Ta naszo godka

[kornelek1948]

ślonzok, a nierozki ślonzoka nie zrozumie :-)

[broneknotgeld]

We piontek

Piontek już richtig listopadowy
Kto kuknie na dwor tyż tako powiy
Dyć niy trza tropić se nom pogodom
Słonko we duszy - tako Wom godom
Mo tyn kerego cieszom durś rymy
W stolicy fraszki ślonski to wiymy.

[broneknotgeld]

Ech, ta naszo godka
gliwice.naszemiasto.pl/wydarzenia/922396.html
Czy pódzie do przodka?

[Gość: Pasikoonik13]

Co winowato? Cymu vszyskich żgo?
Ćicho se żyje, zwada w żići mo!

[broneknotgeld]

Co mom godać przi sobocie?
Trza zapomnieć ło robocie?
Prawie dzisioj jo mom fraj
Mogbych szkryfnońć coś dlo jaj
Choć skiż tego tyż rymuja
Dzisioj szczyńścio Wom winszuja
I nadzieji we potrzebie
-To bajlagom jest na chlebie.

[broneknotgeld]

Sowizdrzoła Konkurs Fraszki Ślonski
===================================

Sława Sowizdrzoła na Ślonsku niy mijo
Konkursowi fraszki istny patronuje
Nabrojić poradzi - dyć niy tragedyjo
Ze szpasu sie czowiek tyż przeca raduje.

Regulamin konkursu
----------------

[broneknotgeld]

Czy przi mnie staniesz?

Czy przi mnie staniesz jak bydzie trzeba?
Strach i ciyrpiynie z Tobom lżyj znosić
Czy moja dusza pódzie do Nieba?
Miyj we łopiece - chca ło to prosić

Godziwy koniec - Tyś mu patronkom
Pamiyntej - przeca byda umiyroł
Pióro we tincie terozki tonkom
Żech na Barborka darmo zaziyroł?

[Gość: Pasikoonik13]

Fto ze Szloonzkym vszczyno haja,
tyn do pjekua stowjo raja?!

forum.gazeta.pl/forum/72,2.html?f=374&w=14341949&a=88135931

[broneknotgeld]

Na polityka trza nom rachować?
Niy ślonski fraszce tako błoznować
Godka by na tym przeca straciyła
Dyć jest we SŁOWIE Ponboczka siyła!

[broneknotgeld]

Na Mikołaja
===============


Z diobłym do mie prziszoł - pektorałym grozioł
Wongel z łoszkrabinom na stole wyłożoł
Diosek zaś łańcuchym ździeloł mie po dupie
Ryczoł cobych przestoł szkryflać rymy gupie

Jak mieli wyłazić jakby sie zmiyniyli
Pedzieli skiż czego tak mie nawiydziyli
Bo ze mojim szpasym idzie tyż łostuda
I tropiom sie kajsik - czy do nieba póda.

[Gość: Pasikoonik13]

Trza, by Poonbooczek sie spamjyntali?
I siyua SUOWA Szloonzokoom dali?!

[broneknotgeld]

Jak Ponboczkowi ciepać to w łocy?
Nom trza mieć bardzi godka we zocy
I dbać durś ło to by z duchym rosła
A niy ze ślonski ziymi kajś poszła.

[Gość: pasikoonik13]

Dyć roz jus poszua, ta literacko!
Zbajstlować nowo ńy pudźe drapko?

[Gość: Pasikoonik13]

Powjadajoom, co soom stoond?

( www.mysomstond.pl/ )

Te, skludzoone ... w polski koont?!

[broneknotgeld]

Ech, w niydziela trzonastego
Nic niy prziszło wesołego
WRONa groźnie zakrakała
Dymokracji dyć niy chciała.

[broneknotgeld]

broneknotgeld napisał:

> Ech, w niydziela trzonastego
> Nic niy prziszło wesołego
> WRONa groźnie zakrakała
> Dymokracji dyć niy chciała.
>
Ech, w niydziela trzinostego
Nic niy prziszło wesołego
WRONa groźnie zakrakała
Dymokracji dyć niy chciała.

