kto wiy cos o tyj fotce?

[szwager_z_laband]

kedy je zrobiono?

czymu jom ktos mianowou "projektanci duzego osiedla"?

fotopolska.eu/166280,foto.html

[herbjelita]

To zdjencie znom ze albumów, ale wto to je to nie wiem. Jakeś niemiecke architekty i budowlańcy wiekego osiedla na opewno.

[szwager_z_laband]

obejz te auto w tle - dyc to je powojynne auto

abo?

[berncik]

Na tyj fotce i na tych inkszych pisze z lot 1938/39 - 1945 .Te auto tam niewiela widac .
Ciekawe fto to je te chopy.Za puzno se pytac .My som za modzi ha,ha,ha.

[szwager_z_laband]

wedug mie to je kajs miyjwiyncyj koniec lot 50ych poczontek 60ych abo?

[herbjelita]

Bernt, tyn pierszy mi starego Sosinki przipomino ze powojennej gminy. Ta brzoza tysz już mo pora lot. A może Szwager mo recht, bo tyn z tymi bryloma to mi na komunisty wyglondo.

[szwager_z_laband]

jak se jeszcze porownosz odciyn tyj fotki z inkszymi (niby z tyj raji) to bydziesz widziou ze i to cuzamyn niy pasuje

do herbjelita

[szwager_z_laband]

tyn Sosinka keregos sam na marginesie spomniou - bouo mu Gerard?

[berncik]

Ta samodziauowo jakla tysz wyglondo na srodek 50tych mozno szwager mo recht

[berncik]

jeszczech zapomniou wspomniec tyn budynek za tymi chopami .Jak by to bou labancki zomek ,we oknach ceguy .Mozno to je ironia ze tymi budowniczymi a wlasciwie som to Ci co szpryngli tyn zomek?

[szwager_z_laband]

a jo typuja na "Markiza"

[szwager_z_laband]

"Markiza" to tak sie mianowou tyn sklep kery bou na tyj ece na "Wolnosci"(ulicy) tak zaro naprzeciwko aptyki!

jak by ktos niy pamiyntou juz, abo niy wiedziou!


ale zicher zech niyma

[herbjelita]

Opowiem ci jutro.

[szwager_z_laband]

ok

[herbjelita]

W nocy mi se przipomniuo, ze Gerhard Sosinka to bou jego syn co to pod pociong wleciou.
Ujechauo mu noga. A to jak miou jego ojciec na imie to ci jeszcze powia.

[cirano]

Połowa lot 60-tych, zdaje mi sie. Gymby komunistow, a tyn ruby z przodku, kommt mir irgendwie bekannt vor...

[berncik]

Herb jak Ty godosz ze to je Sosinka ,to ta reszta Labanckich macherow to byli Kotowicz,
Czarnynoga i Ojciec tyj ze Syltu ,(Zapomniou zech jak se nazywou )Miyszkali u Königa.

[herbjelita]

Tyn pierwszy to na 100 % stary Józef Sosinka z jego synem Norbertem. Tych innych genau nie znomy. Tymu co to nogi ujechało było na imię Franz.
Also to nie som żoudne architekty osiedla, bo jak Sosinka do Łabond przyjechoł to to osiedle już stoło. Jak tak genau zaglondom, to ci dwaj ze zatku som sobie i styrymu podobni. Może to tysz jakiś prziouciel. Tymu wielkymu to komunizm z uoczu paczi.

[szwager_z_laband]

a niy bouo fatrowi Adolf?

[szwager_z_laband]

jedyn sosinka bou w tym znanym kole pszczelorzy ze Laband:

