Barborka

12.11.05, 08:59
Choć w Chorzowie gruby niy ma
Możno wciongnie Wos tyn tymat
forum.gazeta.pl/forum/72,2.html?f=34281&w=31701581
No, poezyjo tyż sie tu pokazuje, toż trza szkryfnońć cosik ło samy świynty,
miejscach kultu abo i łobchodach barborkowych, no i wysłać na tyn konkurs.
Może to być po ślonsku abo po polsku.
Zaproszom do udziału, bo to przeca tyż forumowo inicjatywa.
Szczyńść Boże
    • broneknotgeld Re: Barborka 16.11.05, 21:12
      "Barbarsko" historyjo

      Dzioło sie to wszysko w czasach Dioklecjana
      Kery gnymbioł srogo w Syrii krześcijana
      Mynczynnikow wtedy była aż za wiela
      Łobrodziyła niymi cołko rzymsko sztela

      Dyć dlo rzymianina modo krześcijanka
      Przeca kożdo była jako ta "barbarka"
      Jak fater był Dioskur - tako dioskurcyjo
      To musioł wyznować ichnio religijo

      Terozki z tym problym majom teologi
      Kaj wsadzić Barborka niy wiedzom niybogi
      Tych dziywic mynczonych było aż za wiela
      W kożdyj jest ta świynto - jo powiym tu tela

      Inksi łomiom gowy a mie to zochwyco
      Że we Niyj ukryte jest niyjedno lico
      W dodatku wygrała w końcu ta ideja
      A jo krześcijanin z radości sie śmieja.
    • broneknotgeld Re: Barborka 04.12.05, 11:47
      Do szoli

      Niych ci sie zowdy zgodzo rachunek
      I wiela zjedzie tako wyjedzie
      Życie zocniejsze niż tyn fedrynek
      Tyż familijo - łona na przedzie.
    • broneknotgeld Re: Barborka 05.11.06, 23:43
      Ech - zaś trza se tego chycić
      Jakeś wiersze ktoś uklyci?
    • broneknotgeld Re: Barborka 17.11.06, 18:40
      W ślonski godce być niy musi
      forum.gazeta.pl/forum/72,2.html?f=28940&w=31702301&a=52250700
      Mozno ktoś se szkryfnońć skusi.
    • broneknotgeld Re: Barborka 22.11.06, 22:01
      forum.gazeta.pl/forum/72,2.html?f=261&w=52650105&a=52650105
      • broneknotgeld Re: Barborka 26.11.06, 20:50
        Przi Barborce co szkryfniecie?
        forum.gazeta.pl/forum/72,2.html?f=28940&w=52905310
        Wontek na to powstoł przecie.
        • broneknotgeld Re: Barborka 28.11.06, 21:22
          "Pamiyntej synku"

          W chodniku kaś, jakby mocnij zagrzmiało
          Strach napion nerwy i zniywoloł ciało
          Głośno Wtoś zawył "Ratuj Matko Świynto"!
          Cicho i cima, wiyncyj niy pamiyntom

          Potym z oddali dochodzi wołanie
          Chyba idom ku mie, dej im siyły Panie!
          Dej mi Boże wytrwać, modla sie żarliwie
          Kamraty już blisko, żartujom o piwie

          Ślimtom tak jak bajtel; sztajger do mie woła,
          Nojpiyrw do szpitala, potym do kościoła!
          Starzikowe myśli po głowie sie tłukom,
          Kiedy nos pokrzepioł życiowom naukom...

          Synku, na grubie głymbij wierzyć trzeba
          Z dołu górnikom dalij jest do nieba.
          Synku, w kopalni śmierć jest niydaleko,
          Pamiyntej wdycki, niy wiysz, co cie czeko.

          autor; Krzysztof Kokot - laureat konkursu
          www.rudaslaska.pl/~media/strona/ruda.php?cnt=0&func=show&id=1381
          • broneknotgeld Re: Barborka 04.12.06, 20:46
            Ech - se szkryfna te Szczyńść Boże
            Niychej Łon nom dopomoże.
    • orgasmus Re: Barborka 10.12.06, 06:06
      N.B. = szalony ? genialny ?
      abo szalenie genialny ?

      Ale napewno niebanalny !

      Szanowny Panie Bronislawie:
      bydz sam nom willkommen.
Inne wątki na temat:
Pełna wersja