hanys_hans 10.10.08, 19:01 Na may stacji w wiosce Poroonin, Gdy pocioong stanoou wśrood zgrzitu szyn, Wysiod z wagoonu ojciec, a po nim Raźno wyskoczyu na peroon syn. Odpowiedz Link Obserwuj wątek Podgląd Opublikuj
szwager_z_laband Re: Eka poezji 10.10.08, 19:58 Lynin sie lyniou we Poroninie A Wasilewsko praua mu gacie Dzierzynski siedziou se na kominie A Bierut bojki rozprawiou w chacie Suawne Poloki i suawne Rusy Czerwone nosy majom gieroje Ino we izbie wonio szfajfusym To se seblykli zoki Gorole! Odpowiedz Link
hanys_hans Re: Eka poezji 11.10.08, 09:12 Cza byc pieroonowym pajacym Coby Lynina lizac´ po glacy Lynin na Kubie mo powarzanie Zrobiyli sniego sroge lizanie Tam idzie kupic´ lizoki cola Z tego starego uysego gorola Odpowiedz Link
rita100 Re: Eka poezji 02.11.08, 10:28 strzybrzysto ? Co oznacza to słowo ? W słowniczku jest tylko strzymp - drań strzybrzysto ? może srebrzysto ? Odpowiedz Link
rita100 Re: Eka poezji 02.11.08, 10:36 dladzego srebro, skoro jest miesiónczek złoty ? Odpowiedz Link
rita100 Re: Eka poezji 02.11.08, 10:46 Piękny wiersz, musze sobie go przetłumaczyć na warnijski i śpiki mamy jednakowe w gwarze :) Odpowiedz Link
annak12 Re: Eka poezji 02.11.08, 17:17 "Spacer jesiynny w lesie Spadajonce liscie w róznych barwach i Ona jak anioł.... tulyła sie do mie a jo.. za ronczka jom sciskoł z takom mocom jakby najcudowniejszy skarb nie uszkodzić.. Jej kuska...to posmak nieba Ludzie biegnoncy po scieżce, jakby za mgłom widoczni,maluczcy Babi lato prawie niewidoczne.. i jej włosy wiatrym smagane . A my razym... pochłonynci zapachami jesiyni czy tak na zawsze? Pszaja ij i ona o tym wiy.. Ale czy czeko na wiyncyj???" forum.gazeta.pl/forum/72,2.html?f=49353&w=79857120&a=85441474 Odpowiedz Link
rita100 Re: Eka poezji 02.11.08, 18:47 Slonski romantyzm cało gymbo, jak to się godo. Poezja slonska fejn stoi. Gratuluje :) Odpowiedz Link
hanys_hans Re: Eka poezji 04.11.08, 23:37 Roz łosprawiały se trzy kumoszki jake do pranio używać proszki do wybielanio jake loć płyny jakim szamponym zmywać czupryny czym ciało czorne w kompaniu mydlić jaki cie napój gibko uskrzydli a kedy łeb cie mocno rozboli kero panadol lub apap woli. Godała Erna, suchejcie panie jo to w bonuksie piera durś pranie ałe łostatnio idzie łon na psy bo czorne w hołzach łostowio kapsy a jak ci bajtle goniom po hołdzie ręcznie dopiyrom te kapsy w sołdzie. Na to pedziała Ernie Elwira wszystkie te proszki to szajs i szmira po wybielaczach prujom się nici i fleki biołe robiom na rzici, a jak sie myja wosy w szamponach to łupież leci na jedna strona. Cila zaczynła radzić Elwirze niy pier cycchaltra czasym w wizirze bo chop z kamerom łazi łoklany żeby sfilmować lajbik wyprany, jak mu pokożesz to kurde mole bydom sie chichrać w Polsce gorole. Kedy na dworze maras i chlapa nojlepszym proszkiem jest proszek apap, łeb cie niy boli jak stary buczy niy mo kalorii przez co niy tuczy jak sie rozluźnisz możesz pohulać z Johny Łokerym wypić red-bulla. dodo ci skrzydeł, bydziesz chichrała dostaniesz ipi, kuku i ała, bo tyn Jaś gupi ogupio damy bardzi niż proszkow wszystkich reklamy. Odpowiedz Link
