Ślonske ksionżki

[broneknotgeld]

Recynzje ksionżek ło Ślonsku ciepcie
Inkszym w tyn sposob ducha pokrzepcie.

[broneknotgeld]

Myślołch że w Rudzie cosik czytajom
Widocznie czasu jednak niy majom.

[broneknotgeld]

Czy ktoś wiy kedy w końcu pokoże sie w ksiyngarniach drugi tom trylogii
Sapkowskiego?
Mioł mieć tytuł "Boży bojownicy".

[pejsaty]

moze i czasem czytajom
ale cosik nie gadajom

[broneknotgeld]

Dobrze żeś dzwignoł tyn piykny tymat
Ze inkszom ksionżkom idzie go czimać.

[broneknotgeld]

"Boży bojownicy"

No toz se Ślonzek doczekoł tego
Drugi tom przigod tych łod istnego
Co Reinevanym zwali nikierzy
Werci przeczytać - niych kożdy wierzy.

[broneknotgeld]

Teroz reinevan w Pradze husycki
Na kero prawie ciongnom krziżowcy
Dyć zaś pobite - czy to już wdycki
Czechy niy bydom we roli "owcy"?

[broneknotgeld]

U Blażeny

Hehe - nasz medyk przeca jest mody
Lubi z frelkami miywać przigody
A prasko wdowa richtig jest jurno
I chce łosłodzić mu droga chmurno.

[broneknotgeld]

Blażena Pospichalowa

Niy darmo łona Pospichalowa
Przi niyj se inkszym freom trza schować
Chopu smażonka z zelerym dowo
Toż przi niyj potym ciyngym mu stowo.

[broneknotgeld]

Komunista???

Kurde terozki aże se drzistom
Czy Reinman richtig jest komunistom?
Czy yno drogom chce iść Franciszka?
Choć we Asyżu niy bydzie miyszkać.

[broneknotgeld]

Utopek

Dyć go niy mogło zabraknońć tukej
Na zajtach tomu terozki szukej
Za ślubno wzioł sie ze Gopła "frela"
No i podobnoś pszoł jeji wiela.

[broneknotgeld]

We Wrocku

A co we Wrocku? -Dyć ciyngym stosy
Śmiertka se nawet niy brusi kosy
Toż we tym czasie jakby sie zdowo
Wielko utropa już "rzońdzić" stowo.

[broneknotgeld]

Pomurnik i Wilk

Pomurnik z Wilkym rżnom se na noże
Toż yno jedyn przeżyć to może
Tref jednak sprzijo Pomurnikowi
Wilka już niy ma - Ślonzek to powiy

Dyć we naturze dzisioj inaczy
Ptok se zatracioł wilk na nos paczy
Możno skiż magii zwierze przetrwało
A z pomurnika nic niy łostało.

[broneknotgeld]

Adamaj Bata

Napotkoł Reinevan jyż Baty praprzodka
Ze kerym ło ciżmach ciekawo szła godka.

[broneknotgeld]

Koboldy - waldszroty

We Karkonoszach dzisioj ich niy ma
Dyć w downych wiekach tu żyły
Ale nasz karlus to inkszy tymat
Ło mało go umynczyły.

[broneknotgeld]

Mamun

Tyn stworek głosym mamić fest umioł
We las cie wywiod niym żeś zrozumioł
Żeś se już cołkym stracioł we borze
Utropa z tego yno być może.

[broneknotgeld]

1428

Boży bojownicy zaś na Ślonsku som
Jak se yno wspomna strach ze tego mom
Wiela nom uciyrpioł region w downym czasie
Ciyngym tako było - na to jedno klna sie.

[broneknotgeld]

Pod Nysom

Tabor katolikow rozgromioł pod Nysom
Lo utropie taki inksze ksiynstwa słyszom
Duć cosik już niy ma miyndzy niymi zgody
Odrom teroz płynom ciyngym krwawe wody.

