Balkan

[madohora]

[madohora]

"Spełniom Twoje życzynie
i "Balkan" pojawio sie na scynie."
I to mi sie bardzo "podoba"
Bo na punkcie "Balkanu" mom zajoba:

„Balkan”

Jeździł „Balkan” po Nikiszu
Mało kto dziś o Nim słyszoł
Na Giszowcu broł początek
Jeździł co dziyń, świątek, piątek
Kurs mioł nawet i w sobota
Bo na Grubie jest robota
Woził ludzi do Kościołow
Kiedy dzwon na suma wołoł
Woził łojców, synów, matki
I we wozkach małe dziatki
Urzyndniki niy gardzili
I tyż dupa nim wozili.
Do Szopynic, w drugo strona
Ze starzykiem jakoś oma.
Mioł wagonow aż dwanoście
„Grubo Zośka” na pomoście
A ciangnyła go maszynka
Bo po wonskich jeździł szynkach.
I nie było nigdy nyndzy,
Bo łon woził bez piniedzy.
Ławki w środku były z drzewa
Bo nom wygód tu nie trzeba
Potym przyszły „urzędasy”
Powiedzieli – „Inne czasy”
Szast, prast i do likwidacji
Smutno było przy kolacji.
Jak dojechoł do zwrotnicy
Dostoł zawał „motorniczy”
I chop zeszedł z tego świata
Tak się stało w tamte lata.
Starsi jeszcze pamiętają
Ale młodzi w d…majom
Stojom dzisioj dwa wagony
Rekonstrukcjo – jako pomnik.
Pomalowany był cołki na zielno
Kto nie wierzy niych się przekono.
I przyjedzie do Nikisza
A nad maszynistom cisza…..



A tym co niy wiedzom ło co chodzi to na Forum Nikisza podaja tyż
trocha prawdziwy historii
-

[broneknotgeld]

Ech, se człowiek zbudzioł z rana
I niy było już "Balkana".

[madohora]

broneknotgeld napisał:

> Ech, se człowiek zbudzioł z rana
> I niy było już "Balkana".

I "Balkana" już ni ma i niy było
Bo sie pora "tych na wiyrchu" uwziyło

[broneknotgeld]

Kto "na wiyrchu" czynsto mały
Ze tym drapko pogupiały.

[broneknotgeld]

"Balman" niy wroci - a Madohora?
Nic tu niy szkryfła chyba łod wczora.

[madohora]

Madohora niy pisała
Bo w niydziela chyba spała
Prowda tako na tym świecie
Przez świynta niy grzebie w niecie

[broneknotgeld]

"Balkan"

Czy taki geld znocie?
W portmaneju mocie?

[broneknotgeld]

Medytowoł żech ze rana
Mono trefia na "balkana".

[broneknotgeld]

Niy trefioł żech - szkoda
Na "balkana" moda.

[broneknotgeld]

Kej moda to piyknie
Chyńci zowdy styknie.