Jutro jada do Laband

[herbjelita]

Jutro wybierom se Transporterem do Labond. Musza cos zawiesc i nazot
prziwiesc. Biera ze sobom Kamera, by tam nasza ul. Dworcowo (Glowno)
i stan tych robot sfotografowac. Suyszou ech, ze bouy take plany
trasom starego kanau poprowadzic droga szybkego ruchu z Gliwic do
zakladow Bumar. Jak tera abo remontujom ta ulica to te plany
wyciepli na chasiok.

[szwager_z_laband]

no to zech je ciekawy co tam Twoje oko uwidzi i ta kamera knipsnie -
galeria czeko!

:)

i pozdrow kozdy kizlok we Laband!

[herbjelita]

W ty ale je jedyn gwozdz. Jo nie wiem genau jak uadowac tam te
zdjencia.

[szwager_z_laband]

bydziesz nazod to to zrobiymy

[herbjelita]

"OK"

[szwager_z_laband]

www.24gliwice.pl/wiadomosci/?p=19887

[annak12]

Sam hice se zaczły,przi ty klarze za wiela se łazić niy do.Tysz ech ciekawo jak
Glywice odnejdziecie?

[berncik]

To Pozdrow Tych starach Labanderow,Tysz zech je ciekawy na te fotki
i jako to tam zrobieli.

Euro

[szwager_z_laband]

zuotek slatuje - poczekej jeszcze dwa dni a bydziesz wiyncyj z tego
mozno miou;)

[ballest]

No to zyczam fajnych feriow !
I fajnych Bildow

[herbjelita]

Anich uo tym nie wiedziou, a widzisz jo tam musza za jakes 10.000,00 zl
toworu nakupic, To sie bydzie uopuoucauo. Zas bydzie na "kwaterka".
Jak se tam jedzie to cza piwo gorzoukom zapijac. Jo tak nie je za tym.
Jo se tak flaszeczka wina czyrwonego, nieroz i dwa - bo smakuje.

[sloneczko1]

bezpieczny drogi życza:)

[herbjelita]

Dzienkuja, ale jak to godajom: Hachora ani zły duch nie chce.

[szwager_z_laband]

no to pora typow na zakupy do dom:

- kup se tzw "szynka ze listkym" - to je u tego masorza na
Zwyciynstwa(jak idziesz od banhofu to po lewyj stronie)

[ballest]

To je naprzeciwko McDonalda, na Wilder Klodnitz!
Niedaleko Theatru!

[szwager_z_laband]

gynau

dziynki:)

[herbjelita]

Tysz dzienkuja. Ja - keby to tyn Teater uodbudowali bych se bardzi
cieszou - 60 lot i nic. Suyszou ech, ze powstou w Gliwicach taki
komitat odbudowy teatru.

[herbjelita]

Szwager, dzienkuja ci za te typy. To bardzo fajnie z twojej strony.
Wurszt ja, ale z tymi kosmetykami to ci powia w tajemnicy, ze jo mom
glaca.
Jeszcze roz dzienki.

[alladyn15]

Ty se ale synek sfotografuj przistanek PKS we Laband,bo to jest
koncowy punkt docierania tam cywilizacji!

[berncik]

Dzisiej ja 1€= 4,15zl.Poczekosz jeszcze dwa dni-dostaniesz wiency.
Zlotek leci.

[anton_28]

Kule, Herbjelita, doczkej na mie !!!! jo jusz je wele Kölnu na
Rheinie - niydugo dopuyna :)))

[socer-schlesier]

anton_28 napisał:

> Kule, Herbjelita, doczkej na mie !!!! jo jusz je wele Kölnu na
> Rheinie - niydugo dopuyna :)))
-----------------------------------

anton dopiyro co zes na "ambonie" siedziol? Rozumia ze teraz te zdobycze (dziki,sarny,zajonce do dom "woczysz" statkym bo transport najtanszy?

[szwager_z_laband]

coscie to ambona wytargali ze koscioua i chcecie na niy puynonc?

wy lepiyj jak w tyj geszichcie ze karytom od Sobieskego spodle
Wiednia - onymu z tyj karyty ambona we kosciele zrobiyli, a wy ze
ambony barka robicie - no a niy zapomnijcie we kozdyj wsi podrodze o
kazanie!

:)

[berncik]

herbjelita jest napewno juz w doma.anton jak bydziesz na Mittellandkanal ze tom
ambonom to doskocza , dosz jako Hirschkojla
za to przeszmuglujam Ci przez schlojza we Minden.

[anton_28]

Entdeckung des Jahres!!!

Szwager zdobou zuoty medal !!! DZIYNKI WIELKE! !!

Tera jusz wiym co wezna jak byda puynoou do Laband - PYWAJOONCO
AMBOONA !!!! :)

Same Vorteile: mogesz se zaczimac i uobserwowac zwierzynta, abo 100
metroow dali popuynonc jak tam co bydzie widac - ansonsten mosz dach
nad gowoom i voll platzu :) A w Laband wyharmiesz ambona na brzyg, i
ustowisz na uoonce wele lasa

Super idyja - Berncik, zaroski byda na Mittellandkanal :)

[szwager_z_laband]

to jak bydziecie na tyj szlojze we Minden to pozdrowcie tam starych
Labanderow!

tam miyszko mocka ludzi ze Laband i Pyskowic!

[herbjelita]

Anton jak chcesz te fotki z Laband widziec to idz na tymat do szwagra z
Laband i tam na drugim linku som moje fotki.
Pozdrowienia z Laband

[herbjelita]

fotoforum.gazeta.pl/albumy/herbjelita.html

[anton_28]

Kule jak widza te zdjyncia to zaroski Heimweh dostowom !!!

Besonders jak moja staro szkoua driny widza :) Übrigens, jak Tyjs
tam rein wlos??

Fest se zmiyniouo, ale mury te same!!

A Rynek? prawie bych niy poznou !!

[anton_28]

bes tyn wielki dach ze szkouy to my se po uobu stroonach stowali i
ciepali tennisballym, kasztanoma abo kizlokoma wto bes dach
pszeciepnie !!!

[anton_28]

Dziynki wielke!! Zaroski tam wejrzam!

A jak tam nasz Gleiwitzer Kanal???? woda spujsciyli?

[anton_28]

Jake to tera wszysko maue!! te schoodki, dzwiyrza... Kedyjs to bouo
riesengroß!! niyros se na rzici po gelyndrze sjyzdzauo :)

Jak jo pamiyntom to na tych scianach az nawiyrch wdycko tabule
wisiauy - ze bildoma uod absolvyntoow - tera hyba to na spermüll
wyczajsli :)

Musza se kedyjs tysz do szkouy wybrac, pospominac ;)

[anton_28]

a ta sciana pamiyntom, sam my musieli wdycko stoc na appell !!
Uostomajte towarzysze ze Herminy wdycko beblauy a my bajtle musieli
po rusku spiywac (ohne mich!)

Za moich czasoow za tom scianom boua klasa uod ruskygo !!!

[anton_28]

a tych automatoow to wcale niy bouo!! yno zeitweise sklep na
piyrszym stocku, abo bez zima gorke mlyko abo tyj na samym wiyrchu

Jedne co jusz niy pamiyntom to jake klasy bouy na wiyrchu...

na dole bou ruski, gyszichta, gorol, sport, klasa specjalnou tako
hoby hilfka, no i wojznou i szatnia i pywnica uod Tarzana.

a na wiyrchu...??

Mie se zdo: Bio, Mathe, Musik, Erdkunde, dochtorka, dali niywia