Europa po ślonsku (II)

Chorwacja

[broneknotgeld]

"Pionto pora roku" to karnawał tukej
Jak chcesz sie zabawić kaj ińdzi niy szukej.


Ze Chorwacji

Co ze Chorwacji sie przipomino?
Piyńć kun żech płacioł za dobre wino
Ze beki liter mi cołki loli
I sie życzliwie tyż zowdy śmioli

Na zmiana pioł żech biołe czerwone
Kożdy moj dzionek mioł taki koniec
Skiż tego bych tam pojechoł jeszcze
Smak tego wina pamiyntom - wierzcie.

[broneknotgeld]

Ło Chorwacji

Ponoć lawyndy i wina krajym
Yno niy pomyl jom ze tym rajym.

[broneknotgeld]

1777 kilometrow

Tela wybrzeżo Chorwacjo mo
Czy jakiś wandrus je cołke zno?

[broneknotgeld]

66 wysp

Choć wysp zrachujesz tu przeszło tysionc
Tela jest "ludnych" mogbych se przisiońść
Bo cołko reszta bezludno przeca
Trza do inkszego wciepać je neca.

[broneknotgeld]

Trufle

Trufle we jedzyniu mie tu zodziwiajom
Zdo sie - po Francuzach łoni fest im pszajom.

[broneknotgeld]

"Burek"

W cieście miunso zapieczone
Abo kyjza - na tym koniec.

[broneknotgeld]

Chorwacke klapy

Niymi Chorwacjo przepiyknie spiywo
Możno nikery se tymu dziwo
Dyć ze muzyczkom, pieśniczkom tako
Czowiek i cieszy i czasym płako.

[broneknotgeld]

"Wawrzyn"

Ano - drzewo Apollina
We Chorwacji wszyndy rośnie
Stond wesoło ludzi mina
Słonko wito ich radośnie

Zjysz ze kartoflonkom liście
Zło łodgoniom łod czowieka
Tref swoj poznać chcielibyście
Toż jest laur - na co czekać?

[broneknotgeld]

Oliwka

Ano - rodzicielkom oliwka se zdowo
Choć na duge roki jom kery łostowio
Dyć go zaś prziwito i łobdorzy plonym
Dlo Chorwata matkom co kuko przed domym.

[broneknotgeld]

Travarica

Travarica z trowom
Dyć se niom niy dowiom
Bo przejrzysz na łoczy
Radość w dusza skoczy.

[broneknotgeld]

"Maraschino"

Skosztuj likeru ze dzikich wiśni
Możno Dalmacjo sie po tym prziśni.

[broneknotgeld]

Jurij Dalmatin z Zadaru

Ech, pałac dożow w Wenecji stowioł
I Dalmacyji wiela łon dowoł

[broneknotgeld]

16 jezior

Niych tyn "Raj Plitwicki"
Bydzie tu na wdycki
Kaj Dynarske Gory
łon cudym natury.

[broneknotgeld]

Jedyn dziyń styknie

Jedyn dziyń ci na to styknie
Dyć przeleci richtig piyknie
Po jeziorach se popływosz
I natury cud podziwosz
Toż niy łomiń zocny szteli
Kaj cie woda rozweseli.

[broneknotgeld]

W Gorach Kapela

W Gorach Kapela tak łod połednia
Ponoć spełniyła sie przepowiednia
Loć miało ciyngym po wielki suszy
Tako co dyszcz aż gory poruszy
I miejsca znojdom na te jeziora
Co Plitwickymi zwom niy łod wczora.

[broneknotgeld]

Gory Kapela

Gody Kapela tyż Dynarskiymi
Toż ich szukejcie w chorwacki ziymi.

[broneknotgeld]

Łod Czorny Krolowy

Tako wom godom ło tych Plitwicach
Ludzie wpiyrw mieli fest smutne lica
Bo epno susza w dziedzinie była
Zdo sie co ziymia tu aż polyła

Toż wiycie - ludzie wiela rzykali
Ło dyszcz ze nieba tako błogali
Czorno Krolowa to usłyszała
I dyszcz dziedzinie podarowała

Loło po suszy fest przez dni wiela
W końcu ze słonkym blysnyła sztela
Dyć już na zowdy tyż z jeziorami
Szczyńście kupluje sie z Plitwicami.

Dalmacja

[broneknotgeld]

Dalmacjo

Prawiom co w Chorwacji łona nojgryfniejszo
Tako jako piyrwyj we pora dzisiejszo.

[broneknotgeld]

Aroma Dalmacyji

Aroma lawyndy, wina i łoliwy
Tyż gajow piniowych - Dalmacyji dziwy.

[broneknotgeld]

Maraschino

Liker wiśniowy co grzeje dusza
Z niym Dalmacyjo se wspomnieć musza.

Rijeka

[broneknotgeld]

W karnawale burgemajster klucze miasta zdowo
W rynce Mistrza i Królowy bo wiy że to zdrowo
Miesionc łoni tukej "rzondzom" - przebiyrańcow władza
Śmiych zabawa tańcowanie - szczyńście tyż w to wsadza
Tym ta zima przepyndzajom - wiosna prziwołujom
Nowe życie w zocy majom bestoż sie radujom.


14.II. - św. Walyntego

Bajtle fest uciecha majom
W tyn dziyń tyż sie przblykajom
Wielko w mieście jest parada
Pszonie - życie - maszkarada.

[broneknotgeld]

Bal maskowy w łostatnio sobota

Za Franca Jozefa tukej lepszo sfera
Zowdy sie bawiyła richtig aż za wiela
Bal w pałacu zocny - u gubernatora
Kończoł sie jak ranno przichodziyła pora

I dzisioj sie bawi chorwacko elita
We maskach - ło miano ich lepi niy pytać
Tako jednak przeca tradycjo im koże
Karnawał sie kończy - pościć trza zaś Boże.


Łostatnio niydziela karnawału

Przebleczony pochod miyndzynarodowo
Wszysko sie raduje bo to przeca zdrowo
Miastym karnawału Europy Rijeka
Trza nom tam pojechać - niy bydymy czekać.

Zadar

[broneknotgeld]

Zadar

Na forum antyczne tukej se podziwej
Bo siyngo tyn Zadar richtig czasow downych
No ja - dyć jeronie już nosym niy kiwej
Wiymy że to konsek Chorwacji cudowny.

[broneknotgeld]

Jurij Dalmatin z Zadaru

Ech, pałac dożow w Wenecji stowioł
I Dalmacyji wiela łon dowoł

[broneknotgeld]

Kościoł św. Donata

Jasnym kamiyniym wiernych durś woło
A wele niego w sztandach wesoło.

[broneknotgeld]

W Zadarze

W dalmackim Zadarze Rzym swoj ślad łostawioł
Niyroz legjonista se tukej zabawioł.

Sibenik

[broneknotgeld]

Sibenik

Sibenik łod morza w pelny swoji krasie
Na postoj u przeca tyż zaczimać trza sie.

[broneknotgeld]

Szybenik

Wszyndy mury ze wieżami
Podziwejcie se im sami
Piyrwyj Turka niy puszczały
Dzisioj by turystow brały.

[broneknotgeld]

Katedra św. Jakova

Prawiom co perła to Szybeniku
Zdo sie we wercie niy yno bliku
Juraj Dalmatin jom przeca stowioł
Co w Wenecyji wiela zabowioł.

Zagrzeb

[broneknotgeld]

Zagrzeb

Toż Chorwacji to stolica
Pokazuje nom dwa lica
Dyć niy lewe ani prawe
Gorne dolne - niyciekawie?

Pula

[broneknotgeld]

Binder w Puli

Karkym amfityjatr rzymski
Kery szczimoł rożne klynski
By se bindrym tym poasić
Cołke miasto jakby krasić.

Hvar

[broneknotgeld]

Maderom Chorwacji ta wyspa jest zwano
Skiż wina i słonka take jeji miano.

[broneknotgeld]

Wyspa Hvar

Prawiom co Chorwacji to jakby Madera
Toz se niy dziwejcie że tam zaś wybiera.

[broneknotgeld]

"Jadrolinija"

Toz promym ze Splitu abo ze Dvernika
Na Hvar se wybieresz i niy musisz rzykać.

[broneknotgeld]

Ciyngym

Ciyngym lawyndom i rozmarynym
Hvar cie prziwito - zaprosi driny
Lasy piniowe aromom skuszom
Tu sie radujesz ciałym i duszom.

[broneknotgeld]

Faros IV w p.n.e.

Ponoć tu Greki piyrszymi byli
Faros - osada se założyli
Coś ze Egiptu mi sie wspomino
Dyć możno w gowie zaś miyszo ino.

[broneknotgeld]

Pharia

Ano - po Grekach tukej Rzymiany
Toż sztela teroz ze jejich mianym.

[broneknotgeld]

Hvar

Mianym chorwackim asi sie tako
Zdo sie już zowdy bydzie jednako.

[broneknotgeld]

Chorwacko perła

Chorwackom perłom wyspa mianujom
Kej po zatoczkach tukej wandrujom
Kej we lawyndzie abo winnicy
Niy yno blikosz po okolicy.

[broneknotgeld]

Hvar

Na pałace kukosz, alejki w marmurze
Hvar jako Wenecjo - niy znod żeś sie w dziurze.

[broneknotgeld]

Na promynadzie

Na promynadzie palmom se dziwosz
A we kafejkach frelkom pokiwosz
Fisze ze grilla aż w nosie kryncom
Tutejszym winkym tyż knajpki nyncom.

[broneknotgeld]

Hvar

Stolicom wyspy miasto z tym mianym
Sie niy pomylisz i rozespany.

[broneknotgeld]

Spanjola

Twierdza nad miastym zicła wysoko
Zdo sie wandrusa prziciongać łoko
Piyrwyj przed Turkym łobronić miała?
-Ciekawe jako sie sprawowała.

[broneknotgeld]

Miod ze wyspy

Miod ze ty wyspy do dom zabiera
Coby se wspomniec jak mi tu teraz.

Trogir

[broneknotgeld]

Traugarion 385 r p.n.e.

"Koziom wsiom" Greki osada zwali
Dyć wpiyrw se łoni tu osiedlali
Wyspa sie richtig im spodobała
I zdo sie wiela szczyńścio tyż miała.

Szybenik

[broneknotgeld]

W Szybeniku

Byda ze tobom naprowdy szczyry
Cie w Szybeniku rozbolom gyry
Łazić po mieście tukej trza wiela
Dyć cie schodami umynczy sztela.

Dubrownik

[broneknotgeld]

Stradun

Po Stradunie se deptom poleku
Już na bombki jo wcale niy czekom
Dyć chca wiedzieć czy richtig żech w raju?
Czy se yno do rymu tak bajom?

[broneknotgeld]

Bioły Dubrownik

Kej se kuko słonko w wopiyń dubrownika
Zdo sie skiż biołości idzie aże rzykać
Niy darmo dziedzina sie cudym wydowo
We raji dziedzictwa naszego dyć stowo.

Split

[broneknotgeld]

Pałac Dioklecjana

Pałac Dioklecjana w Split se jakby wtopioł
Co niym tukej niy jest - niy byda se tropioł
Dlo mie zdo sie sercym miasta portowego
Tako we pamiyńci łostawia jo jego.

[broneknotgeld]

W Splicie

Dioklecjan w Splicie
Pszoł se nad życie
Toż ślad łostawioł
Kej tukej bawioł.

Korczula

[broneknotgeld]

Na Korczuli

Na Korczuli wiela
Pola miano nosi
Czy wandrujom tela?
Historio niy głosi

[broneknotgeld]

Korczula 1254

Rok dlo grodu przezocny
Marco Polo se rodzioł
W wandrowaniu był mocny
Ze Korczuli pochodzioł.

[broneknotgeld]

Korczulańske tańce

W Vela Luce śpiywym
Tukej tancym zdo sie
Korczulańskim dziwym
Szczyńścio wiyncy mo sie.

[broneknotgeld]

Lipiec w Korczuli

Na Marco pola festiwal zjedziesz
Radosciom bydzie śpiyw taniec wino
Niych duch wandrusa cie tu prziwiedzie
A potym dugo lipiec wspomino.

[broneknotgeld]

Korczula

Marco Polo po niyj chodzioł
Dyć sie istny tu urodzioł.

[broneknotgeld]

Pupnatska Luka

Zatoka zdo sie fiordym dyć prawie
Spokoj tu znojdziesz kejś po zabawie.

Vela Luca

[broneknotgeld]

W Vela Luce

W Vela Luce łyk wina jest śpiywym
Zdo sie richtig chorwackim to dziwym
Przetrynujesz se struny głosowe
Niym ci Bachus zaszumi we gowie.

Blato

[broneknotgeld]

Blato

Z Vela Luki zoglondna do Blato
Przeca sztela to tyż niy sagato
Choć łod morza ździybeczko jest dali
Jakiś planow mi to niy łobali.

Bracz

[broneknotgeld]

Bracz

Wele Hvaru Bracz znojdziecie
Toz ciekawo wyspa przecie.

[broneknotgeld]

Se chwol

Jak cie kusi braszke Brol
Toż tyn "złoty rog" se chwol.

[broneknotgeld]

Taki kościoł

Świyntego Jana i Teodora
Tysionc lot stoji - wiym to łod wczoraj.

Krk

[broneknotgeld]

Krk (409 km kwadratowych)

Toż to nojwiynkszo wyspa Chorwacji
Na kero mostym ze londu wjedziesz
Cudym tyż zdo sie - w tym wiela racji
Życie na Krk se szczyńśliwie wiedzie.

[broneknotgeld]

W Krk

W Krk se latym niy ponudzisz
Mozno dusza nawet zbudzisz
Tu koncerty i wystawy
Tako wiela tyż zabawy.

Baszka

[broneknotgeld]

Plaża w Baszce

Miejsca dlo chyntnych na niyj wystyknie
Dwa kilometry ciongnie sie piyknie
Do tego ciepło klarowno woda
Piyknie jest tukej - co wiyncy godać?

Jurandvor

[broneknotgeld]

Stare wrota

We kościele świynty Łucji
Znojdziesz take wrota
Co zobytkym piśmiynnictwa
Narodu w tym cnota.

Pag

[broneknotgeld]

Mostym na Pag już drapko przejedziesz
Dyć se niy strachej tukej "ksiynżycym"
Zielyń i złoto jak dali wjedziesz
Tyż modrość wody porachuj przi tym.

[broneknotgeld]

Jagniyńcina

Miynso z natury już jest ziołowe
Nawet prziprowiać niy musi czowiek
Na łogniu yno upiyc je styknie
Toż na ty wyspie żyje se piyknie.

Istria

[broneknotgeld]

Połwysep Istria kyksym sie zdowo
I we pamiyńci dugo łostowo.

Motovun

[broneknotgeld]

Mury motovuńske (XIII w.)

Motovuńske mury pamiontkom po wiekach
We kerych na wroga trza było w nich czekać.

Beram

[broneknotgeld]

Beram

Już za Illirow wioska ta była
Wenecji tyż se kłoniała
I Austryjokom jak mieli siyła
Toż richtig wiela szczimała.

Lovran

[broneknotgeld]

Lovran

Kurort ze lauru wzioł swoje miano
Kvarnyńsko Riwiera krasi
Słonko prziwito cie tukej rano
Lovranym przeca se asi.

Vis

[broneknotgeld]

Wyspa Vis

Ta dalmacko wyspa ciyngym trocha dziko
Bestoz i w sezonie spokoj tu znojdziecie
Chcesz se huchnie bawić to ze Vis uciykosz
Tako se łod downa tukej przeca plecie.

Rovinju

[broneknotgeld]

Na kościele

Na kościele w Rovinju Eufemia durś stoji
Pogoda wskozuje - se Chorwat niy boji
Jako ta statua patrzy w same morze
Za słonko w dziyń cołki dziynkuja ci Boże.

Vodice

[broneknotgeld]

Vodice

Vodice som małe
Przyńść możesz je całe
Port, ratusz, dzwonnica
Dyć radujom lica.

Słowenia

[broneknotgeld]

Ze jaskiń krasowych ta Słowynio słynie
Przeca ich nojwiyncy w tutejszy dziedzinie

[broneknotgeld]

Festiwal Lata
Bych se tam bawioł przez cołke lato
Yno z roboty wyciepnom za to.


Słowyńsko kuchnia

Słowyńsko kuchnia jakby miyszano
Własno im cosik niy była dano
Italio z Austriom tukej we zgodzie
A i madziarsko tyż ze niyj bodzie.

[broneknotgeld]

France Presaren

Tyn poeta narodowy
Na banknocie tolarowym.

[broneknotgeld]

Słowynio - 2004

Illirowie Traki Celty
Tyż Rzymianie i Słowianie
Miszong tu zrobiyli wielki
A i Frankow czas nastanie

We habsburski potym szteli
Dugo ta dziedzina była
Dyć se sami rzońdzić chcieli
Narodowość sie rodziyła

Jeszcze w wieku dziewiytnostym
Z ciynia wyszli se Słowyńcy
Tyż dwudziesty wiek - niyprosty
Teroz jednak nic niy mynczy

Już minyło lot czinoście
Jak se sami tukej rzondzom
Wiedzom ło tym nawet goście
Że we ćmoku niy pobłondzom.

[broneknotgeld]

Jynzyk słowyński

Po prowdzie to jakby "tyglik jynzykowy"
Yno to i ło niym przichodzi do gowy
Dwa miljony ludzi - djalektow sztyrdziści
Wiela swoja godka durś tam przeca piyści.

[broneknotgeld]

Planica

Hopser tukej jest mamuci
Jo ze wiyrcha by żech uciyk.

[broneknotgeld]

Jaskinia Postojna

Niom Słowynio richtig słynie
Toż niy zabocz w ty dziedzinie
Piechty abo nawet cugym
Jak ci szpacyr zdo sie dugim.

[broneknotgeld]

Most Napoleona

Ano, kupluje dwa brzegi Soczy
Toż Napoleon gyrow niy zmoczy
Francuzy piyrwyj go zbudowali
Pewno ze wojskym tu przeprowiali.

[broneknotgeld]

46 kilometrow

Wiyncyj brzegu by sie chciało
Dyć Słowynio tyż dość mało.

[broneknotgeld]

Skiż Privki

Skiż Privki jaskinio - cud tyn zwom Postojna
Rzeka wopiyniowi wydała tu wojna
Kilometry izbow w kerych stalaktyty
Zdo sie świat cudowny przed tobom łodkryty.

[broneknotgeld]

Z gruszek

Z gruszek gorzołeczka słowyńsko smakuje
Dyć niy pij za wiela - palica poczuje.

Lublana

[broneknotgeld]

Krakovo

W Lublanie ta piykno dzielnica - Krakovo
Artystow prziciongo - tako mi sie zdowo.

Portoroż

[broneknotgeld]

Port Rołzow

Kaj zatoka Piran Portoroż znojdziecie
Arcyprinca tukej mono wspomnieć checie
Ano, przi Habsburgach piyrwyj wszysko było
Niym sie z piyrszom wojnom cysorstwo zbulyło.

[broneknotgeld]

"Monte Carlo"

Kaj gora Malija Portoroż se zicło
Jako Monte Carlo chnetko by rozkwitło.

[broneknotgeld]

W Portoroż

W Portoroż przi plaży wielgachne hotele
Mie jakoś niy ciongnie prawie do ty sztele.

Koper

[broneknotgeld]

Koper

Na Italijokow durs tukej treficie
Myńszościom w Słowyńji - tu ich wiela, wiycie.

[broneknotgeld]

Koper zodziwio

Koper gotykym no i barokym
Zodziwio tako ze kożdym krokym.

Piran

[broneknotgeld]

Piran

Słowynio we morze jakby paluch wcisko
Na niym tyn grod Piran - tako wiycie wszysko.

[broneknotgeld]

Dom Wenecki

Na fasadzie lew niy dziwo
Italyji dyć łon kiwo
We Słowyńji tyż niy straszy
Se wspomino downe czasy.

[broneknotgeld]

Kościoł Matki Boski Śnieżny

Wiela śniega tukej majom?
Ło jeronie - dyć niy wajom.

[broneknotgeld]

Giuseppe Tartini (1692)

Krzipek se rodzioł we ty dziedzinie
Toż pamiyńć ło niym tukej niy minie
Tako mi świto na jego placu
Mono kaj tyroł kamiyń pomacom.

[broneknotgeld]

Wenecki Piran

Ano - boł wenecki dugo
Toż w ta strona jakby mrugo.

Macedonia

[broneknotgeld]

Macedonia

Macedonia mało dzisioj
Dyć ło Olku kożdy słyszoł
Wielke ziymie go czekały
Choć łon tyż był cosik mały.

[broneknotgeld]

Niy ma leko
wiadomosci.gazeta.pl/wiadomosci/56,114944,18609986,Placz__wrzaski__Matki_z_dziecmi_na_rekach__Nieporuszeni,,1.html
Nos tyż czeko?

Czarnogóra

[broneknotgeld]

Czornogora

Łostatnimi czasy jakby zapomniano
Dyć przeca kraina przez Ponboczka dano
Jako wiela inkszych wszyskim bożym dzieciom
Rymy czornogorske niychej se nom klecom.

[broneknotgeld]

Tara

Nojdugszo rzeka we Czornogorze
Zdo sie ze Pivom we jednym chorze
Toż czamu robisz zdziwione mina?
Jak se połonczom to bydzie Drina.

[broneknotgeld]

Montenegro

Toż Turek gyry tu niy postawioł
Chocioż Bałkanow panym se jawioł.

[broneknotgeld]

Czornogora

Ponoć łostatnio modno sie stowo
Dychniesz tu jeszcze tonio i zdrowo
Toż trza sie wybrać - niy ma co czekać
Już ta dziedzina kusi czowieka.

[broneknotgeld]

Sazjdong wziyła

Z Serbjom cołkym szajdong wziyła
Teroz lepi bydzie żyła?
Na to pewno tu rachujom
Do Uniji sie kerujom.

[broneknotgeld]

broneknotgeld napisał:

> Sazjdong wziyła
>
> Z Serbjom cołkym szajdong wziyła
> Teroz lepi bydzie żyła?
> Na to pewno tu rachujom
> Do Uniji sie kerujom.
>
Szajdong wziyła

[broneknotgeld]

Euro w Czornogorze

Czornogora tym bogacisz
Że za wszysko w euro płacisz
Już tyn piniondz wiyrchym tukej
Nic inkszego dyć niy szukej.

[broneknotgeld]

Czornogora 3.VI.2006

Juz niy we federacyji
Niypodległo bez mecyji
Trzeci czyrwca tu radocha?
Pofajrować chcom niytrocha?

[broneknotgeld]

260 km wubrzeżo

Czornogory brzegi Adriatyk łobmywo
Prawiom co sie Neptun czynsto tyż jyj dziwo
I chciołby ze wody wylyźć na lond stały
Dyć czasym tak ślimto że fale ślom gały.

[broneknotgeld]

"Copacabana"

Do Brazyliji sie niy wybiyrom
Na Czornogora prawie zaziyrom
Kaj łod połednia pioszczysto plaża
"Copacabana" - na niyj połaża.

Primorje

[broneknotgeld]

"Przimorze" już tu wandrusa ciongnie
We nowe czasy ta sztela wprzongnie.

[broneknotgeld]

290 km

Tela brzegu mo ta sztela
Jak na mały kraik - wiela.

Środkowa Czarnogóra

[broneknotgeld]

Czornogorski kras
Środek szteli niych niy straszy
Yno cie zochwyci krasym
Przeca te wopiynne skały
Cudym jakby se nom zdały.

Brda

[broneknotgeld]

Brda - wysoke gory

W ty czyńści kraju wiynksze som gory
Możno połazić po nich chce ktory
W "Przeklyntych" znojdzie nojwyrszy szczyt
Co Gor Dynarskich zocny mo sznyt.

Kamenovo

[broneknotgeld]

Kamenovo

"Duge łodzie wikingow" ponoć tu kryńciyli
Toż tym Kamenovym fest se zochwyciyli.

Budva

[broneknotgeld]

Budva

Budva żyje z turystyki
Toż łostowcie ździybko grosza
Niych mo dobre w tym wyniki
Dyć niy yno jo wos prosza.

[broneknotgeld]

Budwa

W rejestr UNESCO Budwa wpisano
Cudno starowka dziedzinie dano
Szymro coś ciyngym ło downych wiekach
No i zochwyco tako czowieka.

Wyspa św. Stefana

[broneknotgeld]

Wyspa św. Stefana

Nojgryfniejszo w Montenegro
Z żodnom inkszom tu niy przegro.

[broneknotgeld]

Myto

Piyńć euro przi bramie trza stracić
Dyć niy żałuj - se łopłaci.

[broneknotgeld]

Św. Stefan

Przi samym brzegu ta wyspa prawie
Grobla ze londym kupluje
Mono sie zdowo jak śnik na jawie
Toż wandrus tyż jyj dziwuje.

Kotor

[broneknotgeld]

W Kotorze

Z Kotoru mury twierdza zrobiyły
Toz łona richtig nad Turkow siyły
Tako tu było przez wiekow wiela
I dzisioj takom zdo sie ta sztela.

[broneknotgeld]

Kotor

Na lista UNESCO tyn Kotor wpisany
Tako w cołkym swiecie jakby podźwigany.

[broneknotgeld]

"Perła Adriatyku


Wadzi sie Kotor ze Dubrownikym
Kery tom "perłom" nad Adriatykym?
Mie i dwie "perły" tukej niy wadzom
Kej łobie gryfne - łobie paradzom.

[broneknotgeld]

We Kotorze

We Kotorze euro płacom
Choć w Uniji niy łonacom.

[broneknotgeld]

Za Bramom Morskom

Za Bramom Morskom Kotor prastary
Wito wandrusow wieżom z zygarym.

[broneknotgeld]

Wieża zygarowo 1602

Richtig tela rokow tyn zygor czas mierzy?
Możno łon jest młodszy łod ty stary wieży.

[broneknotgeld]

Mury Kotoru

Ciongnom sie kilometrami
Kotor stary za murami.

Boka Kotorsko

[broneknotgeld]

Boka Kotorsko

Zodziwio fest łoka
Fiordym ta zatoka.

[broneknotgeld]

Skiż Kotoru

Skiż Kotoru jeji miano
Dyc z gryfności swoji znano.

[broneknotgeld]

Wyspa Matki Boski na Skale

Ta wyspa ryboki tukej usypali
Dyć niy po to coby ludzi dziwowali
Łobroz Matki Boski wpiyrw w wodzie złowiyli
Niym wyspa w tym miejscu tako tu zrobiyli

Dzisioj jako cudo - łod wiekow już stoji
Przi tymu jom kościoł ze wotami stroji.

Risana

[broneknotgeld]

Risana

Plaża we Risanie wandrusa pokusi
Sie tukej na piosku legnońć ździybko musi
Przi tymu łokompać we wodzie zatoki
I euro tyż wydać, chocioż tropiom zoki.

Perastu

[broneknotgeld]

Z Perastu

Z Perastu na wyspa malutko popłyniesz
Dyć takego cudu pewno niy łominiesz.

[broneknotgeld]

Wyspa Matki Boski na Skale

Ta wyspa ryboki tukej usypali
Dyć niy po to coby ludzi dziwowali
Łobroz Matki Boski wpiyrw w wodzie złowiyli
Niym wyspa w tym miejscu tako tu zrobiyli

Dzisioj jako cudo - łod wiekow już stoji
Przi tymu jom kościoł ze wotami stroji.

Bar

[broneknotgeld]

Bar

Bar na wybrzeżu pewnikym znocie
Tyn kurort w zocy ciyngym tyż mocie.

[broneknotgeld]

Stary Bar

Werci sie kuknońć choc to ruina
Dyć historyjom zocno dziedzina.

[broneknotgeld]

"Staro Maslina"

Jako ty oliwki roki porachować?
Trzaby przed Krystusym ziorko w ziymia dować
Czy nojstarszym drzewym richtig jest w Europie?
-Kto szuko inkszego w palica se dropie.

Ulcijn

[broneknotgeld]

Ulcijn

Tu se poczujesz bardzi na wschodzie
Orjynt dziedziny niy yno w modzie
Trza by sie cofnońć w turecke czasy
Przeca to dzisioj wcale niy straszy.

Serbia

[broneknotgeld]

Już bez Czarnogóry ta dziedzina wsadza
Przeca ło ich szajdong wcale se niy wadza.

[broneknotgeld]

Coś ło niyj dom
Kej prawie mom.

Belgrad

[broneknotgeld]

Belgrad

Jedna z nojstarszych dziedzin w Europie
Stolicom Serbji - dyć wiysz to chopie.

Bośnia i Hercegowina

[broneknotgeld]

Bośnia i Hecegowina

Toż czi narody fest tu miyszajom
Nojgorsze możno za sobom majom
Zdo sie - niy bydzie teroz im leko
Czas budowanio ciynżki ich czeko.

Cypr

[broneknotgeld]

Cypr

Dlo mie Cypr przeca już Azjom był
A dzisioj w Unii ze nami
Europa teroz mo wiyncy siył
Łoni jak my - niy som sami.

[broneknotgeld]

"Wraki" - galoty

Nurkować za niymi niy radza
Styknie jak na dupa wsadza.

[broneknotgeld]

"Challoumi"

Cigi kyjza grilowano
Zjydz we wieczor - poprow rano.

Limassol

[broneknotgeld]

Limassol

Se połazikuj tu o ruinach
Kere powstały skiż Apollina
Cypr to tyż przeca jest wyspa słońca
Lato tu jakby niy miało końca.

Pafos

[broneknotgeld]

Pafos

Niy yno skiż Afrodyty ta miejscowość słynie
Toż katakumb krześcijańskich tyż czowiek niy minie.


Festiwal Afrodyty

Wrzesiyń - bestoż w Pafos teroz dużo gości
Festiwal tu piykny skiż wielki miyłości
Afrodytom miasto i Cypr cołki słynie
Tu sie narodziyła - w ty piykny dziedzinie.

[broneknotgeld]

W Pafos

W Pafos akwarium jest ze fiszami
Z cołkego świata - łoboczcie sami
Sie kolorami swojymi aszom
Łone przi tymu rykym niy straszom.

[broneknotgeld]

Wele Pafos

Skały Afrodyty prawie tu se kompiom
Choć do nich bogini na muszli niy płynie
Dyć przeca widoku gryfnego niy skompiom
Tako jako wszysko w cypryjski dziedzinie.

[broneknotgeld]

Kto łopłynie

Skały Afrodyty kto dzisioj łopłynie
Jak ze wody wyńdzie rok łostatni minie
Znali tu jednego - wiela razy płynoł
Czy ryby go zjadły? Ze życiym se minoł?

Larnaka

[broneknotgeld]

Larnaka

Wspominom w Larnace świyntego Łazarza
Kaj łon moczoł gyry jo se teroz łaża.

[broneknotgeld]

Łazarz w Larnace

Niy darmo mu Jezus na powrot doł życie
Tukej boł biskupym - pewno ło tym wiycie.

[broneknotgeld]

Kition

Piyrwyj Larnaka Kitionym była
We historyji z downa niy kryła.

Nikozja

[broneknotgeld]

Nikozja

Nikozja murym se ciyngym dzieli
Ludzie po łobu stronach go chcieli?

[broneknotgeld]

Prawie teroz

W samy Nikozju mur już zbulyli
Kedy cuzamyn zaś bydom żyli?

[broneknotgeld]

We Nikozji

Chopy w tryktraka grajom na dworze
Ano - tyż ciebie to wciongnońć może.

[broneknotgeld]

Dynkmal Makariosa

Dynkmal biskupa w Nikozji majom
Prezydyntowi piyrszymu pszajom?
Dyć przed pałacym podźwigli jego
Kaj szukać miejsca by mu lepszego?

Lefkara

[broneknotgeld]

Lefkara

W gorach Troodosu wioska to mało
Świat jyj se jakby zodziwić chciało
Koronki przeca take tu robiom
Zdo sie Europa niymi łozdobiom.

Mazotos

[broneknotgeld]

W Mazotos

W wiosce kamele park swoj aż majom
Toż se nikerzy tymu dziwajom
Chcom jym na puklu zicnońć tyż tako
Mogom - toż dlo nich przeca jednako.

Agros

[broneknotgeld]

Kościoł św. Mikołaja w Agros

Matka bosko w ty świontyni
Jezuskowi cycka dowo
Macierzyństwo sie niy miyni
Zowdy tako w łoczach stowo.

Agia Napa

[broneknotgeld]

Agia Napa

Agia Napa plażom kusi
Toż zoglondnońć kożdy musi.