hanys_hans Re: Eka poezji 05.11.08, 06:19 Dowiedzioł żech sie dzisiej w nocy, że szczynści mie wielki spotko i skończom sie moji kłopoty, boch wygroł w Toto-Lotka. Nareszcie se życi zmiynia, robić wiyncyj niy musza, objada dokoła ziymia, z rana, zaroz, wyrusza. Pojada na Karaiby, zapomnia o polityce, i łowił byda ryby, w czystej i ciepłej rzyce. Na plażach piykne modelki pod palmami sie opolajom, a uśmiychnyte kelnerki, zimne piwo podajom. Jo pod palmom tyż leża, oczami krynca naokoło, i som sobie niy wierza: ta z prawej opalo sie goło. Czego mi wiyncy trzeba, piwo, plaża, kobiyty i chyc leje sie z nieba. Jo oszaleja. O rety. To wcale niy som żarty, za chwila dostana bzika, ze szczynścio żech je ożarty.... A tu głos słychać budzika. Nie warto sie w życiu łudzić i liczyć na wygrano, trza sie poprostu obudzić i do roboty iś rano. Odpowiedz Link
hanys_hans Re: Eka poezji 05.11.08, 21:44 Ciufcia na podstawie J. Tuwima (- Lokomotywa) Stoji se ciufcia dupno jak szrank Stoji na glajzach, czorno jest blank Czorno spocoono jak boot na szlapje Uoolyj i szmyra z bokoow ji kapje Stoji i dyho, dyho i dmuho Hajcoong ji z basa jak z pjeca buho Juz se uod cuga baniok telepje We ciufci byglajter woongel w pjec ciepje Trzimje uopata jak s'wider borkopf Uch jak sam gorko Puf jak sam gorko Juz woda w kotle buczy, wrze, bulko I para ujs'cio z kotla juz szuko I coroz wjynkszy robi se druk Za chwila w rajza pudzie nasz cug Wagoonoow we ciufci dokuplowali Co je przysuali wprost z magistrali Peuno absurdoow w korzdym wagoonie A w jednym s'winie we drugym waukoonie A we trzecim siedzoom wyrsze banioki Siedzoom i jedzoom tuste krupnioki We szczwortym wagoonie za toom gadzinoom Pjers' po uordery powjat wypino Wuadza dobrze wjernych nagrodzo Dzieli i rzoondzi, na zice sadzo Tymu posadka, tamtymu uata Tego na bufor, tego za krata A pjoonty wagoon capi jak zoki Bo w niym rajzujoom same kurzoki Duldajoom browar, c'mjoom cygarety We szoostym zas same suoodke maszkety We tytkach boomboony i boombooniyry We sioodmym zas' stojoom sztyry klawjyry W uoosmym wagoonie same gorole Co przijechali na S'loonsk na kole Co przijechali na banhoow w pjyn'ciu Arze im roouka pynkua na zgjyn'ciu I tak sfurgnyli do cuga ptice Rze we nim uobsiedli nojlepsze zice Jedyn se wkupjoou drugi se wrzynioou I tak se gorol u nos rozplynioou Dzisioj gorole rzoondzoom juz wszyn'dzie W cugu, w robocie i we urzyn'dzie Dziewjoonty wagoon mo z pancra paka Bo we nym przewozoom szrank lod Lesiaka A we ddiesioontym same belery Spiski, agynty i seks afery A we coukim cugu gro melodyja Uojca Rydzyka z radja maryja Odpowiedz Link
rita100 Re: Eka poezji 05.11.08, 22:32 Hanys, już nieaktualny wiersz, bo zmiany przyszły, teraz cudomania choć nie gro juz radyjo maryja. Odpowiedz Link
