Rudzko polityka

[broneknotgeld]

Apel do naszy rudzki władzy

Tako to Janik nom Ruda doji
Polsko policjo fest kiepsko stoji
Bestoż dokłodo czynsto tyż miasto
Zmiynić by przeca wreszcie już czas to

Co jest cyntralne płaci "Warszawa"
A co jest nasze to naszo sprawa
Wiym że tu Stania pod murym stoji
Bo sie rudzianin we Rudzie boji

Dyć apelować trza do Janika
To burgemajstra jest polityka
Piniondz trza dować tam kaj sie musi
Za to co złe jest prymiera dusić

"Warszawka" Ruda durś tak łokrodo
Ło tym niych Stania tyż głośno godo
Co? Cicho siedzieć? Prosić miyszkańca?
Jak chce sie rzońdzić to trza mieć jajca!!!

[broneknotgeld]

Gminne Centrum Informacyjne

Urzond Pracy z Rudy jest w Świyntochłowicach
Takom politykom niy trza sie zochwycać
Kaj te gminne Cyntrum terozki by wsadzić?
Halymba - to władzy moga jo poradzić
Stond do Świyntochłowic ciynżko jest dojechać
Tu mo bezrobotny ze tym richtig pecha.

[baba2]

Stania ma dzieci to chyba jajca ma?
Bronek co ty bredzisz?

[Gość: Zbychu]

A moze sasiad mu dzieci zplodzil?

[broneknotgeld]

Rudzke chciejstwo

"Chcieć to moc" - ktoś kedyś pedzioł
Dyć ło Rudzie łon niy wiedzioł
Tu by przeca wszyscy chcieli
A niy mogom nic w tyj szteli.


Tu ta fraszka bardzi leje
Dusza sie ze tego śmieje.

[broneknotgeld]

Szabla burgemajstra

Szablom Ruda łon łobroni
Co złe - pryndko stond wygoni
Bioło broń już mo przi boku
Czy mu doczimiymy kroku???

[broneknotgeld]

Dyć jak groźnie szablom blyśnie
I Bin Ladyn przed nim pryśnie
Saddama wystraszy łona
My spokojni teroz doma.

[broneknotgeld]

Po angielsku naszo władza do Danii werbuje
Co z Australiom? Czy tam gynsto rudzianami suje?
"Delegacje" rudzkich tuzow lepi robić w sieci
Piniondz na co inksze bydzie i tyż sie coś skleci.

[hanys_hans]

broneknotgeld napisał:

> Po angielsku naszo władza do Danii werbuje
> Co z Australiom? Czy tam gynsto rudzianami suje?
> "Delegacje" rudzkich tuzow lepi robić w sieci
> Piniondz na co inksze bydzie i tyż sie coś skleci.

Na dzisio styknie tyj polityki!
Posuchou bys´ Bronku trocha muzyki!

[broneknotgeld]

Modro Ruda?

Modry portal - "Tesco" modre
Wszysko tom modrościom szczodre
Modry ratusz by mog być
Na modro zacznymy żyć.

[broneknotgeld]

Skarbnik z Piekar Ślonskich

Z Piekar skarbnika ściongła se Ruda
A już na Ostrów żech blikoł
W tym roku możno z pielgrzimkom póda
Ło forsa byda fest rzykoł.

[broneknotgeld]

Skarbnik ze somsiedztwa - Sekretorz z Ostrowa
Tako kombinuje pryncypała gowa
No i niychej Ruda tyż to dobrze słyszy
Orkestra chce robić jak Sanocki z Nysy.

[broneknotgeld]

Nowy Skarbnik

Na pielgrzimki piekarske nałożołby myto
Jakiś grosz do kasy przeca dało by to
W Piekarach coś mu sie łostatnio niy wiodło
Tref że prawie w Rudzie zaś sie miejsce znodło.

[broneknotgeld]

Po namyśle

Jednak yno z Rudy by za to bulyli
Zaś inksi te miasto z dalsza łominyli
Po prowdzie to niy wiym - możno pomysł chyci
Jak niy - tyż sie werci we godce go klycić.

[broneknotgeld]

A u nos zowdy dobrze

Dobrze z Platformom - z SLD niy
Toch w "Wiadomościach" wyczytoł
A jako w Rudzie? - Kożdy to wiy!
Tu dobrze!!! - Jakbyś sie pytoł.

[broneknotgeld]

12 luty - 3 lata PO

Platforma se robi feta
Dyć dlo siebie na podnieta
Ano som u władzy w Rudzie
- Możno w "Wiadomościach" pódzie

A trza by coś było słychać
Trocha głośni muszom dychać
Styknie by durś wygrywali?
Łoboczymy jak z tym dali.

[broneknotgeld]

Tu tyż rudzko polityka
Tyn "folklor" mogymy tykać.

