porady lekarske

[szwager_z_laband]

jak nojlepiyj po operacji stopy cwiczyc stopa/noga tak coby szuo
normalnie uazic?

na kole np idzie jezdzic bez bolo i normalnie, a uazic niy wincyj
jak godzina ino.

czi mocie sam jakes doswiadczynia?

[socer-schlesier]

Jak to sie godo -trening czyni mistrza.Jestys po operacji i noga boli ale za jakis czas powinno wszystko sie ulozyc.Moze bys jom musiol wzmocnic bandazym.

[ballest]

a e kerym miejscu cie dokladnie boli ?

[berncik]

szwager_z_laband napisał:

> jak nojlepiyj po operacji stopy cwiczyc stopa/noga tak coby szuo
> normalnie uazic?
>
> na kole np idzie jezdzic bez bolo i normalnie, a uazic niy wincyj
> jak godzina ino.
>
> czi mocie sam jakes doswiadczynia?
>

szwager po takej operacji to bydziesz czul mindestenc pou roku,a mozno jak przi
zmianie pogody caue zycie.Nie przeciazej tei nogi,
skuli gewichtu nie uas za duzo piechty.Jedz na kole i plywej,te plywanie je
nojlepsze albo wodno gimnastyka,we wodzie szanujesz gelänki,a ruch je.Moj Synek
tesz miou operowano kostka .Dopiero po roku mu wyciongli blachy i szroby.

[szwager_z_laband]

to je bol we kostce i piyncie jak wiyncyj jak godzina uaza i kuleja,
na kole ale niymom problymu

dziynki wom za podpowiedzi i interesa:)

we sroda ida juzas do szpitala to sie dowia co dalyj

[bonbon1]

Witom cie szwager. Jo sie w '94 w maju szuapa zuomou
(Mittelfußknochen). Tyz mi wszystko zeszrobowali, drotym powionzali,
a w sierpniu mi to juz wyciongli.
Jak zech juz umiou uazic to my pojechali na urlop i lekorz mi
pedziou, ze nojlepij to jest uazic po piosku i palcami od nogi
kizloki zbierac. I richtig, piyrszego pazdziernika zech zas dali
zacznou w "siata" grac.
Ale pogoda to zowdy wiym kedy sie zmienio ;)

Gute Besserung!!!

[szwager_z_laband]

Dziynki:)

a kedys zaczon(ile miesiyncy po operacji) lotac?!

[bonbon1]

po tyj piyrwszyj operacji to zech musiol pieronym dowac pozor,
bo mi niy dali gipsu, ino zech ta szuapa musiol bandazowac i z
krykami chodzic. Przez 6 tydni zech na ta noga wcale niy mog
nadepnonc, a po tym nojpiyrw 10 kilo, potym 20 ( musiouech noga
dowac na woga, coby to kontrolowac wiela to jest).
Po tyj drugi operacji to te kosci juz boly zrosniynte, ino mi te
droty powyciongali, i to zech juz probowol "na siola" uazic. Som
potym widzisz wiela umisz sczimac :)
Niecale 2 miesionce po tyj drugi operacji juzech normalnie lotou.
Problem ale w tym, ze czowiek jeszcze mody bou :(

[bratjakuba]

Życza zdrowio Szwager.
Jak bydziesz u dochtora to sie spytej o taki gummiband.To jest tako gumowo
szarfa na 1,5 metra długo i 10 -15 cm szyroko.Jest pora rodzajow
rożnioncych sie elastycznościom(Spannkraft) i kolorym.
To sie trzimie w obu rynkach za końce a ta szlajfa sie zakłodo na noga(stopa).
Cwiczy sie prostowanie stopy pod różnym napiyńciym w zależności jak mocno
naciongniesz rynkami.
Zginanie zaś na opak,ktoś musi ci trzimać i naciongać ta taśma w przedłużyniu nogi.
Idzie też poprzez zmiana napiyncia prawego abo lewego końca taśmy
cwiczyć zginanie i prostowanie pod rostomańtymi kontami i t.zw rotacje.
Jak bydziesz w szpitalu to zajdz na "Recha",tam Ci jako frelka pokoże jak to
idzie bo na pewno tam majom take taśmy.

[szwager_z_laband]

narazie robiouech ultraszale - trocha mi pomoguy

dostouech tysz take ekstra zrobione wkuadki do szczewikow, ale te
niy nosza couki czos bo pomagajom weug mie ino na krotko - wedug
moich doswiadczyn to dobrze je roz z nimi uazic a roz bez nich.

tam kaj mi kosc ciyli tam mi ale sie durch(jak godo lekorz) robi
zbiyro cos i durch to mom jeszcze spuchnione w tym miejscu(tako
bojla)