B R E L E

[hanys_hans]

Brele

Loce, wrzeszczy ujek Felek
Kaj som moje z Reichu brele,

Łowi w houzach i w szczewiku,
Na bifyju i w chlywiku,

Wszystko z szrancków wyciepuje,
W hasiach sznupie, cuker suje,

A przezywo: kule bele!
Wtoś zahabił moje brele!

Pod wertikiem, na wertiko
Łowi, bucy, ciynżko dycho

W kumin klupie, w piecu hic
I we piano niy ma nic

Już i dyle chciou syjmować,
Policmajstra szou larmować.

Naroz kuknou se do zdrzadła,
zaroz mu tyż gymba zrzadła,

Ale gańba! Wylazło to
Że na gowie z nimi loto!

Paulek i Gustlik

[ballest]

Paulek i Gustlik razym se miyszkali.
Swady niy mieli, ani sie niy prali,
Bo Gustlik to chop pieronym spokojny.
Niy cis sie nigdy ku swadzie, do wojny.
Dycki gazeta czytoł lub groł w szkata,
Bądź se legnął, jak to na stare lata.
W swyj izbie na wiyrchu był w niebo wziynty,
Jak mioł co lubioł, czyli spokój świynty.

Paulek w tyj chałpie na dole mioł izba
I choć do tego niy chcioł sie prziznać,
Waryjot z niego był fest pofyrtany.
Myśliwca udowoł dycki nad ranym.
Trąbioł w goń sygnały, chytoł hazoki,
Na fazany szczyloł i inne ptoki.
Lotoł drap przy tym z izby do antryja
I na leżanka skokoł ze bifyja.

Biydok Gustlik skiż tego wyrobiania,
Gowa mioł wielgo jak na jesiyń bania.
Leci po prośbie: Pauleczku kochany!
Byćże tak choć ciszyj trocha nad ranym,
Bo żyje sie ciynżko i usnąć niy idzie.
Czamu rojbrujesz tak bez cołki tydziyń?
A Paulek na to: Ciś stąd gupia małpo,
Przeca se moga co chca robić z chałpą!

Możno dwa tydnie od zdarzynio tego,
W tyj chałpie dzioło sie coś blank inkszego.
Paulek sie jeszcze pod pierzinką grzeje
I mu sie na łeb coś z gipsdeki leje.
Bestoż klnie zmierzły i ślypia łotwiyro,
A tu je mokre praje cołkie wyro.
Drap na góra leci fest znerwowany,
Że niy poradzi poleżeć nad ranym.

Klup! Zawrzyte dźwiyrza. Bez dziurka kuknął
I praje zarozki z nerwów niy puknął.
Co ujrzoł? Woda? Co to je? - sie pyto.
Czamu ty Gustlik w chałpie ryby chytosz?
Na co woda w izbie i guminioki,
Na co wędki, kibel, hoczyk, chroboki...?
A Gustlik na to: Ciś stąd gupia małpo,
Przeca se moga co chca robić z chałpą!

Taki z bojeczki tyj morał płynie:
Gdyś wieprzkiem - inni ci jak świnie!

[szwager_z_laband]

te "Łowi" tam niy pasuje ale. Abo?

[rita100]

A macie jeszcze takie popularne wierszyki ?
O, Murzynek Bambo jest tez fajny.

[annak12]

Rita,na życzenie;)


MURZINEK BAMBO

W Afryce miyszko Bambo Murzinek.
Blank czorny, mały, lokaty synek.
Czorno mo matka, łojca czornego,
Ujka i ciotka, dziadka i kożdego.
Mo piykno chałpa. By jom zbudować,
Trza mieć patyki, deski i trowa.
Bo przeca lepszyj chałpy nie trzeba,
Jak się rok cały hic leje z nieba.
Bestoż to nagie som Afrykony
I mało kery je łobleczony.
Bestoż fest dużo se uszporujom,
Bo czopek, mantli...nic nie kupujom.

