broneknotgeld]

Dwiesta postow już tu momy
I tysioncu rada domy.

[broneknotgeld]

Fraszki tatrzańske

Z samiuśkich Tater łone pochodzom
Ponoć na hali ciyngym se rodzom
Stykło by yno se je wyzbiyrać
Dyć ludziom dzisioj niy chce sie tyrać.

[broneknotgeld]

Ech - Taterki tyż se marzom
Ze frelkami co tam łażom!

[broneknotgeld]

Taterek winszuja
Tako se wpisuja.

[broneknotgeld]

Ło Małopolsce cosik durś mało
Sie wiyncy szrajbnońć by przeca chciało.

[broneknotgeld]

Cosik sami tyż szrajbujcie
A niy yno durś dziwujcie.

[broneknotgeld]

"Kozami" w Kozach jeszcze niy płacom
Dyć cosik ło tym możno łonacom
Kej sie notgeldom ślonskim dziwujom
kozy.vot.pl/aktualnosci/2011/01/11/wystawa-banknotow-ze-zbiorow-bronislawa-watroby-w-/
Choć cysaroki - tym tyż radujom.

[broneknotgeld]

Ze dziejow Kozow znocie te dziwy?!

Ciga skokała giyrka złomała!

nk.pl/forum/17/977/386
Wojtyła tukej śnik mioł szczyńśliwy!

forum.gazeta.pl/forum/w,28940,53369683,118851737,Re_Kozy.html
Na notgeld ślonski sztela kukała!

www.facebook.com/?ref=home#!/event.php?eid=127085214024497--
Ruda Śląska - stolica fraszki

[broneknotgeld]

"Krakowice"

Co prziniesom "Krakowice"?
katowice.gazeta.pl/katowice/1,35063,13586281,Martwie_sie_o_Slask__chociaz_nie_jest_moim_domem__LIST_.html
Czas drap pylo - sie dowiycie.

[broneknotgeld]

Jo niy byda wiela blukać
Bych na zachod woloł kukać.
www.dziennikzachodni.pl/artykul/885794,list-do-dz-krakowice-czyli-aneksja-slaska-do-malopolski,id,t.html

[broneknotgeld]

Małopolski juzaś chyca
Po naszymu cosik sklyca.

[broneknotgeld]

W Nowym Sonczu

Miljonerow wiela majom
Niy dziwota - dutkom pszajom.

[broneknotgeld]

Kopiec Kraka

Ksionże Wiślan Krakym zwany
Tukej mioł być pochowany
Możno żył łon w VII wieku
Kto to dzisioj wiy czowieku?

[broneknotgeld]

1000

Thietmar szkryfnoł ło Krakowie
Rok był wtedy rowno tysionc
Grod wawelski co sie zowie
Na to już mogymy przisionc

Było te podgrodzie Okół
Zowdy take przi grodziszczu
Dwie osady tyż na boku
Pryndko sława Kraków zyszczoł.

[broneknotgeld]

Goethe w Krakowie

Goethe tyż w Krakowie siedzioł
Był tu przez dni sztyry
Ło Wieliczce przeca wiedzioł
Tam go niosły gyry

Minerały mioł we zocy
Tego był ciekawy
Solom piyknie napas łoczy
Tela mioł zabawy

Dyć na chałpie kaj nocowoł
Wisi już tabula
Bliknij jak ci sie wydowo
Że jo chca cie fulać.

[broneknotgeld]

Krakow 1257

Bolesław Wstydliwy Krakow dźwignoł tako
Że doł prawo miejske mustrym magdyburskim
Grod se samorzońdzioł jak wiela jednako
Giścińcym szyrokim a niy jakimś wonskim.

[broneknotgeld]

V Wielko Parada Smokow
Krakow 04.VI.2005

Sztyrdziści smokow se poparadzi
Toż ich jest Krakow jakby stolicom
Czy wawelskymu to bydzie wadzić?
Hehe - niych lepi na to niy liczom.

[broneknotgeld]

Konkurs na Regionalnego Smoka

Przi smoku wawelskim mozno inkszy blyśnie
Mie by se spodoboł tyn co zjodo wiśnie
Choć niy zionoł łogniym dyć pestkami pluł
Ryczoł jakby czimoł karpyntel na poł.

[broneknotgeld]

Hotel "Kopernikus"

Hotel "Kopernikus" wloz już do elity
Chocioż w kamiynicy staryńki jest przi tym
We niyj nasz Kopernik richtig pomiyszkiwoł
Jak żakym w Krakowie jakiś czas przebywoł.

[broneknotgeld]

Wawelski smok

Tako straszy - łogniym zieje
Dyć se kożdy bajtel śmieja
Z bajki wele Wisły dany
Prawiom co łon jest - "kochany".

[broneknotgeld]

Na Kazimierzu

Na Kazimierzu noc drapko zleci
Rano - pij kawa i leć do dzieci.

[broneknotgeld]

Bożnice Kazimierza

Toż se łostały na Kazimierzu
Choć możno bych w to i niy uwierzoł
Że ciyngym stojom tu synagogi
Dyć przidź - łoglondnij - przeca mosz nogi.

[broneknotgeld]

Staro synagoga

Richtig pamiynto piytnosty wiek?
Toż se dziwuje niyjedyn człek
Ano Kazimierz taki już przeca
Zdo mi sie - w jidisz cosik ukleca.

[broneknotgeld]

Kirkut Remuh

Niymce tako poniszczyli
Ślad po Żydach co tu byli
Dyć niy cołkym łon zatarty
Kirkut ciyngym cosik warty.

[broneknotgeld]

Na Skałce

Na Skałce dzisioj Paulinow znojdziesz
Kościoł i klasztor - drapko tam dojdziesz
Teroz barokym wszysko sie asi
Tako ta Skałka i Krakow krasi.

[broneknotgeld]

Kościoł świyntego Pyjtra i Pawła

Ano barok w tym kościele
I figury cie witajom
Toż zoglondnij do ty sztele
Możno cuda inksze majom.

[broneknotgeld]

Kościoł Dominikanow

Ciś grodzkom do Rynku
Łon po lewy stronie
Urzeknie gotykym
Choć niy było tonie
Po wielkim pożarze
Kościoł łodbudować
Dyć Krakow podołoł
Chcioł grosz na to dować.

[broneknotgeld]

Kościoł św. Wojciecha

Na Rynku se stoji
Nojstarszy w Krakowie
Styl "misz-masz" go stroji
Dyć w sercu mo czowiek.

[broneknotgeld]

Kościoł św. Barbary we Krakowie

Za Mariackim go niy widać
Dyć rym ło niym tyż trza by dać
Ksiyndza Skargi chocioż wspomnieć
Czy jo szkryflom to niytomnie?

Tu kożdymu śleci warga
Jak kozanie mo tyn Skarga
Trza by dzisioj go tyż słuchać
Se nastowcie możno ucha

Usłyszycie go w kościele
Parafianom mondrość ściele
Tako droga pokazuje
Jak Ponboczek nakazuje.

[broneknotgeld]

Z wieży mariacki

Hejnałym rzyko zowdy ktoś z wieży
Zdo sie krakowski jakby "muezzin".

[broneknotgeld]

Ołtorz mariacki

Przi tym ołtorzu ło Stwosza Wita
Żodym w Europie niy śmi zapytać
Bo arcydzieło wielke to przeca
Styknie że slypiym po świyntych leca
We kunszcie wola Ponboczka widać?
Czy rynka ludzko? -Dowod trza by dać

[broneknotgeld]

Kościoł św. Anny

Dyć cud barokowy
W Polsce kożdy to wiy
Fontana wystrojoł
Boskość tako pojoł.

[broneknotgeld]

"Sukiynnice"

Jako piyrwyj były
Tako i łostały
Choć wiela sie miynioł
Przeca tyn świat cały.

[broneknotgeld]

Na Plantach

Na Plantach se dychniesz
Na ławeczce zicniesz
Niym szpas Krakowowi
Jeszcze jakiś wytniesz.

[broneknotgeld]

"Collegium Majus"

Wiela żakow tu łaziyło?
Wieki te "Collegium" było
Wiela jeszcze tako zleci?
Czy ktoś czasu rym ukleci?

[broneknotgeld]

"Collegium Novum"

Już niy cołkym nowe
Powiy kożdy czowiek
Czas płynie jak rzeka
I niy chce zaczekać.

[broneknotgeld]

"C.K.Browar"

Na Podwalu knajpa tako
Piwo przednie - durś jednako
Se tu zicniesz i napijesz
Ano - zaroz wiysz że żyjesz.

[broneknotgeld]

"Alchemia"

Na Kazimierzu tyn lokal zocny
Ano - zoglondnij we porze nocny
Adres - Estery nomer sztyrnoście
Toż jom ło łaskie wielke uproście
Dlo Kazimierza wiela znaczyła
Esterka kero lipstom mu była.

[broneknotgeld]

"Trattoria Soprano"

Konsek Italyji
We zocnym Krakowie
Dobrze tu futrujom
Toż zoglondnie czowiek.

[broneknotgeld]

Mo Krakow

Mo Krakow we Istnym swojego patrona
Dyć niyroz tu robioł Łon za fojermona.

[broneknotgeld]

Ło Krakowie cosik wiycie
www.krakow.pl/turystyka/
Kulo se grodowi życie.

[broneknotgeld]

fakty.interia.pl/prasa/news/prezydent-obrazony-na-wladze-krakowa,883185,16#skipAdnews

Przido se i taki link we tym wontku.

[broneknotgeld]

Rok Krakowa drapko idzie
forum.gazeta.pl/forum/72,2.html?f=170&w=46418223
Ze tym nowo radość bydzie.

[broneknotgeld]

Richtig poszaleć w Krakowie idzie
www.krakow.zaprasza.net/
Na bezrok jeszcze lepi z tym bydzie.

[broneknotgeld]

"Krakow żyje..."

Krakow żyje z turystyki
Som we wercie cosik bliki
Łod wandrusa co se zjawi
Grod upasie - som zabawi.

[broneknotgeld]

Na pont

Na pont ciongnie do Krakowa
Już niy yno Żyda gowa
Łagiewniki tyż tu majom
Skiż Wojtyły durś kukajom.

[broneknotgeld]

Pod opiekom

Sie świynty Stanisław grodym opiekuje?
Kto pobożny prawi co richtig to czuje.

[broneknotgeld]

Na Kazimierz

Z rynku przeca niydaleko
Toż Kazimierz na mie czeko
Se prziwitom w paździyrniku
Możno kajsik tam porzykom.

[broneknotgeld]

Izrael Isserles

Na Remuhu znojda go?
Toż yno Ponboczek zno.

[broneknotgeld]

Sie zdo

Zdo sie Kazimierz jak prowincyjo?
Dyć ciyngym żyje - niy komedyjo.

[broneknotgeld]

Plac Mariacki

Z Małego Rynku na Głowny ida
Toż Plac Mariacki to niy łobrzida
Łon jako Krakow gryfny jest przeca
Tyż zdo sie dziwym ty szteli neca..

[broneknotgeld]

Słysza hejnał

Z Placu Mariackego jo tyn hejnał słysza
Dyć cosik se urwoł - czamu tako cisza?

[broneknotgeld]

Kamiynica nr 9

Ponoć tu Wyspiański
szkryfnoł te "Wesele"
Aże se na glacy
kryncom mi zaś wele.

[broneknotgeld]

Kaplica Zygmuntowsko

Blyszczy kopuła se jeji złotym
Jako łostawić istno na potym?
Jak ło Wawelu myśla to marza
Że familijom wpiyrw tukej właża.

[broneknotgeld]

Bartolomeo Berecci

Co w ty Floryncyji znojdziesz kunsztownego
Tako we kaplicy tu wawelski widać
Dynkmal Jagiellonow - rodu przezocnego
Hołd architektowi przi tymu trza by dać.

[broneknotgeld]

Arcybractwo Dobry Śmierci 1595

Toż se mu dziwej terozki chopie
Jedne łostało łone w Europie
Choć już skazańcow niy wykupujom
Przeca w Krakowie dobrze se czujom.

[broneknotgeld]

Laga arcybrata

Laga arcybrata z czachom
Bestoż jo se trocha strachom.

[broneknotgeld]

Czorny habit

Czorny habit, kaptur tako
Laga z czachom - durś jednako.

[broneknotgeld]

W Arcybractwie

Toż w niym mog być krol i kmieć
Czy wystykło yno chcieć?

[broneknotgeld]

Procesyjo 14.IX

W tym dniu arcybractwo łazi z procesyjom
Chocioż we kapturach gowy swoje kryjom
I już niy wykupiom cie łod śmierci ćmoka
Dyć ciyngym w ich strona chce łoko aż skokać.

[broneknotgeld]

W Wielki Piontek

Ze kościoła Franciszkanow i wtedy wyłażom
Niym Bog-czowiek zozno śmierci ło wykupie marzom.

[broneknotgeld]

Do Krakowa

Z tym radosno moja "mowa"
Jutro jada do Krakowa
Biera łobie moje frele
Zabawiymy do niydziele

[broneknotgeld]

Dzisioj szkryflom ze Krakowa
Zwiydziołch trocha - ło tym mowa.

[broneknotgeld]

Krakow ciyngym nom gryfnieje
Moj portmanyj - inksze dzieje.

[broneknotgeld]

Krakow se bawi
serwisy.gazeta.pl/kraj/1,34397,4197433.html
Smok radośc sprawi.

[broneknotgeld]

Rejtan w Krakowie

Zaś w Krakowie dynkmal stoji
Choć go dugo tu niy było
Tako Planty richtig stroji
Czy szlachciura z niego miło?

[broneknotgeld]

"Lajkonik"

Przed Bozym Ciałym wiela rojbrowoł
Terozki czyńści - dowom wom słowo.

[broneknotgeld]

Pomarzyć w Krakowie
Niyjedyn chce człowiek.

[ta_co_sie_ciyngiym_wywroco]

Dyć jo już bych nie kciała.
Jo Kraków poznała.

[broneknotgeld]

To se wybier do Wieliczki
Tam ślimtajom słono wdycki.

[cymanon]

Planty bez drzew ?//
To jak posadzone w piaskownicy:
kaktusy i krzaczasty krzew.

(po kataklizmie w nocy 23/24 08 07)

[broneknotgeld]

Jutro pogrzyb we Krakowie
Czy by sie spodziywoł czowiek?
warszawa.gazeta.pl/warszawa/1,95190,7781082,Ostatnie_pozegnanie_prezydenckiej_pary_w_archikatedrze.html

[broneknotgeld]

Po Berlinie
wiadomosci.gazeta.pl/wiadomosci/1,114883,10849202,Krakow_wyprzedzil_Rzym_i_Barcelone__Przegral_tylko.html?lokale=katowice
Krakow słynie.

[broneknotgeld]

"Carrodunum" II w n.e.

Cosik Ptolomeusz szkryfnoł ło Krakowie?
Ech, pewności niy ma, dyć se mieści w gowie
Z kultury łuzycki coniyco tu znodło
Tako z rzymskich czasow we łoczy tyż bodło.

[broneknotgeld]

Princ Krak

Princ Krak reskiyrowoł tu swojom dziedzinom
Wawel dźwignoł tako - inksi niy łominom
Drapko wele zamku i grod zocny stoji
Krakow jego miano, dyć czegoś sie boji

Ano - smok mioł lyże w głymboki pieczarze
Skiż niego niyjedyn już ślimto i maże
Gowiydź zatracono, ludzi wiela tropi
Trza by stond wykludzić - princ pewno spokopi

Dyć Krak wpod na koncept - smoka wyfutrować
Zwiyrza ubitego piyrwyj nafilować
I siarom, i terom, i woskym do tego
I hajcnońć - niych poli stwora przebrzidłego

Potwor na to chycioł, zjod co mu wciepali
Pewnikym już wiycie co z niym boło dali
Marny jego koniec - postrodoł z tym życie
Kej łod srodka poloł drap pod, pewno wiycie.

[broneknotgeld]

Kopiec Kraka

Krak pomarł we końcu, ślimto nad niym sztela
Z żolu kopiec sujom wysoki za tela
Coby i po śmierci kaj leży widzieli
Coby we pamiynci ciyngym władce mieli.

[broneknotgeld]

Ło Wandzie

Kej już syny Kraka pomarli bez dzieci
Władza w ryncach cery tako tukej leci
Kej Wanda mo sztela, kej gryfno tyż była
Niy dziw co karlusow jyj rynka kusiyła

Dyć istno nikogo za chopa niy chciała
Ponoć być jungferom bogom ślubowała
Bestoż niyjednego brała aż cholera
Tako tyż trefiyła princa Rydygera

Toż wojsko zwołuje, na Krakow wybiyro
Chnet w polu na hufy łod Wandy zaziyro
Śmiertka chyci kosy? Wiela krwi poleje?
Ćmok szczyńściym nadciongnoł, a jako kej dnieje?

Wojska Rydygera we nocy szkamrały
Za nic ambicyjo princa teroz miały
Niy werci skiż freli z Krakowa umiyrać
Skiż fanaberyji pod kosa zaziyrać?!

Woje Wandy stojom - Niymce machli rynkom
Dyć Rydyger woło -"Jo prawie niy pynkom!"
Możno pszonie richtig w gowie mu zećmiyło
Na swoj miecz sie ciepnoł i już go niy było

Ech, w Krakowie radzi co tako skończyło
Choć Wandzie jungferom być dali trefiyło
Zdowo sie co istno wiyncy spokopiyła
Kej wartko we Wiśle przeca utopiyła

Jedni w tym ofiara bogom uwidzieli
Inksi żałość wielko - tako kukać chcieli
Być jungferom na co? Marne zdo sie życie
Utropom i dlo sia, i innym - już wiycie.

[broneknotgeld]

Kopiec Wandy

Suli ku pamiyńci - zdowo mi sie teraz
Ku pamiyńci - jako skończyła jungfera
I tako tyż wszyskim frelom ku przestrodze
Coby niy szukały mustra we niybodze.

[broneknotgeld]

Wawel VII-VIII wiek

Wałami grod Wiślan prawie łobwiedziony
I "Okoł" przi tymu już terozki momy
Tako Krakow rośnie, tako sie rozwijo
Tako czas pogański wartko tukej mijo.

[broneknotgeld]

Z legyndy panoński

Princ Wiślan poganym toż Wielke Morawy
Chcom łokrzcić istnego niy skuli zabawy
Nic co przed tym bronioł - tako chnetko stało
Zdo sie łod somsioda wojsko najechało
We niywoli lekci mu klynknońć przi krziżu?
Dziedzina już Moraw, dyć tako choć wyżoł.

[broneknotgeld]

Krakow 965

Przi Bolesławie Krakow rozkwitoł
Rusow, Madziarow z toworym witoł
Żyd ze Kordoby wiedzioł coś ło tym
Tako w tym czasie. Co stało potym?

[broneknotgeld]

Krakow Polan

Kej wele Mieszka zbrakło Dobrawy
Źle dlo Pepiokow lecom tu sprawy
Krakow przez Polan siyłom chnet wziynty
Jako nasz Ślonzek - Mieszko niy świynty.

[broneknotgeld]

Krakow 1000-1038

Biskupstwo w Krakowie nikogo niy dziwo
Princ Wiślan z mogiły możno tymu kiwo
Państwo Polan wielke krotko za Chrobrego
Dyć krziż sie łodporu doczko pogańskego
I cofnońć tyż Piastom w lyże swoje przidzie
I Pepik Brzetysław w ziymi Polan bydzie.

