Modlitwa

01.04.05, 18:51
Módlmy się za Papieża!!!!!!
W modlitwie siła i nadzieja tylko modlitwa może teraz pomóc!!
    • broneknotgeld Re: Modlitwa 01.04.05, 20:05
      forum.gazeta.pl/forum/72,2.html?f=59&w=22293958Dołonczcie.
    • broneknotgeld Re: Modlitwa 02.04.05, 13:06
      Po Wielkanocy

      Toż jeszcze Krystus po ziymi chodzi
      Bog-czowiek już zmartwychwstały
      Sie krześcijanin ze tym pogodzi
      Że wlezie w Niebo wnet cały

      Latoś zabiere z Polski papiyża?
      Tako we woli jest Boga?
      Ujmie mu ciyngym ludzkego krziża?
      Za to porzykać dyć moga.
    • broneknotgeld Re: Modlitwa 02.04.05, 20:58
      Papiyżowi

      Kedy se Twoja Golgota skończy
      Ponboczek Cie już zawoło
      Możno i Polska w "światłość" sie włonczy
      Toż pogodniejsze mom czoło

      Duch Twoj durś przeca z nami łostanie
      By ciyngym w utropie wspiyrać
      Czy usłyszymy jego wołanie?
      Czy nań bydymy spoziyrać?
      .
    • broneknotgeld Re: Modlitwa 03.04.05, 11:00
      iycie to - pomarł poeta
      Toż rymym ślintać se godzi
      Łostatni jo wierszokleta
      Dyć dusza durś płaczka rodzi

      I gańbić se tym niy byda
      Ni tropić zaś nożyczkami
      Chca - bestoż tukej z niom ida
      Wybeczeć tymi rymami

      Mie niy trza kiru żałoby
      Chorongwi tysiyncy mszy
      Bele to szkryfnońć tu szło by
      Papiyż z Ponboczkym - Łon wiy

      Coby se tropić - niy pedzioł
      Spokojnie poszoł do Boga
      Dyć wiyncy łod nos już wiedzioł
      Za to dać gowa tyż moga

      Rym niychej świyczkom jest życia
      Ło kerym szkryfloł do końca
      Choć niyporadnie go klyca
      Zdo mi sie - ździybko w niym słońca.
    • broneknotgeld Re: Modlitwa 03.04.05, 16:06
      Boże Miłosierny
      Skończoł żeś Mu mynka
      Nojpiyrszy z nos wierny
      Już we Twojich rynkach

      Bestoż - Alleluja!
      Rymym Cie pochwola
      W żolu radość czuja
      Niych jest wola Twoja.
    • broneknotgeld Re: Modlitwa 08.04.05, 19:49
      Prosza na stypa

      Rym abo wiersz bioły
      Smutny czy wesoły
      forum.gazeta.pl/forum/72,2.html?f=59&w=22303782&a=22511056
      Niych toastym bydzie
      Siyła z tego przidzie.
Pełna wersja