Slonsko Kamasutra

[szwager_z_laband]

Kniga I

Jak lipsta mo sie obrocic kole szaca.


Tosz kozdy narod mo swoja kamasutra a Slonzoki tysz. Piyrszo kniga naszyj slonskyj kamasutro godo tak:

Jak zes juz aze za tela na wydaniu, i papa z mamom juz na cia paczec w doma wiyncyj niy poradzom, no to je zes juz tak daleko!
Ta kniga ci pokoze jak mosz sie za to wzionc a jak niy.

No tosz najpszod musisz se pora rzeczow pokupowac:

- blank maszkytny bistynhalter
- jeszcze maszkytniejsze batki
- klajd co sie gibko seblyko
- szczewiki mogom byc bylejake ale muszom byc wypucowane na glanc
- halka ino jak je niymnonco i pieronym drogo
- fajnie sie poczesej, ale tak coby wosy sie gibko niy motlauy

Teroski mogesz isc na hyjt! Znaczy musisz se to wszysko oblyc co sam na wiyrchu stoi i ponsc na odpust. Na odpuscie(nojlepiyj pod Anabergym abo w Piekarach) mosz sie oglondac za kawalyrami co wyglondajom tak:

- wela mo prosto od fryzjera, je ogolony i wonio na woda kolonsko
- galoty od ancuga mo na kanta wybiglowane
- wyglondo na pakera
- niy godo po gorolsku
- smigo ci oczko ino jak zodyn to niy widzi
- fajny moge byc ale niy musi!
- niy moge miec bindra abo fligi, bo te co to majom to som zawalate we szlafcimrze
- mo ruby portmanyj i dopozondku wypucowane szczewiki
- na wiyrchu mo obleczono koszula pod kerom widac podkoszulka i muskle

Jak juz takego uwidzisz to musisz sie kole niego kryncic i fajnie sie do niego smioc, ale niy za fajnie bo se pomysli ze mosz ptoka! Jak to szafniesz to juz on je prawie twoj. Tera musisz go ino nakusic coby ci kupiou wata na patyku abo cos inkszego do maszkycynia - makrony niy bo sie klejom do zymbow !
Jak juz to bydziesz miaua to mogesz mu padac ze je fest a fest gryfny(szykowny) i ze moge Cie chycic za rynka.
Tak daleko zescie tera juz som i niy musicie sie boc ze to je zgorszynie. Dalyj co mo tako lipsta robic to juz bydzie obgodane we tym rozdziale co pokozuje jak sie dowo obacht coby niy zrobic bajtla.

Pyrsk!

[bratjakuba]

Dlo mie tako co mo oblyczono halka to już je Hawajka.
Porzondno,ślonsko dzioucha i to na cołkim Ślonsku pod kiecka oblyko unterok.

[szwager_z_laband]

tak bouo kedys, dzisiej juz niywia eli by kozdo wiedziaua o czym godosz;)

[szwager_z_laband]

Kniga II

Jak szac i lipsta majom dowac obacht coby niy bouo z tego wszyskego zaroski bajtlow.


Jak zescie juz som dak daleko to tera musicie sie niy wyzdradzic z tym. Znaczy on jom mo czimac ino za rynka, a jak som same to ona moge mu pozwolic coby jyj dou kusika.

Kusika ona moge se pozwolic dowac na poczontku ino niykedy i ino jak je zes zicher ize nic z tego niy bydzie wiyncyj, a juz blank niy moge to byc zgorszynie.
To je najtrudniejsze we knidze II i to musicie pora miesiyncy trynowac. Jak wom sie to udo to mogecie juz razym piyrszy roz isc na mszo. Na mszy i jak na nia abo jak z niyj idziecie to on musi jom zawsze odkludzac, dac jyj piyrszyj wlazywac do uawki, i byc tak samo obleczony jak we knidze I, ino ze musi miec jeszcze wiyrch od ancuga obleczony a ona inkszy klajd jak tyn co sie gibko seblyko. Suchejcie tysz dobrze co farorz godo na kozaniu, bo jak pszindziecie do dom to sie wos bydom blank gynau o ty pytac.
To by bouo te najwazniyjsze we tyj knidze, ostauo ino pedziec pora pierdouow, np:

niy uazcie same do lasa ani kole niego
on musi dowac obacht na nia a ona na niego
niy bydzcie zberezne
niy bydzcie we gorkyj wodzie kompane
on jyj musi dowac kwiotki (przed tym jak jyj je do to musi wyciepnonc papiyr w kery bouy zawinione) a ona mu narazie niy musi dowac nic
do kina na razie jeszcze lepiyj niy uazscie

Tak po prowdzeie niyma to wszysko na sto procynt zicher, ize z tego bajtli niy bydzie zarozki, ale lepszyj metody jeszcze zodyn niy wynaloz na to, nawet i w Ameryce.

