Ruda stolicom fraszki ślonski

[broneknotgeld]

Kożdy kto mi w tym pomoże
Może liczyć na - Szczyńść Boże.

[broneknotgeld]

Na tym forum to zacznymy
Jakoś przeca już to leci
Choć my yno ło tym wiymy
Ślonski rym sie ciyngym kleci.

[broneknotgeld]

Dyć na bezrok możno bydzie
W Rudzie "konkurs ślonski fraszki"
Stowiom złociok że to przidzie
W zocy bydom te "igraszki".

[broneknotgeld]

Zaś nos wiyncyj rymy kleci
We ta strona durś to leci.

[broneknotgeld]

Tukej ślonski fraszki źródło
Wlyź kaj ińdzi - prawie "pudło".

[broneknotgeld]

We szpyndlikach rym jest mocny
Choć godajom że niyzocny
W Rudzie fraszki take momy
Na szpyndlikach tu sie znomy.

[broneknotgeld]

Jakby nom niy paczeć fraszka tukej jest
No i tela szkryfna - czimie sie tyż fest.

[broneknotgeld]

Kto jeszcze wspiyrać we tym by chcioł?
Bo jak nos wiyncy to leko idzie
Powiycie - Bronka to yno fioł
Dyć przeca cosik ze tego bydzie

Już teroz forum fraszkom nom blyszczy
Stond tyż to leci we dolsze strony
Pomożcie - pryndzy sie to nom zyszczy
To niy som yno rymowe kromy

Forumowicze szkryflać zechciyjcie
Rymym se do tyj ideji włonczcie
W zocy co ślonske zowdy tyż miyjcie
Ze nami razym czynsto tu bońdźcie.

[broneknotgeld]

ciupazka 01.02.2004 22:17

Bronusiowi twórcy
juz z coła pot ciurcy
suko tyz pomocy,
choć nos ni mo w zocy... Hehe

[broneknotgeld]

Aż tak źle to zy mnom niy ma
Choć sie traci czasym tymat
Dyć po prowdzie - wszysko ciongnońć
To trza by "pegaza" wprzongnońć.

[broneknotgeld]

ciupazka 01.02.2004 23:03

Bronek! Tyś tu dobry "Pegaz"
Lepsego ci nie trza wcale
Nie dziwota, ze kie cytom,
To ocy z głowickom bolom.
Hej!

[broneknotgeld]

Zy mie marno już habeta
Lyjty bolom na kotletach
Ale jeszcze ciongna jakoś
Czasym kantar gryza - psiakość.

[broneknotgeld]

hepik1 02.02.2004 06:35

Jeszcze dosz rady w tyj mynce,
niy na darmo bat w myj rynce,
jak ruszyc sie niy mogesz
smagniyńcie po kotletach pomoże

[broneknotgeld]

ciupazka 02.02.2004 11:25

Rozbawiliście mnie
I samo sie śmieje, hehe...

[broneknotgeld]

He, he! Hepok za "woźnice"!
Tyż mom roześmione lice!

[broneknotgeld]

He, he! Hepik za "woźnice"!
Tyż mom roześmione lice!

[broneknotgeld]

Zdowo sie yno abo i niy
Dyć coroz wiyncyj ludzi to wiy.

[broneknotgeld]

Stolica ślonski fraszki

Niom jo Ruda zrobić chca
Może złościć kogoś -pra?
Ale przeca "chcieć to móc"
Bestoż trza te rymy "tłuc".

[broneknotgeld]

Hehehe!!!

A co to szkodzi?
Dyć ślonsko fraszka w Rudzie sie rodzi
A potym w Polska - tyż do Europy
Cieszom sie frelki a nawet chopy.

[broneknotgeld]

ciupazka 10.03.2004 09:25

Prowde radzis, słowo wiater,
pismo grunt!
Niek Ci Bozia zdrowie daje,
coby ino był tu szfunk!

Tello.Pozdr.

