Kaczy Sejm

[broneknotgeld]

Sejm "kaczy"

Sejm zdo sie "kluczym" kaczek na niebie
Co nawet niy wiy że kraj w poczebie
Styknie co majom kaj wylondować
No i za wiela niy obradować.

[sloneczko1]

;)

[broneknotgeld]

Z piyrszy sesji wyszła sraczka
Zawiniyła wc-kaczka?

[hanys_hans]

Kaczor Doonald, myszka Miki
Pojechali do Afryki.

[broneknotgeld]

Na marszałka dać Leppera
Niych "kaczkami" rzońdzi teraz.

[broneknotgeld]

Toż ciekawy "światek kaczy"
Binder tukej wiela znaczy
Tyn w czerwono-biołe paski
Kaczka z niym łopływo w łaski.

[rita100]

Nie zapomnijcie jutro prezydenta wybrać
i przed decyzją umysł sobie wyprać

[broneknotgeld]

Jako z sezonym bydzie na kaczki?
Kedy łodszczylać pódzie dziwaczki?

[rita100]

Może postawimy kto wygra ?

Tusk wygra
bo mu dyrda ;)

[sloneczko1]

najgorsze jest to,że ja wybrałabym połowę od Kaczyńskiego a połowę od
Tuska--mówię o programie politycznym---i jak tu wybierać????

[broneknotgeld]

Łoj Słoneczko - Tyś jest super!
Łod kerego wziyłaś kuper?

[broneknotgeld]

Mie to gancegal
Zdo sie niy moj bal

Jeronie, Rita, w cołkim mojim życiu zoliczoł żech krotki staż partyjny, do tego
we rudzki PO.
NIGDY WIYNCY TAKEGO FELERA NIY ZROBIA.

[rita100]

Ja nie byłam w Partii, nie miałam na nia czasu i potrzeby.
To jutro wieczorny wieczów
Może zadowoli wszystkich ten wybór.
Polska się podzieliła
zachód glosuje na Tuska
wschód na Kaczyńskiego

moze tym się Sloneczko pokieruj :)

[broneknotgeld]

Ano - terozki w gowa zaś dropia
Jo jest połednie to se niy tropia.

[broneknotgeld]

"Kacze jaja"

"Kacze jaja" welujymy
Razym z niymi zakwaczymy.

[annak12]

Ano,co my momy teroz strachu
czy oni nie są już z tą ptasiom
Bo kiej od samego początku chore
to nom nie pomogom żodne doktore

[broneknotgeld]

Ponoć se wirus ciepie na gowa
Czy to jest ptokow jakowoś zmowa?

[rita100]

Zaraz dowiemy się kto zostanie Prezydentem, jeszcze 25min i już będziemy
wiedzieć

[broneknotgeld]

Chnetko se kaczki zlecom na fajer
Bydzie ze tego pieroński bajer.

[rita100]

ależ emocje
bo obydwoje idą łeb w łeb :)

[rita100]

i jest nowy Prezydent

[broneknotgeld]

Toż już tako popłynyło
Kaczo bydzie se nom żyło.

[rita100]

cztery lata kaczorowania
będzie więcej do gadania
kwa, kwa, kwa

[broneknotgeld]

Choć mo zdo sie krotki krok
Dyć mu dołoż jedyn rok.

[broneknotgeld]

Rozkwakało se to wszysko
Jedne wielke dziwowisko
Kaczki w piski te rot-biołe
Tyż terozki som wesołe.

[rita100]

Kaczy Sejm będzie kwakał
a PO będzie gdakał ;)
zrobi nam się taka gadka
ze zamkniemy ich w chlewikach ;)))

[rita100]

to chyba dwa tygodnie trzeba czekać
by Sejm mógł się do kupy zebrać

[broneknotgeld]

Godosz taki kaczy szwong
Jakiś wirus se w to wprzong?

[broneknotgeld]

Już sie wiela POPiSujom
Możno szajdong nawet czujom.

