Godki żagańske

[broneknotgeld]

SAGAN

Sagan - ze notgeldow znom
Teroz mom we gowie krom
By niy było ze tym "draki"
Spytom - kastrol to jest jaki?

[broneknotgeld]

Pałacowe maszkarony w Żaganiu

Prawie dwiesta ich zrachujesz
Łypiom na cie srogim wzrokym
Możno djobła w nich wyczujesz
- Tako było z tym borokym
Co pokozać chcioł nom czorta
I podobnoś chnetko wyszło
Kunszt robota - tego worta?
Toż mu życie stracić prziszło.

[broneknotgeld]

Żaganna

Żaganna tyn Żagań ponoć założyła
Godajom że łona cerom Wandy była
Ło ty żech zaś słyszoł co "Niymca niy chciała"
Nawet se skiż tego na życie porwała
Dyć teroz już wiymy że zowitkom frela
Pewnikym inkszymu pszoła coś za wiela.

[broneknotgeld]

Se cera Kraka niy utopiyła
Yno zowitkom we końcu była
Tako łod łojca drapko uciekła
Coby niy ciyrpieć u Wiślan piekła

Cisła na zachod aż do Żagania
Tam w końcu prziszoł czas rozwionzania
Zaś jeji łojciec choć w gańbie srogi
Pedzioł co Wisła wziyła niybogi.

[broneknotgeld]

Żaganna

Matkom jyj Wanda - łojciec niyznany?
Czas przeca goji niy take rany
Że rodziciela znodła tyż prawiom
Ci co w niyj matka Żagania jawiom

Grod dźwigła skuli upamiyntniynio
Miejsca urodzin - czy to coś zmiynio?

[broneknotgeld]

We dwunostym wieku

We dwunostym wieku już Żagań se pysznioł
Karjera stolicy przeca łon niy wyśnioł.

[broneknotgeld]

Roztomajcie leciało

Pany Głgowa Sasy Austrjoki
Dyć roztomajcie tukej leciało
A żaganiany to niy boroki
Żyć zowdy lepi se im tyż chciało

Tako choć jakoś utropa prziszła
Tref tyż lepszymi czasami darzoł
Sztela roz kwitła - inkszy roz kisła
Czowiek zaś ciyngym ło lepszym marzoł.

[broneknotgeld]

Albrecht von Wallenstein (1628-34)

Pora rokow dyć panym Żagania był istny
Nałokoło wojska a tyn grod spokojny
Dyć tref se łokozoł we końcu zowistny
Zabrakło Albrechta - miasto w środku wojny

Cysorz kozoł zabić wodza nojlepszego
Kery ambicyjom urosnoł wysoko
Toż Szwedy i Żagań złupiyli do tego
Tako uciyrpieli za to co łon skokoł.

[broneknotgeld]

Pruski Żagań

Trza se teroz słuchać Fryca
Nojważniejszo jego myca
Ślonzek zabroł łon Austryji
Choć z tym wiela mioł mecyji.

[broneknotgeld]

Żagań 1785

Z tym rokym Biron już tukej panym
Szczyńściym istnymu tako sprzedany
Zdo sie perełkom we cołkich Prusach
Czy princ Kurlandji tchnoł w grod tyn dusza?

[broneknotgeld]

Francuzy w Żaganiu

Toż ciynżko sie zaczła już okupacyjo
Żagań z tym podupod - tako tragedyjo
Birona perełka teroz myni blyszczy
Dyć los se łodmiyni - jeszcze cosik zyszczy.

[broneknotgeld]

Stendhal w Żaganiu

Z armijom francuskom w Żaganiu zlondowoł
Ze aprowizacjom czy se rady dowoł?
Wojoki te miasto chnet cołkym łobjedli
Jako ta szarańcza na szteli se siedli

Możno Stendhalowi łobmierzło to wszysko
Marsowi doł spokoj - piorym wiyncy zysko
Tako znoloz miejsce istny w historyji
A Żagań se dźwignoł z francuski mecyji.

[broneknotgeld]

Stendhal w Żaganiu

Z armijom francuskom w Żaganiu zlondowoł
Ze aprowizacjom czy se rady dowoł?
Wojoki te miasto chnet cołkym łobjedli
Jako ta szarańcza na szteli se siedli

Możno Stendhalowi łobmierzło to wszysko
Marsowi doł spokoj - piorym wiyncy zysko
Tako znoloz miejsce istny w historyji
A Żagań se dźwignoł z francuski mecyji.

