+ Aleksander Lewandowski +

[broneknotgeld]

Aleksander Lewandowski
Łęgów wele Pruszcza Gdańskiego

Fyrma "Agrol" futrym stoji tako na Pomorzu
Znano była już łod downa tukej gołymbiorzom
Toż se wcale niy dziwejcie - zjechoł do Chorzowa
Gyszeft zdo sie bardzi kryńcić - we tym jego gowa
Dyć terozki go niy szukej już miyndzy żywymi
Furgnoł w Niebo richtig drapko - tela ło tym wiymy.

[broneknotgeld]

Gołomb

Gołomb znakym jest pokoju
Tako łonym i Duch Świynty
Mom se tropić fraszkom mojom
W kery słabość "ludzki piynty"?

Lepi być ze gołymbiami
Gowa w gora durś mi skoko
Łone życio aniołami
Niych furgajom se wysoko

Dyć je widać nad Chorzowym
Trza ze duszy swoji paczeć
Tela dzisioj yno powiym
Wrona coś zowistnie kracze

Skond straszydło se tu wziyło?
Dziub mo jak łod śmiertki kosa
Ano jest jako i było
Choć gołymbia w sercu nosza.

[broneknotgeld]

Ech - rocznica drapko idzie
Pamiyńć niych we ludziach bydzie.