[rita100]

Dziś wybrali Marszałka Sejmu. Został nim Marek Jurek z PiS ,co oznacza, że
pełna władza jest w tym ugrupowaniu.

[rita100]

Jest już propozycja następnych wyborów, które mogłyby się odbyć 15 stycznia
jeśli się partie nie dogadają.

[rita100]

W poniedziałek ostateczny termin utworzenia rządu , w innym przypadku , w
przypadku nie utworzenia rządu będzie rozpisanie nowych wyborów

[broneknotgeld]

Dyć sejmowe "kaczki"
Niy take "dziwaczki"

[broneknotgeld]

Klucz kaczek jedyn we doł pikuje
Pewnikym lepi se tako czuje
Dyć inksze ciyngym pnom se we gora
Jako wysoko uniesom piora?

[broneknotgeld]

"Rozkwaczone" wszysko take
Dyć po prowdzie durś jednake
Chce mieć zesel kożdo "kaczka"
Z nerwow może chycić sraczka.

[broneknotgeld]

I zorta "kaczek"

Wszyske "kaczki" tu sPiSiałe
Stadko wcale niy jest małe.

[broneknotgeld]

Jest cwilinger u nich z przodka
Toż szczyńślowo ta czelodka
Drugi już elektym przeca
Zesel czeko piyrszy z neca.

[broneknotgeld]

Ciynżko zrachować nojwiynksze stadko
Dyć czy coś szkryfnońć przidzie mi gładko?

Andrzej Adamczyk

[broneknotgeld]

Andrzej Adamczyk

Budowlaniec ze Krakowa
Piyrszy roz tu jego gowa
Możno nawet tako czuje
Że se cosik wybuduje.

[broneknotgeld]

Krakowski rajca

Rajcom powiatu był krakowskego
Terozki wyży poloz do tego.

Waldemar Andzel - Sosnowiec

[broneknotgeld]

Dali spod Sosnowca
Dyć niy "czorno owca"
W zdrowiu miyszo cosik
We wercie tyn "grosik".

[broneknotgeld]

W powiecie byńdzińskim tyn karlus rajcowoł
Toż se teroz w Sejmie bydzie "produkowoł".

Małgorzata Bartyzel - Łódź

[broneknotgeld]

Ano ano - moje panie
Mo ta frela swoje zdanie
Tuz to jakby jest kecaty
Jyj niystraszne nawet baty.

[broneknotgeld]

W stanie wojynnym internowano
Se pokozało - niy jest złomano.

[broneknotgeld]

Jest Bartyzel tukej z łodzi
Wiejski jednak to niy szkodzi
Ze kulturom dyć tańcuje
W Sejmie szwongu tyż poczuje.

[broneknotgeld]

Prorechtor łódzki WSSiP (1998-2002)

Toż tako wiymy - we kunszcie miyszo
Nudli jo na tym niy byda wiyszoł.

[broneknotgeld]

W łódzkim magistracie

W łódzkim magistracie
Łod kultury szpecym
Dyć ciepła te lacie
Wnerwiono fest "necym"
Kery zrychtowali
Przi Tyjatrze Nowym
Tako pretekst dali
By miała to z gowy.

[broneknotgeld]

Sama chciała

Łódź na Wiejsko jom posłała
Sama tako przeca chciała.

Jerzy Bielecki - Lublin

[broneknotgeld]

Elektomechanik po politechnice
Fachmon w telefonach - pewno ło tym wiycie.

[broneknotgeld]

J.Bielecki

W Janowie Lubelskim se karlus rajcowoł
Pewno jako tako rada ze tym dowoł
Bo łokryng lubelski we gora go cis
Teroz łon na Wiejski kwacze tako - "PiS"

[broneknotgeld]

Niy piyrszo

Zdo sie to niy piyrszo już jego partyjo
W SKL był piyrwyj - toż żodno mecyjo.

