Somsiedzi z ulicy Dworcowej (Bahnhoftrasse)

[herbjelita]

Łabądy, Bahnhofstr. i jego mieszkańcy zaraz po wojnie. nazwiska
wielomówiące:
Kulas, Kasztan, Golba, Sapik, Siendzielosz, Grichtol, Komander, Lukaszczyk,
Ochudlo, Galonska, Fleger, Wyleżoł, Kszonkala, Franosz, Czekala, Kias,
Szukala, Orantek, Musiol, Kotlosz, Jagła, Kosytorz, Szlosarek, Rasek, Weps,
Hajduk, Wladasz, Mainusz, Wilke, Nalepa, Szyndera, Latocha, Wyleżou, Wydra,
Siedlaczek, Sobczyk, Szewczyk, Pisarek, Hein, Krupa, Poloczek, Szwaczyna,
Jankowski, Biyniek.
Co wiem to jedna rodzina była za polskom, zaś wszystkie godauy po
niemiecku i po ślunsku. Po polsku zoudyn niy umiou.
Powyższe nazwiska to czysto czeskie nazwiska. wydaje mi się , że ludzim
naszym nadawano nazwiska w tym czasie jak Sląsk należou do Czechów.

[szwager_z_laband]

temat wiyncyj do mojyj mamy jak do mie:)

ale sprobuja - Orantki miyszkali Zakanuym kole koscioua i wadziyi
sie o "miedza" ze farozym ;) - jedyn grob je ale na fridhofie ze
sw.Jerzego ze przodu po lewyj

Wylezou - jedyn bou ze Laband i strugou w drzewie na Anabergu;) -
juz tysz swiyntyj pamiynci, ale udauo mu sie nawet byc we TV i inter-
necu!

Nalepy - jednego znouech co miyszkou we tych nowych blokach kole
banhofu.

Wydra - znane miano ze geszichty Laband, ale do mie i ze Sikornika i
ze liceum we Laband(a tera tysz w Niymcach)

[szwager_z_laband]

dalyj pod huta znouech jeszcze Mrozkow

byli tysz Zuotosie, Sikory. Goll ...

[szwager_z_laband]

za bajtla bouech roz na tym krojcungu kole mostu i fryzjera
, w tym mauym domku kaj ta rzeczka puynoua, u tych ludzi - ale juz
niypamiyntom jak sie mianowali(?)

[szwager_z_laband]

staro Musiouka mi sie tysz pszipomino - cos miaua spolnego ze
Gonskami kole Biygaja - abo?

[berncik]

Nie szwager to nie boua Musiouka to boua Szukalino oni wszyjscy mieszkali
najpierw we tyj samej chupie

[szwager_z_laband]

wy zescie oba sam som starsze to musza wiyncyj suchac jak godac:)

[berncik]

Biniek mieszkou nojpierw naBahnhofstrasie a potym se przekludzieli na Altlaband
mieszkali za cmentorzym kole cygelni,a Wylerzoow bouo wiency .Tyn co strugou
jeszcze jedyn Franciszkon potym Gwardianem na Annabergu (Ojciec
Teofil).Krawczyki nie wiam czi napisou potem jeszcze jedni Wylezouy naprzeciwko
Albatrosa tam bolo dwuch chopcow i jedna dzioucha,wszyscy wyjechali do Reichu.

[szwager_z_laband]

tyn wontek se ostowia ekstra jak bydzie u mie moja mama i moja
tesciowo:)

Krawczyk uazioua ze mojom do jednyj klasy we liceum we Laband:)

[szwager_z_laband]

jedyn Weps uaziou symnom do podstawowki(32)

[szwager_z_laband]

Hajduki tysz miyszkajom sam kaj jo:)

[herbjelita]

Hajduki mieszkali niedaleko rynku za kapliczkom. Bouo ich dwoch braci i
meli konie.

[szwager_z_laband]

swiat je mauy:)

[berncik]

Poznac stare labandery se spotkali pieronske klachule

[szwager_z_laband]

:)

[herbjelita]

Jedyn Krawczyk tyż bou na Annabergu a jego bracia bouy farożoa, bouo ich
tam wiyncy w rodzinie.

