było lato

[broneknotgeld]

Dyć to powiym - ludzie złoci
Póda szukać tyj paproci
A po prowdzie - kwiotka jeji
Z frelom póda do tyj knieji
Razym kwiotek se znojdymy
I pewnikym zapylymy.

[broneknotgeld]

Joch tego kwiotka szukoł zowdy
W nocka świyntego Jana
Dyć frelki wiedzom to - naprowdy
Że "szuko" sie do rana.

[broneknotgeld]

Wakacje już som terozki
Kajś sie skryły szkolne troski
Bajtlom klara mo durś świycić
Ło lecie nom rymy klycić.

[broneknotgeld]

To ci lato

Jak roz na działce trowa żech kosioł
Wioło zaś choby wisielec prosioł
No i terozki mom taki tymat
Lato nom prziszło joch łapnoł ryma
Bez pora dni sie byda kurowoł
Pech - bo sie wszysko zaczło niyzdrowo.

[broneknotgeld]

Tako biyda

Dzieci bez wakacje nikaj niy wyjadom
Choć łojciec do auta wsiado se z paradom
Uczimanie grata tela go kosztuje
Że już na kolonie grosza niy wysuje.

[broneknotgeld]

W robocie urlopy - mało teroz ludzi
Jak ciepna rewiyrym mogliby wykludzić
Bestoż wola kichol wsadzić do sznuptucha
No a na robota gymbom yno chuchać.

[broneknotgeld]

Wakacje

Bajtle na wakacjach siedzom
Daleko - dyć ło tym wiedzom
Że ze ślubnom nadrobiomy
To co yno do sia momy.

[broneknotgeld]

Jo sie w niydziela z lata byda śmioł
Bo kupa śniygu pod nogami mioł
Zaś byda ściepywoł azot na bojkowski szachcie
Możno zrobia sie bałwana na tyj biołyj "płachcie".

[broneknotgeld]

Już mie te lato wnerwiać zaczyno
Zmiynnom pogodom - powiym tu yno
No i tym jeszcze - pizna sie w klota
Że zaś mie mynczy trocha robota.

[broneknotgeld]

Jo wiym - ty lato w sercu sie nosisz
Bestoż ło klara niywiela prosisz
Jakby dopadło cie gradobicie
To byś pedziała - Piykne jest życie

Jo jednak bywom se tyż marudny
I możno we tym trocha za nudny
Czynsto mi czeba tego promiynio
Bo mi sie nastroj na lepszy zmiynio.

[broneknotgeld]

Łona

Łona "na to jak na lato"
Durś łopolo sie sagato
Niy spolyło jyj sie łono
Bo niy była wygolono.


Słońce w gowa chyba pizło
Bestoż mi sie to wyślizło.

[broneknotgeld]

Nago lepiyj tyrać latym
Zimom mroz jest srogim batym

[broneknotgeld]

Jak jo latym ida plażom
Naturystki mi sie marzom.

[broneknotgeld]

Lody

Hic na dworze - jymy lody
Bo som dobre dlo ochłody
Piyńć tysiyncy lot już majom
Dugo ludzie je wcinajom
W Chinach ponoć je łodkryli
Jak ło zimie latym śniyli
Staro Grecjo tyż je znała
I do Rzymu przekozała
Potym kropka - prawie nic
I to wcale niy jest wic

Marka Pola trza nom było
Z Chin sie zaś je przitaszczyło
Włochy we tym Renesansie
Jadły lody choby w transie
We Francyji je wcinali
Stond poszły w Europa dali
W Polsce to już saske czasy
Jak jymy lodowe masy
We historii to niywiela
Dyć radości z niymi tela.

[broneknotgeld]

Joch na urlopie dyszcza mioł dość
Bez tydziyń loło choby na złość
Wiater mi teroz tyż gwizdo w uchu
Już żech przijechoł - ciepło mi w duchu
Po prowdzie przeca tyż żech łodpoczon
Jutro w robocie zaś mie łoboczom.

[broneknotgeld]

Dyć jo sie richtig teroz fest ciesza
Że zaś tu z Wami trocha pogrzesza
Już mi wylazły rymy szpicate
Bo jeszcze w gowie dziołchy sagate
Gorść fraszek chyntnie bych wczoraj ciepoł
Ale mie synek po puklu klepoł

Łon dwa miesionce niy wloz na komputer
Teroz to dlo niego ważniejsze niż futer
Do końca wakacji niych sie tym nacieszy
Potym jo zaś zaczna ze tym wiyncyj grzeszyć.

[broneknotgeld]

Kajś nom te lato sie zapodzioło
Na dworze niy ma wcale wesoło
Zimno - do tego dyszczym durś czuć
Ktosik już woło - Pódź jesiyń pódź!
A przeca jeszcze słonka nom czeba
I błynkitnego nad nami nieba
Teroz we gowie mi lato babie
Skosioł bych trowa chycioł za grabie
Rano do lasu poszoł na grziby
A po połedniu skoczoł na ryby.

[broneknotgeld]

Babie lato

Już "babie lato" - to niy podpucha
Spadła ze drzewa złocisto grucha
Pełno i ciynżko jak cycek baby
W kerego wtulić sie pryndko trza by
Dzwignoł żech gruszka wbioł żech w nia zymby
Aż mi wyciykło niebo ze gymby.

