Tyn Dolny konsek Ślonska

[broneknotgeld]

Na Dymbowy Gorze

Na Dymbowy Gorze kapliczka durś stoji
Cicho tu i pusto - czowiek aż sie boji
Bo może napotko ducha pustelnika
Co rzykoł tu kedyś durś do Antonika

Jak już bydziesz jednak wele Gorzanowa
Zajrzyj a spodobo ci sie ta Dymbowa
Pozdrow tyż łodymie tego Onufrego
Muster eremity przeca jest ze niego.

[broneknotgeld]

W Starym Waliszowie

Do Filipka tukej ludzie przichodziyli
Wiedzieli że łon sie nigdy niy pomyli
Przepowiodoł wszyskim co ze niymi bydzie
I że wielko woda na tyn Ślonsk nasz przidzie
Dzisioj już go niy ma - na kerchowie leży
W czyje przepowiednie terozki nom wierzyć?

[broneknotgeld]

Zamek Szczyrba

Podobno łod wiekow warownia tu była
Ziymia Kłodzko przed wrogym łona już chroniyła
Chrobrymu sie jednak jakoś niy łoparła
Jak jego drużyna w te strony natarła

Czasym na łodwyrtka granicy broniyła
Jak Pepik chcioł łodbić co zabrała siyła
Głymbosza sie w końcu dziedzina ta stała
Paniskym był tukej łon przeca bezmała

Twierdza zocno - dyć w końcu husyty jom wziyli
W ruina tyż pryndko specjalnie puściyli
Na inksze budowy mury poszły z czasym
W tym co tu łostało ponoć teroz straszy.

[broneknotgeld]

Szczyrbaty zamek

Szczyrbaty zamek na gorze Szczyrbie
Przez duchy jest nawiedzony
Jynk strachu z gardła sie pewno wyrwie
Jak nocom zajrzysz w te strony.

[broneknotgeld]

Słyszołch co Grinberg - Ziymia Lubusko
Doczkej - za Odra wstawiom Ci łożko
Pieronym ciongnom tam do Lubusza
A mie to bawi - prziznać sie musza.

[broneknotgeld]

Aż tak źle z nimi terozki niy ma
Wiela już wrosło tam we ta ziymia
Paczom pod nogi i coś szukajom
Dyć korzyń lichy jeszcze coś majom
We ziymi stare korzynie pniokow
Wygnanych przeca stamtond borokow
Łoni już teroz jednak je widzom
Bojom sie Niymcow - Ślonska sie wstydzom.

[broneknotgeld]

Z twierdzy kłodzki

Fryderyk Rex na bramie twierdzy
Dzisioj już wiela nom niy śmierdzi.

[broneknotgeld]

Most Grunwaldzki

Most Grunwaldzki z tego Wrocka
Zaroz wspomniyń budzi mocka
Ślonsk tam jednak dostoł hiby
Bestoż "grunwald" to na niby.

[broneknotgeld]

Nojstarszy chop świata

Nojstarszego chopa nosi Dolny Ślonzek
113 lot mo - piykny czasu konsek.

[broneknotgeld]

Browar we Lwowku Ślonskim

Łwowek Ślonski dzisioj browarym fest stoji
Te piwo se Unii tyż wcale niy boji
Chmiel - jak downiyj przeca zaś tukej kroluje
Do skoku w Europa jakby sie szykuje.

[broneknotgeld]

Bolesławiec

Już tysionc lot z hokym nad Bobrym łon leży
Bolesław mioł w łoku tyn grodek - trza wierzyć
Czimoł mocno Czechy - a że był Surowy
I Mieszkowi Ślonzek niy wchodzioł do gowy
Dyć zabrakło jego - Dombrowka tyż zmarła
I nawała Polan w ta strona sie garła
Ło dorzecze Odry dugo sie dropali
Dyć w końcu go Czechom Polanie zabrali.

[broneknotgeld]

1251

Bolesław Rogatka prawa miejskie doł
Bo tyż ta miejscowość we zocy łon mioł
Piwo sukno garce - z tego sztela słynie
Przeca już łod downa we ślonski dziedzinie.

[broneknotgeld]

Wojna czidziestoletnio

To dlo Bolesławca fest niyszczyńście było
Sto lot niym sie miasto z tego podzwignyło.

[broneknotgeld]

Kutuzow

Łod Moskwy łon baty cysorzowi dowoł
Przez Rosja i Polska do Francyji gonioł
Dyć we Bolesławcu łostatni roz stowoł
Tukej duch sie jego już Bogu pokłonioł

Serce Kutuzowa mauzoleum kryje
Na cmyntorzu Ruski tyż w mogiłach leżom
A i dynkmal jego nom we łoczy bije
Schinkla i Schaedowa - niychej mi uwierzom.

[broneknotgeld]

"Głaz Kanalizacji" (1531-1904)

Toż szukej ciekawo granitowo berga
Co sie niy nadowo do szlojdra łod cwerga
Sto lot tymu na niym wykuli te daty?
W guliki tyn grod już łod downa bogaty.

[broneknotgeld]

Wiadukt

Sto szejśdziesiont lot tymu - szkryfna to ze gowy
Stanoł w Bolesławcu wiadukt kolejowy
Ganzel tako piyknie go zaprojektowoł
Że sie cołki jakby w ta ziymia wpasowoł
Nojdugszy do dzisioj łon ponoć na Ślonsku
Piyńćset metrow prawie - tela w jednym konsku.

[broneknotgeld]

Nojwiynkszy bonclok 1753-1945

Sie niym chnet dwa wieki Bolesławiec asioł
Dwa metry wysoki, w gurcie metry sztyry
Dwa tysionce litrow? Pożar by ugasioł?
Ech, bych taki bonclok chcioł mieć w doma z biyrym!

[broneknotgeld]

Johann Gottlieb Joppe 1753

Toż sie Hanslikowi bonclok epny marzoł
Cołki Bolesławiec żur bydzie w niym warzoł?
Możno małosolne kisioł w niym łogorki?
Ech, kej karlus mody czynsto leci z gorki!

Jako mu sie śniyło tako karlus zrobioł
Zdało sie co richtig rekord świata pobioł
W łoziymnostym wieku takego boncloka
Darmo wszyndy szukać, darmo ślypić łoka.

[broneknotgeld]

2,15 metra

Bonclok łod Hanslika tako jest wysoki
Toż bolesławiany przi tymu boroki
Szło ło to by żodyn niy kukoł do środka
Dyć trza nojmniyj ryczka pod gyry sie potkać.

[broneknotgeld]

4 metry

Sztyry metry w gurcie mioł bonclok Hanslika
Ponoć do kościoła istny poloz rzykać
W intyncyji coby czowieka rubszego
W Bolesławcu trefić niy zwolyło Niebo.