Jacek Bogucki - Białystok

[broneknotgeld]

Szlachta zagrodowo we niym mo "hetmana"
Przeca łon na zjazdy ciyngym jom zwołuje
Czy deliberyjom do samego rana?
Czy "veto" tam słychać jak kto pofolguje?

[broneknotgeld]

Wojt Czyżewa (1990-1998)

Zdo sie dugo tam wojtowoł
już szlachetkom muster dowoł?

[broneknotgeld]

Starosta wysokomazowiecki

Ano ano - szoł we gora
Zagrodowy nasz szlachciura.

[broneknotgeld]

Wiceprezes Zwionzku Powiatow Polskich (2002)

Trza tako szkryfnońć - niy łocyganić
Polskim powiatom wicehetmani.

Bogusław Bosak - Kraków

[broneknotgeld]

W krakowski radzie klub PiSu czimoł
We polityce wcale niy drzymoł
Przeca go PC jeszcze tu znało
Toż i do Sejmu trefić se zdało.

[broneknotgeld]

Dochtor

terozki zdrowie bydzie kurowoł
"Kaczy Sejm" chory cosik sie zdowo.

Joachim Brudziński - Szczecin

[broneknotgeld]

Łoj - toż Ciupazka se ucieszyła!
Znać co górala we niym jest siyła?
Nic że w pomorski kontek se wkludzioł
Beskid Sondecki ducha w niym budzioł!

[broneknotgeld]

Ponoć za fiszami do Szczecina gonioł
Politologiji tako tyż niy bronioł
Fachmon dublowany richtig w Sejmie bydzie?
Ano - łoboczymy jako mu to przidzie.

Barbara Bubula - Krakow

[broneknotgeld]

Tuplikuje coś na polski
Kery jynzyk dlo niyj swojski?
Z wykształcynio polonistka
Z godkom ślonskom bydzie czystka?

No dyć jo sie tym niy tropia
Zowdy smutki w biyrze topia.

[broneknotgeld]

Ponoć w samorzońdzie sie frela niy traci
Czy łona i Ślonzek jakoś ubogaci?
Czy inkszym regionom cosik łod sia do?
W PiS ako niy wierza - konkluzyjo mo.

Teresa Ceglecka-Zielonka - Opole

[broneknotgeld]

Rada Miejsko w Namysłowie
Dobrze wiy jaki z niyj czowiek
Przeca jyj przewodniczyła
Toż choć frela - mo tyż siyła.

[broneknotgeld]

PiSym tako reskiyruje
We tym swojym Namysłowie
Toż już teroz forsztelujesz
Że to jejich pewny czowiek.

[broneknotgeld]

Wolontariuszka

Skarbym dlo bajtli tako świytlica
W kery i jeji widujesz lica
Co dlo nich robi w zocy trza mieć
Niy idzie ło to by yno chcieć.

Aleksander Chłopek - Gliwice

[broneknotgeld]

Co mi łod sia tu powiycie?
Richtig Chłopek to Glywice?

[szwager_z_laband]

Nigdy w zyciu niy uwierza
Ktos go wyciong ze kounierza

[broneknotgeld]

Ponoć w młodości - jeszcze w Krakowie
Echt-katolicki ze niego czowiek
Chnetko łon tako "ciyrpioł za wiara"
Ło swoja prziszłość musioł sie starać.

[broneknotgeld]

1978 - w PZPR

Poskutkowało - już "nawrocony"
W ciekawym czasie stoł sie "czerwony".

[broneknotgeld]

1980 - "Solidarność"

Zaś mu sie zwyrtło - w "Solidarności"
Drapko zmiyniony - szkryfna nojprości.

[broneknotgeld]

"Sztyropartyjny"

Nigdy niy mioł z tym mecyji
Czy wystyknie mu partyji?

[broneknotgeld]

W glywicki radzie

Ponoć lgnoł tam do lewicy
w Sejmie tako na to liczy?