[broneknotgeld]

Katedra Chrobrego (ok.1020)

Katedra Chrobrego w tym grodzie stanyła
Kej władoł bogatym, przi niymu tyż siyła
Toż biskup krakowski tako podźwigany
Krakowowi kościoł niy piyrszy dyć dany.

[broneknotgeld]

Biskup Aron

Biskup Aron rośnie przi Łodnowicielu
Tako Krakow przi tym tyż stołecznom sztelom
Toż niy ma co dziwać - chnet arcybiskupym
Kej pomog princowi wziońć wszysko do kupy.

[broneknotgeld]

Bogaty Krakow

Wele Krakowa wszysko co trzeba
Sol sie zdowała tu darym Nieba
Strzybło po blisku, ołowiu wiela
Ajzy pod dornym zdo sie za tela
Gliny, pioskowca coby grod dźwigać
Bogaty, ludny - niy bydzie migać.

[broneknotgeld]

Katedra Śmiałego (1071)

Śmiały śmioł ze Chrobrym tu ścigać ło cosik
Katedra podźwigoł - we wercie niy grosik
I choć ździybko trwało niym wybudowali
Fest sie tom świontyniom tukej radowali
Fest sie tom swiontyniom piyrwyj tyż asiyli
Wieża Strzybnych Dzwonow we serca dyć wziyli.

[broneknotgeld]

Krypta św. Leonarda

Z katedry Śmiałego i to sie łostało
Wiekow tela przeszło, toż krypta - niymało.

[broneknotgeld]

Chnet dwa tuziny

Kościołow piyrwyj chnet dwa tuziny
Na podegrodziu, niy Wawlu driny
Czy kościołami Krakow rozkwito?
Niy cołkym ino - jakby kto pytoł.

[broneknotgeld]

Kościoł św. Andrzeja

Ze średniowieczo łostoł dyć tukej
Mustrym romańskim jak piyrwyj było
Na Grodzki prawie kościoła szukej
Ech, dyż z tych piyrszych wiela straciyło
Kajniykaj yno som fundamynta
Kajniykaj na nich świontynio nowo
Czas swoje robi - szczyńściym niy piynta
Krakow jak rosnoł durś rośnie zdrowo.

[broneknotgeld]

Krakow 1076

Mo krola Krakow! Polska mo krola!
Jo wos tu przeca niy byda fulać
Wawel tyż zdo sie ze tym coś wyży
Trza jakby wiyncy szyrokich dzwiyrzy.

[broneknotgeld]

Krakow goreje 1125

Ano - niyszczyńście - Krakow goreje
Tako we grodzie niyroz sie dzieje
Ślomtajom ludzie, dziedzina ślimto
Dyć wartko dzwignie ze nowa - wiym to.

[broneknotgeld]

Krakow 1173

Princ mazowiecki Bolko Lukaty
Choć bez korony dyć niy sagaty
Tukej ze Piastow piyrszy chowany
Wawel na wieki tako mu dany,

[broneknotgeld]

Krakow 1200

Ziymiom zatrzynsło - co ze tym bydzie?
Czy Krakow tako teroz we biydzie?
Dyć sie niy tropcie - strzimała sztela
Pamiyńć łostała - szkryfna tu tela.

[broneknotgeld]

Wincynty Kadłubek (1207)

Biskupym krakowskim Kadłubek już łostoł
Możno skiż "Kroniki" tako fara dostoł
Piyrszym co we Polsce szkryfloł ło jyj dziejach
I princa mioł przeca tyż za dobrodzieja.

[broneknotgeld]

Sołtys Pyjter

Sołtysa Pyjtra tukej wspomnieli
Toż lokacyjo była ty szteli
Princ na Wawelu - sołtys w Krakowie
Eli dzielyli sie po połowie?

[broneknotgeld]

Krakow gotycki

Krakow gotycki, Krakow ceglany
Z trzinostym wiekym już w czyńści dany
Trzecio katedra tako zamkowo
Co mianowali tu "Łokietkowo"
Kościoł Mariacki i Sukiynnice
Mury łobronne, baszty, dyć wiycie
Cegłom rozblysnoł w sztyrnostym wieku
Gotyk krakowski cudym czowieku.

[broneknotgeld]

Krakow 1241

Ech, skiż Tatarow sie tukej dzioło!
Ano, niy było richtig wesoło
Krakow zdobyty, Krakow grabiony
Kaj św. Andrzej krziż mocny momy
Ponoć tyn kościoł som yno trzimoł
Nikt ze łobrońcow tukej niy drzymoł
Ponboczek siył tu ludziom dokłodoł
Toż sie łoparli - kronikorz godoł.

[broneknotgeld]

Krakow 1257

Bolesław Wstydliwy zaś Krakow lokuje
Już sie po Tatarach utropy mniyj czuje
Na powrot grod dźwigo tako do zocności
Zdo sie co tu szczyńście na dłużyj zagości.

[broneknotgeld]

Krakow 1259

I zaś Tatary, niyszczyńścio tela
Jako mo kwitnońć krakowsko sztela?
Jako mo strzimać - już piyrwyj było
Złe tako w Krakow juzaś trefiyło.

[broneknotgeld]

Krakow 1287

Mury niyskonczone, dyć je już stowiali
Tako łodpor mocny Tatarom dowali
Nic tu już po ordzie, nic po czambulikach
Na wschod niych wrocajom, tam im trza pomykać.

[broneknotgeld]

Krakow - Wawel - XIV w

Wiela sie miyni, wiela buduje
Kej Krakow rośnie tako raduje
Niy yno władcy ło grod tyn dbajom
Kościoł, mieszczany - tyż dokłodajom.

[broneknotgeld]

Krakow - Wawel (1320-1364)

Sie drugo katedra tukej wypolyła
Ze woli Śmiałego na Wawelu była
Dyć czas łodbudowac staraniym Nankera
Choć lata zleciały kukosz na nia teraz
Nic co gotyk zdo sie jakby już przikryty
Ciyngym przeca stoji i cieszy nos przi tym.

[broneknotgeld]

Krakowske mury XIII/XIV w.

Doł Leszek Czorny miyszczanom zwola
Mury stowiajom - dyć za to chwola
Trzi kilometry, wież chnet poł setki
Bramow dyć łoziym - to niy som betki
Aż dziesiyńć metrow mury wysoke
Ćwierć z tego zrachuj - tako szyroke
Fosa głymboko - utopić idzie
Woda Rudawy zowdy w niyj bydzie
Toż Krakow zdo sie już niyzdobytym
Jako Tatarom stanońć se przi tym?
W tych czasach yno głodym brać szłoby
Abo do środka zgonić choroby

[broneknotgeld]

Wieża Floriańsko 1300

Piyrszo we Krakowie ta wieża stanyła
Zdo sie nojgryfniejszo jest jako i była
Kuko ze wysoka kej brama zawiyrać
Ze rannym hejnałym zaś przidzie łotwiyrać

A "Bogurodzica" z ratusza słyszeli?
Łoj, drap zawiyromy - utropa dlo szteli!
Tatar czy wrog inkszy chce Krakow zdobywać?!
Styknie mu na mury z daleka se dziwać?

[broneknotgeld]

Krakow 1320

Zaś Krakow krolewski - tako Łokietkowy
Dyć wartko sie doczko zocniejszy tu gowy
Chnetko przidom czasy nojwiynkszego Piasta
Co dźwignie stolica, dźwignie twierdze, miasta.

[broneknotgeld]

Kościoł Mariacki XIII/XIV w

Dwie świontynie wpiyrw tu były
Krakow dyć nabiyroł siyły
Ze niym tako tyż mieszczany
Na świodectwo kościoł dany
Trzeci - we gotyku szacie
Dyć co w środku? Ech, zjym lacie!
Cuda, cuda uwidziecie!
Jako tu leciało życie
Chnet siedymset rokow aże
Jest świodectwo - nikt niy zmaże!

[broneknotgeld]

Ołtorz Wita Stwosza (1477-1489)

Dwanoście rokow cudo rzeźbiyli
Dwanoście rokow - niych nikt niy myli
Kej piyńćset rokow już lipy miały
Pnioki rzeźbiorza rynce se brały

Dzisioj na ołtorz Stwosza kukocie
Kunszt downy tako we zocy mocie
Jako i piyrwyj tukej mieszczany
I Ponboczkowi hołd tym łoddany.

[broneknotgeld]

Zamek wawelski - XIV w.

Co piyrwyj było - za Kazimierza
Blysło gotykym - w to przeca wierza
Istny doł łod sia wiela do tego
Coby był zamek godny Wielkego
I chnetko dwiesta rokow to trwało
Niym w dziyń kwietniowy wszysko zgorało.

[broneknotgeld]

Sukiynnice - XIV w.

Piywyj tukej kramy stoły
Pewno se złodziejow boły
Dyć Kazimierz miyni wiela
Mo gotykym blysnońć sztela
Toż se tako drapko dzieje
Krakow do Sukiynnic śmieje.

[broneknotgeld]

Sukiynnice 1555

Ech, dość wiela wygorało!
Toż utropa we tym cało
Dyć czas jest renesansowy
Tako rzońdzi już Krakowym

Italyjok Padovano
Ciyngym kuko tukej rano
W sztyry roki cudo mocie
Sukiynnice w niym poznocie?

[broneknotgeld]

Ratuszowo wieża

Ze czasow gotyku dyć tukej łostała
Choć hełm barokowy se w końcu łobrała
I choć ratusz jeji sie ze rynku stracioł
Łona świadkym rokow kej Krakow bogacioł.

[broneknotgeld]

Barbakan 1498-1499

Skiż Jana Olbrachta
Uciyrpiała szlachta
Sie za barbakanym
Chowajom mieszczany.

[broneknotgeld]

Krakowski barbakan

W Europie nojwiynkszy - jako cytadela
Dzwigli kej w Krakowie niy było wesela
Sto trzidziści strzelnic, wieżyc rubych siedym
Zdało sie - armijo haltnie tu łon jedyn.

[broneknotgeld]

"Zygmunt" - 1520

W katedrze wawelski dzwon już zawiyszony
Szczyńściym co do dzisioj sie jymu dziwomy
Chnetko piyńćset rokow - gyburstag przezocny
Choc Zygmunt był Stary dzwon klang mo durś mocny.

[broneknotgeld]

Zamek wawelski - XVI w.

W Plsce Jagiellonow co krolewske - blyszczy
Choć zamek wygoroł dyć mysz tu niy piszczy
renesans rozkwito - zamek rośnie nowy
Drapko zdo sie cudym dlo krolewski gowy
Dziwać tymu moga, Europa tyż przeca
Tako dziwom zowdy kej dziedzińcym leca.

[broneknotgeld]

Za Zygmunta III Wazy

Źle wspomino Krakow Wazy
Ano - dyć tyż bez łobrazy
We Warszawie elekcyjo
Niy w Krakowie - kryjolyjo!
Kej i Wawel czyńściom zgoroł
Krol w Warszawie siedzieć woloł
W koncu z dworym tam przekludzioł
Krakow cołkym niy łobudzioł
Choć w niym durś koronacyje
I żałobne procesyje.

[broneknotgeld]

Ano, łazi mi po gowie
Coby być zaś we Krakowie.

[broneknotgeld]

Na Kamiyńcu

Z Bystrom razym Cicho Woda
Na Kamiyńcu sie złonczyły
Czy jo musza tukej godać?
Zakopianka stond mo siyły.

[broneknotgeld]

Jan Gąsienica-Staszeczek

Piyrszy fojt w tym Zakopanym
Jeszcze przeca za cysorza
"Hrubym gazdom" był tyż zwany
Jo malutko przi niym woża.

[broneknotgeld]

Parafio

Parafiany kedyś szli do Poronina
Czyńść we chochołowsko maściyło dziedzina
Jak wiek dziewiytnosty był prawie w połowie
Kościoł tukej stanoł - skiż Homolacsowej.

[broneknotgeld]

1867

Z dziury zrobiyła sie wtedy gmina
Już "łodkopano" była dziedzina.

[broneknotgeld]

1886

Powolali tukej wtedy uzdrowisko
Zwali je fikuśnie - Stacjo Klimatyczno.

[broneknotgeld]

Narodowość zakopiańsko

Dwa narody w Zakopcu łod downa sie zżyły
Piyrszy tych górali - łon dodowoł siyły
Drugi tuberokow - ta sztela mioł w zocy
Tela jo wom powiym choćby prosto w łoczy.

[broneknotgeld]

"Z lewa Giewont - z prawa Gubałowka
A środkym ciyngym leci dyszczowka"

Makuszyńskiego to było zdanie
Przeca łon dobrze znoł Zakopane.

[broneknotgeld]

Powiat tatrzański

Czamu go zowiom tako - tatrzański?
Niy lepi byłoby - zakopiański?

[broneknotgeld]

Wiym że idzie w tym ło Tatry
W duszach mocie pewnie watry
Z kerych w gory leci dym
Wiym jo ło tym - dobrze wiym.

[broneknotgeld]

Huta

Kedyś ajzynhuta we Kuźnicach była
Łona i ze Ślonska ludzi tu ściongnyła
Nikierzy se nawet łosiedlyli tukej
Starych ślonskich rodow pod Giewontym szukej.

[broneknotgeld]

Zakopane i sztuka

Artysty fest ciongli do Zakopanego
We gorach szukali pewnikym natchniynio
Do dzisioj łostało wiela przeca z tego
Było jest i bydzie - to sie już niy zmiynio.

[broneknotgeld]

Z Chochołowa

Z Chochołowa chochoł boł
Co ło Złotym Rogu śnioł.

[broneknotgeld]

"Ceper"

Kogo tukej ceprym zwom?
Take jo pytanie mom.

[ciupazka]

broneknotgeld napisał:

> "Ceper"
>
> Kogo tukej ceprym zwom?
> Take jo pytanie mom.

"ceper" ( ceprowi, l.m. ceprzi) cłek spoza regionu gorskiego, zwłosca spoza
Podhala. Casami pogardliwie uzywane: "ceprze bo ci dupa zeprze" - kie
przydzie na słowo między gorolem, a ceprem, abo przy zwadzie. Nie mylić z
cepiarkom, babom, ftoro na weselu "cepi" panne młodom podcos ocepin. Hej!

[broneknotgeld]

Ło ceprach

Robotniki Tukej drogi budowali
I cug ze Chabowki do Zakopanego
To ich wtedy piyrszych ceprami nazwali
Z końcym wieku było to dziewiytnostego.

[broneknotgeld]

Z nudow

"Bo w Kościelisku nic se niy dzioło"
Toż fojermanom było wesoło
Jak cosik yno mogli podpolić
Trza nom uciecha takowo chwolić?

[broneknotgeld]

Zakopane perłom w zimie
Niychej nigdy to niy minie.

[broneknotgeld]

Pod Gubałowkom Cygany siedli
Ciekawe życie tu ponoć wiedli
Do dzisioj siedzom tu łoni przeca
Tyż niy łodyńdom z Zakopca neca.

[broneknotgeld]

Lynin w Zakopanym

Z Biołego Dunajca tukej pyndalowoł
Ło "proletariacie" tyż wiela łosprowioł.

[broneknotgeld]

"Wyścig kumoterek"

"Wyścig kumoterek" w Zakopanym bydzie
W lutym piytnostego podobno to przidzie
Gazdy zaś łobstrojom piyknie swoje sanie
Na Rowni Krupowy jejich "używanie".

[broneknotgeld]

Kumoterki

Kumoterki to sanie kerymi kumotrzy
Ze fasonym do krztu dziecioka woziyli
Ja no - w mojim uchu to jakby "trzy po trzy"
- "Potki se krześniokym tako fest asiyli".

[broneknotgeld]

Z gorzołom do Unii

Mogła mieć gorzoła miano "Zakopane"
Dyć magistrat na to niy doł jednak zgody
No toż - pyrsk. Na zdrowie - przez Ponboczka dane
Niychej Zakopane niy wyńdzie nom z mody.

[broneknotgeld]

Zakopiec

Ponoć we jednym łon niy do gory
Richtig niy majom domu kultury?

[broneknotgeld]

Do sety seta
Tako sztafeta
Dyć jo tyż przeca z tego sie ciesza
Że w tym Zakopcu rymym pogrzesza.

[broneknotgeld]

"Wielkanocne Jajo" - Zakopane

We śmigus-dyngus take zawody
Weź stare narty i coś do wody
Na Kalatowkach sie tym zabawisz
Radości wiela inkszym tyż sprawisz.

[broneknotgeld]

19.08-27.08.05 XXXVII Miyndzynarodowy Festiwal Folkloru Ziym Gorskich - Zakopane

Łoj Zakopiec tako blyszczy
Zdo sie ze tym szczyńscie zyszczy
Niychej cepry se dziwujom
A górale fest radujom.

[broneknotgeld]

26-27.08.2005 Letnie Grand Prix - Zakopane

Bydom krolować na nartach skoki
Latym to niy jest wyczyn wysoki
Dyć przeca ze tym radochy wiela
No i zaś blyśnie ta gorsko sztela.

[broneknotgeld]

Niy godejcie że to gupie
nk.pl/grupy/54169/forum/2?find=last#post10
Sie zabowia rymym w "grupie".

[broneknotgeld]

forum.gazeta.pl/forum/72,2.html?f=170&w=53662916&a=53662916
Ano - trza dać im radości
Toż Zakopiec niych ich gości
Pszoć bliźniymu - w tym retunek
Na niyjedyn echt-frasunek.

[broneknotgeld]

Jadom Krychy!

Jadom Krychy - Zakopane!
Co tym frelom bydzie dane?!

[broneknotgeld]

Za jake grzychy
forum.gazeta.pl/forum/72,2.html?f=170&w=57922091
jadom tam Krychy?

[broneknotgeld]

No i jako Zakopane?
Z Krystynami blyszczy ranek?

[broneknotgeld]

No i co? Już przijechały?
We Zakopcu se zebrały?

[broneknotgeld]

Dolina Kościeliska

Wiela "bram"? -Policz je tukej
Bo już niy pamiyntom
Do "Ornaka" se zaklupej
Niym łobrocisz piyntom.

[broneknotgeld]

"Winter Festiwal" 4-8.II.2004

Tyn "festiwal" tukej "Okocim" funduje
Na Krupowki se łon wesoło wysuje
Myśla że niy braknie piweczka złotego
Chocioż jo bych woloł napić se "tyskiego".

[broneknotgeld]

Memoriał "Koziołek Matołek" 28-29.II.2004

Łod liku dzieciarni na deskach tu zjedzie
Bo sportom narciarskim w Zakopcu sie wiedzie
Niychej nom narybek zowdy zdrowo rośnie
Na tyj Szymoszkowyj zablyśnie radośnie.

[broneknotgeld]

Poczontki Zakopanego

Historio swo wiedom aż łod Batorego
Potym pokazujom na Wiśniowieckiego
Czy to richtig prowda? - Łodpowiym pobladły
Tako - Dyć barany te "papiory" zjadły

W siedymnostym wieku jednak Zakopane
Przeca już tu było - to som dzieje znane
Łod Jasia Rubzdela blysnyła "polana"
Gazda tyż używoł Gonsiynicy miana

Topory Jarzombki no i Gonsiynice
Wiedzieli że jejich to som okolice
Prawa im potwierdzioł som krol Ziguś Waza
Trza wspomnieć bo przeca tym ich niy łobraża

Osad założyli tu już cosik za wiela
Z czasym połonczyli wszysko w jedna sztela
Tako łod Ponboczka było im to dane
Z jego woli rosło zocne Zakopane.