[broneknotgeld]

Koniec lata

Lato sie kończy - jesiyń nom idzie
Co we ta pora ze nami bydzie?
Jeszcze nom słonko cieplutko świyci
Ło wczasach jakoś trocha sie klyci

Ale jak czowiek wejrzy po dworze
To widzi liście w inkszym kolorze
Jabka i gruszki ze drzew spodajom
Skuli tyj klary co w środku majom

Niy yno take som latoś plony
Nagrzone pełne jak piersi żony
Kere chop zowdy mo przeca w zocy
Bo to mu w życiy dodowo mocy.

[broneknotgeld]

Jeronie - Czamy we lato wdycki
Chodzom po gowie mi piykne cycki?

[broneknotgeld]

Ździybko mrozym noc przicisło
W śnie sie zaroz lato wcisło.

[broneknotgeld]

Zaś se musza szkryfnońć - było
Bo już prawie sie skończyło.

[broneknotgeld]

Z wrześniym kończy sie chnet lato
Było piykne? Co wy na to?

[luna-a]

Lato się jeszcze nie skończyło!
I tu dalej będzie i ciepło, i miło!
A ja pięknie proszę Bronka - Mistrza naszego,
by lato w rymach zatrzymał do roku następnego!

;b!

forum.gazeta.pl/forum/71,1.html?f=26289

[broneknotgeld]

Jak Luna tak gorko prosi
Richtig sie aże unosi!

[broneknotgeld]

Gorkość duszy latym zdo sie
Słonko z tym wysoko mo sie.

[luna-a]

Dla Ciebie także niespodzianka, wierzę, że teżwrzosu miła:

www.atlas-roslin.pl/gatunki/Calluna_vulgaris.htm

Aktyreme i barwę, i zapach wrzosu ciepłego słonkiem, na ekran wrzuciła.

;b!

forum.gazeta.pl/forum/72,2.html?f=26289&w=28451370&a=29103758

[broneknotgeld]

Dziynki

Chnetko prziwitom wrzosow polany
Tydziyń nad morzym bydzie mi dany.

[luna-a]

hi-hi
We Wrzosowiskach tam się spotkajmy
o morskich fallach powspominajmy...

;b!

[broneknotgeld]

Ano przida - czekoł byda
Boch niy tako aż łobrzida.

[broneknotgeld]

Lato pożegnane
Żol jakisik ścisko
Inksze czasy dane
Podzim z nami miyszko.

uWaga

[luna-a]

Bronek, uwaga.
W zodiaku Waga...

;b!

forum.gazeta.pl/forum/72,2.html?f=26289&w=28451370&a=29481485

Dyć zaś jest

[broneknotgeld]

Dyć zaś jest
-Radocha fest!

Lato... 14:26

[luna-a]

Więc jesteś Lato -
wielbię Cię za to!

[luna-a]

Noc najkrótsza a szaleństwa wciąż mało i mało.
Przesilenie letnie. Hej, Sobótko, Kupało!

tylko 2 tygodnie ..

[luna-a]

Lato wciąż moc swoją szaloną ma i niech wiecznie trwa,
choć kalendarz na labę daje jeszcze tylko tygodnie dwa.

[broneknotgeld]

Co jo ło tym pedzieć mom?
Miesionc w roku urlop mom.

[broneknotgeld]

Co z tym latym? Richtig "było"?
Tako se nom już skończyło?

... już tęsknię za ...

[luna-a]

Wiem, że też tęsknisz za gorączką, którą daje Lato.
Wiem, że za rok latem wrócisz. I kocham Cię za to.

[rita100]

Niestety juz jesień nadeszła
wilgoc , mgła do domów weszła

[luna-a]

rita100 napisała:

> Niestety juz jesień nadeszła
> wilgoc , mgła do domów weszła

To fakt, że Jesień w kalendarzu króluje,
ale Lato Słonkiem ostro jeszcze czadu daje!

[luna-a]

Dobroć Słonka ciepełkiem jest.
Ciepło to nie tylko Lata gest.

[broneknotgeld]

Toż trza chycić se za grabie
Na pociecha "lato babie".

[broneknotgeld]

Było lato - czy durś jest?
Tym se tropia teroz fest.

[rita100]

fest sia trapsie tysz
bo ciójgle leje dysz'cz

[broneknotgeld]

Ech - podobnoś ciyngym jest
Słonko grzeje dzisioj fest!

[broneknotgeld]

Dyć już leje!

"Babie lato" se skończyło?
Tako fraszce łodpłaciyło?

[waga.w]

Upojne noce letnie - koniec wakacji ,
teraz już nastał czas kalibracji ...

[azaheca]

Cebulki kwiatów się kalibruje
większe wybiera i zakopuje
wiosną w ogródku będzie raj
a zwłaszcza kiedy przyjdzie maj

[broneknotgeld]

A joch mioł już z tym mecyjo
Skond tu ta kalibracyjo.

[waga.w]

Szale Waga kalibruje ,
ponoć potem lepiej czuje ...

[broneknotgeld]

Czy trza fiesty
kaj "atesty"?

[ma_kimono]

Musicie mieć dużo mocy,
bo to kwiat jednej nocy.

[broneknotgeld]

Ech - wspominki lata take
Z wiekym jednak niy jednake.

[broneknotgeld]

Podzim słonkym blyszczy prawie
"Babie lato" na ty jawie.

[rita100]

A może tak bedzie do zimy
i wcale się nie ochłodzimy

[broneknotgeld]

Ano - oby
Piyknie szłoby.

[alice0553]

To marzenia ściętej głowy
w październiku, od połowy
pożegnamy złotą jesień
aura zimę nam przyniesie.

[broneknotgeld]

Potrzebne grabie
Jak lato babie.

[broneknotgeld]

Jako zaś nad morzym bydzie?
Co przez tydziyń mi tam przidzie?