Bambo Murzinek, to mondry synek
I niy mo w szkole samych jedynek.
Bo sie mondrości wkłodo do głowy
W swyj afrykańskij szkole ze trowy.
W szkole tyj niy ma ławek, tablicy
I gimnastycznej sali by ćwiczyć.
Tam wszyscy afrykańscy szkolorze
Majom sie od nos troszyczka gorzyj.
Bo brak im heftow, taszy z ksioszkami,
Bestoż po piosku piszom palcami.
Lecz skuli tego tysz fajnie majom,
Bo im nic do dom nie zadowajom.

Jak już Murzinki w szkole głod majom,
To przerwa robiom i se śniodajom.
Ale niy mają tasz ze sznitami,
Ani sklepiku ze kołoczkami.
Głodny Murzinek se w las zaleci,
By se na drzewie fest pomaszkecić.
Może se urwać figi, daktyle
Lub po banany na drzewo wylyść.
A jak go suszy to zamiast Coli,
Na fest się wielko palma gramoli.
Kaj sie napije bardzo zdrowego
Mlyczka łorzecha kokosowego.

[rita100]

Dziękuje Annak, bo mam zamiar przetłumaczyć je na warnijską gwarę, a lepiej jest
mi tłumaczyć ze śląskiego.

[rita100]

Z miła chęcia , jakbyś jeszcze co miała, takiego popularnego.

[szwager_z_laband]

z tym tuplikowaniym to mosz recht - jak ktos je wychowany na polskyj szkole, to
sie boi conyjmiyj tumaczyc z polskego = lepiyj je tumaczyc/tuplikowac z
inkszego znanego jynzyka/godki, a nojlepiyj je znac por agodej i te wersja
porownywac:)

[rita100]

No jó. Z polskiego ciajżko ułożyć prawidłowe zdania gwarowe, a w gwarze śląskiej
jak na dłoni to mowam. I niych chto pozie , ze Warnijacy ni brukujó gwary ślójskiej.
Wasza szkoła!
:)

[annak12]

Pytok

Na łosiedlu w Bykowinie
miyszko jedyn taki synek
co jes mały i niy czyto,
za to sie durch w kołko pyto.

Kaj poczontek jes na kulce?
Czymu sie kluc krynci w dziurce?
Na co som roladzie nici?
Z czego sie karbitka świyci?
coch jom widzioł u starzika
jak my roz szli do chlywika?
Czymu kibic nosi szalik,
kej na karku mo mydalik?
Czymu w biksie siedzom śledzie,
a niy jeżdżom na rolerze?
Wiela wosow jes na gowie,
fto mi na to dziś łodpowie?
Wiela knefli mo nosz farorz?
Jo chca wiedzieć i to zaroz!
Starzik szuko łodpowiedzi,
cały czos przi piecu siedzi.
Kurzi fajka, kombinuje,
"już ci godom" - łobiecuje.
Starka tyż trocha myślała,
dała pokoj - łosiwiała.
Tacie łeb spuchnoł jak bania,
skuli ciągłego pytania.
Nic niy godo, gowom kiwo,
wzion 3 złote, szoł na piwo.
Matka zaś pedziała tak:
"zaroz mie sam trefi szlag,
abo zaroz po niydzieli
jasny pieron wy mie szczeli.
Nerwica mie jakoś chyci
I naszczylo mu po rzici".

Jak pedziała tak zrobiła
i pytania zakończyła.