annak12 Re: Eka poezji 12.11.08, 13:04 Wiktor Bugla Po naszymu Godoł starzik, godoł ojciec, jo też godom tak jak oni, by se czasym, jak je brynclich choć po cichu zapieronić. Ślonskom gwarom nasza mowa nazywajom profesory, ta śpiywano, rozprowiano przi hanysku we wieczory. Strachy, klachy, bery bojki I pieśniczki roztomańte ... Czasym skrzipki świyrgolyły, jak w kolybce jakiś bajtel. Były wice Kocyndrowe, Ligoniowe w radyjoku i szkat grany przy karbidce w ciepłej kuchni za cimoka Starzik fajfka fest pociongoł reszta skrynty zakurzyła i za chwila już woniało, jakby hołda w izbie była Czas odmiynioł naszej ziymi pory roku, kalyndorze, no i było roztomańcie, czsym lepij, czasym gorzyj. Wieczorami my rzykali po naszymu jak fto umioł i dom głowa, że Pon Boczek ślonsko mowa tyż rozumioł _________________ Odpowiedz Link
annak12 Re: Eka poezji 12.11.08, 14:24 S’wionteczne rzykanie do tego kery jest uo zdrowie do nos couej famili uo maszketne petrzenie na s’wiat kerego tak nom brakuje i taki tyrz humor coby nos broniou przed s’lepotom naszom i bier nasze zamotlanie uod gupot kere som jak diobou co nos tonko w ciaplycie i rzeby dali my pokooj kamratom co to skulali się po judaszowe srebrniki bo korzdy jest dobry czy tego kce czy niy i wiary dej w nos samych bo ritich grajfki u nos moc kero tak tracymy jakby my byli roombniynci i umyj nos z tego całego klajstru kerym my się uoblepili rzeby my uoboczyli irz kalno szyba przez kero nos widzom jest czysto jak na uodpust a pycha co to siedzi nom na gowie niech mo pouomane gnaty roz na zawsze i wara jej uod warg naszych kere niech som ino do kusikoow i jeszcze ino wybrus’ nasz talynt patrzynia na wszystke gryfne rzeczy kere som tukej i kere som tam irzby uone ciongnyuy nos do roboty kero jest jak krystus co to wstou z grobu i bydz’ naszym pasterzem i ny uostawiej nos jak zawsze to robisz kedy proszymy tu przetuplikowane:) Świąteczna modlitwa do tego który jest o zdrowie dla nas rodziny człowieczej o pogodne spojrzenie na rzeczywistość którego tak nam często brakuje i humor radosny jako oręż do walki z głupotą i ślepotą serca naszego i weź zapamiętanie nasze niepotrzebne oraz spętanie do rzeczy nieistotnych które niewoli nas i karli a daj pobłażanie do czynów niegodnych przyjaciół naszych bo każdy jest dobry choć w tym całym zamieszaniu już nawet w to nie wierzy i właśnie wiary daj w siły nasze bo w rzeczy samej moc do pomnażania talentów dałeś nam zaiste wielką którą z dziwną beztroską trwonimy jakbyśmy nierozumni i obmyj nas z brudu i kurzu abyśmy zobaczyli naszą czystość a podstępną pychę ukrytą niczym cień zabierz od nas połam jej kości aby nigdy już nie wstała i nie kleiła się do naszych ust na które niech tylko spływają pocałunki miłości i jeszcze tylko wyostrz nasz dar obserwacji na otaczające nas piękno bo piękno jest na to aby zachwycało do pracy praca by się zmartwychwstało i prowadź nas i nie opuszczaj i bądź na wyciągnięcie ręki jak zawsze to robisz gdy o to prosimy s'wiontecznie i po s'lonsku - Krystian Gałuszka Odpowiedz Link
