pawel.zary
04.04.07, 19:44
Serbske Nowiny, Budyšin, 04.04.2007, donoszą o młodzieżowym aktywie Domowiny,
który podtrzymuje tradycje Wielkanocne na Dolnych Łużycach:
Jutrowne jejka debili
Młodźinski aktiw w Dešnjanskim muzeju so zešoł
Dešno. Młodźi čłonojo Domowiny w Delnjej Łužicy rady serbske nałožki pěstuja.
Na wčerawšim zetkanju župneho młodźinskeho aktiwa w Dešnjanskim domizniskim
muzeju njezeznajomichu so holcy a hólcy ze wšelakich wsow jeno z jutrownymi
tradicijemi, ale wjetši dźěl z nich pospyta so tež prěni króć w debjenju jejkow.
Wot nawodnicy muzeja Babett Zenkeroweje přitomni zhonichu, zo su w Dešnje hižo
wot 19. lětstotka jejka škrabali. Młodostna z Hochozy rozprawješe wo tym, zo
njeběchu tehdy jutrowne wohenje jenož jara wysoke, ale zo so na nich jenož
hólcy a mužojo wobdźělachu.
Dešnjanski muzej, jedyn z najwoblubowanišich a najrjeńšich Delnjeje Łužicy, ma
wšak dojutrownym času wulki nawal wopytowarjow. Wot srjedź měrca hač do
dźensnišeho witachu tam wjace hač 40 skupin. Tute přiswojichu sej debjenje
jutrownych jejkow. Mjez druhim běchu tam wjacore šulske rjadownje z města,
šulerske skupiny z Berlina, turisća z Mnichowa, młodostni z Pólskeje,
Francoskeje, Irlandskeje, Danskeje a Witaj-dźěći ze Strjažowa.
Dźensa a jutře su do muzeja wšitke generacije Dešnjanow přeprošene, a za ćichi
pjatk je so wjetša skupina z Hamburga přizjewiła. Nimo wobhladanja wosebiteje
jutrowneje wustajeńcy móža wopytowarjo tež jejka pisanić. Wulka překwapjenka
za nich zawěsće je, zo wobkedźbuja tam přez widejorekorder baćona, kotryž ma
na třěše muzeja swoje hnězdo. To je podobnje kaž we Wětošowje, hdźež tež
kamera cyły dźeń porik baćonow filmuje. (HA)
www.serbske-nowiny.de/index.php?main=docs/luzica