[szwager_z_laband]

wia:)

moja mama ich zno - niydowno my sam o nich spominali skuli
szlyzjertrefu:)

a znosz Wrobli?

[berncik]

herbjelita napisał:

> Jedyn Krawczyk tyż bou na Annabergu a jego bracia bouy farożoa, bouo ich
> tam wiyncy w rodzinie.

Dwoch Krawczykow chodziouo zemnom do szkouy jedyn bou Georg tyz zostou farozym i
dzioucha

[sloneczko1]

herbjelita napisał:

> Jedyn Krawczyk tyż bou na Annabergu a jego bracia bouy farożoa, bouo ich
> tam wiyncy w rodzinie.


z tego co wiym to oni sie tam wszyjscy piszom przez F a niy przez W

no,chyba,że niykerym z nich te miano zmiyniyli

[herbjelita]

Jo ino wymieniou ludzi z Bahnhofstrassy. Zapomniou ech jszcze Kotlosz,
Bradel, Krawczyk, Wieczorek. Zaś Zlotoś, Sikora, Wolny, Lepiarczyk, Bles,
Grölich, Pawletko, Janota uazili ze mnom do szkouy Nr: 2.

[szwager_z_laband]

Pawletki zech niydowno trefiou na festynie we sw Jerzym

Blessow znom ze Rudziynca

Wolniczka miyszkaua niydaleko nos krojcung Zieliskego i Rozanyj

Janota miou fura i woziu wyngel usw:)

[herbjelita]

Na rynku mieszkali Mrozki, tyż mieli konia, zaś u Kuberka mieszkou jedyn
woźnica - Bużyński, miou czornego konia.

[herbjelita]

Zapomniu ech o Szlosarku, tyż mieli konia i mieszkali przy szkole.

[szwager_z_laband]

Buzynske tysz potym miyszkali pod stadionym - Mrozkow znouech
dobrze, bo tyn brat od tego kole huty miyszkou kole mie i odniego
synek to bou moj najlepszy kolega:)

[herbjelita]

Zoudyn z wos nie chyciou tego tymatu co do klangu tych nazwisk. Jo wiym,
że to slonskie, feine nazwiska, ale skond uone pochodzom?.
Schwager, ty byś musiou cos wiedzieć.

[szwager_z_laband]

no ja, niydo sie ukryc ze wiela mianow ze kole nos mo
morawske/czeske ale i niymiecke i mauopolske pochodzynie - ale tak
sie skuado ze mocka z nich je ajnfach typowo do Gornego Slonska:)

[szwager_z_laband]

Bles(s) to wia np ze psziszli ale ze Poudniowego Tyrolu na Slonsk

[herbjelita]

Jo mieniom tych Blasow, co w tym mauym sidlungu wele zakladow
mechanicznych mieli domek. Nic nie wiam, że uoni ze Sued Tirolu mieli
pochodzić.

[szwager_z_laband]

jo tysz miouech niy ich na mysli ino te miano:)

[herbjelita]

Pszipomino mi sie jeszcze staro Mainuszka, ta co wszysktko farożowi Liszce
klachaua. Boua tyż tako staro Frau Kulpa, potym Zorymbik, Krupa i Sobczyk.

[szwager_z_laband]

ze moich somsiadek to te stare pamiyntom Opaszewsko, Gross, Kloiska
(juz niypamiyntom jak sie gynau szkryflaua - to bouo kobiyta od tego
chopa co najpszod za Niymca a potym tysz we Polsce opiekowou sie
zielyncami itp)

[szwager_z_laband]

ach! zapomiouch bych!!

Kroker i Gruszka jeszcze!