[broneknotgeld]

"Hawiarze"

"Hawiarze" łod downa złota tu szukali
Srybła miedzi - nawet tych kamiyni zocnych
Dyć na nic to było - musieli iść dali
Ajzynruda znodli jak żył August Mocny.

[broneknotgeld]

Fundacjo "Zakłady Kórnickie"

Co łonczy Kórnik ze Zakopanym?
- Tyn tymat przeca dobrze jest znany
Jak Jan Działyński pomarł bezdzietnie
(Bywo - kostucha rod jakby przetnie)
To dobra jejich Zamoyski wzioł
Kery tyż panym w Zakopcu boł
- Dyć łon założoł zocno fundacjo
Pedzioł: "To wszysko mo teroz nacjo".

[broneknotgeld]

"Krupowo Rola"

Ta "Krupowo Rola" znocie?
Wiela tymu sie dziwocie
Z Kuźnic trakt szoł ku kościele
Dzisioj sie tam asfalt ściele
Ja - niy myli teroz głowka
Przeca szkryflom ło Krupowkach.

[broneknotgeld]

Hamry - Kuźnice

Kuźnice sie Hamry piyrwyj nazywały
W łoziymnostym wieku huta ajzy miały
Nowotarski starosta założoł jom tukej
Dyć pryndko ta ziymia we Austryji szukej
To Marii Teresy była sprowka jeszcze
Piyrszy rozbior Polski tu sie zaczoł - wierzcie.

[broneknotgeld]

Skiż tyj huty...

Skiż tyj huty jednak Zakopiec zasłynoł
Ajza stond woziyli aże do Krakowa
We Tatry jechali - tego niy łominom
Widzieli tu nawet i Staszica gowa

We cołki Galicji głośne tyż to było
Jak sie hamerniki spikli ze zbojcami
Wiela ich na huta wtedy napadnyło
Reichsdorfera cołkym puściyli z torbami

Wtedy stan wojynny Austryjok łogłosioł
Górale we Tatry masowo pitali
Niy było - zmiłuj sie - kto ło litość prosioł
Wiela tyż przimusym do wojska zabrali

Szczyńściym w Zakopanym Homolacs sie zjawioł
Gospodorzoł zocnie - jako yno umioł
Z Moraw łon pochodzioł - tam tyż sie niy bawioł
Bo na ekonomii dobrze sie rozumioł

Syn jego dokupioł jeszcze grunta wiela
Waksmund Groń Leśnica Brzegi Bukowina
Białka no i Bystre - coroz wiynkszo sztela
Zubsuche Ostrowo Dymbno Maruszyna

Czimali to wszysko duge lata tukej
Paniska Zachodnich i Wysokich Tater
Dzisioj yno śladow po nich jednak szukej
Czas już zrobioł swoje no i halny-wiater.

[broneknotgeld]

W kuźnickim dworze

Kuźnicki dwor już gości mioł kupa
Ze Galicyji tu zoglondali
Hamry w tym czasie niy mogły upaść
Przeca to wszysko rozbudowali

Karczma stanyła no i kaplica
Szkoła tyż poczta - choć to niy wszysko
Dyć miała skaza ta okolica
Niy pasowała na wczasowisko

Tu zowdy huta ważniejszo była
Hawiarzy rudy i hamerniki
Inkszych kaj ińdzi jakby goniyła
Na Zakopane poszli letniki.

[broneknotgeld]

Nawsie

To tukej Homolacsowo
Kościoł wystawiyła
Wele niego miasto wstowo
Już czuje swo siyła

Piyrszo droga to jest dzisioj
Zocno Kościeliska
Kto ze Hamrow tukej prziszoł
Deptoł Krupy rżyska

Nowotarski trakt prastary
Pod kościoł prowadzioł
Niym tu ludzi ciongły chmary
Możno Bog im radzioł.

[broneknotgeld]

Towarzystwo Tatrzańske (03.08.1873)

Dość pryndko przepiykno ta gorsko dziedzina
Zagościyła w sercach letnikow zocniejszych
I głośno sie stała we polskich rodzinach
To był jakby łańcuch coroz to mocniejszy

Bestoż założyli tukej Towarzystwo
Kere miało wsławić nasze polske Tatry
Dlo nich kożdy dołby przeca prawie wszysko
Byli jak te jasne zakopiańske watry.

[broneknotgeld]

"Klimatyka"

Stacjo klimatyczno ze wioski zrobiyli
Chałubiński zadboł by do tego doszło
Łod tych zachorzałych se niy łopyńdziyli
Pryndko Zakopcowi we przodek se poszło.

[broneknotgeld]

Kuźnicko papiyrnia

Jak już rudy brakło
Hamrow koniec nastoł
Peltz te dobra kupioł
Na poczontku mlackoł

Zarozki papiyrnia w Kuźnicy ruszyła
W niyj sie potraciyły zakopiańske lasy
Papyndekel tukej robiyli na siyła
Nastały juz teroz jakby gorsze czasy

Peltz w końcu zbankrucioł
Nic jego majontek
Borgi yno zwrocioł
Nastoł inkszy wontek

Było już to prawie w rynkach Goldfingera
Dyć z licytacyjom cosik zamiyszali
I choć łon sie wnerwioł jak jasno cholera
Zamoyskymu pryndko te dobra sprzedali.

[broneknotgeld]

Licytacjo 1889

Jak zlicytowali dobra zakopiańske
Graf Zamoyski wtopioł w nie piniondze swoje
W rynkach polskich teroz - łone wielkopańske
Choć ze Goldfingerym były jeszcze boje.

[broneknotgeld]

"Zakopane" - 1891

Piyrsze pismo jake tukej wychodziyło
Niy dziwota - przeca durś rosła dziedzina
Jakby w Hameryce to sie tu kryńciyło
Trza było tyż szkryflać ło wszyskich nowinach.

[broneknotgeld]

Łod 1884 roku

Aże do Chabowki szło jechać na glajzach
A tam już górale do furek wciongali
Letnik przeca dlo nich to niy jakoś łajza
Dyć tu dziynki niymu jednak zarobiali.

[broneknotgeld]

Cug w Zakopanym

Zamoyski se staroł i dopnoł swojego
Pociongnyli glajzy do Zakopanego
Niym jeszcze nom minoł tyn wiek dziewiytnosty
Cug tu stoł sie przeca jakby wielkim mostym.

[broneknotgeld]

"Dwor Tatrzański"

Towarzystwo przi zocnych Krupowkach łotwarło
To był we Zakopanym przibytek kultury
Wiela mondrych ludzi tyż tukej przigarło
Dyć łogyń "Dwor" strowioł - pamiynto to ktory?

[broneknotgeld]

"Alpenjagerzy"

To wojsko sie w Tatrach na nartach szkolyło
W Zakopanym czasym tyż ich trocha było
Choć "alpenjagerzy" - dyć galicyjoki
Nojbliższe im przeca te tatrzańske stoki.

[broneknotgeld]

"Przegląd Zakopiański" (1899-1906)

Te pismo tu miało klasa
Szkryflali ludzie niy z lasa
Tym dzisioj szłoby sie asić
I wspiyrać piora - niy gasić.

[broneknotgeld]

Zakopiański Oddział Narciarzy - 1907

Zaruski z Barabaszym tu go rozkryńciyli
Narty już terozki w Zakopanym gorom
Karłowicza nawet do tego wciongnyli
Niym pod śniegym zagroł łon anielskim chorom.

[broneknotgeld]

1899

Fest sie hajcowało na Krupowkach zocnych
Fojerwera na nic jak łogyń jest mocny
Chałpy poszły z dymym bo przeca drzewniane
Hotel "Morske Oko" - biydne Zakopane.

[broneknotgeld]

Szkoła Przemysłu Drzewnego

Ta przezocno szkoła "Snycerkom" tu zwali
Ludzie z Towarzystwa jom wyrychtowali
Tyż Zakopanymu wiela łod sia dała
Jak yno do "życio" se wysztartowała.

[broneknotgeld]

Krupowki

Przed tom piyrszom wojnom jeszcze to sie stało
Wielkość we Zakopcu choć kaj ińdzi małość
Na Krupowkach widziołś galicyjske szychy
Batuty i pyndzle, piora, inksze "grzychy"

Blyszczały Krupowki - szkryfna wom to szczerze
Lepiyj ze tym było yno na Praterze
Za Wiedniym goniyło jakby Zakopane
Szczyńście tyj ulicy przeca było dane.

[broneknotgeld]

TOPR - 1909

Dyć jak Karłowicza przikryła lawina
Gorske pogotowie stworzyła dziedzina
Zaruski tu wiela wele tego chodzioł
Tako sie w Zakopcu TOPR pryndko urodzioł.

[broneknotgeld]

1914

Kompanijo strzelcow ze Zakopanego
Poszła do legionow armji austryjocki
Wszyscy przeca wiymy co wyszło ze tego
Cysorstwa pomarły - prziszły inksze klocki.

[broneknotgeld]

Rzeczpospolito Zakopiańsko

Piyrszy skrowek wolny Polski tukej łogłosiyli
Trza to szkryfnońć - przed inkszymi przeca łoni byli.

[broneknotgeld]

Wolne Zakopane - 13.X.1918

Cysorsko-krolewski naczelnik tyj gminy
Zwołoł do "Sokoła" zebranie dziedziny
Prziszło piyńćset ludzi by sie coś dowiedzieć
Jako teroz bydom w Zakopanym siedzieć

Żeromski Szymborski no i tyż Zaruski
Prowadziyli dyszkurs - nazwoł bych go gorski
Diehl w rezolucyji Polska przepowiedzioł
I zarozki kożdy kaj chce być tyż wiedzioł

Zaczyli sie piyknie tukej sami rzońdzić
Ze Austryjom dali niy mieli już błońdzić
Organizacyjo Narodowo chcieli
No i przeca pryndko jom w Zakopcu mieli

Rzond to jakby polski - stanoł pod Giewontym
Na nic sie już zdały roztomajte wonty
Rada Narodowo z tego se zrodziyła
Kero pokozała richtig polsko siyła.

[broneknotgeld]

Organizacjo Narodowo

Żeromski jyj tukej przewodzioł
Dych niypodległości w Zakopcu sie rodzioł
Niym sie w Wiedniu sztrabli cołkym polske posły
Stond na Galicyjo wici jakby poszły.

[broneknotgeld]

Zakopiańsko Rada Narodowo - 1.XI.1918

Listopad sie budzioł już ze takom władzom
Choć wiela myślało co sie niy poradzom
Żeromski wzioł w rynce ta Rzeczpospolito
To piyrszy "prezydynt" - jakby ktoś sie pytoł.

[broneknotgeld]

Zowdy piyrsze

Piyrsze Zakopane w zaborach ciyrpiało
Piyrsze wolno Polska u sia prziwitało.

[broneknotgeld]

Na Orawie 1918/1919

Wojsko zakopiańske poszło na Orawa
Dyć była przegrano to dlo Polski sprawa
Foch pogrozioł palcym - zaroz sie skończyło
Krotko sie we Polsce Orawianom żyło.

[broneknotgeld]

Lata 20-te

Rosło Zakopane ponoć bylejako
Bardzi na ta "ilość" a myni na "jakość"
Chorzy i turysty tu sie zabowiali
Czasym smutki swoje w gorzole toplali

Wszyskim tym rzondziyła jakby nowo moda
Tela we niyj ducha że aż szkoda godać
Dyc Zakopiec przeca niy yno to szczimoł
Idzie nawet pedzieć że nigdy niy drzymoł.

[broneknotgeld]

Kompanijo Wysokogorsko - 1919

W samym Zakopanym se stacjonowała
Pobliski granicy przeca wahowała
Dyć i taternikow ratowali czynsto
Bo sie jakoś w gorach zrobiyło za gynsto.

[broneknotgeld]

Tako moda miyndzywojynno

Ciepnońć sie z Nosala abo i Giewontu
By kostucha chachła na amyn czowieka
Modne sie zrobiyło - tela szkryfna wom tu
Dlo tych co niy chcieli swyj koleji czekać.

[broneknotgeld]

Piyrsze elektrownie

Sztrom ze Kuźnic elektrownia dała
Ale niy na dugo łona to szczimała
Ze drugom w Kamiyńcu sztartnońć tu musieli
Coby jasno było w zakopiański szteli.

[broneknotgeld]

Po "zamachu majowym"

Uciyrpiało na tym zocne Zakopane
Władzy komisarza zostało poddane
Nawet gminno rada wtedy rozwionzali
By rajce sanacji łodporu niy dali.

[broneknotgeld]

"Klimatyka"

"Klimatyka" w Zakopanym fundusze czimała
No a gmina ło tyn piniondz ciyngym sie starała
Ciynżko było sie dogodać po tyj piyrszy wojnie
I skiż tego tyż sie stało tukej niyspokojnie

Gmina swoje, łoni swoje, kupa było zwady
Złotek przeca był poczebny - tyż niy łod parady
Szczyńsciym z końcym lot dwudziestych spokojnie już było
Bo sie wszysko w jednych rynkach tak jakby "złonczyło".

[broneknotgeld]

"Mistrzostwa Świata FIS" 1929, 1939

Te miszczostwa świata były w Zakopanym
Jeszcze w miyndzywojniu splyndor taki dany.

[broneknotgeld]

Zakopane 1933-2003

Łońskego roku Zakopiec gyburstag fajnisty mioł
Siedym krziżykow miejskości - joch tam pojechać tyż chcioł.

[broneknotgeld]

1933

Toż wtedy ta "Klimatyka"
Tyż cołkym miejskom sie stała
I do wspolnego koszyka
Piniondz na rozwoj dowała.

[broneknotgeld]

Kolejki linowe

We latach czidziestych ich w Zakopcu szukej
Piyrwyj na Kasprowy szło wyjechać tukej
Potym Gubałowce cug taki tyż dali
Turysty te miasto z gory podziwiali.

[broneknotgeld]

Tatrzański Park Narodowy - 1939

Jeszcze przed wojnom Park nabroł mocy
Niym Polska zaczła krwiom swojom broczyć
Lasy szaflarske i zakopiańske
Już tu niy były jak kedyś pańske
Dyć jaworzyńske doszły tyż bory
Choć czas był na to jakby niyskory.

[broneknotgeld]

Pynsjonat "Palace"

Gestapo sie go "upodobało"
A że nikogo niy chcieli halać
To sie w pamiyńci wszyskich łostało
Miano "katowni" tego Podhala.

[broneknotgeld]

Zakopane 1939/1940

Rusko-niymiecko granica ustalali tukej
Na ty Gubałowce historii poszukej
Tyż Gestapo razym ze NKWD
Godali w Zakopcu -"Wspołpracy sie chce"

Polskich oficerow Niymce brać niy chcieli
Do oflagow swojich ze czerwony "szteli"
Besto im Sowiety Katyń szykowali
Wiymy już jak było w tyj historii dali.

[broneknotgeld]

Kuriersko sztela

Kurierskom był sztelom Zakopiec we wojnie
Stond sie na Słowacjo wiela przedziyrało
Bestoż tu niy było tyż wcale spokojnie
Gestapo pierońsko czasami szalało.

[broneknotgeld]

Zakopane 1945

We sztyrdziestym piontym Niymcy pitli sami
Radość z tego była miyndzy góralami
Rzond w Londynie nawet burgemajstra doł
Dyć niywiela władzy łon w Zakopcu mioł

Bo Sowiety przeca go tukej niy chcieli
Swojich do ratusza kandydatow mieli
Pryndko wykrojyli Rada Narodowo
I zaczyli rzońdzić niby na ludowo.

[broneknotgeld]

Za komuny

Za komuny Zakopane
Lecyjako - jednak rosło
Wiela jymu było dane
Dyć niy wszysko w zdrowie poszło.

[broneknotgeld]

Tatrzańsko Jesiyń

Świynto Gor kere przed wojnom było
W Tatrzańsko Jesiyń jakby sie skryło
Ze Festiwalym piyknie tyż poszło
Podhale na tym przeca urosło.

[broneknotgeld]

Zakopane 1962

W Polsce Ludowy FIS-u miszczostwa
Tyż zablyszczały w naszych domostwach
Towarzysz "Wiesław" na to zezwoloł
Dyć niy pamiyntom czy sie tym chwoloł.

[broneknotgeld]

Za Gierka

Sanatoria zamkli w Zakopcu za Gierka
Ponoć sie tubera ze Polski straciyła
Tu sie mioł wczasować karlus no i frelka
We szportach zimowych tyż widzieli siyła.

[broneknotgeld]

Zakopane 3.XII.1975

Na banhof przijechoł piyrszy cug na sztrom
Tyż ło tym fraszka tako wom dom.

[broneknotgeld]

Zakopane 1975 - 1998

Ciongło ze Zakopca ludzi do Krakowa
Dyć nastała inkszo wojewodzko gowa
Ponoć tu niy tynskniom do Sącza Nowego
Wolom ta stolica ze małopolskego.

[broneknotgeld]

Komitet Porozumiywawczy Stowarzyszyń Tworczych i Naukowych

We tym tyż jest rynka zocnego Hasiora
Na wielke przemiany prziszła przeca pora
I choć Jaruzelski wszyskymu namiyszoł
Zakopiec na tworcach przeca dobrze wyszoł.

[broneknotgeld]

"Tygodnik Podhalański"

Łon tukej wyrosnoł przi "Solidarności"
Z "łokrongłego stoła" - bez tyj polski złości
W tym roku mu klupnie już piytnoście lot
Druknom ślonsko fraszka - byda z tego rod.

[broneknotgeld]

"Skalne Podhale"

Ze tom koalicjom nojsompiyrw fest blysło
Dyć sie łokozało ze cosik niy wyszło
Ponoć se Bachledy do łoczu skokali
Dzisioj pewno wiedzom że na tym przegrali.

[broneknotgeld]

Nowy herb

Tyn krziż ze Giewonta i klucze piotrowe
To Zakopanego symbole już nowe
Górale se wiela w papiyża wpaczeli
I starego herbu już ponoć niy chcieli.

[broneknotgeld]

"Institutium Bronscianum"

Witkacy, Zamoyski, Rytard, Makuszyński
Szymanowski, Stryjeński no i Chybiński
Tyn klub naukowy w Zakopcu łotwarli
W niym ło ceprologia pieronym sie żarli.

[broneknotgeld]

Piyrszo poczta

Piyrszo poczta tukej we Kuźnicach była
Dyć dworowi yno i hamrom służyła.

[broneknotgeld]

Na Kościeliski

Kaj restauracyjo "U Wnuka" terozki
Poczta dlo letnikow piyrwyj tukej była
Janu Krzeptowskiymu przisporzała troski
Dyć na Kościeliski niydugo gościyła.

[broneknotgeld]

Poczta

Niym dwudziesty wiek nom hupnoł
Poczta we Zakopcu stało
Na Krupowkach urzond ciupnoł
Dyć sie wszysko zhajcowało

Se wkludziyli we "Podlasie"
Dość daleko była sztela
Tam kaj dzisioj willa "Jasień"
Niy zagrzoli miejsca wiela

Przipod im zaś adres nowy
Poczta tam do dzisioj stoji
Niy trza teroz łomać gowy
Już sie ło nia nikt niy boji.