[broneknotgeld]

30 szefli grochu

Ponoć richtig styknońć miało grochu tela
Dlo grzysznikow wszyskich co mo ślonsko sztela
Dzisioj Bolesławcym w Polsce mianowano
Styknońć coby sypnońć pod kolana rano

Skiż tego tu Hanslik bonclok przirychtowoł?
Aże świat sie cołki tymu podziwowoł
Ano - tako prawiom - mozno uwierzycie
We tym ślonskim grodzie gorczek uwidzicie.

[broneknotgeld]

Bonclok Saksończyka

Dyć Joppe ze Muskau na Ślonzek przikuloł
We Bunzlau zasłynoł - z tym niy byda fuloł
A wszusko skiż "cudu" - epnego boncloka
Jak we tym cygania niych łostana w zokach.

[broneknotgeld]

Bonclok 1800

Sie prezydynt Adams garcowi dziwowoł
Hameryce ło niym świodectwo tyż dowoł
Stoł wele warsztatu kaj gorki lepiyli
Pewno w niym potomki Hanslika rzońdziyli.

[broneknotgeld]

Bonclok 1813

Ech. te Francyjoki! Z pistouli strzylajom!
Niy yno bonclokom tu istni niy pszajom
Szczyńściym wiela strzimoł - niy doł sie rozwalić
Francyjoki wtedy już ze Prus citali.

[broneknotgeld]

W drocianym necu

Kej już postrzylali do niego wojoki
Trza szramy naprawić, zaś asić bonclokym
Przi tymu łoblykli go we nec drociany
Coby boł przez wieki tako łochroniany.

[broneknotgeld]

W drzewniany chałupie

W drzewniany chałupie gorniec stoł dość dugo
Wandrus ze uciechy przi niymu aż mrugoł
W pamiontkowy ksiyndze wpisow wiela było
Dyć i na boncloku coniyco trefiyło
A kery nań kukoł grosz tako łostowioł
Jednych łon bogacioł, inszych tako bowioł.

[broneknotgeld]

Przekludzka boncloka 1893

Ech, prawie z tym rokym sztrasa poszyrzali
Trza było chałupa drzewniano łobalić
A bonclok we miejsce zocniejsze przekludzić
Do baszty przi stowie coby cieszoł ludzi

W łoziymnoście chopa, w połtoryj godziny
Tako już terozki we baszcie jest driny
Wiela ty przekludzce ludzi dziwowało
Zdo sie jakby świynto miasto nowe miało

Kej wieść sie rozniosła, piesniczki śpiywali
A sława boncloka we świat leci dali
Dyć przeca wiekowy, dość wiela wytrzimoł
Ponoć duch Hanslika ciyngym we niym drzymoł.

[broneknotgeld]

Bonclok Hanslika 1945

Co to sie z niym stało? -Po prowdzie niy wiymy
Słuch ło niym stracony - niy wystyknom rytmy
Czy Niymcy wywiyźli? -Czy Ruski Strzaskali?
Po prowdzie Poloki za tym niy ślimtali.

[broneknotgeld]

Bonclok betonowy 1939-1945

Na muster piyrszego - stoł przi magistracie
Strzaskany - dyć myni we wercie niż lacie.

[broneknotgeld]

Bonclok 2000-2007

Toz staraniym Trzaski i tego Garnika
Zaś przi magistracie, juzaś idzie blikać
Bonclok w ty dziedzinie jako sztympel zocny
Szterowoł wandalow - prziszli w porze nocny
I łostały yno wielgachne szkorupy
Kere niy sklejyli już przeca do kupy.

[broneknotgeld]

Bonclok 2009

Jest - stoji w muzeum na muster piyrszego
Dyć przeca niy z gliny - z plastiku lekszego
Coby sie delina pod niym niy rabnyła
Ech, dusza Hanslika już we tym niy skryła.

[broneknotgeld]

Bolesławieckie Świynto Ceramiki

Wiela ło tym by szło prawić
wroclaw.gazeta.pl/wroclaw/1,35771,10057152,Swieto_Ceramiki_w_Boleslawcu__Bedzie_bazar_i_parady.html
Styknie link taki wyjawić?

[broneknotgeld]

Zowdy w siyrpniu

Zowdy w siyrpniu w ty dziedzinie
www.bok.boleslawiec.pl/
Złotym zdo sie co we glinie.

[broneknotgeld]

"Akwedukt" 1846

A dyć most na kerym glajzy pokładzione
Bana budowali - cug niy pedzioł - koniec
Na poł kilometra "akwedukt" z pioskowca
Lepi na niym kulać niż wlyźć w łodrzutowca.

[broneknotgeld]

Ceramiczno Szkoła Zawodowo 1897

Niy darmo we świecie te Bunzlau słynyło
Niy darmo garncorzy wiela wyksztołciyło.

[broneknotgeld]

Na glinkach

Na glinkach leży! Ze glinek słynie!
Wiela garncorzy we ty dziedzinie
Wiela garncorzy kunsztym blyszczało
Wiela szkorupow tu wypolało
We świecie w zocy majom je, mieli
Ech, by kaj ińdzi te glinki chcieli!

[broneknotgeld]

Muzeum Ceramiki

W Bolesłwacu niy dziwota
Bonclok rośnie tu na płotach?
Z glinek słynie cołko sztela
A garncorzy richtig wiela.

[broneknotgeld]

Wiatrok w Jerzmanowicach

Na gorce tyn ślonski "holynder" se stoji
Kedyś tych wiatrokow wiela tukej było
Zymbu czasu teroz łon sie już niy boji
Dyć jego kamratow downo łobalyło.

[broneknotgeld]

Ostrow Tumski

Już Vratislaw czeski grod założoł tukej
Na Ostrowie Tumskim - chcesz to śladow szukej
Dyć łon sie niy łopar polański nawale
Choćbyś wiela kopoł niy znojdziesz go wcale.

[broneknotgeld]

Uniwersytet Wrocławski

Cysorz Austri Lyjopold gmach tyn wybudowoł
Lotek łod tych czasow już nom czista zeszło
Ślonzek Akadymji synow swojich dowoł
Aż wojsko francuske przez te ziymie przeszło

Zaroz we tym miejscu blysnoł Uniwerek
Rechtorow mioł zocnych i sztudyntow tyż
Wszyscy do nauki chyńci mieli szczere
Dyć Wrocku - ty ło tym przeca dobrze wiysz!

Niy darmo te ściany noblistow wydały
Ze jednyj uczelni ośmiu sie liczyło
Możno w Polsce bydom tu jeszcze dni chwały
Yno niy godejcie - Sukces? - To już było!

[broneknotgeld]

Dzielnica Wzajymnego Szacunku

Ta ścieżka połonczy tu przibytki Boga
Na bezrok już bydzie - tela szkryfnońć moga
Pop pastor ksiondz rabin razym to zrychtujom
Bogu i bliźniymu - tako forsztelujom.