Vouni

[broneknotgeld]

W Vouni

Toż we gorach Trodos wioseczka znojdziecie
Kaj yjzle se czimie "na pyndzyji" przecie
Możesz tukej nawet gowiydź adoptować
Dyć musisz co miesionc ździybko euro dować.

Kouklia

[broneknotgeld]

W Kouklji

Kaj dzisioj wioska na Cyprze leży
Raj zdoł sie piyrwyj - możecie wierzyć
W świontyni tukej łod Afrodyty
Czy mog być jakiś chop niywyżyty?

Dyć cery Cypru pszonie sławiyły
Na zawołanie pontnikow były
Tako bogini ofiarowały
To czego aże za wiela miały.

Włochy

[broneknotgeld]

Rzym

Tam kaj siedym gorek stanyła ta Roma
Europejczyk godo - Jo jest tukej w doma
Bo przeca my wiela erbli łod tych Rzymian
Choć legjonow jejich już łod downa niy ma.

[broneknotgeld]

Ferrari

Italyjoka w tym aucie dusza
Piykno - to szkryfnońć przeca tu musza.

[broneknotgeld]

Ćwierć miljona

Ćwierć miljona kilometrow
chnetko kwadratowych
Zdo sie dużo - kożdy przeca
dzisioj tako powiy.

[broneknotgeld]

"Kultura Villanova"
W czecim tysioncleciu na połwyspie rosła
Przeca do znaczynio jakosik niy doszła
Nic że bronz i nawet ajza już tu znali
Etruski i Greki Italyjo dali.

[broneknotgeld]

Greki

Toż utropy z niymi niy ma
Spodobała im se ziymia
Kero miała wiyncy niw
Grek w Italji - żodyn dziw.

[broneknotgeld]

Wele Neapolu

Ano - ty sztele jeszcze niy było
Dyć Grekow wiela tu prziciongnyło
Tako Cumae wspomnioł bych tukej
Se nad zatokom je teroz szukej.

[broneknotgeld]

Nauczyli

Greki Italikow wojować uczyli
Toż se na tym drapko i sami natnyli.

[broneknotgeld]

Toskania i Lacjum

Toskania i Lacjum - Etruskow dziedziny?
Dyć łoni tu prziszli a niy - byli driny
Toż se zakryńciyło historyji koło
Z czego Italikom mogło być wesoło.

[broneknotgeld]

12 miast-państw

Etruski razym cołkym niy żyli
We miastach-państwach dyć se sklupnyli
Kerych dwanoście richtig aż było
Toż wele tego sie to kryńciyło.

[broneknotgeld]

W Lacjum

Na Etruskow szlaku co wiod ich do Grekow
Wioszczyna se stoła - wiydz ło tym czowieku
W niyj żyli Latyny stond i Lacjum miano
Historyjo szteli wielko bydzie dano.

[broneknotgeld]

Czy założyli?

Remus i Romulus
Czy Rzym założyli?
Czy w mały wioszczynie
Wpiyrw Etruski byli?

[broneknotgeld]

Tarkwiniusz Pyszny

Rzońdzioł krol etruski Romom richtig twardo
Chocioż już Latyny paczom nań fest hardo
Toż utropa jego z chuci sie zrodziyła
Za gwołt na Lukrecji poczuł jejich siyła.

[broneknotgeld]

Lucjusz Juniusz Brutus

Łojca republiki widzi we niym Roma
Łon tyż to zrychtowoł co wolni som w doma
Toż se mynżym prawym i dzisioj nom jawi
-Śmierć dlo synow zdrajcow - serce yno krwawi

Tako republika wysoko postawioł
Chocioż i niyszczyńście familiji sprawioł.

[broneknotgeld]

509 r.p.n.e.

Już Etruskow w Romie niy ma
Czy spokojno teroz ziymia?
Wpiyrw podbici - zdobywajom
Toż Latyny szwong w tym majom.

[broneknotgeld]

Korsyka

Toż po Sycylji drapko Korsyka
Zaczła do bogow ze Romy rzykać.

[broneknotgeld]

II wojna punicko

Ano - Hannibal wielke mioł plany
Dyć ze ty wojny wyloz przegrany
Nic że przez Alpy przelazły słonie
Toż skory Rzymian przeca niy tonie
Niy dość że armio mu potraciyli
W końcu u niego ze wojskym byli.

[broneknotgeld]

Prowincjo Afryka

Po ty łostatni wojnie punicki
Kartagińczyki poszli w niywola
Prowicjo rzymsko już tu na wdycki?
Rzym rosnie w siyła - choć go niy chwola.

[broneknotgeld]

Tyberiusz Grakchus (133 r.p.n.e.)

Wybrany trybunym dlo naprawy państwa
Chcioł ukrocić wiela ze rzymskego draństwa
Jedna kadyncyjo Synat se mu łopar
Przed drugom śmierć znoloz - ano szkoda chopa.

[broneknotgeld]

Lucjusz Korneliusz Sulla

Choć możni - tako prześladowani
Ło pomoc Sulli terozki proszom
Toż zocny wodz tyn tyż łocygani
-Na razie zbawcom go Rzymu głoszom

Mariusz już w grobie - zymsta trwo dali
Bojom sie Sulli fest prowincyje
Wodz wodza tako do cna łobali
Dyć dlo Synatu nowe mecyje

Łobrońcy tako władzy tyż czeba
Jak coś swojego przeca jom chyto
Dyktator nowy ze łaski "nieba"?
A kogo w Romie łon by sie pytoł?

[broneknotgeld]

Pompejusz Wielki

Synat przi niymu podźwignoł gowa
Zdomu sie - rzońdzi tako łod nowa
Stond Pompejusza mianujom Wielkim?
Mioł karlus kajsik te duperelki?

[broneknotgeld]

Rubikon 49 r.p.n.e.

Galijskimi tryjumfami Cezar umocniony
Przez Rubikon tako przeloz chocioż Synat bronioł
Toż we cołki Italyji już jego legiony
I Pompejusz we utropie bo bydzie go gonioł.

[broneknotgeld]

Ave Cezar!

Rzym zdo sie tako u gyrow jego
Wola Cezara znaczy tu wiela
Wszysko we rynkach terozki jego
Dyć cosik mynczy latyńsko sztela.

[broneknotgeld]

Tref taki dany

Marek Antoniusz ze Oktawianym
Pomszczom Cezara - tref taki dany
Spiskowcy swoje potracom gowy
A potym przidzie triumwirat nowy.

[broneknotgeld]

Oktawian August

Niy ma Pompejusza - Oktawian Augustym
"Wzniosły" już terozki mianym niy jest pustym
Rzym "republikański" w niym cysorza widzi
A istny brać władza wcale sie niy wstydzi.

[broneknotgeld]

August opokom

Przi jego rzondach Rzym rosnoł w siyła
- Czy wiynkszo bydzie abo czy była?

[broneknotgeld]

Kaligula

Po Tyberiuszu cysorz zaś mody
Czi lata rzońdzioł jakby do zgody
Dyć tego stykło by dostać bzika
Już trza do niego Rzymianom rzykać
Tako se bogym dlo istnych stowoł
Wiyncy utropy jednak z tym dowoł.

[broneknotgeld]

Klaudiusz Reformator

Choć jonkała - swoje zrobioł
Złych beamtrow tako "dobioł".

[broneknotgeld]

Neron cysorzym

Kto dobrze zaczyno czy musie źle kończyć?
Tako z Kaligulom se tu jakby łonczyć
Możno nad karlusym wisi matki zbrodnia?
-By pociongnońć w końcu Nerona aż do dna.

[broneknotgeld]

Roma 64 r.n.e.

Gore - zdo sie miasto to jedna fojera
Ano - już Rzymianow biere fest cholera
Czy richtig to Neron kozoł polić domy?
-Te myśli we gowie to niy yno kromy

I choć chcioł łobwinić ło to przeca inkszych
Małość tako wyszła - już niy mog być wiynkszy
Łod pożaru Rzymu koniec zdo sie blisko
Chocioż ciyngym cysorz w pałacu se miyszko.

[broneknotgeld]

Po śmierci Nerona

Pośmierci Nerona Rzym tonie w łostudzie
W czyje rynce teroz władza tako pódzie?

[broneknotgeld]

Domicjan

Syn Wespazjana tako Rzym czimie
Rożno utropa wcale niy drzymie
Tako i Synat rośnie we siyła
Toż polityka jego wrociyła.

[broneknotgeld]

Poleku prziłazi koniec

Marek Aureliusz pomarł we Rzymie
Dyć za cysorstwym utropa drzymie
Inksze plymiona cisnom granice
Durś niyspokojne to okolice

Tako trza ciyngym sie teroz bronić
I wiyncy ludzi do wojska gonić
Wodzow legionow sodzać na tronie
Zdo sie poleku prziłazi koniec.

[broneknotgeld]

Reforma Dioklecjana 286

Podział cysorstwa - kawałki dwa
Toż sie zdowało co było trza
Dioklecjan dlo sia Wschod tako broł
Maximusowi zaś Zachod doł.

[broneknotgeld]

Krześcijaństwo państwowe 324

Z Konstantynym tako krześcijaństwo stowo
Religijom teroz cysorstwa cołkego
Ze tym swoj znak mocy jakby przed sia dowo
Dyć niy uratuje przeca państwa tego.

[broneknotgeld]

Rzym 410

Rzym - miasto świata już "na delinie"
Co wielke siyłom zowdy przeminie.

[broneknotgeld]

W VI wieku

W Konstantynopolu Justynian na tronie
Mioł być rzym perełkom we jego koronie
Toż Belizariusza ze wojskami słoł
Już myśloł co w końcu wszysko bydzie mioł
Dyć na nic sie zdało bo prziszoł lud hardy
Gora tukej bierom teroz Longobardy.

[broneknotgeld]

Kościoł

Toż Kościoł se jednak dali tu rozwijoł
Ło wiara i wpływy papiyże dyć dbali
Bizantyjski muster poleku zaś mijoł
Ponboczka chwolyli ci co podbijali.

[broneknotgeld]

Bunt papieski 726

Cysorz Leon czcić portrety swiyntych zakazuje
Mo sie tyczyć i Krystusa toż bunt chnet se czuje
Longobardy ze papiyżym - Bizancjum we biydzie
Zdo sie cołkym z Italyji wykludzić se przidzie.

[broneknotgeld]

Karol Wielki

W Italyji syn Pepina
Longobardom rzyndnie mina
Przeca jejich krol w niywoli
I to richtig wiela boli
Że se Karol koronowoł
Na ich władce - dowom słowo.

[broneknotgeld]

Otton I w Rzymie 962

Ano - sie cysorz tukej niy bawioł
I papiyżowi utropa sprawioł
Toż chcioł Rzymowi wskozać czowieka
A niy na inkszych wola durś czekać
Tako poniżo władza duchowo
I swo cysarsko przed istnom stowio.

[broneknotgeld]

Canossa 1077

Cysorz pokuta tako łodprawioł
I czi dni błagoł ło pojednanie
Tym Grzegorzowi radocha sprawioł
W końcu wyboczoł - dyć co sie stanie?

Zaś w Italyji wojna domowo
Gorom terozki jest Hynryk Szworty
Papiyż w Salermo przed śmiertkom stowo
Zły tref pokozoł kto wiyncy worty?

[broneknotgeld]

Robert Guiscard 1050

Kalabrjo podbijo teroz wodz normański
Toż i ze papiyżym łon se dogaduje
Lynnikym Koscioła chocioż wielkopański
Dyć Mikołaj II wnet go koronuje.

[broneknotgeld]

Wilhelm II 1189

Z tym władcom krolestwo normańske se kończy
Tako zatracone pod italskim słońcym.

[broneknotgeld]

Gibeliny

Przi cysorzu stojom tako
Z tym swoj los zwionzali
Czy coś złego im ktoś krako?
Jako bydzie dali?

[broneknotgeld]

Dante Alighieri

Dante Alighieri czimoł se z Biołymi
Toz tako wygnany ze floryncki ziymi
Stanoł przi cysorzu bo w niym widzioł siyła
Dyć czy w Italyji łona se liczyła?

[broneknotgeld]

Renesans

W sztyrnostym wieku Renesans prziszoł
Kunszt i nauka dźwigoł we gora
Ze gospodarkom tyż piyknie wyszoł
Toż Italyjo niy jakoś dziura.

[broneknotgeld]

Republiki miejske (XIV w.)

Bogate miasto se samorzońdzi
Rowne krajowi choć czasym błońdzi.

[broneknotgeld]

Po 1454

Prziszoł jakby czas pokoju
Sie bogacom już niy w boju.

[broneknotgeld]

Werona - rod della Scala

Familijo ze Werony
Miasto jest powolne łonym.

[broneknotgeld]

"Arte della lana"

Cech wełniorzy miasto richtig dźwignoł tako
Zdo sie co niy bydzie już tukej jednako
Stond sukno czerwone - towor eksportowy
Dyć i we gyszefcie majom mocne gowy.

---

Miasto bankerow

Za dużo piniondza do Floryncji wpływo
Inkszym pożyczajom - to chyba niy dziwo.

---

Bankowo stolica Europy

Miasto to terozki bankerow europy
Bogactwym fest blyszczy - niy widać utropy
Tu cechy kupieckie na kunszcie sie znajom
Łozdobiom grod zocnie bo przeca mu pszajom.

[broneknotgeld]

Floryncko katedra

Zdo sie jakby cudym świata
Dyć łostała tu na lata
"Cech wełniany" geld wyłożoł
Wiela we Floryncji wożoł.

--

Katedralno dzwonnica

Giotto projektowoł - jego miano nosi
Do dzisioj tu dzwoni - wiernych na mszo prosi.

[broneknotgeld]

Medyceusze

Kosma i Wawrzyniec dokłodajom chwały
Miastu sie wydowo co świat tukej cały.

[broneknotgeld]

Kondotierka

Miasta sie bogacom i prowadzom wojny
Dyć kupiec to przeca karlus jest spokojny
Wystyknie co siyngnie łon po geld na wojsko
A dlo najymnika wojynka już swojsko.

[broneknotgeld]

Kapitan Francesco Sforza

Połojcu do wojny mioł wielko smykałka
Niy było w Italji dyć wiynkszego śmiałka
Nojpiyrw łon Milano swojym wojskym wspiyroł
Potym zaś Wenecjo - tam wiynkszy geld zbiyroł
Aże wzioł za ślubno Viscontiego Blanka
Niy rachowoł wcale z niom doczekać manka.

[broneknotgeld]

Traktat w Lodi 1455

Sworza tako przirychtowoł
Co piyńć szteli go zawiyro
Pokoj Italyji dowoł
Intyncyjo była szczyro.

[broneknotgeld]

Koniec XV wieku

"Liga Włosko" sie rozkłodo
Pokoj z tym stracony
Wojna - tako wiela godo
Niy zowiszcza łonym.

[broneknotgeld]

Karol I 1530

Karol teroz władcom Cysorstwa Rzymskego
Cołko Italyjo w pokłonie do niego
Tako Hiszpanijo przez połtora wieku
Tukej hegemonym - wiydz ło tym czowieku.

[broneknotgeld]

Italyjo 1799

Ano - tako Austryjoki
Tu wrocajom ze tym rokym
Ruski we tym pomogajom
Republikom dyć niy pszajom.

[broneknotgeld]

Italyjo wolno?

Toż Napoleon zaś tukej wroco
Ruski Austryjo dyć łopuściyli
Choć to prziłazi z francuskom mocom
Jednak przi tymu wolniejsi byli.

[broneknotgeld]

Karol Albert Sabaudzki 1848/1849

Loł wpiyrw Austryjoka - dyć co mu to dało?
Abdykacjom kończoł ta wojynka cało
Sabaudio z Piemontym jednak ciyngym wolne
Ło los swoj terozki już cołkym spokojne.

[broneknotgeld]

3.VII.1849 Rzym

Francuzy we Rzymie - kończy sie wojaczka
A Garibaldiymu łostała tułaczka.

[broneknotgeld]

Hrabia Cavour

W małym Piemoncie zdowoł sie wielki
Wolność dlo niego niy duperelki
Nawet w łorkestrze grywoł Europy
-Sie niy wystraszoł krymski utropy.

[broneknotgeld]

5.V.1860 - Genua

Tysinc "czornych koszul" z Genui wypływo
Sie Garibaldiemu cołko połnoc dziwo
Ze gorstkom wyruszo podbijać połednie
Przeciwko Burbonom! -Wygro czy polegnie?!

[broneknotgeld]

Teano

Wiktor Emanuel prziszoł pod Teano
Tyż Garibaldiemu chyntka była dano
By powstańcze wojsko ze piemonckim razym
Włochy majom krola - niy czimiom urazy!
Chocioż przeciw tymu jeszcze papiyż w Rzymie
Siyły zjednoczone na dziesiyńć lot wszczimie.

[broneknotgeld]

"Młode Włochy"

Wiktor Emanuel cołke Włochy czimie
Dyć konstytucyjo mo w poszanowaniu
Choć w dymokracyji tyż utropa drzymie
Polityker po to by wiela cyganioł?

[broneknotgeld]

Etjopijsko Adwa

Toż Italyjoki plama tukej dali
Tako Abisyńji niy zawojowali
Crispi ze tym skończoł kadyncyjo swoja
Dyć chopom terozki lekci iść do woja.

[broneknotgeld]

Neutralność 2.VIII.1914

Austryjo na Serbjo śle swoja armijo
Sie Italyjokow ło nic niy pytajom
Tref dobry dlo istnych - niy jakoś mecyjo
Ze neutralnościom wszyscy tu zgodzajom.

[broneknotgeld]

"Kulawo wiktoryjo"

Tako tu koniec wojny widzieli
Zyszczyli myni niżby mieć chcieli.

[broneknotgeld]

28.X.1922 "Marsz na Rzym"

"Czorne koszule" cisnom do Rzymu
Rzond Facty ze tym mo dymisyjo
Toż sie udało Mussoliniymu
Władza terozki - już wiycie czyjo!

[broneknotgeld]

Duce 24.XII.1925

Prymier ze rzondym wysoko stoji
Parlamynt jymu tyż niy podskoczy
Krol możno yno sie durś niy boji
Dyć zdo sie jakby ślepnoł na łoczy.

[broneknotgeld]

Narodowo Partyjo Faszystowsko

Mussolini partyjo wiod prosto do władzy
Te "czorne koszule" wcale niy ze sadzy.

[broneknotgeld]

Libijo

Toż trza imperium juzaś budować
Libijo włosko - ło tym jest mowa
Ścisnoł jom Duce po faszystowsku
Zdo sie wolności już ani troszku.

[broneknotgeld]

Grecyjo

Klynskom już Grecyjo była
Duce chcioł pokozać siyła
Dyć by rady tam niy dali
Niymcy za to se zabrali.

[broneknotgeld]

Italyjo ? 25.VII.1943

Strajki w Italyji łod wiosny kulały
Duce sie wydowoł już faszyst?m mały
Ze tym kr?l Benita do heresztu wsadzi?ł
S?m Niymc?m zaś ofyn po swojymu kadzi?ł
Dyć staroł dogadać tyć ze aliantami
Jako to sk?ńczyło? Mono wiycie sami.

[broneknotgeld]

Niy ma leko ? X.1943

Duce we Gran Sasso przez Niymc?w łodbity
Kr?l drap przed istnymi cito z Rzymu przi tym
Niymce Italyji wiela łokupuj?m
Dyć Duce we Salo teroz przitrzimuj?m.

[broneknotgeld]

Rzym ? VII. 1944

T?ż co być miało we k?ńcu stało
Rzym wyzwol?ny! Czy radowało?
Wiktor Umberta drapko wskazuje
Syn niy za wiela dyć ?potr?nuje?.

[broneknotgeld]

Kwieciyń 1945

Łostatnich Niymc?w tukej widzieli
Duce strac?ny, kej tako chcieli
Ze nim tyż lipsta ? podobnoś chciała
Czy Italyjo za swoje miała?

[broneknotgeld]

Plebiscyt ? 2.VI.1946

Ano ? plebiscyt za republik?m
A jo za pok?j teroz porzyk?m
Ło Italyji k?ńcza rymować
Niych republika żyje łod nowa!

[broneknotgeld]

"Tiramisu"

Z Italyji rod swoj wiedzie
Kery region z tym na przedzie?
Ponoć durś se ło to wadzom
I dońść prowdy niy poradzom.

Rzym

[broneknotgeld]

137

W końcu doszli z tym do zgody
Co richtig Hiszpańske Schody
Nojgryfniejsze som w Europie
Dyć tam gyrow niy złom chopie!

[broneknotgeld]

Wieczne Miasto

Możno niy wieczne dyć wiekow tela
Już za tym grodym a przed - tyż wiela.

[broneknotgeld]

Świontynia Kybele

Tako jom znojdziesz na Palatynie
Płodności wschodnio bogini
Obrzondek jeji niychej cie minie
Dyć chuć se nigdy niy zmiyni.

[broneknotgeld]

"Pałac"

Ze Palatynu miano pałacu
Tukej na sztele takowe patrzom
Aże z antycznych czsow prastarych
Tako te wzgorze inkszy jest miary.

[broneknotgeld]

"Casa di Liwia"

Ślubnom Augusta ta Liwia była
Tako se tukej izb dorobiyła
A jejich wystroj do dzisioj cieszy
Chciałoby ździybko se tu pogrzeszyć.

[broneknotgeld]

Na Forum Romanum

Na Forum Romanum trefisz synatora?
A mozno cysorza żeś tu widzioł wczora?
Ech, pewnikym yno ci sie to prziśniyło
Przeca se niy wroci to co piyrwyj było.

[broneknotgeld]

Na "Hiszpańskich schodach"

Na "Hiszpańskich schodach" przi Hiszpańskim Placu
Mono roz zablyndza swojom ślonskom glacom.

[broneknotgeld]

"Fontanna di Trevi"

Choć żech tam niy kukoł, gyrow niy utonkoł
Dyć skiż pszonio przeca niy byda se błonkoł.

Wenecja

[broneknotgeld]

Znakym tego miasta gondola być może
Bo przeca już teroz niy spotkomy doże.

[broneknotgeld]

Dzwonnica św. Marka

Ponoć z niyj Wenecjo cołko se łoglondniesz
Dyć łokym kanału żodnego niy siongniesz.

[broneknotgeld]

Kusiol na moście

Na "Moście Westchniyń" kusiol mu dała
Już sie wydowo chocioż niy chciała.

[broneknotgeld]

"Bal Doży"

Na "łostatki" tu "Bal Doży"
Maska teroz wiela woży
Fest se bawić trza - niy trocha
Smutkom pedzieć z tym - wynocha!

[broneknotgeld]

Gondolami nurtym Rawy?!
www.dziennikzachodni.pl/stronaglowna/360096,bal-u-wojewody-w-stylu-weneckim-za-2-tys-zl,id,t.html
Wiela byłoby zabawy.

Werona

[broneknotgeld]

Werona

Dom Julki z balkonym ponoć tukej stoji
Pod kerym Romeo pioł do freli swoji
Źle sie to skończyło - przeca wiysz pieronie
Lepi pszoć sie w łożku - dyć niy we Weronie.

[broneknotgeld]

Chce dać!

Pohalołch Julia we prawy cycek
Dyć lewom rynkom chce dać po tycie!

[broneknotgeld]

Do grobu Julji

Mode panny we Weronie tukej zoglondajom
Ano - Julji ślubne kwiotki drapko tyż dowajom
Coby im ze swojim chopym richtig se szczyńściyło
Jo łod siebie tyż se szkryfna - chca by tako było.

Bolonia

[broneknotgeld]

Piyrszy sztudynt richtig po Bolonii chodzioł
Tu sie uniwerek Europy narodzioł.

Piza

[broneknotgeld]

Krziwo wieża

Krziwo wieża tu stanyła
Możno ździybko se popiyła
A terozki fest sie boji
I tako dziwacznie stoji.

[broneknotgeld]

Ech, ta Piza!

Z Wenecyjom i Gynuom ło morze sie prała
Z Floryncyjom zaś ło ziymia - tref chcioł co przegrała.

[broneknotgeld]

Nad rzekom Arno

Arno Piza bogaciyła
Arno biydy prziprowiyła
Kej dziedzina żyłą z portym
Czas nojwiyncy dlo niyj worty
Kej port Arno zamulyła
Piza siył wiela straciyła.

[broneknotgeld]

Pizza z Pizy

Pizza z Pizy
-Idzie wyżyć.

[broneknotgeld]

Pizza z Pizy

Pizza z Pizy
Ściep ze wieży
Nieba bliży?
Idzie przeżyć?
Wspomna se Galileusza
Jako łon sprobować musza.

[broneknotgeld]

Ździybko łod morza

Ździybko łod morza ta Piza leży
Piyrwyj ze portym - trza tymu wierzyć
Zyjmanow w downych wiekach witała
Przi rzece Arno rosła na chwała
Stond jyj Plac Cudow - sie mu dziwocie
Dyć dziynki morzu to tukej mocie.

[broneknotgeld]

Dzwonnica we Pizie 1194

Ano - z tym rokym wieża dźwigajom
W bieluśki marmur jom łoblykajom
Z arkadowymi galeryjami
Kunsztym przezocnym - dyć wiycie sami

Ech - co sie dzieje? Grunt cosik miynki
Skiż tego słychać we Pizie jynki
Jako jom kończyć kej sie łobali
Chnetko sto rokow na to czekali

Cud zdo sie wielki - wieża durś stoła
Trza na nia majstrow juzaś zawołać
Niychej wykończom na chwała Boga!
Nic że durś krziwo - piynta mo noga.

[broneknotgeld]

Krziwo wieża w Pizie

Downo kipnońć sie już miała
Cudym sama ratowała?
Jak spokopić że durś trzimie?
Choć skrziwiono dyć niy drzymie

Dzwon se na niyj wywiesiyli
Chwała Bogu łogłosiyli
Kej dzwonnicom katedralnom
Sie janioły na nia garnom?

Niy widzymy - dyć trzimajom
Ponboczkowi zowdy pszajom
I wandrusow tam wachujom
Co widokym z niyj radujom.

[broneknotgeld]

Dzwonnica 1350

Krziwo - dyć radosne lica
Kej dzwon - ze niyj echt dzwonnica
Cołko Piza niychej słyszy
Legnie - bydzie wiyncy ciszy.

[broneknotgeld]

Wieża Galileusza

A dyć tako szkryfnońć musza
Łona tyż Galileusza
Mog z niyj ciepać co popadnie
Potym porachować snadnie.

[broneknotgeld]

Plac Cudow we Pizie

Katedra, tako jeji dzwonnica
Tyż baptyserium raduje lica
Na cmyntorz mozno tukej kukniecie
Dyć cudom Pizy dziwować chcecie.

[broneknotgeld]

Baptyserium

Z czerwonom kopułom zicło kaj Plac Cudow
Kej trefisz do Pizy niy tropisz skiż nudow
Baptyserium wiynksze znojdziesz w Italyji?
Nawet sie niy pytej - byś niy mioł mecyji.

[broneknotgeld]

"Buccellato Pissano"

Słodki chlyb ze bakaljami
W Toskaniji wszyndy znajom
Pokosztujcie se go sami
W Pizie w zocy swoj fest majom.

Asyż

[broneknotgeld]

Asyż

Świynty Frańcik tyn Asyż we świecie rozsławioł
Niyjedyn skiż niego sie wiela poprawioł
Pszoć tymu co żyje łon zowdy nauczoł
We tym recht choć przeca niyjedyn tyż buczoł.

[broneknotgeld]

Betlyjka w Greccio - 1223

Toż świynty Franciszek nojpiyrszy wystawioł
Betlyjka we grocie - Jezuska nom jawioł
Co we żłobku z sianym wiernych zocnie witoł
Prziszli na pastyrka - jakby sie kto pytoł.

Genua

[broneknotgeld]

Poznoł świat genueńczyka
Jak łodkrył ta Hameryka.

Cortina d'Ampezzo

[broneknotgeld]

Cortina d'Ampezzo

Zimom Dolomity kuszom
Tu ło śniyg sie boć niy muszom
Włoch stolica to zimowo
To niy yno mie sie zdowo.

Sycylia

[broneknotgeld]

Sycyljo

Czym Sycyljo richtig we tym świecie słynie?
Ano tym że tukej lepi być w "rodzinie"
Choć niy yno do sia żeś jest "Cosa Nostra"
Dyć zaroz przed tobom "inkszy" tukej mo strach.

[broneknotgeld]

Ło Etnie

Kuźnia Wulkana to zowdy była
Przeca i dzisioj znomy ta siyła
Czi lata tymu jak gruchnoł lawom
Richtig wystraszoł tych co tu bawiom.

[broneknotgeld]

Włodo Sycyljom

Łod zowdy Etna Sycyljom włodo
Som przeca widok tako nom godo
Wiyrch nawet latym śniegym zodziwio
Dyc jak wybucho ziymia se kiwo
A lawa wszysko po drodze niszczy
Zabiyro tako co czowiek zyszczy.

[broneknotgeld]

Etna 3340 m.n.p.m.

Nojwiynkszy wulkan cołki Europy
Przinosi wyspie wiela utropy
Dyć dziynki niymu tyż se tu żyje
Zowdy dwa końce miywajom kije.

Palermo

[broneknotgeld]

Palermo

Przez czi tysionclecia ludzie tukej żyli
Podobnoś i piyrwyj tyż szczyńśliwi byli.


Panoramos

Tako Hellyny te miasto zwali
Dyć niy za wiela ło nie tu dbali
W ciyniu Syrakuz i Selinuntu
Choć możno lepi - to szkryfna wom tu.


Palermo 831

Saracyny miasto terozki zdobyli
Toż miano Balharmu niychej wos niy zmyli
Bo przeca stolicom jest tu emiratu
Łoziymset meczetow zdo sie tom zapłatom.


"Medyna Zachodu"

Rowny Kordobie se Balharm zdowo
I przi Kairze wyglondo zdrowo.

Katania

[broneknotgeld]

Jaskinia "Ucho Djonizjusza"

Wielke naprowdy mioł istny ucho
Dyć czy terozki kogoś wysłucho?

[broneknotgeld]

Katania 1693

Etna życie dała - toż zdo sie zabrała
Katania dyć drapko tyż łodbudowała
Terozki barokym se asi te miasto
Zista gryfnie wyszła bo zocne tu ciasto.

Noto

[broneknotgeld]

Noto Antica 1693

Koniec ty szteli wulkan zrychtowoł
Dyć nowe Noto drapko tyż stowo.

Friuli - Wenecja Julijska

[broneknotgeld]

Środziymnomorze tu sie łonczyło
Jakby ze środkym Europy
Ze jedny strony se im szczyńściyło
Ze drugi były utropy.

Capri

[broneknotgeld]

Capri

Godajom że łona Giewont przipomino
Co z wody chce wylyźć i se durś wypino.

Riwiera Adriatycka

[broneknotgeld]

Adriatycko Riwiera

Cesenatico Rimini Riccione
We lato nigdy niy som uśpione
Wiela sie dzieje wtedy na plaży
Przijedź bo po co mosz yno marzyć.

San Mauro Mare

[broneknotgeld]

Ferragosto w San Mauro Mare

Piytnosty siyrpnia - toż Wniebowziyńcie
Tu wielki fajer - mocie pojyńcie?
Wino za darmo sie wtedy leje
I pełnom gymbom czowiek se śmieje
We mieście ludzi teroz nojwiyncy
Dyć to zodnego w świynto niy mynczy.

[broneknotgeld]

Kemping "Rubicone"

Tyn kemping w San Mauro mo tyż swoja plaża
I za drogi niy jest bestoż ło niym marza.

San Leo

[broneknotgeld]

W San Leo

Podobnoś tukej w twierdzy był Dante
Cagliostro tako znoł mury sam te.

Lognano

[broneknotgeld]

W Lognano

Ciongnie Lognano mie ludzie złoci
Bo kaj ciekawsze targi staroci?

Borghi

[broneknotgeld]

Borghi

We Borghi farorz na festyn woło
Zowdy przi tymu tukej wesoło
Koncert zabawy i loteryjo
Z gowy wyleci kożdo mecyjo.

[broneknotgeld]

Toskania

Krainom zobytkow Toskania jest zwano
Dyć sie som przkonej czy dobre to miano.

Toskania

[broneknotgeld]

Toskania

Ponoć ta kraina
mustrym włoskim stoji
Na samiuśkim wiyrchu
-spadnońć se niy boji!

[broneknotgeld]

Toskania

Sercym Italiji Toskania czy głowom?
Tym i tym cuzamyn - tako tukej dowom.