Tela narazie we knidze II Slonskyj Kamasutry, a we knidze III opowia wom o tym jak to zrobic coby z zolytow pszinsc ku daniu na zapowiedzi i coby ona niy ostaua sie niydej na to zowitkom.

Pyrsk!

[szwager_z_laband]

Kniga III

Jak lipsta i szac majom to zrobic coby mogli dac yntlich na zapowiedzi, a ona pszi tym niy dej Ponboczku coby ostaua sie jeszcze zowitkom, no i coby on juz jom mog chytac niy ino za rynka.

To juz je III kniga tyj naszyj Slonskyj Kamasutry i zarozki musza sam na poczontku tyj knigi pedziec, ze coby do niyj pszinsc to cza najsompszod wszysko robic co stoi we knidze I i II, bo inaczyj ani ona ani on niy bydom miec tela szpasu wiela to ino i tak najprowdy myjglich ze tym co stoi we knidze III.
Tosz na poczontkek oba (ona i on) mogom se juz pozwolic ze on jom bydzie chytac kajs indziyj niz za rynka, ale on musi wiedziec ze moge to byc ino nojwyzyj kolano a ona musi wiedziec ze ona go jeszcze dalyj nikaj tak richtik chytac niy moge. Oba ale, i to je pieronym wazne, mogom juz belekaj uazic „pod pacha“.
Fajnie oblyczone niy muszom juz byc za kozdym razym, styknie jak tak sie bydom oblykac do koscioua a na beztydziyn on moge juz miec obleczone galoty bez kanty, a ona klajd co go erbua po tanty ze Rajchu. On jyj juz niy musi dowac na zolytach kwiotkow, a ona mu moge juz dac np pojesc jak on pszidzie do niyj do dom. Oba mogom juz pochwolic sie wiela on dostowo geltaku i to tysz pedziec jak bydom we niydziela u sia na odwiedzinach. Papa, mama, oupa i ouma tysz to mogom suyszec a reszta famili jeszcze niy – te sie to dowiedzom dopiyro po slubie, czyli jak juz mode bydom sie mogli same zawiyrac w izbie.
Ona musi jeszcze dowac obacht coby on jyj za fest jeszcze niy pszou, bo chop jak za fest pszaje pszed slubym to potym lubi sie za inkszymi paczec jak juz som zyniate.
Tera nojwazniyjszo rzecz!, niz pondom do farorza dac na zapowiedzi to muszom to obgodac ze „fatrami“ i wszyske muszom sie trefic cuzamyn do kupy w doma od lipsty. Jak to tak daleko bydzie to muszom siedziec na stoukach kole siebie i nuszom juz wiedziec wiela poczebne bydzie gorzouy i wiela mo wazyc swinia co bydzie bito. Goscie muszom byc zouwizo podzielone pou na pou(tela samo odniyj co od niego), tak ze to je klar i sie o to martwic ekstra niy muszom. U farorza bydom same i bydom tak robic coby farorz odrazu mog oguosic to na mszy w tyn dziyn jak bydzie nojwiyncyj ludzi w kosciele. Co ino jeszcze zostauo w knidze III do pedzynia to to ze oba(ona i on) mogom se juz pomyslec jake miana im sie podobajom u bajtli.

Kniga IV bydzie nojciekawszom w coukyj Slonskyj Kamasutrze, bo tam bydzie o technice jak on jyj mo piyrszy roz richtik pszoc(jak chop babie), i bydzie to dryny szkryfninte ze blank ale to blank wszyskim zbereznym co sie ku tymu pszinolezy.


dalyj bydzie juzas ...

[szwager_z_laband]

Kniga IV

Czyli nojbardziyj zberezno ze wszyskich knig kamasutry, a godo ona o technice kero pokozuje modym, jak chop mo pszoc kobiycie w tyj nocy po slubie a wedug niykerych i potym.

Chop i kobiyta som juz teoretycznie nojlepiyj pszirichtowane do tyj nocy bo czytali wszyske 3 knigi Slonskyj Kamasutry kere juz my sam pszesztudiowali w ta i nazod i jeszcze konsek. No i dodom jeszcze ze juz nic ich zgorszyc niy bydzie poradziouo.