broneknotgeld Re: Eka poezji 13.11.08, 13:42 Barbórkowy konkurs poetycki ============================= Z dniem 12.XI.2008 roku tygodnik "Wiadomości Rudzkie" ogłosił IV edycję poetyckiego konkursu barbórkowego. Niepublikowany dotąd na papierze wiersz o św. Barbarze, jej kulcie lub tradycjach górniczych związanych z patronką tego zawodu i miasta Ruda Śląska należy przesłać na adres tygodnika do 15 grudnia tego roku. "Wiadomości Rudzkie" ul. Niedurnego 36 41-709 Ruda Śląska Wiersz może być napisany po polsku lub śląsku. Autor proszony jest o podanie swojego adresu, wieku i sposobu kontaktowania się. Za najlepszy wiersz przewidziana jest nagroda w postaci figurki św. Barbary, wykonanej w węglu (ufundowanej przez ZZRG przy KWK "Pokój").Przyznane zostaną też cztery wyróżnienia. Nagrodzone wiersze "Wiadomości Rudzkie" opublikują na swoich łamach. Uroczyste ogłoszenie wyników konkursu i wręczenie nagród nastąpi w styczniu na terenie Rudy Śląskiej. Bliższych informacji udziela redakcja tygodnika: nr tel. 032 2486097 Odpowiedz Link
bratjakuba Re: Eka poezji 15.11.08, 22:35 Z historie Glywic(z przimrużyniym oka) Ze wierzy zomku Cetteritcz Grof Welczek po łacinie Zawoloł:Kompanijo ćwicz! Stować sam na dziedzinie. Obudzioł sie grofofski dwor, Ślatuje sie rycyrstwo, A kożdy mocny choby tur, Kożdy mo gymba czyrstwo. A grof ze nerwow miyrzwi fons, Już trombiom w rog szpecjalny, Pyto sie: -Czy jyż wszyjscy som? Niech sprowdzi personalny. A kiej sprowdzono ungefer, Rzek głosym zatroskanym: Nojstarszo z moich wszyckich cer Dojzdrzała dziś nad ranym. Toż sie na zomku zrobioł szum, Larm,wrzaski choby w szynku -Kogo dojzdrzała? - szeptoł tłum. Dojzdrzała do ożynku! PS.jak wom sie spodobo to bydzie cd Odpowiedz Link
hanys_hans Re: Eka poezji 15.11.08, 22:50 bratjakuba napisał: > Z historie Glywic(z przimrużyniym oka) > > Ze wierzy zomku Cetteritcz > Grof Welczek po łacinie > Zawoloł:Kompanijo ćwicz! > Stować..... > > PS.jak wom sie spodobo to bydzie cd Mie sie podobo, czekoom na cd Odpowiedz Link
szwager_z_laband Re: Eka poezji 16.11.08, 08:39 "Hanns von Czettritz in der Ehe mit einer von Glaubitz lebte . Die von Glaubitz gehören zum Geschlecht der Seidlitz." Odpowiedz Link
szwager_z_laband Re: Eka poezji 16.11.08, 08:43 Dietz von Czettritz um 1230 Aus Böhmen nach Schlesien eingewandert. Er lebte am Hofe von Herzog Heinrich dem Frommen zu Liegnitz. ______________________________I_______________________________ I I Hanns von Czettritz Conrad von Czettritz Verh. mit N. von Glaubitz Begleiter von Herzogin Hedwig I nach Wahlstatt. Ohne Erben verstorben I______________________________________________________________ I I I Caspar Georg Hans von Czettritz Diente am Hof von Kaiser Erbte die Güter Conrads