[broneknotgeld]

Ścieżka Sztyrech Religiji we Wrocku

Ta ścieżka połonczy tu przibytki Boga
Na bezrok już bydzie - tela szkryfnońć moga
Pop pastor ksiondz rabin razym jom zrychtujom
Bogu i bliźniymu - tako forsztelujom.

[broneknotgeld]

Świynty Jan Kapistran we Wrocku

Wrocek zapamiyntoł kaznodzieje tako
Kery kozaniami niyszczyńścia sprowadzioł
Żydom już niy żyło se tukej jednako
Śmierć w łoczy zoglondo - zaś narod tyn wadzioł.

[broneknotgeld]

Hala Ludowo

Hala Ludowo "dziedzictwym świata"
Tako UNESCO przeca pedziało
Niych Wrocek krasi na duge lata
Choć przeca rokow już mo niymało.

[broneknotgeld]

Hala Ludowo - "dynkmal historyji"

Łońskego roku erbła te miano
Latoś już bardzi we świecie znano.

[broneknotgeld]

"Zobytek swiata"

Piyrszy "zobytek świata" we Wrocku
Czy se inkszego jo tukej doczkom?
Dyć cieszy richtig Hala Ludowo
I ze notgeldow blyszczy jak nowo.

[broneknotgeld]

Hala Ludowo perełkom architektury

Już takom byłą jak powstowała
Za to tyż punkty dzisioj dostała
Ajza z betonym w niyj skuplowano
Tako że cudym jakby nom dano.

[broneknotgeld]

Hala Stulecio

Chnetko sto rokow bydzie tyż miała
Bitwa pod Lipskym upamiyntniała
Dzisioj dynkmalym kultury świata
Dlo architektow dobro zapłata.

[broneknotgeld]

10 tysiyncy

Aże tela ludzi zabawi se w hali
Sto rokow chnet mijo a nic tu niy wali
Tako już terozki po prowdzie to wiycie
Piyrwyj architekty mieli w zocy życie.

[broneknotgeld]

Wrocławsko Hala

Wrocławsko hala krziżym podparto
Już teroz wiymy - wiela jest warto
I cudym Ślonska zdo sie nom dzisioj
Czy ło zocniejszy żes tukej słyszoł?

[broneknotgeld]

Na greckim krziżu

Na greckim krziżu Hala Ludowo
Już se nikerym cudym wydowo.

[broneknotgeld]

Dzieło Maxa Berga

Choć mioł do pomocy inkszych
Łon w tym dziele był nojwiynkszy
Skuli Lipska hala momy
Tako tyż istnego znomy.

[broneknotgeld]

W stulecie bitwy pod Lipskym

Z bitwom pod Lipskym zas Prusy wolne
Tam pułki ślonske swoje zrobiyły
Tref do we końcu życie spokojne?
Dyć wojna ciyngym łodbiyro siyły.

[broneknotgeld]

Po czym poznowo?

Po czym świat cołki Wrocek poznowo?
Pewnikym wiycie - Hala Ludowo.

[broneknotgeld]

Wystwa Sulecio

Jako zrychtować tako wystawa
Wrocek to wiedzioł - dyć niy zabawa
Rzymski Panteon zadkym łostawioł
Kopuła wiynkszo z halom se sprawioł.

[broneknotgeld]

Hala Stulecio 1911-1913

Stykły dwa roki by jom zbajstować
Na muster dzisioj szłoby to dować.

[broneknotgeld]

Hala Stulecio 1918

Róża Luksemburg w Hali wiecuje
Pokoj dlo świata tu łobiycuje
Co z czasym wyszło? -Dyć wiycie przeca
Jo historyji rymym niy kleca.

[broneknotgeld]

Hala Stulecio - roki trzidzieste

Słyszom te mury tyż i Hitlera
Ciynżko wspominać nom ło tym teraz.

[broneknotgeld]

Wystawa Ziym Łodzyskanych

I tako było po wojnie w Hali
Czy "łodzyskanym ziymiom" fest pszali?

[broneknotgeld]

Wystawa Ziym Łodzyskanych

I tako było po wojnie w Hali
Czy "łodzyskanym ziymiom" fest pszali?

[broneknotgeld]

Kino "Gigant"

W Hali take wielke kino
Czy Europa je wspomino?
Ponoć w niyj nojwiynksze było
Ano - przeca już minyło.

[broneknotgeld]

Hala Ludowo 1966

Marlena Dietrich tyż tukej była
Kogo ta Hala dyć niy gościyła?

[broneknotgeld]

Sie radujom
www.gazetawroclawska.pl/artykul/665763,w-sobote-wroclaw-stanie-sie-stolica-niemcow-w-polsce,id,t.html?cookie=1Pofajrujom.

[broneknotgeld]

Angelus 2006

Latoś piyrszy roz dowano
Wrocek blysnoł zaś w Europie
Angelusa nosi miano
Toż niy bydzie we utropie

Co nojlepsze, nojzocniejsze
Sroge jury łotaksuje
Ksionżki - skarby tyż dzisiejsze
Choć niy kożdy tako czuje.

[broneknotgeld]

Angelus Silesius

Ech - maestro epigramu
Żodyn cie w tym niy prześcignoł
Jo se yno pytom czamu
Twoj czas tako drapko mignoł?

[broneknotgeld]

150 000 złotych

Toż niy szkoda
Dać nagroda
By ze mianym Angelusa
Mogła we Europa ruszać.

[broneknotgeld]

We finale nagrody

Siedym ksionżek we finale
Kerych jo niy czytoł wcale

1. "Każdy przyniósł co miał najlepszego" Mieczysław Abramowicz
2. "Dwanaście kregów" Jurij Andruchowycz
3. "Spokój" Attila Bartis
4. "Białe na czarnym" Ruben Gally
5. "Warunek" Eustachy Rylski
6. "Czasy kóz" Luan Starova
7. "Na przykładzie mojego brata" Uwe Timm

[broneknotgeld]

Coś ze Wrocka
www.wrocek.pl/
I na nocka.

[broneknotgeld]

Cwergi Wrocławia

Ze dzieciokami sie teroz bawia
Kaj kukna widza - cwergi Wrocławia
Wiela ich tukej? Zrachować idzie?
Stolicom cwergow te miasto bydzie?

[broneknotgeld]

Wrocławski ratusz

Niy yno cwerg sie po gowie dropie
Nojwiynkszy w Polsce - choć niy w Europie
Dyć kej zochwyci gotyk ratusza
Trza za cwergami jakimiś ruszać.

[broneknotgeld]

Aleksander Fredro

Na rynku wrocławskim niyjednego dziwo
Dyć sztela ze grofym zdo sie być szczyńśliwo
Niy darmo tu wkludzioł po wojnie ze Lwowa
Niy darmo terozki słychać polsko mowa.

