Cholonek w TV

[szwager_z_laband]

"Pod koniec lutego skończylismy nagrywać CHOLONKA w katowickiej telewizji. Trwa montaż.

Już w kwietniu ten spektakl będzie można zobaczyć w TVP Kultura."

[ballest]

dej znac, bo zapomniemy !
Zaroz wrazam nastepne Bildy z moji ostatni Raizy nach O/S

[szwager_z_laband]

a kto bydzie mi pszipominou ?

:))

[rita100]

Laband, to i mnie przypomnij, bo tv kulturę już odbieram.

Ćwicz pamięć, bo my z Ballestem mamy jej coraz mniej ;))))))))))

[szwager_z_laband]

nom to juz dzisiej pszipominom:))

[gryfny]

kery teatr ,tyn co Ana na nim boua?

[szwager_z_laband]

ja, Kortez

[gryfny]

musza kuknoc na ich strona

[artjomka]

Witom Cia gryfny!
Kukanie na zajta tyjatru mozesz zapomniec.
Jo ech probowou sie dowjedziec - nawet bes telefon - eli w maju grajom Cholonka. Byda we Hajmacie, toch myslou co mozno pudymy na przedstawjynie. Ale skont! Oni niy wiedzom, co bydom grali za miesionc, a co dopiyro w maju. Mozno teroski jusz wiedzom - ale tak to ze tymi polckiymi tyjatrami na naszym Sloncku je.
Pyrsk!

[gryfny]

jak zapomniec?
www.korez.art.pl/nowa/open.htm

[annak12]

Ostatnio w NGS(Nowa Gazeta Slaska) bola rozmowa ze dyrektorem Teatru Korez.Grajom siedym lot,bilety wszystke wyprzedane."Pamietam jak gralismy to przedstawienie w Stuttgardzie i wyobraz sobie,ze poplakala sie nam cala widownia.Ale nie tak,ze jakies tam pochlipywanie ,po prostu najnormalniej w swiecie ryczeli.Jeden wielki szlok Slazakow,ktorzy swego czasu wyjechali do Niemiec i tym przedstawieniem przypomnielismy im Slask,...
Mamy tutaj odrazajacych,brudnych,zlych. ...Przeciez Janosch nie zostawil suchej nitki na swoich rodakach.A mimo to widz sie z nimi identyfikuje"

[szwager_z_laband]

piykniy komyntarz:)

termin!

[szwager_z_laband]

mauo zmiana ale wazne ze bydzie:

"EMISJA "CHOLONKA" 8 MAJA 2012 O GODZINIE 20.20 na antenie TVP KULTURA."

[gryfny]

cza przypomniec jak bydzie tak daleko

[szwager_z_laband]

a w miyndzyczasie kosc w gardle polskim:

www.teatr.bielsko.biala.pl/index.php?s=3&fun=more&id=517

[annak12]

Dom na wiyrch,coby my nie przepasowali!

[gryfny]

elegancko to opakowali w patriotyczno korfacio- polsko tytka:
www.tvp.pl/kultura/miejsce-wsrod-gwiazd/slaski-tydzien-w-tvp-kultura/7172044
a tzw:nagrywarka ze pamieciom juz blinkuje

[ballest]

8 maja o godz. 20.20 zapraszamy na spektakl „Cholonek”, adaptację prozy Janoscha zrealizowana w Teatrze Korez, to opowieść o Śląsku i Ślązakach - ludziach żyjących pomiędzy. Pomiędzy Polską a Niemcami. Pomiędzy snem a jawą. Pomiędzy tragedią a farsą. Pełen plebejskiego, śląskiego humoru i anegdot znanych wszystkim Ślązakom od dziesięcioleci i powtarzanych z pokolenia na pokolenie. Realizacja została uznana za spektakl roku 2004, otrzymując w tej kategorii Złotą Maskę. Kolejna Złota Maska przypadła w udziale Grażynie Bułce za rolę Świętkowej w „Cholonku”, a Robert Talarczyk, autor adaptacji i współreżyser „Cholonka”, dostał po tej premierze Złotą Maskę za całokształt swojej twórczości.