"Lux perpetua"

[broneknotgeld]

"Lux perpetua"
Andrzej Sapkowski

Żech Sapkowskiego znod pod choinkom
Ze Reinevanym tako tom trzeci
Toż na autora już niy pokwynkom
Bo mi ze ksionżkom gryfnie czas leci.

[broneknotgeld]

[broneknotgeld]

"Historyjo Ślonska" wydali we Wrocku
Wiela znojdziesz treści w takim jednym "klocku"
Wzioł żech jom we rynce - zoglondom do środka
Możno ło tyj ksionżce poleci nom godka.

[broneknotgeld]

Czi teoryje ło Ślonsku czytom
Kero prowdziwo? Tyż sie zapytom.

[broneknotgeld]

"Ślęg"

Sowiański wyraz w kerym fest siompi
Przeloz do rzeki gory plemiynia
A że historio przeca niy skompi
Ślonskym nazwali cołko ta ziymia.

[broneknotgeld]

"Silingi"

Ptolemeusz te plemie germańske tu wsadzioł
A kto ze niym by dzisioj sie richtig powadzioł?
Łod Silingow Ślonsk wywiod niyjedyn dziejopis
A historio niymiecko tymu dała popis.

[broneknotgeld]

"Sil-ęza" (Ślęza)

Sil to woda we rzyce - tyż spokojnym jeziorze
Abo czasym i wiyncyj - szkryfna tukej że morze
Ze jynzyka sie wiedzie indoeuropejskiego
Niy niymiecke niy polske - rodowodu starszego.

[broneknotgeld]

Skond sie Ślonska nazwa wziyła
W keryj zowdy tako siyła?
Do dzisioj sie ło to wadzom
Nic już na to niy poradzom.

[broneknotgeld]

"Pagus Silensis"

Ziymie Ślynżan Thietmar tako
we kronice zwoł
Czy i dzisioj by jednako
szkryfnońć ło tym chcioł?

[broneknotgeld]

"Provincia Wratislawiensis"

Blyszczy se w mianie stolica Ślonska
Ze Anonima Galla to "konska".

[broneknotgeld]

"Regio Zlezensis"

Toż Gall Anonim szkryfnoł tyż tako
Coby niy było zowdy jednako.

[broneknotgeld]

"Slansco"

We czeski kronice za Kosmasym leci
Jejich dwor zoglondoł tyż na "swoje dzieci".

[broneknotgeld]

"Sztuka Górnego Śląska od średniowiecza do końca XX wieku"

Trza by coś ło ty ksionżce powiedzieć
Przeca winniście tyż ło tym wiedzieć
Że zaś my wreszcie se doczekali
Ty gornoślonski sztuki "na fali".

[broneknotgeld]

Na gyburstag Muzeum Ślonskego w Katowicach

W gyburstag muzeum to piyknie wydali
Łoziymdziesiont lotek tako fajrowali.

[broneknotgeld]

Ewa Chojecka, Jerzy Gorzelik, Irma Kozina, Barbara Szczypka-Gwiazda

Toż tako ty "Sztuki..." autorow karyta
Jedyn karlus yno - na przodku kobiyta
Co tyż redaktorym naukowym była
Łona jakby inkszych w swoje rynce wziyła.

[broneknotgeld]

Czy coś ślonskego żeście czytali?
Toż wontek po to byście szkryflali.

[rita100]

schlesien.nwgw.de/foto/displayimage.php?album=94&pos=72
Fałszerze w sieci - Szymeczko
moze poczytacie deczko :)

[rita100]

schlesien.nwgw.de/foto/displayimage.php?album=94&pos=73
Banknoty zastępcze
a takie jest rozpoczecie

[rita100]

schlesien.nwgw.de/foto/displayimage.php?album=94&pos=75
Niektore eksponaty są bezcenne

[rita100]

schlesien.nwgw.de/foto/displayimage.php?album=94&pos=76
Pan Bolesław Broda
nosił przyciemnione okulary
zza których oczy smiały się wesoło

[rita100]

schlesien.nwgw.de/foto/displayimage.php?album=94&pos=78
Zbiory utknęły w Mikołowie
i o tym się bohater dowie ;))

[rita100]

schlesien.nwgw.de/foto/displayimage.php?album=94&pos=79
Wróćmy do notgeldów
przy Bronku nie bedzie żadnych błędów

[broneknotgeld]

Toż reklama robisz Brodzie
I Szymeczko niy po szkodzie.