Niyma tysz co sie tu na poczontek szterowac tym kaj on jom moge jeszcze chytac, bo to juz my mieli zapowiedziane we knidze I, II i III a reszta pszeca wiy kozdy chop. Ta reszta dopowiedziano bydzie na koncu tyj knigi, tak coby kozdy chop to sprawdziou eli to dobrze robi. My tera zajmnymy sie tym jak i kaj ona go yntlich moge chycic. Wszyske szkolone ludzie, kere sie uonskego czasu tym tropiyli psziszli tysz za kozdym razym ku tymu, co je to nojwazniyjsze jak chce sie pochytac do perfekcji technika pszonio se nowzajym dwoch modych co prawie som po slubie. Tosz suchejcie ino! Piyrsze kaj ona go po slubie moge chycic to niyje nic inkszego jak uozko. Ja we uozku pod pierzinom ona go chyto kaj ino chce i jak ino chce, no i niyma we tym juz zodnego zgorszynia, bo oni som juz po slubie, to ona zaroski czuje jak sie to wszysko dalyj bydzie dziouo. Pszeca tela szkolynia teoretycznego co pszeszli oni oba do teroski, a my razym ze nimi sam na kartkach kamasutry, to juz musi im i nom styknonc coby sie wszyske domyslyli jak sie robi bajtli. Tako srogo technika poczebuje ale dzisio tzw grow wstympnych. Co to som te tzw gry wstympne? Sam pszendymy jeszcze roz nazod do tego co uon mo robic. No wezcie se tak do pszikuadu forsztelujcie jak robi to kokot ze odniego „kobiytom“. Ja jak on to robi? On najpszod loto kole niyj jak gupi i durch jom chce chycic i jom podziubac pszi tym trocha, tak samo kozdy chop musi sie tak kryncic pod pierzinom kole odniego kobiyty i paczec coby jom mog „dziubnonc“. Jak sie juz mu to udo to juz je po nocy poslubnyj i wszyske mogom czekac aze za 9 miesiyncy pszidom bajtle na swiat. Ta „wstympno technika“ je ale wazno ino tak richtik we ta piyrszo noc, potym to juz niymo aze tak srogego znaczynio. Niykere szkolone w tym temacie godajom ze dalyj je to jeszcze tysz wazne, ale na to niyma zodnych dowodow.

Na koniec jeszcze 3 porady kere som zawarte w kozdym domu we szuflodce od wertiko, a kere nasze oupy i oumy kedys mieli tam dopozondku skryte. Te porady sie pszidadzom do tych kere niy do konca pochytali sam kto i wedle jakyj raji mo kogo chytac i kaj:

1.Jak ona idzie do uozka to on juz tam mosz byc prandzyj.
2.Jak juzas on je blank pryndko we uozku to ona sie tym mo niy tropic.
3.Jak one oba som blank pryndko we uozku to to bydom za 9 miesiyncy na zicher cwilingi.

To tela co godo na tyn temat Kniga IV Slonskyj Kamasutry i downe zrodua naszych starzikow.

Nastymno kniga bydzie opowiadac o tym czymu niykedy ona sie do niego obroco zadkym i co uon mo we tyn czas nojlepyij zrobic.

ps

[szwager_z_laband]

wiy ktos co stoi we knidze V?

[anton_28]

Nie wia gynau, ale se domyjslom - sprawy chopsko-babske typu "dzwigej keca bo leca" :)

[szwager_z_laband]

doczkej no Anton, Tys je jeszcze niyzonaty kokot pszeca, ciebie sie to moge pszidac nojwiyncyj;
!

musza ino we wertiko poszukac kajs tyj knigiV, ale to potrwo!

[anton_28]

:) padosz Szwager?

Jou jeszcze niy dziubou, wiync aufklärung by se pszidou, yno pszedymnom kury wydziyrajoom!

[szwager_z_laband]

to mozno jakos doswiadczono wdowka by Ci sie pszidaua;)

Kniga V

Ta kniga je juz ino do tych co pieronym dobrze juz som wyszkolone w zbereznych kunsztach pszonio se nowzajym i godo ona bezto o tym
czymu niykedy ona sie do niego obroco zadkym i co uon mo we tyn czas nojlepyij zrobic.