[broneknotgeld]

Toskańske winnice

Tukej se rodzi chianti czerwone
Z kerym lekciejszy człowieka koniec.

[broneknotgeld]

Skiż Dantego

Skiż Dantego po toskańsku Italyjo prawi
Toż se "Bosko komedyjo" w tym jynzyku jawi.

[broneknotgeld]

Dante, Petrarka, Boccacio

Ano - po toskańsku istni szkryflać chcieli
Toż Italyjoki czytać to musieli.

[broneknotgeld]

Toskańsko kuchnia

Dlo nos italijsko przeca
Bo nojpiyrszo z tego neca.

[broneknotgeld]

"Antipasti"

Stary chlyb tu przipiykany
Łoliwiony, czoskowany
Se przekonosz jak smakuje
I aroma tyż poczujesz.

[broneknotgeld]

Toskania - kraina renesansu

Tukej Floryncjo jako i Piza
Toż renesansu przezocne dźwiyrza.

[broneknotgeld]

Toskania - kraina wina

Ano - kaj kukniesz widzisz winnice
Krainom wina te okolice
Tu "Sangriovese" ciyngym kruluje
Lyj z zocny flaszki a go poczujesz.

[broneknotgeld]

"Chianti Classico"

Zicniesz se nocom w restauracyji
Przi flaszce "Chianti" niy ma mecyji
Toskańske słonko we zocnym winie
Ech, niych ta rajza drapko niy minie.

[broneknotgeld]

"Buccellato Pissano"

Słodki chlyb ze bakaljami
W Toskaniji wszyndy znajom
Pokosztujcie se go sami
W Pizie w zocy swoj fest majom.

[broneknotgeld]

Uniwerek we Pizie

Sztudiyrować w Pizie - modne
Dyć przez wieki ciyngym godne
Toż tu zowdy modych wiela
Chocioż coroz starszo sztela.

[broneknotgeld]

Versilia

Tako te toskańske wybrzeże mianiujom
Morzym Liguryjskim tyż przeca radujom.

Collodi

[broneknotgeld]

Collodi

Collodi - grod zdo sie Carlla Collodiego
Kichol mi urośnie zarozki skiż tego?

[broneknotgeld]

Park Pinokia

Bojka bojkom - tu sie czujesz
Że z Pinokiym som wandrujesz.

[broneknotgeld]

Łogrody Garzoni

Idzie sie dziwować przepychym baroku
Tako niy przepomnij, niy żałuj tu kroku
Kaj szpalery krzokow, klomby ukwiycone
A schodow, figurow zdo sie tyż niy koniec.

Piombino

[broneknotgeld]

Z Piombino

Z Piombino na wyspy se szifym popłyna
Taki atrakcyji jo przeca niy mina.

[broneknotgeld]

Wiedźma ze Piombino
supermozg.gazeta.pl/supermozg/1,111515,10371329,Grob_czarownicy_sprzed_800_lat_odkryto_we_Wloszech.html
Podźwigo se ino?

Elba

[broneknotgeld]

Na Elbie

Co z tego ze biołe plaża?
Durś we ciźbie po niyj łaża!

[broneknotgeld]

223,5 kilometrow kwadratowych

Jak na wyspa tego styknie
Pozwiydzomy co tu piykne.

[broneknotgeld]

Toscana-Elba Cup "Trofeum Lockman"

Dlo zyjmanow w lipcu zowdy
Te zawody tu rychtujom
Wiela umiom - tu naprowdy
Se dowiedzom i poczujom.

[broneknotgeld]

Wszysko tu mocie

Łod plażowanio po sporty wodne
Znojdziesz tu wszysko co dzisioj modne
Tyż paralotnie trakking i konie
Yno że drogo richtig w sezonie.

[broneknotgeld]

Elba

Jest nojwiynkszo z wysp toskanskich
Ponoć tako nojgryfniejszo
Dyć to niy jest rym cygański
Yno prowda tyż dzisiejszo.

Portoferraio

[broneknotgeld]

Do Portoferraio

Do Portoferraio promym se dopłynie
Bele niy zapomnisz wlyźć tam we Piombinie.

Florencja

[broneknotgeld]

Most Złotnikow

Stoji we Floryncji z sztyrnostego wieku
Nojstarszy we mieście - przeca wiysz czowieku
Do dzisioj tu kupisz droge świycidełka
Mie łone niy nyncom - niych leżom w pudełkach.

[broneknotgeld]

Miasto bankerow

Za dużo piniondza do Floryncji wpływo
Inkszym pożyczajom - to chyba niy dziwo.

[broneknotgeld]

Katedralno dzwonnica

Giotto projektowoł - jego miano nosi
Do dzisioj tu dzwoni - wiernych na mszo prosi.

[broneknotgeld]

Zocne życie

Floryncyjo zocnie przi pokoju żyje
Rzemiosło rozkwito - czynsto tu świyntujom
Kunszt blyszczy niyszczyńscie se po kontach kryje
Prziszły "złote roki" - tako teroz czujom.

[broneknotgeld]

Bibljotyka floryncko

Kupioł po Niccolim Medyceusz ksionżki
I świyntego Marka doł je zakonowi
Bibljotyki koncept był we tym niywonski
Toż Medicich dzieło - kożdy tako powi.

[broneknotgeld]

Koniec Medicich

Po Wawrzyńcu Wspaniałym rod Medicich gaśnie
Syna z Floryncyji wygoniajom właśnie
Nowo konstytucjo zarozki tyż majom
No i już despotom w ty szteli niy pszajom.

[broneknotgeld]

We dolinie

We dolinie rzeki Arno
Niy była Floryncjo marno
Blyszczy kunsztym i terozki
Choć zobytki to tyż troski.

[broneknotgeld]

Floryncjo

Dyć nad Arnym miasto leży
Idzie tukej wiela przeżyć
Toż Toskańji to stolica
Co łod wiekow krasi lica.

Siena

[broneknotgeld]

Ponoć

Ponoć Siena kuchniom słynie
Możno mie to niy łominie.

[broneknotgeld]

Palio di Siena

W sienyńskim palio i koń wygrywo
Jak dorajtuje - kogo to dziwo?

[broneknotgeld]

Plac Campo

Jak epno muszla we Siyny środku
Przi palio ślypia i jo tam potkom.

[broneknotgeld]

"Contrade"

Dzielnice Siyny w tym konkurujom
Siedym nojstarszych zowdy być musi
Dyć trzi do tego tyż doszlusujom
Se rowno dycha na palio brusi.

[broneknotgeld]

Wieczerzo na lufcie

Na dziyń przed wyścigym tako wieczerzajom
Tradycyji downy przeca tukej pszajom
We kożdy "contrade" dyć przeca łosobno
Toż dzielnica Siyny z uciechy tyż zgobno.

[broneknotgeld]

Wielko Mszo

W dziyń wyścigu mszo na Campo
Z rana wszysko se szykuje
Trza łoglondnońć richtig sam to
W lufcie szpana aż tańcuje.

[broneknotgeld]

Na Campo

W środku placu "plebs" już stoji
"Patrycjusze" na balkonach
Dzwon we sercu ton se stroji
Palio ruszo - idzie skonać!

[broneknotgeld]

Siena Goni

Prawiom co Floryncjo goni
Czy se richtig rowno do ni?

Monteriggioni

[broneknotgeld]

Monteriggioni

Czy średniowiecze tukej stanyło?
Wszysko jest take jak piyrwyj było?

San Gimignano

[broneknotgeld]

San Gimignano

San Gimignano jak średniowiecze
Zwiydzać pewnikym ta sztela chcecie
Wysoke wieże tukej zodziwom
Zdo sie - z daleka wandrusom kiwiom.

[broneknotgeld]

Czas tu stanoł

Czas tu stanoł w średniowieczu?
Kto żył wtedy czy to przeczuł?

Livorno

[broneknotgeld]

Livorno

[broneknotgeld]

Lovorno

Ech - te Liworno! Plażami kusi
Toz wandrus tukej zoglondnońć musi
Kamping se znojdzie w lasku piniowym
Chianti niy braknie - Niy tropi głowy.

[broneknotgeld]

We porcie

Livorno we porcie gyszeft tyż durś robi
Dyc i tukej dychniesz - pogoda niy zgobi.

[broneknotgeld]

We Livorno

We Livorno zamek na gorce durś stoji
Choć już inksze czasy - żodyn niy nabroji
Dyć piyrwyj trza było pozor zowdy dować
Coby portu, miasta ktoś niy chcioł rabować.

Montecatini

[broneknotgeld]

Montecatini

Tyn zdroj toskański termami kusi
Czowiek skiż tego kuknońć tu musi
Z nowa rodzonym dyć jakby wroco
"Chianti" zażywoł pewnikym nocom.

Pienza

[broneknotgeld]

Pienza

Cołke miasto zabytkowe
Średniowieczne - toż niy nowe
Historyjom dychosz tukej
Łoczy łotworz i niy szukej.

Versilia

[broneknotgeld]

Versilia

Tako te toskańske wybrzeże mianiujom
Morzym Liguryjskim tyż przeca radujom.

[broneknotgeld]

Toskańske plaże

Toskańske plaże w tle majom gory
Kuknijcie wyży - toskańske chmury.

Viareggio

[broneknotgeld]

Viareggio

Viareggio turystom i nieba przechyli
Bele by tu euro wiyncyj wybulyli
Hotele ze klasom, kafyjki, basyny
Wartko w portmaneju pustka swiyci driny.

Liguria

[broneknotgeld]

Liguria

Czy łona caluśko Riwierom jest yno?
Z Morzym Liguryjskim tako sie fest spino.

[broneknotgeld]

"Cinque Terre"

Piyńć wiosek zdo sie wisi na skale
Z morza dopłyniesz - z londu chnet wcale
Dyć se zoglondnońć tu richtg werci
W gowie łostanie do samy śmierci.

Portofino

[broneknotgeld]

Ło Portofino

Ło Portofino tyż szlager momy
Śławy Przibylski miasteczko znomy.

[broneknotgeld]

Ano recht

Ano recht we tym - te Portofino
Jakoś se potym niy zapomino.

[broneknotgeld]

Po zatoczce

Po zatoczce se popływom
Na miasteczko tako dziwom
Richtig widza że jest małe
Dyć jak bonbon zdo sie całe.

Genua

[broneknotgeld]

Genua

Genua piyrwyj potyngom była
Połowom morza jakby rzońdziyła
W tym mieście-państwie flota armijom
Dyć dzisioj tako już tu niy żyjom

San Remo

[broneknotgeld]

Festiwal w San Remo

Cosik dlo ucha dlo łoka tyż
Festiwal przeca - dobrze to wiysz.

[broneknotgeld]

"Riwiera Kwiotkow"

Wele San Remo jest tako sztela
Kwiotkow hodujom tu richtig wiela
Geld dobry z tego dyć wyciongajom
Bestoż i we tym uciecha majom.

La Soezia

[broneknotgeld]

La Spezia

"Zatoka Poetow" - sztela tyż manujom
Łod czasow Petrarki tu rymy fest sujom.

Rapallo

[broneknotgeld]

Do Rapallo

Piniondz tu ciongnie i polityka
Biydok se może yno porzykać.

Loano

[broneknotgeld]

Loano

Tukej na starowce zicna se w kafejce
Toż winka mi drapko terozki podejcie
Promynady plaży już mi cołkym styknie
Toż ze lampkom wina życie leci piyknie.

Piemont

[broneknotgeld]

"Risorgimento"

"Risorgimento" prziszło z Piymontu
Ideje tego do dzisioj som tu.

[broneknotgeld]

Sabaudzko dynastjo

Sabaudzko dynastjo Włochy połonczyła
Dyć skiż drugi wojny krolestwo straciyła.

[broneknotgeld]

Turyn 1861-1865

Tako se zawołom - och!
Turyn był stolicom Włoch!

Kalabria

[broneknotgeld]

Kalabrio

Kalabrio połwyspym połwyspu wiynkszego
Ano - konsek świata to italijskego.

[broneknotgeld]

Nad Morzym Tyrryńskim

Toż Morze tyrryńske wandrusa pokusi
Tukej zowdy istny zoglondnońć se musi
Gryfny brzeg skalisty i zobytkow wiela
Richtig to ciekawo italijsko sztela.

[broneknotgeld]

Nad Morzym Jońskim

Wiyncy luzu tu na plaży
Te wybrzeże mi sie marzy.

[broneknotgeld]

Latym w kalabryjskich gorach

Niy chcesz sie nad morzym smażyć
Gory blisko - Po co marzyć?
Tyż w jeziorach znojdziesz woda
Chytej rukzak - czasu szkoda.

Termoli

[broneknotgeld]

Termoli

Nad Adriatykym tako Termoli
Ciyngym we morze se wcino
Kto tam zoglondnie zowdy pochwoli
I chciołby wrocać durś ino.

Lombardia

[broneknotgeld]

Lombardio

W połnocnych Włoszech ta prowincyjo
Toż przeca niy jest to komedyjo.

[broneknotgeld]

Co łostało?

Longobardow miano dziedzina wspomino
Co po nich łostało? Czy richtog to ino?

Como - jezioro

[broneknotgeld]

[broneknotgeld]

Como

Nojgryfniejsze w Italyji
Te jezioro mocie?
Niy ma we tym komedyji
Pewno je już znocie.

[broneknotgeld]

W "Gwiezdnych Wojnach"

Willa Balbianello z "Gwiezdnych Wojyn" znom
Tym wiynkszo radocha ze istny jo mom.

[broneknotgeld]

Villa Carlotta (XVIII w.)

Kto pomiyszkiwoł tu yno latym?
Pewne co richtig był łon bogaty.

[broneknotgeld]

Łobsione miasteczkami

Como łobsione jest miasteczkami
Dyć malutkimi - poznocie sami
Piyrwyj jezioro je kuplowało
Ston kożdy łodka mo tu choć mało.

Como

[broneknotgeld]

Miasto Como

Miasto se mianym swym podzielyło
Ze tym jeziorym co piyrwyj było.

[broneknotgeld]

Za Mussoliniego

Za Mussoliniego sztrasa w skale kuli
Faszyzm tyż budowoł - niy yno chcioł bulić.

Ballagio

[broneknotgeld]

Ballagio

Cie łoczaruje promynadami
Tu na spacyrze niy bydźcie sami.

Varenna

[broneknotgeld]

Varenna

Widać co Varenna portowo se żyje
Dyć i ze turystow ździybeczko utyje.

Lecco

[broneknotgeld]

W Lecco

W Lecco muzeum jest Manzoniego
Ktoś możno czytoł pisorza tego?

Umbria

[broneknotgeld]

Umbrio

Prawiom co Umbrio richtig jest mało
Przeca przepiykno zdo sie wom cało.

[broneknotgeld]

Gaje oliwne, gryfne łogrody
Umbrji dziwuje se stary, młody.

[broneknotgeld]

Perugio

Stolica Umbrji - grod to przezocny
Już za Etruskow łon był tu mocny.

Perugia

[broneknotgeld]

Festiwal Szokolady

Zowdy z październikym we Perugii mocie
Smak ty szokolady tyż zapamiyntocie.

Asyż

[broneknotgeld]

Asyż

Perugio Umbrji stolicom
Dyć ze Asyżym tyż se tu liczom.

[broneknotgeld]

Zakon Franciszkanow

Asyż kolybkom zakonu przeca
Świynty Franciszek ze tego neca.

Apulia

[broneknotgeld]

Apulia

W italijski kromflek włazi
Blaskym wopnia w słonku razi
Kusi morzym, zobytkami
Przekonejcie dyć sie sami.

[broneknotgeld]

Apulijski klif

Morze wopiyń durs wymywo
Cudnym klifom sie tu dziwosz
I zatoczkom w kredzie biołym
Sie Adriatyk zdo wesoły.

[broneknotgeld]

Apulijski klif

Morze wopiyń durs wymywo
Cudnym klifom sie tu dziwosz
I zatoczkom w kredzie biołym
Sie Adriatyk zdo wesoły.

Bari

[broneknotgeld]

Bari

Bari z Bonom mi sie miyszo
Nudli dyć niy byda wiyszoł
Tu rodzono - kajś wydano
Z końcym życio zaś łoddano.

[broneknotgeld]

Na starowce w Bari

Cudym zdo sie tukej wiela
Historyjo zocno frela
Toż wandrusy juj dziwujom
W Bari geld ich tyż rachujom.

San Giovanni Rotondo

[broneknotgeld]

San Giovanni Rotondo

Kapucynym swojim słynie
Toż dziedziny niy łominiesz.

[broneknotgeld]

Ojciec Pio

Rzykoł, spowiadoł, ludzi kurowoł
Toż łod sia wiela durś inkszym dowoł
Ponboczek gaftoł na to co stworzoł
Aż łojciec Pio dni swojich dożoł
I choć go kosa niy łoszczyńdziyła
Ciyngym w ty szteli jest Jego siyła.

[broneknotgeld]

Przi trule

W trule przeszklony łojczulek leży
W śnik zapod ino - idzie w to wierzyć
Dyć swiyntym teroz - już sie niy zbudzi
Choć uradowoł by tako ludzi.

Wybrzeże Amalfi

[broneknotgeld]

Choć Neapol blisko kusi
Tukej wandrus kuknońć musi
Tu sztelami sie zochwyci
Mono ło nich rym tyż sklyci.

[broneknotgeld]

Republika Amalfi 839

Rowno wpiyrw Pizie, Gynui tako
Amalfi mocno - tu nikt niy płako.

[broneknotgeld]

"Amalfitana"

Morze Tyrryńske brzeg tu łobmywo
Gryfności wandrus niyjedyn dziwo
Tako łod wiekow richtig tu bywo
Amalfitana przeca szczyńśliwo.

Amalfi

[broneknotgeld]

Amalfi

Amalfi piyrwyjpotyngom była
Dzisioj z turystow yno jyj siyła.

[broneknotgeld]

Katedra św. Andrzeja

Na wschodnio nuta jakby ci "śpiywo"
Możno ździybeczko to nawet dziwo
Kej sie po schodach wkulosz do środka
Dyć kunsztym blyszczy - ło tym tyż godka.

[broneknotgeld]

Św. Andrzej

Świynty Andrzej rybokom patronym jest zocnym
Toż w Amalfi katedra pod wezwaniym mocnym
Schody do niyj cie wiedom - stanyła wysoko
Jako fisza nad falom we duszy niych skoko.

[broneknotgeld]

"Andrea Pansa"

Przi katedrze kawiarnia przed laty stanyła
Toż i miano patrona łod swiontyni wziyła.

Positano

[broneknotgeld]

Positano

Na trzech wzgorzach Positano przi morzu ciupnyło
Niy łod dzisioj - przeca ciyngym turysty kusiyło
Dyć po prowdzie istny musi być mocny we gyrach
Bo sie tukej po tych schodach idzie fest natyrać.

Minori

[broneknotgeld]

Minori

Minori plażom tako pokusi
Tu kożdy dychnońć sie zocnie musi
Kaj stok zielony chałupy widać
Kaj modrość morza - dusza trza by dać.

Sardynia

[broneknotgeld]

Na Sardynio fligrym wlecisz
Rym jakiś ło wyspie sklecisz?

[broneknotgeld]

Sardynio

Cołkym epno wyspa zdo sie
Niy godej że jom mosz w nosie.

[broneknotgeld]

Sardynio

Perła Środziymnego Morza
Kukna tam i coś pokoża.

[broneknotgeld]

Sie tyż dziwo

Sie Morze Tyrryńsje Sardyńji tyż dziwo
A łona ze brzegu falom jego kiwo.

[broneknotgeld]

Szmaragdowe Wybrzeże

Z połnocnego wschodu plaże i zatoki
Jako je łogarnońć zochwyconym łokym?

[broneknotgeld]

Plaża Poetto

Plaża Poetto wele Cagliari
Piosek we słonku i woda - czary.

Cagliari

[broneknotgeld]

Cagliari

Łod połednia wyspy zicła jyj stolica
Kuknońć tyż tam werci - ciekawe jyj lica.

[broneknotgeld]

Kościoł San Saturno

Starszego w Sardyńji kościoła niy szukej
Ze piontego wieku stoji prawie tukej.

[broneknotgeld]

Plaża Poetto

Plaża Poetto wele Cagliari
Piosek we słonku i woda - czary.

Alghero

[broneknotgeld]

Alghero

Katalończyki miasto dźwignyli
W sztyrnostym wieku już tukej byli
Łostały wieże, bramy i mury
Choć italyjske nad niymi chmury.

[broneknotgeld]

Jaskinia Neptuna

Z wysokego klifu do morza zyńdziecie
Schodow pora setek dyć tam kuknońć chcecie
Kaj piyrwyj som Neptun przeca przesiadywoł
Swojymu krolestwu ze jaskini dziwoł.

[broneknotgeld]

Capo Caccia

Skalisty przilondek z Jaskiniom Neptuna
Na niego tam trefia? Czy sie mu pokłonia?

Sassari

[broneknotgeld]

Sassari

Z szesnostego wieku uniwerek majom
Toż prawie stolicom - jo wcale niy bajom
Na wyspie Sassari druge miejsce trzimie
Kuknij a uwidzisz co richtig niy drzymie.

La Maddalena (archipelag)

[broneknotgeld]

La Maddalena (archipelag)

Sardyńskim skarbym te wyspy zowiom
Skuli gryfności aż skora mrowiom
Toż jako dziwać sie richtig tymu?
Jako im skompić ślonkego rymu?

[broneknotgeld]

Siedym wysp

Siedym wysp wiynkszych w archipelagu
Niy trza do łeby wbijać ci lagom
Siedym dni w tydniu tyż momy przeca
Choć ze inkszego łone już neca

Myńszych wysepek niy trza rachować
Chocioż niyjedny idzie dziwować
Niy darmo skarbym sardyńskim zwane
Dyć byś chcioł witać tu kożdy ranek.

Maddalena (wyspa)

[broneknotgeld]

Maddalena

Z sardyńskego Palau stateczkym przipłyniesz
Dyć ty Maddaleny przeca niy łominiesz.

[broneknotgeld]

Promym

Promym tyż ze autym se chnet tam dostaniesz
Dyć jak se dwuśladym już na wyspie staniesz
To pewnikym karniesz i na ta Capiera
Łobie wyspy grobla kupluje już teraz.

La Maddalena (miasto)

[broneknotgeld]

La Maddalena

Wyspy mo miano jeji stolica
Chocioż malutko krase jyj lica.

Caprera (wyspa)

[broneknotgeld]

Wyspa Caprera

Z Maddalenom groblom prawie skuplowano
Tako wandrusowi na talyrz podano
Dyć jak mu słoneczko ze rana zamrugo
Przyńdzie szejset metrow i mo wyspa drugo.

[broneknotgeld]

Garibaldi na Caprerze

Garibaldi na Caprerze chcioł wyzionońć ducha
Bestoż dzisioj w Casa Blanca muzeum łod zucha.

Trentino

[broneknotgeld]

Region Trentino

Szkryfna prawie - Dolomity
I łostana se juz przi tym.

[broneknotgeld]

"Enrosadira"

Ze wieczora i ze rana
Sie na wiyrchy gor pokukej
Som we wercie tego miana
Kaj czerwiyńszych w słonku szukej?

[broneknotgeld]

Kyjzy z Trentino

Kyjzy z Trentino se pokosztujesz
Smak Dolomitow we gymbie czujesz.

Kampania

[broneknotgeld]

To niy komedyjo
Tako prowincyjo.

[broneknotgeld]

broneknotgeld napisał:

> To niy komedyjo
> Tako prowincyjo.
Jako jo to leca
REgjonym dyć przeca.

Salerno

[broneknotgeld]

Katedra w Salerno X w.

Na dziedzińcu jyj krużganki wiernych prziwitajom
Bielom tako im Maryja we łoczach stowiajom
Kero tu ze prezbiterium bronotnego kuko
I choć jest miyndzy świyntymi - twojo duszy szuko.

[broneknotgeld]

Stare Miasto

Stare Miasto se zboczym ku morzu tu złazi
Zdowo sie co swoje gyry do wody aż wrazi.

Vietri sur Mare

[broneknotgeld]

Vietri sur Mare

Ceramika z citronami
Czy owocym jakimś inkszym
Mozno wolisz z podzimkami
Talyrz, szolka, dzbonek wiynkszy

Na pamiontka tu kupicie
Niy zaboczyć - tako wiycie.

Szwajcaria

[broneknotgeld]

Choć Szwajcarii w Unii niy ma
Przeca to tyż dlo niyj tymat.

[broneknotgeld]

Sztyry

Niymcy Francjo Italyjo
Zdo sie - włażom w Szwajcaryjo

Sztyry nacyje razym we zgodzie
Jedyn drugego wcale niy bodzie.

[broneknotgeld]

Kraj Wilhelma Tella

Kraj Wilhelma Tella zdowo se bez granic
To co federalne majom tukej za nic?
Roztomajto godka, kulura, zwyczaje
Kto by to spokopioł? Lepi iść na baje.

[broneknotgeld]

Kanton Schwyz

Kto z kantonu tego - we krwi wojna mioł
Niy darmo krajowi swoje miano doł.

[broneknotgeld]

Ciyngym se prali

W swojich kantonach ciyngym se prali
Toż nojymnikow inkszym dowali
Kto kantonowo przeżoł wyćwika
Ło cudzy spokoj niy chcioł porzykać.

[broneknotgeld]

Ze wojny gyszeft

Szwajcar ze wojny gyszeft se zrobioł
W tym mało kery istnego pobioł.

[broneknotgeld]

Cud państwo

Na nic wspolny jynzyk, rzond czy religijo
Toż ich niy kupluje nawet i armijo
Kożdy kanton łod sia zdowo se na amyn
Cuż że Szwajcaryjo jednak jest cuzamyn.

Ruda Śląska - stolica fraszki

[broneknotgeld]

Szwajcar we kantonie rośnie
Bestoż śpiywo tyż radośnie.

[broneknotgeld]

Rety

Krew etrusko w nich łostała
Se Latynom niy poddała.

[broneknotgeld]

Ok. 400 r p.n.e.

Rety z Helwetami ziymia zasiedlajom
Somsiody ich cisnom dyć se durś trzimajom.

[broneknotgeld]

58 r p.n.e.

Helwety przegrali ze wojskym Cezara
W burgundzkim Bibracte leżeli na marach.

[broneknotgeld]

Helwety

Zdo sie nojwiynksze celtycke plymie
Germany cisnom na jejich ziymie
Toż na Galijo se wybiyrajom
Legje Cezara wrogimi majom.

[broneknotgeld]

Trza se wrocać

Z Galji trza wrocać se kaj Genewa
I na opieka Rzymian rachować
Liście spodajom tam kaj som drzewa
Tyż wyrostajom ciyngym łod nowa.

[broneknotgeld]

Helwecjo

Ze łaski Rzymu spokoj jyj dany
Niy cołkym wolne jednak już tany.

[broneknotgeld]

Retowie 15 r p.n.e.

Toż już wolnościom swojom niy "grzeszom"
Rzymian prowincjom nowom ucieszom.

[broneknotgeld]

Recjo

Ano - już Roma tukej jest władzom
I Rety tymu nic niy poradzom.

[broneknotgeld]

V/VI w.n.e.

Alemany i Burgundy ta dziedzina gryzom
Tako Rety w Gryzuniji zawierzyli dźwiyrzom
W twierdzach gorskich ciyngym siedzom
- wrogow niy puszczajom
Wojna kajsik za ich miedzom
Dyć jeji niy pszajom.

[broneknotgeld]

Dali tako

Merowingi, Karolingi w ta strona blikajom
Tako Franki coroz wiyncy do godki tu majom
Helwecyjo już Karola co był Wielkim zwany
Toż se tymu niy dziwujcie że ze takim mianym.

[broneknotgeld]

Świynty Maurycy (290)

Maurycy legijom tebańskom dowodzioł
Tref ciep do Helwecji - czy tako zaszkodzioł?
Rozkazu cysorza tukej niy usłuchoł
Na bożkow latyńskich już dusza mioł głucho

Legijo wybito - płaczom krześcijany
Nic że tako świynty po czasie im dany
Sie richtig ta włocznia po Istnym łostała?
Jery jom mo w doma tymu w życiu chwała!

[broneknotgeld]

Biskup Teodor? (381)

Krzcioł już istny Retow tukej?
-W historyjo se zaklupej,

[broneknotgeld]

Misyjo

Irlandyjo
Tu misyjo
Krześcijńsko zrychtowała
Wiara rośnie
Czy radośnie?
Ponboczkowi dyć na chwała!

[broneknotgeld]

Św. Kolumban Młodszy (54o-615)

Rzekom Limmat mnichow prziwiod
Niy prziwykli dyć do wygod
Kraj pogański zdoł sie cały
Chocioż przeca był niymały.

[broneknotgeld]

Wioska Tuggen

W niyj świynty Gaweł pogan nawrocoł
To co djobelske wciep do jeziora
Tym czas we wiosce pierońsko skroco
Prziszła na mnichow przekludzki pora.

[broneknotgeld]

Wioska Tuggen

W niyj świynty Gaweł pogan nawroco
To co "djobelske' wciep do jeziora
Tym czas we wiosce pierońsko skroco
Prziszła na mnichow przekludzki pora.

[broneknotgeld]

Świynty Gaweł (Gallus)

Chnet Kolumban w Italyji
Wedle Alemanow woli
Gaweł ciyngym na misyji
Czy helwecke lasy chwoli?

[broneknotgeld]

Pustelnio Gallusa

We krzok z ciyrniami Gallus se wplontoł
Tukej pustelnio tako wystawioł
Wele swyj wiary richtig fest krzontoł
Toż jako świynty chnetko se jawioł.

[broneknotgeld]

Świynty Pirmin (724)

Na wyspie Reichenau opactwo założoł
Coby krziż w tych stronach richtig wiela wożoł.

[broneknotgeld]

W VIII wieku

W osmym wieku Helwecyjo
zdo sie krześcijańsko
I nikt tako już niy powiy
co durś jest pogańsko.

[broneknotgeld]

Przi Merowingach

Przi Merowingach durś kuplowane
Se w końcu ziymie podzielom same.

[broneknotgeld]

Przi Karolingach

Tyn rod kupliuje wszysko łod nowa
Już we tym przeca Karola głowa
Niy darmo istny korona trzimie
Cysorstwo dźwignie co we ruinie.

[broneknotgeld]

Ludwik Pobożny

Brakło Karola - władcy Wielkego
Braknie i tako tyż Pobożnego
Syny dziedzina drapko podzielom
Richtig trojako dyć se pościelom.

[broneknotgeld]

Traktat w Verdun (834)

Już Helwecjo podzielono
Na Ludwika i Lotara
Jedność z tym cysorstwa kono
Choć kupluje ciyngym wiara.

[broneknotgeld]

Helwecko Alemanio

Se niy dziwujcie - niymiecko przeca
Toż drapko wleci Niymcom do neca.

[broneknotgeld]

Burgundio Transjurana

Ano - przi Burgundach se dziedzina kulo
Ze konska Lotara - historio niy fulo.

[broneknotgeld]

Pod Moratem 1032

Burgundy pobite - jako teroz rada?
-Dyć wszysko we woli cysorza Konrada.

[broneknotgeld]

W XII-XIII wieku

Dyć Sabaudy, Hohenstaufy
Zahringyny z Habsburgami
Ło te ziymie se wadziyli
Niym urosły kantonami.

[broneknotgeld]

Ksiynstwo Alemańji

Hohenstafy Alemańji
Se princami mianowali
Rod to zocny we Germańji
W Helwecyji tyż włodali.

[broneknotgeld]

Przi Zachringynach

Przi zachringynach Zurych se dźwigo
Te miasto w łoczach aże fest migo
Tako tyż inksze sztele tyż rosnom
Czy zwać to idzie "szwajcarskom wiosnom"?

[broneknotgeld]

Zurych!

Toż Karol Wielki Zurych założoł
W miejscu kaj jelyń już głowa złożoł
Ze Akwizgranu aż tu przilecioł
Niyjedyn bajorz coś ło tym klecioł.

[broneknotgeld]

W XIII wieku

Helwecko siyła - tako wom godom
Szwongu dokłodo wioskom i grodom
Toż Bazyleja, Zurych, Gynewa
Berno, Lozanna, Fryburg - jak drzewa
Kere sie zdajom we gynstym lesie
I rosnońć w gora ciyngym im chce sie.

Lozanna

[broneknotgeld]

Noc Muzeow - Lozanna 25.IX.04

Niy styknie ci czasu by wszyske łoglondnońć
Dyc se we Lozannie werci we to wprzongnońć
Miyndzy muzeami autobus kursuje
Z karnetym połdarmo - teroz forsztelujesz?