[broneknotgeld]

Mostek Heksow

Kaj "mostek heksow"? Na Magdalynie
Wieże kupluje, mo powodzynie
Widok ze niego piykny z wysoka
Yno niy chciyjcie na doł tam skokać.

[broneknotgeld]

Na Moście Tumskim

Tysionce kłodek - klucze we rzece
Kej se na amynt serca weźniecie
Kej chcesz na amynt z lipstom skuplować
Wystyknie kłodka na tyn most dować?!

[broneknotgeld]

Czy se rabnie?

Czy tyn Most Tumski se w końcu rabnie?
Czy ktosik serce freli tu habnie?
Z tych co na kłodki pozawiyrane
Kejś kajsik bydom możno sprzedane?

[broneknotgeld]

Cwergi znocie?
Konkurs mocie

www.polskamasens.pl/dzieje-sie/459/Konkurs-na-bajke-o-krasnalach

[broneknotgeld]

Na jantarowym szlaku – I w.p.n.e.

Chnetko trzi tōny znoili tu tego
Gorkego złota brzega morskiego
Co już Rzymiany we zocy mieli
Płacić za jantar kupcōm dyć chcieli.

Grōb ôd princa? – IV w.n.e.

Archeologi tymu dziwali
Dyć jako tukej dzioło sie dali?
Pōnoć dziedzina fest wyludniyła
Niyskorzyj szwungu juzaś chyciyła.

Na wyspach rzeki

Gynau na Odrze, mustrym Sekwany
Kaj wyspy rzeki, grōd bydzie dany
Tukej tyż gōry sōm niedaleko
Jejich gyszynkōw człowiek doczeko
Ajza i kufer, srebro i złoto
Zdo – niyjednymu tyż idzie ô to.

Odras

Celtycko nimfa skōnd tukej wziyła?
Z irlandzkich legynd aż sam trefiyła?
Morrigan pōnoć fest szterowała
Za kara w wodzie sie belōntała?
Odras – jyj miano wos niy dziwuje?
Mi zdo co gynau prawie sztimuje.

[broneknotgeld]

W Wałbrzychu

Biydaszyb zaś życie bergmonowi wzion
Bezrobocie biere durś śmiertelne żniwo
Dyć nojwiynkszo cyna za wongel doł łon
Teroz świynty Pyjter na niego sie dziwo.

[broneknotgeld]

Pałac w Ratnie Dolnym

Godajom co zamek w Ratnie stoł łod wiekow
Historio ło grafie von Hardegg wspomino
Kery tu na wzgorzu zbudowoł czowieku
Zamek - choć pałacu łon niy przipominoł

Dziedzina miyniyła ciyngym właścicieli
Szwedy jak tu wdepli wiela poniszczyli
W końcu von Osterberg prziloz do tyj szteli
Pałac łodbudowoł co poczoł sie chylić.

[broneknotgeld]

To nasze stare miasto przezocne
Kedyś tym winym naprowdy mocne
Czy richtig teroz fest "zlubusiało"?
Ło Ślonsku cołkym już zapomniało?

[broneknotgeld]

"Czorny oreł"

To miasto piyrwyj głogowske było
Z piastowskim Ślonskym los swoj złonczyło
Majom we herbie orła czornego
Przeca niy wyprom sie teroz tego.

[broneknotgeld]

"Granica"

Za tym Grinbergym granica wina
Połnoc to przeca inkszo dziedzina.

[broneknotgeld]

Zlubuszanie Grinbergu

Tako była polityka
NRD sie chciało tykać
A ło Ślonsku niy myślało
I do dzisioj to łostało.

[broneknotgeld]

2-10.IX.2006 Zielonogorske Winobranie

Ech - zaś bydzie tu zabawa
Wino - nojzocniejszo sprawa.

[broneknotgeld]

Grinberg połnocnom stolicom wina?!
Zaś se łodrodzo tako dziedzina.

[broneknotgeld]

"Wino Zielonogorske"

Kedy we sklepie kupić je pódzie?
Biyjedyn marzy ło takim cudzie.

[broneknotgeld]

Winne Wzgorze

Na Winnym Wzgorzu wonorośl rośnie
Grono dojrzywo w słonku radośnie.

[broneknotgeld]

W Domku Winiorza

Tu do winnego proszom cie tańca
Mosz winorośli kupić se flanca.

[broneknotgeld]

Winobranie juzaś majom
forum.gazeta.pl/forum/72,2.html?f=73&w=46649091&v=2&s=0
Jako dzisioj używajom?

[broneknotgeld]

Miasteczko Western City w Karpaczu

Łońskego roku stanyło tukej
W niym tyż uciechy wiela poszukej.

[broneknotgeld]

12.04.04 "Miszczostwa Polski z Jajcym"

Tako impreza w Karpaczu bydzie
Richtig we samo Wielkanoc
Wiela tam ludzi bawić sie przidzie
Pewno zostanom tyż na noc

Zrobiom nojwiynkszo ponoć smażona
Wyścigi we jyj jedzyniu
Chcesz sie przekonać czy dobro łona
To niy myśl durś ło siedzyniu

Tam sie tyż możesz jajcym poklupać
Zapioć jak kokot na kura
Atrakcji niy trza za wiela szukać
Znojdziesz coś dlo sia w tych górach

Z jajcym na łyżce idzie sie gonić
Ciepać niym z dalsza do huta
Łod ludzi w świynta niy możesz stronić
Radości gości tam nuta.

[broneknotgeld]

"Polynie granic" - heppening

We Jakuszowicach granica "podpolom"
Przeca sie już ze tym we Unii niy smolom.

[broneknotgeld]

"Majowy Zawrót Głowy" - 1-3.V.04

We Szklarski Porymbie skończy sie już "zima"
Bo potym trza pedzieć "Śniegu u nos niy ma"
Karkonosze latym jednak tyż som piykne
Turystom atrakcji zowdy tu wystyknie.

[broneknotgeld]

Na Gromniku
Wały na Gromniku? Łużycke grodzisko?
Zajrzyj ze Strzelina bo przeca to blisko
Na Ślynży Raduni miejsca kultu znane
Dyć i te gromnicke mo być podziwiane.

[broneknotgeld]

Pod Strzelinym

Pod Strzelinym na Wzgorzu Wiatracznym
Stoła kedyś pogańsko gontyna
Może pomysł to bydzie pokraczny
Dyć se myśla - trza ło tym wspominać.

[broneknotgeld]

Rod Zarymbow

"Zarymby" - rod możny osiadły w Strzelinie
Wiela kedyś znaczoł w ty ślonski dziedzinie
Kasztelanie rożne w swojich rynkach mieli
I dobra kościelne - jako yno chcieli
Z czasym ich siedziba wzioł Bolko Śwodnicki
A łoni już potym traciyli coś wdycki.