[broneknotgeld]

Społdzielnia Inwalidow "Zawrat"

Ponoć tu robiyło kedyś piyńćset ludzi
Łostatnio trza było sie wiela łodchudzić
Społdzielni już klupło sztyrdziści piyńć lot
Ciyngym jest - dyć z tego Zakopiec jest rod.

[broneknotgeld]

Chałupa Jana Krzysiaka

Na piyńć płazow świyrkowych były jeji ściany
Zabytek prawdziwy przez Tatry nom dany
Dyć Niymcy kozali chałpa rozmontować
I już niy stanyła w Zakopcu łod nowa.

[broneknotgeld]

01.07.1901

Zwoliński w Zakopcu ksiyngarnia łotwiyroł
W chałupie co kupioł łod Jana Mielocha
Tako wspiyroł sztela - intyncjo mioł szczyro
Znaczyło to tukej przeca tyż niytrocha

Po fatrze tyn gyszeft erbnyli dwa syny
Przez lotek piyńdziesiont jakoś sie kulało
Wspomnij jak do "Bzyka" zoglondniesz dziedziny
Toż tukej Zwolińscy zrobiyli niymało.

[broneknotgeld]

Eljaszowo chałpa

Willa łod Eljasza sznit szwajcarski miała
Łod downa jom wele tych Krupowek niy ma
Pamiyńć ło artyście jednak tu łostała
Dlo niego te Tatry to był ekstra tymat.

[broneknotgeld]

Tako było z piyrszom chałpom łod Eljasza

Chcioł Walery Eljasz chałpa se poświyńcić
I wszysko sie zaczło wele tego kryńcić
Ksiondz Stolarczyk wygłosioł kozanie przezocne
Orkestra bergmonow tony dała mocne

Wielko miało radość cołke Zakopane
Dyć willi tyj szczyńście coś niy było dane
Łogyń strowi wszysko - pryndko to sie stanie
Jeszcze niym "wiek sztromu" na świecie nastanie.

[broneknotgeld]

"Towarzystwo Sztuka Podhalańska"

Artystow w Zakopcu dyć było bez liku
Bestoż towarzystwo takowe powstało
Dziedzinie to jakby nadowało szyku
Co roku łobrozy piykne wystowiało

Jeszcze w miyndzywojniu miano se zmiyniyli
Artystow Plastykow już Zwionzek terozki
Dyć se wystawami ciyngym tyż "bawiyli"
Choć coroz to wiyncy trza było mieć troski.

[broneknotgeld]

Galeryjo w "Bazarze Polskim"

Jeszcze w tym roku jak zbudowali
Piyrszo wystawa już podziwiali
Grohman ze łodzi fundnoł nagroda
Bo to był konkurs - tyż czeba dodać.

[broneknotgeld]

Toż probowali i terozki

We łostatnich czasach "Sztuka Podhalańsko"
Miała tyż zablysnońć - Zakopiec radować
Dyć już yno we tym "fantazjo ułańsko"
No i trza zaś było to polikwidować.

[broneknotgeld]

Piyrszo wystawa w "Bazarze..." (1911)

Jeszcze w tym roku jak zbudowali
Piyrszy wystawie se dziwowali
Grohman ze Łodzi fundnoł nagroda
Bo to był konkurs - tyż czeba godać.

[broneknotgeld]

"Stary góral"

Łobroz Skoczylasa dostoł ta nagroda
Na piyrszy wystawie we "Bazarze Polskim"
Konkurs tako wygroł - wiela by tu godać
Tradycyjo piykno zaczoł graf Zamoyski.

[broneknotgeld]

Hotel "Szport"

Na Krupowkach Ferdek Mucha pynsjonat postawioł
Dyć za wiela w tym gyszefcie łon sie niy zabawioł
Rychło sprzedoł w dobre rynce - wzioł wszysko Karpowicz
Piyrszy kuchmistrz galicyjski ło tym sie tyż dowiydz

Łoz ze Lwowa se przekludzioł do Zakopanego
Toż "śmietonka" cołko jadła terozki u niego
"Szport" - we uszy wlazło wszyskim te hotelu miano
W niy restauracyjo zocno "Przełynczom" nazwano.

[broneknotgeld]

W hotelu "Szport"

Kto miyszkoł "u Karpa" tyn głodny niy chodzioł
Bo w restauracyji żarcie prima-sort
Tukej żołondkowi nigdy żeś niy szkodzioł
Karpowicz by przeca niy był siebie wort.

[broneknotgeld]

W restauracyji "Przełyncz"

Terozki to szkryfna - niych wiy okolica
Kasprowicz z Zeromskim spiskowali wiela
Dzioło se to wszysko tu - u Karpowicza
Niym sie łodrodziyła cołko polsko sztela.

[broneknotgeld]

Toni wikt

Sichulski "u Karpia" ciyngym se stołowoł
Dyć karykatury miast piniyndzy dowoł
Łostała "waluta" - ło tym sie dowiycie
Jak yno tyż na nia w muzeum wejrzycie.

[broneknotgeld]

U Adama Karpowicza

Syn erbnoł po łojcu gyszeft w Zakopanym
Dyć kunszt do warzechy niy był jymu dany
Jest restauracyjo we rynkach Gauguscha
To już niy to samo - szkryfnońć jednak musza.

[broneknotgeld]

Willa "Stefa"

Piyrszy fotograf we Zakopanym
Gyszeft w ty willi łotworzoł
Niyjedyn tukej był knipsowany
Skoż zdjyńć pewnikym zaś ożoł.

[broneknotgeld]

Świynto Gor w Zakopcu 1935

Toż górali kuplowało
Co we Polsce wtedy żyli
Z Olzy po Czeremosz grało
Siyła tako swo łodkryli

[broneknotgeld]

Jan Kanty Steczkowski

Jan Kanty Steczkowski
Piyrszy letnik zocny
Pozbył sie tu troski
Wyjechoł stond mocny.

[broneknotgeld]

Maria Steczkowska

Niy yno tu była - dyć łod sia coś dała
Piyniny i Tatry piyknie łopisała
Za jeji tyż sprowkom nastała ta moda
Na te Zakopane - trza ło tym nom godać.

[broneknotgeld]

Tytus Chałubiński

"Łostoń Tytusie
Na dłużyj tu sie"
Tako godało mu Zakopane
W kożdy słoneczny piykny poranek

[broneknotgeld]

Ks. Józef Stolarczyk

Piyrszy farorz zakopiański
We Nawsiu świontynia
Dar ze niego jakby Pański
Trza go tyż wspominać.

[broneknotgeld]

Samuel Riegelhaupt

Łon tu łotwor piyrszy sklep
Żyd to przeca niy jest kiep
W Krzeptowskiego chałpie stoł
Kościeliski handel doł.

[broneknotgeld]

Ludwik Eichborn

Z Berlina był rodym - czimoł Zakopane
Dyć to tyż mu tukej musi być łoddane
Towarzystwo Tatrzańske festelnie łon wspiyroł
Na dobro tyj ziymi przeca durś spoziyroł.

[broneknotgeld]

Józef Szalay

Madziar co był wtedy na Szczawnicy panym
Działoł w Towarzystwie we tym Zakopanym.

[broneknotgeld]

Doktor Tytus

W ta piykno dziedzina przijechoł łodpoczońć
Dyć cholera prziszła i co łon mioł poczońć?
Trza było górali w chorobie kurować
Łod sia tym borokom jak nojwiyncyj dować.

[broneknotgeld]

Walery Eljan

Przezocny przewodnik po Tatrach Piyninach
Jego łobrozkami asioł se piyknymi
Fest wspiyroł tyn malyrz tutejszo dziedzina
Razym z Towarzystwym tyż służoł tyj ziymi.

[broneknotgeld]

Sienkiewicz i Zakopane

Jak Sienkiewicz szkryfloł "Sabałowo bajka"
Wiedzioł że ta kura znosi złote jajka.

[broneknotgeld]

Ignacy Paderewski

Z góralskich pieśniczek piyrszy wiela broł
Jak "Album tatrzański" skomponować chcioł.

[broneknotgeld]

dr. Marian Hawranek

Łon piyrszy w Zakopcu zrychtowoł
Sztela we kery kurowoł
Ze Polski tych tuberokow
Giewont ratowoł borokow.

[broneknotgeld]

dr. Ludwik Ganczarski

Woda tyn dichtor mioł w zocy
W niyj szukoł "remedium" mocy
Toploł tu chorych aż miło
Tako u niego durś było.

[broneknotgeld]

Mieczysław Karłowicz

Dwa lata tu miyszkoł - lubioł Zakopane
Cho dlo niego łone jakby zasypane.

[broneknotgeld]

Starosta nowotarski F.R. Pelikańczyk

Łod niego sie Hamry tutejsze zaczyły
W łoziymnostym wieku już przeca sztartnyły.

[broneknotgeld]

Stanisław Witkiewicz

Łon "styl zakopiański" jakby dzwignoł w gora
Niy yno w Zakpcu zawołali - hurra!

[broneknotgeld]

Stanisław Barabasz

Wszyscy we niym widzom dyrektora szkoły
A łon na "sci" jeździoł - za tym był aż chory
Piyrwszy narty tukej "popularyzowoł"
Tym muster szkolorzom naprowdy tyż dowoł.

[broneknotgeld]

H.Sienkiewicz - "Krziżacy"

Autor se we gwara góralsko zasłuchoł
Dyć pryndko właziyła mu łona we ucho
Ździybko jom "przerobioł" i w "Krziżaków" wrazioł
Choćby z tego wiymy - po Zakopcu łazioł.

[broneknotgeld]

Wincenty Szymborski

Dyrektorowoł u Zamoyskiego
Dyć wiela robioł tyż niy dlo niego
Był wiceszefym Narodu Rady
Gowa mioł tyngo - niy łod parady.

[broneknotgeld]

Franciszek Pawlica

W Radzie Narodowy ze Zwionzku Górali
Młyn mioł w kerym nawet sztrom se wytworzali.

[broneknotgeld]

Stanisław Ignacy Witkiewicz

Przez dwa lata jego było Zakopane
Za niym sie tu inksi tyż przeca zjyżdżali
W "Firmie Portretowy" jakby rozkochane
Dyć minyła moda - historio szła dali.

[broneknotgeld]

Medart Kozłowski

Burgemajstrym go czynsto nawet tukej zwali
Choć jak gmina to wojtym przeca mianowali
Dyć tyż tako była ambicjo Medarta
Łon wiedzioł że sztela miejskości jest warta.

[broneknotgeld]

Leopold Winnicki

Radzie gminy już przewodzioł w dwudziestym dziewiontym
Tako samo w "Klimatyce" chocioż mieli wonty
Że to czimoł w swojich ryncach - prziszła w końcu zgoda
Z "Klimatykom" gmina w porze - trza tako wom godać.

[broneknotgeld]

Moj piyrworodny

Joch w Zakopanym roz był na wczasach
I żech niy wyloz tam na mamlasa
Ze ślubnom przeca poczli my syna
Tak powiynkszyła sie nom rodzina.

[broneknotgeld]

Karol Stryjeński

Łon te Zakopane tako projektowoł
Wele Gubałowki sanatoria dowoł
Handel i usługi Krupowek zadanie
Południowy-wschod zaś mioł być na miyszkanie

Jako se zamyśloł tako wtedy było
Choć niy wszysko przeca cołkym sie spełniyło
Stoki Gubałowki - prawie osuwisko
Ze sanatoriami byłoby jyj ciynżko.

[broneknotgeld]

Burgemajster Eugeniusz Zaczyński

Za jego kadyncji wiela sie tu dzioło
Czyńść Zakopanego skanalizowali
Coby tyż turystom było tu wesoło
Kolejki linowe piykne zrychtowali.

[broneknotgeld]

Wacław Krzeptowski

Pod z rynki podziymio tyn "Ksionże Górali"
Taki marny koniec mu wyrychtowali
Skiż "Goralenvolku" skumoł sie z Niymcami
Jako sie skończyło? -Dyć to wiycie sami.

[broneknotgeld]

Stanisław Totwen

Jego burgemajstrym Londyn aż namaścioł
Dyć Rusek to zaroz cołkym zaprzepaścioł
Rzońdzioł w Zakopanym chyba pora dni
Dzisioj mało kery nawet ło tym wiy.

[broneknotgeld]

Franciszek Łęczycki - "Marian Turski"

Łon tu w Zakopanym PPR założoł
Komunie by przeca nieba tyż dołożoł
Rada Narodowo zrychtowoł roz-dwa
Przi Ruskach mioł władza. Pamiyntocie - pra?

[broneknotgeld]

Bolesław Kulesza

Z PPRu burgemajster piyrszy w Zakopanym
Czas nerwowy po tyj wojnie wszyskim był nom dany.

[broneknotgeld]

Józef Kuraś - "Ogień"

Dwa lata po wojnie łon jeszcze wojowoł
Milicji i wojsku krwawy łodpor dowoł
Nowy Targ, Chochołow, nawet Zakopane
Jego partyzantom były dobrze znane.

[broneknotgeld]

Krystyna Słobodzińska

Czimała we mieście kobiyta kultura
Ta Tatrzańsko Jesiyń dziynki niyj jest tukej
Ze folklorym nawet w roztomajtych gorach
Tego we Zakopcu yno przeca szukej.

[broneknotgeld]

Stanisław Żurowski

Niy yno w muzeum wiela kustoszowoł
Dyć "Solidarności" serce swoje dowoł
W końcu zostoł posłym ze Zakopanego
Tako sie historio łotarła ło niego.

[broneknotgeld]

Maciej Krokowski

Przi "Solidarności" rzondzioł miastym gminom
Tom wele Giewonta przepiyknom dziedzinom
Tyż "obywatelsko" wspiyrała go rada
Choc pewnikym czasym była jakoś zwada.

[broneknotgeld]

Franciszek Bachleda Księdzularz

Synatorsko toga była jymu dano
Krotko burgemajstra Zakopca tyż miano
Dyć "Skalne Podhale" wypło sie na niego
Curusia poparli - ponoć szwarniejszego.

[broneknotgeld]

Adam Bachleda Curuś

Podobno niywonsko we mieście łon rzońdzioł
Niy doczkoł kadyncji - widać tyż pobłońdzioł
Coby tu niy pedzieć jednak Zakopane
Po niymu lewicy tyż niy jest łoddane.

[broneknotgeld]

Piotr Bąk

Po Curusiu wszysko chycioł
Kadyncjo se nowo sklycioł
Jest terozki burgemajstrym
Oby tyż boł dobrym klajstrym.

[broneknotgeld]

Romuald Kulig (1851-1918)

Kuchorz tu richtig zrobioł kariera
Hotel łon nawet postawioł
Jego słuchała fest fojerwera
I stołek wojta se sprawioł.

[broneknotgeld]

Maciej Marduła

Piyrszy górali uczoł zawodu
We drewnie piykny ciesiołki
Dyć co chyciyli yno za modu
Niy wybiołś już nawet kołkym.

[broneknotgeld]

Franciszek Neużil (1845-1899)

Szkole zawodowy łon dyrektorowoł
Kero ze "Snycerki" rodowod swoj wiodła
Rzemiosło solidne szkolorzom tu dowoł
Choć jego "niymieckość" Zakopane bodła.

[broneknotgeld]

Zofia Krzeptowska

"Kapuchom" jom zwało cołke Zakopane
Skiż restauracyji co we "Dworcu" miała
Myśla se terozki - jyj nojlepsze danie
Kwaśnica co pewno wszyskim serwowała.

[broneknotgeld]

Józef Laska

We Wiedniu zaliczoł szkoła przemysłowo
Rechtor ze "Snycerki" - wiela łod sia dowoł
Na koniec mioł nawet z pamiontkami sklep
Bo przeca ze chopa niy był jakiś kiep.

[broneknotgeld]

Jerzy Gawliński

Z Krakowa przed wojnom trefioł do Zakopca
Toż dlo Austryjokow jakby "czorno owca"
Łon Polska mioł w sercu i tatrzańsko sztela
Dyć po łoziymnostym ucieszoł sie wiela

Bibliotyce tukej przez lata szefowoł
Nawet kryzysowi sie przi tym niy dowoł
Skończyło sie wszysko przi ty drugi wojnie
Na Starym cmyntorzu dzisioj śpi spokojnie.

[broneknotgeld]

Ferdynand Tabeau (1858-1919)

Łon Polskim Legionom łoddoł swoj majontek
Jak już wolność prziszła skończoł życio wontek
Trza zowdy pamiyntać ło tym pigulorzu
Co piyrszo aptyka w Zakopcu łotworzoł

Dyć wiela zawdziynczo mu tyż fojerwera
Keryj prezesowoł tukej przez lot wiela
We gminie łon tyż sie trocha porajcowoł
A i Towarzystwo Tatrzańske forowoł.

[broneknotgeld]

Franciszek Pawlica

We lasach szaflarskich dugo łon fesztrowoł
Niy yno Uznańskim rynce swoje dowoł
Rajcom we Zakopcu wiela robioł w gminie
Ciongnoł to co dobre w niyjedny dziedzinie.

[broneknotgeld]

Prezes Zwionzku Górali

Pawlica tyn Zwionzek we szwortym zakłodoł
Dyć w dziewiontym roku już mu prezesowoł
A Grunwaldzki dynkmal to tyż pomysł jego
Wiela łon tu zdziałoł naprowdy zocnego.

[broneknotgeld]

Działacz niypodległosciowy

Jak Rzeczpospolito Zakopiańsko prziszła
Wspiyroł Żeromskiego we rzondach już polskich
Tukej niypodległość nojpiyrwyj im wyszła
A Francek Pawlica przeca karlus swojski.

[broneknotgeld]

Kuba Gąsienica Kloryk

Po bosoku listy nosioł
A że był tyż niyczytaty
Wiela inkszych sie naprosioł
Coby lyźć w Zakopca chaty.

[broneknotgeld]

Kuba Poczciorz

Czasym i przez Zawrat po bosoku chodzioł
Bo przeca briftryjgrym być sie tukej godzioł
Niym tyż jakby było downe Zakopane
No i niy zostało to mu zapomniane.

[broneknotgeld]

Piyrszy pigulorz

Po Krupowkach ciyngym z aptykom sie kludzioł
Dyć i ducha Polski we Zakopcu budzioł.

[broneknotgeld]

Antoni Zembaty

"Ksiyngarnia Podhalańsko" łon tukej prowadzioł
I z "Echym Tatrzańskim" jakosik se radzioł.

[broneknotgeld]

Aleksander Modliński

"Dom Komisowy" przed piyrszom wojnom
Jego był tukej sztelom spokojmon
To wszysko co wiym jo ło karlusie
Ale to styknie by znoloz tu sie.

[broneknotgeld]

Juliusz Zborowski

W Muzeum Tatrzańskim łon dyrektorowoł
Dyć czynsto w "Szarotce" jednak urzyndowoł.

[broneknotgeld]

Nasi w Chamonix

Łoziymdziesiont lot tymu - piyrszo olimpiada
Zimowo - bo letnio sie piyrwyj kulała
Krzeptowski z Bujakiem Zakopca Zakopca "łobsada"
Przeca we Chamonix tyż wysztartowała.

[broneknotgeld]

Franciszek Bujak (1896-1975)

"Miszczym Tater" był tu we dwudziestym czecim
Narciarza w Zakopcu niy było lepszego
Wiela inkszych jakby za Franckym durś leci
Kery by zaś rownoł sie richtig do niego?