[broneknotgeld]

Drewniane schodki

Do katedry wiedom w gora
Jest ich tukej połno fura
Nawet niy chce sie rachować
Nogi myncza! Po co gowa?!

[broneknotgeld]

Pierre de Coubertin w Lozannie

Ano se tukej Pyjter przikludzioł
Ruch olimpijski karlus łobudzioł
Bestoż Lozanna jego stolicom
We cołkim świecie ze tym sie liczom.

[broneknotgeld]

Dynkmal - muzeum

De Coubertina muzeum zdo sie
Ideja grofa na wiyrchu mo sie.

[broneknotgeld]

W starożytności

Lazły przez Alpy tyny legjony
Toż sztimowała Lozanna łonym
Ze tym ta sztela poleku rosła
I do znaczynio jakegoś doszła.

[broneknotgeld]

Republika Lemańsko 1798

Z tym cołko władza Berna se traci
Wolność Lozanna dyć ubogaci.

[broneknotgeld]

Szac

Leman Lozanny szacym sie zdowo
Niy yno mie sie tako wydowo
Niyjedyn gowom przi tymu kiwo
Dyć to żodnego tukej niy dziwo.

[broneknotgeld]

"Palais de Rumine"

W środku Lozanny muzea znojdziesz
We histotyjo łodległo dojdziesz
Cobyś za wiela se niy łonaczoł
Wszysko cuzamyn w jednym pałacu.

Vaud

[broneknotgeld]

Niy byda żałowoł

Lemańsko dziedzina wnoroślom słynie
Degustacjo wina niychej mie niy minie
Toż piwniczki zocny poszukom na stoku
Niy byda żałowoł przeca tego kroku.

Lotschental

[broneknotgeld]

Lotschental

Ta dolina łod świata chnet łodciynto była
Toż w jeji dialekcie richtig wielko siyła
Choć poskopić ciynżko go inkszym Szwajcarom
Dyć se go durś czimiom - niy jest jakomś marom.

[broneknotgeld]

Kedyś tukej

Kedyś bydło paśli i drzewo rombali
Z toworym przez Alpy tyż se "przeprowiali"
A dzisioj ze czego richtig profit majom?
Ano - turystyce wiela tukej pszajom.

Wallis

[broneknotgeld]

Dzwonki

Dzwonki pamiontkom nom sie zdowajom
Durś tukej krowy "na słuch" szukajom?

[broneknotgeld]

Dufourspitze 4634 m n.p.m.

Niy yno we Wallis szpica to nojwyrszo
W cołki Szwajcaryji łona jest nojpiyrszo.

[broneknotgeld]

Cugym

Cugym z Rodanym se tukej jada
Glajzy mie wiedom w tunele mosty
Z łokyn podziwom jo Alp parada
Na gryfno rajza knif taki prosty.

Champery

[broneknotgeld]

Champery

W dolinie Illiez ta sztela leży
Rajym sie zdowo możecie wierzyć.

[broneknotgeld]

Wspinaczka

Kto sie wyspinać lubi pościanie
Tyż we Champery swoje dostanie
I niy ma ze tym utropy wcale
Gyszeft trza robić nawet na skale.

Dolina Herens

[broneknotgeld]

Dolina Herens

Ta starszych kusi i familije
Możno spokojni sie we niyj żyje
Zdo sie co bardzi sielsko jest tukej
Jak tako lubisz w dolina klupej.

[broneknotgeld]

Dyć jak wolisz

Dyć jak wolisz sie ścieżkom wybier prosto w gory
Świstok yno gwizdnie - zodziwi se ktory.

Aigle

[broneknotgeld]

Zamek

W dolinie Rodanu zamek stoji stary
Z kamiynia go dźwigli bestoż bioło-szary
Łogromne mo mury we niych wieże mocne
Dyć niym tam se dońdziesz to richtig tyż zocne
Że idziesz do niego przez piykne winnice
Ze kerych tyż słynom tukej okolice.

Zermatt

[broneknotgeld]

Zermatt

Wele Matterhorna te miasto se leży
Czy pympkym Europy? Szłoby tymu wierzyć.

[broneknotgeld]

W Zermatt

Mo Zermatt dlo mnie tyn feler srogi
Na moj portmanyj zdo sie za drogi.

Zurych

[broneknotgeld]

Radośnie woło

Kaj Limmat wlywo wody w jezioro
Zurych radośnie wandrysa woło.

[broneknotgeld]

Jezioro Zuryskie

Zurych bez jeziora byłby jak siyrota
Se to forsztelujcie - toż richtig gupota.

[broneknotgeld]

Muzeum Kawy

Zdo sie co wcale niy skiż zabawy
Tu Jacobsona Muzeum Kawy
Ze kery Zurych w Europie słynie
Skosztuj bonkawy we ty dziedzinie.

[broneknotgeld]

Lindt & Sprüngli

Ano - w Zurychu ta fyrma majom
W niyj szokolada dyć wyrobiajom
Jako na darmo kaj ińdzi szukać
Toż trza ci prawie tukej zaklupać.

[broneknotgeld]

Bankom po Zurychu

Z banki Zurych lepi widzć
Wiydz to bo se może przidać.

[broneknotgeld]

Miasto piniondza

Dyć z tym wcale niy pobłondza
Zurych miastym durś piniondza
Wieki przeszły na proficie
Toż bogatsze tukej życie.

[broneknotgeld]

Muzea i galeryje

Poł setki muzeow ze hokym w Zurychu
Setka galeryji - toż mi niy do śmiychu
Bo muzeum u mie zrychtowali jedne
I dwie galeryje - kultura z tym blednie.

[broneknotgeld]

Miasto fontannow

Tysionc dwiesta fontannow tukej zrachujecie
Ze kożdy przi tymu nawet napijecie
Ponoć smak Zurychu richtig we ty wodzie
Kto jyj pokosztuje tego to niy bodzie.

Francja

[broneknotgeld]

Francyjo jak wino kożdymu smakuje
Bo tyż tu nojwiyncy se go produkuje
Zaś lawyndom wonio podobno łod zowdy
Parfin tukej krolym - wiela we tym prowdy.

[broneknotgeld]

22 regiony

Na tela regionow se Francyjo dzieli
Szkryfna byście ło tym już teroz wiedzieli.

[broneknotgeld]

Bych se wybroł do Francyji
Dyć z tym wiela komedyji.

[broneknotgeld]

12 miljonow

Paryż - aglomeracyjo
Tela ludzi - toż mecyjo.

[broneknotgeld]

Bretonio

Piyrwyj region echt-celtycki
Dyć łostało coś na wdycki.

[broneknotgeld]

Turyńjo

W Turyńji zamki no i łogrody
Ciyngym zdowajom se "piyrszy wody".

[broneknotgeld]

Galowie

Plymiona celtycke tu prawie łod zowdy
We kerych Francuzy przodkow swojich majom
Toż idzie se asić tym dzisioj naprowdy
Co we nich poczontku swojego szukajom.

[broneknotgeld]

Juliusz Cezar w Galji

Czy skiż Cezara Rzymiany wszyndy?
-Ze wojskym swojym Galjo podbijo
Wercyngetoryks choć bronioł grzyndy
Dyć przegroł tako - toż tragedyjo.

[broneknotgeld]

Lutetia Parisorum

Za rzymskich czasow kaj nurt Sekwany
Małe miasteczko stanyło
Wiek złoty bydzie jymu tyż dany
Ło jakim wpiyrw se niy śniyło.

[broneknotgeld]

V-VI w.n.e.

Z Kornwalji i Walji Bryty przipłynyli
Na cołkim połwyspie se tu osiedlyli.

[broneknotgeld]

Krzest Chlodwiga 496

Tako krzest Chlodwig przijoł z tym rokym
"Francia" już państwym istnego
Stolicom Paryż - tyż z jego krokym
Czas Merowingow do tego.

[broneknotgeld]

Pepin - krol Frankow

Z Childerykym kończom - Pepin krolym Frankow
Longobardow pobioł jak jakiś barankow
A co jejich było łoddoł papiyżowi
Monarcha przezocny - Kościoł tako powiy

[broneknotgeld]

Cuzamyn

Co piyrwyj łosobno terozki cuzamyn
Frank German Rzymianin - jednak niy na amyn
Dyć w końcu zabraknie Karola Wielkego
Chcom być zaś se łod sia - fest ciongnom do tego.

[broneknotgeld]

Historia Francji
Bronisław Wątroba napisał(a):
Motto

Skuli grinera
Ô tym rymuja
Biere cholera?
Jo tym raduja!

Francyjo jak wino kożdymu smakuje
Bo tyż tu nojwiyncyj sie go produkuje.
Zaś lawyndōm wōnio podobnoś ôd zowdy
Parfin tukej krōlym - wiela we tym prowdy.

Galōw dziedzina

Plymiōna celtycke tu prawie ôd zowdy
We kerych Francuzy przodkōw swojich majōm
Tōż idzie sie asić tym dzisioj naprowdy
Co we nich poczōntku swojego szukajōm.

Massalia (ok.600 r.p.n.e.)

Grekōm te wybrzeże richtig sztimowało
Piyknie ze Galami tukej handlowało.

Rzymski protektorat 121 r.p.n.e.

Marsylske wybrzeże we Latynōw rynkach
Chnetko i Prowansjo zacznie tako kwynkać
Rzym we siyła rośnie - narody podbijo
Niy tropi tym przeca co dlo nich mecyjo.

Juliusz Cezar w Galji

Czy skiż Cezara Rzymiany wszyndy?
-Ze wojskym swojim Galjo podbijo
Wercyngetoryks choć brōniōł grzyndy
Dyć przegroł tako - tōż tragedyjo.

Pod Rzymianami

Pod panowaniym Rzymian durś byli
Dyć Galjo ciyngym zdało sie - rosła
Na handlu przeca wiela zyszczyli
Sztela we przodek ze tym tyż poszła.

Lyon

Lyon w Galiji uros nojbardzi
Mianym stolicy możno niy wzgardzi
We prowincyji zdo sie nojpiyrszym
Choć czas pokoże co niy nojwyrszym.

Lutetia Parisorum

Za rzymskich czasow kaj nurt Sekwany
Małe miasteczko stanyło
Wiek złoty bydzie jymu tyż dany
Ô jakim wpiyrw sie niy śniyło.

III-V w.n.e.

Ludy barbarzyńske cisnōm na ta sztela
Zrachować je tukej zdało by sie wiela
Franki i Burgundy tako samo Goty
Wandale, Alany i inksze huncwoty.

W połowie V wieku

Nojwiynksze huncwoty z Attylōm sie ciśli
Dyć krōtko to trwało i źle na tym wyszli.

V-VI w.n.e.

Z Kornwalji i Walji Bryty przipłynyli
Na cołkim połwyspie sie tu ôsiedlyli.

Menton - Lazurowe Wybrzeże

[broneknotgeld]

Menton - Lazurowe Wybrzeże

Kedyś w Grimaldich władzy z Monako
Potym Francyjo to wziyła
Dlo Menton było przeca jednako
Dyć łone swoja mo siyła.


Świynto Citrony w Menton

To tukej kedyś pramatka Ewa
Co hapła w Raju prziniosła
Piykno gałonzka citrony drzewa
Piyrszo we Menton wyrosła

Miasto ze tego downo słynyło
Zocny to owoc Europy
We dziewiytnostym wieku tak było
Cytrus łodbiyroł utropy

Teroz to dzieje sie w karnawale
Świynto Citrony tu majom
Coś brak jyj - dyć to niy mynczy wcale
Z Hiszpanii se sprowadzajom.


Cytrusowo parada

Ze cytrusow tukej figury budujom
Potym te parady w czi niydziele idom
A co niy łognije ludziskom "wysujom"
- No tak co roku bo turysty przidom.


Karnawał cytrusow

Citron z apruzinom czi tydnie krolujom
Tako tukej było już przed drugom wojnom
A że ćwierć Europy tyn zwyczaj fest ujon
Ło zyski w tym czasie sztela jest spokojnom.


Apruzinowy "Disneyland"

Tako we tym roku Monton se pokoże
Do tego dodejcie "lazurowe" morze
Choć to niy jest lato yno jeszcze zima
Monton swoje zrobi - niy zeżre ich tryma.

(fraszki zeszłoroczne)

Nicea - Lazurowe Wybrzeże

[broneknotgeld]

Krol Karnawału Nicejom rzońdzi
Dyć po dwoch tydniach na stos zabłońdzi
Szczyńściym co roku majom inkszego
Latoś se znojdli "Klonowanego".
--

Festiwal Kwiotkow

Karnawał bez kwiotkow w Niceji niy wyńdzie
A w dziyń festiwalu to łone som wszyńdzie
Nojpiykniejsze jednak na wozach tu znojdziesz
Aroma w kicholu że ślepy tyż dojdzie.

[broneknotgeld]

"Promenade des Anglais"

Ech - se połazić przi samy plaży
W gryfny Nicei - to mi sie marzy.

Villefranche-sur-Mer - Lazurowe Wybrzeże

[broneknotgeld]

Villefranche-sur-Mer

Malutke miasto wele zatoki
Kerymu lecom szczyńśliwie roki.

[broneknotgeld]

Zatoka Villefranche-sur-Mer

Nojgryfniejszo to zatoka?
Se łopytej teroz łoka
Prawiom tako dyć nikierzy
Mozno trza im richtig wierzyć.

[broneknotgeld]

Na wzgorzu "Viaigrier"

Tina Turner tukej bawi
Jeji willa se nom jawi.

Lazurowe Wybrzeże

[broneknotgeld]

Wybrzeże

Czy wybrzeże richtig tako lazurowe?
Czas by se przekonoł ło tym w końcu czowiek.

[broneknotgeld]

"Lazurowe Wybrzeże" Liegearda

Francuski pisorz szkryfnoł te miano
Tako żech wspomnioł se dzisioj rano
Toż już na wieki po niym łostało
Jakby to yno - przeca niymało.

Monaco - Lazurowe Wybrzeże

[broneknotgeld]

Monako

Ksiynstwo na dystrykty sztyry se nom dzieli
Tako jego władcy pewnikym mieć chcieli.

[broneknotgeld]

Dystrykt "La Condamine"

Port w Monako żyje przeca
Toż w tyn dystrykt teroz leca.

[broneknotgeld]

Grand Prix Monaco

Formuła 1 Monako zno
Wila radochy z wyścigow mo.

Alzacja

[broneknotgeld]

Francusko Alzacjo mo wiela ze Ślonska
Ciyngym tu ktoś inkszy chcioł być jeji panym
Taki los już bywo granicznego konska
Niy yno Alzacji przeca był pisany,

[broneknotgeld]

Asterix

W Bretanii znoł żech Gala jednego
Kery Rzymianom loł mocno
Dyć dzisioj niy ma już tam istnego
Choć sztela ciyngym jest zocno.

[broneknotgeld]

Bociek

Winiorze godajom że wszysko skiż flaszek
Kere som "wysmukłe jako boćki nasze"

[broneknotgeld]

Ech - wyboczcie mi tu te bretońske fraszki.
W nastympnym wontku tyn feler naprawia.

Obernai

[broneknotgeld]

Obernai - Świynto Wina - 15.VIII.04

Toż mom terozki coś smutno mina
Niy bydzie mie tam na Świyńcie Wina
A chciołbych popić i se zabawić
Latoś niy pódzie jednak tak sprawić.

Strasburg

[broneknotgeld]

Katedra

Katedra w Strasburgu mo miara Europy
Czista lot jom przeca budowali chopy
Dyć stanyło tukej richtig piykne cudo
Możno kedyś do niyj zajrzeć mi sie udo

Se alzacke wino w tyj intyncji pija
Bo przeca we Unii już terozki żyja
W ty flaszce zamknione słońce ze Francyji
Niebo w gymbie - w uszach jakby dzwiynki cyji.

[broneknotgeld]

Starowka

Starowka tutejszo "dziedzictwym kultury"
UNESCO chce chronić strasburske te mury.

Szampania

[broneknotgeld]

Szampanio

Czym ta Szampanio w świecie durś słynie?
Szampan sie robi we ty dziedzinie!
Kaj ińdzi niy śmi - tu yno może
Za te "bombelki" dziynki Ci Boże.

Prowansja

[broneknotgeld]

Prowansjo

Jaśmin roże i lawynda
Na Prowansji rosnom grzyndach
Teroz żeście "som już w doma"
Stond ty Francji jest aroma.

[broneknotgeld]

Lato w Prowansji

Rozmarynym, tymiankym, lawyndom ci wonio
Ziołami powito choć możno niy tonio.

[broneknotgeld]

Mont Ventoux

Dlo Prowansalczyka ta gora jest świynto
Niychej kozdy wandrus tyż ło tym pamiynto.

[broneknotgeld]

Pastis

Pastis we Prowansjo chopy popijajom
Prawiom co skiż tego bardzi frelkom pszajom.

[broneknotgeld]

Prowansalczyk

Cieszy sie radościom życia
Jodłym i tym co do picia
Dobro małe go raduje
Tako tyż szczyńśliwym czuje.

[broneknotgeld]

Śnik lilowy

Śnik lilowy w Prowansyji
Skiż lawyndy - niy mecyji.

[broneknotgeld]

Miod lawyndowy

Miod lawyndowy
Czy jest lilowy?
Tego niy powiym
Dyć zdrowy - to wiym.

[broneknotgeld]

Świynto Lawyndy
Sault - 15.VIII

Ano - do Prowansji lawynda prziwoło
A kej jeji świynto richtig tu wesoło.

[broneknotgeld]

Lawynda

Niy yno mole ze szrankow goni
Kej coś cie boli to ciśniesz ku ni
Z jeji aromom lekciejsze życie
Spokoj wom niesie - tako już wiycie.

St. Paul de Vence

[broneknotgeld]

St. Paul

Godajom - yno Prowansji wiocha
Jo chciołbych pożyć se tukej trocha.

Vence

[broneknotgeld]

We Vence

Witold Gombrowicz bywoł tu z Ritom
Bestoż se tukej ło nich łopytom
We kamiynicy piykny miyszkali
Z balkona Vence tyż podziwiali.

Aix-en-Provence

[broneknotgeld]

W Aix-en-Provence

W Aix-en-Provence Cezanne se rodzioł
Tyż po ty dziedzinie ze sztalugom chodzioł.

[broneknotgeld]

Aix-en-Provence

Prowansji piyrwyj zocno stolica
Tako do dzisioj krase mo lica.

[broneknotgeld]

Aix-en-Prowence

W piytnostym wieku tyn grod stolicom
Cołki Prowansji - żył okolicom
Dzisioj kulturom blyszczy i zdrowiym
Tako terozki wom ło tym powiym.

[broneknotgeld]

Floryncyjo?

Prowansalskom Floryncyjom
W downych czasach sztela zwali
Dzisioj kunsztu tu niy kryjom
Wyna z niyj artysty brali

Jedni pyndzlym inksi piorym
Co tutejsze durś chwolyli
Łostoł tukej coniyktory
Choć w wiynkszości yno byli.

Gordes

[broneknotgeld]

Gordes

Średniowieczny zamek na miasto sie kuko
Kere tyż na skale swoji drogi szuko
Mury ze kamynia, dachowki czerwone
Poczontek z tond widać, czy mozno już koniec?

[broneknotgeld]

Opactwo Senanque

Klasztor we lawyndzie - trza tymu dziwować
Murom co romańske tło lilowe dować
Jako piyrwyj było, tako jest i bydzie
Wandrus kuknie przeca i zaś dali idzie.

Rousillon

[broneknotgeld]

Rousillon

"Szlak ochry" na pewno bronotny pokusi
Kej wandrus tu trefi łoglondnońć to musi
Skały w tym kolorze i miasto tyż tako
Że jasnobronotne nikt tukej niy płako.

Rustel

[broneknotgeld]

Rustel

Zdo sie żeś we Hameryce
Skiż kanionow, ano - wiycie
"Kolorado" zwać - za wiela
Dyć podobno jakby sztela.

Loumarin

[broneknotgeld]

Loumarin

Grod jak z bojki, z zomkym zocnym
Wonio w dziyń i w porze nocny
Tom aromom lawyndowom?
Czy sie kwiyci na lilowo?

Sault

[broneknotgeld]

Sault

Sault stolicom lawyndowom
Sercym ziymi co lilowo
Kej rozkwito latym kwiycie
Ech, pewnikym sami wiycie.

[broneknotgeld]

Miod lawyndowy

Miod lawyndowy
Czy jest lilowy?
Tego niy powiym
Dyć zdrowy - to wiym.

[broneknotgeld]

Świynto Lawyndy
Sault - 15.VIII

Ano - do Prowansji lawynda prziwoło
A kej jeji świynto richtig tu wesoło.

Awinion

[broneknotgeld]

Pałac Papiyży

Pałac Papiyży - tu na wygnaniu
Czas niy traciyli - choć we czekaniu.

[broneknotgeld]

Pont d"Avignon

Most nad Rodanym do dzisioj stoji
Dwa brzegi rzeki ciyngym kupluje
Sie ło papiyży już tu niy boji
Łoko wandrusa za to raduje.

[broneknotgeld]

Coś ło ty szteli
www.dziennikzachodni.pl/artykul/1621640,szoltysek-na-moscie-w-awinionie,id,t.html
Byscie wiedzieli.

Paryż

[broneknotgeld]

Mulin Rogue

W dziewiytnostym wieku kankan sie tu rodzioł
Dyć inkszych atrakcji bez liku tyż mieli
Dość dugo podobno ze scyny niy schodzioł
Karlus co pierdzyniym umioł rozweselić.

[broneknotgeld]

W Berbes

Na Paryża tym przedmieściu
Se Dakarka gryfno pieścioł
Dyć alfonsa miała draba
Ze Algieru fest Araba.

[broneknotgeld]

Lutetia Parisorum

Toż osada tako na wyspie Sekwany
Paryzjan wspomino choć ze Rzymskim mianym.

[broneknotgeld]

"Ile de la Cite"

Toż wyspa Sekwany kolybkom Paryża
Możno tu ździybeczko wi wom jom przibliża.

[broneknotgeld]

"Czorno Madonna"

We katedrze Notre Dame
Figurka jyj stoła
Inksze niy som take same
Jako mi tu wołać?

Z Rewolucjom zaginyła
Już jyj niy znojdymy
Kejś cudami łobdarzyła
Niyjednego - wiymy.

Bretania

[broneknotgeld]

Asterix

W Bretanii znoł żech Gala jednego
Kery Rzymianom loł mocno
Dyć dzisioj niy ma już tam istnego
Choć sztela ciyngym jest zocno.

[broneknotgeld]

Megality

Megalitow w Bretanii se trocha znojdziecie
Ze celtyckich czasow czy starsze tyż przecie?

[broneknotgeld]

Ajerkuchy na słodko

Ze dźymym karmelym abo marmoladom
ZE śmietonkom tako no i czekoladom
Toż nawet podadzom go i ze lodami
Dyc na słodko niy chca - zjydzcie se go sami.

[broneknotgeld]

Bretoński domek

Z czego nojczyńści? Tako se spytom
Som tyż łodpowiym. Ano - z granitu.

[broneknotgeld]

Bretończyk

Toż łon niy cołkym zdo sie Francuzym
Jynzyk bretoński ciyngym mu słuzy
I w Celtach przodkow swojich durś widzi
Sie historyji tako niy wstydzi.

[broneknotgeld]

Latarnie morske

Zdo sie bretońskim som łone znakym
We kożdym porcie niy bele jakim
W niych historyjo tako legyndy
Znane w Bretanii chocioż niy wszyndy.

Pont Aven

[broneknotgeld]

W Pont Aven

Stond se wywodzi malarsko "szkoła"
Co do Gauguina ciyngym chce wołać.

Korsyka

[broneknotgeld]

"Kallyste"

"Nojgryfniejszom" już Greki ta wyspa nazwali
Jak kolonio Alialia tukej zakłodali.

[broneknotgeld]

Piykno Wyspa

Jak Europa w miniaturze
Z morza wspino se ku gorze
Choć nikierzy tako prawiom
-Pon Bog se Alpami bawioł
I mu konsek wlecioł w morze
-Toż Ci dziynki za to Boże.
--

Monte Cinto (2710 m.n.p.m.)

Do Ponboczka zdo sie wspino
Brakło jakby - ino ino
Te ździybeczko - tako gora
Tu nojwiynkszo - znikła w chmurach.

[broneknotgeld]

Na wybrzeżu

Na wybrzżu tukej strażnice fortece
Co przed Arabami bronić miały przecie
Dzisioj te zabytki som wyspy łokrasom
Korsyka bogacom - nikogo niy straszom.

[broneknotgeld]

Chlyb umrzikow

Z rodzynkami łorzechami
Skosztujecie pewno sami
Po niym dyć niy czeko truła
Bardzi śmiertka mo z tym ruła.

[broneknotgeld]

Niypodległo Korsyka?

Toż by tukej richtig chcieli
Niy być we francuzki szteli
Yno sami sobom rzońdzić
Nawet jakby mieli błońdzić.

Bonifacio

[broneknotgeld]

Na wysokim klifie miasto zbudowali
Szczyńściym co do morza sie łone niy wali.

[broneknotgeld]

Na skalistym brzegu

Na skalistym brzgu Bonifacio leży
Blisko do Sardyńji - możecie mi wierzyć.

Bastia

[broneknotgeld]

Wele Bastii zoglondnij do polski misyji
Ze spaniym i jodłym niy ma tam mecyji
Werci sie posiedzieć tu choć pora dni
Do morza tyż blisko. Piyknie - to sie wiy.

Ajaccio

[broneknotgeld]

Ajaccio

Wiedzie te miasto prym na Korsyce
Dyć ło tym wszyscy to przeca wiycie.

[broneknotgeld]

Toż se niy ma czamu dziwać
Yno gowom tako kiwać.

Corte

[broneknotgeld]

Corte

Duch niypodległości tukej se narodzioł
Przeca prawie w Corte Paoli z niym chodzioł.

[broneknotgeld]

Corte stolicom Korsyki

Tu konstytucyjo państwa uchwolono
Tu niypodległości nojzocniejsze łono
Tako se niy dziwcie co stolicom Corte
Przeca miasto richtig tego było worte.

[broneknotgeld]

Dynkmal Paoliego

Dynkmal Paoliego we Corte widzicie
Pszoł istny Korsyce jakby ponad życie.

Corte

[broneknotgeld]

Calvi

Na brzegu Korsyki te miasto znojdziecie
Pewnikym zoglondnońć w ta dziedzina chcecie.

Calvi

[broneknotgeld]

Calvi wyży już być miało
Dyć se zaś felera chciało

Montresor

[broneknotgeld]

Montresor

Ksawery Branicki zamek kupioł tukej
Bestoż konska Polski tyż jakby se szukej
A i wioska cołko zowdy gryfno była
Ty swoji urody dzisioj tyż niy skryła.

Lotaryngia

[broneknotgeld]

Lotaryngia

Ksiyńciym Lotaryngii był Leszczyński Stanik
We Polsce łon krolym dyć tukej wygnany
Mog se z łaski ziyńcia swojom mitrom cieszyć
A możno na starość i ździybko pogrzeszyć.

[broneknotgeld]

Wygnaniec

Wygnoł tu Lasa Sas ze Rosyjom
Toż Stanik Nancy we rynce przijon.

Nancy

[broneknotgeld]

Leszczyński w Nancy

W historyjo Nancy Las se piyknie wpisoł
Nudli na Poloku nikt tukej niy wiyszoł
Kultura i sztuka blysła dyć przi niymu
Niy darmo tyż dynkmal wystawiyli jymu.

Langwedocja

[broneknotgeld]

Langwedocja

Toż we Francyji tako kraina
Prawiom co richtig piykno dziedzina.

[broneknotgeld]

Niyroz pokoże

Langwedocyji Środziymne Morze
Niyroz wschod słońca gryfny pokoże.

Carcassonne

[broneknotgeld]

"Carcaso" I w.n.e.

Rzymiany Carcaso se tukej dźwignyli
W Galiji panami przeca w końcu byli.

[broneknotgeld]

Franki w Carcassonne 759

Ano - skiż Pepina Frankow teroz sztela
Twierdza w jejich rynkach rozwijo sie wiela.

[broneknotgeld]

"Katar"

Widać z miana
"Czystym" był
Szukoł Pana
Z cołkich siył

Czy go znoloz?
Mi sie zdo
We grob poloz
-Take dno.

[broneknotgeld]

"Rzeźnik" w Langwedocyji

Zabić katolika czy yno katara?
Jymu by sie chciało richtig ło to starać?
Podobnoś to godoł swojym wojskom wdycki
-Ponboczek som pozno czy jego duszyczki.

[broneknotgeld]

Łobrona Carcassonne 1209

Tysionce katarow sie w twierdzy schroniyło
Wojsko wicehrabi tako jom broniyło
Dyć przi gorkim lecie dwa tydnie to trwało
Bo wody zabrakło i na mor se brało

Toż sztela poddali we Montforta rynce
Chocioż ze tym bydom tukej w inkszy mynce
Roger de Tranceval istnych niy łobronioł
Som dlo sia z tym teroz już śmiertka przigonioł.

[broneknotgeld]

Carcassonne 1247

Krol Francyji terozki Carcassonne panym
Szwong do rozbudowy ze tym nowy dany.

[broneknotgeld]

Dzisioj Carcassonne

Dzisioj Carcassonne rekonstrukcjom prawie
Dyć zdo ci sie tukej coś niy jest na jawie.

[broneknotgeld]

W Carcassonne

W Carcassonne jakbyś średniowieczym dychoł
Yno dej se pozor cobyś niy zakichoł
I tako tyż cofnoł we jakiś wiek stary
Jeronie - dyć możesz być tukej katarym.

Nord Pas-de-Calais

[broneknotgeld]

Nord Pas-de-Calais

Tako dziedzina wele Flandryji
Noleży z downa do ty Francyji.

[broneknotgeld]

Na połnocy

Na samy połnocy Francyji znojdziecie
Nord i Pas-de-Calais kery nizy przecie.

[broneknotgeld]

Lille

Lille we dziedzinie metropolijom
Toż szteli tako jo niy łomijom.

Seclin

[broneknotgeld]

Połedniowe jak do Lille se jedzie
Droga ze Paryża tyndy przeca wiedzie.

[broneknotgeld]

Połedniowe dźwiyrza

Połedniowe dźwiyrza jak do Lille se jedzie
Droga ze Paryża tyndy przeca wiedzie.

[broneknotgeld]

Zabrze - Seclin 1987

Toż se kamracom już cosik długo
Dwadziścia rokow aże nom mrugo.

[broneknotgeld]

Zabrze - Seclin 1997

Trzi ćwierci sety Zabrzu klupnyło
Dyć na fajerze i Seclin było.

[broneknotgeld]

Zabrze - Seclin 2007

Zafajrować możno przidzie
Z kamracynio radość bydzie.

[broneknotgeld]

Herb Seclin

Tarczom czerwonom
"S" ze koronom.

[broneknotgeld]

1742 hektory

Seclin zdo sie jednak małe
Drapko zwiydzić możesz całe.

Hiszpania

[broneknotgeld]

Hiszpanio sztyrech jynzykow

Hiszpański tu wszyńdzie - tyż w zocy baskijski
Kataloński jeszcze no i galisyjski.

[broneknotgeld]

Raj dlo kurzokow

Tukej pobakać se wszyńdzie idzie
Dyć czy to zowdy w Hiszpanii bydzie?

[broneknotgeld]

Krzest Hiszpanii - 578

Za Rekareda krola sie stało
Mioł wizygocko Hiszpanio cało
Dyć prziszły potym czasy Allaha
Trza ło kościoły było sie strachać.

[broneknotgeld]

200 lot

Aż dwiesta lot trwało co Scypion tu zaczoł
Rzym sie we Hiszpanii wiela tyż bogacioł
Cezar i Oktawian resztki jyj podbiyli
Po germańske czasy rzymianie rzońdziyli.

[broneknotgeld]

Krolestwo Asturii (ok.720)

Asturio krolestwym se tukej łostała
Z czasym i Galicjo do sia tyż zabrała.


Leon (914)

Asturio z Galicjom no i tym Leonym
Cołkym piykne państwo wykroło se łonym.

[broneknotgeld]

Almorawidzi

Do Andaluzji z Afryki prziszli
"Taify" chnet wszyske zgarnyli
Po krześcijański niy było myśli
Zaś wiyncy sie tukej biyli.

[broneknotgeld]

Aragonia rośnie

Aragonia rośnie w siyła
Balearow se chyciyła
Langwedocji Sycyliji
Wszysko w jedny familiji
Saragossa pympkym jeji
Ziymie do sia ciyngym kleji.