[broneknotgeld]

1290

Z ksiynstwa wrocławskiego świdnicke wykroli
W niym Strzelin Ziymbice i inksze dziedziny
Przi Bolku przezocnym wiernie wszyscy stoli
Łon tyż był łozdobom piastowski rodziny.

[broneknotgeld]

1323

Teroz nowe ksiynstwo - stolicom Ziymbice
Dzierzoniow, Sobotka no i Zombkowice
Razym ze Strzelinym pod Bolkym - już "drugim"
Choć i to niy trwało wcale przez czas dugi.

[broneknotgeld]

W zastawie

Wnuk Bolka Drugego źle pogospodarzoł
Dług niyjedyn wielki se jymu przidarzoł
W zastaw Strzelin łoddoł Przemkowi z Cieszyna
Kery był już wtedy panym Oświyńcimia.

[broneknotgeld]

1427

Wnuk Przemka - Kazimierz ksionże Oświyńcimia
Sprzedoł Strzelin panu legnicko-brzeskymu
Urosła Ludwika Drugego dziedzina
Kłonio sie ta ziymia teroz właśnie jymu.

[broneknotgeld]

Granica

Ze lot prastarych granica łostała
Kajś w połowie drogi z Ziymbic do do Strzelina
Zowdy we powiatach widoczno bezmała
Krotko wojewodzko kryślyła dziedzina.

[broneknotgeld]

Granica

Ze lot prastarych granica łostała
Kajś w połowie drogi z Ziymbic do do Strzelina
Zowdy we powiatach widoczno bezmała
Krotko wojewodzko kryślyła dziedzina..

[broneknotgeld]

Krzywina

Wele Gromnika ta wioska stoji
W niyj kościoł stary w ruinie
Husytow teroz już sie niy boji
Dyć pamiyńć ło nich niy minie.

[broneknotgeld]

Husyty

Skiż tych husyckich wojyn na Ślonsku
Niyszczyńścio wiela w tym małym konsku
Miyndzy Piastami tyż zwada była
Bestoż sie ziymia tukej "polyła".

[broneknotgeld]

"Klinika Młodości"

Świeradów-Czerniawa bydzie modnym zdrojym
Stond ołpa być może naprowdy sex-boym
I ołmie przipomnom sie tyż lata mode
Tako siyła majom wody radonowe

"Klinika Młodości" tukej łotwiyrajom
Kaj znojdom ratunek ci co mało pszajom
Popluskosz sie w wodzie - już burza hormonów
Cud richtig sie dzieje skiż tego radonu

Yno trza za doba fufcig euro dować
Byś sie mog tu trocha tyż napromiyniować
Kuracyjo cołko wtedy chyba werci
Jak możesz przi sexie doczekać sie śmierci.

[broneknotgeld]

forum.gazeta.pl/forum/72,2.html?f=28940&w=23473313&a=56379632
Toż tam teroz tyż poleci.

[broneknotgeld]

Chopin w Dusznikach

Nastoletni Chopin tukej se kurowoł
I publice piyrszy tyż koncert tu dowoł
Podobnoś skiż pszonio do tutejszy frelki
Pokozoł w Dusznikach że talynt mo wielki.

[broneknotgeld]

We Dusznikach

Tu se jako w Alpach czujesz
Toż i zdrowie poretujesz.

[broneknotgeld]

We Gorach Orlickich

We Gorach Orlickich Duszniki znojdziecie
Niy yno skiż zdrowio tam możno kukniecie.

[broneknotgeld]

Zielyniec

We Dusznikach ta dzielnica
Uraduje twoje lica.

[broneknotgeld]

Kościoł św. Anny (ok. 1000 m n.p.m.)

We Zielyńcu kościoł prawie
Postawiyli dość wysoko
Zicniesz se tu w jedny nawie
I na ołtorz ciepiesz łokjo

Ech, we Prusach stoł nojwyży
Tysionc metrow wyży morza?
We Sudetach durś niy niży
Dyć na Prusy już niy wskoża.

[broneknotgeld]

Jelynio Gora 1817

Przewodniki karkonoske do kupy se wziyli
I swoj "Verein" piyrszy w świecie podobnoś zrobiyli
Sztaut mieli i legitki - nawet tyż odznaki
Bo przewodnik zowdy karlus tu niybelejaki.

[broneknotgeld]

Szklarsko Porymba 1900

Klub narciarzy we tym roku tukej założyli
Toż na cołkym naszym Ślonsku łoni piyrsi byli.

Gromnik

[broneknotgeld]

Gromnik

Ze Wzgorz Strzelińskich nojwiynkszy Gromnik
Choć piyrwyj blyszczoł dzisioj tu skromni
Dyć możno dugo tako niy bydzie
Tu historyjo na powrot przidzie.

[broneknotgeld]

Gromnik VIII-V w.p.n.e.

Jako w Biskupinie była tu osada
Kultury łużycki - ło to dyć niy zwada
Ze gory tyż przeca szło sie lepi bronić
Choć wrogow niy topiom we jeziora toni.

[broneknotgeld]

Sudety

Klaudiusz Ptolemeusz "Germanio" łopisoł
Tam już ło Sudetach tyż cosik namiyszoł.

[broneknotgeld]

Miyndzy bramami

Z zachdu Łużycko - Morawsko na wschodzie
Środek Sudetami niebo ździybko bodzie.

[broneknotgeld]

We Gorach Stołowych

We Gorach Stołowych Liczyrzepa siedzioł
Downiyj cołki Ślonzek dobrze ło tym wiedzioł.

[broneknotgeld]

Sudecke muflony

Skond te muflony w Sudetach som?
Dyć ze Korsyki - jak jo sie znom
Dwa wieki nazod ściongli je tukej
We historyji ło tym poszukej.

Może skończysz ten wątek w końcu

[vv36]

Jeśli nie zauważyłeś, lub udałeś że nie zauważyłeś to przeczytaj sobie:

forum.gazeta.pl/forum/72,2.html?f=261&w=8718330&a=16286933
przepraszam że takie długie, ale pewno Cię zainteresuje.

[broneknotgeld]

Hehe - "długie" skasowali
Pewno rymom cos niy pszali.

[broneknotgeld]

Jaskinia Niydźwiedzio

W Masywie Śnieżnika jaskinia szukejcie
Tako jyj zocności świadectwo tyż dejcie
Przeca nojgryfniejszo łona we Sudetach
Możno w cołki Polsce? -Jakoś to podnieta
Coby se poszwyndać w Sali Pałacowy
Bliknońć na Korytorz tyn Stalagtytowy
Mozno i nikerym przidzie to do gowy
Że żył nawet tukej krol lew - jaskiniowy.