[artjomka]

Witom Cia Gryfny!
Jak ech w marcu do Cia pisou, toch nyrglowou na Korez - skuli informacje o biletach.
Musza ich tukej za to przeprosic.
Pora dni tymu zazwoniou ech do tyjatru i - dojsc milo sztima pedziala mi, co sztyry bilety dlo mie bydom zerezerwowane. Tosz widac na to, co byda sie mog Cholonka na zywo w tyjatsze oglondnonc.
Jest ech gyszpant.
Dzisiej nagrom sie tyn szpektakel we telewizji (pokrynciou ech szislom i chyciou Kultura). Jak ech bajstlowou przi szisli, to leciou akurat film Sol ziymi czorny - Kutza.
Musza pedzic - film tyn ech widziou kole 30 lot tymu, ale teroski, jak ech widziou tego Lukaszewicza ze placzkami w uoczach, jak bes srogo luneta na polcko fana i polckich wojokow paczi, to ech na to paczou z miyszanymi uczucioma. Bo mi to juzajs ta polcko metoda przipomniaua, nasza Slonskosc pokazywac.
No ja - ale tak to jusz kolonizatory sie nauczyli - i ciynszko im bydzie prowda znojsc.
Pyrsk!

[socer-schlesier]

No to dzisiej kukomy.

[ballest]

Jo ju patrzam !

[szwager_z_laband]

ja jo tysz

No ja , daleko od oryginalu,

[ballest]

BARDZO DALEKO, a szkoda !

chyba, ze rezyser oryginalu nie czytou!!! a tyn jou czytou jeszcze we "Polsce"

refleksje po teatrze

[szwager_z_laband]

tak na piyrszy ogiyn powia ze podziwiouech aktorka kero graua Tekla

do mie boua najlepiyj granom postaciom.

[ballest]

wiesz co Laband jou czytou ta ksionszka byc moze we 1975 roku i to juz wtedy po polsku, co mnie dzisiej dziwi, ale mom juzas ta ksiazka tysz dzisiej , muszam ja poszukac , yno nie wiem czy po polsku abo po niemiecku, ale bydam ja musiou jeszcze roz przeczytac, bo za duzo mi tam nie sztimowalo !

[socer-schlesier]

Cza to bydzie przez noc "przetrowic".

[berncik]

Jo se to dzisiej tysz obejzou.Dopiero pod koniec zech se kapno zech to czytou i za pierona nie umiou se kapnyc kedy i co to boua za ksionzka ? Teraz zech se przipomniou.We Polsce to bou serjal we Trybunie Opolskiej. Cholonek czyli dobry Pan Bóg z gliny.To se fajnie czytauo.
W Tym teatrze bouo duzo pozmieniane ta godka,moc nie slonskich wyrazow i te caue przedstawienie nie oddowauo tak richtig tyj Slonskosci.Ta ksionzka boua lepszo.

[gryfny]

Buch je zawsze lepszy,teater to je wersja rezysera mo wolno wola.
Do mie to bou szok,nie cierpia humoru plebejskiego a do tego tyn bou z nojgorszy sorty.
Ale spektakel wciongo ,szczegolnie na koncu,zgoda sie ze Tekla to prima kreacja aktorsko.
Tera mysla co znaczy, u nos, ten sen....nic mi nie przychodzi a wom?