No tosz je to tak ze nojpryndzyj marudno skuli tego pszonia zowdy je ona a niy on, on ino by jyj zowdy chciou wiyncyj pszoc a ona poleku mo dos takego pszonia jak on to se forszteluje. Ona by chciaua coby on jyj tak pszou jak to bouo we knidze II i III kamasutry szkryfninyte. Problym ale polego na tym ze ona do niego juz niyma tako swiynto jak to bouo we knidze I, II i III Slonskyj Kamasutry i ciynszko im sie skuli tego dogodac jako se to tera majom dalyj pszoc jedyn drugymu. Tukej za hilfa majom ta pionto kniga. Dejcie kochane czytelniki ale obacht coby niyzyniate frele tego niy pszeczytauy co wom tera sam byda tuplikowou, bo moge to miec pieronowo zadne efekty jak idzie o temat uczynia sie potym sztelongow na szyszlongu, a to bydzie temat we Knidze VI!
I niy bydymy sam dalyj smolic gupotow ino konkretnie wymiynia zasady pszonia jedyn drugymu we tyn czas kery je podobny do tego czasu jak jedne Anaberg od zadku brali. Tosz po piyrsze on musi jom kilac pod pachom piyrzym, po druge musi to zaczonc robic zanim ona bydzie spionco i markotno, no i po czecie musi to byc piyrze ze zygowka kery je pouny piyrza kere ona sama targaua jak sie jeszcze niy znali. To je pieronym wazne, bo on jyj to musi pszipomniec pszi tym, a pedziec to mo tak: „ Dziubeczku je to prowda zes te piyrze targaua zanim jo do cia na zolyty uaziou?“ Mocie we tyn czas zicher ize ona na to zrobi sie tak samo czerwono na paplach jak to sie zrobioua wtedy jak on jom piyrszy roz chytou za kolano. I reszta se juz mogecie dalyj pomyslec. Ona sie niy bydzie juz tak pryndko potym do niego zadkym obrocac a on jom bydzie mog kilac coroski to wiyncyj i jak jom pokilo to ona juz bydzie wiedziec ze musi zmiynic sztelong. Ale o sztelongach to inkszy temat.
Co sam jeszcze je blank wazne to to coby we zima deka boua niy za szyroko i sie mogli oba pod niom ogrzoc jedyn od drugego, a we lato deka mo byc niy za ciynko, tak coby sie musieli oba od czasu do czasu odkrywac i udowac ze niywidzom jake som sagate. Jak my juz tera obgodali skond sie wzionuo to ze on i ona zaczynajom myslec o sztelongach, to w nastympnyj knidze, tak jak to wyniko ze logiki, bydzie tuplikowane jake som sztelongi i jak sie je robi.

dalyj bydzie juzas ...

[anton_28]

uosz cie pieroon - ale te nasze pszodki wymyjslne byli !!

Ale po prowdzie - jak baba niy chce to mogesz ja kilac wiela wlejzie, sowieso ci niy do

Kniga V i dodatek muzyczny

[szwager_z_laband]

coby wszysko bouo wele raji:)

Kniga V

Ta kniga je juz ino do tych co pieronym dobrze juz som wyszkolone w zbereznych kunsztach pszonio se nowzajym i godo ona bezto o tym
czymu niykedy ona sie do niego obroco zadkym i co uon mo we tyn czas nojlepyij zrobic.

No tosz je to tak ze nojpryndzyj marudno skuli tego pszonia zowdy je ona a niy on, on ino by jyj zowdy chciou wiyncyj pszoc a ona poleku mo dos takego pszonia jak on to se forszteluje. Ona by chciaua coby on jyj tak pszou jak to bouo we knidze II i III kamasutry szkryfninyte. Problym ale polego na tym ze ona do niego juz niyma tako swiynto jak to bouo we knidze I, II i III Slonskyj Kamasutry i ciynszko im sie skuli tego dogodac jako se to tera majom dalyj pszoc jedyn drugymu. Tukej za hilfa majom ta pionto kniga. Dejcie kochane czytelniki ale obacht coby niyzyniate frele tego niy pszeczytauy co wom tera sam byda tuplikowou, bo moge to miec pieronowo zadne efekty jak idzie o temat uczynia sie potym sztelongow na szyszlongu, a to bydzie temat we Knidze VI!
I niy bydymy sam dalyj smolic gupotow ino konkretnie wymiynia zasady pszonia jedyn drugymu we tyn czas kery je podobny do tego czasu jak jedne Anaberg od zadku brali. Tosz po piyrsze on musi jom kilac pod pachom piyrzym, po druge musi to zaczonc robic zanim ona bydzie spionco i markotno, no i po czecie musi to byc piyrze ze zygowka kery je pouny piyrza kere ona sama targaua jak sie jeszcze niy znali. To je pieronym wazne, bo on jyj to musi pszipomniec pszi tym, a pedziec to mo tak: „ Dziubeczku je to prowda zes te piyrze targaua zanim jo do cia na zolyty uaziou?“ Mocie we tyn czas zicher ize ona na to zrobi sie tak samo czerwono na paplach jak to sie zrobioua wtedy jak on jom piyrszy roz chytou za kolano. I reszta se juz mogecie dalyj pomyslec. Ona sie niy bydzie juz tak pryndko potym do niego zadkym obrocac a on jom bydzie mog kilac coroski to wiyncyj i jak jom pokilo to ona juz bydzie wiedziec ze musi zmiynic sztelong. Ale o sztelongach to inkszy temat.
Co sam jeszcze je blank wazne to to coby we zima deka boua niy za szyroko i sie mogli oba pod niom ogrzoc jedyn od drugego, a we lato deka mo byc niy za ciynko, tak coby sie musieli oba od czasu do czasu odkrywac i udowac ze niywidzom jake som sagate. Jak my juz tera obgodali skond sie wzionuo to ze on i ona zaczynajom myslec o sztelongach, to w nastympnyj knidze, tak jak to wyniko ze logiki, bydzie tuplikowane jake som sztelongi i jak sie je robi.

dalyj bydzie juzas ...


www.youtube.com/watch?v=jPINn7S1gPk

[anton_28]

jou yno czekom!