[broneknotgeld]

PUP w Rudzie

Momy już teroz tyn PUP we Rudzie
Czy ze robotom lepi nom pódzie?
Bo ciyngym rosnie te bezrobocie
Ze samyj szteli niywiela pociech

Tela że bliżyj niż downiyj było
No i budynek sie łodnowiyło
Dyć ludzi tukej niy "upupiejcie"
Yno zarobić grosz dobry dejcie.

[broneknotgeld]

Moja polityka

Mały problym ze niom mom
Szkryflom fraszki prawie som
Inksi cosik łobiycali
Dyć niywiela łod sia dali

Szczyńściym Rudzie to niy szkodzi
Ślonski rym sie dali rodzi
Z czasym sie rudzianie włonczom
Przeca prawie już niy "bronczom"

Tyż z Zakopca i Grudziondza
Som tu bo jo durś tam "błondza"
Przidom inkszych piyknych dziedzin
Kaj te forum ktosik "śledzi"

Sztela naszo przeca blyszczy
Wiela tyż dlo Ślonska zyszczy
Już to dzieje sie poleku
Ciyrpliwości trza czowieku

Godka pódzie w kraj w Europa
Ze niyj ślonsko jest opoka
Dziynki tymu region rośnie
A jo głosza to radośnie.

[broneknotgeld]

Trza nom baby trza tyż chopa
Co powiedzom - "tu Europa"
I ze Rudy do Brukseli
Coś piyknego jakby "szczeli".

[broneknotgeld]

Komunalno pożyczka

Obligacje miejskie we budżet wklepali
Jako z tom pożyczkom polecom tu dali?
Emisjo zamkniynto bydzie czy łotwarto?
Wiela procynt z tego i czy richtig warto?
Dyć cosik kosztować bydzie tyż obsługa
Trza te obligacje zaliczyć przi długach
Kto je u nos kupi? -Pytanie łostatnie
Nasze potmaneje przeca niy dostatnie.

[broneknotgeld]

"Tajymnicze" obligacje

"Dziynnik" łobiycoł szkryfnońć tyż cosik
Jak mo wyglondać tyn "miejski grosik"
Na razie jednak nic niy podali
Czy we Urzyńdzie ło tym godali?

Możno to miejsko jest tajymnica
Kerom sie niy trza jakby "podniycać"
Bydzie z tym tela co władza zechce
Dyć po co pytać jak to niy łechce?

[broneknotgeld]

SLD sie w Rudzie sypie
We Radzie już ani zipie
Jak kamfora Klub im zniknoł
Możno cosik złego łyknoł.

[broneknotgeld]

"Platformersi"

"Platformy" terozki richtig fest se mnożom
Nim wybory bydom inksze tya dołożom
Bestoż jo se tukej cosik szkryfnońć musza
Poczebno nom w Rudzie "Platforma Platfusa"

[broneknotgeld]

miasta.gazeta.pl/katowice/1,35019,2397119.html

[jojo_1]

Kuczera sztajgnoł a Osmenda wyloz!
Bezmaś mioł łobiecane ,że go wystawiom do parlamyntu abo na
prezidynta.Marchewka łostała zeżarto ale kij im sie łostoł!
Terozki sie mogom nim prać po plecach i niy ino tam!

[broneknotgeld]

Chocioż na forum ktosik coś piere
We magistracie ponoć niy were.

[broneknotgeld]

Ponoć Ruda klar już mo być
Lata lecom - jak to zrobić
Niyklarownych to ideja?
Trza mi ślintać dyć se śmieja.

[broneknotgeld]

Klar niy klar
W Rudzie war.

[broneknotgeld]

Godajom ponoć co w naszy Rudzie
PO jak burza we wrześniu pódzie
Mie co inkszego jednak sie zdo
-Przegrane u nos bydzie PO.

[broneknotgeld]

Kto to taki?

Wytrzepoł ze kapsow resztki ziorek prowdy
Zdo sie - ze cygaństwym łostanie na zowdy.

[broneknotgeld]

Ponoć sie cygaństwym brzidzi
Godać tako tyż niy wstydzi.

[broneknotgeld]

Fachmon łod wszyskego
Toż znocie istnego.

[broneknotgeld]

Dlo jednych łon urwiponek
Dlo drugich chnet kapelonek.

[broneknotgeld]

Jako Ruda głosowała?
Wygrać Kaczyńskiymu dała!
Toż z tym jedno mi sie zdo
Cosik traci durś PO.

[broneknotgeld]

Kto na prezydynta Rudy Ślonski?

Możno ktoś z Samoobrony?
Domy szansa tako łonym?
Przeca wcale mi niy śni sie
Że urośnie nom przi PiSie.

[broneknotgeld]

A możno prezydyntym dali Stania?

Na Platformie bydzie wisioł?!
A jakby nom drapko sPiSioł?!