[broneknotgeld]

Góry Sowie

Góry Sowie
Tyż wiekowe
We Europie starsze znosz?
Ech - utropa ze tym mosz!

Gory Stołowe

[broneknotgeld]

Gory Stołowe

Jedyne w Polsce z pioskowca gory
Zdo sie wylazły sztokami
Łoczy napasie tu richtig ktory
Toż bydźcie teroz ze nami

Skałki iglice bramy coś z grziba
Niyjedyn szczyt jak blat stołu
Przi kerym olbrzim jod kedyś chyba
Dyć niy ze nami pospołu.

[broneknotgeld]

Szczeliniec Wielki

Ano - toż gora tukej nojwyrszo
I atrakcyjo jakby nojpiyrszo
Wyńdziesz na skała se szczelinami
Cudny z niyj widok - powiydzcie sami.

[broneknotgeld]

"Droga Sety Zakryntow"

Dejcie pozor tu na skały
By wos do sia niy zabrały
Czy zakryntow richtig sto?
Niy rachowołch - dyć se zdo.

[broneknotgeld]

"Błyndne Skały"

Kamiynnym miastym te "Błyndne Skały"
Obyś ze we nich niy stracioł cały
Bo tyn rezerwat jest labiryntym
Możesz umynczyć tam richtig piynty.

[broneknotgeld]

Błyndne Skały Liczyrzepy

Toż Liczyrzepa wciepnoł je tukej
Drogi powrotny na darmo szukej
Niyjedyn przeca sie tu potracioł
Dyć czy duch gor se tako wzbogacioł?

[broneknotgeld]

Tron Liczyrzepy

Na Szczelińcu Wielkim
Mo duch gor swoj tron
Jak go tu napotkosz
Zowdy ryknie - won!

[broneknotgeld]

700 schodkow

Ano karlusie - to cie niy minie
Siedymset schodkow i tyn Szczeliniec.

[broneknotgeld]

Gory Stołowe

Prawiom co w Europie yno tukej take
No bo som "płytowe" - bestoż niy jednake.

[broneknotgeld]

Gory Stołowe

Cuda momy
Czy je znomy?

[broneknotgeld]

Goethe zawandrowoł

Ponoć na Szczeliniec Goethe zawandrowoł
Sie Gorom Stołowym poeta dziwowoł.

Gory Sowie

[broneknotgeld]

Lisie Skały

W Sowich Gorach Lisie skały
Ptoki z lisow profit miały?

[broneknotgeld]

Wielko Sowa (1015 m n.p.m.)

Niy za wielko se wydowo
Dyć we gorach fest ciekawych
Jeszcze wieża widokowo
Wandrusowi radość sprawi.

[broneknotgeld]

"Riese" - "Olbrzym"

Gory Sowie ło tym prawiom
Dyć niy wszysko ciyngym jawiom
Broń tajymno, ufo-statki
Złoto Wrocka kusi dziatki

Dyć czy kedyś se dowiymy?
Czy to wszysko łodkryjymy?
Co jest prowdom? Co legyndom
"Włodarz" durś tajymnom grzyndom.

[broneknotgeld]

Bolkow

Piyrwyj te miejsce Gajym tyż zwali
Z czasym "Bolkowe" je nazywali
Fatra czcić miano chcioł princ świdnicki
Bolkow se łostoł już tu na wdycki.

[broneknotgeld]

Zamek

Zamek piastowski stoji w Bolkowie
Dziwuje jymu sie tukej czowiek
Stołb mo "normandzki" - ciekawo sprawa
Zdobyć te mury to niy zabawa.

[broneknotgeld]

We stołbie

We stołbie ciyngym "głodowo cela"
Tu zamykali ślubne co wiela
Sie ze inkszymi chopami gziyły
Rzodko z Bolkowa - te wierne były.

[broneknotgeld]

Ślonske krziże pokutne

Znakym kary łone za prawdziwo zbrodnia
Trza było pamiyntać ło niyj przeca co dnia
Syńdziom tu morderca fundnońć musioł piwo
Potym post łodprawioł - niychej to niy dziwo

Dzieci swy ofiary tyż trza mu wyżywić
To przeca nikogo dzisioj niy zadziwi
Toż gowa zachowoł a krziż wykuł som
Prawo take ślonske co we zocy mom.

[broneknotgeld]

Most Milynijny

Toż latoś łon Wrocek jakby ubogacioł
Pewno tyn wydatek jednak se łopłacioł.

Karpacz

[broneknotgeld]

Herb Karpacza

Pstrongi, lasek, Śnieżka
I we słonku ścieżka.

Duszniki

[broneknotgeld]

"Homole"

Zamek Homole na gorze stoł
I Polskich Wrot tu pilnowoł
Był czas że kożdy se jego boł
Bestoż tyż wiynkszy sie zdowoł.

[broneknotgeld]

"Homolka"

Z czeskego zdo sie to kyjzy kupka
Chyba niy wyńda ze tym na gupka
Bo cosik teroz mi sie wydowo
- Tako se jawi gora zamkowo.

[broneknotgeld]

"Homolske Państwo"

Pan na Homolu włościom fest pszoł
Toż łon Kudowa w dziedzinie mioł
Duszniki tako i Polanica
We jego władzy ta okolica.

[broneknotgeld]

W XIV wieku

Se Panewicze w Homolu siedzom
Siyła we zamku - dyć ło tym wiedzom
Ze Kłodzkym nawet zadziyrać chcom
Normalka tukej - skond jo go znom.?

[broneknotgeld]

Homole 1388

Z Kłodzkym ugoda - piyknie se stało
Dwie stronu zyszczom na tym niymało.

[broneknotgeld]

Homole 1388

Z Kłodzkym ugoda - piyknie se stało
Dwie stronu zyszczom na tym niymało.

[broneknotgeld]

"Duszniki"

Choroby "duszne" tu kurowali?
Ta siyła źrodeł już piyrwyj znali?

[broneknotgeld]

Kościelny wieloryb

Walyń z niego żodyn
Ryba piyrszy wody.

[broneknotgeld]

Jonasz?

Farorz Jonasza piyntno tu nosi?
Ze wieloryba kozanie głosi!

[broneknotgeld]

Z nudow

Mody Chopin se tu nudzioł
Dyć muzyka jakby budzioł
Doł koncerty przeca dwa
Dzisioj pamiyntajom - ja.

[broneknotgeld]

Duszniki 1876

By skutkowała tu kuracyjo
Woźnice majom ponoć mecyjo
Bo szczylać z bata im zakozali
Tako już yno konie halali.

[broneknotgeld]

Dusznicko papiyrnio 1605

We starym młynie papior durś robiom
Tako Duszniki tradycjom zdobiom.

[broneknotgeld]

Ruiny zamku Homole

Jak ci sie w Dusznikach ździybeczko już nudzi
Zamczysko Homole ciekawość łobudzi.