[broneknotgeld]

Cera Birona

Cera Birona zasmakowała
W tym co Francyjo frelce dowała
Zdało sie Paryż jyj zaczoł służyć
Toż żyje po to by cosik użyć.

[broneknotgeld]

Gryfno Dorota

Toż jyj niy skompioł Talleyrand pociech
Serce topiyło se przi Dorocie
Minister wszysko by istny doł
Dyć czy łon jedyn yno jyj pszoł?

[broneknotgeld]

Dorota Talleyrand de Perigord 1844

Tako se wroco już do Żagania
Cołko ta sztela czekała na nia?
Nojmodszo cera princa Birona
Terozki paniom ksiynstwa dyć łona.

[broneknotgeld]

Ksiynżna Dino

Ze ksiynżnom Dino Żagań rozblysko
Zdo sie na Ślonsku "Małom Francyjom"
Tu jakby z wiosnom zokwito wszysko
A żaganiany szczyńśliwsi żyjom.

[broneknotgeld]

"Pympek świata ksiynżny Dino"

Pympek świata ksiynżny Dino
Żagań Francjo przipomino
Chocioż mały dyć perełkom
I kulturom blyszczy wielkom.

[broneknotgeld]

Liszt w Żaganiu

Wiela razy łon tu grywoł?
Toż se żodyn tyż niy dziwoł
Kaj princesa ćmok sie traci
Kożdo dusza ubogaci.

[broneknotgeld]

Do 1935 roku

Talleyrand de Perigordy tyn Żagań czimali
Aże ich za wrogow Rzeszy Niymce tu uznali.

[broneknotgeld]

Kwieciyń 1944

Zaginyło co kunsztowne było we pałacu
Ano tako już te ziymie za niymieckośc płacom
Dyć łobrozy we Francyji podobnoś se znodły
Inksze skarby jak kamynie co we woda wpodły.

[broneknotgeld]

Pałac 1643

Barokowy pałac durś tyn Żagań krasi
Niy ma co se dziwać - idzie niym poasić
Prawiom co we Polsce jedyn z nojgryfniejszych
Ze tych co łostały do czasow dzisiejszych.

[broneknotgeld]

Antonio della Porta

Toż włoski architekt swoj kunszt w pałac wrazioł
Kożdy se dziwuje kto po niym połazioł.

[broneknotgeld]

Pałac 1845-55

Cołke krzidło se straciyło
Już niy bydzie jako było
Jednak wiela nom łostało
Możno tako być musiało.

[broneknotgeld]

Park ksiynżny Dino

Niywiela z niego dzisioj łostało
Za ksiynżny Dino było niymało
Kunsztym Teicherta zrychtowanego
Szkoda co dzisioj już niy ma tego.

[broneknotgeld]

Kościoł Wniebowziyńcio NMP 1183

Toż włodoł se wtedy Bolesław Wysoki
Jak tyn kościoł dźwigli prawie ze tym rokym
Na Ślonsku świontynia jedna z nojcynniejszych
Kere nom łostały aż po dziyń dzisiejszy.

[broneknotgeld]

Kościoł Wniebowziyńcio NMP 1515

Terozku gruntownie przebudowywany
Z nowymi szatami Żaganiowi dany
Wieża wydźwigniono - wiynkszy łod zachodu
Zdo sie teroz blyszczeć bardzi niż za młodu.

[broneknotgeld]

Kościoł Wniebowziyńcio NMP 1730

Ano - po pożarze se stroji łod nowa
Ło tym we Żaganiu wiy niyjedna gowa
Do dzisioj ze środka przeca barokowy
Ze dwora gotycki i renesansowy.

[broneknotgeld]

Klasztor Augustianow

Klasztor Augustianow dzisioj barokowy
Tyż i we tych czasach niy był przeca nowy
Kajniykaj gotykym bezto poblyskuje
To kożdy w Żaganiu niychej forszteluje.

[broneknotgeld]

Kaplica św. Anny

Dyć w klasztorze Augustianow
znojdziecie kaplica
Jak se blikońć tam we gora
-gotyk krasi lica.

[broneknotgeld]

Bibljotyka klasztorno

Byś niy zoznoł tukej nudy
Łona jest Żagania cudym.

[broneknotgeld]

Rynek

Tym se asi Żagań wdycki
Że tu gryfne kamiyniczki
Z downych wiekow dyć łostały
Jakby do sia nos sproszały.

[broneknotgeld]

Ratusz

W sztyrnostym wieku już tukej stoł
Choć cołkym inkszy muster łon mioł.