"- Jan wosiek - zauozyciel u dugoletni czuonek
- Ks. dr. Jan Dzierzon - czuonek honorowy, odkrywca partogenezy u pszczouow
- Amand Morys - som godou na sia "Sioduak z Rzeczycy" i tak pisou o sia do Dzierzonia, sekretorz
- Jan Wilkowski - honorowy czuonek, weteran pszczelorzy, miyszkou we Suawiyncicach
- Ks. Wladyslaw Robota - honorowy czuonek, bou ksiyndzym we Laband i Gierautowicach
- Jan Miemiec - bou piyrszym biblotykorzym zwionzku, bou tysz kreczmorzym we Laband
- Izydor Swoboda - drugi po A.Morysie sekretorz zwionzku we latach 1903-4
- Emanuel Biskupek - drugi po J.Wosku prezes zwionzku, slusorz ze Glywic
- Jan Kopiec - tak jak i J.Wosiek bou prelegyntym zwionzku
- Jan Poloczek - bou duge lata skarbnikym
- Edmund Poloczek - synek od Jana i prezes zwionzku od 1955
- Adam Poloczek - jeszcze jedyn ze sagi Poloczkow
- Konrad Osman(tysz bouo ich wiyncyj z tyj famili) - rzezbiou ule, bou ze wsi Lubie/Hohenlieben
- Robert Linkiert - przewodniczoncy(1955)
- Gerard Sosinka - sekretorz
- Franciszek Bautsche - zastympca przewodniczoncego
- Alojzy Jaworski - skarbnik

Ze Laband zwionzek rozwijou sie na okolice - Brzezinka, Czechowice, Lubie, Rzeczyce, Pyskowice, Paczyny, Rudziniec, Przezchlebie, Puawniowice, Kamieniec, Poniszowice, Niekarmia."

[herbjelita]

Swager, jo cie żle poinformowoł. Tyn Gerhard Sosinka z tyj listy przeczelarzy to je tyn na tym uobrozku. zaś jego synowie - Franz co mu ta noga ujechało i Norbert urodzony w 1945 roku.
Przepraszam za ta uomyłka. Uon mi to trocha niedokładnie napisou.

[szwager_z_laband]

kery gynau?

[herbjelita]

Tyn pierwszy z tym uobrozkiem. Nie poradzisz te foto tak powienkszyć aby to bouo można poznoć co tam je.

[szwager_z_laband]

z tym obrozkym probowouech, ale to sie rozmazuje :(
tyn inkszy mo tysz cos w rynce (?)

jo w necu znod pora wzmianek o jakims Gerardzie synu Adolfa co dostowou od komunistow odznaczynia - bezto sie pytouech eli fatrowi od Gerarda bouo Adolf Sosinka.

ps

[szwager_z_laband]

tyn co tam ta fotka wklejou mo sam tysz swoja galeria:

www.panoramio.com/user/1606329?comment_page=1&photo_page=2

[herbjelita]

Szwager, chylom gowa przed tobom, żeś ty to rozpoznou, że ta fotka tam nie pasuje.
Alle achtung!.
Ino jedno ci chca pedzieć. Ci na tym uobrozku to som ci zabryniczanie co do nos na Slonsk po wojnie przijechali. To co dzisiej w Łabyndach momy to min. ich dzieło.
Czy to Sosinka, Pierończyk, Czarnynoga abo inkszy hadziaj, to wszystko obco chołota.
Pierończyka znou ech już jako starszego emeryta a Czarnynoga to mi se przipomino jako ciemny glacaty. Jo nie wiem czy wtoś z nich tam na uobrozku je.

[szwager_z_laband]

jo Czarnynogow to ino modych chopcow se pszipominom a z tymi komunistami to mosz recht

[szwager_z_laband]

ale mosz recht z tym ze byli czorne, bo te chopcy co jo ich pamiyntom (musieli to byc wnuki) to byli czorne tysz - odnich fater wiym ze bou komunista

[berncik]

szwager_z_laband napisał:

> ale mosz recht z tym ze byli czorne, bo te chopcy co jo ich pamiyntom (musieli
> to byc wnuki) to byli czorne tysz - odnich fater wiym ze bou komunista

Oni tysz mieli jedna dzioucha,czynsto jom bouo widac na NK.,ale od jakygos czasu juz nie ,juz by musiaua byc przed 80tkom boua mozno ze 3 lata starszo jak jo.

[herbjelita]

Tys napisou "Uoni mieli dzioucha"
Kotowicz mio jedna - Krysia
Sosinka jedna - Marta
Pieronczyk dwie blizniaczki - Teresa i Ewa
Czarnynoga mi se zdo tysz mio jedna.

[berncik]

Jo odpowiadou Szwagrowi ze Czarnynoga miou dzioucha co czynsto boua we NK. a tera jej niema,tak od pou roku .Marta Sosinka znom chodziyli ma razym do szkouy bola chyba rok starszo.
Pieronczyka dziouszki pamiyntom .Jo miou mozno 10 lot a One se bawiouy w ogrodzie u Königa Pupami.