[broneknotgeld]

Prawie 800 rokow

Osiymset rokow byli tu prawie
Dali arabsko kultura
Zdo ci sie dzisioj żeś niy na jawie
Jak łazisz we Maurow murach.

[broneknotgeld]

"Iberia"

"Ziymia Rzek" - te miano dali
Ci co ze Afryki prziszli
Rzekom se tu dziwowali
Bo z pustyni przeca wyszli.

[broneknotgeld]

"Castros"

Celty zasiedlali forty
Ze nich wojok wiela worty
Najymniki tyż w tym fachu
-Prawiom co niy znali strachu.

[broneknotgeld]

Fynicjany w Iberyji

Tu metali rożno ruda
I Iberow z tego cuda
Fynicjanow to kusiyło
Wiela kupcow przipłynyło.

[broneknotgeld]

Greki w Tartessos

Aże do Tartessos wiatry roz przignały
Ano - tref szczyńśliwy i profit niymały
Czy tam Fynicjanow przed niymi niy było?
Czy yno bogactwo przed istnymi skryło?

[broneknotgeld]

Tartessos (VI w.p.n.e.)

Ponoć inksze miasta morne
W Iberyji te wytworne
Prawa mo szkryfnione w rymach
Zocniejszego richtig niy ma.

[broneknotgeld]

Iberyjsko kość

Miyndzy Kartaginom a Rzymym ta "kość"
Tako dwie nacyje mynczy jedna złość
Nic że tyż Ibery za wolnościom stojom
Jak sie dwie potyngi na wojny durś zbrojom.

[broneknotgeld]

Barcelona

Na cześć Barkasa przeca jyj miano
-Hamilkarowi kłonio se rano.

[broneknotgeld]

Hannibal

Syn Hamilkara z Cartago Novo
Rzym chce pokonać - se mu wydowo
Że elefanty mieć w armji styknie
I z tym Latynow jakosik łyknie

Tako ruszyła wielko armijo
Już jest za niymi cołko Galijo
Wysoke Alpy z zadku łostały
A pod Kannami Rzym zdoł sie mały

We Italiji Kartagińczyki
Niyroz miyszajom Rzymianom szyki
Nic to że bitwy rożne wygrali
Przeca sie w końcu stond wycofali.

[broneknotgeld]

Empuries 218 r.p.n.e.

Scypion Afrykański Starszy ze wojskym londuje
Tako Rzym ze Kartaginom tyż tukej wojuje
Hannibal Latynow łoji w jejich Italyji
Toż tu wojska majom myni - słabsi w Iberyji.

[broneknotgeld]

wiadomosci.gazeta.pl/wiadomosci/1,53600,4071751.html
Ano - werci se to poczytać.

"Camino Grande"

[broneknotgeld]

"Camino Grande"

Toż "Wielko Droga" godno Ślonzoka
Po myńszych niy trza nom teroz skokać.

[broneknotgeld]

Compstela - campus stellae - pole gwiazdy

Teodomira gwiozda prowadzi
W pole z kerego wzyscy my radzi
Toż tukej prochy Jakuba znoloz
Bez blysku z nieba som by niy poloz.

[broneknotgeld]

Saint Jean Pied de Port

Toż pont zacyno sie we Francyji
Możno z tym bydzie wiela mecyji
Droga ci zd sie jakby bez końca
Piechty poczeba nojmni miesionca.

[broneknotgeld]

Przez Pireneje

Przyńść Pireneje - widoki piykne
Dyć tropić trza sie czy formy styknie
Do Roncesvalles droga cie wiedzie
Zdo sie - Ponboczek kajsik na przedzie.

[broneknotgeld]

Na Wielkim Pedronie

Galeryjo pontnikow stoji na tym szczycie
W niych przeca i siebie jakby łoboczycie.

[broneknotgeld]

Kastylia - Leon

Kastylia-Leon - przez "żołte morze"
Wiedziesz "złocistom" drogom mie Boże
Durś kukurydza i słoneczniki
W zbożowych łanach tracom se bliki.

[broneknotgeld]

"Gryfno Leontynka"

Gotykym francuskim katedra se miyni
Witrażami tako - nojwiynksze na ziymi.

[broneknotgeld]

W Astordze

Gaudi w Astordze kunszt swoj łostawioł
Toż przi pałacu tukej zabawioł
Takom biskupa perłom łozdobioł
Jake łon yno naprowdy robioł.

[broneknotgeld]

Camino

U nos Camino
Link tu dom ino.
www.dziennikzachodni.pl/artykul/858961,via-regia-droga-sw-jakuba-w-zaglebiu-i-na-gornym-slasku-juz,2,id,t,sg.html#galeria-material

Santiago de Compostela

[broneknotgeld]

Świynty Rok (2004)

Latoś zaś Jakuba wypadnie w niydziela
Bestoż wszyscy wiedzom że momy rok "świynty"
Pontnikow se znojdzie tukej richtig wiela
Ze radościom przidom choć we blazach piynty.


"Campus stellae" - "pole gwiazd"

Gwiazdy dyszczym spadły na grob apostoła
"Tu mocie świyntego" - jakby chciały wołać.

[broneknotgeld]

Festyn

Przed Świyntym Jakuba we nocy se bawiom
W fojerwerkach przi tym katedra durś blyszczy
Tańce i uciechy życie lekszym sprawiom
Niych wszysko co dobre im sie tukej zyszczy

Dyć potym procesjo wielko tukej zowdy
I mszo z kadzidłami we pamiyńć sie wcisko
Toż pontnik tu chciołby aż łostać - naprowdy
Niyjednymu wiara wystyknie za wszysko.

Walencja

[broneknotgeld]

Rzeka Turia

We Walyncji do morza piyrwyj uchodziyła
Tyż przez nia ciyrpieli bo miała swo siyła
Bestoż "obwodnicom" jom w końcu puściyli
Tako przed powodziom se już łobroniyli.

Sewilla

[broneknotgeld]

Sewilla

Andaluzji jest stolicom
Co arabske - tu zochwyco
Na Giralda se dziwuja
Muezina wyczekuja
A tam przeca teroz dzwon
Krześcijański dowo ton.

[broneknotgeld]

Don Juan

Sewilski hidalgo w cołkym znany świecie
Z Tirsa de Moliny szkryflanio jest przecie
Wiela nom Hiszpanio łod sia ciyngym dowo
Dyć trza mieć to w zocy - tako mi sie zdowo.

[broneknotgeld]

Sewilsko katedra

Dwie wiynksze yno w świecie znojdziecie
Ta we Hiszpanii piyrszo jest przecie.

[broneknotgeld]

Plac hiszpański w Sewilli

Ktoś tu przirajtuje
Inkszy piechty przidzie
A łon se wiosłuje
-Tako zowdy bydzie.

[broneknotgeld]

Muzeum Sztuk Piyknych

Kunszt malyrzy cie zochwyco
Uradujesz tukej lico
We Murilla, Velazqueza
I El Greca tukej mierza.

[broneknotgeld]

Sewilske fontanny

Jako we Sewilli fontanny zrachować?
Dyć możno wystyknie sie im tu dziwować.

[broneknotgeld]

Stolica flamynko

Grajom, śpiywajom, przi tym tańcujom
We "śpiywce" ciała Sewilla czujom.

[broneknotgeld]

Katedra w Sewilli

Dyć piyrwyj epnym meczetym była
Niym na sia mantel gotyku wziyła
Niym ołtorz jeji w złoto łoblykli
Coby zochwycoł tych kierzy blikli.

[broneknotgeld]

"La Girlanda"

Dzwonnica katedry sto metrow wysoko
Kaj piyrwyj muezzin dźwigoł w gora łoko
Wiernych nawoływoł, kłonioł Allahowi
Dzisioj dzwon wydzwonio chwała Ponboczkowi.

[broneknotgeld]

Alkazar 913

Za Andaluzyji kalifa piyrszego
Dźwigli co łostało do dzisioj zocnego
Dzwigli by kamratow Maurow tako dziwać
Dzisioj ze zochwytu nom tu gowom kiwać.

Andaluzja

[broneknotgeld]

W tablao

Ano - we flamenco se tukej wsłuchuja
Na cygańsko nuta Andaluzjo czuja.

[broneknotgeld]

Costa del Sol

Andaluzyjsko cie wito plaża
Codziynnie słonko godo tu - praża.

[broneknotgeld]

Na plaży

Morzu sie dziwosz, gory tyż blisko
No i te słonko co ciyngym blysko.

[broneknotgeld]

Flamenco

Ze Andaluzji taniec pochodzi
Tu niy umiyro - ciyngym sie rodzi.

Malaga

[broneknotgeld]

Malaga

Stolica prowincji słodko jako wino
Niych ci Andaluzjo malaga wspomino.

[broneknotgeld]

Malaga kusi jak słodke wino
Co ło dziedzinie durś przipomino.

[broneknotgeld]

Twierdza rzymsko

Ano - twierdzom piyrwyj była
W Iberyji Rzymian siyła.

Marbella

[broneknotgeld]

Marbella

Wille, hotele, pola golfowe
Tu we kasynie straci se czowiek
Jakby magnesym Marbella kusi
Dyć portmaneja niy śmiysz tu dusić.

[broneknotgeld]

Antonio Banderas

Rodzony w Maladze tu willa mo swoja
Ło Marbelli godo Banderas durś - moja.

Benalmadena

[broneknotgeld]

Benalmadena

Jakby z dwoch konskow dzisioj dziedzina
"Pueblo" staro pokoże mina
"Costa" zaś nowo - geld przeca niesie
Turystom tukej przijyżdżać chce sie.

[broneknotgeld]

Buddyjsko stupa

Tu we Uniji nojwiynkszo stupa
Dyć wcale z ciebie niy robia głupa
Wojciech Kossowski jom projektowoł
Kunszt swoj dziedzinie tako łoddowoł.

Kadyks

[broneknotgeld]

Katedra w Kadyksie

Katedra w Kadyksie monstrancjami słynie
Toż przeca muzeum, toć niych cie niy minie.

La Mancza

[broneknotgeld]

Wiatraki

Wiatraki w La Manczy do dzisioj łostały
Czy ło Don Kichocie łone pamiyntały?

Jerez de Frontiera

[broneknotgeld]

Bodegi w Jerez

Łoj we tych piwniczkach i chłodek se czuje
Dyć wiela tych beczek tukej leżakuje
Jakby szpunt tak łodbić i winka skosztować
Wiyncy niż na proba chcom ci yno dować.

Grenada

[broneknotgeld]

Grenada

Mauretańskom sztukom do dzisioj raduje
Choć już żodyn Arab tukej niy kroluje.

[broneknotgeld]

Costa Tropical

Znojda kaj niykaj i z piosku plaża
Dyć po kamyniach czyńści tu łaża.

[broneknotgeld]

Pałac Karola V

Take "czi grosze" tu krześcijańske
Chocioż ciekawsze som te sułtańske.

[broneknotgeld]

Kaplica krolewsko

Kaplica krolewsko w katedrze znojdziecie
Arcykatolicko para tukej przecie
Już na wieki wiekow pospołu legnyła
Dyć wpiyrw zbudowali Hiszpaniji siyła.

[broneknotgeld]

Po plaży na narty
Tukej to niy żarty.

[broneknotgeld]

Pico de Veleta - 3392 m.n.p

Ano toż gora cołkym wysoko
Tako przed łoczy ciyngym nom skoko.

[broneknotgeld]

Latym?

Po Sierra Nevada łazikować latym
Jak dlo mnie tyż piyknie - bestoż byda na tym.

[broneknotgeld]

Genil

Możno miana rzeki hiszpański niy znocie
Dyć w jeji dolinie ta Grenada mocie.

[broneknotgeld]

"Illiberis"

We ty okolicy wpiyrw rzymsko osada
Niym se pojawiyła ta naszo Grenada.

[broneknotgeld]

Emirat Grenady

Łostatnie krolestwo Maurow we tych stronach
Piyknie rozkwitnyło i niy chciało konać.

[broneknotgeld]

Emir Boadbil 1492

Łostatni emir - już tu Hiszpany
Klucz grodu w rynce istnych jest dany
Choć se Boadbil richtig uślintoł
Tu dlo Arabow ziymia niy świynto.

[broneknotgeld]

We Alhambrze

We Alhambrze tako hiszpańsko krolowa
Geld swoj postawiyła na Kolumba gowa
By popłynoł istny prosto do Indyji
Choć z tego tyż wiela potym tragedyji.

[broneknotgeld]

Alhambra

"Czerwono Wieża" - znocie to miano
Siedziba władcow downy Grenady
Do podziwianio tako nom dano
Kunsztym nojpiyrszo - w tym niy trza zwady

Przeca niyjedyn tu prziwandrowoł
By na Alhambra blikać z podziwym
Tako świadectwo tyż swoje dowoł
Co jest arabskim cudym prowdziwym.

[broneknotgeld]

Alhambra heresztym

Ano - z czasym to sie stało
Dlo krześcijan tego mało
Toż ze twierdzy hereszt robiom
Tym Grenady dyć niy zdobiom.

[broneknotgeld]

Alkazaba - zamek

Ta Alkazaba na samy gorze
Alhambry konsek nojstarszy
Inksze śpiywajom we jeji chórze
Czy gro im paradynmarszym?

[broneknotgeld]

"Sala de Mexuar"

Tu łobradowoł krolewski rzond
Tako wyroki tyż dowoł sond.

[broneknotgeld]

"Sala de la Barca"

Mo "gipsdeka" muster łodzi
Dyć to chyba ci niy szkodzi.

[broneknotgeld]

Sala Krolow

Toż bogactwo - blikej w gora
Alhambra niy jakoś dziura.

[broneknotgeld]

Pałac Karola V (XVI w.)

Toż w niym hiszpański renesans blysnoł
Karol podatek z Maurow wycisnoł
Coby te cudo tukej postawić
Krziż mo wygrywać - tako se jawi.

[broneknotgeld]

"Santa Maria de la Encacarnacion" (XVI-XVIII w.)

Richtig katedra epno jest tukej
Prawiom - na miara Grenady
Tako i do niyj se tyż zaklupej
Bo strojno aż do przesady.

[broneknotgeld]

Katedra "Capilla Real"

Izabela z Ferdynandym
Tu do dzisioj leżom
Jedność teroz richtig kandy?
-Łoni w nia durś wierzom.

Almuńecar

[broneknotgeld]

Almuńecar

Piyrwyj tukej Fenicjany
Potym prziszli tyz Rzymiany
Maury to już "małe piwo"
Miastu dzisioj zdo sie dziwo.

Salobreńa

[broneknotgeld]

Salobreńa

Miasto na gorce se rozłożyło
We wiyrchu arabski zamek
Kogo w niymjeszce cołkym niy było
Niychej to bydzie mu dane.

Motril

[broneknotgeld]

Motril

Łod morza dali
Dyć tyż "na fali".

Majorka

[broneknotgeld]

Majorka

Wnerwić cie może abo zochwycić
Toż pora rymow czeba mi sklycić.

[broneknotgeld]

"Cuevas del Drach"

Podziymnymu światu se wiela podziwosz
Nawet po jeziorku tyż łodkom popływosz
Nic ci już niy grozi - dyć piyrwyj boroka
Żol było jak spotkoł majorskego smoka.

[broneknotgeld]

173 zatoki

Tela tych zatok? Mie niy cyganisz?
Wele Majorki ciyngym zyjmanisz?

[broneknotgeld]

Połednie Majorki

Nojgryfniejsze plaże brzegow połedniowych
Na zowdy już wlejzom do ty twoji gowy.

Palma

[broneknotgeld]

Palma

Palma pokusi?
Zdo sie co musi.

[broneknotgeld]

Katedra "La Sen"

"Świontynia Światła" - gotyk we słońcu
Dyć niy łostowiej tego na końcu.

Valldemossa

[broneknotgeld]

Valldemossa 1838/39

Fryderyk Chopin tu pomiyszkiwoł
Se ty Majorce i Sand tyż dziwoł.

[broneknotgeld]

Preludium Dyszczowe

Klasztor kartuzow kaj cele małe
Ze klawikorda preludium całe
Kunsztym Chopina se fest rozloło
I Sand niy było wcale wesoło.

[broneknotgeld]

Popiersie Chopina

Dyć se niy dziwcie że je tu mocie
Jak historyjo ździybeczko znocie
Ze Sand tu Chopin przeca przebywoł
W celach kartuzow tyż pomiyszkiwoł.

Buńol

[broneknotgeld]

"La Tomatina" (25.VIII)

Zarozki po wojnie fieta w Buńol była
Na cześć ich patrona Luisa Bertrama
-Ponoć jakoś frelka karlusa rzduchnyła
Na sztand z tomatami - to ci wyloz "dramat"

Wnerwiony fest swojich kamratow łobciepoł
Tyż łoni łoddali mu wszysko z nawionzkom
Za szkody zapłacioł bo biydy niy klepoł
Dyć za rok to samo sie stało w tym konsku

Tako tref przidarzoł nowo tradycyjo
Kero przi ty fieście terozki co roku
Tomatowo tukej jakby batalijo
W ancugu niy wyłaź przi tymu boroku.

Barcelona

[broneknotgeld]

Barcelona

Klejnot Katalońji - jyj nojwiynkszy port
Łod wiekow dziedziny stolicy był wort
Dyć tako se miasta historio leciała
Widać wola bosko tyż nad tym czuwała.


"Sagrada Familia"

Katedra do dzisioj mozolnie budujom
Co Gaudi tu zaczoł dokończyć chcom jednak
Jyj widok kożdego tu przeca tyż ujon
Jak jo na nia blikom ze zochwytu bledna.

[broneknotgeld]

"La Rambla"

Szłapcugym trza wybrać se tu na ta sztrasa
Barcelona tako chce pokozać klasa
I kamiynicami poasić zocnymi
I zdo sie tyż kunsztym co wyloz z ty ziymi.

[broneknotgeld]

"Canaletes"

Sie ze ty fontanny wody niy napija
Boch wandrusym yno - tukej niy pożyja
Być barcelończykym wcale mie niy kusi
I w zocniejszym miejscu dusza mi sie dusi.

[broneknotgeld]

Kolumna Krzysztofa Kolumba

Stanoł tu Kolumb se na kolumnie
Mono i gafto na świat tyn dumnie
Dyć mie po prowdzie to yno dziwo
Kaj jego dusza terozki pływo.

[broneknotgeld]

"Barceloneta"

Piyrwyj dzielnicom rybokow była
Niym Olimpiadom se fest wybiyła.

[broneknotgeld]

Plaże Barcelony

Ech - kilometrami ciongnom sie tu plaże
Jo żech im dziwowoł przi piwku we barze.

[broneknotgeld]

"Eixsample"

Dzielnica wito mie secesyjom
Niyjedne cudo szłapcugym mijom.

Figueras

[broneknotgeld]

Muzeum Dalego

W tym miasteczku Dali se przeca narodzoł
Miano Salwadora na krzcie dostoł tukej
Stond sie surrealizm jak gdyby wywodzioł
Wariat był czy gyniusz? Chcesz wiedzieć - zaklupej.

Malaga

[broneknotgeld]

Malaga

Miasto Picassa i Banderasa
Andaluzyjsko jak gdyby "klasa".

Toledo

[broneknotgeld]

Toledo

Po Rzymianach wdepli tukej Wizygoci
Kierzy za stolica Toledo łobrali
Dyć skiż muzułmanow zaczyli se "pocić"
W końcu je wyznowcom Allaha poddali.

[broneknotgeld]

Niy wajo

Hehe - Toledo nad tym niy wajo
Że se legnyło przi rzece Tajo.

Kadyks

[broneknotgeld]

Kadyks

Kadyks to przeca port atlantycki
Downiyj był zocny i tako wdycki.

Kordoba

[broneknotgeld]

Kordoba

Chocioż muzułmańsko minyła już doba
Widać że stolicom ich była Kordoba.

Wyspy Kanaryjskie

[broneknotgeld]

Wyspy kanaryjske

Ło czym zamarzysz choć żeś już stary?
Łodpowiydź tako szkryfna - Kanary!

[broneknotgeld]

7 wysp

Siedym cudow - wysp tyż siedym
A jo przeca yno jedyn
Dyć łonaczyć sie niy byda
I na kożdo z rymym przida.

Lanzarote

[broneknotgeld]

Lanzarote

Malocello Lancelotto - zyjman genuyński
Wyspa łodkrył co sie zdowo jakby łogniym klynski
Porachować tukej ciynżko te wszyske wulkany
Dyć i tak sztela "łokrzciyli" Lancelotta mianym.

[broneknotgeld]

"Ogniste Wzgorze"

Take piyrsze miano miała
Fojerom se tu zdowała
Niy krył czynsto jom i ćmok
A z Afryki mały "skok".

Teneryfa

[broneknotgeld]

Teneryfa

Nojwiynkszo łona z "Kanarow"
Łodkryje wiela ci czarow.

[broneknotgeld]

Guimar
www.dziennikzachodni.pl/artykul/498120,10-miejsc-ktore-trzeba-odwiedzic-w-2012-roku-galeria,1,5,id,t,sm,sg.html#galeria-material

Gran Canaria

[broneknotgeld]

Gran Canaria

Mini kontynynt na oceanie
Wszysko po trochu sztela dostanie.

[broneknotgeld]

"Mini"

Niychej Ponboczek nic tu niy miyni
Gryfny "kontynynt" - tela że "mini".

[broneknotgeld]

"Pozo de las Nievas"

Toż trza zoglondnońć tyż przeca w gory
Na szczyt nojwyrszy wlejzie se ktory
Już niy wybuchnie łogniym łon przeca
Choć ze wulkanow tyż jest ci neca.

[broneknotgeld]

Na połnocy

Na połnocy mie wito winnica
Toż zarozki na trunek tyn licza
Se skosztuja tutejsze kasztany
Apruziny i gryfne banany.

Maspalomas

[broneknotgeld]

Wele Maspalomas

Wele Maspalomas mosz złocisto plaża
Na "Plaja de Ingles" wybrać jo se marza
Ze poczontkym roku - możno w styczniu prawie
Piosek, ciepłe słonko - jeszcze niy na jawie.

Puerto Rico

[broneknotgeld]

Puerto Rico

Przi Puerto Rico już widza skały
Co w oceanie by se kompały.

Teror

[broneknotgeld]

Teror

Mo te miasteczko urody wiela
I we zobytki bogato sztela.

Agaete

[broneknotgeld]

Agaete

Agaete se legło w dolinie
Niych uroda ty szteli niy minie
Apruziny citrony banany
Niychej zowdy plon dobry im dany.

La Palma

[broneknotgeld]

Las Palmas

Stolica wyspy - miasto portowe
Ze tym co stare miyszo sie nowe.

La Palma

[broneknotgeld]

La Palma

Ze wysp na świecie
Nojwyży leży
Jak tu bydziecie
Niy trza już wierzyć.

Fuertaventura

[broneknotgeld]

Fuerteventura

Żołto z piosku ciyngym bywo
Ze Sahary wiater zwiywo
I na wyspa czynsto suje
Czy jyj richtig to sztimuje?

Gomera

[broneknotgeld]

Gomera

Hipisow łona niydowno była
Tu podziwiali natury siyła.

Hierro

[broneknotgeld]

Hierro

Zdo sie ciepło łona dali
Dyć i jyj bydymy pszali
Bo w spokoju tu dychomy
Sztresu cołkym już niy momy.

Madryt

[broneknotgeld]

Fiesta San Isidoro

Dziewiyńć dni se bawiom w stołecznym Madrycie
Tukej jest hiszpańske te wesołe życie
Szczimujom to prawie do rana biołego
A potym robota źle idzie skiż tego.

[broneknotgeld]

11.III.2004 - 2007

Trzi roki przeszły - przeca to wiycie
Co wydorzyło se we Madrycie.

Asturia

[broneknotgeld]

Asturia

Dobro na lato bo tu zielono
Bardzi dyszczowo za to mniyj słono.

[broneknotgeld]

Jak umynczy

Jak na połedniu słonko umynczy
Asturia zaroz we gowie brzynczy.

[broneknotgeld]

Dynkmal konia asturyjskego

Zwiyrz tyn symbolym Asturji przeca
Toż do dynkmalu konia jo leca.

[broneknotgeld]

Asturio

Z połnocy hiszpańsko Asturio cie wito
Dyć gryfno tyż przeca - trza tu szkryfnońć mi to.

[broneknotgeld]

"Covadonga"

Sanktuarium w skalny grocie
Take cudo tu poznocie
W niym figurka Matki Boski
Co z dziedziny zbiyro troski.

Cuodollero

[broneknotgeld]

Cudollero

Rybacke miasteczko nad zatokom leży
Z wysoka gryfnieje - mozecie mi wierzyć.

[broneknotgeld]

Latarnia w Cudillero

Stoji nad klifym mrugo we morze
Toż szifom tako blaskum pomoże
Coby sie w ćmoku niy potraciyły
Możno do portu nawet wpłynyły.

[broneknotgeld]

Kościoł ś. Pyjtra

Małom katedrom tukej go zowiom
Dyć jo cygaństwa wom niy łosprowiom
Tyn świynty Pyjter miasta patronym
Wieki leciały - durś służoł łonym.

[broneknotgeld]

W Cudillero

W Cudillero zjysz popijesz
Żeś nad morzym to użyjesz.

Oviedo

[broneknotgeld]

Dynkmale Oviedo

Dali, Botero, tako Urculo
Kunszt swoj w nie kładli - niy byda fuloł
Oviedo ze tym bardzi nom blyszczy
Możno i wiyncy dynkmali zyszczy.

[broneknotgeld]

Kościoł San Miquel de Lillo

Drugi kościoł preromański
Lud w Oviedo niy pogański.

[broneknotgeld]

Dynkmal Woody Allena

Toż jego dynkmal tukej znojdziecie
I nikaj ińdzi na cołkim świecie.

Cangas de Onis

[broneknotgeld]

Cangas de Onis

Richtig Asturji piyrszo stolica
Tako ło szteli w końcu coś sklyca.

Colunga

[broneknotgeld]

Colunga

Kości dinozaurow tu czynsto znojdujom
W Colunga muzeum toż se im dziwujom.

Andora

[broneknotgeld]

Andora

Sie Araby ciśli tukej
Dyć ich ślodow darmo szukej
Krześcijany łobroniyli
W Pirenejach u sia byli.

[broneknotgeld]

W gorach

W gorach se państewko leży
Kto tam kuknie tyn uwierzy
Piyrwyj sniegi drog broniyły
Yno latym ich niy kryły.

[broneknotgeld]

Dzisioj

Dzisioj zimom raj narciarzy
Toż niyjedyn ło tym marzy
Coby tukej poszusować
I se wrocić kedyś z nowa.

[broneknotgeld]

Po katalońsku

Po katalońsku w Andorze prawiom
Tako swoj korzyń prowdziwy jawiom.

Andorra la Vella

[broneknotgeld]

Andorra la Vella

Ano, państwa to stolica
Handlu ci pokoże lica
Celnik tukej cie niy goni
Toż niy darmo wszysko toni.

[broneknotgeld]

Caldea Spa

Basyny termalne - to czowieka kusi
Toż ździybko potoplać sie terozki musi
Ech, prawiom co łone nojwiynksze w Europie
Mono recht w tym majom, dyć mie to niy kopie.

[broneknotgeld]

Wszystko toni

Ano, wszystko tu mosz toni
Toż niyjedyn wartko goni
I sprowunkow robi wiela
Kaj jest toni - zocno sztela.

Santa Caloma

[broneknotgeld]

Romański kościołek

Romański kościołek z kwadratowom wieżom
Stoł tysionc lot tymu jako dzisioj stoji
Zwoływoł krześcijan co w Ponboczka wierzom
Dzisioj choć jest stary se czasu niy boji.

Ibiza

[broneknotgeld]

Ibiza

Choć niywielko - brzegym kusi
Plażom kaj sie legnońć musisz.

[broneknotgeld]

Brzegi Ibizy

Z hokym kilometrow dwiesta
Dyć niy kusi mie ta cesta.

[broneknotgeld]

Kartagińczyki

Ano - trefiyli tukej na falach
Tu matka rodzi tyż Hannibala.

[broneknotgeld]

Już Kartagińczyki

Już Kartagińczyki mieli sztela w zocy
Niy darmo ich ślady tu włazom we łoczy.

[broneknotgeld]

Na Ibizie

Czamu żeś tukej zowdy radosny?
Mosz słonko, plaża i las ze sosny.

[broneknotgeld]

"Cala"

"Cala" to znaczy tela co plaża
Toż se niy dziwcie - po "cali" łaża.

[broneknotgeld]

"Cala Conta"

Na skała w morzu z ty plaży kukom
Dyć Hannibala na niyj niy szukom
Choć prawiom tukej co tam rodzony
Ech, tysionclecia już inksze znomy.

Eivissa

[broneknotgeld]

Eivissa

Ibizy stolica
Krasi jeji lica
Starowkom pokusi
Wandrus kuknońć musi.

[broneknotgeld]

Już Kartagińczyki

Już Kartagińczyki mieli sztela w zocy
Niy darmo ich ślady tu włazom we łoczy.

Santa Eulalia

[broneknotgeld]

Santa Eulalia

Hotele epne jak na paradzie
Stojom w ty szteli przi promynadzie
Dyć jo sie zicnońć pod palmom wola
Na morze kukna, plaża pochwola.

Saragossa

[broneknotgeld]

Co nowego wyłonacom?
www.dziennikzachodni.pl/stronaglowna/361090,katowice-i-saragossa-beda-walczyc-wspolnie-o-tytul-esk-2016,id,t.html
Z Saragossom już kamracom?!

[broneknotgeld]

W Saragossie znodli coś?
Naszkryflane boło doś?

Katalonia

[broneknotgeld]

Katalonio

Katalonio - dziedzina Dalego
Surrealizm se wzion ze niczego?

[broneknotgeld]

Ze Barcelony

Ze Barcelony karnij se wyży
Na połnoc tako, cobyś boł bliży
Cobyś posłuchoł serca Dalego
Do Figueres - porza ci tego.

Figueres

[broneknotgeld]

Ze Barcelony

Ze Barcelony karnij se wyży
Na połnoc tako, cobyś boł bliży
Cobyś posłuchoł serca Dalego
Do Figueres - porza ci tego.

[broneknotgeld]

Figueres 1904

Sie Salvador tu urodzioł
Wtedy radzi tymu byli?
Bajtlym po dziedzinie chodzioł
Tym ze czasym fest cieszyli.

[broneknotgeld]

Tyjater Muzeum

Uchwalyli rajce tako
Dać Dalymu, niych niy płako
Niych muzeum se zrychtuje
Figueres uraduje

Toż kuknijcie tam na dziwy
Boł Salwador dyć szczyńśliwy
Som muzeum swoje zrobioł
Kunszt doł tymu - niy nazgobioł?

[broneknotgeld]

"Skarbiec"

W Tyjatrze Muzeum i "Skarbiec" znojdziecie
Arcydziełom jego podziwać możecie
Przi tymu portrety ślubny tyż istnego
Gala muzom była przeca łod Dalego.

[broneknotgeld]

Kolekcyjo klejnotow

Ano - som kamynie we złoto łoprowioł
Som ta kolekcyjo Dali projektowoł
Toż se jyj terozki prawie podziwocie
Kunszt surrealisty ze serca poznocie.

[broneknotgeld]

Grobowiec

W Tyjatrze Muzeum grobowiec Dalego
Kunsztowi dziwejcie wedle prochow jego.

Pubol

[broneknotgeld]

Pubol

W Pubol zamek Gali
Ślubny łod Dalego
Boł istny "na fali"
Toz chytoł i tego
Co ze średniowiecza przeca tukej było
Dyć przi Salvadorze na powrot dźwignyło.

[broneknotgeld]

Salvador Dali - markiz Pubol

Krol tyn tytuł nadoł - za wielke zasługi
Kunszt przekuł we gyszeft - niy ja inksi - w długi.

[broneknotgeld]

Słonie Dalego

Słonie Dalego w Pubal znojdziecie
Coś ze żyrafow we nich tyż przecie
Abo z kameli przi elefancie
Ech, Salvadorze - pieroński francie!

[broneknotgeld]

Grobowiec Gali

Grobowiec w Pubol mo prawie Gala
Rosjankom była ta ślubno Dala.

Aragonia

[broneknotgeld]

Aragonio

W Iberyji tako kraina znojdziecie
Pewno ziymi jeji sie podziwujecie.

[broneknotgeld]

"Saragossa"

W Iberyji założono
Przez lud kery miano stracioł
Drapko Rzymian - dyć niy skono
Rzym sie tako ubogacioł.