[szwager_z_laband]

Pierona Anton, dyc idz na jakis dancing i chycisz zaro jako kobiytka do kilanio;)

a dallyj juz sam mosz szysko stoc co i jak;)

[rico-chorzow]

Anton zatańcuje yno ze VW ( VolksWeib) :)

[rico-chorzow]

szwager_z_laband napisał:

> wiy ktos co stoi we knidze V?

Ja hehehehehehe,kamasutra ślonsko hehehehehehe

[artjomka]

Abo ech niy doczytou richtig - abo we ty kamasutrze zapomnieli napisac:

Porzondny slonski karlus jak sie ze lipstom trefi, to czimo ryncyska kole sobie, a njy tko kaj niy cza. Bo moze sie narobic bes tosz uostudy.
No chyba, co lipsta mu na to pozwolo - ino potym musi byc cicho, jak je mozno za pozno!
Pyrsk!

[cirano]

My wszyscy poza jednym, szwager, stare żynioki i kamasutra nom niy dziwno, a ta "ślonsko", kaj ino "po bożymu" i ino pod dekom, "być cicho" i "niy wygupiej sie" dobrze jusz znomy.
Nasze kobiytki bouy tysz ze wszelakom kamasutrom "na baker" bo...co by farosz pedziou

[artjomka]

Jo mysla Cirano - co jakby slonsko kamasutra wydali jako ksionszka s obroskami - to boua by uona tako bogobojno, co by jom nawet farosz modym na rozgrzyszynie we suchatelnicy dowou!
Pyrsk!

[1fatum]

Mamy pomysł na promowanie śląskiej mowy i obyczajów.
Komiks w Ślaskiej + polskiej wersji językowej, a pod spodem słowniczek pojęć i wyrazów.

Może warto pomyśleć o konkursie na śląską gadkę dla Ślązaków i Goroli. Im więcej i głośniej o Śląsku i Ślązakach tym lepiej.
Oczywiście konkurs z nagrodami i kategoriami wiekowymi.

[rico-chorzow]

artjomka napisał:

> Porzondny slonski karlus jak sie ze lipstom trefi.......,

to mu porzondno lipsta/frelka na karku wisiy;),a ynksze siy za niym uoglondajom,

pieronie zaś dostana i po ......rzici hehehe

[artjomka]

rico-chorzow napisał:
> to mu porzondno lipsta/frelka na karku wisiy;),a ynksze siy za niym uoglondajom...

Bo jak karlus szwarny, to tako lipsta to robi, coby jij go inksze zowisciouy.

Pyrsk!

[cirano]

... i wom powiym, że nasze dziołchy do "kamasutry" sie niy nadawajom, a co czasym gorolstwo tukej szrajbuje, że Ślonzoczki take leke i poradzom, to pasuje (z małymi wyjontkami), raczyj ino do Azjatek abo jejich "ślubnych". Toni, jak chcesz dobryj dziołchy, to szukej ino Ślonzoczki, ale... tysz pieronym dowej pozor

[szwager_z_laband]

niy strosz Antona

[rico-chorzow]

Pieronie jasny biercie co pod flinta przidzie:):),.......a kochejcie Hanyski:) i zaś po rzici :)

[anton_28]

cirano napisał:
Toni, jak chcesz dobryj dziołchy, to szukej ino Ślonzoczki, ale... tysz pieronym dowej pozor

Wiym Cirano!! Jou jusz na zamroszoone dmuchoom, a niy yno na zimne!! Palce spoulone do kojsci!!!

[cirano]

I uważej na dewoty!

[artjomka]

Ja Antonik - suchej sie rad Cirana i inkszych, co zycie znajom. Bo potym mozesz couke zycie zalowac, jak zle trefisz.
Pyrsk!

[anton_28]

Stimmt, to som bardzo dobre rady!

A na kamasutra je wdycko czas - ponoc chop couke zycie poradzi, oder?

[artjomka]

anton_28 napisał:

> Stimmt, to som bardzo dobre rady!
>
> A na kamasutra je wdycko czas - ponoc chop couke zycie poradzi, oder?

Nja - es kommt drauf an mit wem? Jak modo i pjykno - to wszyjstko idzie.
Pora takich "starszych" chopow - jak Jopi Heersters - to nawet kole 85 jeszcze sie wlasny roboty dziecko fundli.
Pyrsk!

[1fatum]

artjomka napisał:

> anton_28 napisał:
>
> > Stimmt, to som bardzo dobre rady!
> >
> > A na kamasutra je wdycko czas - ponoc chop couke zycie poradzi, oder?
>
> Nja - es kommt drauf an mit wem? Jak modo i pjykno - to wszyjstko idzie.
> Pora takich "starszych" chopow - jak Jopi Heersters - to nawet kole 85 jeszcze
> sie wlasny roboty dziecko fundli.
> Pyrsk!