[annak12]

Z tej samej beczki;)

PAN HILARY

Loto, tyro pan Hilary. Na dekel mu piere
Bo kajś ten boroczek podzioł swoje brele.
Szuko w galotach, szaket obmacuje,
Obalo szczewiki, psińco znajduje.
Bajzel w szranku i w byfyju
Tera leci do antryju.
"kurde" - ryczy -"kurde bele!
Ktoś mi rombnoł moje brele!"
Wywraco leżanka i pod niom filuje,
Borok sie wnerwio, gnatów już nie czuje.
Szturcho w kachloku, kopie w kredynsie,
Glaca spocona, cały sie czynsie.
Pierońskie brele na amyn kajś wcisnyło
Za oknym już downo blank sie sciymniło
Do żadła łoroz zaglondo Hilary
Aż mu po puklu przefurgły ciary.
Spoziyro na kichol, po łepie sie klupnoł,
Bo znodły sie brele - te, co tak ich szukoł.
Czy to niy jest gańba? -Powiydzcie sami,
Mieć brele na nosie a szukać pod ryczkami?

[annak12]

LYŃ

Na szezlągu siedzi lyń
Nic nie robi cołki dziyń,
- O nie godejcie, że jo nic nie robia !
A kto siedzi na kanapie i drapie sie po szłapie ?
A kto zjod dwa kołoczki, co je dostoł łod ciotki ?
A kto dzisioj ze sznojdra szczyloł ?
A kto bombony z tytki wybiyroł ?
No i co, to wszystki to je nic ?

Na szyzlagu siedzi lyń
Nic nie robi cołki dziyń.
- Wyboczcie, a nie jodłech wodzionki ?
A nie ukroiłech se wyndzonki ?
A nie uciyrołech dziś kichola ?
A nie przezywołech gorola ?
No i co, to zaś nic ?

Nie boł we szkole, bo mu się nie chciało,
Nie łodrobiuł zadanio, bo czasu mioł za mało.
Nie zawiązoł szpotloków łod szczewików, bo ni mioł ochoty,
Nie pedzioł "Szczynść Boże", bo za dużo z tym roboty.
Nie wykludziił Azorka, bo mysloł, że to zrobi starka.
Nie ciepnoł gołymbiom kaszy, bo stoła na bifyju w taszy.
Mioł zjeść wieczerza, ino gymbom mlasnął,
Mioł sie legnąć, nie zdążył - zasnął.
Śniło mu sie, że na grubie robioł,
Łobudzioł sie i w gowa zachodzioł
Czy łon sie doprowdy tak ciynżko narobioł

[rita100]

> Na szezlągu siedzi lyń
> Nic nie robi cołki dziyń,
Miglanc z niego - goda matka
widząc siedzącego gagatka

i.....

dzięki Annak, może same coć stworzymy ? ;))))

[szwager_z_laband]

no to zech je ciekawy tera:)

Ri ta a mosz take cos po warminsku?

[rita100]

szwager_z_laband napisał:

> no to zech je ciekawy tera:)
>
> Ri ta a mosz take cos po warminsku?

Dopiero w przygotowaniu. Ale już coś tam się znajduje. Zmierzymy się kiedyś w
wierszowankach i wyliczankach, to takie milutkie :)

[broneknotgeld]

rita100 napisała:

> > Na szezlągu siedzi lyń
> > Nic nie robi cołki dziyń,
> Miglanc z niego - goda matka
> widząc siedzącego gagatka
>
> i.....
>
> dzięki Annak, może same coć stworzymy ? ;))))

Ano - trza rymować
I na forum dować.

[annak12]

to dodowomy
a ogonki pościongomy:)

Miglanc z niego - goda matka
widzonc siedzoncego gagatka
Papa na to-koniec tego
wykurzymy z niego "złego"
w kogo on se wrodzioł?
nie bydam se z tobom wadzioł
Dyć my oba som robotne
a synalek,eeh,w nim ino psotne
Cza nom jakygoś fortela
by go sflyc ze fotela. ...

ps.Nie bydam miała nikomu za złe,jak ktos coś mojego na lepsze zmieni.
To dali twórcy do roboty:)

[szwager_z_laband]

zmiyniac niy byda ale sproboja podrobic jakos wariacja:)

Miglanc z niego - pado matka
kuknij ino na gagatka!
Papa pedziou - szlus kolego!
jo pogonia twoje "EGO".
On sie po mie niywdou nic
- mo po ciebie rubo rzic!
Dyc robotny sam je jo
A od Ciebie lynia mo.
Tera straccie sie ze wizji
Bo boks leci w telewizji!