Jüngster der drei Brüder, lebte Rudolf von Habsburg im Glogauischen um 1284. Verheiratet mit N. v. Mutschelitz ________________________________I_________ I I Heinrich von Czettritz Hedwig Erbherr auf Seichau im Liegnitzischen. Verh. um 1290 mit Er lebte um 1329, verh. mit N. v. Kreckwitz N. v. Gersdorf _______________________________________I_____________________________ ___________ I I I I Anna Georg von Czettritz Ladislaus Balthasar Auf Seichau und Bolkenhayn (1384) bereits in jungen Hielt sich 1389 am Hof Verheiratet mit N. v. Zirn / Jahren 1338 verstorben. von König Wenzel auf (nach anderen von Tschirnhaus) ___________I_________________________________ I I Herrmann von Czettritz Siegmund von Czettritz Im Zedler wird fälschlich als erster Besitzer von Herr auf Bolkenhain Schwarzwaldau (welches damals die Veste verheiratet mit N. v. Schweinitz Liebenau geheissen), Conradiswalde und Gablau a.d. Hause Seiffersdorf bezeichnet. Es wird auf einen Lehnsbrief vom Beide sind auf Bolkenhain begraben. 24.11.1369, erteilt durch Herzogin Agnes, verwiesen. Hermann von Czettritz fällt 1372 in Ostpreußen. Er ist auf der Marienburg begraben. Anschluß unten ! _____________________________________________________________________ __________ I I I I Sigismund Ulrich George Marie Herr auf Bolkenhain Nach Zedler erbte er fälschlich die Fiel unter König Ledig verst. 1402 verstorben Hermann von Czettritz (links oben) Sigismund 1396 zugeschriebenen Besitzungen in Ungarn in der Schwarzwalde,Conradswalde und Schlacht gegen die Conradswalde und Gablau Türken Verh.mit N. v. Schafffgotsch a.d. Hause Fischbach ______________I_____________ I I Barbara Georg (Anschluß siehe oben !) Hermann von Czettritz I Werner von Czettritz < Brüder > Hermann von Czettritz Geistlicher in Jauer / (13) Ritter / Sohn des 1372 Gefallenen Burggraf von Nimptsch, (LB. C / 897 / 1374 :Hofrichter) später Hofmeister der Herzogin Agnes. 1385 (25) Er kauft 1379 (Urkunde vom 24.11.1379) die Veste Conradiswalde mit den Dörfern Conradiswalde und Liebenau (26) / Regest D / 1 / 1379) oo Elisabeth (Ilse) von Bolcze (1) Anl. III / Seite 3 _________________________________________________I___________________ _______________ I I I I I I I Heinrich Georg Conrad Agnes Katherina Eneda Anna (2) (3) (4) (5) (6) (7) (8) I_____________ I_____________ I I I I Hermann Friedrich Albrecht Cuncze (9) (10) (11) (12) I____________ I I Georg Hanns (13) (14) Odpowiedz Link
szwager_z_laband ps 16.11.08, 08:46 www.boehm-chronik.com/geschichteschwarzwaldau/SchAnl3.pdf Odpowiedz Link
bratjakuba Re: Eka poezji 16.11.08, 09:37 Za jeji chopa bydzie mog, Miynić sie w sposob hardy, Kto napnie tyn prastary łuk Dziwejcie sie,jaki twardy! Już kieryś dzwigo krzepko dłoń Wierzync,że cyl osiongnie, Biere ta zabytkowo broń, Zapiyro sie i ciongnie. Nogle sie rozlyg głośny trzask... Ludzie wołajom "hurra" A rycyrz podniys głosny wrzask: - Juje.....Szczelyła mu ruptura. Zarozki drugi wskoczoł w szrank, Naciongnie kabłonk zaroz ? Dyrgoce cały...stynknoł...bang I szlag go trefiył naroz! A grof we gonku blady stoł, Dzierży go dwoch mizernych, A trup sie po marszplacu słoł Choby w sztyrech pancernych Odpowiedz Link