Dyć żył niy ze szportu - w Wiedniu praktykowoł
Wytwornio nart tukej potym wyrychtowoł
Sklep tyż łotwar piykny - prawie że firmowy
Coby gyszeft lecioł czeba dobry gowy

Na starośc mu jednak łostoł yno sklepik
Zrobioł z niego warsztat - sie kulało lepi
Do śmierci wionzania we nartach montowoł
Jakby swoje życie w ta robota dowoł.

[broneknotgeld]

Ignacy Bujak

Brat Francka se wiela narciarstwu przisłużoł
Memoriałym Czecha i Marusarzówny
Szport i turystyka z tym łon swoje użoł
Po wojnie w PTT-e łon nawet był "główny".

[broneknotgeld]

Mojżesz Stiel

Przed wojnom pynsjonat na Krupowkach mioł
Za Niymca już niy mog choćby dali chcioł
Kaj som jego prochy? Co stało sie z niym?
Niy byda cyganioł że cosik jo wiym.

[broneknotgeld]

Andrzej Góraś

Łon szkoła snycersko we Zakopcu skończoł
No i do rzeźbiynio mioł naprowdy grajfka
We rozwoj narciarstwa tyż cołkym sie włonczoł
I za ratownictwo trza by mu dać szlajfka.

[broneknotgeld]

Antoni Krziżak (1882-1959)

Kupcom zakopiańskim dugo prezesowoł
Jakby inkszym muster swojim życiym dowoł
Bo choć polityki mioł wiela we gowie
Łostało w pamiyńci że był dobry czowiek.

[broneknotgeld]

Antoni Krziżak - syn Antoniego

Antek Antka spłodzioł
Kery choć niy rodzioł
Niy czuł sie jak borok
Bo był ginekolog.

[broneknotgeld]

Franciszek Józef Komendziński

W Dreźnie fabryka mioł cygaretow
W Zakopcu sklep jak galerio
Tukej żes widzioł nawet poetow
Modny był - szkryflom to serio.

[broneknotgeld]

Leonard Zwoliński (1863-1933)

Ksiyngarnia mioł nojpiyrw we zocnym Krakowie
Dyć Zakopanymu pszoł mocno tyn czowiek
Filio tu łotworzoł w dziewiytnostym wieku
I zaczoł sie cołkym przenosić poleku

Tako sie tyż stało we ... dziewiyńset czecim
Łodtond już mu życie piyknie tukej leci
Wiela tyż dobrego dlo Zakopca zrobioł
Bo tyż richtig przeca dobry czowiek to boł

Dziesiyńć lot łostatnich jednak fest chorowoł
Wrocioł do Krakowa - tam sie durś kurowoł
Zaś ksiyngarni tukej chyciyli sie syny
Bo tyn gyszeft teroz był jakby rodziny.

[broneknotgeld]

Tadeusz Zwoliński (1893-1955)

Tatry łon poznoł jak kapsa własno
Stond mapy i przewodniki
Co ciymne inkszym pokozoł jasno
Mioł we tym dobre wyniki.

[broneknotgeld]

Eljasz piyrszym fotografym Tater?

Wiymy że fest piyknie ta Tatry rysowoł
Dyć łon je już wtedy tyż fotografowoł.

[broneknotgeld]

Walery Eljasz (1841-1905)

Tyn zocny artysta zwionzoł sie z Tatrami
Bez niego ta sztela biydniejszo by była
Popularyzowoł ciyngym rysunkami
Fajnisto diedzina w kery wielko siyła

Pioro jego leke - wiela szkryfloł ło tym
Czytali w Zakopcu i we "Polsce" cały
Było ze tym richtig durś wiela roboty
Dyć duch w tym czowieku tyż zowdy niymały

Łon łod turystyki szpecym był tu piyrszym
Przewodnik po Tatrach z Walerego rynki
Choć ceprym - toż przeca prawie że nojwyrszym
Bestoż miasto zowdy godo jymu "dziynki".

[broneknotgeld]

Julian Tuwim (1894-1953)

Niywiela tu bawioł - mało tukej pisoł
Dyć pomarł w Zakopcu - pewnoś ło tym słyszoł.

[broneknotgeld]

Paweł Murzyn (ur.1954)

Toż we Zakopcu karlus niy nowy
Znajom go z banki tukej linowy
Dyć knipsaparat doł mu tyż sława
Zdjyńcia dlo niego to niy zabawa.

[broneknotgeld]

Nojstarsze

Kościelisko, Nowotarsko, Krupowki, Kasprusie
To nojstarsze cesty co łostały tu sie.

[broneknotgeld]

Nowotarsko - Kościelisko

Nowotarsko z Kościeliskom - gościniec prastary
Tyndy gwarki w Tatry szli srebła poszukać
I dzisioj to przeca szlak jest richtig jary
Choć wieki minyły w te strony chcom "klupać".

[broneknotgeld]

Pod Reglami

Do Kuźnic aże ze Kościeliska
Szła tyndy ruda skiż huty "pyska".

[broneknotgeld]

Droga hamersko

Z Kuźnic ajza traktym na Krakow taszczyli
Z czasym Homolackom ta droga tyż zwali
Wygodno niy była bestoż jom zmiyniyli
Wele Antałowki i przez Chramcow dali.

[broneknotgeld]

"Kasprusie"

Ze Nawsia łaziyli w przysiołek Kasprusie
I tako tyj drodze już łostało tu sie.

[broneknotgeld]

Przecznica - 1891

Towarzystwo Tatrzańskie ło nia sie starało
Przetła co na Tatry stond sie kierowało

[broneknotgeld]

"Kościuszki"

Z banhofa trza było do kwater dojechać
Niby niydaleko ale w tym pociecha
Że pryndko se droga nowo zrychtowali
Marszałkowskom kedyś tyż jom tukej zwali.

[broneknotgeld]

"Makuszyńskiego"

W Zakopanym wcale łon tukej niy miyszkoł
Pewne jednak to jest - tyn grod tyż niym blyszczoł.

[broneknotgeld]

"Tetmajera"

Tetmajer na swoji drodze niy nocowoł
Ale tymu miastu wiela łod sia dowoł.

[broneknotgeld]

"Zamoyskiego"

Dyć niy mogło być bez tego
Niy brakuje "Zamoyskiego".

[broneknotgeld]

"Chałubińskiego"

Tyż Chałubińskiego miano
We droga tukej wpisano
Pamiyntajom cie Tytusie
Boś dusza łostawioł tu sie.

[broneknotgeld]

"Karłowicza"

Coby sie niy mylić - idzie tu ło Mietka
Kery za te gory dusza łoddoł chnetka.

[broneknotgeld]

"Sienkiewicza"

Z takego patrona niy ma sie co dziwać
Łon tu prawie ciyngym by chcioł przeca bywać
Godka łod górali do "Krziżakow" doł
No i samym Tatrom richtig wiela pszoł.

[broneknotgeld]

"ks. Kaszelewskiego"

Honorowy Obywatel miasta Zakopane
I miano ulicy było jymu dane.

[broneknotgeld]

Krolujom Krupowki

Ta cesta w Zakopcu naprowdy kroluje
No i może pedzieć - "Joch łod downa tu je"
Choć metrow jyj ponoć yno tysionc sto
Łona tyn majestat jakby łod sia mo.

[broneknotgeld]

"Droga Grzysznikow"

W karczmie dworski se kuźniki nagrzyszyli wiela
Tyndy zowdy ciśli drapko we kościelno sztela
Ksiondz Stolarczyk dugo czimoł przi suchatelnicy
A za kara proł tyż kijym - dyć niy po palicy.

[broneknotgeld]

Kedyś

Kedyś te Krupowki richtig duge były
W wieku dziewiytnostym dyć se już skrociyły
Nojpiyrw czyńść wsadziyli do Chałubińskiego
Potym ze niych wytli cesta Zamoyskiego

Z czasym sie wyraźno zrobiyła granica
Koniec pokozała wszyskim ta "Przecznica"
Tyj z koleji dzisioj Witkiewicza miano
Historio Krupowek teroz bardzi znano.

[broneknotgeld]

Łod downa

Dyć łod miyndzywojnia tako czasym prawiom
Że Krupowki jakby szpetotom aż bawiom
Generalny remont se fondły niydowno
Ale czy ta cesta jest bardzi szykowno?

[broneknotgeld]

Bar mlyczny

Te pytanie szkryfna rynkom
Jest bar mlyczny pod "jedynkom"?

[broneknotgeld]

"Gazdowo Kuźnia"

Niy podkujesz konia tukej
Coś "na zomb" lepi poszukej.

[broneknotgeld]

"Wenecja"

Downiyj ta chałpa tyż łod Kuliga
-Joch roz we sklepie widzioł tam szcziga
Co na mie nawet piyknie mrugała
Dyć łod sia jednak nic mi niy dała

Ale pamiyntom ta "wenecjanka"
Boch w potmaneju mioł trocha manka.

[broneknotgeld]

We szkole średni byłch w Poroninie
Bo pamiyntali fest ło Lyninie
Cygym zajechołch na Zakopane
Poznać ta szcziga było mi dane

[broneknotgeld]

Foluszowy Potok

Foluszowy potok z Krupowkami w zgodzie
Piyrwyj wiela robioł co dzisioj niy w modzie
Dyć ciyngym sie przeca do tyj cesty łasi
Ponoć se tom "lipstom" w czecim wieku asi.

[broneknotgeld]

"Gąsienicowa Kącina"

To tukej cołkym jest nowo sztela
Bestoż niy szkryfna ło niyj za wiela
Jak podhalańskich szukosz pamiontek
To jednak zajrzyj we tyn zakontek.

[broneknotgeld]

"Młynisko"

We Młynisku znojdziesz "Rodos"
Niy cyganisz? - Prowda godosz!
Do "Galeny" tyż chciyj wlyżć
Szłapom kozej se tam niyść.

[broneknotgeld]

Take wspominki

W Młynisku tartak był łod Staszeczka
Wiela robiyła ta niby rzeczka
Dyć jak zabrakło już Gąsienicy
Na ziyńcia przeszło Francka Pawlicy
Z tyj wody ciongnoł łon tukej sztrom
Kery łoświtloł niyjedyn dom.

[broneknotgeld]

Numer łoziym

Pod numer łoziym wiedom cie schodki
Zońdziesz do szkolny tukej czelodki
Tego Technikum Budowlanego
Co chlubom zowdy Zakopanego.

[broneknotgeld]

Szkoła Snycersko

Towarzystwo Tatrzańskie jom założyło
We chałpie przi Kościeliski
Do dworu pryndko tyż przekludziyło
Zgoda doł pon tyn kuźnicki

Dyć tam tyż jakoś niy sztimowało
Do Nawsia kludzić sie chcieli
Krupowki - tukej im spasowało
W końcu siedziba tu mieli

Z czasym jom jeszcze rozbudowali
Rosła Snycerka przepiyknie
Szkolorze wiela niy rojbrowali
Do dzisioj stoji - toż styknie.

[broneknotgeld]

Szkoła Przemysłu Drzewnego

Wpiyrw "Snycerkom" była zwano
Potym take miała miano.

[broneknotgeld]

Krupowki piyrwyj

Z Nawsia szło sie tyndy arbajtać w Kuźnicach
Niy była to ludno jeszcze okolica
Kuby Gąsienicy chałpa sie minyło
Łonkami i lasym dali zaś chodziyło.

[broneknotgeld]

"Dworzec Tatrzański"

Piyrwyj "Dwor Tatrzański" na tym miejscu stoł
Pierońskego pecha jednak richtig mioł
W tysionc dziewiyńćsetnym fest zabalowali
No i jakoś wszysko cołkym zhajcowali

Czi lata radziyli co z tym dali bydzie
W końcu "Dworzec" stanoł by zaradzić biydzie
Chałpa jednak teroz cołkym murowano
Bestoż ździybko inksze dali jeji miano.

[broneknotgeld]

Bibliotyka Publiczno

We "Dworcu Tatrzańskim" bibliotyka była
Kero czytelnictwo tu richtig krzewiyła
W miyndzywojniu cołkym krzepko sie czimała
Dyć okupacyjo przeca to przerwała.

[broneknotgeld]

"U Kapuchy"

"Kapucha" se knajpa we tym "Dworcu" miała
Ceganerio Zakopca tu popić lubiała
We latach czidziestych łoni prym tu wiedli
Dyć za Niymca pryndko jakosik zerzedli.

[broneknotgeld]

"Pamiontki Zakopiańske"

Jak yno nom nastoł tyn dwudziesty wiek
Znod se na Krupowkach z pamiontkami sklep
Dzisioj we tym miejscu budka jest z goframi
Bo w dwudziestym siodmym spoloł sie na amyn.

[broneknotgeld]

"Bazar Tatrzański"

Hela Asłanowa "bazar" prowadziyła
Narty no i sanki szło pożyczyć tukej
Dyc w dwudziestym siodmym sztela sie spolyła
Dzisioj na Krupowkach śladu już niy szukej.

[broneknotgeld]

Pod "dziewiontkom"

Na Krupowkach pod "dziewiontkom" pynsjonat był piyrszy
Przeca tukej nawet kedyś sypioł ksiondz Stolarczyk
Chałubiński tyż nocowoł - co jedyn to wyrszy
Downiyj chałpa to Staszeczka - tela szkryfnońć starczy.

[broneknotgeld]

"Dziewiontka"

"Gości" teroz tu muzyka
Starszych kusi jak tyż smyka.

[broneknotgeld]

"Tawerna"

Na górali se podziwoj
Słepiom tu niyjedno piwo
Niy dziwota że dorożka
Cosik krziwo jedzie troszka.

[broneknotgeld]

"Staszeczkowka"

To była przeca chałpa Staszeczka
Pawlica zmiynioł jom tyż troszeczka
Na "Staszeczkowka" dyć przemianowoł
Bo pamiyńć szwigra zowdy szanowoł.

[broneknotgeld]

Po drugi wojnie

We "Staszeczkowce" podrugi wojnie
Dom wycieczkowy był PTTKu
Potym internat - niby spokojnie
Dyć to niszczało wszysko czowieku.

[broneknotgeld]

Hotel "Sabała"

Dziewiyńćdziesionty szosty rok prziszoł
Doł "Staszeczkowce" jakby los nowy
Chałpa kupiyli - niy byda miyszoł
Furmon we społa z Gutym-Mostowym

Remont zrobiyli - przebudowali
Kiełb zocnie wszysko zaprojektowoł
Hotel "Sabała" fest rozkulali
Kery sie pryndko tyż rozbudowoł

Zarozki nowe krzidło stanyło
Restauracyjo wyszykowali
W prziziymiu sklepy że aże miło
Jako rozwinom tyn gyszeft dali?

[ciupazka]

W "Staszeczkowce" nieroz spałak, narty pozycałak,
lata 60 - 70-te , młode rocki Kasprowy ujyzdzały,
jaze sie ocka śmioły.
Pote dzieci nos zmusiły
i na Hole Gąsienicowom do Bukowskiej przeruciyły.
Był tyz jesce "Murowaniec" i zaś wspomnień pełny garniec.
Piykne tam wspomniynio mom,
był to dlo nos drugi dom.
A Karcme "Sabała" z Hanysami rocek temu zek zalicała
. Po "Staszeczkówce" ani śladu ...Syćko inkse, jakieś obce
Prózno, sama nie wiym cego... tam sukałak...
To nie moje Zokopane, teroz inkse, moze i piykniyjse
hale to, co było i jako było...downo przeminyno...
cosi sie skońcyło.. cosik zaś zacyno, juz nie dlo mnie.

Tak se myśle kieś tam był, ze to syćko wiys, he?
Telo.Pozdr.

[broneknotgeld]

Coś poczytom i zrymuja
potym tukej se wysuja
Że niy zmyślom yno szkryfna
I zaś inkszom fraszkom gichna.

[broneknotgeld]

Niych łodpowiy Zakopane
Skond te wieści ło niym brane?

[broneknotgeld]

Pensjonat "Gerlach"

Delabiński Zefel z "Gerlachym" se radzioł
Był już we poczontkach wieku dwudziestego
W miyndzywojniu "Caritas" se tukej wprowadzioł
Po wojnie internat zrobiyli ze tego

Teroz jakby czasy se downe wrociyły
Bo zaś wczasowiczow goszczom przeca tukej
Kerych piykne Tatry w ta rajza skusiyły
Na nocleg tu wdepnij - daleko niy szukej.

[broneknotgeld]

"Dwor Tatrzański"

Towarzystwo Tatrzańskie downiyj miało "Dwor"
Zocnych ludzi tukej przewinoł sie wor
Ciyngym we ty szteli se imprezowali
Dyć w końcu bez cufal go rozhajcowali

Wielko szkoda we tym że tako sie stało
Bo już sie tak piyknie tukej niy kulało
I chocioż zarozki "Dworzec" postawiyli
W niym sie jednak nigdy tako niy bawiyli.

[broneknotgeld]

Hotel "Sabała"

Jeszcze go tukej "Gazdom" tyż zowiom
To pasowało - tako durś prowiom.

[broneknotgeld]

Sklep Sportowy Andrzeja Górasie

Stoł kaj teroz "Stek Chałupa"
Nart tu zowdy było kupa
Za cysorskich czasow jeszcze
Piyrszy sklep sportowy - wierzcie.

[broneknotgeld]

Bar "Zagłoba"

Zniknoł ze Krupowek czidziści lot tymu
A piyrwyj tyż miano mioł inksze
Był "Szynkym pod Pocztom" - ciongnyli ku niymu
By tukej se chlapnońć dwa głymbsze

Dyć tyż "U Papieża" knajpa ta nazwali
Dzisioj ktoś by pedzioł - "Możno było wieszcze"
Niby skiż nazwiska szynkorza jom dali
A historio godo - "coś w tym wiyncyj jeszcze".

[broneknotgeld]

Poczta w Zakopcu

Chnet sto lot w tym miejscu stoji
Z wiekym sie inaczyj stroji.

[broneknotgeld]

100 lot poczty

Seta klupnie na bezrok
Dlo Krupowek jakby szok.

[broneknotgeld]

PBP "Orbis"

Jakby "Orbisu" tu być niy miało?
Dyć na Zakopiec i tego mało!

[broneknotgeld]

Dom Handlowy "Zawrat"

Za komuny stanoł - we czasach gierkowskich
Dyć ło inwalidow wiyncyj było troski
W "nowych czasach" sztela fest sie łodmiyniyła
Terozki w sklepikach jakby wiynkszo siyła.

[broneknotgeld]

"Szarotka"

Zowdy w tyj kafejce coś ciasnawo było
Skiż tego tyż "Dziurkom" jom tu zowiom czynsto
Luda se w niyj jednak wiela przewinyło
A i zocnych nazwisk było richtig gynsto.

[broneknotgeld]

Pod "27"

Pod "dwudziestym siodmym" na Krupowkach zocnych
"Naprawa nart" była Franciszka Bujaka
Sklep i warsztat wielkom tradycyjom mocny
Niydowno zamkniony - toż dopiyro draka.

[broneknotgeld]

"Ksiyngarnio Podhalańsko"

Przez woja (ta piyrszo) słowo polske tukej
"Ksiyngarni Podhalański" Zymbatego szukej
Jak yno zaś Polska se wolno nastała
Ta sztela drap "Echo Tatrzańskie" wydała.

[broneknotgeld]

Pasaż ABC

No toż teroz tukej śmieje sie gymbusia
Pewnie wszyscy znajom ta sztela Curusia
ABC to przeca skrot pełnego miana
Możno zaśpiywomy wesoło - "łoj dana".