Zbigniew Chmielowiec - Rzeszów-Tarnobrzeg

[broneknotgeld]

Toż politechnika tyn karlus ukończoł
W łochrona natury czy se potym włonczoł?
Przeca w tym kerunku pobiyroł nauki
By zdrowi se żyły nawet nasze wnuki.

[broneknotgeld]

W budowlance

W budowlany gyszeft wloz
Czy dlo niego to w som roz?

[broneknotgeld]

W Kolbuszowy

Nojpiyrw w magistracie działym reskiyrowoł
Potym już zastympcom burgemajstra stowoł
Ano - z czasym zicnoł na zesel tu piyrszy
Czy lepi na Wiejski? -Niy bydzie nojwyrszy.

Tadeusz Cymański - Gdańsk

[broneknotgeld]

Gdański uniwerek doł ekonomika
By w bankach społdzielczych mog potym pomykać
Tako "Solidarność" w końcu tam założoł
Choć był kontrolerym przeca cosik wożoł.

[broneknotgeld]

1990 PC

Ano se PC łod wtedy czimoł
Toż tako w PiSie tyż niy podrzymoł.

[broneknotgeld]

1990-1998 Malbork

Marienburga burgemajster
Przeca tako niy wihajster
Malbork dźwignoł go wysoko
Ze szwongym na Wiejsko skoko.

Krzysztof Czarnecki - Piła

[broneknotgeld]

Piyrszy roz w Sejmie - niy w polityce
Ze Trzcianki trefioł - przeca to wiycie.

[broneknotgeld]

Lubuszanin - Trzcianka

Wiceprezes tego Klubu
Niy usłyszoł "łubu dubu"?

[broneknotgeld]

W Trzciance

Wpiyrw rajcom we Trzciance
Chnet zarzondu członkym
Na taki "polance"
Rozfyrloł se "bonkym".

Witold Czarnecki - Kalisz

[broneknotgeld]

Dochtor nauk technicznych chycioł polityki
Toż se podziwomy na jego wyniki
We zielonogorskim PC piyrwyj stowioł
PiS we wielkopolskim tako tyż rychtowoł.

Arkadiusz Czartoryski - Siedlce-Ostrołęka

[broneknotgeld]

KUL historyjo tkoł mu do gowy
We parlamyncie karlus jest nowy
I jeszcze mody - przed niym sztyrdziecha
Mo PiS ze niego możno pociecha

[broneknotgeld]

1998-2002 Ostrołęka

Była Ostrołynka
w Czartoryskich rynkach?
Czy to niy jednako?
Burgemajstrym tako.

[broneknotgeld]

2002 - wicemarszałek

Toż był szychom w mazowieckim
Inkszy czimie se już kiecki.

Roman Czepe - Białystok

[broneknotgeld]

W Papieski Akadymiji Teologiczny

Co tyn karlus sztudiyrowoł?
Niy wiym - take moje słowo
A po prowdzie słowa dwa
Bez cygaństwa lepi - pra?

[broneknotgeld]

"Sekcista"

Czy to hobby czy zojyńcie?
-Tropi sekty łon zowziyńcie.

[broneknotgeld]

Czowiek piora

Czowiek piora ponoć z niego
Joch niy czytoł nic istnego
Ano - toż pewnikym szkoda
Niy ma tako ło czym godać.

[broneknotgeld]

1990-1994 Łapy

Łapy wtedy czimoł w rynkach
Sejm dlo niego to niy mynka.

[broneknotgeld]

W Radzie Miasta Łapy 2002

W Radzie Miasta Łapy
Widać jego szłapy.

[broneknotgeld]

Ponoć łostatnio

Ponoć łostatnio zożywoł sławy
Przi burgemajstrze miasta Warszawy.

Edward Czesak - Tarnów

[broneknotgeld]

Inżinier mechanik co gyszeft tyż robi
Biuro projektowe Krakow możno zdobi
A dyć se zarobioł na to aże w USA
Czy poklackać tako Czesakowi musza?