[broneknotgeld]

Dyć mie szwongu niy brakuje
Sama widzisz - rym sie suje
I do tego czeba chopa
A niy skory ze krupnioka.

[broneknotgeld]

ciupazka 10.03.2004 15:28

Nic dodać, nic ująć
kie sie rymy sujom!
Hej!

[broneknotgeld]

jojo_1 10.03.2004 21:15

Byś niy liczoł ino na Boga ,
Jo ci chyntnie w tym pomoga.
Jak mie chyci wartko wyna,
sypna tukej jak maszyna.
Ale że mom dzioj kaca ,
ino z biyrym sie kamraca.

[broneknotgeld]

Wreszcie żeś piyknie wciep coś we rymach
A jo już myśloł - mynczy cie tryma
Dyć niy dziwota - przi "nibywojnie"
Niy szło se szkryflać cołkym spokojnie.

[broneknotgeld]

Gorzyj ze ślonskom fraszkom by było
Jakby hepika kajsik nom wciyło
W tym mo zasługa dlo tyj stolicy
Że tu na Bronka ździybko poryczy.

[broneknotgeld]

Stolica ślonski fraszki

Dyć przeca styknie żech to łogłosioł
I sie niy byda nikogo prosioł
Wrocław - stolica cołkego Ślonska
Tyż sie już toplo we rudzkich konskach.
forum.gazeta.pl/forum/72,2.html?f=72&w=6507989&v=2&s=0

[broneknotgeld]

Jakby w Odrze kra ruszyła
Wielko fraszki ślonski siyła.

[broneknotgeld]

Dyć fraszka rudzko niy jest przerostym
Chocioż rym jeji możno za prosty
Myśla że wongel z niyj jest jak feta
Dano Ślonskowi tyż na podnieta.

[broneknotgeld]

Ślonske rymy

Trza sie za nie teroz brać
Dyć nojlepi tu je dać.

[broneknotgeld]

We tym kerunku jo ciyngym krynca
Regiony ślonskom godkom tyż nynca
Ze jedny strony to jest zabawa
Ze drugi nawet zocniejszo sprawa.

[broneknotgeld]

ciupazka 20.03.2004 14:16

Nie dej sie zabocyć,
niek Cie Ruda mo przecie w zocy!
Telo.Pozdr.

[broneknotgeld]

Dyć durś pochom

Niy powiym że yno trocha
Wiela chciało by sie pochać
Już te forum z tego znane
Że jest Ślonskym malowane.

[broneknotgeld]

Siodmy stan materii - ślonski
To te nasze rudzke konski.

[broneknotgeld]

Rudzko fraszka tu niy "gości"
Wiedzom ło tym ludzie prości
Łona przeca jest u siebie
Na tym forum jyj jak w niebie

Czasym tukej grzmiom pierony
Chłodym wieje ze ty strony
Inkszym razym słonko blysko
- Wiy że łona durś tu miyszko.

[broneknotgeld]

lech_niedzielski 29.03.2004 22:26
Dla potomnych

Rzekł: niech pamiętają o mnie potomni
i ze śniegu postawił sobie pomnik.

[broneknotgeld]

Fraszka to wiater
Pedzioł mi fater
Dyć jak porzondnie czasym zawieje
To i ze tego wiela sie dzieje.

[broneknotgeld]

Możno by tak bez łostudy
Wspiyrać to co jest ze Rudy.

[broneknotgeld]

lech_niedzielski 31.03.2004 22:36

Najgorsze z upokorzeń,
Kiedy nawala korzeń.

[broneknotgeld]

Możno

Możno ktoś sie tego boji
Ruda ślonskim rymym stoji
Siodmy stan materii - godka
Polecymy z niom do przodka.

[broneknotgeld]

Piykny rejwach jest na forach
Łodsłonia choć jedna stora.

[broneknotgeld]

Hehe - teroz link tyn wkleja
Dyć w tym radość - durś sie śmieja
forum.gazeta.pl/forum/72,2.html?f=299&w=11938992

[broneknotgeld]

Takego forum ze świyczkom szukej
Za ślonskom fraszkom do Rudy klupej.

