Epitafia

[broneknotgeld]

Śmiertka jak macocha
Przitulyła Zocha.

[broneknotgeld]

Łobjodoł sie grochym
Terozki już prochym.

[broneknotgeld]

Tukej jego krypta
Za życio boł ipta.

[broneknotgeld]

Ano - niy boł świynty
Leży tu krepniynty.

[broneknotgeld]

Kapelonka pochowali
Aże sztyry dni rzykali.

[broneknotgeld]

Cołke życie Franc szporowoł
Nigdy sie niy pofolgowoł
I co po niym tu łostało?
-Yno ta mogiła mało.

[broneknotgeld]

Franc na krzipkach gryfnie groł
Wzioł do truły jako chcioł.

[broneknotgeld]

A co w trule jest łod Lyja?
Pewno niy zgodniecie - cyja!

[broneknotgeld]

Jasiek w zombi sie zabawioł
Strachu żywym wiela sprawioł.

[broneknotgeld]

Drapko zaboczyli
Przeca dali żyli.

[broneknotgeld]

Ta mogiła smola
Leży w niyj kyns trolla.

[broneknotgeld]

Czekały go mary
choć zdowoł sie jary.

[broneknotgeld]

Boł marudom cołke życie
Drapci krepnoł - pewno wiycie.

[broneknotgeld]

Śmiertce pedzioł - mogesz brać
Łostoł po niym jedyn lać.

[broneknotgeld]

Zagli go na rule
Wyprościyli w trule.

[broneknotgeld]

Dekel spod mu na łeb z nieba
Bestoż Ynsta chować trzeba.

[broneknotgeld]

Erna tukej pochowali
Ponoć jyj karlusy pszali.

[broneknotgeld]

Zowiść go zjadła
Niym śmiertka wpadła.

[broneknotgeld]

Tu leży Frańcik
Dyć boł galancik.

[broneknotgeld]

Dostoł deklym łod gulika
Idzie już za niego rzykać.

[broneknotgeld]

Łostatnio mioł rajza
Znodli go na glajzach.

[broneknotgeld]

Żyły bigylfaltom tnoł
Już go niy ma chocioż boł.

[broneknotgeld]

Piyńć krziżykow yno klupło
I na amynt już go łupło.

[broneknotgeld]

Ponoć klupoł w truła
Dyć mioł we tym ruła.

[broneknotgeld]

Gynia chopow durś chowała
Dyć cuzamyn siedmiu miała
Siedmiu - niym jom śmiertka skosi
Ktoż żałba po niyj nosi?

[broneknotgeld]

Mono z tego niy boł rod
Że do doła tako wpod.

[broneknotgeld]

Ciynżke życie Francik mioł
Leży tukej jako chcioł.