[broneknotgeld]

W Brzesku

Za poprzedni kadyncyji
W Brzesku trocha mioł mecyji
Bo przewodzioł miejski radzie
W Sejmie teroz na "paradzie".

[broneknotgeld]

PiSiato szycha

PiSiato szycha w brzeskim powiecie
Wyży tyż bydzie jako zechcecie.

Andrzej Ćwierz - Krosno-Przemyśl

[broneknotgeld]

Dochtor fizyki - nauki gwiozdka?
Już u nowego zdo sie tu gniozdka.

[broneknotgeld]

"Neofita"

Toż partyjny neofita
Chcioł ze PiSym sie prziwitać
No i drapko w gora wloz
Pomog mu fizyka nos?

[broneknotgeld]

Solidarnościowiec

Ziymia Przemysko tako go zno
I ze ty strony poparcie mo.

Andrzej Dera - Kalisz

[broneknotgeld]

Przido prawnik sie we Sejmie
Ze niym prawo łon łobejmie?

[broneknotgeld]

Starosta ostrowski

Ano - tako starostowoł
Szczimie wiyncy - sie wydowo.

Leszek Dobrzyński - Szczecin

[broneknotgeld]

Sztudiyruje - toż niy bolok
Możno bydzie politolog
uniwerku szczecińskego
Podziwomy se na niego.

[broneknotgeld]

Rodzinny dom dziecka
Ze ślubnom prowadzi
Toż sie ze bajtlami
Cołkym dobrze radzi.

[broneknotgeld]

W Stowarzyszyniu Rodzin Katolickich

Ano - we ferajnie ty sekretarzuje
Familijo wiyrchym - tako forszteluje.

[broneknotgeld]

Zachodniopomorski wiceprezes PiS

W PiSie wiceprezesuje
zachodniopomorskim
Czy sie szychom tako czuje
abo bardzi "dworski"?

Zbigniew Dolata - Konin

[broneknotgeld]

Rechtor

Lekcje historii na Wiejski do
Szkolorzy wiela tam nowych mo.

[broneknotgeld]

Radny Gorzowa

Już w Gorzowie mniyj go bydzie
Czy som łoni tam we biydzie?

[broneknotgeld]

Pilot szybowca i spadochroniorz

Luft wydźwignoł go wysoko
Dyć z szybowca łon niy skoko.

Ludwik Dorn - Warszawa II

[broneknotgeld]

Dorn

Dorn kożdego napunktuje
Dyć kto po niym wyboruje?

[broneknotgeld]

Tuplikowoł

Wiela powieści łon tuplikowoł
Kaj ktoś kogosik zowdy szpiegowoł.

[broneknotgeld]

Socjolog

Socjologio sztudiyrowoł
Toż se w PiSie dobrze radzi
Choć nikedy sie wydowo
Co fest inkszym tako wadzi.

[broneknotgeld]

Ścigany

W stanie wojynnym tako ścigany
-Tref chyconego niy był mu dany.

[broneknotgeld]

KOR

KOR znoł Dorna
Ano - był
Wspiyroł
Niy żałowoł siył.

[broneknotgeld]

Wiceprezes PC

W PC druge krzipce groł
Ździybko z zadku - tako mioł

[broneknotgeld]

Przi Wałynsie

Kryńcioł sie przi prezydyncie
Kedy jeszcze mioł tu wziyńcie
W kancelarji robioł jego
Jak wspomino dyć istnego?

[broneknotgeld]

Szef Klubu PiS

Szefuje klubowi
We ty "wiejski szteli"
Dzisioj kożdy to wiy
Ściepnońć niy łośmieli.

Tomasz Dudziński - Chełm

[broneknotgeld]

Ano - sztudiyrowoł we Warszawie prawo
Toz trza karlusowi teroz pedzieć - brawo
Z młodszych w Sejmie przeca - przed niym karyjera
Szwongu wiyncy chyci możno prawie teraz.