[broneknotgeld]

Piykny momy w tym poczontek
Szczyńściym że to jest we Rudzie
Fraszki ślonski tu zakontek
Stond w Europa śmiało pódzie

Ruda rymym sie rozsławi
Internautow wiela przidzie
By sie z nami tu zabawić
Szkryfna tako - dobrze bydzie.

[broneknotgeld]

Taki w Rudzie problym mom
Żech ze Ślonskym prawie som
Możno fraszka straszno jest
Że mie szczypiom czasym fest.

[broneknotgeld]

forum.gazeta.pl/forum/72,2.html?f=261&w=12929259
To perełka for "Wyborczy" - jakby szkryfnoł tukej
A dyć drugi taki szteli darmo w sieci szukej.

[broneknotgeld]

ciupazka 02.06.2004 13:25 + odpowiedz

A kie ik Twoja fraska praska,
niek idom syćka do diaska.
Pieknie rymem po dziedzinak sujes
i temu tu im nie pasujys.
A jo sie niom zacytuje,
nei temu Ci fórt winszuje.
Telo.Pozdr.

[broneknotgeld]

Ano Ciupazko - toż samo życie
Styknie że dlo mnie godka to kwiycie
A jak jom jeszcze we rym łodzieja
To pełnom gymbom zowdy sie śmieja.

[broneknotgeld]

Niy yno w kościele żyje se ze Bogym
Łon jest z tobom w doma i zowdy za progym
Dyć grzychy doczesne wszyske widzi twoje
Bliko tyż na forum - take zdanie moje.

[broneknotgeld]

forum.gazeta.pl/forum/72,2.html?f=15718&w=14064067&a=14064067
Ruda tom "wizjom" Ślonska tyż blyszczy
Co i w Żaganiu sie możno zyszczy

[broneknotgeld]

Tu piyńset postow w czi tydnie leci
Dyć jak tyn Bronek swoje nakleci
Niy byda "dychoł" ze rymym ślonskim
Budujom forum ciyngym te konski.

[broneknotgeld]

Niy yno fraszki ślonski stolicom
Kolekcjonery tyż przeca świycom.

[broneknotgeld]

Chnet cołko Polska już ło tym wiy
No a terozki poznołś to TY.

[broneknotgeld]

Ze ślonskim rymym Ruda na przedzie
Piyknie łod roku tako se jedzie..

[broneknotgeld]

Niy trza mie ciongnońć przeca ku tymu
Joch marnym sługom ślonskego rymu
Dyć tu durś czekom wielkego tuza
Kerego richtig pociongnie muza.

[broneknotgeld]

"Trombom jerychońskom" czynsto fraszka bywo
Nawet tako ślonsko - co nikerych dziwo.

[broneknotgeld]

A jo już teroz sie yno lachom
Jak w dzwon ktoś cepym uparcie wali
Ło to że pynknie tyż se niy strachom
Choć istny przeca ciyngym se żali

Toć carillonu serca niy ruszy
Zmacho se tako - klang do fałszywy
Co niy zaleci daleko w głuszy
RYM RUSZO SERCE -DZIEJOM SE DZIWY.

[broneknotgeld]

Nasze forum - ślonsko ksiynga
Dyć trza do niyj yno siyngać.

[broneknotgeld]

Na dwoch forach fraszka leci
Ale sie ty Rudzie kleci.

[broneknotgeld]

Coroz drapci leci rym
Na tych forach - tela wiym
Skuli Rudy zdo sie piyknie
Niychej wyny we tym styknie.

[broneknotgeld]

Fraszki niy zamknom na kłodka
I niy łowinom w pozłotka.

[broneknotgeld]

Niyjedyn ciekawie kuko
Nawet wyny tukej szuko.