[artjomka]

No tosz momy tyn tyjater, na kery my tak czekali - za sobom.
Jak my z Bracikiym i Mojom kajs kole lot siedymdziesiontych po kontach w izbie siedzieli, i kozdy czytou – swjyzo wydanego wtedy w polckim tumaczyniu Cholonka – to my sie czynsto gosno smioli.
A jak kozdy z nos (i inksi tysz) ksionszka przecytali, to we dyskusji prawie wszyjscy my byli tego samego zdanio. Ksionszka pasuje do nos Slonzokow, bo oddowo naszo dusza i ducha.
To bouo – po mojymu – tysz i w tym przdstawieniu – przinojmni na poczontku - widac i czuc.
Ale potym tego slonskigo ducha bouo coros mni. Nad scynom zaczon furgac typowo polcki duch tragedii i patosu. Nawet postacie, kere na poczontku nawet dojsc dobrze po naszymu godaly – coros czynscij przechodziouy na polcki. A dialogu uo schowanych polckich papiorach, to w Janoschowym Cholonku ech nieznot (ani we polckim – zresztom bardzo dobrym, jak I we oryginale).
Ale to je ta wolnosc interpretacyji bez rezysera.
Niy wjym, eli konwyncjo przedstawjynia Detlev’a – godajoncego cysto po polckiymu – co mialo byc synonimym “inkszego” – tukej Slonzoka niymieckigo – tak bes niczego trefioua do wszyjstkich widzow.
W sumie bouo warto tyn szpektakel uobejrzec. Mozno w koncowym efekcie wychodzi sie z tyjatru smutny (po przecytaniu ksionszki – bardzij wesolo-zadumany (nachdenklich) – no ale taki jusz nasz los, eli sie na niego paczi radosnie abo ze puaczkom w uoku.
I jeszcze jedno.
Ci z Wos kerzy widzieli w Tyjatrze Slonskim “Polterabend”, mozno sprobowali te dwa szpektakle porownac.
Jo to zrobiou. I powiem bes bicio – “Polterabend” stawiom przed “Cholonkiym”.
Pyrsk!
PS: Mom w tyjatrze zarezerwowane bilety na szpektakel na zywo. Niy wjym, eli ich niy odmowia. Bo boja sie, co popsujymy se wieczor, tym barzi teroski, po telewizyjny prezyntacji..

[meg_s]

artjomka napisał:
Ci z Wos kerzy widzieli w Tyjatrze Slonskim “Polterabend”, mozno sprobowali te dwa szpektakle porownac. Jo to zrobiou. I powiem bes bicio – “Polterabend” stawiom przed “Cholonkiym”.

miło słyszeć (czytać) bo reżyserem "Polterabend" jest mój kolega z klasy - gorol z krwi i kości ;)

[ballest]

Meg, te co tam grali oprocz jednej, wszyscy mieli gorolski akcent, choc byc moze nawet slaskie korzenie maja, ale jak se ftos na przyklad jako Slonzok we Gliwicach urodziou, to moze swoj akcent stracic.
Jo se tysz nie urodziou ze slonskom godkom, ta uech se pozni nauczou.
Moze Gorol lepi moze ocenic Slazakow jak som Slonzok, a Polterabend uech nie iwdziou, ale czynsto na niym bou ;)
Jak kaj poleci to chyntnie uobejrzam.

[socer-schlesier]

artjomka napisal:
I jeszcze jedno.
Ci z Wos kerzy widzieli w Tyjatrze Slonskim “Polterabend”, mozno sprobowali te dwa szpektakle porownac.
Jo to zrobiou. I powiem bes bicio – “Polterabend” stawiom przed “Cholonkiym”.
--------------------------------------------------------------------------------------------
Jo tysz je trocha tym wczorajszym spektaklym zawiedziony.Stanik (Stanislaw) i jygo tesc nic yno gorzola slepali.Jo niy pamiyntom mojygo ojca moich onklow zeby durch gorzola piyli.Owszem se tysz wypiyli ale nigdy u nich to niy bylo na piyrszym miejscu, na piyrszym miejscu byla robota.Ballest sam pisze o akcyncie, zgodza se ale jak by chciec tygo naszygo typisz slonskygo akcyntu posuchac to by musieli byc to aktorzy ze Swyntochlowic abo z tamtych okolic.
==================================

meg_s napisala:
artjomka napisał:
Ci z Wos kerzy widzieli w Tyjatrze Slonskim “Polterabend”, mozno sprobowali te dwa szpektakle porownac. Jo to zrobiou. I powiem bes bicio – “Polterabend” stawiom przed “Cholonkiym”.

miło słyszeć (czytać) bo reżyserem "Polterabend" jest mój kolega z klasy - gorol z krwi i kości
---------------------------------------------------------------------------------------

Tyn co to napisol se nazywo Stanislaw Mutz, tyn je Slonzokym z krwi i kosci. Fajnie jednak ze taki rezyser jak Twoj kolega se znoloz co nom to pokozol.