[broneknotgeld]

Rychtowoł

Kampanio PiSowi tako łon rychtowoł
Ano dyć to widać co rada se dowoł.

[broneknotgeld]

W jego rynkach

Program PiSu w jego rynkach
Możno czeko jeszcze mynka?

Jacek Falfus - Bielsko-Biała

[broneknotgeld]

We krakowski AGH
Sztudiyrowoł karlus - pra?

[broneknotgeld]

Geodeta

Możno przemierzy Polska łod nowa
Dyć czy terozki mo na to gowa?

[broneknotgeld]

Wojt Kozow

Wojtowoł Kozom
Czy upasione?
Zdo sie co dali
Terozki łone.

[broneknotgeld]

Ciyngym trocha

Kozy wiochom ciyngym trocha
Mo liceum jednak wiocha
I to przeca szkryfnońć musza
-Jest zasługa w tym Falfusa.

[broneknotgeld]

W Bełchatowie

"Solidarność" w Bełchatowie
Tyż zakłodoł tyn nasz czowiek

[broneknotgeld]

Starosta bielski

Ano ano - tako wiycie
Łostro go pogonio życie
A i Kozy cosik dały
Przeca w gora jakby słały.

[broneknotgeld]

Euroregion Beskidy

Toż wspołpracy taki dożoł
Swoja "cegła" tyż dołożoł.

Hanna Foltyn-Kubicka - Gdańsk

[broneknotgeld]

Jest germanistkom pani filolog
Możno niy bydzie z niyj ideolog.

[broneknotgeld]

Lecha Kaczyńskiego downo już poznała
I biurym poselskim mu reskiyrowała
Co dzisiejszy elekt mioł piyrwyj w Sopocie
Toż i jom terozki w parlamyncie mocie.

[broneknotgeld]

2004

Ano - dyć niy stykło głosow do Brukseli
Tako sztartła łona do ty "wiejski szteli".

[broneknotgeld]

W sejmiku pomorskim

W sejmiku pomorskim rajcom PiSu była
Teroz do Warszawy aż frela trefiyła.

Karolina Gajewska - Elbląg

[broneknotgeld]

Pani teolog - Sejm jyj do wiary
Toż ze niyj rocznik richtig niystary.

[broneknotgeld]

W Lidzbarku Welskim

W Lidzbarku welskim rechtorowała
Toż se wysoko teroz dostała
Dyć wiara ciyngym cuda nom czyni
Co złe na dobre nawet łodmiyni.

[broneknotgeld]

Na "ławie"

Łod niydowna richtig prawie
Na działdowski siedzi "ławie"
Możno łona szwong jyj dowo
Abo yno sie mi zdowo.

Zbigniew Girzyński - Toruń-Włocławek

[broneknotgeld]

Dochtor historyji - a do tego mody
Czekajom go w życiu niyjedne przigody.

[broneknotgeld]

Światowo Rada Badań nad Poloniom

Toż sekretarzuje
karlus taki Radzie
Pewnikym tyż czuje
co niy ku paradzie.

[broneknotgeld]

W ROPie (1996-2001)

Mody karlus a we ROPie
Co żeś ty tam robioł chopie?

Szymon Giżyński - Czestochowa

[broneknotgeld]

Wiela partii prawicowych
łon zoliczoł? Ano powiydz
Zaczoł w PC - skończoł w PiSie
Czy to yno mu liczy sie?

[broneknotgeld]

1997 - wojewoda czynstochowski

Na reformie zesel stracioł
Tyn "ruch" mu sie niy łopłacioł.

[broneknotgeld]

1979-1981 PAX

Był we PAXie tako wiycie
Wyloz - ano samo życie
Stan wojynny yno prziszoł
W ty ferajnie już niy miyszoł.

[broneknotgeld]

"Gazeta Czynstochowsko" 1991-1997

Toż cajtonga wspołwłaściciel
I naczelny - przeca wiycie.

[broneknotgeld]

Łod 2001 roku

Posłym łostoł po roz drugi
Bydzie razioł przez czas dugi
Toż filolog z wykształynio
Wiela mo do powiedzynio.