bratjakuba Re: Eka poezji 16.11.08, 09:40 Mieli już kryncić serial styp, Jak wstompioł miyndzy pale Chyrlawy i kudłaty gnyp Niejaki Wieprzik Walek! Odłożoł chlyb co prawie jod Odchrzonknuł,brzucho wciognuł A kabłonk gracom chycioł w poł I ...bzdynk..już go naciongnuł!!! Po tym odgyrcnuł,dojod chlyb Poszkroboł sie po d...e Piykno grofinio wzion za łeb Śniom zatrzas sie w chałupie!! Welczek o mury głowom bioł I głośno biadoł z płaczym: Ktoż wiedzioł,co tyn Walek boł?? Aż takim naciongaczym? Happy end. Zarozki po weselu wczas minyły wszystke troski, A ciura Walek Wieprzik nasz, Je Freiherr Wieprzikowski !! Odpowiedz Link
szwager_z_laband Re: Eka poezji 16.11.08, 10:21 ja, ale poczekej jak bydzie o tyj cerze! Odpowiedz Link
hanys_hans Re: Eka poezji 16.11.08, 10:30 Wolisz se polotac gryfno dziolszko Po jakimu niy zy mnom za tela Niymach przeca tym lostatnim gizdym No co ? - dosz mi kuskow wiela Byda na klopsztandze wisiol dlo Cia Na lobyrtka colko bozo niydziela Niy zjym z maslym twojij zymly I smiol sie zas hrubo jak bela niy byda tysz larma robiol Przed twojom chalpom Hela Jak z szynku byda se wracol Jednak az do noszego wesela Ze "Echo Sloonska" Odpowiedz Link
hanys_hans Re: Eka poezji 16.11.08, 10:40 Ale zabawa. Jedna „baba” pewnyj „pani” Napraskała fest po bani Na zabawie roz to boło Ło Bercika to chodzioło Choć z Bercika konda boł Ale z kożdom dobrze żoł Karlus gryfny wdyc wesoły Frelki sie do niego „śmioły” Wiync ta „baba” usłyszała Co ta „pani” powiedziała: „Jestem bardzo wykształconą Dyrektora jestem żoną Ten wasz Bercik dobrze tańczy Niechaj mnie w ramionach niańczy Wielki zaszczyt dla prostaka Uszczęśliwię tym biedaka A wy głupie proste baby Nie zepsujcie mi zabawy” Co myślała sie łoszpeta „Wykształcona” ta kobieta Wszyscy srogo sie wnerwiyli Do tyj „pani” prziskoczyli Srogo wszystkich łobrazioła Ale dugo tam niy boła Bo kiej Hyjdla jom dorwała Pychol sprała - wyciepała Potym wszyscy w zgodzie byli I z Bercikym sie bawiyli. Ze "NK" Odpowiedz Link
bratjakuba Re: Eka poezji 16.11.08, 17:29 Jak to było z tom Wandom? Jedna Wanda cera Kraka Nie chciała chopa Polaka Przikwanckoł sie jedyn Helmut Przinios szatka,woszt i wermut, Puket,dwie gomołki kozie. Jak to wteda było w modzie. Tyn Krak ich pobłogosławioł I w szlafsztubie ich ostawioł, Toż tak choby on zezwolył Co by karlus jom zniewolył Ledwie sie dwiyrza zatrzasły- Straszne dziwy tamok zaszły, Bo tyn borok był z nad Renu Czy z inkszego RFN-u Pooglondoł sie niesmiało, Doł ji kawa i kakao. Poczym nogle hop..do gory Wystawioł Zagłymbie Ruhry... Wanda w wrzask,że to je nalot, A on na nia fuk.-.bez galot Tak ich pokrynciyły zmysły, Że społym wpadli do Wisły. Taraz Ballest słusznie twierdzi: To boł Wandal! Bo do dzisia Wisła śmierdzi! Odpowiedz Link