****************************************

Młody konik rży i nóżką grzebie, a stary, choć pierdzi to jebie.

[rico-chorzow]

Gupoty gupotami,Anton som umi siy ja znońś,i una go,Antona znońdzie.

[anton_28]

Rico, jou se na liebes navi wpisou jako ziel porzoondno dzioucha :)

I wdycko suysza "Biegen sie rechts ab" :) mozno kedyjs zajada - bo narajzie w kouko :))))

PS: Artjomka, a ze tyn Heesters jescze poradziou na baba wlyjs! to je wunder!

[cirano]

Kedyś Heesters opowiadoł pamiyntom, że jego modo żonka mu rano, przed śniodaniym poł szklony whisky serwuje...wszysko stanie ino niy serce

[szwager_z_laband]

Pierona!, jo to do smiychu szkryfnou a sam z tego take powazne rzeczy sie porobiouy ...(?)

[anton_28]

Szwager, pszidou by sie sam woontek uo burdelach :) z.B. Muzyczno w Laband ;)

Jou napisza doktorarbeit : "Entstehung und Entwicklung der schlesichen Freudenhäuser im Bezug auf die Sexualbedürfnisse der männlichen Bevölkerung " :))))

[szwager_z_laband]

szczerze godajonc to jo we burdelu nigdy niy bou = mogli by zrobic take wycieczki do porzondnych ludzi coby se to oglondnonc poradziyli ta instytucja :)))

[anton_28]

Jo bou pszed, ale my niy wlejzli - u nos w Laband :)

Richtig - na tako wycieczka uod razu bych poszou :))

[artjomka]

A mo ta wycieczka byc s przewodnikiym, abo z przewodniczkom?
Pyrsk!
PS: A tak po prowdzie - to co tam mo byc take aufregend? Te czerwone sfiatlo (mom na kreuzungu co czi minuty), abo te dziouszki (te sie pooglondom we szaufynstrach we Amsterdamie). No kejsik, to mog ejs sie jeszcze s takom pogodac - po polsku. Ale teroski musisz znac turecki, abo rumunski, abo ruski.

[anton_28]

Artjomka, "zakozane" ´je wdycki aufregend !

Zakozane w synsie tym ze to je grzych.

A na ty wycieczce ze pszewodniczkom poznou byjs tagesablauf uod dziouchoow, dostoubyjs preislista i gutschein na jedyn ros :), a na koniec zimne piwo pszi barze :)

PS: kedyjs jak se ze Szczelec dali na Opole jechauo to cza bouo w niyftorych miyjscach dowac pozoor coby komu do zadku niy wjechac, bo prawie koszdy zwolniou i se uobrocou coby kuknoonc jake dzisiej stojoom.

A kolega uodymie jak robiou pszi autobahnie, to godou ze uone bez zima psziuajziouy einfach do niygo do budy se uogrzoc!! A jo mu padou - tojscie se bestimmt pieronowo grzoli !! :))

[1fatum]

anton_28 napisał:

> Artjomka, "zakozane" ´je wdycki aufregend !
>
> Zakozane w synsie tym ze to je grzych.
>
> A na ty wycieczce ze pszewodniczkom poznou byjs tagesablauf uod dziouchoow, dos
> toubyjs preislista i gutschein na jedyn ros :), a na koniec zimne piwo pszi bar
> ze :)
>
> PS: kedyjs jak se ze Szczelec dali na Opole jechauo to cza bouo w niyftorych m
> iyjscach dowac pozoor coby komu do zadku niy wjechac, bo prawie koszdy zwolniou
> i se uobrocou coby kuknoonc jake dzisiej stojoom.
>
> A kolega uodymie jak robiou pszi autobahnie, to godou ze uone bez zima psziuajz
> iouy einfach do niygo do budy se uogrzoc!! A jo mu padou - tojscie se bestimmt
> pieronowo grzoli !! :))
*********************************************
Jakie przydrożne TIR-ówki są najlepsze?

- zezowate.

Loda zrobią i auta przypilnują.

[1fatum]

szwager_z_laband napisał:

> szczerze godajonc to jo we burdelu nigdy niy bou = mogli by zrobic take wyciecz
> ki do porzondnych ludzi coby se to oglondnonc poradziyli ta instytucja :)))
>

Jedź do Polski.

[1fatum]

cirano napisał:

> ... i wom powiym, że nasze dziołchy do "kamasutry" sie niy nadawajom, a co czas
> ym gorolstwo tukej szrajbuje, że Ślonzoczki take leke i poradzom, to pasuje (z
> małymi wyjontkami), raczyj ino do Azjatek abo jejich "ślubnych". Toni, jak chce
> sz dobryj dziołchy, to szukej ino Ślonzoczki, ale... tysz pieronym dowej pozor

Zapomniałeś dodać, że z niemieckim rodowodem.