[annak12]

>
> Miglanc z niego - pado matka
> kuknij ino na gagatka!
> Papa pedziou - szlus kolego!
> jo pogonia twoje "EGO".
> On sie po mie niywdou nic
> - mo po ciebie rubo rzic!
> Dyc robotny sam je jo
> A od Ciebie lynia mo.
> Tera straccie sie ze wizji
> Bo boks leci w telewizji!

-Moj chopeczku-(widzam co szukou swady
by do szynku uciyc abo na baby)
-Jou przi Tobie tak dobrze mom-
(muszam nadrobiać minom)
-Kożdy ci padou,coch cie szukaua ze świyczkom-
(ślypka jusz mu błyszczom)
-dyć mi pszajesz,takou jakou ech jes
a ruby rzici nawet za fest:)
Widzam jak cie to raduje
i zowdy kożdymu przitakujesz
-Zefel-twoj synek to cołki Ty!
a Ty z uciechom-Dyć jou o tym wiym
Lepi siednymu cuzam za stołym
i pogodomy z naszym ancymonem...

Ps,choćbych swojego słyszała-"To Twoja wina":(to widzam co te męskie nasienie
take same wszyndzie:))


kożdy mi goudou,cos cie szukaua ze świyczkom

[rita100]

Gratuluje, widać , że to wam z łatwością leci.

Myśle , ze zacznijmy od tej łatwiejszej strony pisania.
Mam taki pomysł:

[rita100]

Na szezlągu siedzi lyń
Nic nie robi cołki dziyń,
Miglanc z niego - goda matka
widząc siedzącego gagatka


i po dwie linijki dokańczamy wiersz. Może z tego wyjść najdłuższy wąż na świecie.
Napewno i Bronek pomoże.
Pamiętajmy, tylko po dwie linijeczki.

[szwager_z_laband]

rita a mosz to po polsku najprzod? - tak coby my wiedzieli miyjwiyncyj czego
sie czimac

[rita100]

nie mam, przecież tworzymy to z głowy na gorąco

[szwager_z_laband]

ok;)

[annak12]

> Na szezlągu siedzi lyń
> Nic nie robi cołki dziyń,
> Miglanc z niego - goda matka
> widząc siedzącego gagatka
Rynce rozkłodo boroczka
-co wyrośnie z panoczka?

[rita100]

Na szezlągu siedzi lyń
Nic nie robi cołki dziyń,
Miglanc z niego - goda matka
widząc siedzącego gagatka
Rynce rozkłodo boroczka
-co wyrośnie z panoczka?
A panoczek siedzie sobie
i po głowie się skrobie

[rita100]

> Na szezlągu siedzi lyń
> Nic nie robi cołki dziyń,
> Miglanc z niego - goda matka
> widząc siedzącego gagatka
> Rynce rozkłodo boroczka
> -co wyrośnie z panoczka?
> A panoczek siedzie sobie
> i po głowie się skrobie
skrobie, myśli sobie
muterko, myśle o tobie

[annak12]

> > Na szezlągu siedzi lyń
> > Nic nie robi cołki dziyń,
> > Miglanc z niego - goda matka
> > widząc siedzącego gagatka
> > Rynce rozkłodo boroczka
> > -co wyrośnie z panoczka?
> > A panoczek siedzie sobie
> > i po głowie się skrobie
> skrobie, myśli sobie
> muterko, myśle o tobie
o Tobie,to sie nasłuchałam
mało razy w kontku płakałam

[rita100]

<o Tobie,to sie nasłuchałam
<mało razy w kontku płakałam

A kto to mówi ?
muterka czy leń ? :)