szwager_z_laband Re: Eka poezji 16.11.08, 17:51 Czi Wandale i Silingi Byli w miescie swiyntyj Kingi? Tego dzisiej juz niywiymy, Fakty inksze stojom w siyni. Bou Benedykt roz Papiyzym Co poswiynciou Kinga krzizym Od z tych czasow pod Tarnowym, Starym Sonczym no i ...Nowym, Czynsto trefisz i Silinga Co se stamtond wybrou "Kinga";) Kto sam niywiy o czym godom Niych mie kopnie w kostka nogom:)))) A w Krakowie tysz Wandale Wybiyrajom dziouchy w chwale. Potym kludzom je daleko. Kaj juz Slonzok na nie czeko. Wiyncyj godac juz niy musza Bo Ballesta sam udusza. Na tym koniec je legyndy Co na wszyskich biere wzglyny ... Odpowiedz Link
rita100 Re: Eka poezji 17.11.08, 19:55 To takie wiersze ze smaczkiem, jak jedzenie winogron bez wypluwania pestek ;) hehe Odpowiedz Link
bratjakuba Re: Eka poezji 17.11.08, 23:05 "Piykny" tystamynt dlo slonskigo chopa. Pisało sie tysionc dwiesta a siedymdziesionty Ksiynzoszek Pieter opat Henrykowa, Na pergamyncie wystrziganym w sztworokonty Piyrszy rouz w swiecie szkryfnoł slonske słowa. Noleży sie "Bog zapłać",wdziynczność,wieczno chwała, Yny czamuś ksiynżouszku na kroniki strony Wciepnoł niemrawo godka siedloka Bogwała, Kiery jak ciucmok siedzioł pod papuczym żony, I słyszync jak ta szlampa sie przi żarnach tłucze, Zgrzito i wajo,że larmo aż uszy rozrywo Godo ku tej lampucrze:Daj ut ia pobrusa - (dej jo to pomiela)- a ti poziwaj(a niech odpoczywo) Dyć nie musioł ji tego godac aż dwa razy, Spodobało sie babie ,że chop z nia tyro, Ledwie rzeknoł te słowa do onej zarazy, Ta - du..om sie obrociyła i fukła we wyro... Bez to z prziczyny Bogwała - ciymiyngi I za sprawom opata,kiery jego klynski Wrazioł tak lekomyślnie do te zocne ksiyngi, Przegrany je na Ślonsku na wieki rod mynski. Weżmy na przimo take Francje,Holandie czy Danie, Som to kraje bogate, w kultura,uczucie: Baby noszom tam chopu do łożka śniodanie, Kabot mu podowajom,fajfka i papucze. A u nos?Eli w Niymcach,-na Ślonsku..Przeca wy to znocie Dziyń cołki we werku czy inszej robocie tyrajonc. A potym mocie relaks, - talyrze zmywocie Abo też i dyliny... Ech! Ksiynżouszku opacie, Aleście nabutlowoł jak ożraty zajonc! Odpowiedz Link
szwager_z_laband Re: Eka poezji 18.11.08, 15:41 To ino jedna ze mocki slonskich spraw Kero se Poloki do swoich ukrodli praw Niy ino piyrsze literki my im dali Niy ino za nich piyrszy roz szkryflali My im i odnich Bogurodzica szynkili A oni ochydnie nom sie odpodziynk'li .... Odpowiedz Link
annak12 Re: Eka poezji 18.11.08, 15:56 Widzicie sami,piyrwy to byli chłopy dzisiej to s niymi same utropy. Jest i rano do łożka śniodanie kej go chycom z inszom na sianie Som tysz pukety z kwiotków somsiadki,przy tymu kusiole wpiyrw pieron łożarty ostoł przy stole. A jake to som troskliwe? no,no,no łoszkliwe! Wybrali my se roz na torg cołkom cestom marudzioł moj Jorg. Drap zapełnioły se tasze sztyry kożdymu po jednyj do gyry. Te ciyzsze dałach mu, sioły mo,dyć zjy za dwu. Toż tak idymy,se rozprawiomy tu nogle-z taszami se zamieniomy! duszko moja,aż od hyngli mosz slady, całuje ronczki,eh te jego maskarady! I tyn uśmiech szelmowski,przy tymu bajer A to"dużo czynić,mani godać"kaj je? :)))) Odpowiedz Link