[Gość: pasikoonik13]

Cy Dymokracyje kejś Ći Polska kćaua?
Plebiscyta byfoond ajnfach jus uosraua?!

[broneknotgeld]

Ech - historyjo
Niy komedyjo.

[broneknotgeld]

Do stoła siednońć se we Wilijo
Toż se raduje fest familijo
Dzielić opłatkym przi ty wieczerzy
Szczyńście we doma - możecie wierzyć

Trza nom pod goik śpiywać kolyndy
Niychej na Ślonsku juzaś to wszyndy
Dopiyro potym gyszynki cieszom
Dziecka przi tymu wcale niy grzeszom

Jako Dzieciontko łobdarowane
Som na pamiontka tych Godow dane
Dlo familiji łod Jezusiczka
I niy dziwota - wesołe liczka.

[mathias_sammer]

of course! 5f

[broneknotgeld]

Kalyndorz 2008-2010

Sztyrnoscie miesiyncy rok mo u nos prawie?
W aglomeracyji yno to na jawie?
Z grudniym we Bytomiu już jest Nowy Rok?
A Zabrze na styczyń zrobiyło se skok?

Muster z tego weźnie Polska ponoć cało
Dwa miesionce wiyncy we roku - niymało
Dugsze z tym na Wiejski bydom kadyncyje
Coby czuć se zdrowo styknie komedyje.

[Gość: pasikoonik13]

Jako koomedyjo? Dloo Ńich to drobnostka!
Noom śe wrooćic moge, trzinostka, sztyrnostka? :-)

[broneknotgeld]

Kadyncjo na Wiejski tyż dugszo z tym bydzie
Tako Sejm i Synat richtig niy we biydzie.

[broneknotgeld]

Ze ślonskom kolyndom

Jako mi spokopić że blyszczy gwiozdeczka
kaj Malusiyńkymu nakłodli sianeczka?
Przi żłobku zarozki pastyrze czuwajom
gowydź dychym grzeje, janioły śpiywajom
Zefek ze Maryjkom pieszczom Jezusiczka
Niy darmo u Niego take gryfne liczka

Toż radować se nom trza
Ano ja - richtig ja
Kolyndować potrza nom
Wymiyść ze duszy krom

Jako mi niy wierzyć we Bosko Dziecina?
Dziynkować Maryji - dała światu Syna
Cuzamyn z krolami klynkać przi żłobeczku
Cześć kolyndom łoddać tako Dziecionteczku
Co prawie w stajynce betlejymski leży
Dobrym zło pokono - styknie Bogu wierzyć

Toż radować se nom trza.
Ano ja - richtig ja
Kolyndować potrza nom
Wymiyść ze duszy krom.

[chorzowskiefleki]

Pastyrka

Poloz chop som na pastyrka
Baba zaści - fuk do wyrka
A, że sama być niy chciała
To sonsiada zawołała

Wyśpiewuje chop kolyndy
Somsiod, babom jest zajynty
Wartko chopa zapomnieli
Bo na zygor niy patrzeli

Już skonczoła sie pastyrka
I chop stanoł wele wyrka
Sonsiod z babom oniymieli
Co mioł w rynce niy widzieli

Chop we rynce mioł siykiyrka
Poleciała krew ze wyrka
Kiejby chopa szanowali
By sie w Gody - spokoj dali

Morał:
Coby nie zmarasić wyrka
Idzcie razym - na pastyrka.

--------------------

Niech w te Święta Bożego Narodzenia
Spełnią się wszystkie Wasze życzenia.


paulek

[broneknotgeld]

Przi Wiliji ze ślonskom kolyndom

Toż dzieciontko sie nom rodzi
We stajynce betlejymski
Nawet Herod niy zaszkodzi
Ze Jezusa krol niyziymski

Przi bydlontkach w żłobku leży
Durś pastuszki mu śpiywajom
I trzech myndrow drapko bieży
Pokłon Jymu dyć skłodajom

Ze Wilijom wos niy dziwo
Że sie cuda nawet dziejom
Ech - Maryjo jest szczyńśliwo
Lica jyj tyż ciyngym śmiejom

Pon nad pony choć maluśki
Wiarom wielki chnet sie stanie
Łod Dzieciontka gryfny buźki
Złu w świat leci z tym wyzwanie.

