Po ślonsku ło Holandji

[broneknotgeld]

Holandjo

Tulipany i wiatraki
Kraju tego piykne znaki
Narkotyki możno jeszcze
Dyć mie zaroz bierom dreszcze!

[broneknotgeld]

Keukenhof

We łogrodzie tukej tulpy ciynżko zliczyć
Kajś siedym miljonow! -Holynder mi ryczy.

[broneknotgeld]

Niy zrobisz gyszeftu tukej na gardinach
We łoknach ich przeca jakoś niy wiyszajom
Możesz se pogaftać czasym na rodzina
Czy momynty bydom? Przeca tyż sie pszajom.

[broneknotgeld]

Mata Hari

Mata Hari znomy - piyknie tańcowała
Dyć i dlo Wilusia wiela szpiegowała
Jak sie już wydało łodpłaciyli kulkom
Cieszyła sie krotko tom życiowom rolkom.

[broneknotgeld]

Typowy Holynder

Jakby jest niybioły ciyngym coroz wiyncy
Dyć tukej nikogo to przeca niy mynczy.

[broneknotgeld]

"Elfstedentocht"

Wyścig na ślynzuchach Fryzjo taki zno
Dwiesta kilometrow łon podobnoś mo
Przez miast jedynoście po lodzie kloźdajom
Łoni tych kanałow tam aż za dość majom

Czasym jednak przidzie w ślynzuchach polotać
Jak ciepło toż przeca byłaby gupota
Niy ma leko - konczy sie wtedy kloźdanie
Dyć wyścig trwo dali - ktoś na mecie stanie

Wygrosz toś bohater cołkego narodu
Na lot pora możno - jak zabraknie lodu
Bo to holynderski naprowdy jest szport
W kerym trza pokozać coś jest richtig wort.

[broneknotgeld]

Holandio w Europie

Ponoć takego państwa tu niy ma
Tako by tyż szło zaczońć tyn tymat
Toż przeca wiymy - som Niderlandy
W kerych doszukosz se dwoch Holandii.

[broneknotgeld]

Krolestwo Niderlandow

Na dwunostu prowincjach jakby se zicnyło
Tako jest i bydzie - bo tyż przeca było.

[broneknotgeld]

"Zachowuj się jak inni i tak jesteś wystarczająco żałosny".

Te holynderske przisłowie znocie?
Dyć już coś wiycie ło jejich cnocie.

[broneknotgeld]

Zeelandia

"Kraj morza" - richtig to tela znaczy
Co sie bydymy tukej łonaczyć?
To ziymia jakby kradziono wodzie
Toż Posejdona czasym fest bodzie
Bestoż piyńćdziesiont jedyn lot tymu
Richtig chcioł zabrać co wziyli jymu.

[broneknotgeld]

Brunssum

W Limburgii miasto takowe znocie?
We Polskim Domie tam wiela pociech
Choc gruby downo pozamykali
Dyć tyn nasz bergmon siedzi tam dali
Toż Niderlandy - tukej mu lepi
Ze satelity Polskom se krzepi.

[widmowolnosci]

Po holendrzycku lo Slunzku.Hartelijk Bedankt voor moie rijmworden.Prachtig.
I vind gewoon prachtig silesische volkstaal en gedichten die
Broneknotgeld heeft geschreven .Dat was echte Sinterklaas verasing. Moie
cadeau. Dla tych ktorzy by nabrali ochoty na wiecej, robie u gory linka
do forum gdzie Broneknotgeld skriwuje a obok niego znany nam hepik1.W
watku uzyteczne linki umieszcze za to link do slownika rymowanek
holenderskich.Rymowanki sa tu tez popularne. Pozdrawiam Serdecznie. Widmok

[widmowolnosci]

lo jo gluptok, zapomniolci dyc richt dzisioj Barborka.Brunek Scesc Boze
Tobie i Calymu Slunzku Tobie Hepiku tyz.Widmok

[broneknotgeld]

Św. Barbara

Patronka z bergmonym na tym dole była
Przed wielgim niyszczyńściym czynsto go chroniyła
Czasym jak mu wongel blysnoł mocno w łoczy
Myśloł że jom we nim choć ździybko łoboczy

Doczekoł sie w końcu łon pyndzyji swoji
Dyć teroz ło żywot ciyngiym sie zaś boji
Jak downiyj se rzyko ło trocha tyj mocy
Dlo swojyj Barborki - bo jom mo we zocy.