Stanisław Mutz /Muc/ - (1965), z urodzenia Ślązak, z wykształcenia filolog i plastyk, do roku 1989 wydał trzy zbiory poezji, w latach 90-tych związany z regionalnymi kwartalnikami artystyczno-literackimi, przekłady swoich poematów i esejów (na niemiecki i angielski) publikował w ukazującym się w Austrii kwartalniku "Perspektive". Stypendysta Ministra Kultury i Dziedzictwa Narodowego w roku 2007, w dziedzinie "twórczość dramaturgiczna"

[szwager_z_laband]

hm, tak czytom wasze piyrsze wrazynia i se mysla ...

... mysla se ze niy idzie filmu ani teatru zrobic tak jak ksionszki, no i ze wiynskszosc ogromno ksionzek je lepszo niz odnich ekranizacje

film fabularny by bou jeszcze inkszy ale ..

a tera co do przedstawiyni teatralnego Cholonka -

- one mi konsek inaczyj pokozauo ta kniga niy jo jom odebrou jak zech jom czytou = byda tysz musiou jom jeszcze roz pszeczytac, bo to juz dosc kopa lot i mozno mi sie za duzo zapomniauo abo zdowo

trocha inkszy akcynt zech odebrou z knigi jak z tego teatru

ale niy powia zeby zech tyn teater musiou negatywnie krytykowac

mie sie podobauo i dauo do myslynia jak roztomaicie roztomaite ludie ta samo rzecz odbiyrajom.

i jeszcze cos waznego

[szwager_z_laband]

zapowiydz przed tym teatrym w TV boua jednym wielkim idiotyzmym ino do bitych goroli

"autor wyemigrowal z Polski"

jak zech to suyszou to juz zech wiedziou ze gorole juza manipujujom prowdom, czyli cygasniom i przekryncajom prowda tak jak im pasuje.

[annak12]

socer-schlesier napisał:
> Jo tysz je trocha tym wczorajszym spektaklym zawiedziony.Stanik (Stanislaw) i j
> ygo tesc nic yno gorzola slepali.Jo niy pamiyntom mojygo ojca moich onklow zeby
> durch gorzola piyli.Owszem se tysz wypiyli ale nigdy u nich to niy bylo na piy
> rszym miejscu, na piyrszym miejscu byla robota

A to skond se wezlo:
Leber,lozyrok,ochlapus,swiyci,...
Jakby padala Swiyntkowa-"Z niczygo nic niy ma"

To tysz nie znaczy,ize kozdy taki bol.

[socer-schlesier]

annak12 09.05.12, 22:36 Odpowiedz
socer-schlesier napisał:
> Jo tysz je trocha tym wczorajszym spektaklym zawiedziony.Stanik (Stanislaw) i j
> ygo tesc nic yno gorzola slepali.Jo niy pamiyntom mojygo ojca moich onklow zeby
> durch gorzola piyli.Owszem se tysz wypiyli ale nigdy u nich to niy bylo na piy
> rszym miejscu, na piyrszym miejscu byla robota

A to skond se wezlo:
Leber,lozyrok,ochlapus,swiyci,...
Jakby padala Swiyntkowa-"Z niczygo nic niy ma"

To tysz nie znaczy,ize kozdy taki bol.
================================
Ja ale oni grali typisch Slonzokow i mysla ze ich przez to reprezyntowali.Mosz jednak racja i Ty to rozumiysz ze niy wszyscy tak pstympujom jak ci co ich sam grali.Niy wszyscy jednak tak bydom myslec jak Ty.