[broneknotgeld]

Sklep spożywczy "Podhale"

Kaj jest? Przeca wiycie! -W downy chałpie Stiela
Trza ło niym pamiyntać - szkryfna yno tyla.

[broneknotgeld]

"Stek Chałupa"

Zaś restauracyjo - jak żeś głodny wdepnij
No i na ruszt cosik dobrego se wciepnij.

[broneknotgeld]

"McDonald"

No toż znak tych czasow nowych
Tukej tyż sie asi
Niy chce mi sie mynczyć gowy
Ida tam kaj nasi.

[broneknotgeld]

Magazyn Towarów Galanteryjnych i Modnych

Krziżak w chałupie Krzisiaka
Sklepik tyn dugo prowadzioł
Pynkło we wojna - toż draka
Dyć jakoś w życiu se radzioł.

[broneknotgeld]

Kamiynica Krziżaka

Dzisioj tu restauracyjo "Janosikym" zwano
Dugo była tyż aptyka we Zakopcu znano
Trza pamiyntać jednak zowdy - to Krziżaka sztela
Ło tym kupcu zakopiańskim szkryflać by szło wiela.

[broneknotgeld]

Tam kaj restauracyjo "Kolorowa"

Krziżaka z Krzisiakym tu wspomnijcie czasym
Boście som we miejscu kaj stoła chałupa
Kero miała chwolić durś tatrzańske lasy
Kejby niy Jorg Śliwa co rżnoł chyba głupa

Płazy przeca w szkole "u niego" złożyli
Dyrechtorym łostoł ze niymiecki łaski
Z jego polecynia pryndko to pociyli
Możno liczoł na to że bydom łoklaski.

[broneknotgeld]

Hotel "Centralny"

Na skrziżowaniu Kropowek stanoł
Ze tom ulicom Galicy
We miyndzywojniu sztela dość znano
Dyć żeś niy podjod tu niczym.

[broneknotgeld]

Willa "Jadźwinówka"

W dziewiytnostym wieku przi Krupowkach była
Stanisław Witkiewicz pracownia w niyj mioł
Dyć se cosik pryndko jednak wypolyła
Pech - toć jeszcze niy roz tako los z tym chcioł.

[broneknotgeld]

Hotel "Morske Oko"

Władysław Dzikiewicz "Morske Oko" stowioł
Dyć w dwa lata potym jak je wybudowoł
Hajsnyło se wszysko - hotel poszoł z dymym
I środek Krupowek - coś już ło tym wiymy

Dzikiewicz zaś nowy w tym miejscu postawioł
Przez sto lot sie we niym durś "kwiot Polski" bawioł
Jo niy szkryfna tukej ło ty historyji
Tymat dlo Zakopca cołki familiji.

[broneknotgeld]

Scyna w "Morskim Oku"

Scyna w "Morskim Oku" - wiela tu sie dzioło
Przez czi ćwierci wieku prawie durś wesoło
Modrzejewsko Solscy jeszcze Adwentowicz
Ćwiklińsko Ordonka no i Zelwerowicz

Bodo Sempoliński tyż wiela muzykow
Ciynżko ich wymiynić bo przeca bez liku
Barcewicz Dubisko Petri Szymanowski
Ada Sari Didur co głos mioł mieć boski

Wiłkomirsko Richter Danczewsko tyż dodom
Możno coś bez składu se jo tukej godom
Bo nazwiska mi sie artystow miyszajom
Dyć wszyscy Zakopcu łod sia coś dowajom

Pogorzelsko szkryfna Grechuta Rodowicz
"Skaldy" i Demarczyk ło tym tyż sie dowiydz
Kabaretow kupa - toż przed łoczy skoko
Nojbardzi wypszone tukej "Morske Oko"

Tyż literatura zbiyrała łoklaski
Kasprowicz i Orkan Reymont i Żuławski
Niychej niy zabraknie nom tyż Żeromskiego
Przerwy-Tetmajera durś wspominanego

Szkoda że już scyny w tym hotelu niy ma
Halny fest napochoł i sie skończoł tymat.

[broneknotgeld]

Formistyczny Tyjater w "Morskim Oku"

Ignacy Witkiewicz sztuki se wystowioł
Kerym sie niy yno Zakopiec dziwowoł
Dyć polsko "śmietonka" tukej zoglondała
Ło ty "formistyce" wiela łosprowiała.

[broneknotgeld]

Filharmoniki "Morskiego Oka"

We latach czidziestych łorkestra durś rżnyła
Filharmoniom wtedy ta scyna ożyła
A że Egon Petri miyszkoł w Zakopanym
To siedzioł przi tymu se za fortepianym.

[broneknotgeld]

A terozki

Stoch se teroz rzońdzi w zocnym "Morskim Oku"
Dyć tymu co było niy doczimo kroku
Bo chocioż to wszysko już wyremontowoł
Zamiost scyny piykny dyskotyka dowo.

[broneknotgeld]

"Krupowkowo secesjo"

"Krupowkowo secesjo" - tyn dom Mangla tukej
Naprzeciw "Morskiego..." kaj aptyka szukej
Zakopiański muster tako skrojcowali
Nikierzy sie tymu richtig dziwowali.

[broneknotgeld]

"Delikatesy"

Piyrwyj "Bazarym Polskim" sie zwały
Hrabia Zamoyski doł gront tu cały
Przed piyrszom wojnom - to sie niy zdowo
Niyjedyn kupiec tukej handlowoł.

[broneknotgeld]

"Bazar Polski"

Społka Handlowo sklep taki miała
W kerym "nowości" se sprzedowała
"Bławatny towor" tyż na dodatek
Był we Zakopcu przeca dostatek.

[broneknotgeld]

"Bazar..." w Polsce

We Polsce tako se sklep nazywoł
W kerym kupowołś to coś spożywoł
Toż po Kosińskim Witek go wzioł
Już "delikates" richtig tu boł.

[broneknotgeld]

Zarzond Miejski

Ano se tako ze czasym stało
Tyn "Bazar Polski" miasto dostało
Przed wojnom yno na piyrszym sztoku
Cołke copnyli w komuny "roku".

[broneknotgeld]

Teroz "Delikatesy"

W końcu se "miasto" stond wykludziyło
Prziszło łod nowa co piyrwyj było
Jest bibliotyka jednak na sztoku
Jak chcesz do "Społem" tyż pora krokow.

[broneknotgeld]

Bar "Anemon"

Ponoć artysty w niym popijajom
Dyć niy zowiszcza im tego
Niych se tam drinki i piwko majom
Chlapnom niy yno "jednego".

[broneknotgeld]

Fotoplastikon

Wpiyrw tu zobytek takowy stoł
Ludzi sie tam przewinyło
Jak jo zaś wdepnońć w końcu żech chcioł
Już se to kajsik straciyło

Co mi łostało? Dyć wypić piwo
"Anemon" przeca tu stoji
Druge i czecie - gowa sie kiwo
Chyba podpadna u moji.

[broneknotgeld]

"Coctail Bar"

"Krupowki - sztyrdziści" tako chyba było
Tam na dobre lody ciyngym sie chodziyło
Szkoda że go niy ma choć teroz u Stocha
Zabawisz i najysz sie przeca niy trocha.

[broneknotgeld]

Restauracyjo "Jędruś"

Mo restauracyjo miano właściciela
Stoji tam kaj kedyś warzoł tyn Karpowicz
Dyć i dzisioj tukej tyż ciekawo sztela
U Andrzeja Stocha niygłodnyś - som powiydz.

[broneknotgeld]

Krupowki 51

Kaj "Stefa" była chałpa se stoji
W czidziestych latach dzwigniynto
Przez Schabenbecka - łoj mili moji
Kto dzisioj ło tym pamiynto?

[broneknotgeld]

Willa "Poraj"

Willa "Poraj" sto z hokym lot jest tu
Fryderyka Kallaya projektu
Styl szwajcarski se majom czi sztoki
Ciyngym piykno choć lecom durś roki.

[broneknotgeld]

Piyrwyj "Marya"

Willa "Poraj" piyrwyj Makswaldowa miała
Kero swojim mianym ta sztela nazwała
Po niyj Buchowiecko pynsjonat tyn czimie
"Marya" - toż ciyngym take jego imie

W miyndzywojniu jednak społka już tu gości
Letnikow przibywo - w tym wiela radości
Reskyrowoł teroz - muzyk Bronek Danek
Przi niymu już "Poraj" - nowe miano dane.

[broneknotgeld]

Ksiyngarnio "Poraj"

Ksiyngarnio "Poraj" - ze willi miano
Zdo sie w Zakopcu nojbardzi znano
"Kanon: - tyż razym z tym oficyna
Wydowo cosik tu niy jedyna.

[broneknotgeld]

"Morawietz"

We Nowym Targu Edward Morawietz
Przed piyrszom wojnom zrychtowoł
Fotograficzne atelier prawie
Kunszt w to swoj cołki tyz dowoł

Po drugi wojnie - w sztyrdziestym piontym
"Morawietz" już w Zakopanym
Bestoż rym suja jo dzisioj wom tyn
Tref gryfny niych jest mu dany.

[broneknotgeld]

"Cukiernia Warszawska Pod Syrenką"

Sto lot tymu stoła tukej
Kaj PKO dzisioj szukej
W niyj Sienkiewicz i Chmielowski
Cukrowali życia troski.

[broneknotgeld]

"Hygea" - sanatorium

Sanatorium Chwistek w Zakopcu łotworzoł
Toż zdo sie sukcesu tu ze niym niy dożoł
Nawet jak z trowiynio przeszoł na tubera
Inksi go tympiyli - toż jasno cholera
"Umiyralni" nawet przilepiyli miano
Czy możno ze tego sztela była znano?

[broneknotgeld]

"Hygea" - pynsjonat zdrowotny

Fater to pozmiynioł - syn potym prowadzioł
Jakoś we Zakopcu ze tym łon se radzioł
Dyć miano doł inksze - "Gerlach" to terozki
Było ze tym jednak zdo sie - wiyncy troski
Bo przeca sie inkszy pynsjonat zwoł tako
Trocha to za wiela by było jednako.

[broneknotgeld]

Willa "Zośka"

Cera Łod Ślimaka erbła jom po fatrze
Miano swoji cery Zośki wtedy dała
Uszu za to przeca żodyn jyj niy natrze
Choć "zosinych" chałup sztyry już bezmała.

[broneknotgeld]

Willa "Ślimak" - 1902

Witkiewicz tukej se wkludzioł
Niy tyn co Tatry fest budzioł
Stanik dyć brata mioł Jana
Łon we niyj miyszkoł - łoj dana.

[broneknotgeld]

Pynsjonat "Janina"

W "ślimokowy willi" był jeszcze przed wojnom
Ciszewski go czimoł ze rynkom spokojnom
A jako po wojnie ze tom sztelom było?
Dyć wiycie - ło "Zośce" cosik se szkryfnyło.

[broneknotgeld]

"Zośka" 1923-1928

Ano teroz czimie tyn pynsjonat wdowa
Znocie jim bo zwała sie Witkiewiczowa
Matkom łod Stanika Ignacego była
Cołko familijo wiela tu znoczyła.

Kościeliska

[broneknotgeld]

Ulica Kościeliska

Nojstarszo droga Zakopanego
Tu se ta sztela rodziyła
Ponoć z nadanio aż krolewskiego
Poczontek biere jyj siyła.

[broneknotgeld]

"Honorne"

Łosiadły yno "honorne" rody
Wele potoku ty Cichy Wody
Jeszcze w szesnostym aże tu wieku
Z niymi urosło wszysko poleku.

[broneknotgeld]

Honorny górol

Honorny górol z dziada pradziada
Toż go niy szteruj bo zaroz zwada
Ponboczek doł ci cepersko dusza
Z niom na ciupagi niy mosz co ruszać.

[broneknotgeld]

"Skansyn"

Miyndzy kościołym a Skibowkami
Durś żyje "skansyn" - łoboczcie sami
Zobytek przeca we kupie razym
Toż tu niy szukej jakisik skazy.

[broneknotgeld]

Kościelisko

Skond Kościelisko wziyła se miano?
-Toż i dolina tako jest dano!

[broneknotgeld]

Stary kościoł (1845-1852)

Ano w tych rokach go postawiyli
Toż wioska drapci już żyje
Z tym jakby środek jyj wyznoczyli
W kerym duch szteli se kryje.

[broneknotgeld]

Kościelisko 1877

Łod kościoła do Krupowek
Chodnik już rychtujom
Se terozki tu letniki
Wiela szpacyrujom.

[broneknotgeld]

Piyrszy młyn Gąsieniców

Niy ma co sie wadzić - piyrszy gyszeft tukej
W siedymnostym wieku przi potoku szukej
Toż woda Młyniska tako ło tym prawi
Co sie "Zakopane" miano przi tym jawi.

[broneknotgeld]

Szymon Pęksa 1729

Toż po Gąsienicach Pęksa tu gazduje
Cołke grunta jego bestoż forsztelujesz
Ze młynym terozki je zowiom Pęksowe
Tako w historyjo Zakopca wloz czowiek.

[broneknotgeld]

"Pęksowy Brzyzek"

Stary cmyntorz zakopiański na gruncie Pęksowym
Już połtora wieku tymu - tela yno powiym.

[broneknotgeld]

Młyn-tartak

Samuela Rigelhaupta w końcu młyn pokusioł
Przerobiony już na tartak potoku niy dusioł
Dyć młynowkom woda płynie teroz nad Młyniskym
Ze Krupowek jom zabiyro - dowo Kościeliski.

[broneknotgeld]

Młyn Kotońskiego (1941)

Stary młyn za Niymca w końcu se zatracioł
Dyć sie ze młynowki Kotoński bogacioł
Toż monczka ze gnatow rychtowoł w ty szteli
Futer dlo gowiedzi gazdy tako mieli.

[broneknotgeld]

Bożnica żydowsko

Wele młyna piyrwyj tukej stoła synagoga
Tako Żydy po swojymu rzykali do Boga
Dyć jak prziszła drugo wojna wszysko sie skończyło
Drapko tych ztarozakonnych w Zakopcu niy było.

[broneknotgeld]

Synagoga 1941

Była dyć już niy ma
Teroz pusto ziymia.

[broneknotgeld]

Targowisko

Kaj piyrwyj stoła ta synagoga
Już niy rzykajom teroz do Boga
Gyszeft na handlu ludziska robiom
Czy targowiskym Zakopiec zdobiom?

[broneknotgeld]

Na Gubałowka 1919

Miała klajnbana być już zymbato
Dyć jakby za wczas było jyj na to.

[broneknotgeld]

Na Gubałowka 1923

Już zezwolajom na to papiory
Ciongnońć kolejka do samy gory
Dyć geldu zbrakło by jom budować
Trza bydzie zaczońć juzaś łod nowa.

[broneknotgeld]

Nojstarszo chałpa

Na Krzeptowkach stoji dom Jana Sabały
Sztyry rożne wieki te ściany widziały
Do dzisioj tu słychać "bajki Sabałowe"
Trza sie yno wsuchać - to wyńdzie na zdrowie.

[broneknotgeld]

Przi Kościeliski

Przi Kościeliski chałpy som stare
Z dziewiytnostego wieku - dyć jare.

[broneknotgeld]

Chałpy na Podhalu

Stowiali je tu "na jedynosto"
Prawie w połednie dyć niy za prosto
Ściany robiyli ze "smreka" płazow
Izby łosobno - niy trza łod razu
Razym je potym siyń połonczyła
We taki chałpie jest jakoś siyła.

[broneknotgeld]

"Słonecka"

"Swiycom" na chałpach zowdy we szczycie
Nad drzwiami, łoknym - przeca to wiycie.

[broneknotgeld]

"Sosręby"

We izbach je znojdziesz - piyknie tyż rzeźbione
Ło roku budowy powiedzom ci łone.

[broneknotgeld]

"Styl Zakopiański"

Stanik Witkiewicz go jakby stworzoł
W to co już było ducha dołożoł.

forum.gazeta.pl/forum/71,1.html?f=261

[broneknotgeld]

Dom Walerego Eljasza

Z letnikow łon piyrszy dom tukej postawioł
Dyć we Zakopanym trocha tyż zabawioł
Przewodnik po Tatrach piyknie wyrychtowoł
Przeca tyj dziedzinie kunszt tyż swoj łoddowoł.

Nowy cmyntorz w Zakopanem

[broneknotgeld]

Nowy cmyntorz w Zakopanym

Wiek mo prawie dyć durś - nowy
Kozdy tukej tako powiy
Bez tyn czas urosnoł wiela
Szkryfna ło niym dzisioj tela.

[broneknotgeld]

1908

Tyn rok Zakopiec przeca pamiynto
Ksiondz Kaszelewski pokropioł cmyntorz
I regulamin zrychtowoł jymu
Łojcym kerchofu jest po mojymu.

[broneknotgeld]

1924

Przi toutynhali dźwigli kaplica
Toż richtig cmyntorz łodmiynioł lica
Bo powiynkszyli go drapko tyż
Ale pewnikym downo to wiysz.

[broneknotgeld]

31.12.1907

Józef Fabian Słowik - piyrszy grob istnego
Potym drapko doszło tu wiyncy do niego.

[broneknotgeld]

17.VIII.1910

Se Klimek Bachleda z kerchofym prziwitoł
Świadkym tego było cołke Zakopane
Przewodnik-ratownik jakby kto zapytoł
Teroz co kożdymu było mu pisane

Taterki wypszone smyntnie zoglondały
Toż i w historyji na zowdy łostało
Przi Giewoncie Klimek zdowoł sie nom mały
Dyć serce mioł wielke - inkszym cosik dało.

[broneknotgeld]

1928

Pomnik Legionistow już wyrychtowali
Niypodległy Polsce żeycie swoje dali
Kompanijo Strzelcow na wojna ruszyła
I miano Zakopca w legionach nosiyła.

[broneknotgeld]

1929

Doktor Świerz - toż pogrzyb miyndzynarodowy
Ta ściana Kościelca niy wyłazi z gowy
Stefan Komornicki mioł przi grobie mowa
I Karpatenverein schyloł wtedy gowa.

[broneknotgeld]

8.X.1929

Lida i Marzena - Skonicówny łobie
Skiż Zamarły Turni leżom teroz w grobie
Owdowiało matka rynce załamuje
Z niom Zakopiec ślinto bo bol wielki czuje.

[broneknotgeld]

1932

Toż zaś na cmyntorzu aż gory ślintały
Pod ziymiom już Stanik Krzeptowski - tyn "Biały".

[broneknotgeld]

1939-1945

Był miejscym kaźni w tych rokach cmyntorz
Ty Zakopane wszysko pamiyntosz
I choc nastały już czasy inksze
Bez to naprowdy tyż jest żeś wiynksze.

[broneknotgeld]

22.VIII.1931

Ślonski Krziż Zasługi na grobie Bartusia
Niy ma se co dziwać - łon tu richtig u sia
Toż goralske krzipki tyż plebiscytowe
Niyjedyn na Ślonsku usłyszoł je czowiek.

[broneknotgeld]

Legynda z Poronina

Góral ratowoł Lynina życie
Ponoć Ciupazka sie zwoł
Rus nad przepaściom - prawie na szczycie
Góral go niy ściep - tak chcioł.

[broneknotgeld]

W Poroninie

Zakopianki i Porońca
Jest zlywisko przeca tukej
Szkoda jyj i tego "dzwońca'
Dyć Dunajca dali szukej!