:)

[herbjelita]

Firma Klois, to kawau historii w Labandach. Firma ta nie tylko
pielengnowaua Zieleńce, ale tysz zamiataua ulice. Wtedy jeszcze w
Labandach boua kultura, czysto i zadbano, Miouech niydawno bezuch z
Gliwic, znajome poloki z roboty. Poszli my spacjerowć a ta baba jenio
"jak tu czysto, jak tu zadbano" a jo pedziou na to - Musisz se wyobrazić,
że w Labandach przed wojnom tyż tak bouo. I to dzienki Firmie Klois.

[szwager_z_laband]

jo ta ouma pamiyntom dobrze - ona miyszkaua poytm we jednyj izbie we
miyszkaniu we kerym miyszkaua moja ciotka

ona po chopie sie znaua na dobrym i oszczyndnym dbaniu o puoty itp -
niy byda sam opisywou jak ta oumiczka o swoj ogrodek dbaua, ale mom
do dzisiej do niyj szacunek!

odniyj cera podobno we Monachiom miyszkaua zaro od powojny ...

[berncik]

herbjelita napisał:

> Pszipomino mi sie jeszcze staro Mainuszka, ta co wszysktko farożowi Liszce
> klachaua. Boua tyż tako staro Frau Kulpa, potym Zorymbik, Krupa i Sobczyk.


herbjelita :Tys cos pokeubasiou To nie boua Majnuszka :Majnuszka robioua dlo
Lewickego .a ta klachula co deptaua Liszce po pientach to boua GLOSZKA

[herbjelita]

Wiesz "Starość nie radość" coś mi sie popierdolouo. Mosz prowda - to boua
Frau Glosz, tako pizda pod krykom.

[sloneczko1]

herbjelita napisał:

> Wiesz "Starość nie radość" coś mi sie popierdolouo. Mosz prowda - to boua
> Frau Glosz, tako pizda pod krykom.

jak Ty sie wyrażosz o tyj babie?

[herbjelita]

Sloneczko jo cie pszproszom, jo wim, że tak sie nie godo.
My bajtle siedzieli w kosciele na pszodku a ta pierona za nami i z krykom
nos po uebie waloua. Ty bys tysz inaczyj uo niej nie godaua.

[ramon6]

a ty mousz jakous tyoryjou skond sie te miana snouduy?
Mie sie zdou, ze do Laband sie ludzie s couki uokolicy sleciauy.
Jou miou onkla, kery we 1920-tych s Kotulina do Laband na robota na
couki tydziyn jejzdziou.

[szwager_z_laband]

no ja, byli i som we Laband jeszcze stare/blank stare familie od
dziada pradziada!

ale jak Hermina postawiyli to sciongali np ludzi ze "Bobka" (Bobrek"
bo tam tysz bou zakuad siostrzany od Herminy - tak czynsc mojyj
familii sie we Laband znodua(staro Krzonka)

ciekawostka wom powia ze Hermina powstaua na dziauce od Nosolow!

[herbjelita]

Co mo bischaf Nosol do Laband?.
Wiem, że Hermina powstaua na miejscu starej kuźni. Zaś hermina to imie
maużonki pana Caro - zauożyciela firmy. Jo sie zakuodom, że tyn Dynkmal
pszy rynku to bou Caro. A że bou żydym, to go hitlery spszontli 1935-36.

[szwager_z_laband]

to ze Caro kupiou ziymia od Nosoli pod ta "Hermina"!

[herbjelita]

Ja, mosz prowie, bo Laband dopiero z tom industrializacjom sie tak
powienszouo, dużo ludzi przyjechauo skuli roboty. Znom nazwiska
mieszkańcow wiosek wele Sw. Anny i tam som uone podobne: Gola, Krancioch,
Pordzik, Smykala, Fornol, Kaptur, Pogodzik. Gorzel, Jokel, Urbanczyk,
Janda, Gasz i.t.p. Przeca to take czeske, nie?.