[broneknotgeld]

Niyspodzianka se szykuje
Zeflug ksionżka popromuje?

[broneknotgeld]

Szymeczko tyż przeca przidzie
Toż ciekawszy zeflug bydzie.

[rita100]

A będzie Bronek Broda
który notgalda doda ? ;)

[broneknotgeld]

Pewnikym istny na zeflug przidzie
Bo ło notgeldach cosik tam bydzie.

[broneknotgeld]

Światowy Dziyń Ksionżki 23 kwietnia

Jedni szkryflajom
Inksi czytajom
Dyć zowdy z ksionżki
Radocha majom.

"Czarny Ogród"

[broneknotgeld]

Trza by przeczytać
www.gazetawyborcza.pl/1,75475,4729836.html?skad=rss
Niy yno pytać.

[broneknotgeld]

"Czarny ogród" se nom jawi
www.znak.com.pl/book.php?id=1979
Czy radości wiela sprawi?

[broneknotgeld]

O pierombol - skiż przipadku
Ciyngym ze tym żech do zadku.

Encyklopedia Chorzowa

[broneknotgeld]

Encyklopedjo Chorzowa
chorzow.naszemiasto.pl/wydarzenia/1012496.html
Nakład mały koncept wielki
Dyć to niy som duperelki.

[broneknotgeld]

Inksze za tym ksionżki bydom
Nasze miasta niy ze biydom.

Encyklopedia Piekar Śląskich

[broneknotgeld]

Sie dowiycie wiyncy
www.wiadomosci24.pl/artykul/encyklopedia_piekar_slaskich_juz_dostepna_224468.html
Klikanie niy mynczy.

[broneknotgeld]

Coś skiż "Ślabikorza"
W tym wontku pokoża

www.dziennikzachodni.pl/slask/281132,elementarz-z-godka-czyli-pierwszy-slabikorz-po-slasku,id,t.html

[broneknotgeld]

"Ślonske zdrzadło"
www.wiadomosci24.pl/artykul/slaski_wiech_jerzy_buczynski_132180.html
Niy dziwadło.

[broneknotgeld]

Ze Katowic - "słownik sztuki"
katowice.gazeta.pl/katowice/1,35019,9072948,Powstaje_slownik_sztuki_Katowic_i_okolic.html
Yno tam? Kaj ińdzi tuki?

[broneknotgeld]

Ech - tyn Bytom
www.wiadomosci24.pl/artykul/niezwykly_bytom_historia_miasta_dla_dzieci_marcina_halasia_174401.html
Sie niy pytom.

"Rymowane mostki"

[broneknotgeld]

"Rymowane mostki" Barbary Politaj

Tref autorski już za nami
filia18halemba.blox.pl/2013/01/Rymowane-mostki-1.html
Czym zodziwioł nos? -Rymami!

[broneknotgeld]

We Ligocie
"Sznelcug" mocie.
www.dziennikzachodni.pl/artykul/758775,listy-z-rzymu-prof-zbigniewa-kadlubka-w-katowicach-slonski,id,t.html

"Morfina"

[broneknotgeld]

Jako jo byda mioł mina
kej przeczytom ta "Morfina"?
www.dziennikzachodni.pl/artykul/761541,twardoch-nie-doceniamy-groznej-sily-tozsamosci-narodowych,id,t.html

[broneknotgeld]

Trza pogratulować
rudaslaska.com.pl/fotoreportaz,promocja-ksiazki-synagoga-w-wirku---ocalona-pamiec,920042,920040.html
No i wiyrchym dować.

[broneknotgeld]

Trza promować
rtpd.eu/2013/03/02/prezentacja-ksiazki-o-synagodze/
Wiyrchym dować.