[broneknotgeld]

Po przebudowie (1868-69)

Toż se dziwuje w Żaganiu czowiek
Że ratusz "włoski" po przebudowie
Ze Floryncyji muster zabrany?
-Dyć ku gryfności ty szteli dany!

[broneknotgeld]

Herb Żagania (1602)

Cysorz Rudolf Żaganiowi
herb nadowo zocny
A dyż grod tyn łod Żaganny
historyjom mocny.

[broneknotgeld]

We "Staromiejski"

Kto na Żagań se podziwo
Tu coś zjy i chlapnie piwo.

[broneknotgeld]

Warszawskom

Warszawskom z Rynku na Plac Słowiański
Zdo ci sie jakby tako "trakt pański"
Dyć na fontanna trza se podziwać
A niy zaś słepać za wiela piwa.

[broneknotgeld]

Stare mury (XIII/XIV w.)

Stare mury kajniykaj i tukej znojść idzie
Na Wałowo, Rybacko skiż nich ci zońść przidzie.

[broneknotgeld]

Jan Kepler w Żaganiu (1628-30)

Czy mu sie Praga i Linz znudziyły?
Czy mały Żagań bardzi mu miły?
Przi Wallenstenie liczoł na spokoj
Kaj ińdzi wojna na kożdym kroku
Szkoda - niy łostoł aże do teraz
Dom kery gościoł piyrwyj Keplera.

[broneknotgeld]

2 złote z Żaganiym

Choć yno dwa złotki dyć Żagań radujom
Historyjo swoja w tym piniondzu czujom.

[cancro]

Stendhal przebywając w Żaganiu pisał do swego przyjaciela we Francji: "Zagań to
okropnie nudna dziura i gdyby nie wdzieki pewnej pani aptekarzowej, umarłbym z
nudów."
Złośliwcy zapewne napiszą, że od tamtych czasów nic sie nie zmieniło..

[broneknotgeld]

W żagańskich aptykach?

[cancro]

Fajnie, że znów do nas zajrzałeś! Co do aptek, to nie wiem, rzadko tam bywam, bo
na szczęście na zdrowie nie choruję. Chodzi oczywiście o marazm w mieście. Ale
czy imprezy tego typu są w stanie coś zmienić?
www.gazetalubuska.pl/apps/pbcs.dll/article?AID=/20060613/REGION18/60612041/-1/REGION
Pozdrawiam!

[broneknotgeld]

Zowdy przeca coś se dzieje
Niy markotny kto sie śmieje.

Cancero

[broneknotgeld]

Przidałaby sie pod tym postym jakoś ciekawo notka ło Żaganiu z roztomajtymi
linkami
forum.gazeta.pl/forum/72,2.html?f=10650&w=43437414&a=43654151
Hehe - mom nadzieja, że Cie za dugo prosić niy byda musioł.

[cancro]

Lejesz Bronku miód na moje serce. Niestety, niektórzy uważają, że zwyczajnie
przynudzam i odstraszam dyskutantów z tego forum. Dl;atego jak pewnie zauważyłeś
ostatnio znacznie ograniczyłem swoją aktywność na forum, oddając inicjatywę
innym forumowiczem, z widocznym skutkiem. Przyczyną tego jest poniekąd fakt, ze
od kilkunastu lat jestem w Żaganiu niezby częstym gościem, stąd trudno mi być a
buieżąco z tym co się w mieście dzieje, tak jak to ma miejsce w przypadku
croolicka i jego (poniekąd i moich) Żar.
Co do linków żagańskich to, co z mego punktu widzenia jest w sieci o mieście
mojego dzieciństwa i młodości godnego uwagi - już na forum zamieściłem. Planuję
w czasie wakacji pobyt w Żaganiu z moją cyfrówką, a potem zajżę na forum Rudy
Ślaskiej odswierzyć wątek "Dolny Ślask jakiego nie znacie". Pozdrawiam!

[broneknotgeld]

Cancero, cudow niy ma, jak sie komuś zdo, że jest leko rozkulać forum, to
przeca zowdy może sprobować. Malkontynty som zresztom we Polsce w wiynkszości.
Jakbych jo sie czi lata tymu niy chycioł łostro rudzkego forum, to pewno
znaczyłoby dzisioj tela co na tyn przikłod świyntochłowicke.
Zresztom, tu se możech dychnońć, dyć promuj Żagań na inkszych ślonskich forach.
Polecom Ci moje forum rymowane, bo wszysko wskazuje na to, że łod września
bydzie bardzi czytane.
Pozdrowiom ze stolicy fraszki.

[broneknotgeld]

A swojom drogom, to mogbyś se łotworzyć ksiynga gości we "wizytowce".