Mieczysław Golba - Krosno-Przemyśl

[broneknotgeld]

Toż w latach młodości Jarosław go znoł
W tamtejszym liceum matura łon zdoł.

[broneknotgeld]

We Francyji 1989-1993

Toż se na zachodzie
W budowlanka wprzongnoł
Harowa niy w modzie
Dyć przeca pociongnoł.

[broneknotgeld]

1993

Wrocioł se do Polski
Gyszeft drzewny chycioł
Niyjedyn dlo niego
Lasa ździybko wycioł.

[broneknotgeld]

1998 Wiązownica

Z listy AWSu rajcom łostoł w gminie
Drugo kadyncyjo tako go niy minie
Tela że z ferajny wojtowy sztartowoł
Bo to ponoć bywo czynsto bardzi zdrowo.

[broneknotgeld]

Prezes klubu

Ano - klub szportowy we ty Wionzawicy
Kery na prezesa ponoć wiela liczy.

Marian Goliński - Koszalin

[broneknotgeld]

Inżinier-leśnik - mierzy wysoko
Ano - szczyńśliwie we gora skoko.

[broneknotgeld]

1990 Szczecinek

Burgemajstrym we Szczecinku
Roki lecom tako
Czimie zesel pewnom rynkom
Zowdy w tym jednako.

[broneknotgeld]

Był już

Był juz posłym z AWSu
-Kadyncyjo drugo
Choć po przerwie go tu niesom
Dyć Wiejsko mu mrugo.

Kazimierz Gołojuch - Rzeszów-Tarnobrzeg

[broneknotgeld]

Kończoł Rolniczo Akadymijo
Ziymia dlo niego to niy mecyjo.

[broneknotgeld]

Czarna

Gmina podkarpacko w kery łon wojtowoł
Drugo kadyncyjo jyj coś łod sia dowoł
Czy żol im tam bydzie jak teroz w Warszawie?
Trza mu medytować ło ty Polsce prawie.

[broneknotgeld]

Prezes Stowarzyszynio Rodzin Katolickich

Toż ferajna wiedzie - we tym palec boski?
Szefuje Rodzinom w Djecezji Rzeszowski.

[broneknotgeld]

1998-2002 Łańcut

We Łańcucie zostoł tako rajcom powiatowym
Jeszcze tukej yno tela ło niym dzisioj powiym.

Jerzy Gosiewski - Olsztyn

[broneknotgeld]

Leśnik

Znajom go dobrze mrongowske lasy
Zoglondnie we nie i teroz czasym
Czidziści rokow taki roboty
To richtig niy som jakeś gupoty.

[broneknotgeld]

1990-2002 Mrongowo

Mrongowskim rajcom rokow dwanoście
Bestoż niy yno we las go wroźcie.

[broneknotgeld]

2002 Radny sejmiku

Tako w Olsztynie leśnika znali
Toż niy dziwota - w posły wysłali!

Małgorzata Gosiewska - Warszawa

[broneknotgeld]

Choć historyjo sztudiyrowała
Toż przi maturze jednak łostała.

[broneknotgeld]

2002 W Radzie Warszawy

Ano - czi lata w niyj rajcowała
Terozki wyży bydzie "lotała".

[broneknotgeld]

2004 Ursus

Tu burgemajsta zastympowała
Ta "fara" vice przeca czimała.

[broneknotgeld]

Latarnie Ursusa

Ponoć jom richtig dobrze poznały
Pódzie we gora - forsztelowały.

Przemysław Gosiewski - Kielce

[broneknotgeld]

Prawo w Gdańsku sztudiyrowoł
Toż Kaczyński mu sztimowoł
Bo ferajna łonczy tako
Kero zdowo sie jednako.

[broneknotgeld]

1992-1999

W PC Zarzońdzie sekretarzowoł
Toż i na prawo zowdy tyż stowoł.