[broneknotgeld]

Hotel "Jamrozowa Polana"

We "Jamrozowy Polanie"
Ze frelkom nojlepsze spanie
Do uzdrowiska daleko?
-Dyć tu co chcesz na cie czeko!

[broneknotgeld]

Hotel "Piastów Gród"

Miynso tu piekom na bergach
Czoskym przegoniom tyż cwerga
I podkuruje se czowiek
Na łozu co nefrytowe
Masaże na kryngi dowo
-Podobnoś richtig to zdrowo.

[broneknotgeld]

22-23.VII.2006 Świynto Papioru

Ano - przi starym dusznickim młynie
Wielgachny festyn we ty dziedzinie
Papior robiyli tu przed wiekami
Jako i dzisioj - wiycie to sami

Szłoby zowiścić tego Dusznikom
Coby durś było - jo se porzykom
Sztela to w Polsce przeca jedyno
A we Europie? Spokopcie yno.

[broneknotgeld]

Kunszt

Kunszt papioru ci pokożom
Toż te dzieła cosik wożom
Łoczy niymi napasione
A to wcale niy jest koniec.

[broneknotgeld]

Jako drukowali?

Jako drukowali i jako kryklali
We tych downych czasach - tako na wiyrch dali.

[broneknotgeld]

"Origami i shibori"

Chciała se bawić papiorym tako
A szac jyj czekoł i aże płakoł.

[broneknotgeld]

Wycinanki papiorowe

Toż wycinanka latoś kroluje
W Świynto Papioru sztela to czuje
Tnom teroz wiela w muster łowicki
Dyć inkszych kusi tyż azjatycki.

[broneknotgeld]

W "Hercbergerowce"

W "Hercbergerowce" fisze som złowisz
A czy som dobre na miejscu dowiysz
Przeca zarozki grilla mosz tukej
Toz we ta sztela drapko zaklupej.

[broneknotgeld]

Przi sobocie

Przi sobocie pstrong z wyndzarni
Toż se gościu tukej garni
Yno fisze Hercbergera
We Dusznikach ważne teraz.

[broneknotgeld]

We "Wyszehradzki"

Czeskich knedlikow se tukej zjycie
Tako Pepikow tyż inksze jodło
Ich biyrym popić - toż teroz wiycie
Idzie tu zadbać ło swoje sodło.

[broneknotgeld]

"Pod Muflonym"

Ech - trza dropać se we gora
Dyć zawołosz tukej - hurra!
Nocleg toni - gryfny widok
Niywygody? -Toś łobrzidok.

[broneknotgeld]

"Strzecha"

W gora niy trza dreptać wiela
Noclegowo to tyż sztela
Chcesz - mosz chatka tu drewniano
Wolisz - izba murowano.

[broneknotgeld]

"Jarzymbina"

Hotel mo apartamynta
Dyć portmanyj - moja piynta.

[broneknotgeld]

"Piastow Grod"

Ech - tu downe były czasy
Niychej hotel cie niy straszy
Noclegowe tu wygody
Dyć czy geld mo czowiek mody?

[broneknotgeld]

"Fryderyk"

W tym hotelu pościelone?
Czy mazurki w nocy grajom?
Bo bez tego niy za tonie
Forteklapy richtig majom.

[broneknotgeld]

Dusznicke pamiontki

Galanteryjo tu papiyrowo
Durś se nojlepszom pamiontkom zdowo.

[broneknotgeld]

Zielyniec

W zima wybieresz se tu z nartami
Latym ze frelkom i marzyniami.

[broneknotgeld]

"Torfowisko"

Bliknij na rezerwat z wieży widokowy
Wszysko rośnie nisko - grunt zdo sie bagnowy.

[broneknotgeld]

Na Wybickiego

Poniymiecke wille ciyngym przi ty sztrasie
Ano tako prziszło w powojynnym czasie.

[broneknotgeld]

Jamrozowo Polana

Szportowcow tu spotkosz co biathlon trynujom
Ponoż we tych stronach nojlepi se czujom.

[broneknotgeld]

Podgórze

Piyrwyj osobno była osada
Dzisioj dusznicko to tyż parada
Możno cie skusi bo we kotlinie
Zdo sie jak gdyby w rajski dziedzinie.

[broneknotgeld]

"Ponderoza"

Trocha se tu porajtujesz
Toż i ze tym uradujesz.

[broneknotgeld]

Stadion im. Kazimierza Górskiego

Ano - tu Górski czynsto zoglondoł
Tako i miano swoje tyż wom doł.

[broneknotgeld]

Stolicom świata w siyrpniu Duszniki
forum.gazeta.pl/forum/72,2.html?f=72&w=45836207
Tych kierzy ciongnom do pianistyki.

[broneknotgeld]

1946-2006 Miyndzynarodowy Festiwal Chopinowski

Łoj - grali tukej już tela razy
-Mie sie klawiyra wcale niy marzy.

[broneknotgeld]

Ech - mazurki, polonezy
Ze klawiyrow zocnych płynom
Aże niy chce mi sie wierzyć
Co te dni nom drapko minom.

[broneknotgeld]

Festiwal Steinway'a i Yamahy

Se do Dusznik pozjyżdżały
Forteklapow konkurs cały
Kero fyrma gorom bydzie?
Jako latoś tukej przidzie?

[broneknotgeld]

Blechacz we Dusznikach

Toż latoś zagro i we Dusznikach
Kejś sie tu Chopin kurowoł
Mozno tyz przyńdzie wele pomnika
Co Fryderykym se zdowo.

[broneknotgeld]

"Jacek" i "Agatka"

Te zocne źrodełka szteli skarbym wielkim
Minerałow wiela a nawet bombelki.

[broneknotgeld]

Jedź do Dusznikow Zdroju

Akumulatory życio trza ładować
W Dusznikach se czujesz narodzony z nowa
Toż pamiyntej ciyngym - tu se dychniesz wiela
Gościom co nojlepsze durś dowo ta sztela.

[broneknotgeld]

"Staropolanka"

"Staropolankom" ta sztela słynie
Jako zocniejszo w polski dziedzinie?

[broneknotgeld]

We igliwiu

Ano sosny świyrki jodły
Cie jegłami tu niy bodły
W wodzie z nich se kompać zdrowo
Siyła z tego zdo sie nowo.

[broneknotgeld]

"Spa"?

Możno Duszniki to niy jest "Spa"
Dyć niydaleko do tego - pra?

[broneknotgeld]

Zamek Homole

Przi bursztynowym szlaku Duszniki
Toż niych niy dziwo tyn zamek
Przełynczy bronioł z dobrym wynikym
Dzisioj ruiny tu same.

[broneknotgeld]

"Homole"

Bogato piyrwyj była dziedzina
Ty ziymi przeca broniyła
Dzisioj łostała yno ruina
Czas - nojmocniejszo to siyła.