[artjomka]

Jeszcze ros sie wtykom do dyskusyji o Cholonku.
Szpektakel Koreza – przezywany w tyjatrze, abo w domowym zeslu przet telewizorym – to napewno jedyn s paciorkow naszego slonckigo rozanca. Eli tyn nojpjykniejszy – njy wjym.
Mozno wiela z nos Slonzokow chceliby widziec naszych Uojcow ze tamtych czasow, cystych jak te uobroski ze swjyntymi, kere wisialy nad lozkiym. I bes tosz nyrlujymy (jo tysz), co pokazujom ich, co ino pijom, co ino kombinujom, jak sie Rusom przipodobac (polcke papiory za bifyjym schronione).
Cza jednak – po mojymu – wzionc tukej dwie rzeczy pod lupa. Pjyrszo, to ta, co nawet to, co napisou Eckert (Janosch) je jego osobiste paczynie na tamtyn swiat ulicy ksiyndza Oslowskigo – jako bajtla.
Druge – to podswiadome kojarzynie tamtego Slonska ze schymatami wciepniyntymi nom do glow bez „wyzwoliciela“ i okupanta po 1945. Mom tu na mysli schymat, kery bou bez wiela lot doktrynom: Jak jusz Slonzoki – to ino Poloki, co to o tyn polcki Slonsk sztyjts sie bjyli.
Co byli tysz Slonzoki, kere z tom polckosciom nic do czyniynio niy mieli – tego Poloki zapomnieli. Niy chca jusz tu ciepac powjedzynia myndrca jednego o zakamuflowanych.
Fto czytou Cholonka w oryginale, i polcke tumaczynie wydane w latach 70 (zresztom sietnie ducha slonckigo oddajonce) – i je porownou – tyn podarymnie bydzie szukou konckow, w kerych Janosch pisze o prowdach, kere Polokom niybardzo pasowaly do “jedynie slusznej linii”.
W latach koniec 80, miou ech przijymnosc osprawiania z doktorym Georgem Bitterem (umar rok tymu), wlascicielym wydawnictwa w Recklinghausen (Bitter Verlag), kere jako pjyrsze wydauo Cholonka w roku 1970.
Co ksionszka wydou, bouo trocha – jak to godajom – cufalym. Wlasciciel gazety “Der Schlesier” – tysz z Recklinghausen, przeczytou manuskrypt Cholonka, i bou – jako Slonzok – za tym, coby Janoschowi ta ksionszka wydac. I namowiou Bittera – kery na poczontku niybardzo chciou – do jij wydania.
Mozno niy boua ta ksionszka w tyn czos kometom na niebie wydawniczym - tu rzondziyli w ty grupie tymatyczny (Slonsk), Bieniek I Schellbach – ale Cholonek niy przeszou bes echa.
Jakiymi sposobami Bielas – tlumacz Cholonka – przekonou wydawnictwo “Slonsk”, do wydania ksionszki w Polsce - niych zostanie jego tajymnicom. Wiadomo je, co “Slask” niy musiou placic za copyright, co moze tysz miauo jakes znaczynie.
Njy wjym, na wiela “Znakowskie” wydanie Cholonka z 2011 rozni sie ot tego ze “Slaska”. Napewno jednak niy znojdzie sie ani w jednym, ani w drugim nic o szukaniu polskich korzyni bes Swiontkow, ani ducha z ruska synkopowanych “slonskich czastuszek” na cyji – abo jak inksi godajom – gnieciony komodzie, kere suyszy sie w szpektaklu Koreza.
Pyrsk! 10.05.2012

[socer-schlesier]

Bezto pisza ze jo niy znom takygo Slonska jak sam je pokozany.Mojymu lojcowi tysz nigdy by do gowy niy psziszlo zeby polskich papiyrow szukac bez wzglyndu na to co by se dziolo.On nigdy chorongewkom niy bol.Jednak zgodza se ze niy wszyscy tacy byli ale mysla ze ich byla zdecydowano mniyjszosc.