[broneknotgeld]

Parlamynt Aragońji

We Maurow pałacu downym łobraduje
Aljaferia gryfno - kunszt jeji raduje
Ze władzom we porze prawo tukej idzie?
Wierza iże było, jest i ciyngym bydzie.

[broneknotgeld]

12.X

Świynto Aragońji i świynto Maryji
Wiela we dziedzinie epnych procesyji
Niy yno stolica sie wtedy raduje
Radości dyć tela, co Ebro dziwuje.

Saragossa

[broneknotgeld]

"Saragossa"

W Iberyji założono
Przez lud kery miano stracioł
Drapko Rzymian - dyć niy skono
Rzym sie tako ubogacioł.

[broneknotgeld]

Dynkmal Oktawiana

Coś po tym cysorzu sie tukej łostało?
Kej na mury kukom zdowo co niymało
Dzisioj we ruinie, dyć ślad jejich mocny
Dlo ty Saragossy był to tyz czas zocny.

[broneknotgeld]

Rzymiany, Wandale abo Wizygoty
Maury i Hiszpany se ciśli tu potym
Miasto czasym kwitło, czasym tyż ciyrpiało
Historjom bogate, wiela do sia brało.

[broneknotgeld]

Morze renesansu

Morzym renesansu Saragossa zdo sie
Inkszym stylom tukej jakby gro na nosie
Dyć antyk i gotyk, coś muzułmańskego
Tyż łoko ucieszy toz niy łomiń tego.

[broneknotgeld]

Perłom Ebro

Perłom rzeki Ebro zdo sie ta dziedzina
Niy łomiń jom tukej kej jo niy łomina.

[broneknotgeld]

Pałac Aljaferia

Mauretańske krole w jedynostym wieku
We luksusie żyli - dyć to wiysz czowieku
Co drapko już przidzie im ta rekonkwista
Allah citnie dali - tu krześcijan zista.

[broneknotgeld]

Parlamynt Aragońji

We Maurow pałacu downym łobraduje
Aljaferia gryfno - kunszt jeji raduje
Ze władzom we porze prawo tukej idzie?
Wierza iże było, jest i ciyngym bydzie.

[broneknotgeld]

Stolica Aragońji

Ano - jyj stolica durś blyszczy i dziwo
Kery na nia kuknie zowdy gowom kiwo
Kunsztym fest bogato, zobytkow mo wiela
Renesansu perłom niy nyo ta sztela.

[broneknotgeld]

Puente de Santiago

Dwa brzegi Ebro tyn most kupluje
Jako dwa serca - se forsztelujesz?
Niy? Dyć spokopisz kej trefisz tukej
Kłodek na moście kajś wiyncyj szukej!

[broneknotgeld]

Dynkmal Goi

W Saragossie niych niy dziwo
Znocie przeca jego "żniwo"
Dyć po blisku tu rodzony
Goi kunszt we zocy momy.

[broneknotgeld]

Wielgi Piontek w Saragossie

W Wielgi Piontek dziyń kapturow
Niy ma dyć anielskich chorow
Jako wszyndy - niy dziwota
Tukej w strachu zdo sie cnota
Kej kuknie na procesyjo
Jeronie - Inkwizycyjo!

[broneknotgeld]

Bazylika Matki Boski el Pilar

Przez cołke wieki była dźwigano
W szatach baroku dzisioj dowano
Ponoć nojwiynkszo ze tych Maryjnych
Dyć sie niy wetna ło włos ze myjny
Kej przed łoczami "El Pilar" stowo
We gymbie aże zamiyro słowo.

[broneknotgeld]

El Pilar

Z Ebro sie dziwej jeji kopułom
Drap tam przikulosz, niy z jakomś rułom
Sie kolorami do cia aż śmieje
Z niyj wiara idzie, w niyj widać dzieje.

[broneknotgeld]

Matka Bosko na Kolumnie

Sie apostołowi tako łobjawiyła
W gwiozdach na kolumnie ze jaspisu była
We roku sztyrdziestym naszy ery prawie
El Pilar zdo dzisioj jako śnik na jawie.

[broneknotgeld]

Madonna z Dzieciontkym

Figura cudowno z piytnostego wieku
Co rok nowe szaty łoblyko czowieku
Patronkom krainy, tako niy dziwuje
Aragońjo cołko ze downa raduje.

[broneknotgeld]

12.X

Świynto Aragońji i świynto Maryji
Wiela we dziedzinie epnych procesyji
Niy yno stolica sie wtedy raduje
Radości dyć tela, co Ebro dziwuje.

Portugalia

[broneknotgeld]

Cabo de Roca

Cabo de Roca - Europy koniec
Dali som fale i yno łone
Dyć jak żeś jednak juz tukej jest
Se Portugaliom naciesz tyż fest.

[broneknotgeld]

Chcesz zachod słońca podziwiać piyknie
Toż Portugalio do tego styknie.

[broneknotgeld]

Fado

Portugalczyk zowdy fado mo we zocy
Dyć sie niyjednymu przi niyj pocom łoczy
Jak jeszcze popijesz we knajpie pocztowy
Nastroj ty muzyki som włazi do gowy.

[broneknotgeld]

"Bliza" (latarnio)

Kaj Przilondek Roca tyż "bliza" znojdziecie
We ocean blysko - łona po to przecie.

[broneknotgeld]

Przilondek św. Wincyntego

W średniowieczu świata koniec
Co na drugi wody stronie?
www.facebook.com/photo.php?fbid=391772387603687&set=a.357016821079244.79627.100003127864635&type=1&theater

[broneknotgeld]

Tam tyż kukniecie?
blogi.dziennikzachodni.pl/dziwnytenswiat/2014/01/16/batalha-warta-zboczenia-z-trasy/
Pewnikym chcecie.

Lizbona

[broneknotgeld]

Lizbona

Tam kaj Tag se kończy Lizbona zaczyno
To mi cos przi Wiśle jakby przipomino.

[broneknotgeld]

Mało Portugalio

Mało Portugalio kolonije miała
Dyc downo minyła już ta jeji chwała

[broneknotgeld]

Zamek św. Jorga

Maury tukej go stowiali
Choć tako niy mianowali
Katoliki se zdobyli
-Wiela ło tym dyć prawiyli.


Brama Marcina Moniza

Wszyscy znajom brama
z popiersiym Moniza
Śmierć w niyj przeca znoloz
-wojowoł dlo "krziża".


1147

Maury łoblynżone w zamku se czimali
Jeszcze na "wycieczki" groźne wybiyrali
Roz łoni wrocali a Moniz przi wrotach
Choć go posiekali mści se ich gupota
Bo z zawarciym bramy ździybko se spoźniyli
I już katoliki dran ze niymi byli.

[broneknotgeld]

"Se"

Romański portal z dwiyma wieżami
Gryfno katedra - wiycie to sami
Wpiyrw muezzina było tu słychać
Dyć Maury downo przestali dychać.


W XIV wieku

Tymu co romańske gotyku dodali
Bo wtedy absyda tu dobudowali
Terozki w katedrze dwa mustry już widać
Wystykło na szczyńście - rym ło tym trza by dać.


Katedra 1755

Tyn rok zdo sie jakby dlo Lizbony erom
Na jego wspomniynie dreszcze dzisioj bierom
Skiż trzyńsiynio ziymi kipniynto stolica
Toż i ta katedra mo szczaskane lica
Szczyńściym że jom z czasym tu łodbudowali
Do downy świytności jednakoż niy dali.

[broneknotgeld]

10 minut

Ćwierć tysionca rokow tymu
Dziesiyńć minut trwało
Dusz szterdziści aż tysiyncy
Ze ziymi zabrało.

[broneknotgeld]

Jak żołto banka

Lizbona zdo sie jak żołto banka
Yno dej pozor - niy zrob tam manka.

[broneknotgeld]

Park Nacyji

Tako dzielnica znojdziesz w Lizbonie
wszysko tu nowe - pewno niy tonie.

[broneknotgeld]

Oceanarium

Oceanarium w Parku Narodow
Toż nojepniejsze w Europie cały
Fisze ze słonych pływajom wodow
Dyć przi nikerych i człowiek mały.

[broneknotgeld]

Dynkmal Łodkrywcow

Przeszło poł setki metrow wysoki
Z niego daleko zoglondosz łokym
Vasco da Gama z Lizbony płynoł
Istny Afryka cołko łominoł?

[broneknotgeld]

Dynkmal Łodkrywcow w Belem (1460-1960)

Hynryka Zyjmana łod downa już niy ma
Poł tysionca rokow niy nosi go ziymia
Toż prawie skiz tego dynkmal wystawiyli
Jego i łodkrywcow tako tyż uczciyli.

Madera

[broneknotgeld]

Madera

Na Atlantyku tako ciepniono
Ze Portugaljom przeca niy kono.

[broneknotgeld]

Drapko stworzono

Ponboczek drapko Madera stworzoł
I zdo sie jakby niydowno
Toż dlo ty wyspy wiela Łon wożoł
Bo richtig tako cudowno.

[broneknotgeld]

Jao Goncalves Zarco 1419

Ano - zaś zyjman w te strony płynie
Tako se znoloz w nowy dziedzinie
Madera łodkrył - tela już wiycie
Z tym Portugajli zaczło tu życie.

[broneknotgeld]

Po wyspie

W rajza szłapcugym se wybierecie
Na wszyske cuda wyspy blikniecie
Tako wom rajym Madera zdowo
I we pamiyńci zowdy już stowo.

[broneknotgeld]

"Wyspa wieczny wiosny"

Ciepło porno i zielono
Przeca take wiosny łono.

[broneknotgeld]

Wino madera

Ech - już łod wiekow robiom te wino
Kere durś wyspa ta przipomino
Procynt mo dobry i zdo sie wieczne
Dyć czy dlo gowy richtig bespieczne?

[broneknotgeld]

Sie niy złoctuje

Sie flacha madery nigdy niy złoctuje
Dugo niychej leży bo lepi smakuje.

[broneknotgeld]

Madera - Bual

W tym już zatonkać jo gymba moga
Przeca madera darym łod Boga.

[broneknotgeld]

Strelicjo krolewsko

Symbolym wyspy kwiotek se zdo
Tukej strelicjo dyć kożdy zno.

[broneknotgeld]

580 m.n.p.m.

Jakby ze klifu skoczyć do morza
Dyć se to zrobić jo niy łodwoża.

[broneknotgeld]

Władysław III Warnyńczyk???

Ano - w tych czasach to prawie było
Jak "princa z Polski" tu zatopiyło
Ciała pod Warmiom przeca niy znodli
Aże tu szukać - na to niy wpodli.

[broneknotgeld]

Gorski raj

Kto po gorach lubi łazić
Tyn Maderze bydzie pszoć
Dyć inkszego moze zrazić
Bydzie se jyj trocha boć.

[broneknotgeld]

Autonomiczny Region Madery

Mo sztyry wyspy Region Madery
Sie samorzońdzi - to niy som bery.

[broneknotgeld]

Łod Lizbony - 800 km

Łod Lizbony fest daleko
Bliży dyć Afryka czeko.

[broneknotgeld]

Wyspa Wieczny Wiosny

Czynsto Madera tako mianujom
Dyć sie klimatym jeji radujom.

[broneknotgeld]

Madera 1418

Joao Zarco wyspa łodkrywo
Piyrszy sie jeji gryfności dziwo
Dyć pora rokow ledwo przeleci
Już wiyncy ludzi sie na nia zleci.

[broneknotgeld]

741 kilometrow kwadratowych

W archipelagu nojwiynkszo prawie
Zdała sie ludziom jak śnik na jawie.

[broneknotgeld]

Sztyry wyspy

Ano - dyć Madera, no i Porto Santo
Desertas, Selvagens - znojdziesz wszysko sam to.

[broneknotgeld]

Dlo winorośli

Dlo winorośli jakby Madera
Toż jako dziwać sie tymu teraz
Że winym zocnym szyroko słynie
I grosz ze tego dany dziedzinie.

[broneknotgeld]

Madera

Statek bez madery - zło wrożba rejsowi
Tako kożdy zyjman przeca zowdy powiy
Piyrwyj przed szkorbutym wino ratowało
A jako pod koniec rejsu smakowało?!

[broneknotgeld]

Madera 1772

Nojstarszo madera durś we flaszce trzimiom
Durś promyki słonka we tym winie drzymiom.

[broneknotgeld]

20 rokow

Tela wylyguje sie w beczce madera
Dyć ło tym pamiyntom kej jyj flaszka biera
Chocioż winko ciymne słonkym wyspy grzeje
Niy darmo sie dusza aż przi tymu śmieje.

[broneknotgeld]

Kolumb na Maderze

Kolumb tu przipłynoł by cukrym handlować
Dyć mu jedna frela zawrociyła gowa
Łod gubernatora istno cerom była
Toż sie niy dziwejcie - za chopa go wziyła.

[broneknotgeld]

Churchill na Maderze

Istny malyrza sie tukej bawioł
Pejzaż Madery radość mu sprawioł.

[broneknotgeld]

"Bolo de mel"

Miodowe ciasto pokosztujecie?
Dyć ty słodkości pewnikym chcecie.

Fuchnal

[broneknotgeld]

Funchal

Piyrszo osada wyspy Madera
A dyć stolicom jeji i teraz.

[broneknotgeld]

Kościoł Nossa Senhora de Monte

Bioło czorny zdo sie prawie
Blyszczy jakby niy na jawie
Na bazalcie śniyg pokładli?
Jako szkryfnońć ło tym snadni?

[broneknotgeld]

Z Monte na saniach

Pierucha - przeca jo niy cygania
Idzie se zjechać z Monte na saniach
Niychej cie wcale łone niy straszom
Jak bazaltowom na doł mknom trasom.

[broneknotgeld]

W porcie

"Santa Maria" w porcie do dzisioj cumuje?
Zrobiono na muster - przeca forsztelujesz
Jakby niy to yno co jyj motor dali
Byłaby jak piyrwyj na tutejszy fali.

[broneknotgeld]

"Mało Lizbona"

Ze Lizbony mo niy trocha
Portugalsko przeca brocha.

Santa Cruz

[broneknotgeld]

W Santa Cruz

Ano - fligrym wylondujesz
Dyć se zdowo że wodujesz
Pas w ocean aż wyłazi
Yno niychej cie niy razi.

Curral das Freiras

[broneknotgeld]

Curral das Freiras

Wioska zakonnic w środku Madery
Skond łone tukej? Powiy mi kery?

Santana

[broneknotgeld]

Santana

Domki jako "Brdy" w Santanie
Dach ze słomy kładom na nie
Dyć przi tymu kolorowe
Toż raduje niymi czowiek.

Porto Moniz

[broneknotgeld]

W Porto Moniz

Fale bijom fest we skały
Basyn kujom niyroz mały
Toż uciecha kej ze wodom
Trza w niym kompać - tako godom.

Sao Vicente

[broneknotgeld]

Z Sao Vicente

Z Sao Vicente ciasto miodowe
Sie pomszkyci ździybeczko czowiek.

[broneknotgeld]

"Bolo de mel"

Miodowe ciasto pokosztujecie?
Dyć ty słodkości pewnikym chcecie.

Porto Santo

[broneknotgeld]

Porto Santo

Porto Santo wom sie marzy?
-Wyspa słynie z bioły plaży!

[broneknotgeld]

Dość daleko

Ze Madery dość daleko
Szif na ciebie tukej czeko
Zlecom na niym trzi godziny
Porto Santo - kuknij driny!

Desertas

[broneknotgeld]

Islas Desertas

Znojdziesz tam rezerwat fokow
Niymi słynie z downych rokow.

Lagos

[broneknotgeld]

Lagos

Dlo zyjmana tukej raj
"Marina" jest przeca naj
Wszyskich jeszcze kusi plaża
Jo tyż ło niyj se pomarza.

Vilamoura

[broneknotgeld]

Vilamoura

Kurort niy na kapsa moja
Wydać euro se tu boja.

Carrapateira

[broneknotgeld]

Carrapateira

Dziko plaża znojdziesz tukej
Piyknym kwieciym łobsypano
Dyć gryfniejszy już niy szukej
Ta łod Boga jest nom dano.

Aljezur

[broneknotgeld]

Aljezur

Bliknij na mauretański tu zamek
Choć dzisioj yno ruina
Lata świytności były mu dane
Historio idzie wspominać.

Fatima

[broneknotgeld]

Fatima 1917

Nojgorszy rok to był piyrszy wojny
W Fatimie czas sie zaczimoł
Choć region biydny dyć był spokojny
Możno Ponboczek tu drzymoł

Cosik we maju jednak sie stało
Ze wiary zowdy jest siyła
Światło dzieciokom se ukozało
Bolesno Matka w niym była

Przez piyńć miesiyncy - durś czinostego
W to samo miejsce wrocała
Znak taki łaski wielki łod Niego
Tu Matka Bosko być chciała

Ło Rodzicielko Wielko w Boleści
Miyj już w opiece nos zowdy
A tych co ciyrpiom chciyj łaskom pieścić
Ze wiarom lżyj im - naprowdy.

Porto

[broneknotgeld]

Porto

Duero tukej kończy swoj bieg
Dyć bardzi winym nyńci tyn brzeg.

[broneknotgeld]

Ze Porto

Ze Porto wino jest wywożone
Dyć czy skiż tego łone niy tonie?

[broneknotgeld]

Porto

W Portugalji Porto winiarniami słynie
Toż niyjedyn wandrus szteli niy łominie.

[broneknotgeld]

"Casa do Infante"

Ano - Hajnel Zyjman we Porto zrodzony
Skiż niego dziedzina "krolowom morz" znomy
Portugalio mało zyjmanami słynie
Historyji wielki bestoz niy łominie.

Sintra

[broneknotgeld]

Już lord Byron...

Już lord Byron ło Sintrze piyknie przeca prawioł
Jak był w Portugalji to tukej tyż bawioł
Teroz jest Światowym Dziedzictwym Kultury
Na tym te miasteczko poszło fest do gory.

[broneknotgeld]

Niy widziołś?

Sintry niy widziołś - toś wiela stracioł
Kuknij roz w życiu byś je wzbogacioł.

[broneknotgeld]

Do Sintry

Bankom karniesz sie z Lizbony
Czasu ci niy zleci wiela
Kajś stolicy już som dzwony
Dyć przed tobom cudno sztela.

[broneknotgeld]

Pałac Pena

Krol Bawarji miyszkoł tukej?
Niy - Coburga jednak szukej
Chop krolowy portugalski
We łożnicy ponoć dziarski

Pałac kejby z bojki zdo sie
Historyjo gro na nosie?
Kuszom parku jakeś dziwy
Kto tu miyszkoł boł szczyńśliwy?

[broneknotgeld]

Ferdynand von Sachsen Coburg

Krolowa maria richtig mu pszała
Dyć jom w połogu śmiertka zabrała
Po poru rokach mecyjo nowo
Diva z opery przed ołtorz stowio
W Pałacu Pena już gospodyniom
Choć lica dworzan ze złości miyniom

Ech Ferdynandzie - zły tref cie tropi!
Skond mosz chorobsko? Kery spokopi?
Z Elisom szczyńścio niy zoznosz wiela
Chnet cie zawoło ta z kosom frela.

[broneknotgeld]

Elisa

W Pałacu Pena jako krolowo
Dyć se Ferdynand maszkarom stowo
Kej ślubny pomrze ciebie wygnajom
Dzieci durś matka w pamiyńci majom
Toż niy trza dziwać sie historyji
Co szczyńście miyni w kyns tragedyji.

[broneknotgeld]

Quinta da Regaleira

Toż taki pałac tyż Sintra krasi
Tako miljoner piniondzym asi?
Niy yno bojka dźwignoł w kamiyniu
Dyć jakby miasto przikroł zielyniom
Tym przi pałacu park sie wydowo
We kerym wandrus z zochwytu stowo.

Terceira

[broneknotgeld]

Terceira

To ciekawo wyspa w azorski dziedzinie
Ze "fiestow" ulicznych łona ciyngym słynie.

Algavre

[broneknotgeld]

Miyndzy Atlantykym a Gwadianom leży
Tyn region Algavre - możecie mi wierzyć
Portugalji gryfne to połednie przeca
Tako se niy dziwcie że wetkom do neca.

[broneknotgeld]

Pole golfowe

Zdo sie te Algavre tyż polym golfowym
Dlo Anglikow bestoż już niy czymsik nowym
Tako we te strony zjyżdżajom chmarami
By se tu wymiyszać jednak ze Niymcami.

[broneknotgeld]

Do Vilamoury

Do Vilamoury łod Hiszpaniji
Szyroke gryfne plaże se ciongnom
Ze słonkym nigdy niy ma mecyji
We radość życio łone cie wprzongnom.

[broneknotgeld]

W Algavre

I tukej kościołki flizami se blyszczom
Z azulejos tako Łask Boskich nom zyszczom.

[broneknotgeld]

Algavre -"Al Gharb"

Toż Muzułmany miano "Zachodu"
Dali dziedzinie ło kery godom.

[broneknotgeld]

Z Portugaliom (1249)

Krol Alfons III Maurow przegonio
Choć mu tyn profit niy prziszoł tonio.

[broneknotgeld]

Dziedzina Rzymu (II/III w.n.e.)

Capli dziedzina wtedy Rzymiany
Czy czas spokojny był potym dany?

Faro

[broneknotgeld]

Faro

Stolica prowincji radośnie cie wito
Zarozki ło euro jednak se łopyto.

[broneknotgeld]

"Ossonoba"

Faro za Rzymian tako se zwało
Toż z jejich woli przeca powstało.

[broneknotgeld]

Do Faro

Fligrym do Faro przifurgniesz tako
Tu se rozglondnij cobyś niy płakoł
Bo chocioż kusi plażą i woda
Te zocne miasto pominonć szkoda.

Lagos

[broneknotgeld]

Trza by Lagos było tukej
forum.gazeta.pl/forum/72,2.html?f=28940&w=57854635&a=59036225
Dyć se tam za niym pokukej.

Calela Velha

[broneknotgeld]

Calela Velha

Piyrwyj wioska z forym była
Dyć już na nic jego siyła.

Silves

[broneknotgeld]

Silves

Jak chcesz se dychnońć ździybko łod plaży
Możno te Silves ci sie zamarzy.

Tavira

[broneknotgeld]

Tavira

Rzeka Gilao pszaje grodowi
Piyrwyj w bogactwie - dzisioj coś dowi
Choć możno wrocom lata świytności
Trza coby było tu wiyncy gości.

Vilamoura

[broneknotgeld]

Vilamoura

Tyn kurort z marinom dlo geldu wiynkszego
Toż do portmaneja niy siyngom mojego.

Malta

[broneknotgeld]

Na Iberyjo żech se zapyńdzioł
A ło ty Malcie nic niy naglyńdzioł
No toż terozki nadrobia to
Sztela ciekawo - jak wom sie zdo?

[broneknotgeld]

Megalityczne świontynie

Skond łone tukej? To ci pytanie
Możno Atlanci stowiali na nie
Konsek to richtig jejich jest świata
Los im zgotowoł tako zapłata.


Hypogeum

Piyńć tysiyncy lotek te grobowce majom
Historyje swoje pod ziymiom skrywajom.

[broneknotgeld]

Archipelag

Malta Gozo Comino - niy som tu bezludne
Choć możno sie zdowo że to skały nudne.

[broneknotgeld]

"Papeye Village"

Filmy dlo dzieci tukej kryńciyli
Ku ich radości tyż łostawiyli
Tako bajtlowi rajym se zdowo
Potrza - toż dali żyje z tym zdrowo.

[broneknotgeld]

"Golden Bay"

Prawiom co na Malcie nojgryfniejszo plaża
Toż i jo se ło niyj ździybeczko pomarza.

[broneknotgeld]

Wyspa - muzeum

Malta muzeum zdo ci sie cało
Richtig zodziwi choć przeca mało.

[broneknotgeld]

Bitwa z Turkami 1565

Turki nic tu niy zdziołali
Swoje trupy nazod brali
Dyć na bitwy ty pamiontka
Co rok festyn w Malty kontkach.

[broneknotgeld]

Malta - wyspa kościołow

Ano - choc ta wyspa tako zdo sie mało
We kościołach poszli tu richtig na całość
Wiela dni we roku - zrachować je idzie
Niych "Wyspom Kościołow" na wiek wiekow bydzie.

[broneknotgeld]

W maltański łodce

W maltański łodce państwo łopłyniesz?
Rejsu krotkego dyć niy łominiesz.

[broneknotgeld]

Malta, Gozo i Comino

Toż wysepki - tela styknie
Jedne państwo, no i piyknie.

La Valetta

[broneknotgeld]

La Valetta

Nad uliczkami wiszom balkony
Pewnikym na kark niy spadnom łonym.

[broneknotgeld]

Pałac Wielkich Mistrzow Zakonu

W La Valetcie zwiydzić trza
Toż bez tego tu niy idzie
Zodziwiyni żeście - ja?
Był, dyć jest i dali bydzie.

[broneknotgeld]

Na połwyspie

Na połwyspie Valetta ze downa zicnyła
Z trzech stron woda, dyć ze niyj jakby szifa siyła.

Mdina

[broneknotgeld]

Mdina

Ze czasow Fenicjan te miasto sie wiedzie
Dyć przed La Vallettom było tu na przedzie.

[broneknotgeld]

Mdina

Piyrwyj Malty tyż stolica
Toż ciekawe jeji lica.

[broneknotgeld]

Za Rzymianow

Ano - Mdina prawie dźwignyli Rzymiany
Dyć niy yno jejich muster tukej dany.

[broneknotgeld]

We Mdinie

Tukej co arabske tyż ciepie sie w łoczy
Kożdy tako godo kej Mdina łoboczy.

[broneknotgeld]

Piyrwyj stolica

Mdina w środku wyspy wpiyrw stolicom była
Niym przi Joannitach Valetta dźwignyła.

Comino

[broneknotgeld]

Comino

"Modro Laguna" na wyspie Comino
Raj środziymnomorski jakby przipomino.

[broneknotgeld]

"Błynkitno Laguna" Comino

"Błynkitno Laguna" ty wysepki kusi
Toż i wandrus tukej zowdy kuknońć musi.

[broneknotgeld]

Malta, Gozo i Comino

Toż wysepki - tela styknie
Jedne państwo, no i piyknie.

[broneknotgeld]

Świynty Paweł

Ano - świynty Paweł Malcie patronuje
U brzega jyj rozbioł - dyc przeżoł - sztimuje.

Gozo

[broneknotgeld]

Gozo

Wele Malty Gozo tyż
Z epnom twierdzom - pewno wiysz.

[broneknotgeld]

Malta, Gozo i Comino

Toż wysepki - tela styknie
Jedne państwo, no i piyknie.

Paola

[broneknotgeld]

Ze Paoli

Śpionco Wenus ze Paoli
Przi niyj kimniesz wedle woli.

[broneknotgeld]

Hal Saflieri

Ano - ta świontynio w Paoli zodziwio
Dyć prehistoryjo do cia tukej kiwo.

Anglia

[broneknotgeld]

"Haggis"

Co we Szkocji jedzom? "Haggis" - dyć boroki
Niy wiedzom że nasze to przeca krupnioki.

[broneknotgeld]

Angliki

W Brytańji Anglikow ponoć ćwierci czi
Reszta yno w jedny - to już kożdy wiy.

[broneknotgeld]

Wele ty Brytańji ta Europa leży
Trza yno przepłynońć se Kanał Angelski
Tako Anglik godo - dyć i w to tyż wierzy
Przi tyju - bo nastroj wtedy miywo sielski.

[broneknotgeld]

SAS

"Siyły szpecjalne" w dzisiejszym czasie
Som ponoć yno w tym jejich SAS-ie.

[broneknotgeld]

2000 p.n.e.

Stonehenge tako stowo
To se przeca niy wydowo
Kryngom durś se dziwujymy
Wiela ło nich richtig wiymy?

[broneknotgeld]

700 p.n.e.

Celty w Brytaniji se już pokazujom
Zdo sie co i tukej dość dobrze tyż czujom.

[broneknotgeld]

55 r.p.n.e.

Cezar z legjonami tyż na wyspie stowo
Czy cołko podbije? -Tako mu se zdowo!

Brighton

[broneknotgeld]

Brighton

Brighton dlo Anglikow jak nom Sopot zdo sie
Molo tyż tu gryfne i ło piniondz gro sie.

[broneknotgeld]

Molo 1899

Molo w Brighton postawiyli
Sto lot z hokym - to niy myli
Pawilony na niym stojom
Tako kurort zocny strojom.

Szkocja

[broneknotgeld]

Szkocjo

Erikom łod zowdy piykno Szkocjo słynie
Tukej torfowiska nojwiynksze w dziedzinie.

[broneknotgeld]

"Nessie"

Możno jest a możno niy ma?
Dyć niy pożałuja ryma.

[broneknotgeld]

Jezioro Loch Ness

Ech - przeca wiycie
Z potwora życie
Ze Nessie take majom profity
Że już łostanom na zowdy przi tym.

[broneknotgeld]

Polski "tartan"

Polski "tartan" w Szkocji majom
Ci co ty dziedzinie pszajom.

[broneknotgeld]

Z Harrym Potterym

Z Harrym Potterym filmom se dziwosz
Tako i szkockim gorom pokiwosz.

[broneknotgeld]

Tym dziwo

Zamek "Dunrobin" wandrusa dziwo
Inkszy ze morza łon przeca bywo
Jako ze londu - muster dwojaki
Kto go wystawioł czy mioł dwa smaki?

[broneknotgeld]

Szkocko krowa

Szkocko krowa fest kudłato
W chude miynso dyć bogato
Jak na drodze ci tu stowo
Mo już ipi czy jest zdrowo?

[broneknotgeld]

Czy do?

Szkot mo miano dusigrosza
Pynsa do jak go poprosza?

[broneknotgeld]

"Haggis"

Żołondek z owcy wyfilowali
Podroby z łowsym do środka dali
Tako prziprowy no i cebula
Już haggis mocie - niy chca wos fulać.

Higslands

[broneknotgeld]

Higslands

Połnocno Szkocjo - ziymia Górali
Tu nawet owce widzisz na hali.

[broneknotgeld]

Jezioro Loch Ness

Ech - przeca wiycie
Z potwora życie
Ze Nessie take majom profity
Że już łostanom na zowdy przi tym.

[broneknotgeld]

Z tego słynie

We Uniji Europejski Higslands z tego słynie
Że nojmyni ludzi widać richtig w ty dziedzinie.

[broneknotgeld]

Rzeka Ness

Czysto jako płaczka jest
Co mie dziwi richtig fest.

[broneknotgeld]

Kanał Kaledoński

Trzi jeziora skuplowane
Śluzy tako im dodane
Toż cuzamyn kanał szkocki
Dyć niy zyjmań tam we nocki
Przeca smoki i potwory
Spotkosz - chocioż żeś niy chory.

[broneknotgeld]

Z Corpach

Z Corpach prawie na zachodzie
We Inverness zaś na wschodzie
Mo tyn kanał końce dwa
Pozyjmanić po niym trza.

Eilean Donan

[broneknotgeld]

"Eilean Donan"

Zamek ponury - miejsce to znocie
We "Niyśmiertelnym" tyż podziwiocie.

[broneknotgeld]

W XX wieku

łodbudowali tyn zamek szkocki
Niy chciołbyś spyńdzić w niym jedny nocki
Z wody wyrosto cołkym surowy
Ciarki przez pukel włazom do głowy.

Invereve

[broneknotgeld]

Invereve

Połnocno Szkocjo czym jeszcze słynie?
Łogrod przecudny we ty dziedzinie
Połwysep ziymiom jest posypany
Tako przirodzie we władza dany.

Drumnadrochit

[broneknotgeld]

"Nessie"

Co w legyndzie jest ze prowdy?
-Pytać idzie tu już zowdy.

[broneknotgeld]

Drumnadrochit

Z Nessie miasto jakby żyje
Braknie stwora to zawyje.

John O'Groats

[broneknotgeld]

John O'Groats

Samo połnoc Szkocji - widok na Orkady
Toż trefić tu potrza - niy ma na to rady.

Inverness

[broneknotgeld]

Inverness

Połnocny Szkocji tako stolica
Łodkrywo swoje ciekawe lica
Prowdziwe miasto we ty dziedzinie
Toż je pewnikym tyż niy łominiesz.

[broneknotgeld]

Zamek ponury

Ano - tyn Cawdor zdo sie ponury
Ze downych wiekow duchy prziciongo
Jak ołowiane tu lecom chmury
Zdo sie we horror i ludzi wprzongo.