[annak12]

herbjelita napisał:

> Ja, mosz prowie, bo Laband dopiero z tom industrializacjom sie tak
> powienszouo, dużo ludzi przyjechauo skuli roboty. Znom nazwiska
> mieszkańcow wiosek wele Sw. Anny

Zy mnom łazioły do LO we Strzelcach Op. dziołchy ze
Lesnicy-Komander,Szwaczyny,do podstawowki w Ujeżdzie Szyndzielosz ze
Sieroniowic.Zresztom te nazwiska to we Ujezdzie ,poł moji familie:))

[herbjelita]

Ludzie na Slonsku podostowauy nazwiska kas w 14 - 15 wieku.
W tym to czasie Slask nalezou do Czechow. Mysla, ze potymu uone tak
po czesku dwienczom. Polske nazwiska to napewno nie som.
I jeszcze jedno - zouden z tych przez mie wymienionych nie bou
Polokiem. Wszystcy godali po naszymu i po niemiecku a Polska kas
boua bardzo daleko ale nie w ich guowach.

[herbjelita]

Schwager opisz genau kaj je Zieliskego i Rożannej, bo nic mie to nie godo.

[szwager_z_laband]

Zielinskego to je ta co idzie od Rozoanyj na osiedle w dou (tako
wyuozono czerwonymi cegowkami)

A Rozano to je ta co idzie os Strzelow Bytomskich richtunk stadion i
pszemiynio sie we Fioukowo

[szwager_z_laband]

wiysz kaj ewangeliki ze Laband mieli religia?

to tyn dom w kerym mieli te lekcje religii/i miyszkou tam odnich
koscielny Koziel, to bouo na Rozanyj!

[szwager_z_laband]

na Rozanyj miyszkou tysz Szolc i boua pszichodnia zdrowia

[berncik]

szwager_z_laband napisał:

> na Rozanyj miyszkou tysz Szolc i boua pszichodnia zdrowia


To tam kaj doktor Wolny mieszkou ,krotko po wojnie wyjechou .Jo se komplowou ze
jegochopcami jedyn nazywou se Wolfi atyn drugi Rolfi
To nie boue psy to byli chopcy a tam dali to miese zdo boua fortka do ogrodu od
Klojza

[szwager_z_laband]

gynau:)

niydowno pisouch se ze cerom od Wolniczki - miyszko kajs na Bajerach!

[berncik]

szwager:Som to te wolniki co mieszkali kole stary fary ze Jerzego?

[szwager_z_laband]

to ci odpedziec niy umia

ale wedug mie je ino jedna fara od Jerzego!

czymu godosz "styryj"?

[berncik]

szwager_z_laband napisał:

> to ci odpedziec niy umia
>
> ale wedug mie je ino jedna fara od Jerzego!
>
> czymu godosz "styryj"?

Ta fara w Jerzym je nowo pierwe farosz mieszkou Mitom jak es szou z
Bahnhofstrasse kole szkouy na Pyskowickotos wloz prosto na ta fara tam mieszkou
Liszka,a wolnik mieszkou obok i pytou zech se czi to ten

[szwager_z_laband]

tera rozumia - czuowiek sie durch uczy:)

znaczy ze kosciou jak postawiyli to fary niy bouo i farorz miyszkou
u ludzi - mogesz mi podpedziec kaj je Pyskowicko?, bo tera jo
niykojaza:)

ps

[szwager_z_laband]

sam momy pomoc:)

www.emiasto.org/plan_mapa245057_dworzec_pkp_gliwice_labedy_glowna_gliwice.html

[herbjelita]

Ta staro plebania boua w takim srogim, jednopientrowym szarym domie
na ul. Strzelcow Bytomskich, prawie ze na wylocie ul. Naukowskiej.
Obok niego stoi dom jednorodzinny uod Wolnego.

[szwager_z_laband]

tera juz wia - dziynki za info!

:)

[berncik]

Ftos tu napisou ze "Neu Laband" bou schmelztygel roznych ludzi ktorych
sprowadzioua Industralizacjo do Laband ze roznych stron,napewno tyz ze czechow
,bo to bouo wtwdy jak se nie myla pod Mariom Teresom.To Pepiki i tak byli w
doma.tera pytanie jak se nazywali te ludzie ,Gospodorze
Zagelniorze we Alt Laband.Jo znou ino Masorza Marondel i bauera Morits.Moja Oma
mieszkaua na przeciwko tego spozywczego,ale jak sie nazywali nie pamientom.

