Mikulczyce

IP: *.elsat.net.pl / 10.1.0.* 07.06.03, 15:59
Mikulczyce

Ziymi Bytomski te Mikulczyce
Tarnowske Gory tyż miały
Dzisioj - dyć wszyscy dobrze to wiycie
W Zobrzu tyn konsek niymały

W ślonskim kodeksie tyż ło nich wzmianka
Dobiesław czimoł je wtedy
We tyj historii jest trocha manka
Wiela? Dowiymy sie kedyś

Na razie ważny jest wiek cztyrnosty
Z garcow nom łone słynyły
Dyć chopy wiela tu miały troski
Choć Pon Bog dodowoł siyły

Panow Mikulczyc tyż było wiela
Niy byda ich tukej liczoł
Poleku jednak rosła ta sztela
Ślonzok sie nigdy niy byczoł

Mog coś dorobić w kamiyniołomie
Bo złoże wapnia tu było
I chocioż w końcu z tym prziszoł koniec
Jakoś sie dalyj kryńciyło

Za Donnersmacka już wszysko rosło
Torg cug agyncjo pocztowo
I nawet gruba - do tego doszło
Buduje sie tukej nowo

Ronk do roboty trza było wiyncyj
Rosła ta gmina we siyła
Czas robioł swoje i lecioł pryndzyj
W końcu sie w Zobrze wtopiyła.
    • Gość: polo Re: Mikulczyce IP: *.bnet.pl / 10.10.52.* 07.06.03, 18:18
      brawo, brawo, brawo
      • Gość: Bronek Re: Mikulczyce IP: *.elsat.net.pl / 10.1.0.* 07.06.03, 19:24
        No toż dziynki za te brawa
        Piykno ze tym mom zabawa.

        Zaproszom na forum www.echoslonska.com/forum2
        • Gość: Bronek Re: Mikulczyce IP: *.elsat.net.pl / 10.1.0.* 11.06.03, 20:26
          Po łostatniyj wojnie...

          Po łostatniyj wojnie w tutejszym ratuszu
          Piyrszy Urzond Gminy Opolszczyzny ruszoł
          Dzisioj sie dziwiymy bo opolske dalyj
          Granica sprzed wojny wtedy uwożali

          We Ziymi Bytomski Mikulczyce były
          Choć za pora lotek z Zobrzym sie złonczyły
          W piyńdziesiontym piyrszym roku to sie stało
          Dyć po dziyń dzisiejszy już tako łostało.
Pełna wersja