[broneknotgeld]

Zabalowoł

Zabalowoł we pubach Inverness do rana
Szkocko z biyrym miyszoł toż terozki "dramat".

[broneknotgeld]

Most w Inverness

Brzegi rzeki spino tyn most łańcuchowy
Grod go mo we zocy toż niy kusi nowy.

Findhorn

[broneknotgeld]

Findhorn

Downiyj kemping bajtli-kwiotkow
Kierzy niy lubieli klotkow
Toż se tukej raj swoj znodli
-Familijom możno skrodli.

Dunrobin

[broneknotgeld]

Pałac princow Sutherland

Pałac jako nad Loarom
Zdowo sie we Szkocji marom
Wieże dachy koronkowe
Richtig zodziwiony czowiek.

Speyside

[broneknotgeld]

"Speyside"

Region co szkockom łod wiekow słynie
Toż rozglondnymy se w ty dziedzinie.

Edynburg

[broneknotgeld]

Miyndzynarodowy Festiwal Tyjatralny w Edynburgu

Po drugi wojnie Edynburg blysnoł
Sztukom co łonczy - niy dzieli
W sztyrdziestym siodmym se tako "wyśnioł"
Do dzisioj robiom co chcieli.

Londyn

[broneknotgeld]

Londyn

Londyn - tyglik narodowy
Łon już swoji niy mo gowy.

[broneknotgeld]

20 miljonow wandrusow

Co roku zoglondo wandrusow tu wiela
Toż i jo ze rymym wlyźć sie tyż łosmiela.

[broneknotgeld]

600 tysiyncy

Do Allaha tu rzyko aż szejset tysiyncy
Zdo sie co tyn Londyn meczetami jynczy
Dyć cocik sie miyni - prziszło ze dżihadym
Czy bydom musieli Arabom dać rady?

[broneknotgeld]

"London pride"

"Duma Londynu" w kuflu se złoci
Toz ło tym mieście coś pedzieć mo ci.

[broneknotgeld]

Piyrwyj

Piyrwyj w Londynie Rzymiany byli
Dyć tu za wiela poswawolyli
Możno Budyka ło tym coś powiy
Jak łodebrali majontek wdowi
Jako popsuli dwie jeji cery
Rzym dlo niyj zdo sie kawał cholery

Toż se krolowa mścić mogła wiela
Łogyń nawiedzioł londyńsko sztela
Nic to że w końcu z Rzymym przegrała
Krolewsko wola dyć pokozała
Choć armio jeji tako pobiyli
Żywom Budyki przeca niy wziyli

W truciźnie honor i wolność znodła
Toż śmierciom swojom Rzym tako bodła.

[broneknotgeld]

Italyjoki we Londynie

Poł wieku tymu w Soho se znodli
Toż po swojymu zaś Londyn bodli
Z niymi te miasto modom zarzońdzi
Profit mo z tego - tako niy błońdzi.

[broneknotgeld]

W Londynie

W Londynie mie szukej
Na tyj wdepnołch tukej.

[broneknotgeld]

Chnetko 8 miljonow

Tu łoziym miljonow chnetko ludzi miyszko
Toż we ty Angliji Londyn jasno blysko.

[broneknotgeld]

"Horrods"

Kery marzy ło luksusie
Niy zapomni kuknońć tu sie
Styknie funtow w portmaneju?
Kup se cosik "dobrodzieju"!

York

[broneknotgeld]

York

Nojwiynkszo katedra naprowdy jest tukej
Wiynkszy w cołki Unii na prożno se szukej.

Stratford

[broneknotgeld]

Stratford

"Łabońdź ze Avonu" se tukej urodzioł
W ksiyngach parafialnych tyż to zapisali
Po uliczkach miasta z kolegami chodzioł
A w Avonie pewno sie czasym kompali.

Leeds

[broneknotgeld]

Leeds


Downiyj stolica przemysłu przeca
Naukom handlym rozrywkom rośnie
"Jak Katowice z naszego neca"
-Chciołbych naszkryflać richtig radośnie.

[broneknotgeld]

Waljo niy Angljom - niy Waljom Angljo
Tako ta wyspa jest unikalno.

Walia

[broneknotgeld]

"Eisteddfod" - festiwal poezji walijski

Z niym co walijske durś se łodrodzo
Walijczyk z gowom we chmurach chodzo.

Cardiff

[broneknotgeld]

Cardiff

Stolicom Walji piyńdziesiont lot
Kożdy Walijczyk ze tego rod.

[broneknotgeld]

Fort 75 r.n.e.

Rzymiany tu prziszli i fort wystawiyli
Tako dlo cysorza te ziymie podbiyli.

[broneknotgeld]

Radio Red Dragon

Se posłuchej radyjoka
Co ze czerwonego smoka.

[broneknotgeld]

EURO 2012

Na Cardiff patrzymy
Czamu? -Wszyscy wiymy.

Irlandia

[broneknotgeld]

Irlandia

Ze zielonych pastwisk cołko wyspa słynie
Szmaragd to prawdziwy w Europy dziedzinie
Zachodnie wybrzeże we fiordach i klifach
Ta Irlandia zowdy werto bydzie grzycha.

[broneknotgeld]

Irlandzke cmyntorze

Na tych starych zowdy jest celtycki krziż
Plecionkom zdobiony - pewno ło tym wiysz.

[broneknotgeld]

Irlandczyk

Piegowaty i ryszawy
Zowdy pryndki do zabawy
Takich jest nojwiyncy tukej
Choć we świecie tyż ich szukej.

[broneknotgeld]

Co godać?

Ze świyntym Patrykym ktoś Irlandjo zwiedzi
Yno co mo godać potym na spowiedzi?

[broneknotgeld]

Z epoki bronzu

z epoki bronzu tu megality
Wyspa ta piyrwyj spiżym słynyła
Dyć niy łostali istni tu przi tym
Ajza z Celtami rzondy se wziyła.

[broneknotgeld]

150 krolestw

Sto piyńdziesiont krolestw
Jako plasterm miodu
Kożdy panym u sia
Tela yno godom.

[broneknotgeld]

"Złoty Wiek"

"Złoty Wiek" prziszoł jak Rzym upodo
Irlandjo blaskym niy ćmokym godo
Zdo sie kolybkom nowy kultury
Kunszt i nauka dźwigo do gory
Ze tym we zgodzie teologijo
Trojca ta czimie koalicyjo.

[broneknotgeld]

Krześcijaństwo

Krześcijaństwo Irlendzke rośnie klasztorami
Zdo sie co w nich richtig ty dziedziny siyła
Łobrodziyła ziymia podobnoś mnichami
Chocioż przed Patrykym pogańsko se była.

[broneknotgeld]

Trza dać pozor na Patryka
Bo na Ślonsku zacznie brykać.

[broneknotgeld]

Braian Boru

Som siebie irlandzkim "Karolym" mianowoł
Przidomek mioł "Śmiały" toz se niy wydowo
Że by mu i "Wielki" spasowoł tyż piyknie
Utropa w tym yno że życio niy styknie.

[broneknotgeld]

"Strongbow"

Ano lord Pembroke był tyż "Mocnym Łukym"
Łod sia jeszcze szkryfna co wcale niy tukym
Normany z Celtami chnet wspołpracowali
Siyła zdo sie z tego jakby wiynkszo brali.

[broneknotgeld]

Angelsko

Angelsko tako wyspa na wieki
Choć siyła tyż przi baronach
Jakby na tronie sypane ćwieki
Tako już bywo w tych stronach.

[broneknotgeld]

Za Jakuba I

Krol Anglikow Szkotow tyż tu z wojskym bywoł
Hardości baronow ponoc fest sie dziwoł
O'Neilla pokonoł w bitwie pod Kinsale
Dyć na tym utropa niy kończy se wcale

We hrabstwa Ulsteru (krolestwa downego)
Kolonistow wsadzioł - kalwinow do tego
Taki był poczontek niyszczyńścio ty ziymi
Kere trwo do dzisioj - przeca ło tym wiymy.

[broneknotgeld]

"Ironside" ("czowiek ze ajzy")

Śmierć we Irlandji sieje fest gynsto
Na nic powstańcom ich cołke mynstwo
Toż lord protektor sie z tym niy smoli
Ginie co czeci tukej katolik.

[broneknotgeld]

Boyne 1690

Wilhelm Orański Jakuba bije
Zaś protestantom lekci se żyje.

[broneknotgeld]

Wydziedziczani

Antykatolicke prawa
Protestantow bogaciyły
Irlandczykom niy zabawa
Tracom dyć poleku siyły

Ziymi majom coroz myni
A do tego rozdrobniono
Kedy se utropa zmiyni?
Irlandyjo - toż ty konosz!

[broneknotgeld]

Jonathan Swift

Choć z Guliwerym kajś zawandrowoł
Dyć we katedrze dublińcki cowoł
Głos - coby polić co łod Anglikow
Coby niy skompić w ta strona blikow
Z kery parlamynt irlandzki przidzie
Zdało co w końcu tu tako bydzie.

[broneknotgeld]

"Ochotniki" - 1782

Ano, Irlandczyki sie terozki zbrojom
Za niypodległościom richtig mocno stojom
Łoziymdziesiont tako zebrało tysiyncy
Nadzieja kupluje - czy bydzie ich wiyncy?

[broneknotgeld]

Parlamynt w Dublinie

Brytyjsko Korona we końcu zgodziyła
Irlandjo utropom dyć i dlo niyj była
Niychej łobradujom sie ło sia w Dublinie
Bele władza krola Anglji niy przeminie.

[broneknotgeld]

We tym parlamyncie

Katoliki wiela do godki niy mieli
We kraju wiynkszościom, dyć co tref im ścieli?
Majom protestantow ło prawa durś prosić?
Rowności w religji sie niy do łogłosić.

[broneknotgeld]

Kej Londyn zwoloł

Ziymia kupować doł katolikom
W Ulsterze bestoż zdrożała - blikom
Jako skiż tego bydzie łostuda
Skuli religji grzychy - niy cuda.

[broneknotgeld]

Ulster 1791

Dwie religije jakby sie godzom
Chyńci do reform cuzamyn rodzom
Angliki tropiom - co dali bydzie?
Cołkym wykludzić z wyspy im przidzie?

[broneknotgeld]

"Skuplowane Irlandzyki"

Klub majom w Belfaście, klub majom w Dublinie
Kej zgoda buduje czy złość ich łominie?
Angljo drap potympio! Angljo sie ich boji!
We wojnie z Francyjom. Co Irlandjo zbroji?

[broneknotgeld]

Wolfe Tone

Łojciec powrozła w Belfaście robioł
Syn adwokatym - czy coś nazgobioł?
Chcioł dyć Irlandjo w jedno skuplować
Przidzie mu za to przed Bogym stować?

Dyć wpiyrw wygnanym do Hameryki
Z niyj ku Francyji keruje bliki
Czy Paryż richtig go wspiyrać bydzie?
Ja - dyć niywiela ze tego przidzie.

[broneknotgeld]

Irlandjo z Francyjom? 16.XII.1796

Ano - sie richtig z tym dogodali
Toż ze Francyji szify wysłali
Burze Anglikow uratowały
Kej wylondować wojsku wzbroniały
Na psinco tako zdała wyprawa
Dlo "Skuplowanych" przegrano sprawa.

[broneknotgeld]

Stan wojynny we Ulsterze

Niy ma co dziwać - Angljo ścisnyła
Za "Skuplowanych" teroz chyciyła
Kierzy niy citli - we hereszt gnajom
Ano - utropa wielgo z tym majom.

[broneknotgeld]

Ferajna Orańsko (1795)

Oranżystow w tym poczontek
Skiż Wilusia Orańskiego
Protestanckim kożdy kontek?
Tympiom co katolickego!

Tyż tych tympiom co kuplujom
Chocioż dzieli religijo
"Skuplowanych" zdo - mordujom
Ło jeronie! Kryjolyjo!

[broneknotgeld]

Wielgo rebelyjo - 1798

Sie buntujom Irlandczyki
Iże gnymbiom durś Angliki
"Skuplowanych" siyła mało
Dyć Irlandjo w łogniu cało
Chop-katolik z protestantym
Krew przelywo niy ło kanty
Szlachcic chopa tko w mogiła
Toż Irlandjo - żeś krwawiyła
Ze tym rokym zdo co ciebie
W piekle trzimiom durś, niy w niebie.

[broneknotgeld]

Siyrpiyń 1798

Wiycie - zaś Francyjo płynie
Hrabstwo Mayo w ty dziedzinie
Tam wojska wylondowały
Dyć niywiela zwojowały
Republika z Irlandyji?
Trza z tym wiyncyj tragedyji?

[broneknotgeld]

W hrabstwie Donegal

Wolfe Tone, Francyjoki
Tu londujom, dyć boroki
Za "Skuplowanego" życie
Zdo im wiela - pewno wiycie

Co łostało z tym istnymu?
Kej bez łodnia niy ma dymu
Marnie skończoł we hereszcie
Tako szkryfna - tymu wierzcie.

[broneknotgeld]

Toż mono unijo

Ano - sie Anglikom teroz tako zdało
Parlamynt w Dublinie - w niym utropa cało
Lepi Irlandczykow ściongnońć do Londynu
W Izbie Gmin sto miejscow - bydzie myni dymu
Prymier Pitt jak yno to ofyn łogłosioł
Irlandczykow wiela do tego niy prosioł.

[broneknotgeld]

We Dublinie

Parlamynt w Dublinie som sie rozwionzuje
Ktosik sie tym tropi, a ktosik raduje
Londyn niyjednego dyć przeca tyż kusi
Czy nowo utropa przilyźć ze tym musi?

[broneknotgeld]

Irlandjo w uniji

Chop ciyngym był biydny
Szlachcic durś sie wadzioł
Londyn dyć niczymu
Tukej niy zaradzioł
Toż wartko zawere
Tymu niy dziwejcie
W historyjo dali
Ździybko pokukejcie.

[broneknotgeld]

Robert Emet 1803

Wiycie - syn doktora protestantym był
Dlo wolny Irlandji niy chcioł skompić siył
Toż probowoł zamek dubliński zdobywać
Ze "Skuplowanymi" tryjumfu zożywać

Dyć na psinco wszysko kej źle zrychtowane
Emetowi stryczek, potym ćwiartowanie
Tela iże cołkym go niy przepomnieli
Kierzy tu Anglikow niyradzi widzieli/

[broneknotgeld]

Daniel O'Connell

W hrabstwie Kerry urodzony
We Francyji wykształcony
Toż kej do dom wrocioł potym
Chycioł wartko ty roboty
Z kery wolność lyźć zdowała
Choć Korona przeciwiała

Chcioł być tym "Czowiekym Ludu"
Chcioł doczekać tukej cudu
Katolikow zrownać w prawach
I czuć wolnym! Śnik czy jawa?

[broneknotgeld]

"Czowiek Ludu"

Już w Londynie, w parlamyncie!
Bydzie mioł O'Connell wziyńcie?
Katolikow w prawie dźwigać
Przed tym niy chcioł istny migać
Z tym sie richtig mu udało
Irlandjo uradowało.

[broneknotgeld]

"Niykoronowany krol Irlandji"

W Izbie Gmin istnego tako mianowali
We Irlandji tymu teroz dziwowali
O'Connell dyć staroł wylyźć ze uniji
Tako coby stało to bez tragedyji
Coby krwi niy przeloć, coby yno w prawie
Podźwgać dziedzina - toż godo ciekawie
I wiece rychtuje na wyspie zielony
Takim go na wieki tu zapamiyntomy.

[broneknotgeld]

"Niykoronowany krol Irlandji"

W Izbie Gmin istnego tako mianowali
We Irlandji tymu teroz dziwowali
O'Connell dyć staroł wylyźć ze uniji
Tako coby stało to bez tragedyji
Coby krwi niy przeloć, coby yno w prawie
Podźwgać dziedzina - toż godo ciekawie
I wiece rychtuje na wyspie zielony
Takim go na wieki tu zapamiyntomy.

Mōr kartofli 1845

O’Connell wiela mog wszyndy gymbować
Dyć trza było jodło familijō dować
Kartofli brakuje – głōd ludzi fest kosi
Pōn Bōg sie zmiłuje? Na darmo lud prosi

Kej na czynsz brakuje, dziedzic co chce biere
Kościotrupym biydok – życie w nim niy were
Szmaragdowo Wyspa trułōm dlo miljōna
A wiela głōd wygnoł na amant ze dōma?

„Szify-truły” płynōm dyć do Hameryki
Tam ich niynowiści zoznajōm Angliki?

Głod w Irlandji

Głod we Irlandji O'Connellowi
Plany pomotloł - kożdy to powiy
Modo Irlandjo sie łobudziyła
Kero godała - Niych rzońdzi siyła
Niych krew sie leje, ciyrpiom Angliki
Trza im w Irlandji taki wyćwiki.

Daniel O'Connell - 1847

Pomarł "krol Irlandji"
Pomarł i co stało?
Wyzwolić dziedziny
Dyć mu niy udało

Dali wyspa ciyrpi
Ciyrpiom Irlandczyki
I ku Hameryce
Tyż kerujom bliki.

Wiosna Ludow 1848

Gowy we Kilkenny dzwigli insurgynty
Dyć kaj niy ruszyli wszyndy yno piynty
Ksiyndze niy poparli, lud z głodu słabuje
Insurekcjo zwijo kej mało sztimuje.

W latach piyńdziesiōntych

W latach piyńdziesiōntych ziemia wiyncyj rodzi
Nikerym przi tymu zdo lepi powodzi
Bestōż myni marzōm ô niepodległości
Dyć ideja w duszach conikerych gości.


James Stephens

Połednie i zachōd Irlandji łōn prawie
Ôbłazi i godo iże śnik na jawie
Chnetko mono bydzie, chnet niywola straci
Dyć trza ô to starać – niy siyngać durś laci.

Irlandzke Bractwo Republikańske
17.III.1858

Tōż sie tało tako we dziyń Patrykowy
Ferajna chce dźwigać tyn kōncept niy nowy
Tyranōw ôbalić, wyzwolić dziedzina
Stephens przirychtowoł zdo nowo ańbryna.

„Fyniany”

W Hameryce Bractwo „Fynianami” zwali
Armjōm Republiki ich tam minowali
Niy było w tych czasach dyć i tam spokojnie
Hameryka toplo w secesyjny wojnie.

Irlandzko Armjo Republikańsko

Ano – w Hameryce, na światowy binie
Sie zaczło co wyspa teroz niy ôminie
Choć za oceanym armjo niy powstała
Irlandjo ruszyła, brōń we rynce miała.

[broneknotgeld]

Irlandjo 1867

Tōż sie IRA ciyngym zbroji
Partyzanckōm wojnōm stoji
Z Hameryki jōm wspiyrajōm
Brōń na wyspa przisyłajōm

Niy ma leko z tym Anglikōm
Szmaragd krwawi – tako blikōm
Partyzantōw ciyngym Wiela
IRA groźno – szkryfna tela.

IRA w Anglji

IRA w Anglji tyż rojbruje
Cosik szpryngnie, krwi napsuje
Mustrym inszym terrorystōm?
Ech, Irlandjo niy je zistōm.

William Eward Gladstone

Prymierym w Lōndynie – pokoju durś szukał
Na Irlandjo jako na chorego kukoł
Kościōł katolicki zrōwnoł z protestanckim
Reformować staroł a niy „cisnōńć wancki”

Niy szło już dzierżawco ze ziymie rugować
Dobrze urodzōnym trza było haltować
Choć tako Gladstone ôgyń richtig dusi
Juzaś autōmjo niyjednego kusi.

Ku autōnōmiji?

Tōż zas richtig chcieli parlamentu prawie
Kery by w Dublinie radziōł we ich sprawie
Ô sia u sia chcieli mieć nojpiyrsze zdanie
Czy Lōndyn do zwola? Co terozki stanie?

Charles Steward Parnell

Mioł w hrabstwie Wicklow ziymi dość Wiela
W Izbie Gmin zicnōł – niy yno tela
Niyroz Anglikōm tam groł na nerwach
A jak rozgodoł – na psinco przerwa

Kery w pamiyńci mioł O’Connella
Tyn kukoł terozki na Parnella.

Michael Davitt

Rodzicielōw z ziymi mu wyrugowali
Tako sie do Anglji w biydzie przekludzali
Michael we werku drap postradoł rynka
Jedynoście rokōw klupło mu w ta mynka

Niy dziwota iże potym stoł „Fenianym”
Niy dziwota iże hereszt był mu dany
Stoł za tymi kierzy ziemia tu ôrali
Choć we wiynkszy czyści inksi żniwowali.


Irlandjo 1877

Pōnoć cołke lato we Irlandji loło
Zgniyło co na polach – niy było wesoło
Z Hameryki zbożo zaś we zatrzyńsiynie
A czynsz jako płacić? Stōnd wielge ruszynie
Kej szlachta dziyrżawcōw zaś chciała rugować
Kōme we Irlandji w ich ôbrōnie stawać?

Irlandzko Narodowo Liga Ziymsko

Parnell ze Davittym Liga założyli
Niy yno dziyrżawcōw dyć tako chronili
Kościōł katolicki mocno istnych wspiyroł
Kery żył z roboty – na Liga zaziyroł.

Bojkot

Anō, w hrabstwie Mayo Boycott chcioł bogacić
Na ziymi co prziszło dzierżawcōm utracić
Dyć za to nikt niy chcioł my rynki podować
Wiela ło tym szłoby możno połosprowiać
Dyć styknie co miano istnego Boycotta
Ło czymś dzisioj świodczy – to niy je gupota.

Ustawa ziemsko Gladstone’a

Tōż dzierżawcom gwarantował
Coby nikt ich niy rugowoł
Kej czynsz płacōm, kej ôrajōm
Źle z tym było wpiyrw – niy bajōm

A kej dobrze gospodarzōł
Kej wykludzić chcioł, sie ważył
By kajś bardzi być w proficie
Pan dopłacic mōg – tōż wiycie.

[broneknotgeld]

Co sie stało we Dublinie?!

Co sie stało we Dublinie?!
Dyć zażgali Cavendischa!
Chyńć do reform ze tym minie
Z tym złowrogo teroz cisza

Za to Izba Gmin sie sroży
Coby karać Irlandczykōw
Zło sie ze tym ciyngym sroży
Czy trza wiyncyj niyboszczykōw?

Liga Ziymsko

Liga brōni, atakuje
Liga rośnie, sie niy suje
Liga Ziymsko siyły zbiyro
I na Lōndyn tyż zaziyro
Wiycie – skiż autōnōmiji
Bez niej wiyncyj tragedyji.

Welunek do Izby Gmin 1885

Zdało co welunek richtig uraduje
I autonomio Irlandji sztymuje
Zdało – choć mandatōw erbła Liga Wiela
Choć Angliki mōgli Irlandji dać tela
Dyć sie historyjo kulnyła znaczy
Ulster we Irlandji tyż swoje złōnaczy.

We Ulsterze

We Ulsterze protestanty kuplować niy chcieli
Katolikōw we Irlandji durś za inszych mieli
W Szkocji były ich korzynie dyć wrośli już tukej
Autōnōmjo im utropōm – w strachu grzychu szukej.


Belfast

Belfast w Ulsterze urosnōł w siyła
Na lnie podźwigoł, port, stocznia była
Zdało – bogaci go industry jo
Dyć niy Lachecie, niy komedyjo.

A Zakōn Orański

Przeciw „papistōm”, przeci ich prawu
Autōnōmijōm tyż sie niy „bawiōł”
Straszōł co wojna wartko rozkulo
Z autonomiom miało wyńść „nulo”.

Izba Gminōw – 1886

Autōnōmijo dziedzinie dali?
Niy! Ôdciepniyńcie przegłosowali
Ze tym przigasła gwiozda Parnella?
Anō - ôstało ze niej niywiela.

Z kōńcym XIX wieku

Czas dlo kultury nastoł celtycki
Literatura dziedziny kwitnie
Ôdrodzo jynzyk tyn gaelicki
Co echt irlandzke ôdrodzo piyknie.

Liga Gaelicko

Ferajna po to coby dźwigała
To co dziedzina zocnego miała
I historyjo, i ta kultura
Irlandczyk łazić mo z gowōm w chmurach
Sie Anglikowi ciyngym niy kłōniać
Niy dać sie nigdy robić we kōnia.

I zaś sie szajsli – 1893

Gladstone chcioł ty autonomii
Był pewny – ze tym mniyj tragedyji
Już Izba Gminōw dowała Zwola
Dyć Izba Lordōw haltła – niy chwila
Niy chwila – wiym co dali sie dzioło
W Irlandji ciyngym dyć niewesoło.

[broneknotgeld]

Kej wiek nowy nastoł

Kej wiek nowy nastoł co sie pomiyniyło?
Jako Irlandczyōm u sia teroz żyło?
Sie autōnōmijo jednym ponoć marzy
Inkszym niypodległość – co tref im przydarzy?

Arthur Griffith

W Dublinie drukorzym
Potym blysnōł piōrym
Na szala położył
Niypodległość – sznōry
Co dusiyły – chciałby powyrywać
Dyć czy sie to udo? Przidzie nōm podziwać.

John Mc Bride

Republikanin ze hrabstwa Mayo
Coś ô Irlandji wolny durś bajo?
Biōł z Anglikami we burski wojnie
W Irlandji chnetko niy za spokojnie.

Welunek 1910 – Izba Gminōw

Po welunku liberały
Prawie tela głosōw miały
Wiela tyż kōnserwatysty
Kogo potrza im do zisty?

Anō – potrza Irlandczykōw
Trza w ich strōna wiyncyj blikōw
Zdo autonomiom kusić
Trza pochwalić, niy durś dusić.

John Redmond

Partji irlandzki istny przewodziōł
Autōnōmiji kōncept zaś rodziōł
Prziznać dziedzinie parlamynt może
Tōż Redmond rzyko – „Dej Panie Boże”.

John Redmond

Partji irlandzki istny przewodziōł
Autōnōmiji kōncept zaś rodziōł
Prziznać dziedzinie parlamynt może
Tōż Redmond rzyko – „Dej Panie Boże”.

Edward Carson

Carson przeciwioł sie w parlamencie
Autōnōmiji ideji zocny
Nikōmu ziymi niy grozi wziońcie
W Irlandji teroz katolik mocny

Tōż zdo mu psincym cołko ustawa
Coby mioł Dublin sie rzōńdzić u sia
Ulster mu klackoł, tam słyszoł brawa
Kaj protestancko durś wiyrchym dusza.

440 tysiyncy

Tela tysiyncy aż Ulsterczykōw
Niy chce w Irlandji autōnōmiji
Handszrifty kładōm bez katolikōw
Drapko z tym przidzie czas tragedyji?

Ulsterske Ochotniki

Tymu niy dziwejcie – wartko tukej zbrojōm
Chcōm życ przi Anglikach – za tym richtig stojōm
Gywery ściōngnyli drapko z zagranicy
Sto tysiyncy ludzi jejich „korpus” liczy.

Irlandzke Ochotniki

Tōż Połednie tyż sie zbroji
Kej „pod brōniōm” Ulster stoji
„FF” na odznakach majōm
„Fianna Fail” – wcale niy bajōm
Jako w mitach bohatery
Spokopi to conikery.

Na szejść rokōw

Na szejść rokōw we Ulsterze
Hrabstwōw szōstka przi Korōnie
Redmond zgoda doł w ty wierze
Iże potym ze tym kōniec.
Rok 1914

Wartko prziloz rok sztyrnosty
Wartko dlo autonomii
Rok wojenny, tōż niyprosty
Czas kolejny tragedyji.

Szli na wojna

Szli na wojna ochotniki
Ze Belfasu, ze Dublina
Kaj frōnt kładom teroz bliki
Zdo tym żyje ta dziedzina

Krwi niy szczyndzōm, życie tracōm
Ôrderami Angljo suje
We Francyji fest łōnaczōm
Czy dziedzina to raduje?

Partjo Irlandzko

Partjo Irlandzko – ta przi Redmondzie
W swoich frōntowcach widzi nadzieja
Iże już Ulster łodpowiy – „Znōm cie”
„W autōnōmiji zocno ideja”.

A we Ulsterze

A we Ulsterze krew tyż rachujōm
Nad Sommom bijōm ich regimenty
Ze Angljōm bardzi tako kup lujom
Irlandjo durs Mo dlo nich coś z piynty.

Sinn Fein – „My sami”

Za niypodległościōm partjo tako stoji
Kej Anglji niy wiedzie, Irlandjo niych zbroji
I autonomio psiny cym istnym zdo się
Kej czas wojny, Anglji trza zagrać na nosie
Trza z kolan podźwigać Wyspa Szmaragdowo
Sinn Fein tego czeko, Sinn Fein za tym stowo.

[broneknotgeld]

Arthur Griffith – Sinn Fein

Arthur Griffith Irlanczykōw we Sinn Fein kuplowoł
W bōj nacyjo ku wolności istny by kerowoł
Zdo autōnōmijo piyntōm – marzy republika
Dublin niychej jako Lōndyn – bić ô to, niy rzykać.

James Connolly

Tōż irlandzki socjalista
We Szkocji rodzōny
Strajk dlo niego jako zista
To wcale niy krōmy
Robotnikōw mo we zocy
Chce im ulżyć w doli
Brōń Mo im dokłodać mocy
W boju z wolny woli.

Irlandzko Armjo Obywatelsko

Connolly „Armji” założycielym
Kero przi strajkach mo brōnić ludzi
Coby niy boli, by strzimać chcieli
Niych sie Irlanjo cołkym ôbudzi.

Padraic Pearse

Dyrechtor szkoły – niy wojok przeca
Skiż jego wiary w ta strōna leca
Skiż wiary iże Irlandjo dźwignie
Kej krew irlandzko niy yno kidnie
Tōż trza w bōj ruszać, trza jōm przelywać
Sie historyjo aż bydzie dziwać?

Insurekcjo Wielkanocno – 24.IV.1916

W ciynżkim roku wojny, w druge świynto prawie
Śmiyrgust zaczōn krwawy w Irlandji na jawie
Sinn Fein wynokwiyła? Ktōś ludzi zbuntował?
Nikery z giwerom za wolnościōm stowoł
Insurgynty gowy dźwinyli w Dublinie!
Czy cołko Irlandjo tyż to niy ôminie?

Po prawdzie, niywielgo insurgyntōw siyła
Wiynkszość tych „we siyłach” na frōncie dyć biyła
Wiynkszość co z giwerōm sie dobrze radziła
Przi Anglikach przeca w Francyji stanęła
Dublin jednak blysnōł na krōtko wolnościōm
Zdo co Lōndyn tako pierōńsko rozzłoszczōm

Stykło kanōnierki, ze rzeki grzmōciła
Stykło żdziybko wojska, sie wolność skōńczyła
Dublin Insurgyntōw niy ôbrōniōł prawie
Sinn Fein spokopiyła co drapko po sprawie
Pora setek ofiar insurekcjo wziyła
I jako rozblysła, w ôziym dni straciyła.

Stan Wojynny

Anō, niy dziwota, Angliki sie srożōm
Dusz sztyry tysiōnce drap za kratki wrożōm
Sinn Fein, insurgynty tako we hereszcie
Zlitujōm Angliki? Niy cołkym - w to wierzcie
Dyć i niy dziwota, wojna przeca była
Irlandjo by Angljo tako łosłabiyła.

Dni majowe 1916

Dni majowe sōm by krwawić?
Insurgyntōm śmierć chcōm jawić
Prowodyrōw rozstrzylali
Tōż Irlandjo krwawisz dali

Kukosz kōńca synōw twoich
Janioł śmierci przi nich stoji?
Nic żeś mało ich wspierała
Krew ich to dlo ciebie chwała

W dni majowe sie łobudzisz?
Gniyw twōj rośnie? Gorkość studzisz?
Zdało na coś ich ciyrpiynie?
Ruszy teroz cie sumiynie?

Boże Narodzynie 1916

Czyńść heresztantōw już na wolności
Radość we dōmach nikerych gości
Żol tych stracōnych, tych za kratkami
Co dali bydzie z Irlandczykami?

Wielkanoc 1917

Amnestjo – wolność dlo insurgyntōw
Griffith i Collin niy widzōm piyntōw
Shinn Fein niypodległościōm durś żyje
Z idejōm wielgōm wcale niy kryje
Po insurekcji mo teroz wziońcie
Mandatōw chyci we parlamyńcie.

Rosła w siyła

Anō – Sinn Fein rosła w siyła
W parlamencie nawet była
We heresztach strajki z głodym
Niypodległość marzy modym
Tōż zaś po kryjomu zbrojōm
Za wolnościom swojōm stojōm.