szwager_z_laband Re: Eka poezji 18.11.08, 16:14 Juz sie baby sam spiknouy, A ku tymu rozbestwiouy. Chop juz godac niymo co? Na rozkazy "wista!", "wio!!" Mo zawarto czimac gymba? Jak mu baba do komynda?? Jo to smola taki terror! i pszciskom tasta ERROR. ;) Odpowiedz Link
rita100 Re: Eka poezji 18.11.08, 20:48 Uuu, Braciejakubie, żol ściska serce z tygo tystamenta biednego siedloka Bogwała. Chcesz tyju ? We antryju na byfyju stoji szolka tyju Kucha zara przyniose i papucie Ci nałoże ;) Klapnij se w fotelu i czuj sie jak w motelu. Jo ci pośpiewam piyśniczki do tyj smutnej muzyczki. Loto Brakjakub z wiyrchu na dół, jak kot z pacharzyną, a żoneczka, jak laleczka, leży pod pierzyną. Hop siup ... Aż się zmierzło Jakubowi, zrobił w domu chaja, toż żoneczka hyc z łóżeczka już mężusiu wstaja. Hop siup ... Kto chce chłopa uspokoić, musi wiedzieć, co z nim zrobić, kupić mu we flaszce i dawać mu po troszce ;) O tym juz ksiejżulek nie pisze w swojej kronice. Odpowiedz Link
broneknotgeld Re: Eka poezji 16.11.08, 21:03 Sowizdrzoła Konkurs Fraszki Ślonski =================================== Sława Sowizdrzoła na Ślonsku niy mijo Konkursowi fraszki istny patronuje Nabrojić poradzi - dyć niy tragedyjo Ze szpasu sie czowiek tyż przeca raduje. Regulamin konkursu ---------------- Odpowiedz Link
broneknotgeld Re: Eka poezji 18.11.08, 22:13 Rita, myśla że udo sie to przeprowadzić wszysko na nojwiynkszym ślonskim forum we portalu "nasza-klasa". Tu mosz adres nasza-klasa.pl/forum/17/977 Sama przeca tyż możesz zagłosować. Pozdrowiom ze stolicy ślonski fraszki. Odpowiedz Link
rita100 Re: Eka poezji 18.11.08, 22:43 Nie zaglądam już do naszej klasy, bo tez nie wszystko chciałabym przenieś do naszej klasy, przede wszystkim ze względu na całe moje realne środowisko. Ale o zwycięstwie możesz nas tu poinformować. Odpowiedz Link
annak12 Re: 19.11.08, 12:54 rita100 napisała: > Nie zaglądam już do naszej klasy myslam,co tu wiyncy takich je:) Odpowiedz Link
broneknotgeld Re: 19.11.08, 16:28 No dyć Anko, Ty byś prawie mogła swoje fraszki przisłać. Bydom druknione i wystawione na głosowanie pod anonimowym pseudonimym. Toż rachuja na Ciebie. Odpowiedz Link
rita100 Re: 19.11.08, 22:04 N-k to n-k i tyle to wielkie społeczeństwo :) za wielkie jak dla mnie Odpowiedz Link
broneknotgeld Re: 19.11.08, 23:31 Hehe - Rita, jo niy narzekom nasza-klasa.pl/profile/3565481 Odpowiedz Link
broneknotgeld Re: Eka poezji 19.11.08, 16:25 Kajsik zima se już budzi Przeca rymow niy wystudzi Choć by prziszło przi ty środzie Kloźdać z niymi i po lodzie. Odpowiedz Link