[annak12]

socer-schlesier napisał:

> Bezto pisza ze jo niy znom takygo Slonska jak sam je pokozany.Mojymu lojcowi ty
> sz nigdy by do gowy niy psziszlo zeby polskich papiyrow szukac bez wzglyndu na
> to co by se dziolo.On nigdy chorongewkom niy bol.Jednak zgodza se ze niy wszysc
> y tacy byli ale mysla ze ich byla zdecydowano mniyjszosc.

Te papiyry(obojytnie jako mialyby farba) odebralach jako taki symbol-zmiynnosc przynaleznosci panstwowej.
Na poczontku we ksionszce Swiyntkowa paczy na ziymia,kero lezy odlogym,tam jest teraz granica,po co to komu?,ta ziymia rodziola,bola zywicielkom dlo tych,kerzi tam miyszkali,obojytnie jak" goudali" .

[annak12]

artjomka napisał:

> Ci z Wos kerzy widzieli w Tyjatrze Slonskim “Polterabend”, mozno sp
> robowali te dwa szpektakle porownac.
> Jo to zrobiou. I powiem bes bicio – “Polterabend” stawiom pr
> zed “Cholonkiym”.

Jedyn zes widziol na zywo,drugi w doma,tu tysz moge byc roznica w odbiorze.

[berncik]

annak12 napisała:
>
> Jedyn zes widziol na zywo,drugi w doma,tu tysz moge byc roznica w odbiorze.


To mozno ani nie je take kajs to widziou.Ino jako to bouo zrobione ,i jako przekozali to aktory.
Bo jak my to czytali to juz je jake 40 lot tymu.Ta Slonsko gotka je znieksztaucono ,my inaczi godali, duzo slow se straciouo.Pamientom ze czytajonc ta ksionzka odbierou zech jom jako komedia.i pamientom zech se przi czytaniu dobrze amisierowou.Jak On tam ze tom Kliestierom lotou po somsiadkach .Dzisiej te przedstawienie je trocha pod Polsko publiczka przerobione,a my tysz paczymy na to trocha politycznie,(Co tam Poloki zas zmienieli)Bez tego chyba nie idzie?

[annak12]

berncik napisał:

> To mozno ani nie je take kajs to widziou.Ino jako to bouo zrobione ,i jako prze
> kozali to aktory.
> Bo jak my to czytali to juz je jake 40 lot tymu.Ta Slonsko gotka je znieksztauc
> ono ,my inaczi godali, duzo slow se straciouo.Pamientom ze czytajonc ta ksionzk
> a odbierou zech jom jako komedia.

Tak samo reagowala publicznosc w teatrze,najpierw smiech,potym nastala grobowa cisza.Pora lout tymu bolach na tym,teraz oglondalach we telewizji,juz ale nie bolo tych emocji.
Co do jynzyka-moja mama na kerchowie mo starzykow,jou mom olmy i oupy a moje dzieci babcie i dziadka.Moja mama bola 1928 rocznik.Powiydz mi teraz kero goudka uwazosz za lepszo.

[berncik]

annak12 napisała:
>
> Tak samo reagowala publicznosc w teatrze,najpierw smiech,potym nastala grobowa
> cisza.Pora lout tymu bolach na tym,teraz oglondalach we telewizji,juz ale nie b
> olo tych emocji.
> Co do jynzyka-moja mama na kerchowie mo starzykow,jou mom olmy i oupy a moje dz
> ieci babcie i dziadka.Moja mama bola 1928 rocznik.Powiydz mi teraz kero goudka
> uwazosz za lepszo.