Kwietniowo branka

W ôziymnostym roku – wiycie
Mus na szali kłaść już życie
Mus Anglikōm dać rekruta
Dlo Irlandji w tym pokuta?

Trza autōnōmiji czekać?
Niy na nerwy już człowieka
Ulster Mo być przi Anglikach?
A co w nim po katolikach?

Tōż i Kościōł sie sztrabuje
Niyjednymu niy sztimuje
W Izbie Gminōw fest już were
Sie Irlandzko Partjo biere
Weg – kej ich dziedzina krwawi
Czy ofiara ich wybawi?

Powojynny welunek – grudziyń 1918

Sinn Fein welunek tukej wygrała
Dyć Lōndyn psincym już bydzie miała
Chce republiki, chce prezydenta
Chce parlamyntu – Dublin niy piynta

Nic co Angliki przeciw niej bydōm
Wolność we wercie krwi, tōż niy biydōm
Nic co z tym idzie wojna dōmowo
IRA sie zbroji i za tym stowo.

[broneknotgeld]

„Prezydynt” Eamon de Valera

Przeżył powstanie, te „Wielkanocne”
Hereszt angelski przetrzimoł tyż
W Irlandji jego noty sōm mocne
W Dublinie „piyrszym” terozki – wiysz.

IRA - Irlandzke Ochotniki

Sinn Fein - wolności zdo politykōm
IRA jyj siyłōm – ze strachym blikōm
Kej czynsto godo yno giwera
Wojna dōmowo w Irlandji teraz
Na wicekrōla aż zamachnyli
Choć fest przi tymu richtig szajsnyli
Choć niylegalno partjo już potym
Prawo Anglikōw tu zdo – gupoty.

Samorzōndowy welunek – styczyń 1920

Choć niylegalno – Sinn Fein wygrywa
To Irlandczykōw wcale niy dziwo
Psincym Anglikōw wszyske starania
Wiyrchym Irlandjo – czy wos cygania?

Ku republice

Ku republice w Irlandji cisnōm
Zdo co Angliki przi Tymu skisnōm
Na psinco wojsko i policaje
IRA im przeca tukej niy pszaje

Krziwda, utropa, krew ziymia zlywo
W tyn rok dwudziesty – kogosik dziwo?
Ktō partyzantym? Ktō insurgyntym?
W Tyn rok dwudziesty żodyn niy świyntym.

Maj 1921

Angljo welunek z tym ôgłosiła
Pōłnoc na Belfast tako kuknyła
Połednie swoje mo we Dublinie
Dwa parlamenty teroz w dziedzinie

Zdo tako bydōm na amant dzielić
Co kejś kuplować we jedno chcieli
Co ciyngyj przeca w nikerych gowach
Co niy poradzōm durś tu rychtować.

Październik 1921

Kōnferyncyjo prawie w Lōndynie
Angljo z Irlandjōm wojna ôminie?
Terozki prawie sie dogodajôm?
Czy bić zaś bydōm kej durś niy pszajōm?

Lloyd George sie staro coby dogadać
Wieść tako w kōńcu idzie w świat podać.

Wolne Państwo Irlandzke – 5.XII.1921

Tako sie stało – traktat szkryfniōny
Irlandjo jako dōminium mōmy
Choć bez Ulsteru – to niy udało
Tōż niyjednego niy radowało

Dyć Lōndyn niy doł Irlandji „swojich”
Sinn Fein ze IRA niych tam niy broji
Połednie kaj chce lyźć może sztrasōm
W hrabstwach Pōłnocy uńji niy zgaszōm.

Ulster 1921

Szejść ze dziewiyńciu hrabstwōw Ulsteru
Angliki do sia dyć ciyngym bierōm
Trzi katolicke przi Irlandczykach
Dyć na ta szōstka durs bydom klikać.

Irlandzke podziały

Anō, jako zowdy je we polityce
Dublin ôd ôstudy zaczōn nowe życie
Jedni protestanckich hrabstwōw niy żałujōm
Inksi durś tym tropiōm, wcale niy radujōm.

Źle rachowoł

Collins rachowoł co hrabstwa z czasym
Chycōm sie wszyske irlandzki sztrasy
Dyć nawet IRA skiż tego dzieli
Jedni z tym godzōm, drudzy niy chcieli.

[broneknotgeld]

A w Dublinie

A w Dublinie, w parlamyńcie
Ôbie strōny miały wziońcie
Traktat dyć ratyfikujōm
Choć sie dzielōm, niy kuplujōm.

Za traktatym

Griffith z Collinsym tego sie trzimiōm
Ze czyści IRA armjo państwowo
Dyć tym co przeciw tyż tu niy dziwiōm
Czy przidzie richtig wojna dōmowo.

Przeciw traktatowi

Valera przeciw, ze czyńsciōm IRA
Wojna dōmowo stanie na gyrach?
Kej im sie marzy Irlandjo cało
A to co terozki zdo za mało.

Wojna dōmowo

Anō – zło nojgorsze stowo
Prziszła już wojna dōmowo
Collins kōńca niy dożyje
W krwi Irlandjo zaś ôbmyje
W krwi patriotōw ze strōn ôbu
Griffith tyż doczeko grobu
Niym Valera brōń ôdstawi
I we państwie pokōj zjawi.

Wolne Państwo Irlandzke 1923

Kej sie już uspokojyło
Na pōł wieku podzielyło
Zdo po rōwno polityka
Roztomajcie prziszło klikać
Na tyn traktat z Anglikami
Już pewnkiym wiycie sami.



Fine Gael – „Plymie Irlandji”

Tōż ta partjo za traktatym
Im niy wadzi ôstać na tym.

Fianna Fail – „Wojowniki Irlandji”

„Wojowniki” – tako wiycie
Za Irlandjo chcōm dać życie
Za Irlandjo we jedności
Ze Ulsterym – szkryfna prości.

Eamon de Valera – 1927

Valera teroz już w parlamencie
Fianna Fail tako mo wiynksze wziońcie
Z wojny dōmowy wyloz przegrany
Dyć przeca wartko „wylizoł rany”.

Fianna Fail – 1932

Tōż po welunku Fianna Fail rzōńdzi
We przodek pylo czy możno błōńdzi?
Co gaelicke wiyrchym postawi?
Ideje take Valera jawi

Na małorolnych i robociarzy
Partjo dyć kuko – z tym wiyncyj woży
Na populizmie siyła buduje
Dyć to wiynkszości teroz sztymuje.

Kōnstytucyjo 1937

Kōnstytucyjo wcale niy dziwo
Iże ze Angljōm na amant zrywo
Iże w niej hrabstwa tyż te Ulsteru
Choć protestantōw ory tam bierōm

Kōnstytucyjo tyż za Kościołym
Tym katolickim, tōż „krōl je goły”
Pōłnoc sie burzy, Pōłnoc sie tropi
Czamu? Pewnikiym kożdy spokopi.

Stormont we Belfaście

Z Angljōm Ulster chcioł skuplować
Lloyd George woloł Stormont stowiać
Dyć parlamynt swój tu majōm
Ô tym wcale wōm niy bajōm.

Katoliki we Ulsterze

A katoliki ze tym niy godzōm
Co protestanty ku Anglji wodzōm
Dyć bojkot na nic terozki zdo sie
Pōłnoc Połedniu tyż gro na nosie.

Wolne Państwo Irlandzke 1939

Choć Angljo teroz Wiela kusiła
Coby Irlandjo z Niymcami biyła
Valera jednak „rynce umywał”
Tymu w Irlandji czowiek niy dziwoł.

A Belfast krwawi

Anō, w sztyrdziestym piyrszym naloty
Luftwaffe bōmby ciepie, a potym
Gore we dole, śmierć niy przebiyro
Zdo, wojna tukej prziszła dopiero.

Republika Irlandji – 1948

Dublin zatwierdziōł miano dziedziny
Sie radowali tym możno Driny
Dyć szejść dwadziścia hrabstwōw w tym ino
Pōłnoc szajdōngu durś dopōmino
Pōłnoc niy myśli coby kuplować
Coby być z Angljōm, za tym jyj stować.

A Lōndyn na to

A Lōndyn na to co mōg ôdpedzieć?
Krōl w republice na czym mōg siedzieć?
Dlo brytyjczykōw to niy gupoty
Irlandjo ôd sia – wele Wspōlnoty.

[broneknotgeld]

Jako przed wojnōm

Dyć gospodarczo jako przed wojnōm
Żyje rolnictwym i wsiōm spokojnōm
Cłym jako piyrwyj import tyż dusi
Ktōś za robotōm wyjeżdżać musi

Pōłnoc rozkwito, Belfast durś rośnie
Czy na Połedniu śniōm już ô wiośnie?
Kościōł haltuje, kultura drzymie
Fanaberyje cynzura trzimie.

Irlandjo Pōłnocno

Kej już Połednie echt republikōm
Pōłnoc tym bardzi widzi Anglikōm
Tōż uńjōnistōm to gwarantujōm
Co we Wspōlnocie ich potrzebujōm
Belfast kamrata mo we Lōndynie
Na chwała trōnu we ty dziedzinie.

Irlandjo Seana Lemassa

Anō, kej istny prymie rym został
Chcioł coby kraj tyn tyż szwōngu dostoł
Gyszeft chcioł robic ze Anglikami
I industryjo dźwigać ryncami
Kerych na roli zdało za wiela
We tym nadzieja – szkryfna tu tela.

Dublin – Belfast - 1965

Lemass dogadać z O’Neillem chcioł
Ôbu zdowało co to niy fioł
Coby skamracać te dwie dziedziny
Puszka Pandorry wybuchnie Driny?!

Myńszość w Ulsterze dźwigo drap gowy
Prow sie dōmogo - kōncept niy nowy
Marszōw „zielōnych” terozki wiyncy
Ktōś tym raduje? Dyć Ulster myczy!

Pōłnocnoirlandzki Ruch Prow Obywatelskich

Anō, ta ferajna „zielōnych” śmiy dźwigać
We prawach po szkodzie, tōż w tym jyj niy migać
Policjo Ulstersko rozgōni pałami
Dyć durś protestujōm! Czy bydōm w tym sami?
Lōndōnderry 1969

Oranżysty maszyrujōm
W grodzie co wpiyrw Derry zwany
Co „zielōne” im tu sprawiōm?
Łogyń! Bergi! Wiela szpany!

Policaje już niy radzōm
Wojsko sciōngnōm na retunek
Ulster dychnie? Ôboczymy
Czy w tym dobry pomyślunek?

Wojsko w Ulsterze

Zdało co dychnōm i katoliki
Kej tu pod brōniōm prziszli Angliki
Zdało co krew sie już niy poleje
Dyć IRA szkryfnie inaksze dzieje.

IRA

IRA w szejśćdziesiōntych latach
Wpiyrw przigasła – jak bić brata?
Z czasym dyć sie podzielyła
Politykōm jedna żyła
Drugo „wojna” szykowała
Durś ô Ulster bić sie chciała.

„Wojna” z IRA

We Ulsterze drap wojoki
Przeciw IRA robiōm kroki
Drapko juzaś krew poleje
„Wojna” z IRA – tōż źle dzieje

Protestanty – katoliki
Z ôby strōnōw durś złe bliki
Ciyngym marsze i pochody
Skiż ôstudy, a niy zgody

Ulster krwawi, Ulster tropi
Keryś kogoś tu spokopi?
Ciyngym tyn „stan wyjōntkowy”
Ciyngym gorke bardzi gowy.

[broneknotgeld]

Lōndōnderry 30.01.1972 „Krwawo Niydziela”

„Krwawo Niydziela” we Lōndōnderry
Kej wojsko strzylo to niy sōm bery
Trza porunostu cywilōw chować
Trza pōmścić?! IRA durś dźwigo gowa!
Bōmby we Anglji już tyz podkłodo
Spokōj daleko, kej tako „godo”.

A republika gōni

A republika Europa gōni
Choć na Połedniu IRA tyż chroni
Irlandjo trzimać geszeftu staro
Zdo co przi tymu terozki jaro
Zdo co rozkwito i drap bogaci
Czasu terozki wcale niy traci.

We EWG – 1973

Anō, Irlandjo w tym wartko dźwigo
Ze indu stryjom w przod drapko migo
Wiela tyż dzieje teroz w kulturze
Dziedzina zdo być terozki w gōrze
Kej kwitnie sztuka, literatura
Dublin ze gowōm chce lyźć we chmurach.

Irlandzki fyminizm

Tymu niy dziwejcie iże tu ôdzywo
Chocioż Kościōł swoje ciyngym zbiyro żniwo
Skiż aborcji styknie jechać do Belfastu
I antykōncepcji drapci przidzie czas tu.

A we Ulsterze

Po Krwawy Niydzieli w Ulsterze źle dzieje
Angljo tu parlamynt teroz rozwōnzuje
Dyć czy skuli tego dlo pokoju dnieje?
IRA swoje robi, IRA niy prōżnuje

Katolikōw godzić ze protestantami?
Zdo to niymożebne – pewno wiycie sami
I Żelazno Dama Tymu niy zaradzi
Choć swoje „trzi grosze” do Ulsteru wsadzi.
Recesyjo

Prziszła recesyjo tako do Ulsteru
I za republika jyj „demōny” bierōm
Rośnie bezrobocie, rośnie inflacyjo
Utropa z tym teroz, zdo chnet tragedyjo.

Republika Irlandji 1977

Fianna Fail w Dublinie juzaś władzy chyto
Nałobiycywali – jakby sie ktō pytoł
Tōż wydatki rosły, dług epny w budżecie
Państwo chnet bankrutym – tako sie tu plecie.

Charles Haughey

Fianna Fail przi niymu zdało co ôdżyła
Republikōm dugo terozki rzōńdziyła
Choć w partyji siyła yno myńszościowo
Z koalicjantami wiyrchym ciyngym stowo

Haughey „cudym” państwo podźwigoł z kryzysu
W „kalny wodzie” pływoł dyc zrychtowoł miszōng
Ze kerego przidzie dali kraj budować
Szmaragdowo wyspa wiyrchym juzaś stowiać.

Mary Robinson

Co dziewiyńdziesiōnte lata tu prziniesōm?
Istno prezydyntym – fyministki cieszōm
Z downa im kamratkōm – rada liberałōm
Zesel prezydenta ze władzōm niymałōm
Kej kobiyta zicnie, niy pyndzyjōnista
I dlo fyministki polityczno zista.

Referyndum 1992

Przi welunku referyndum
Skiż aborcji, prawdy tako
Pokozane teroz zrzyndōm
Iże coś przi tymu krako

Tōż Irlandki za granica
Dali bydōm rajzowały
Niy wystyknie im grōmnica
Choć niywiela w tym ugrały.

[broneknotgeld]

Na Pōłnocy 1994

Na Pōłnocy „wojnōm” sie w kōńcu zmynczyli
Zdało – brōń na hoki teroz powiesili
Czy we końcu zgoda? Jako sie ôkoże
Moga juzaś szkryfnońć – „Dej im Panie Boże”.

Na Połedniu

Na Połedniu ô tym czasie
Fest ôstuda w polityce
Fianna Fail zdo we marasie
Fine Gael wiyrchym – wiycie.

John Bruton

Fine Gael we Dublinie
Piyrszych krzipcō sie chyciyła
Rzōndzōm terozki w dziedzinie
Choć w Brutonie marno siyła

Dyć drap gospodarka dźwigo
I kultura tyż rozwija
W przodek leźć żodyn niy migo
Piniōndz suje im Unijo.

Referyndum 1995

Szajdōng z chopym, ze kobiytōm
Mo legalny być? Jo pytōm
Anō – tako ôkozało
Szajdōng w prawie! Wiela? Mało?

Tōż dwa roki z tym niyskorzyj
Szajdōng w prawie! Coś to woży!

We Europejski Uniji

Geld ze Uniji Irlandjo wspiyro
Szwōngu chyciyła ze tym dopiero
Kraj tako kwitnie, kraj durś gryfnieje
W Belfaście ćmi sie? W Dublinie dnieje?

Djaspora wroco

Kej industryjo w Irlandji rośnie
Kej tu już żyje bardzi radośnie
„Curik” irlandzkim duszōm pedzieli
Werci zaś wrōcić do swoji szteli.

Imigranty

Szmaragdowo Wyspa ludzi teroz kusi
Kej „na saksy” jechać niyjedyn kajś musi
Kej geld i robota znajdzie w ty dziedzinie
Tōż nadzieja widzi prawie we Dublinie.

Mary Robson – 1997

Już niy prezydyntym – teroz w ONZecie
Kuko prow człowieka na caluśkim świecie
Ze Zielony Wyspy – w kolorze nadzieja
Irlandji przipodnie rola dobrodzieja?

Europa pszaje

Europa pszaje Irlandji przeca
Unijo wspiyro co ze jyj neca
Rolnik profitōw z tego mo Wiela
I turystykom blyszczy drap sztela
Kunszt roztomajty, taniec, muzyka
Irlandjo – niy trza za ciebie rzykać?

Sie reklamujōm

Sie reklamują, tōż niy dziwejcie
Tyż wiary tymu richtig dolejcie
Iże Irlandjo piękno, ciekawo
Kej kukosz w lewo, kej kukosz w prawo

Tōż tako richtig kusi andrusa
Zdo co szmaragdym ciyngym jyj dusza
W irlandzkim pubie werci zabawić
Ciału i duszy uciecha sprawić.

„Zawieszynie brōni” – 1997

Kej yno Angljo rzōnd pomiyniyła
IRA tyż prawie „brōń zawiesiyła”
Sinn Fein już pokōj chce wiyrchym stowiać
Niy werci bulić kej trza budować.

[broneknotgeld]

Teilifis na Gaeilge – 1996

Po gaelicku telewizyjo
Co to sie dzieje? Ô kryjolyjo!
Chnetko mioł jynzyk być zatracōny
A zaś ôdżywo – we tym niy krōmy
Kej spokopiyli co ich bogaci
Trza to mieć w zocy – niych sie niy traci.

„Zawieszynie brōni” – 1997

Kej yno Angljo rzōnd pomiyniyła
IRA tu prawie „brōń zawiesiła”
Sinn Fein tyż pokōj chce wiyrchym stowiać
Niy werci bulić kej trza budować.

Postympowe Demokraty

Tōż zaś miyni rzōnd w Dublinie
Postymp widać w ty dziedzinie
Wiela we tym je nowego
Choć niy zowdy tyż zocnego
Kej kajś zgobiōm, zło tyż rośnie
We ty „gaelicki wiośnie”.

Mary McAleese prezydyntym – 1997

Po kobiycie zaś kobiyta
Czamu? Zdo, co niy trza pytać
Dyć ciekawe kej z Belfastu
Zdo, co richtig lepszy czas tu
Zdo, co „topōr zakopany”
We Irlandji myni szpany?

Wielgi Piōntek – 1998

We Ulsterze z tym dniym prawie
Pokōj podpisany
Dublin tyż już we Belfaście
Niy chcioł wiyncyj szpany

Żdziybko jeszcze dyć zetrwało
Niym sie dogadali
Za rok spokōj we dziedzinie
Przewożōł na szali

Sinn Fein ze Uńjōnistami
Prziszło dogadywać
Dyć niy leko z tym po prawdzie
Niy ma czymu dziwać

Choc nadzieja w tysiōncleciu
Zdowo cołkym nowym
Historyjo nōm pokoże
Czy Ulster je zdrowy.

"Celtycki Tygrys"?

W nowym tysiōncleciu tyż utropy nowe
Plusy z minusami jakby po połowie
Kej w Irlandji euro blysło – dolar zdoł uciykać
Za pomyślność ty dziedziny werci nōm porzykać.

---

Ô ty Wyspie Szmaragdowy
Szkryfnōłch po swojymu
Kōmncept we tym niy je nowy
Wszysko skuli rymu.

[broneknotgeld]

W świynto Patryka
rudaslaska.com.pl/i,kawalek-irlandii-w-rudzie,378054,822492.html
Przidzie nom klikać.

[broneknotgeld]

Na św. Patryka

Czy skiż Patryka
trza zimie zmykać?

[broneknotgeld]

Na wyspa św. Patryka
Rajzujom niy yno rzykać.

[broneknotgeld]

Wroca na wyspa co szmaragdowo
Se wandrusowi niy yno zdowo.

Dublin

[broneknotgeld]

17 marca

W dziyń Patryka tukej wielgachno parada
Dublin łoszaleje - to niy ma przesada
Bo lubiom sie bawić na wyspie zielony
Kaj tyż w taki kolor patron łobleczony.



Rosanne Davison

Cera łod de Burgha parada łotworzy
Szkoda że w Dublinie mie wtedy niy bydzie
Jyj tytuł Miss Świata tyż coś tukej woży
Możno jednak we śnie frela do mie przidzie.

[broneknotgeld]

"Brazen Head"

"Mesingowo gowa" - pub nojstarszy tukej
W Dublinie "Temple Bar" - tam ty knajpy szukej
Piwa poszło wiela - loli rok za rokym
Jak te lata zliczysz - siedymset ze hokym.

[broneknotgeld]

Przi Joannie bych bez trymy
Ło Dublinie szkryfloł rymy.
ludzie.gazeta.pl/dzoaann/0,0.html

[broneknotgeld]

Dublin

Miastym pisorzy bywo dyć zwany
Swift, Godlsmith, Stoker dyć jymu dany
Joyce oi O'Casey tukej tworzyli
A jeszcze inksi tyż przeca byli.

Trim

[broneknotgeld]

Zamek

Nojstarszy zamek anglo-normanow
Stanoł tu - stoji tyż dzisioj
Po prowdzie yno to wiela ścianow
Ruina - tako żech słyszoł.


Wyścigi

Ciekawe tukej wyścigi konne
W kerych rajtujom siostry zakonne.

Cork

[broneknotgeld]

Wele Corku

Wele tego miasta zamek Blarney stoji
Na mury tam wylyźć sie żodyn niy boji
By kusiol dać berdze - jak chce wiela godać
Ze synsym - to musza terozki tyż dodać.

Kilkenny

[broneknotgeld]

Browar

Browar we Kilkenny warzy piwo zocne
A miasto knajpami tyż richtig jest mocne.

Killarney

[broneknotgeld]

Hrabstwo Kerry

Połedniowo-zachodni wyspy kawalontek
Werci se zoglondnońć we ciekawy kontek.

[ola_patrzala]

Jak już mowa o Killarney to tam nie tylko park ale dużo więcej. Ja jak byłam to sporo sobie zwiedziłam :).
Co wywołało niejakie zdziwienie bo do Irlandii do wszyscy do roboty a nie do zwiedzania.
Ale jest co robic zreszta jak widać:
www.odyseusze.pl/wspomnienia-z-podrozy/killarney-na-dachu-irlandii/
O.

[broneknotgeld]

Toż gratuluja, gratuluja.

Carrickfergus

[broneknotgeld]

Carrickfergus

Łod Belfastu ku połnocy
Lecom rudzian ponoć łocy
Grod partnerski tam znojdziecie
Coś dowiedzieć ło niym chcecie?

[broneknotgeld]

Przi autobanie

Miasto-sypialnio przi autobanie
Tela spokopi kto tukej stanie
Znojdziecie nawet i puste hale
Gyszeft niy kwitnie w nich teroz wcale
A przeca piyrwyj - sie niy wydowo
Ambicjo mieli tu - przemysłowo.

Islandia

[broneknotgeld]

Islandio

Kurde - to przeca richtig daleko
Ziymia gejzerow tyż na nos czeko
Zdo mi sie w piykne sagi bogato
Dyć niy godejcie że jest sagato.

[broneknotgeld]

"Thule" IV w.p.n.e.

Grecki zyjman ze Massali
Trefioł wtedy prawie tukej
Szczyńściym że niy płynoł dali
No bo jako potym szukej?

[broneknotgeld]

Pyteasz

Co Pyteasz ło tym prawioł?
Przeca krotko tukej bawioł.

[broneknotgeld]

Thule (VI-VII w.n.e.)

Mnichow iryjskich pustelnio tako
Tukej niyjedyn ze nich zapłako.

[broneknotgeld]

Islandzke trolle

Dyć już przed ludzmi trolle tu żyły
Możno se piyrwyj w gorach niy kryły
Choć łod nos wiynksze tako mocniejsze
Dlo nich niyherske czasy dzisiejsze

Ano - ze trolli ciyngym pogany
Dzwon dlo nich jako we uszach rany
Z psalmow pieronym fest boli głowa
Krziż zaś udrynkom zowdy łod nowa

Przez tysionclecia trzimiom se ćmoka
Słonko ze stwora robi boroka
W promiyniach przeca łon kamiynieje
Żywych niy spotkosz jak prawie dnieje

Chocioż tu żyjom stroniom łod ludzi
Spać idom kedy człowiek se budzi
Lepi niy szukej tych trolli tako
Cobyś skiż tego gorzko niy płakoł.

[broneknotgeld]

Do Islandji

Lodowce, gejzery i lawa
Ponboczek mioł tukej zabawa?
Dyć ciyngym tyż czynne wulkany
Czy kery cie zbudzi nad ranym?

[broneknotgeld]

Bonkawa z gejzera

Z gejzera woda
Zaloć niy szkoda
Jako smakuje
som pokosztujesz.

[broneknotgeld]

Żyje z morza

Ano - Islandczyk ze morza żyje
To kożdy wandrus drapko łodkryje.

[broneknotgeld]

Borgafiord

Islandzkim cudym tyn fiord se zdowo
Choć stond wyjedziesz w łoczach durś stowo.

[broneknotgeld]

140 wulkanow

Toz na ty wyspie tala zrachujesz
Niyjedyn czynny - pewno to czujesz.

[broneknotgeld]

Jasnomodro Laguna

W wulkaniczny lawie modrzy se jeziorko
Bych tam gnaty wygrzoł bo woda chnet gorko.

[broneknotgeld]

Na Islandji

Czy trzista tysiyncy dusz tu zrachujecie?
Tak czy siak niywiela w tym "islandzkim świecie".

[broneknotgeld]

W Reykjaviku

Ano - we stolicy ludzi jest za tela
Dyć kaj ińdzi pusto zdowo sie ta sztela.

[broneknotgeld]

Sztrom

Sztrom ze wody, z ziymi majom
Niy ze wonglo - dyć niy bajom
Wiela trza im zowdy styknie
Niy brakuje - tako piyknie.

[broneknotgeld]

Abo, abo

Abo lodowce, abo wulkany
Muster Islandji takowy dany
Czy rzeki lawy? Czy lodu czopy?
Kery natura tako spokopi?

[broneknotgeld]

Jynzyk Wikingow

Jynzyk Wikingow ciyngym tu żywy
Ponoć Islandczyk ze tym szczyńśliwy.

[broneknotgeld]

20 mln lot Islandji

Ano - ta wyspa richtig jest modo
Niy darmo ziymia durś ło tym godo
Niy darmo czynnych wulkanow tela
Dlo geologow - smarkato sztela.

[broneknotgeld]

Dwie platy

Dwie platy Ziymi sie łobijajom
Szpary dwa cynty za rok dowajom
Dyć przeca wcale niy skiż zabawy
Ze tego ciśnie sie wiela lawy
Stond ta Islandjo z jeji dziwami
Kej niy wierzycie kuknijcie sami.

[broneknotgeld]

Ćwierć wyspy

Ćwierć wyspy richtig ciyngym wulkanym
Gurt jakby szteli na wieki dany
Dre jom z połednia na połnoc prawie
Dyć rośnie dziynki ze Ziymi lawie.

[broneknotgeld]

Fiordy Wschodnie i Zachodnie

Fiordy Wschodnie i Zachodnie
Tu nojstarsze som bazalty
Wyglondajom bardzi godnie
Dyć i tak dość świyże "karty".

[broneknotgeld]

Siwe bazalty

Siwe bazalty - już lodowcowe
Dyć łocieplynia sie cisły nowe
Łonki eriki na nich znojdziecie
Kej sie na wyspa ta wybierecie.

[broneknotgeld]

Palagonit

Z łostatnim lodowcym te skały dopiyro
Dyć se dzisioj kożdy tu na nie zaziyro
Kej piyrwyj wulkany przez lod przebić chciały
Widać co żywioły dwa tu mocowały.

[broneknotgeld]

Nojmodsze skały

Nojmodsze skały kaj grzmiom wulkany
Dyć niy dziwota kej lejom lawa
Tref ty Islandji już taki dany
Czynsto utropa, a niy zabawa.

[broneknotgeld]

Co piyńć rokow

Co piyńć rokow tu utropa
Tak niyj wiyncyj - dyć spokopia
Wulkan ciyngym Ziymia grzeje
To Islandji tyż som dzieje.

[broneknotgeld]

Hekla 1991

Ano - Hekla wybuchnyła
Tym wandrusow prziciongnyła
Wiela sie jyj dziwowali
Niy stropiyła - wychwolali.

Reykjavik

[broneknotgeld]

W Reykjaviku

Ano - we stolicy ludzi jest za tela
Dyć kaj ińdzi pusto zdowo sie ta sztela.

[broneknotgeld]

Do wspołpracy fraszkom prosza
Tako "credo" swoje głosza
Co? -Że inksi niy szkryflajom?
-Toż przinojmni poczytajom.

[broneknotgeld]

Zowdy byli my w Europie
Nawet jak joch był na kropie.

Francja... wybrała...

[luna-a]

Francja dzisiaj wybierała-
rządzić Kobiecie nie dała.

[broneknotgeld]

Jo bych wybroł frela
Szkryfna yno tela.

[broneknotgeld]

Mie niyjedna rajza kusi
Dyć robota ciyngym dusi

[niegrzeczna_czarna]

Czy to w Azji czy w Europie
Każdy sobie dołek kopie:)

[broneknotgeld]

Kozdy kopie zdo sie wiela
Tako karlus jako frela.

[broneknotgeld]

Zagranica, zagranica
Jako chca se tako klyca.

[broneknotgeld]

Idzie "Wiosna Ślonski Godki"
Czas nerwowy choć tyż słodki.

[broneknotgeld]

Latoś tyż już jest
Toż raduje fest.

Gruzja

[broneknotgeld]

Gruzjo

Kaukaz ze morzym zdo sie kuplować
Toż potrza tymu richtig dziwować.

[broneknotgeld]

Winym słynie

Ano - Gruzjo winym słynie
Niy brakuje w ty dziedzinie
Winnic zocnych, słonka wiela
Żeś rod kej łodwiedzisz sztela.

[broneknotgeld]

We Europie?

Trocha ze tym mom mecyji
We Europie czy Azyji?
Tukej coś ło Gruzji skleca
Kaukaz jest granicom przeca.

[broneknotgeld]

Lari

ło rubelkach przepomnieli
Lari - taki piniondz chcieli.

[broneknotgeld]

Kazbek - 5047 m n.p.m.

W Gruzji wiynkszy gory przeca niy znojdziecie
Mie tych metrow styknie - czy wy wiyncy chcecie?

[broneknotgeld]

Możno ze Rosyjom dać by sztimowało
forum.gazeta.pl/forum/w,28940,57854635,57978160,Rosja.html
Dyć se ło tym piyrwyj cosik przepomniało.

[broneknotgeld]

Gruzińsko fana

Gruzińsko fana - bioło z krziżami
Na piyńć rachuja - dyć wiycie sami
Krziże przi tymu cołkym czerwone
Jedyn fest epny, sztyry zmyńszone.

Tbilisi

[broneknotgeld]

Tbilisi

Stolicom Gruzji zdo sie łod zowdy
Lot tysionc piyńćset z hokym - naprowdy.

[broneknotgeld]

Twierdza Narikała

Ciyngym czuwała tu nad stolicom
Dziwej sie dzisioj tym jeji licom
Kejś w Tbilisi trza na nie kukać
Stoji wysoko - niy musisz szukać.

Batumi

[broneknotgeld]

Batumi

W dziewiytnostym wieku już kurort boł w zocy
Kej dzisioj tam kukniesz fest napasiesz łoczy.

[broneknotgeld]

Delfinarium w Batumi

Ech, delfiny cie zochwycom
A dziecioki aże kwiczom
Kej wysoko fest skokajom
Zdo sie - w niebo pofurgajom.

[broneknotgeld]

Plaża Batumi

ło kamyniach jo niy marza
Dyć kaj morze tam i plaża
Jeszcze słonko, ciepło woda
Yno piosku trocha szkoda.

[broneknotgeld]

Dyć czego chcecie?
Sie piyknie plecie.
wiadomosci.gazeta.pl/wiadomosci/1,114871,13607990,Dziadek_Angeli_Merkel_byl_w_armii_Hallera__Walczyl.html