pou duszey pszerwie

[builder]

witom,

the builder,

[ballest]

Builder , witomy Cie bardzo!

[builder]

ballest napisał:

> Builder , witomy Cie bardzo!

no!,
iy tak mou byc`!,


danke!,

[ballest]

No ja, Builder, przeca my Slonsoki z tego slyniymy, ze my goscinne som!

[builder]

jo!,
mosz recht ino nie zapomnij uo interesach,

[sloneczko1]

Witej Builderku,jusz myślałach żeś całkiym w tyj Anglii sie stracioł

[builder]

jou zech boul na G. S`loonsku,

[sloneczko1]

tera rozumia,takżeś fajrowoł żeś niy mioł czasu na nic;)

[builder]

prowda,
aly mom satysfakcjo,

[betelka]

Halo

[ballest]

:) suepou grzbiet!

[sloneczko1]

to sie godo--smakowoł ,a ,że dużo mioł do smakowania to tak wyszło ;)

[betelka]

zyczcie chopowi, roz sie zyje potym sie straszy ;)

[sloneczko1]

no niy,jakie straszy?,a jak go żoneczka na diamynt przerobi to bydzie błyskou;)

[betelka]

sloneczko1 napisała:

> no niy,jakie straszy?,a jak go żoneczka na diamynt przerobi to bydzie
błyskou;)
>

roznie bywo, nigdy nie wiadomo :)

[sloneczko1]

Moja staro ciyngiym mi dziura w basisku borowała po jakiymu chopy durch słepiom
ta gorzoła. Kiejsik żech niy szczimoł. Kozołech ji sie zicnonć na zesliku,
zawrzić japa i dać pozor. No i zaconech ji to gynał tuplikowac choby nasz
kapelonek we tym miesioncu ze szperom na gorzoła. Bo to je baji tak:
Som roztomajte zorty łożyrokow i możno jejich wszyjskich niy byda poradzioł
zrachować – bo mie tyż już ta sklerołza dopadła – nale byda to, podwiyl jeżech
jesce trzyźwy, pomaluśku skłodać.

Gorole pijom skuli upadowy. Przeca wszyjsko u nich je na szago i bali na
jakisik berdze możno ukiołznońć, łobalić sie abo i szłapa połomać. To ci już
lepszij cosik przodzij szluknońć dlo wogi.

Kaszuby duldajom beztoż, iże wszandy majom wilgło. Łod morza jejim ciongnie to
i we chyrtoniu tyż ci ta wilgłość trza chycić – no to Kaszub musi luchnońć
chocia jedna laga.

Kurpie chlapiom ino ze strachu, naobkoło lasy, roztomajte bezkurcyje po nich
tyrajom to dlo łopowogi możno decko wytintać.

Ruskie tutajom zgwoli zimna. Mojigo starego kiej ruskie wziynli we śtyrdziestym
piyrszym, to sie dziepiyro tak richtik łogrzoł tak kole śtyrdziystego
łosmego .. pieronie, przijechoł nazod do dom taki nagrzony, że .. dejcie pozor!

Chechy muszom wyżrić skiż tego, iże majom telkich somsiodow jak my. Chocia
terozki to chnet cołko jejich gorzoła wandruje na puklach tych, co to jejicj
mrowcoma mianujom, zołwizoł do Polski.

Niymcy to sie nabzdryngolom bo ... no, jak by wom to wyeklerowć ? Widzieliście
Niymca, wiycie jak taki pieron wyglondo ? No, taki Niymiec rano sie łocuci,
wlezie do haźlika, wejrzi sie we zdrzadło i kiej łoboczy w niym takigo szwoba
to ... zarozki ze cyjntla abo halba musi hornońć.

Angliki tintajom zgwoli tego ciyngłygo ćmoka – jak sie szluknom to choby im sie
fakla zapoloła pod deklym.

Japońcyki to ci słepiom z neca abo cosik wele tego, jakiesik zaki, sake abo
inksze diosectwo.

Indianery to tak ci na isto niy wiym po jakiymu łoni muszom bzdryngolić nale
bezmać coby jejim niy zbladła ta cerwiono fresa.

Chińcyki chlapajom coby zapić te roztomajte robole, glizdy i take tam co łoni
żerom, kiere bez gorzoły niy przecisnom sie bez chyrtoń.

Poznanioki słepiom tyz richtik fest, nale ... kiej jejim ino fto postawi.

Szwiece, te łod kopyta, chlejom, bo niy poradzom sie doczkać pyndziałku. A we
pyndziałek, to łoni majom te słepanie naszkryflane we „konstytucyji”, pra?

Kawalery zasik to tintajom skuli samotności. Mamulki zawdy jejim godali coby
przed śnikiym trzimali grace na pierzinie, to co majom robić ? Uszom sie
ciornońć.

Wojoki ze tego, iże im sie ciyngium ckni. Przeca sami wiycie, iże we kasarni
jedyne co jesce szczylo to ... fropy łod flaszek.

Te co durch pontujom (no, te pielgrzimiorze) to tutajom bo ... po prowdzie niy
wiym czamu, nale somech widzioł łońskigo roku pieronym dupny wypadek kole
Czynstochowy. Boło ci to „czołowe” praskniyńcie dwioch pielgrzime !

Żyniate te to ci na zicher wiedzom skuli cego muszom, padom, muszom cosik
wyżrić .... te, synek, ty sie niu lachej. Kiej ty sie tyż łożynisz to chnet
spomiarkujesz czamu chopy durch słepiom.

No, tak cie gowkuja, iże moja Haźbiytka tyż to spokopioła i do mi już terozki
pokoj, i niy bydzie mie szterować kiej przińda ździebko dzisioj ścioprany.
Pra ?

Ojgyn z Pniokow

[socer-schlesier]

A więc wszystko jasne, dlaczego "der Teufel chat der sznaps gemacht"