[Gość: pasikoonik13]

W polskym Syjmje, tako boouo!
Cy by na tym śe skoońcoouo?

[broneknotgeld]

Coś tam juzaś wyłonacom
Dyć czy tym nos ubogacom?

[rico-chorzow]

Tja,godajom,
yno cy pomogajom?

[broneknotgeld]

Jako by godać?
-Trza godce dodać.

[broneknotgeld]

Na Nowy Rok!
=================

Niych tyn Nowy lepszy bydzie
Szczyńścio wiyncy ze niym przidzie
Trza nom zdrowio i radości
Szkryfna tako Wom nojprości.

[broneknotgeld]

To co dobre se Wom marzy
Niychej Nowy Rok przidarzy

[broneknotgeld]

Ruda Ślonsko 1959-2009

Przi "Abrahamie" ty Rudzie Ślonski
Niychej se darzom we rymach konski
Lepi łod wonglo fraszka promuje
I dusza ślonsko tako raduje.

[broneknotgeld]

Na Trzech Kroli

Na Trzech Kroli se dziwomy
Tyż nadzieja w sercach momy
Co przed nami - lepsze bydzie
Dyć niy yno marzyć idzie

Jakimś tropić se kryzysym?
Trza muzyki i we ciszy
Niychej rodzi radość duszy
Coby w życie raźni ruszyć.

[broneknotgeld]

We kalyndorz wlepiom gały
Już mo roczek tydziyń cały
Przicis nos na razie mrozym
Na co jeszcze łon se woży?

Ponoć fest Słowakow tropi
Gospodarka im utopi?
Piniondz majom już tam nowy
Dyć bez gazu kraj mniyj zdrowy.

[broneknotgeld]

Szwortek w tym roku jedyn już był
Toż pewno roczek nabiyro siył
Na dworze mrozik zima nom darzy
Komuś se lato i słonko marzy?

Ech, wszysko bydzie, dyć se doczkomy
A na piciecha durś rymy momy
Idzie i niymi łogrzoć choć dusza
-Jo rozhajcować terozki musza.

[broneknotgeld]

WOŚP rozblysko w "naszy-klasie"
Toć rym ło tym jest na czasie
Trza coś wciepać do pucinki
Dzieciom łodjońć ździybko mynki

Choć niywiela przeca cosik
Do "grosika" leci "grosik"
Cołko Polska dokupluje
Aże dusza se raduje

WOŚP już po roz siedymnosty
Jo dom cosik - pewno dosz ty
To cuzamyn znaczy wiela
Szrajbna ło tym yno tela.

[Gość: pasikoonik13]

Je tes ale takih pora,
co kapella cyckać rade?!
Do jednego ciś Jyh wora
Jou ńy banam! Hoć moom grady.

[broneknotgeld]

WOŚP Owsiaka ciyngym gro!


WOŚP Owsiaka ciyngym gro!
Do pucinki ktoś coś do
Złotek leci dyć do złotka
Skuli dzieci - ło tym godka

Coby krebsa łod nich gnać
Werci se i wiyncy dać
Jejich zdrowie skarbym przeca
Toż Łorkestrze wciep do neca

Jak co roku latoś tako
Niychej dziecek myni płako
Do pucinki ktoś coś do
WOŚP Owsiaka ciyngym gro!

[broneknotgeld]

Trzinosty dziyń roku i miesionca tako
Niychej zły tref prawie tukej nom niy krako
Rymym trza go gonić bo to gizd pieroński
Dyć sie niy strachejcie - po to ślonske konski

Fraszka se radości i szczyńściu pokłoni
Przeca dobrze wiycie - we niyj humor dzwoni
Z niom niy trza se tropić nawet trzinostego
-Jo dzionka winszuja richtig - nojlepszego!

[broneknotgeld]

Kto godka wspiyro
Tyż tam zaziyro
nasza-klasa.pl/profile/22402697