Epitafia

[broneknotgeld]

Łod leżynio w tołtynhali
Ponoć tyż idzie łobalić.

[broneknotgeld]

Na stypa sie wprosioł
Drap go świat niy nosioł.

[broneknotgeld]

Tu leży teraz
Łon i tubera.

[broneknotgeld]

Dwie "zdrowaśki" porzykała
I na tamtyn świat zabrała.

[broneknotgeld]

Wyna pod trowniolym leży?
Ktosik tukej w to uwierzy?

[broneknotgeld]

Po litrach szpyronia
Trowka poloz woniać.

[broneknotgeld]

Nić żywota tako utła
Kapsel z biyra istno gutła.

[broneknotgeld]

Niy trzyźwioł łod roczka
Już kopiom boroczka.

[broneknotgeld]

Kopidoła widać truła
Jak grob kopoł to mioł ruła.

[broneknotgeld]

Rylym dostoł w łeb
Ktoś do doła wciep.

[broneknotgeld]

Sknyrzoł cołke życie
Pomarł w biydzie - wiycie.

[broneknotgeld]

Skuli matowy bergmon tu leży
Już mu promili żodyn niy zmierzy.

[broneknotgeld]

Za fizyka
Trza porzykać.

[broneknotgeld]

Niym tukej zległa łobrotno była
Dziesiyńciu chopow wpiyrw położyła.

[broneknotgeld]

Fibermeser pynk
-Świtnoł bo se zlynk.

[broneknotgeld]

Brif do śmiertki durs szkryflała
Coby w końcu jom zabrała.

[broneknotgeld]

Śmiertka kosom machła
We swoj gnat se chachła
Truda sto lot żyła
Tu jeji mogiła.

[broneknotgeld]

Piyła zojzojera
W trule leży teraz.

[broneknotgeld]

Skuli "Wiadomości"
we mogile gości.

[broneknotgeld]

W życiu se wysoko dropoł
W końcu dziura ktoś wykopoł.

[broneknotgeld]

Piniondz zdoł mu sie jak słoma
Krepniyntego znodli w doma.

[broneknotgeld]

Był szyroki w barach
Dyć leży na marach.

[broneknotgeld]

Ślubno za wiela mu pszała
Czy bestoż drapci chowała?

[broneknotgeld]

Hasiosznupla pochowali
W stypa bryna popijali.

[broneknotgeld]

Krepla zjod
No i pod.