Annko:Niema godki lepszyj albo gorszyj Godka kerom se godo ,zawsze je dobro.
Jest ale roznica jak se robi przedstawienie sprzed wojny ,co mo pokozac jak ludzie ftedy zyli i godali: To nie idzie gorolskich wstawkow tam wrozac, bo to je nieautentyczne.Ty mozno ani nie miarkujesz na codzien jak Twoja godka sie zmienioua od czasu Twoich Opow i Omow,ba nawet Rodzicow.Jo ino wiem jak se nie zmienioua moja godka przez przeszuo 30 lot
Ta moja Slonsko godka je tod ,se nie rozwijo, bo nie mom jom skym godac.Z Wami prawie na forum probuja pisac tak jak godom. Jak przijada na Slonsk to kozdy roz mysla ze wszyscy godajom po gorolsku.

[szwager_z_laband]

na marginesie:

www.youtube.com/watch?v=f4m4XSZv9gI

[szwager_z_laband]

www.youtube.com/watch?v=c5Qh2QhSuAs

[szwager_z_laband]

www.youtube.com/watch?v=DVEEHKIfovU
www.youtube.com/watch?v=KXwXb7UjdY0

[seppel]

Guten!
Niy oglondouech tego "Cyrkusu"
aber niy umjam sie ty Geschichty po Polsku ,Slonsku przedstawic
und Uabyndziouk, jakbych usyszou we zapowjedzi "wyemigrowou z Polski"
tobych zarou wyuonczou! dlomje bouby kein Wert mehr zu gucken.

[szwager_z_laband]

oni jeszcze z niego Poloka zrobiom jak tak dalyj pondzie

[artjomka]

Ppolcki okupant naszego Hajmatu, tak sie jusz pomotlou we swojim pojmowaniu realiow, co som jusz niy wjy co je prowda, a co cyganstwo.
Pyrsk!

[szwager_z_laband]

a pomogajom mu niychconco w tym te co tysz godajom ze slonsko godka to je tzw polski

[socer-schlesier]

Paczcie na TVP Kultura.

[szwager_z_laband]

prawiech psziszou do dom - dziynki za typ'!

juz kukom

ps

[szwager_z_laband]

no nixy bouo to najgorsze = ta fana hoch ;)

[socer-schlesier]

Jedynie comozna przijonc to to ze powiedzieli ze nasza slonskosc zaczyno se budzic i to zdecydowanie oraz zarzut ze do dnia dzisiejszygo w mediach niy mogom se przebic wiadomosci z powojennymi obozami do Slonzakow.Faktym jest jednak ze zaczyno se o tym godac.

[szwager_z_laband]

a jak odebrou's wypowiedzi tego z brylami i cigynbrodom?

[socer-schlesier]

Chodzi Ci o (jakos tak se nazywo) Villegost-a? Niy znom go ale im wszystkim przez gardlo niy moze jeszcze przynsc ze byli Slonzoki co se za Niymcow uwazali.

[socer-schlesier]

Sam mosz jednygo z nich.
www.dziennikzachodni.pl/artykul/343848,prof-zygmunt-wozniczka-o-jerzym-gorzeliku,id,t.html

[szwager_z_laband]

jo ajnfach niy ciyrpia jak Slonzokow sie dzieli

[gryfny]

cierpisz czy nie som podzielone

[gryfny]

jo bardzo dobrze,spokojny wie czego chcymy i nic na gwout i tak sie kamienie juz kulajom.

[gryfny]

do mie ten gorolski profesor: jak ciepnou szlaczek co oboz Zgoda to pojednanie Slonzokow i Polokow.Jasny pieron cza miec w tyj byrnie profesorskiej richig narombane!
Reszta nawet nie zareagowaua na tego cepa.

[gryfny]

powtorka rzech kukou

mom zapytanie

[szwager_z_laband]

co je czeskego w Cholonku?

[socer-schlesier]

szwager_z_laband napisal:
jo ajnfach niy ciyrpia jak Slonzokow sie dzieli
----------------------------------------------------
Tam "na gorze" jusz tak bydzie ale tu "na dole" na to niy ma szans.Zawsze se znejdom tacy co bydom szczuc.