Zaroz zaroz - łon jest Bioły
Jake szczyńście że niy krasy
W Poroninie byłch wesoły
Boch mioł tukej tyż wywczasy.

Wieliczka

[roomtsays]

Podkrakowska Wieliczka -
solnych gornikow kapliczka.
To lzy sw.Kingi kiedys tam padly,
Pilnujmy, by perel swinie nie zjadly

[roomtsays]

Ach Sabala, Jas Sabala!
Zna go chyba Polska cala!
I historia nam pozwala
Zwac go Homerem Podhala.

[broneknotgeld]

Ks. Franciszek Juras

Ksiondz Franciszek Juras ło bociany rzyko
Gniozdo przi plebanii juz im przirychtowoł
Bo mu coś parafio łod dzieciskow zmyko
Taki przikłod inkszym łon terozki dowo.

[broneknotgeld]

Toż kajsik tam

Tam kaj Zakopianka Porońcowi pszaje
I rodzi sie z tego tyn Bioły Dunajec.

[broneknotgeld]

Magnum Sal - Wielika Sól

No i już wiymy skond ta Wieliczka
-Bo zowdy miała solone liczka.

[broneknotgeld]

1289

Ksionże ślonski - Hynryk Probus nadoł miejske prawa
Sol to zowdy był tu gyszeft - niy jakoś zabawa
Co frankońske prawo dało? Ano - wiyncyj mocy
Krakow liczoł se z Wieliczkom - musioł mieć jom w zocy.

[broneknotgeld]

Szachta "Regis"

To nojstarszo szachta tukej
W niyj historii gruby szukej
Osmo seta przeca leci
Wiydzcie starsi, wiydzcie dzieci.

[broneknotgeld]

Siuda Baba

Skond ta Siuda Baba prziszła?
-Ze pogańskich czasow wyszła.

[broneknotgeld]

Ło Siuda-Babie

Kto jom widzioł tyn był czorny
I mioł dzionek ździybko morny.

Łopuszna

[roomtsays]

Łopuszna? Przycupnięte chaty, kościółek
i dworek Tetmajera...
Nie! To wielka "mała ojczyzna" Gorola-filozofa -
Księdza Józusia Tischnera...
;o)))

[broneknotgeld]

W Łopusznyj

Znojdziesz tam mały kościoł cmyntarny
Kerego patron przeca niymarny
Świynty Walynty - wspomnieć trza dzisioj
Pewnie żeś cosik tyż ło niym słyszoł.

[broneknotgeld]

We szwongu ździybko żech sie pomyloł
I do Krympachy aże wychyloł
Szczyńściym po blisku to przeca jest
Dyć niy nerwuja sie tym jo fest.

[broneknotgeld]

Kościoł Św. Trojcy

Kościoł ze brzima strugany
Stoji łod piyńciuset lot
Perłom Podhala tyż zwany
Z niego tu kożdy jest rod.

[broneknotgeld]

Łopuszna

Potok tu płynie ze takim mianym
Łon Dunajcowi cołkym jest dany
Jeszcze Czerwonka do niego wpływo
Bydziesz w Łopusznyj na to se dziwoł.

[broneknotgeld]

Se żech łodwiedzioł dzisioj te Kynty
I bestoż teroz bolom mie piynty
Choć rynek mały - autow za wiela
Zakopcom cołkym ciekawo sztela.

Może skończysz ten wątek w końcu

[vv36]

Jeśli nie zauważyłeś, lub udałeś że nie zauważyłeś to przeczytaj sobie:

forum.gazeta.pl/forum/72,2.html?f=261&w=8718330&a=16286933
przepraszam że takie długie, ale pewno Cię zainteresuje.

[broneknotgeld]

Kyncki medal

Jedyn medal - dwa dynkmale
forum.gazeta.pl/forum/72,2.html?f=28940&w=23022365&a=25349670
Niy zapomnisz ło nich wcale.

[broneknotgeld]

W prziklosztornym łogrodzie

W prziklosztornym łogrodzie kopiec tyż już rośnie
Pamiyńci papiyża co pomarł we wiośnie.

[broneknotgeld]

Kynty

W Kyntach przi Sole sago plażujom
Ponoć "tekstylnych" już fest nerwujom
Kej z roku na rok sagości wiyncy
Sie i Jan Kanty pewnikym mynczy.

[broneknotgeld]

Krynica Zdrój

Chnet dwiesta lot bydzie jak tu uzdrowisko
Trza by ło niyj pedzieć choć trocha - niy wszysko.

[broneknotgeld]

1807

Czas "napoleoński" - wojnom żyje wszysko
Dyć tukej dlo zdrowia robiom uzdrowisko.

[broneknotgeld]

Na dwiesta lot

Jakby na gyburstag dwiesta fraszek dać
Ślonzok tyż Krynica przeca winiyn znać.

[broneknotgeld]

Nikifor Krynicki

Ze fechtu żył ciyngym - dobrze ło tym wiycie
Dyć kunsztym tyż było cołke jego życie
Niy yno se asi Krynica Kiepurom
Nikifor tyż dlo niyj jakby "złotom kurom".

[broneknotgeld]

Łobrozki

Łobrozki łobrozki - liczom je w tysionce
Dlo kalyki we nich jakby życia słońce.

[broneknotgeld]

Autoportret z bindrym

Bez bindra łon siebie chyba niy malowoł
Paniskym w niym jakby - tako se wydowo.

[broneknotgeld]

Pluł na pyndzel

Pluł na pyndzel przi tuberze
Tuszkom życie swoje dowoł
Czas mu lecioł we ty wierze
Że sie wiynkszym co dziyń stowoł.

[broneknotgeld]

Muzeum Nikifora

Epifem - Nikifor. Drowniak czy Krynicki?
Ważne że sie łostoł Krynicy na wdycki
Dyć we "Romanowce" muzeum już mo
A jego łobrozki cołki świat tyż zno.

[broneknotgeld]

Na stos

Wiela łobrozkow jego spolyli
By sie tuberom niy zaraziyli.

[broneknotgeld]

Mo Trefoń tyż cosik i łod Nikifora
www.strefaimprez.pl/krosno/nikifor-malarz-nikifor-artysta-86134
A ło ty wystawie tela wiym łod wczora.

[broneknotgeld]

Krynica

Beskid Sondecki w niyj perła mo
Przijedź - toz wiela Krynica do.

[broneknotgeld]

Jaworzyna Krynicko

Szłapcugym deptać tukej niy musisz
Bana linowo przeca cie kusi
Siedym minutek - już wiyrch jest twoj
Blikej na Beskid niy yno Zdroj.

[broneknotgeld]

Gora Parkowo

I tukej banom na wiyrch dojedziesz
Dyć se przyńdymy z dziećmi na przedzie
Zimom trza sanki zabrać i narty
Bajtle w doł zjadom - stok jest przetarty
Latym w szpacyrze uciecha mo sie
Aroma kawy łostanie w nosie
Kero wypijesz na szpicy samy
I se poczujesz tu "jak u mamy".

[broneknotgeld]

Bana linowo - Gora Parkowo (1937)

Ano - zdo sie już wiekowo
Dyć se ciyngym czimie zdrowo.

[broneknotgeld]

Krynica Zdroj - 1856

Hehe - toż ze tym ciekawo sprawa
Bydzie na bezrok richtig zabawa?
Zdrojowi klupnie gyburstag zocny
Skiż swojich wodow do dzisioj mocny.

[broneknotgeld]

Czy dycho?

Dycho w Krynicy piekło? Naprowdy?
Czy tako richtig było tu zowdy?

[broneknotgeld]

Morfeta

Łod Morfeusza miano se wziyła
Prawiom co we niyj niyczysto siyła
Niy lygej tukej - ło to cie prosza
Toż łona w rynkach tyż Tanatosa.

[broneknotgeld]

Krynicke wody

trza je zrachować z samego ranka
Zdroj Głowny, Józef i Kryniczanka
Mieczysław, Zuber, Tadeusz, Jan
No i na koniec Słotwinka dran.

[broneknotgeld]

Józef Dietl

We Jagiellonce łon rechtorowoł
Dyć zdrowie ludziom tukej tyż dowoł
Tyn Zdroj to jego dzieło jest przeca
I skuli niego rym taki kleca.

[broneknotgeld]

Na żołond i anymijo

Ano cie mynczom take mecyje
Trza ci zażywać tu kuracyje
Wody Krynicy zdrowie ci retnom
A i ciyrpiynie jakby tym przetnom.

[broneknotgeld]

Kompanie na sucho

Kaj ińdzi w Polsce ło tym jest gucho
Tu se w matowie kompiesz na sucho.

[broneknotgeld]

"Józef"

Dochtor Zefel Marunowicz
Doł swe miano wodzie - to wiydz.

[broneknotgeld]

"Jan"

Badymajster tyn krynicki
Broł stond woda ponoć wdycki
A że janym łon sie zwoł
Tako miano wodzie doł.

[broneknotgeld]

Kryniczanka

Kryniczanka woda - Krynczanka rzeka
Prziszło mi na mostku roz za frelom czekać
Dyć żech se tym tropioł łod samego ranka
Puściyła mie w tromba gryfno kryniczanka.

[broneknotgeld]

Z morfety

Z morfety matowa wycisko we gora
Dej pozor bo może zdrodliwo być dziura
Kaj źrodełko jakeś latym cołkym wyschło
Tam gazym co dusi możno zaś pocisło.

[broneknotgeld]

Łemki prawiyli

Toż ło tym piyrwyj Łemki prawiyli
Jak na tych ziymiach jeszcze se żyli
Co piekło było richtig pod niymi
A jak dychnyło mocni w ty ziymi
Na wiyrchu aże pomarło życie
Pozor trza dować jak już to wiycie.

[broneknotgeld]

Popradzki Park Krajobrazowy

Ano z Popradu wzioł swoje miano
Z Ponboczka woli sztela nom dano
Tako trza chronić co gryfne momy
Toż pokolyniom nastympnym domy.

[broneknotgeld]

Nikifor Krynicki

Ze fechtu żył ciyngym - dobrze ło tym wiycie
Dyć kunsztym tyż było cołke jego życie
www.facebook.com/photo.php?fbid=518426001526024&set=a.190249001010394.34428.175672009134760&type=1&theater
Niy yno se asi Krynica Kiepurom
Nikifor tyż dlo niyj jakby "złotom kurom".

Cysarokom z Galicyji

[broneknotgeld]

Galicyjo pamiyntocie?
Czy syntymynt do niyj mocie?
Ździybko powspominać szłoby
Kaj Galicyjokow groby.

[broneknotgeld]

Krakow W Galicji prowincjom był
Lwow zaś stolicom - mioł wiyncy siył.

[broneknotgeld]

Maria Teresa (1717-1780)

Fater Karol VI cerze tron szykowoł
Salickymu prawu łon sie niy poddowoł
W tysionc siedymset sztyrdziestym roku to sie stało
Toż Marii Teresy Austryjo jest cało

[broneknotgeld]

1741

Teroz i Madziary majom w niyj krolowo
Co fater wymarzoł poleku sie stowo
Dyć przeca to wszysko niy jest wcale fertig
Inksze ziymie erbnie niym doczko sie śmierci.

[broneknotgeld]

1743

Pepikow korona już zdobi jyj czoło
Zdo sie że Maryjka z niom bardzi wesoło
Łod sia tako szkryfna co jeji z tym Ślonzek
Choć Fryc już ze Prusow łypie na tyn konsek.

[broneknotgeld]

1745

Rzymskom cysarzowom nacyji niymiecki
Choć niy wszyscy czimiom se jednak jyj "kiecki".

[broneknotgeld]

1769

Piyrszo do "krojynio" ta Austryjo była
Przeca ziymia spisko siyłom zagarnyła
Był to stary zastaw łod Luksymburczyka
Szworty wiek przi Polsce a chciała to tykać
Toż ciyngym Madziary wykupić go chcieli
Ale grosza na to zowdy tyż niy mieli.

[broneknotgeld]

1770

Zaś Polska straciyła w czech starostwach ziymie
Czorsztyńskim nowotarskim i nowosondeckim
Zdo sie - już niyszczyńście jeszcze wiynksze drzymie
Utropa te czeko łod trojcy somsiedzki.

[broneknotgeld]

1772

Maryja Teresa podobnoś ślintała
Handszriftu przi tymu dyć niy żałowała
Ponoć Fryc przi tymu ze niyj sie fest śmioł
Dyć kroła tak samo jako i łon kroł.

[broneknotgeld]

"Płakała ale brała"

Z utropy ślintała - to legynda głosi
Dyć łośmioć ze tego i dzisioj sie prosi.

Łopuszna

[broneknotgeld]

"Tischnerowka"

We chacie góralski muzeum Tischnera
Zwiydź - dyć dej tyż pozor se przi tymu teraz
Bo Zefel w sutannie bystro paczy na cie
Jak łostro przigodo zaczynsom sie gacie.

Tatry

[broneknotgeld]

02-04.09.2005 Gorski Rajd Kolarski

Piykno rajza na "góralach"
Po dolinkach i po halach
Ktoś coś szkryfnie tu ło trasie
Dyć by było to na czasie.

Tatry

[broneknotgeld]

23-25.09.2005 Pożegnanie Lata - Małe Ciche

Trza sie ubawić w "Tatrzańskim Borze"
Niychej przijyżdżo kto yno może
Kaj ińdzi piyrwyj lato żegnali
Dyć se łostało na gorski hali

Cosik dlo ducha i tyż dlo ciała
Kuchnio regionow nom sie łostała
Goralske krzipce apszic zagrajom
Na bezrok lato tyż powitajom.

[broneknotgeld]

Chrzanica

Toż ańtopf dobry to po naszymu
Ze wosztym boczkym jajkym ku tymu.

[broneknotgeld]

Góralske wsie

Dyć jak umynczy rajza po gorach
W nich atrakcyji znojdzie sie fura
Yno góralek niy tykej wiela
Blyśnie ciupaga i bydzie tela.

[broneknotgeld]

Doliny tatrzańske

Toż dlo mie cepra styknom doliny
Piykne Taterek przeca dziedziny.

[broneknotgeld]

Dolina Stronżysko

Hehe - niy czeba sie wcale wspinać
Bo we tych gorach piykno dolina
Na Siklawica tyż se dziwować
Dyć trza ze wyrka yno mi stować.

[broneknotgeld]

Dolina Piyńciu Stawow

Trza se przeglondnońć we gryfnych stawach
Wodospad kusi tako - Siklawa.

[broneknotgeld]

Sztyrdziści stawow

Sztyrdziści stawow w Tatrach znojdziecie
Dużo czy mało? -Jako se chcecie.

[broneknotgeld]

Stawy

Wszysko to stawy polodowcowe?
Możno to płaczki co wyloł czowiek?
Hehe - by richtig musioł być wielki
Dyć niy som yno to duperelki.

[broneknotgeld]

Morske Oko

Dość daleko stond do morza
"Morski wody" pić niy koża.

[broneknotgeld]

Limba

Limb już niywiela w Tatrach łostało
A przeca wiyncy by sie ich zdało.

[broneknotgeld]

Kosodrzewina

Toż richtig prowda - widziołch nad morzym
Tam wydmy chytać se łona wozy
Dyć cosik prawioł nadmorski wiater
-Kosodrzewina czimie sie Tater.

[broneknotgeld]

Szarotka

Alpejskom jom zowiom
We Tatrach tyż rośnie
Cosik ło Europie
Powiy nom radośnie.

[broneknotgeld]

Świstok

W gowa tako mi sie ciśnie
-Co bydzie jak na mie świśnie?

[broneknotgeld]

Ryś

Jeszczech niy napotkoł rysia
Mom sie boć jako ta mysza?

[broneknotgeld]

Niydźwiedź

Zowdy w hajźlu trza mi siedzieć
Jak se myśla - som niydźwiedzie.

[broneknotgeld]

Jaskinia Mroźno

Czy w lecie lodu znojdziesz tam wiela?
Som jednak niy właź we tako sztela
Bez przewodnika zresztom niy idzie
Tako naprowdy lepi z tym bydzie.

[broneknotgeld]

Tatrzański Park Narodowy - 1954

Ponoć im starszy tym łon gryfniejszy
Toż zdo sie jakby w tym niydzisiejszy.

Rytro

[broneknotgeld]

Rytro

W dolinie Popradu kaj Beskid Sondecki
Rytro we galotach - niy czimie sie kecki.

[broneknotgeld]

Rytro XIII w.

Prawiom co już w Rytrze zamek wystawiony
Choć niy murowany - dobrze służoł łonym
Szlak tu do Madziarow ze Krakowa przeca
Toż i cło szło zbiyrać - leciało do neca.

[broneknotgeld]

Miano

Czy łod raubritera wziyło swoje miano?
Kto sie stond wybiyroł na rozboj co rano?
Zamek był stanicom - szlaku tu pilnowoł?
Dyć możno schroniynie zbojowi łon dowoł?

[broneknotgeld]

Zamek Teodora Świebodzica?

Prawiom co go wzniyśli z woli Świebodzica
Kerego pamiynto trocha okolica
Bo przeca paniskym był łon richtig możnym
Toż zamek na szlaku mog być nawet wożny.

[broneknotgeld]

Pyjtra Wyżgi?

We czinostym wieku Rytro Wyżgi było?
Tako Długoszowi se przeca szkryfnyło.

[broneknotgeld]

Rytro 1369

Krol Kazimierz Wielki tukej przenocowoł
Jak se do Madziarow na byzuch wyprowioł.

[broneknotgeld]

Rytro 1385

Krolowa Jadwiga ze szacym dość starym
Jechała przez Rytro sie spotkać z Madziarym
We Spiszu sie ponoć wesoło witali
Szwager tyż w koronie toż zafajrowali.

[broneknotgeld]

W czas "potopu"

W czas "potopu" Rytro najechoł Rakoczy
Kery wojskom szwedzkim niy skompioł pomocy.

Ojców

[broneknotgeld]

Ojcow

Ojcow parkym swojym słynie
Toż go pewno niy łominiesz

[broneknotgeld]

Ojcowski Park Narodowy

Nojmyńszy we Polsce dyć wdepnońć tu musisz
Możno potym czyńści na rajza se skusisz.

[broneknotgeld]

Dolina Prondnika

Dolina Prondnika darym Boga zdo sie
Tu widzisz co Istny niy mo cie we nosie.

[broneknotgeld]

"Krakowske Wrota"

Wjedziesz niymi do Krakowa?
-Dropia teroz se we gowa
Dyć "basztami" tyż dziwuja
Cud natury - forszteluja.

[broneknotgeld]

"Igła Deotymy"

"Paniynka z okiynka" istno napisała
Czy ło "igle" swoji tukej zapomniała?

[broneknotgeld]

"Skamiyniały Wandrus"

Wandrus tu stanoł - czamu skamiynioł?
Wiary w Ponboczka już istny niy mioł?

[broneknotgeld]

Wele willi

Wele willi "Pod koronom" igła ciyngym stoji
Ponoć i Śpionco Krolewna sie jyj richtig boji
Deotyma swego czasu ło niyj zapomniała
Możno łona coś za przyndko kofry pakowała.

[broneknotgeld]

"Zosia"

Na Złoty Gorze wito cie "Zosia"
Wandrusa zowdy przigarnie do sia.

[broneknotgeld]

Ojcow Zdroj

W dziewiytnostym wieku Zdrojym Ojcow był
Tuś se podkurowoł i wrocoł do siył
Chopin gościoł tukej no i Norwid tako
Dzisioj sztela gryfno chocioż niy jednako.