[artjomka]

Eli z niymieckim rodowodem je dobrze?
Jak widac ze zlotych mysli nojwjynkszego Poloka Polski - opcjo zakamuflowano niy mo w ty Polsce dobry prasy.
Ale z drugi strony - tyla polskich goroli zachytalo sie na pochodzynie, bo mieli Szarika z niymieckim rodowodym.
Pyrsk!
PS: Jak tak dali pudzie, to taki jedyn, co mu kejsik mantel we fligrze pogniytli, moze ryknonc....bij Slonzoka! A milujoncy blizniego katolicke Poloki zaroski to zrobiom!

[cirano]

Bylimy w Lagrze Unna Massen w '82 i z nudow wybrali my sie do Dortmundu w cztyrech (!) maluchym. Wiela my tam niy zwiydzali, ale Uliczka burdelowo bou muss!
Take piynke dziołchy stoły we Schaufynstrach...

[anton_28]

Kule, Tyjs jusz wtedy se mog schaufenstry uogloondac :)

Jou w 1982 nawet niywiedziou na co ta fajfka mom ! :))

[artjomka]

cirano napisał:

> Bylimy w Lagrze Unna Massen w '82 i z nudow wybrali my sie do Dortmundu w cztyr
> ech (!) maluchym. Wiela my tam niy zwiydzali, ale Uliczka burdelowo bou muss!
> Take piynke dziołchy stoły we Schaufynstrach...


A pamjyntosz Cirano, jak sie ta ulica zwala? Aussiedlery zwali jom Leninstrasse - a po prowdzie zwaua sie Lünenstrasse (za bahnhowym).
Pyrsk!

[cirano]

Spacyrowali my sie (wszyscy 4-ch w kupie), tam i nazot, oglondali, mlaskali, a potym tsza bouo nazot na Unna. Wryli my sie do tego malucha, a na Ampli kole bahnhofu przejyżdżo Porsche z jednom z tych dziołszkow ze szaufynstra. Ta jak nos widziała w naszym "wozie", zaczła sie głośno śmioć, a my ze wstydu chcieli maluchowi sitze zezrić...
Wiyncyj takich wypraw jusz niy bouo

[cirano]

Mozech kedyś i wiedzioł ta Lyninstrasse, alech zapomnioł

[szwager_z_laband]

Kniga VI

O sztelongach i szyslongu.

No tosz teroski bydzie o tym jako to je z tymi sztelongami.
Pszodki muszymy se byc blank klar kaj bydzie stou szyslong, bo onego pszeca niy postowicie pod oknym abo we siyni. Szyslong nojlepiyj je jak bydzie postowiony pod scianom na keryj wisi jakis obrozek. Tera to je tako nowoczesno moda a z tymi obrozkami na kerych som wypyndzlowane sagate frele co im niy bouo ganba sie seblyc do saga w biouy dziyn przed cudzym chopym coby je tyn namalowou. Ino dzisiej zapomnieli coniykere, ze jak mocie juz bajtli to pszecas take cos we izbie niy bydziecie wiyszac. Musicie tysz wiedziec ize zberezniki wiyszajom se na sciane pod kerom stoi szyslong, i to do tego ekstra ksziwo,blank sroge zrzaduo. Niywia po jakego piernika(?), dyc potym jak stojom na srodku izby to i tak nic ino swoje nogi widzom i ani poczesac sie niy poradzom pszi takim zrzadle, a co dopiyro se mitesry powyciskac. Jak juz to momy wyklarowano kaj mo stoc szyslong no to ino dodac pocza, co normalnie to szyslongi som blank wonske i skuli tego ze on mo wiyncyj siouy nizli ona, to lepi bydzie jak on bydzie tyn szyslong pszestowiac w ta i nazod – wyjontek moge byc jak ona je srogszo od niego i ona mo wiyncyj doswiadczynio z tym szyslongym, we tym czas oni oba mogom dowac obacht z tym jak bydom jezdzic ze szyslongym po izbie w ta i nazod – ino niy za dugo bo somsiody bydom miec na nich na drugi dziyn fest nerwy! W kozdym doma je szyslong i na kozdym szyslongu som zygowki. Mysla ze poco som tam zygowki to tumaczyc nic niy poczebuja. Podpowia ino ze zygowki majom byc fajnie obleczone i niy gniyccie ich za fest bo to potym gupio wyglondo jak pszidom goscie! Jak ktos niymo jeszcze w doma szyslonga, a je juz zyniaty abo sie mo zynic, to niych se go kupi, a jak go bydzie kupowac to dzisiej we pozondnych geszeftach ze meblami moge se juz tysz spytac jaki szyslong je nojlepszy, kaj go postawic, wiela kosztuje i do jakich sztelongow sie nojlepi nadowo. Na zicher inksze meble sie tysz do sztelongow nadowajom, ale do nojfajniejszych sztelongow pszidziecie zowdy ino jak bydziecie miec richtik fajny i dopozondku szyslong.