[broneknotgeld]

Ponoć Wenecjo jest Amsterdamym
Łod dziejow gyszynk taki im dany
Yno gondole som richtig włoske
No bo kanały tu i tam boske.


forum.gazeta.pl/forum/71,1.html?f=261

[broneknotgeld]

Wenecjo Połnocy

Setka wyspow - kanałow sto szejśćdziesiont piyńć
Nojlepi we łodce se po mieście kryńć.

[broneknotgeld]

"Amstelledamme"

Dyć tama na Amstel tukej zbudowali
Łod niyj i łod rzeki miano szteli dali.

[broneknotgeld]

Plac Dam

Toż serce tukej kaj tama była
Stond miasto rosło ciyngym we siyła
Sie rozpościyro jak pajynczyna
Ta niderlandzko piykno dziedzina.

[broneknotgeld]

Pałac krolewski

Po prowdzie piyrwyj był ratusz z tego
Wybudowany za republiki
Dyć godny tronu łon krolewskego
Dzisioj mo dobre we tym wyniki.

[broneknotgeld]

Skiż Ludwika

Krol Niderlandow ze Bonapertych
Ratusz se wybroł dlo dworu swego
Dyć richtig tukej łon wiela warty
Inksi za krokym poszli istnego.

[broneknotgeld]

Polski "ratusz"

Na polskich palach tyn "pałac" stoji
Bez nich utopioł by se w marasie
Choć wieki lecom nikt sie niy boji
Ponoć mocniejsze łone po czasie.

[broneknotgeld]

"Czerwone latarnie"

We Amsterdamie dzielnica tako
Kero uciechy wiela nom dowo
Ze ślubnom przeca ciyngym jednako
Czy tukej lepi? Jak sie wom zdowo?

[broneknotgeld]

"Saskja"

W "dzielnicy uciechy" stoji kościoł stary
Saskja łod Rembrandta możesz tu "łodwiydzić"
Tyż dlo niyj łon robioł swojim pyndzlym "czary"
Jak już stamtond wyńdziesz werci se "pobiydzić".

[broneknotgeld]

1281

Kto w Amsterdamie mosty zrachowoł?
Ciynżke zadanie sie przeca zdowo.

[broneknotgeld]

Amsterdamsko banka

Toż niy na glajzach yno na wodzie
Mie tako banka we gowa bodzie
Wygodnie jednak pływać w kanale
Se wykolejić niy idzie wcale.

[broneknotgeld]

"Heineken"

Hehe - browaru jo niy łomina
Fondna se rajza ty "flaszki piwa"
Przi "heinekenie" byda wspominać
Aże se gowa zacznie mi kiwać.

[broneknotgeld]

No ja, trocha żech tu tych fraszek poprzeklejoł, dyć inkszych już możecie
poszukać tam.
forum.gazeta.pl/forum/72,2.html?f=59&w=19764660
Zaproszom do lektury.
Pozdrowiom wszyskich.

[umfana]

Ojeja... Jest tam "troszkę" tych fraszek.
Pozdrawiam! :o)

[broneknotgeld]

Hehe - latoś szkryflom wiela ło Niymcach
forum.gazeta.pl/forum/72,2.html?f=59&w=19671960&v=2&s=0
Dyć kto wiy, możno na bezrok chyca se za te Niderlandy.
Pozdrowiom wszyskich.

[widmowolnosci]

dzieki Bronek.Pozdrowka Serdeczne.WW:-))))