[szwager_z_laband]

wiycie jo sie tak zastonawiom eli to niyma jakos fotka zrobiono skuli budowy MDK (domu kultury) (?)

[berncik]

szwager_z_laband napisał:

> wiycie jo sie tak zastonawiom eli to niyma jakos fotka zrobiono skuli budowy MD
> K (domu kultury) (?)


Sprobuj jakos wyniuchac co to za budynek za tymi figurami ? Mie to wyglondo na zomek,
Tam widac okna zatkane ceguami.We laband nie pamiyntom zeby taki kajs bou.

[szwager_z_laband]

a szuo do zomku atym w tym czasie podjechac?

rosuy kole niego zaroski brzozy?

niy umia se na to odpedziec

[berncik]

szwager_z_laband napisał:

> a szuo do zomku atym w tym czasie podjechac?
>
> rosuy kole niego zaroski brzozy?
>
> niy umia se na to odpedziec

Do zomku szuo zawsze dojechac albo od strony poczty bo to bou tyn som dojast co do Gorzelni,albo od strony Pola ,te dwie drogi jeszcze dzisiej som.Tam cauy czas bouy jakes drzewa i krzoki od strony Klodnic bouy wiezby .Jo ta fotka posuou do Laband do znajomyj,godou zech zniom i nie umiala mi wiela powiedziec Powiedziaua ze se spyto swoich kuzynow ,mozno Oni cos wiedzom,bydymy widziec.

[szwager_z_laband]

Moja mama je tysz praje we Laband, bezto niy moga sie jyj sam spytac. To z tom gorzelniom jeszcze pamiyntom - zawsze jak mi sie ta gorzelnia pszipomni to pszipomino mi sie tysz jedna scyna - bouech mauy bajtel jak zech tam szou i lotauy tam te kury "liliputy" = to bou tyn rodzaj kur co von Welczek sprowadziou z Japonii a o kerych Grzimek szkryflou piyrszo swoja rozprawka. No ja, to juz ale bouy ino resztki sladow po downych czasach.

Sam tysz cos ciekawego o nim (Grzimku):

www.bild.de/regional/frankfurt/zoo-hannover/wie-er-zu-seinem-spitznamen-kam-8065454.bild.html

[berncik]

To je fajne ze tym Grzimkym .To jo tysz je Hüner Baron ha,ha,ha. Bo jo te Zwergi tysz zichtowou .My mieli srogi ogrod ale i tak zawsze musiou zech je gonic i dou zech je Szwagerce na bauernhof i tyn kokot od tych zwergow se tak tam rzondziou i goniou te sroge kokoty,ze Oni nazwali tego mauego zwerga Berncik ha,ha,ha.

[szwager_z_laband]

:))

[herbjelita]

Szwager, tys pisou o gorzelni i o kurach.
Jo ta gorzelnia znom von Innen. Najbardzi mi se podobaua ta staro, zadbano Dampfmaszyna co poruszaua te wszystke agregaty. Pod Deckom bou taki dugi na cauo halla wau transmisyjny, od wtorego kozdo maszyna boua pasami napendzano. Pamientom tysz taki messingowy tabernakel kaj ze cienkiej rurki kapou tyn spiritus. Kais we 60-70 latach to wszysko wyrwali i zainstalowali elektryczne motory. Te stare urzondzenie to jak w muzeum.
Szkoda tygo. Ciekawi mie co se z tom Damfmaszynom stauo? Te kury zas uod Welczeka to dzisiej hodujam.

[szwager_z_laband]

jo bou wtedy mauy syneczek - ale niykedy zech tam przeuaziou ze tatom abo mamom i te pasy jeszcze kojaza. Lata sie tysz miyjwiyncyj zgodzajom = moja pamiyn siyngo do konca 60ych lot. JAk zes przez ta brama przeloz kaj taki mauy stow bou tam te kury zowdy ze kaczkami widziouech no i kole gnojoka tysz lotauy. Mysla ze oni ta maszyna wyciepli a z reszty ktos se bimbrownia na lewo zrobiou. Oni tam kradli wszysko co sie dauo, a jak juz niybouo co krasc to wszysko zbulyli. Z tego welczkowskego "panstwa" (bo doniyj tak to nazywali) to do dzisiej ino tyn spichlerz sie ostou i kosciou. A legynda godo jeszcze o podziymnych tunaleach ...;)