Aleja Ślonski Fraszki

[broneknotgeld]

Aleja Ślonski Fraszki

Rożne we świecie som te aleje
A mie do taki dusza se śmieje.

[broneknotgeld]

Ale by było
Kejby spełniyło

[broneknotgeld]

Jako być idzie fraszki stolicom?
Styknie co rymy se tukej klycom?
Pewnikym trza ich naprowdy wiela
Sioć je tyż czynsto na rożnych sztelach

Nic to że nojpiyrw we internecie
Jakoś w stołeczność sztartnońć trza przecie
A możno tako nawet jest lepi
Styknie że fraszka ducha nom krzepi

Tyn rym co leci ze naszy Rudy
Zdo sie nikerym już dzisioj cudym
"Pokładym wonglo" ruszonym w końcu
By sie mog czowiek zwrocić ku słońcu.

[broneknotgeld]

Toż idzie szkryflać fraszek tysionce
A niy zaświyci przi tymu słońce
Ktosik na Ślonzek ćmok nom przitaszczoł
Jeszcze przi tymu wszysko poplaszczoł.

[broneknotgeld]

Już to niy yno mie sie wydowo
Stolica fraszki jakby światowo.

[broneknotgeld]

Ze stolicy fraszki

Zowdy stolica łod sia to dowo
Co zocne przeca jyj sie wydowo.

[broneknotgeld]

Welunkowo fraszka - we tym tyż radocha
forum.gazeta.pl/forum/72,2.html?f=396&w=29090656
Przeca sie ze tego idzie pośmioć trocha.

[broneknotgeld]

Wolność - jeronie - czy sie wydowo?
-Zdo sie łod Boga to piyrsze słowo!
Toż tako w końcu je wypowiedzioł
No i sie stało - bo chcioł i wiedzioł.

[broneknotgeld]

Tako to "agyńcik" prawi
forum.gazeta.pl/forum/72,2.html?f=261&w=31390642&v=2&s=0
Choć starom sie wiela
Fraszka uczy no i bawi
-Mo jom kajsik sztela

Dyć za jedno trza mi rzykać
I Bogu dziynkować
Mom wiernego czytelnika
"Śledczo" jego gowa.

[broneknotgeld]

Karolinka już ze nami
Ciyngym dzieli se rymami
Możno jeszcze jakimś cudym
Łona tyż z ty naszy Rudy.

[karolinka44]

niy trza cudu wielkigo - powiym to jasniej
ze Karolinka z Rudy Slonki pochodzi wlasnie
przeto syntymynt do Rudy Slonski mo ,
kozdy lo to miejsce kaj sie urodzil dbo!
Halymba moim portym na tym swiecie jes
kaj wracom kedy w swiatowy ruszom rejs !

[broneknotgeld]

Toż halymba se raduje
Karolinko - forsztelujesz
Co Nec łonczy a niy dzieli
Blisko żeś i swoji szteli
Chocioż zdo sie co daleko
Duchym wrocosz - z tym niy czekosz.

[karolinka44]

w necie wszystko idzie ruk cuk
to jest techniki wielki cud
kaj by sie ludzie niy trefili
w necie to proste kozdy chwili

raduje sie Halymba a i caly swiat
ze pogodac sie mogom siostra i brat
niy trza wielkich rajzow planowac
styknie kompa gipko wyrychtowac

potym swiat stowo sie taki malutki
plynon sieciom fotki godki a i nutki
mysli idzie posylac kaj sie ino chce
Komp to dobro rzecz
-niy mysla juz lo ni tak bardzo zle ;-))

[broneknotgeld]

Szłoby sie zaplontać w sieci
Dyć niy wtedy jak rym leci.

[broneknotgeld]

Sie już Dzieciontko nom narodziyło
Na Forum rodzi durś fraszka
Oby z tym szczyńście we duszach było
Niy yno słowno igraszka.

[broneknotgeld]

Przeca ciyngym idzie ło to
By se nom mnożyło "złoto"
Te co nasze dusze grzeje
Fraszki jakby dobrodzieje.