[anton_28]

czamu tyn chop niy pszyndzie zaro do rzeczy? yno uopisuje szyslongi, zogowki i uobroski?

pszeca sam uo stellungach miauo byc a niy o wyposarzyniu izby !!

Szwager wciepuj 7 kniga !!! :)

[szwager_z_laband]

musza jom najpszod wymyslic:)

[anton_28]

szwager_z_laband napisał:

musza jom najpszod wymyslic:)

No to dobrygo natchniynio winszuja! Bestimmt bydzie udano ta kniga - jakbyjs poczebowou experta to znom jednygo takygo "kyndroza" :)

[szwager_z_laband]

a jak myslisz. co on mysli, co bydzie we tyj knidze VII?

[anton_28]

noooooo, jou pszewidujam, ze uon, na ja, jakby to pedziec...

wejznie sprawa w sfoje rynce ;) i uopisze jak to je, tyn richtige akt ! po sloonsku!

;)

[szwager_z_laband]

niy rozumia! - mom szkryfnonc cos namalowanego?

dej no szczegouy!

[anton_28]

niy malowac, bo to by bouo za kompliziert!

Tyn som styl jak piyrsze 6 knigoow, ale barzi na tymat :) stellungow uoczywijscie :))

[szwager_z_laband]

Anton do Cia mom ekstra 3 Knigi kere som na indexie i dopiyro je sam dom jak bydzie 3 dni pszed Twoim wyselym! Niychca cobys sie za fest sam zgorszou!
A tera ostatnio i nojpiykniejszo Kniga naszyj Slonskyj Kamasutry

Kniga VII i najkrotszo.

Czyli o tym jak to zrobic coby na starosc pszonie se jedyn drugymu moguo wos dalyj kusic tak jak wos kusiouo jak zescie jeszcze niy wiedzieli co to je kamasutra.

No tosz jak juz se tak ze nojmyniyj 25 lot bydziecie cuzamyn fajnie pszosc jedyn drugymu, to yntlich pszidzie czas na nojfajniyjsze co sam we tym temacie ino idzie wymyslic, i gynau o tym tera trocha sam szkryfnymy na koniec tyj Slonskyj Kamasutry. Je jeszcze tak po prowdzie pora zakozanych knigow naszyj Slonskyj Kamasutry, ale o nich bydzie kedy indziyj. Myjglichkajtow pszonia se fest a fest na stare lata je aze za tela i jeszcze konsek - zaroski sie o tym same sam pszekonocie. Coby pszonie se jedyn drugymu dalyj na stare lata fajnie wos kusiouo, to my sam ino 3 myjglichkajty pokozymy, pedziec musza tysz, co praje te 3 my wybrali bo to som te kere kozdy z wos poznac musi i bez kerych obyndz sie niy idzie souwizo. No tosz:

1) Ona nigdy niy mo sie onymu pokozywac we waukach na gowie na placu a juz blank niy jeszcze czekac snerwowano aze on pszidzie ze szynku we dziyn geltaku z nudelkulom w rynce. Ona mo ale zato fajnie mu nawarzyc i go chwolic ze tak wczesnie psziszou do dom po robocie, a jak to juz mu ona powiy to sie mo(ge) go spytac eli on mo smaka najpszod na piwo abo odrazu by sie juz poszou legnonc.
2) On mo jyj zowdy oddowac prawie couki geltak i ino tela wiela poczebuje na Totka i piwo we szynku na szlustydziyn moge se ostawic w kabzie od ancuga co wisi we szranku kery majom stoc we antryju. Jak ona sie go spyto eli by on sie juz poszou legnonc do szlafcimra abo mozno napiou by sie jeszcze szklonka piwa, to on musi odpedziec ze najpszod musi se jeszcze nogi wymoczyc a potym se jeszcze z niom obejzy jakis film co jyj sie podobo. Jak ona powiy ze niymajom programu TV to we tyn czas znaczy to ize ona mo fest chync mu praje popszoc. Tera couko sztuka je coby on jyj pokozou jak on jyj pszaje i dac jyj znac co ona je nojlepszo kobiytka jako ino moge byc. On jyj ale tego za pierona pedziec niy moge, on to jyj moge/musi ino pokozac.
3) Jak se juz skuli tego wszyskego tak richtik popszoli to mogom se tera dac kusika, pszitulic sie do sia, a na drugi dziyn se opowiedzom co im sie snikauo w nocy.

To by bouo na tela.

[anton_28]

Asz do mojygo weselo czekac??? ojeeee! :)))) Szwager, jo ani dziouchy niymom, a kaj tam dopiyro wesele! :))

Znaczy ze musza zacznoonc szukac, bo inakszy se niy poczytom :)))))