[herbjelita]

To by musiou byc Szendzielosz.

[szwager_z_laband]

na pszeciw spozywczego to miyszkaua tysz siostra od mojyj oumy!

miana ze Zakanau to jeszcze np:

Ritau
Pospiech
Janota
Malajka(farorz - niywia juz eli to sie tak szkryflauo)
Krzon
Czok
Kalymbasa
Labus

kurde, jo te miana musza se pszipomniec, bo pszeca jo je wszyske
znou - ale podpowiadejcie!

ps

[szwager_z_laband]

w tym domu napszeciw spozywczego(to je tyn ze tom bramom za kerom je
plac i w kouko domy, tam tera miyszko ino jedna kobiyta w coukim tym
placu(domu)!

to je onyjglich!

ps

to je moja tanty:)

[szwager_z_laband]

dalyj bouy

Winkler
Dudek(stary kawaler co miyszkou z pieronym mondrom kawkom)
Powala
Orlowski

ps

kaj je Bonbon?, dyc on tysz je z tyj eki = downo go sam niy bouo!

[szwager_z_laband]

Orantek - te zaro za kosciouym!

[szwager_z_laband]

dalyj jeszcze

Tomala

Welczek;)

Wrazidlo

a sam bez cufal cos co znoduech we necu:

forum.genealogy.net/forum/index.php?page=Thread&threadID=25700

[szwager_z_laband]

Dobiosz

Smykala

[szwager_z_laband]

Morawiec

Krafczyk

Janocha

Marszalek(chyba niy pszekrynciouech tego miana?)

niyma zech zicher

Bsron i Osmenda

[szwager_z_laband]

miauo byc "Baron"

[herbjelita]

Hej Schwager! Zrub tak jak jo, wes kartka i pospisej po kolei wszytkie
miona. Wtedy te szare komurki sie uobudzom i idzie uo wiela lepiyj.
Z tom haupom z takom bramom i zamkniyntym placem "Atrium" to mosz recht,
ale nzywywali sie ci ludzie Szyndzielosz?

[bonbon1]

obecny :)

Kubanek (koscielny w starym kosciele), Mruk, Gmyrczyk, Pieczyk,
Pardylla, Krafczyk, Kubica, Kozubek, Malik, Brym, Seidel,
Wieczorek...
to tak "ad hoc"

[bratjakuba]

bonbon1 napisał:

> obecny :)
>
> Kubanek (koscielny w starym kosciele), Mruk, Gmyrczyk, Pieczyk,
> Pardylla, Krafczyk, Kubica, Kozubek, Malik, Brym, Seidel,
> Wieczorek...
> to tak "ad hoc"
---------------------------------------------------------------
Pieronisz! Same Czechy w tym Laband jak sam ktoś napisoł.

[berncik]

szwager_z_laband napisał:

> w tym domu napszeciw spozywczego(to je tyn ze tom bramom za kerom je
> plac i w kouko domy, tam tera miyszko ino jedna kobiyta w coukim tym
> placu(domu)!
>
> to je onyjglich!
>
> ps
>
> to je moja tanty:)


We tym domu mieszkala moja Oma ze tym placym co tam mieszko Twoja ciotka.Tys
napisou Pospiech i jo se Przipomniou ze moja Oma mieszkaua u Frau Pospiech,to
bouy lata 45-50 te.i to juz boua starsz omeczka.Szwager mozno wiesz cos ta Frau
Pospiech chodzioua do
stolarni kole Smacznego ,mozno to boua jakos Ferwandschaft,Pamientom bo ona mie
zawsze przinosioua ze ty stolarni klocki take obrzinki, jo se tym bawiou.

[herbjelita]

A czymu jo mysla, że to byli Szyndzielorze?

[berncik]

herbjelita napisał:

> A czymu jo mysla, że to byli Szyndzielorze?


Szyndzielorz mie se zdou bou Bauer.