[broneknotgeld]

Niychej fraszek tukej wiela pyłku z sosny
Tako se doczkomy i latoś ty wiosny.

[rita100]

Ruda stolicom fraszki ślonski
bo w niej mieszka Bronek 'boski' ;)

[broneknotgeld]

Cos mie durś wylogowuje
Czy sie forum fraszki psuje?

[broneknotgeld]

Już se niy trza tymu dziwać
-Przestało wylogowywać.

[broneknotgeld]

Czy trza dzisioj nom Homera?
Wyrychtuje Ślonzek rymym?
Lepi brać se za to teraz
Chyba to już wszyscy wiymy

Toż klawiyry momy przeca
No i forum tyż dlo tego
Wleci ślonski rym do neca
Możno wyńdzie coś piyknego.

[broneknotgeld]

Toż se wciepna tukej link
forum.gazeta.pl/forum/72,2.html?f=904&w=38378035&a=38419535
Bo ze śmiychu żech chnet pynk.

[broneknotgeld]

Toż niych fraszka durś jest w modzie
Ta szkryfniono tyż na wodzie.

[broneknotgeld]

Do magistratu możno se zgłosza
forum.gazeta.pl/forum/72,2.html?f=261&w=39564917
Pełnomocnictwo fraszki poprosza.

[broneknotgeld]

Fraszki swojym żyjom życiym
Toż niych wiyncy z nos je klyci.

[broneknotgeld]

Z fraszkom Ślonzek se pokulo
Zowdy w przodek - rym niy fulo.

[broneknotgeld]

Zno rym ślonski tyż Warszawa
Toż niy wadzi ta zabawa
forum.gazeta.pl/forum/72,2.html?f=51&w=38125104
Co stolica to stolica
Fraszka niychej krasi lica.

[broneknotgeld]

Ktosik za ślonskościom stoji
Inkszy zaś sie tego boji
Roztomajte tukej fora
Niy z jednego jakby wora.

[broneknotgeld]

Pytoł se mie jedyn co na gowa chory
-Czy w stolicy fraszki tyż bydom wybory?

[broneknotgeld]

Wszyndy ślonski fraszki pełno
forum.gazeta.pl/forum/72,2.html?f=261&w=47142257&a=47233731
"Kłakym" zdo sie i tom "wełnom".

[broneknotgeld]

Ech - by chciało se już użyć
A tu światu durś trza służyć.

[broneknotgeld]

Toż szykuje se szkryflanie
forum.gazeta.pl/forum/72,2.html?f=34281&w=48642275&a=48778104
Fraszka na pont pewno stanie.

[broneknotgeld]

Zowdy fraszki dyć radościom
Gupielokow yno złoszczom.

[waga.w]

Złość fraszkom i urodzie szkodzi ,
ale zwykle - szybko przechodzi .

[broneknotgeld]

Ano - niy ma w tym marasu
Fraszki zowdy skuli szpasu.

[broneknotgeld]

Zowdy tako jest ciekawi
Kaj i Ślonzok cosik prawi.

[broneknotgeld]

Gyburstag miasta zaś dzisioj momy
Niyjedny flaszce rady z tym domy.

[broneknotgeld]

Cicho tyn gyburstag minoł
Niy zatrzynsło nom dziedzinom.

[broneknotgeld]

Jako było tako jest
Fraszka blyszczy tukej fest.

[broneknotgeld]

We stolicy bydzie fajer?
Ze tym dzionkym to niy bajer?

[broneknotgeld]

Niych mo postow wontek sto
Kożdy tyż stolica zno.

[broneknotgeld]

Piyrszo seta se skończyła
Drugo tako dyć zaczyła.

[broneknotgeld]

II Zeflug w Rudzie momy
forum.gazeta.pl/forum/72,2.html?f=28940&w=60401200
Stołeczności niy łoddomy.

[broneknotgeld]

Ano - trza se trzimać tego
Rym pociongnie do dobrego!