Petycjo Ślonsko

18.06.09, 19:54
Petycjo Ślonsko
===================

Wysoki Sejmie

Wysoki Sejmie Rzeczpospolity
Chciyj krziwda swojo naprawić
Ślonzok mo godka - łostanie przi tym
Jom dzieckom swojim śmiy jawić

Tako tu było przeca łod zowdy
Kto prziloz tego niy zmiynioł
Fałszym niy przikrył przeca ty prowdy
Swojego cołkym niy wtrynioł

Ech, słowo ślonske leci ze duszy
W niym mlyko matki, krew fatra
Nigdy niy pódzie tego zagłuszyć
Blyszczy jak w gorach kajś watra

Dyć jest ustawa - ta myńszościowo
Co nos ze godki łodziyro
Prawo bezprawiym tako se stowo
Choć łod niydugo dopiyro

Wysoki Sejmie - Ślonzok z Kaszubym
Niy jako pila co gyngo
Ustawa zdo sie biczyskym rubym?
Demokracyjo go siyngo?

Darmo w registrze klarownie wyszło
Jako durś w doma godomy
We kont etniczność naszo se wcisło
Z czasow Hakaty to momy

Ślonzok swoj jynzyk mo ciyngym w zocy
Choć wyśmiywany łoszkliwie
Łon mu we życiu dokłodoł mocy
Toż prawić idzie ło dziwie

Wysoki Sejmie - zmiyń to bezprawie
Etniczni my jynzykowo
Naprow zło kere siedzi w ustawie
I uchwol tako na nowo

Wiydz że ze krziwdy dobra niy bydzie
Matactwo grzychym jest zowdy
Zocność ze prawym we porze idzie
A petycyjo skiż prowdy.

Bronisław Wątroba

===============

Obywatelu Rzeczpospolity
-Chciyj ta petycjo podpisać
Ślonski jynzykym - bydź zy mnom przi tym
Czas skończyć z godkom durś miyszać.

Obywatelu zocny Uniji
Wiydz - ślonski godce niy trza mecyji
Dyć chciyj jom wspiyrać jako poradzisz
Czy głos swoj za tym na wontek wsadzisz?

===============

Ze głosami poparcio zaproszom do tego wontku

nasza-klasa.pl/forum/17/977/120
    • Gość: wysoki sejm Re: Petycjo Ślonsko IP: *.aimstars.dk 07.07.09, 22:24
      Bronek zapraszamy do Lublińca, seplenienie, bełkot, niezborność, stupor i
      dekloze leczą z pozytywnym skutkiem.
      a tymczasem polecam:
      HALOPERIDOL.
      Podstawowy preparat w leczeniu psychoz schizofrenicznych, ostrych i
      przewlekłych, z bogatymi objawami wytwórczymi, niepokojem, agresywnością. Jest
      skuteczny w leczeniu stanów maniakalnych, psychoz egzogennych i stanów
      majaczenia alkoholowego
Pełna wersja