Epitafia

[broneknotgeld]

Piyrwyj chopa kładzie
Baba na paradzie.

[broneknotgeld]

Pochowali gryfno frela
Przi niyj tyż karlusow wiela.

[broneknotgeld]

Możno ze niyj była zmora
Mynczy swojego doktora?

[broneknotgeld]

We kruchcie klynczoł
We trule jynczoł.

[broneknotgeld]

Już nom niy pokoże twista
Bo roz sie chyciyła cwista.

[broneknotgeld]

Przi niydzieli krepnoł ktoś
Prawiom co był z niego gość.

[broneknotgeld]

Skiż "szportow" krepnoł
Wiyncy niy kepnoł.

[broneknotgeld]

Pochowali kota w ciszy
Poślimtały yno myszy.

[broneknotgeld]

Szewca tukej pochowali
Piyńć pyndziałkow świyntowali.

[broneknotgeld]

Szpas chowali wiela razy
Zowdy wyloz - bez łobrazy.

[broneknotgeld]

Francka zmora se chyciyła
Do mogiły zaciongnyła.

[broneknotgeld]

Krotko truła - to ci gafa!
Jak pochować w niyj żyrafa?!

[broneknotgeld]

Choć wonż zdech - niy pochowali
Leży w kapsi sknyry dali

[broneknotgeld]

Pochowali ponoć sztichla
Co rodym ze Murzasichla.

[broneknotgeld]

Pochowali w końcu cwerga
Na łeb mu śleciała berga.

[broneknotgeld]

Leży tukej stary Lyjon
Co w palica dostoł kryjom.

[broneknotgeld]

Skiż gorkości
Złożoł kości.

[broneknotgeld]

Zamkła przed chopym liplinga w szranku
Łon tam uśmiyrknoł - mioł to jak w banku.

[broneknotgeld]

Leży tukej Yma
Dobiyła jom ryma.

[broneknotgeld]

Skiż ślimtanio z nieba
pochować go trzeba?

[broneknotgeld]

Ecik mo tu swo mogiła
Bele ślubno niy łodkryła.

[broneknotgeld]

Truda gańby sie nażarła
Bestoż śmiertka jom przigarła.

[broneknotgeld]

Zefla chowiom bez ancuga
Tońszo ponoć ta posługa.

[broneknotgeld]

Łopłakała chopa Cila
Wiycie - ponoć yno chwila.

[broneknotgeld]

Byrny se chyciyła
I tako straciyła.