[broneknotgeld]

"Kaplica na Wodzie"

Kaj piyrwyj łaziynki tego Zdroju były
Przeszło sto lot stoji przepiykno kaplica
Ponoć w niyj niyjedne se grzychy już zmyły
Dusza czasym czorno mo jaśniejsze lica.

[broneknotgeld]

"Kaplica na Wodzie"

Kaj piyrwyj łaziynki tego Zdroju były
Przeszło sto lot stoji przepiykno kaplica
Ponoć w niyj niyjedne se grzychy już zmyły
Dusza czasym czorno mo jaśniejsze lica.

Jaworzno

[broneknotgeld]

Toż Małopolska ze historyji
Tako dom tukej bez komedyji.

[broneknotgeld]

Jaworzno 1242

Biskup Prandota kupioł dziedzina
Benedyktynki wpiyrw jom czimały
Rudy ołowiu kryła ta ziymia?
Ano - dyć gyszeft z tego był mały.

[broneknotgeld]

We XIII wieku

We czinostym wieku rud tukej szukajom
Ze ołowiym srybra ździybko dobywajom.

[broneknotgeld]

We Szczakowyj 1766

Ponoć ze tym rokym zaczli wongel kopać
Tako na bergmona szkolom tukej chopa.

[broneknotgeld]

Jaworzno 1889

Toż na przemyśle tako urosło
Że do praw miejskich z tym rokym doszło.

[broneknotgeld]

Szczakowa 1933

Erbła Szczakowa tyż miejske prawa
Dzisioj z Jaworznym yno zabawa.

[broneknotgeld]

Ksiondz Stanisław Stojałkowski (1845-1911)

Dynkmal przi kościele ksiynzoszka se stoji
Tako łon Jaworzno w historyjo stroji
Tukej był opokom ruchu ludowego
No i z powołanio tyż Słowa Bożego.

Łącko

[broneknotgeld]

Łoncko

Ano - dziedzina we Polsce słynie
Kto śliwowica łoncko łominie?

[broneknotgeld]

Skiż ks. Piaskowego

Prawiom co to skiż farorza
A zwoł sie Piaskowy
Pić tyn trunek jo se woża
Choć bije do gowy

Fest górale w parafijach
Grzeszyli dyć piyrwyj
A pokuta jak łomijać?
-"Zasodź a niy wyrwij"

Chnetko we tych okolicach
Śliw wyrosło wiela
Tako dzisioj śliwowica
Rozsłowio ta sztela.

[broneknotgeld]

W XVII wieku

Ponoć już i we tych czasach
Śliwowica słynie
Choć niy myśloł nikt ło wczasach
Z tym radość w dziedzinie.

[broneknotgeld]

Suszone śliwki

Suszono śliwki stond przed wiekami
Aże do Gdańska spłowioli
Toż spokopicie terozki sami
Co im w Europie tyż pszoli.

[broneknotgeld]

Samuel Grossbard

Ech - gorzelnio łon łotworzoł
Śliwowica zocno worzoł
W bekach z dymbu dojrzywała
Polska tako rozsłowiała.
-
forum.gazeta.pl/forum/71,1.html?f=28940

[broneknotgeld]

Do drugi wojny

Do drugi wojny Grossbarda trunek
Zdoł sie na zocny tyż podarunek
Z Niymcym se tako jednak skończyło
Żydowski gyszeft chnet zatrzasnyło.

[broneknotgeld]

Góralom na chwała

Z góralami niy macyjo
Majom w zocy tradycyjo
Tako łoncko śliwowica
Ciyngym krasi nasze lica.

[broneknotgeld]

Za komuny

Za komuny monopolu
Żodyn tego niy pochwoloł
Dyć trza chlapnońć śliwowicy
I Warszawa na to liczy.

[broneknotgeld]

Łoncko ratuje

Łoncko ratuje ta śliwowica
Toż zaprosiyli Cyrankiewicza
Na ichnie nowe "Świynto Jabłoni"
A jego przeca do trunku goni

Już na Dunajcu zalyw rychtujom
Śliwek ze sadow fisze skosztujom?
Tako se prymier gupocie dziwo
-Niych zamiost Łoncka Czorsztyn zalywo!

[broneknotgeld]

"Daje krzepę, krasi lica, nasza łącka śliwowica"

Rym na abcybildrze łoncki
taki żech wyczytoł
We stolicy naszy fraszki
ktoś se ło to pytoł.

[broneknotgeld]

Niy pij za wiela

Ano - za wiela niy radza pić
Bo roztomajcie z tym może być.

[broneknotgeld]

Łoncko rośnie

Łoncko rośnie
Nom radośnie
Se dziwocie?
Fioła mocie?

[broneknotgeld]

Świynto Kwitnoncy Jabłoni

Ano - we maju tyn festyn majom
Łoncko sie zocnie z tym leje
Przeca i śliwkom richtig tu pszajom
Gymba zarozki tyż śmieje.

[broneknotgeld]

Świynto Owocobranio

Z wrzesniym we Łoncku i take świynto
Śliwki na drzewkach czy kto pamiynto?

[broneknotgeld]

"Niymaterialne dobro kultury"

Ano - zobytkym łoncko jest przeca
Toż zapisano do tego neca.

[broneknotgeld]

Kupić "zabytek"

Jako we sklepie "zabytek" kupić?
Czy richtig ciynżko se łonckom upić?
Trza mi górali łopytać zocnych
Na śliwowica tu niy ma mocnych!

[broneknotgeld]

Bez akcyzy

Bez akcyzy a smakuje
Aże słonko se w niyj czuje
Co wygrzywo cie łod środka
Śliwowica - ło niyj godka.

[broneknotgeld]

60-70%

Tako wiycie - richtig grzeje!
A aroma - Łoncka dzieje!

[broneknotgeld]

Z tyjym

Z tyjym frelki popijajom
Przeca łoncki tako pszajom
Bo z niyj zdrowie same idzie
A i krasa ponoć bydzie.

[broneknotgeld]

Idzie płakać

Idzie za tom łonckom płakać
Przeca lepszo łod koniaka.

[broneknotgeld]

Prawiom

Prawiom co roz djosek tom łonckom łopity
Na mszo poszoł dzwonić i se drzymnoł przi tym.

[broneknotgeld]

Toż niy pij za wiela

Ano - za wiela niy radza pić
Bo roztomajcie z tym może być.

[broneknotgeld]

Łoncko rośnie

Łoncko rośnie
Nom radośnie
Se dziwocie?
Fioła mocie?

Kozy

[broneknotgeld]

Dyć to region małopolski
Niychej bydzie link tu swojski
forum.gazeta.pl/forum/72,2.html?f=28940&w=53369683

[broneknotgeld]

Toż ło Kozach wiela prawi
Tako nom rym ślonski jawi.

[broneknotgeld]

Toż zaproszom na wystawa
www.facebook.com/event.php?eid=127085214024497#!/event.php?eid=127085214024497
Kej echt-ślonsko - zocno sprawa.

[broneknotgeld]

Notgeldy coś wożom
www.sitbb.pl/rozrywka/17_905.html?data=2011-01-12
Toz linki se mnożom.

[broneknotgeld]

Ze dziejow Kozow znocie te dziwy?!

Ciga skokała giyrka złomała!

nk.pl/forum/17/977/386
Wojtyła tukej śnik mioł szczyńśliwy!

forum.gazeta.pl/forum/w,28940,53369683,118851737,Re_Kozy.html
Na notgeld ślonski sztela kukała!

www.facebook.com/?ref=home#!/event.php?eid=127085214024497

[broneknotgeld]

Godo ktoś na migi?
www.slaskie.pl/strona_n.php?jezyk=pl&grupa=10&art=5693&id_menu=
W Kozach meczom cigi?

[broneknotgeld]

Platan w konkursie!

Jutro sztartuje
www.dziennikzachodni.pl/artykul/751805,platan-z-koz-moze-zostac-europejskim-drzewem-roku,id,t.html
Tako raduje.

[broneknotgeld]

We Kozach

Szlak Papieski dyć tam majom
No i platanowi pszajom.
www.treeoftheyear.org/?lang=pl

[broneknotgeld]

Kamiynica nr 9

Ponoć tu Wyspiański
szkryfnoł te "Wesele"
Aże se na glacy
kryncom mi zaś wele.

[rita100]

"Kraków dla Górnoślązaka tym,
czym dla muzułmanina Mekka" :)

[broneknotgeld]

Dyć po blisku cuda momy
Bestoż przeca zoglondomy.

Nowy Wiśnicz

[broneknotgeld]

Nowy Wiśnicz

Wpiyrw tu był zamek niym miasto prziszło
Niy trza se tropić że tako wyszło.

[broneknotgeld]

Stary Wiśnicz

Wele zamku tako wiocha
Czy żałować trza choć trocha
Że jyj grunta i Rogozia
Możno wskozoł istnym Bozia
Coby grod tu zocny stoł
Nowy Wiśnicz - tako chcioł.

[broneknotgeld]

Wiśnicki zamek

Richtig twierdzom niyzdobytom?
Kogo jo se ło to spytom?

[broneknotgeld]

"Sala Szeptow"

Tu na zamku sala majom
W kery wszysko dobrze słychać
Toż skiż tego już niy wajom
Bo bych musioł przestać dychać.

[broneknotgeld]

Jan Matejko

Jan Matejko ślubny szukoł
W Nowy Wiśnicz za niom klupoł
Dyć czy potym niy żałowoł?
Za niyskoro - mi sie zdowo.

[broneknotgeld]

"Koryznówka"

Drewniany dworek ciyngym tu stoji
Matejki chcom tyż pamiyntać
Historio ło niym te izby stroji
Czy ślubno jako ta "piynta"?

[broneknotgeld]

Turecke kolumny?

Wele zamku kolumny te stojom
Dziwy ło nich w Wiśniczu tyż prawiom
-Turki w piora łod gyńsi se strojom
Chcom stond pitnońć - dyć przeca niy bawiom

Z wieży zamku we lufcie szybujom
Strach - toż krzidła daleko niy niesom
Śmierć spotyko jak tukej londujom
Już wolnościom se nic niy ucieszom

Słupy prawiom - "Ikarow tu koniec"
Niy trza było ze zamku uciykać
Życie jyńca nojczyńści jest tonie
Za ich dusze kto chcioł tu porzykać?

[broneknotgeld]

Bioło Dama na zamku wiśnickim

Ano - ciyngym po salach tu łazi
Dama kery na imie Barbara
Radziwiłłow pewnikym to razi
Toż se wcale niy znała na czarach

Tu łotruto? Zrychtowoł to Kmita?
Bony tako dosiyngła jom rynka?
Bioły Damy trza by se zapytać
Dyć dej pozor bo czeko cie mynka.

[broneknotgeld]

Szwedy w Nowym Wiśniczu

Zdradzioł Lubomirski - zamek poddoł Szwedom
"Mane, tekel, fares" ktoś naszkryfloł kredom
Tako Nowy Wiśnicz pierońsko złupiony
Dyć bogactwa tego do dzisioj niy momy.

[broneknotgeld]

Nowy Wiśnicz gore! (1863)

Zdo sie zgoroł chnetko cały
Niy był wielki - przeca mały
Ciynżko z nowa trza zaś dźwigać
Dyć se żodyn niy chcioł migać.

[broneknotgeld]

Wiśnicz Nowy
Wloz do gowy
blogi.dziennikzachodni.pl/zwiedzaczzamkowy/2013/08/14/zamek-w-nowym-wisniczu/

Piyniny - Dunajec

[broneknotgeld]

Dunajec

Dyć Dunajec w Polsce jest
I flisokow cieszy fest
Nos spłowiajom - dudki lecom
Tako im dobrobyt klecom.

[broneknotgeld]

Mniszek piyniński, pszonek piyniński

Łoba te ziyla yno w Piyninach
Som - skuli tego radosno mina!

[broneknotgeld]

Rafting Dunajcym

Tako pontonym idzie tu spływać
Przirodzie Piynin przi tymu dziwać?
Ech, trza ryncami wiela wiosłować
No i na ponton durś pozor dować.

[broneknotgeld]

Pozor! Duchy!

Znak taki w Nidzicy na zamku znojdziecie
Inkasko Umina tukej straszy przecie
Łod ćmoka do czasu kej kokot zapieje
Skarb Inkow? Umina? Ktosik z tego śmieje?

[broneknotgeld]

We Krościynku

We Krościynku studnia staro
Durś źrodlano woda leci
Toż napija sie jyj zaroz
I żech rod jest jako dzieci.

[broneknotgeld]

Ze Sokolicy

Ze Sokolicy na przełom kukom
Śladow Ponboczka w Piyninach szukom
Zdo sie Dunajcym szoł przez dolina
Bestoż jo tego tyż niy łomina.

[broneknotgeld]

Ze Sromowcow

Ze Sromowcow do Szczawnicy
Zocny wpływ w ty okolicy
Kusi tratwa z flisokami
Na Dunajec widokami.

Lanckorona -gmina

[broneknotgeld]

Gmina Lanckorona

Pogorze Wielickie mo prawie ta gmina
Dlo wandrusa zdo sie ciekawo dziedzina.

[broneknotgeld]

We powiecie wadowickim

We powiecie wadowickim
Lanckorona już na wdycki?

[broneknotgeld]

Znocie Lanckorona?

Richtig znocie tako gmina?
Małopolski to dziedzina.

[broneknotgeld]

Na wschod

Na wschod łod Wadowic leży
Kto tam kuknie tyn uwierzy.

Lanckorona

[broneknotgeld]

Cugym niy dokulosz

Cugym niy dokulosz se do Lanckorony
Ze Brodow szłapcugym jom w godzina momy
Szlak modry prowadzi - toż ze niym niy stracisz
A przi tymu ździybko dusza ubogacisz.

[broneknotgeld]

PKS-ym

Ze Wadowic abo i ze Kalwaryji
Do ty Lanckorony trefisz bez mecyji.

[broneknotgeld]

Na kole

Na kole sie trzimej szlaku czerwonego
Ździybko Kalwaryji zwiydzisz tyż do tego.

[broneknotgeld]

We Lanckoronie

Ło nocleg sie wiela niy musisz tam tropić
Radzi wandrusowi - idzie to spokopić
Hotel jest, pynsjonat, agroturystyka
Toż niy musisz prosić abo ło to rzykać.

[broneknotgeld]

Schronisko Młodzieżowe

Na Kazimierza Wielkego sztrasie
Czeko wandrusa ło kożdym czasie
Ze rynka trefisz tam richtig chnetka
Miejsc noclegowych jest rowno setka.

[broneknotgeld]

Ośrodek "Korona"

Sie tam na szkolynia czynsto wybiyrajom
I "zielonym szkołom" na miejscu fest pszajom
Miejsc prawie sztyrdziści - dlo klasy wystyknie
Atrakcyji wiela - czas tu zleci piyknie.

[broneknotgeld]

Pynsjonat "Tadeusz"

Na Legionistow - toż niy dziwota
Tu do Legionow podyńdziesz płota
Izba pamiyńci se zrychtowali
Fest Piłsudskiymu podobnoś pszali
Toż kuknij nawet i bez noclegu
Yno z gywerom niy stoń w szeregu.

[broneknotgeld]

Pynsjonat "Zamek"

Kej miano mo "Zamek", stoji na Zamkowy
Historyjo jakoś włazi z tym do gowy
Dyć cudom łogrodu chciyj tukej podziwać
Naturze se zowdy werci rynkom kiwać.

[broneknotgeld]

Agroturystyka (na Konfederatow Barskich)

Na Konfederatow noclegi znojdziecie
Zarozki do Baru dyć niy wybierecie.

[broneknotgeld]

"Tynczowo Gora"

Werci se tu przenocować
Werci z rannym słonkym stować
Z wiyrcha gory dyć chałupa
I natury richtig kupa.

[broneknotgeld]

Restauracyjo "Sielanka"

Tukej głod cie już niy stropi
Idzie zjeść i biyrkym popić.

[broneknotgeld]

"Kawiarnia pod Modrzewiami"

Pomaszkycić coś tu idzie
Z tym weseli zowdy bydzie
Dyć i łobiod zjysz domowy
No i luft mosz modrzewiowy.

[broneknotgeld]

Lanckorońske szolki

Szolki gryfnie sztrajchowane
Lanckoronie tako dane
Na nich domy i chałupy
Lanckorońske tyż do kupy.

[broneknotgeld]

Rzeźby z drzewa

Rzeźby z drzewa łod Rudnika!
Ciyngym chce sie na nie blikać
Z Lanckorony dyć pamiontka
Wspomniynie zocnego kontka.

[broneknotgeld]

Miod

Miodu w Lanckoronie nigdy niy brakuje
Z pasieki Goduli dziedzina raduje.

[broneknotgeld]

Rzeźby z drzewa

Rzeźby z drzewa łod Rudnika!
Ciyngym chce sie na nie blikać
Z Lanckorony dyć pamiontka
Wspomniynie zocnego kontka.

Wandrus na Łorlim Szlaku

[broneknotgeld]

Wandrus na Łorlim Szlaku

Na wopiyniu co stanyło
To wandrusa pokusiyło.

[broneknotgeld]

Wopiyń wystowo

Miyndzy Krakowym a Czynstochowom
Tako pod Wieluń - wopiyń wystowo.

[broneknotgeld]

Jura

Kaj piyrwyj morze jurajske było
Tam w trzeciorzyńdzie Jura dźwignyło
I chocioż wody tukej wrocały
Co wtedy stało niy wyrownały.

[broneknotgeld]

We historyjo tako poleca
Coś ło Wiślanach możno ukleca
W archeologa trza by se bawić
Abo legyndom uciecha sprawić.

Dębno

[broneknotgeld]

Zamek szczyńście mioł
blogi.dziennikzachodni.pl/zwiedzaczzamkowy/2013/09/16/zamek-w-debnie/
Kożdy tako chcioł.

Dobczyce

[broneknotgeld]

DOBCZYCE

Województwo małopolskie, powiat myślenicki
gmina miejsko-wiejska
---
Powierzchnia: 12,97 km2
Liczba ludności: 6253
Nadanie praw miejskich: ok. 1310
---
Kościół pw. Św. Jana Chrzciciela – 1828
---------------
Dobczyce

Zamek stoł już piyrwyj – we trzinostym wieku
Łod istnego Dobka – wiydz ło tym człowieku
Szlak tukej handlowy – porzōndku wachowoł
Niyjednego kupca zbōj czasym szterowoł

Fiszōw wiela Raba dziedzinie dowała
I cło tu dlo krōla kōmora zbierała
Ze torgu w pyńdziałek Dobczyce słynyły
Tako niy dziwejcie – drap miastym stanyły.

Nowy Sącz

[broneknotgeld]

NOWY SĄCZ

Województwo małopolskie, powiat nowosądecki
miasto na prawach powiatu
---
Powierzchnia: 57,58 km2
Liczba ludności: 82877
Nadanie praw miejskich 1292
---
Kościół pw. Św. Małgorzaty – XIII/XIV w.
-------------------
Nowy Sōncz

Krōl Wacław II tyn Sōncz lokowoł
Kazimierz Wielgi łod sia coś dowoł
Dziedzina rosła, sie bogaciyła
Przeca na szlaku handlowym była

Czasym Jagiełły – pewnikiym wiycie
Nowy Sōncz blysnōł we polityce
Tu krōl z Witoldym medykowali
Jako Krziżakōm fest by dowalić.