[broneknotgeld]

"Bad Reinerz" - 568 m.n.p.m.

Toż uzdrowisko za Niymca w zocy
Kto tu przijyżdżoł nabiyroł mocy
Poczuł se młodszy i wiela bawioł
"Łodżywoł" - inkszym tako tyż prawioł.

Wambierzyce

[broneknotgeld]

Ło Wambierzycach trza wiyncy fraszki
Przeca to niy som yno igraszki.

[broneknotgeld]

"Ślonsko Jerozolima"

Toż koncept tyn wciongnoł von Osterbergera
Już ratno mo w rynkach - ło tym myśli teraz
Kaj łona być może - ano przeca wiycie
Mogły niom być yno ślonske Wambierzyce.

[broneknotgeld]

Kościoł Nawiedzynio Nojświyntszy Maryji Panny

Prawiom co grof Tschischwitz tyn kościoł zbudowoł
Tako Ponboczkowi hołd łod siebie dowoł
Wele wambierzycki ty lipy prastary
Świadectwo w tym było tyż ludzki ofiary.

[broneknotgeld]

7.VI.1678

Już Osterberg kupioł dlo sia Wambierzyce
Cud sie stoł kolejny - dyć ło tym tyż wiycie
Cudowne źrodełko trysło przi kościele
W Annie Scholz przi tymu życie sie zaś ściele
A przeca już była w grobie jednom nogom
Ze Bogym niy take dziwy dzioć se mogom.

[broneknotgeld]

Wambierzycko lipa

Ślepy Jan z Raszewa pod lipom tu rzykoł
Na niyj Matki Boski z Dzieciontkym figurka
Spokopić nom ciynżko dyć już na Nia blikoł
Jakby promyk słonka przilecioł przez dziurka

Historyjo tako z czinostego wieku
Już wtedy tu ludzie na pont zaczli chodzić
Pamiyntej jak bydziesz tu dobry czowieku
Że łod tego cudu kult se zaczoł rodzić.

[broneknotgeld]

30.V.1679

Słonko zachodziyło - niyziymski blask prziszoł
I aże do nocy nad kościołym wisioł
Dziw tyn uwidziała cołko okolica
Aże niyjednymu se "polyły" lica
Stond tutejszy zwyczaj procesji z pochodniom
Iluminacyjom cudu tego godnom.

[broneknotgeld]

Ślonsko Jerozolima (1683-1725)

Dugo Wambierzyce rozbudowywali
Dyć "Jerozolima" tym Ślonskowi dali
Barok italijski tako ciyngym blyszczy
Miłosierdzie Boga dlo Wambierzyc zyszczy.

[broneknotgeld]

Longinus Wittig

Fachman łod zygarow szopka tu wystawioł
Tako Wambierzycom gyszynk gryfny sprawioł.

[broneknotgeld]

Na Wiejski

Małe zoo tu znojdziecie
Tyż muzeum kuchni przecie.

[broneknotgeld]

Wambierzycki cud

Jako Jan z Ratna znoloz ta lipa
Z Maryjom miyndzy astami?
Choć ślepy przeca chyba niy klipa
Toż spokopicie to sami

Do Matki Boski tako łon rzyko
Ćmok z łoczu drapko se traci
Utropa cołko przeca umyko
Wiarom za cud tyn łodpłaci.

[broneknotgeld]

W XIII wieku

W czinostym wieku tu czczom Maryjo
Ratno ło cudach łosprowio
Wiara pokono kożdo mecyjo
Z utropy niyjedny zbowio.

[broneknotgeld]

Wambierzycki Cedron

We Wambierzycach Cedron tyż płynie
Jako w Świyntego Miasta dziedzinie.

[broneknotgeld]

Wambierzycko Kalwaryjo

W Europie zdo sie nojwiynkszo przeca
A jest na Ślonsku - z naszego neca.

[broneknotgeld]

79 kapliczek

Wiyncy kaj ińdzi zrachować idzie?
Ano szukejcie! -Jak ze tym bydzie?

[broneknotgeld]

Miana

Wzgorza tu majom biblijne miana
Tako zodziwi wos kożdo brama
Jerozolima wspominać miały
W tym Osterberga koncept był cały.

Kudowa Zdroj

[broneknotgeld]

Kudowa Zdrój

Na Wyżynie Czeski Kudowa już leży
Do Pragi stond blisko - możesz tymu wierzyć.

[broneknotgeld]

Festiwal Moniuszkowski

Co roku w czyrwcu Moniuszki słychać
Przi tymu lepi bydzie se dychać
No i popijać tyż mineralno
-Ze ajzom łona bestoż jest fajno.

[broneknotgeld]

Aquapark

Aquapark w Kudowie
Uciecha mo czowiek
Czego wiyncy czeba?
Zdroj jak konsek Nieba.

[broneknotgeld]

Kaplica Czaszek

Czerepow zdo sie ze czi tycionce
W nich historyji tyż downy konsek
Wojny ofiary pomoru tyż
Farorz je tukej zebroł - dyć wiysz

Tako staraniym fatra Tomaschka
Słynie w Europie ze Czermny czaszka
Inksze som w Rzymie i Kutny Horze
Kaplicom sztela asić se może.

[broneknotgeld]

Szopka w Pstronżnyj

Ćwierć tysionca figurek ichnio szopka mo
Chosioż mozno jeszcze niywiela jom zno
Dyć se werci bliknońć na Stepana cudo
Jak ci sie do Pstronżnyj zoglondnońć tyż udo.

[broneknotgeld]

Skansyn

Ze Kotliny Kłodzki zebrane chałupy
Tu we cołki krasie stojom se do kupy
W co drugo niydziela chleba tyż skosztujesz
W chałupie pieczony - no dyć jak smakuje?!

[broneknotgeld]

Kudowa Zdroj

Park zdrojowy tukej cudym
W niym rotunda - toż pijalnia
Spokoj cisza bez łostudy
Lepsze to niż kajś pływalnia.

[broneknotgeld]

Kudowa

Kudowa Czechami niyjednego skusi
Skoczyć se na piwo za granica musi.

[broneknotgeld]

Na hercklekoty

Hercklekoty wykurujom
Toż trefia tam wkońcu
Lepi ludzie chnet se czujom
Tako grzejom w słońcu.

[broneknotgeld]

Zdrojowe wody

"Marchlewski" "Śniadecki" "Moniuszko"
Toż chnetko zapomnisz te łożko
Co wpiyrw i we dziyń cie kusiyło
Bo życie za wiela mynczyło.

[broneknotgeld]

W pynsjonacie "Akacja"

Kotlet ze śliwkoma
W zołzie prowdziwkowy
Toż to richtig przismak
-Kożdy ci to powiy.