[broneknotgeld]

Nad Rolwagom cosik wisi
Dyć se Ruda Drapko sPiSi
Czy przi tymu - ło cholera
Tyż postawi na Leppera?

[broneknotgeld]

Rudzke "Andrzejki"

Możno se dowiycie ludzie
jako wróży Andrzej Rudzie
Kto tu chyci - choć mecyjo
-zesel zaś na kadyncyjo?

[broneknotgeld]

W rudzkim tyglu już se warzy
Ło mandacie wiela marzy
Wiela sztartnie do jednego?
Se doczkomy przeca tego.

[broneknotgeld]

A jakby tak?

Zrobić dzielnice tu parafialne
Toz by z tym było naprowdy fajnie
Niy trza przi tymu "rad dzielnicowych"
Kaj "parafialne" utropa z gowy.

Rudzko polityka welunkowo

[broneknotgeld]

Jako na gorze tako na dole
Rzondzom partyje we tym rosole
Retunek jedyn dlo gminy yno
Kto ze partyji - niych lud wycino!

[broneknotgeld]

Dyć to naszo rudzko fraszka
Przi welunku jakby draska
Yno kaj sztrahecli szukać?
Ciynżko bydzie w Rudzie klupać

[broneknotgeld]

Przedpole czyści jako partyjo?
A możno to już koalicyjo?

[broneknotgeld]

Co? -Sie partyje spotkajom w hajźlu?
Toż wiela bydzie ze tego bajzlu?!

[broneknotgeld]

forum.gazeta.pl/forum/72,2.html?f=261&w=35593368&v=2&s=0
Możno ktoś z Rolwagi
Abo "SamoPiSu"
Dyć mie to gancegal
Przeca jedyn miszong.

[broneknotgeld]

Giertych z Lepperym
cuzamyn w zgodzie
Chnet popływajom
we rudzki wodzie.

[broneknotgeld]

Możno we ramach wolności słowa
forum.gazeta.pl/forum/72,2.html?f=261&w=35695097
Se wykuruje i ta choroba.

[broneknotgeld]

Choć mroz na dworze gorko sie robi
Niyjedna partjo forum łozdobi
Se POPiSowo piekło rozkulo
Kożdo partyjo przeca łofulo
Tam idejami stołki i władza
Niyjedna fraszka ło tym tu wsadza.

[broneknotgeld]

PRO-PiS?

Sztartnie łostro w Rudzie PRO-PiS?
Z niymi szansy niy utopisz?
Warte przeca to jest grzycha
Mieć tu rajcow jakoś - dycha.

[broneknotgeld]

Samo-Rodzinka

Mozno w Rudzie bydzie mynka
Dyć se przido mandat w rynkach.

[broneknotgeld]

Rolwaga

Rolwaga już była
W tym słabość czy siyła?
Na Rady Dzielnicy
Tam nikt już niy liczy?

[broneknotgeld]

Na prezydynta

Sztyrech kandydatow
Zdo sie cosik mało
Dyć kaj ińdzi wiyncy
se tako zebrało.

[broneknotgeld]

Rudzki polityk myśli ło wodzie
Basyny "Oti" terozki w modzie
Dyć ło geld na nie ciyngym tu idzie
Czy z tym kredytym utropa przidzie?
Zrachować prosto - bestoż ta mowa
Po sto piyńdziesiont euro na gowa!

[broneknotgeld]

Wspomniołch "garaże wielopiyntrowe"
Czy jeszcze komuś łażom po gowie?
Dyć jak na basyn zjedzie poł Ślonska
Do parkowanio miejsca ni konska.

[broneknotgeld]

rudaslaska.com.pl/index.php?s=200120&o=listing_informacji&id_kat=270925&id_informacji=303353

Reklama kosztuje
Sol niychej sie suje
"Za słono" być może
Zaś zupa - łoj Boże!

[broneknotgeld]

Lepi po wyborach bydzie?
Czy ktoś nowy rzońdzić przidzie?
Zicnie se na rudzkim zeslu
Oby niy na hexynkeslu.

[broneknotgeld]

Ech - ta rudzko polityka
forum.gazeta.pl/forum/72,2.html?f=261&w=45574584&v=2&s=0
Trza pieronić czy porzykać

[broneknotgeld]

Toż se dzieje we ty Rudzie
forum.gazeta.pl/forum/72,2.html?f=261&w=47142257
Jako dali ze tym pódzie?

[broneknotgeld]

Łobrodziyło doradcami
forum.gazeta.pl/forum/72,2.html?f=261&w=47097952&v=2&s=0
Podziwejcie se tam sami.

[broneknotgeld]

Se we Rudzie fest welujom?
Gorkość jakoś w sercach czujom?
Czy ło kapsy yno idzie?
Łoboczymy jako bydzie.

[broneknotgeld]

Kandydat na rudzkego prezydynta

Jedyn ponoć yno mocny
Dyć czy kożdy szkryfnie - zocny?