(,") S'LOONSKO POEZJA ("o)

[hanys_hans]

Idzie pampoon´ polnoom droogoom
Wymachujoonc lewoom nogoom
Narous dostou z buta w oko
Dz´wignoou noga za wysoko.

[hanys_hans]

Cygana

Prosze Pana, prosze Pana
U nos jes pieronowo zmiana
Moja starszo siostra Bronka
Zamiynioła się w skowronka
Siedzi cołki dziyń na buku
I durch godo: „kuku, kuku”

- Forszteluj dziołcha, co ty zmyślosz!
- Fajne mi sam fleki wciskosz.

Prosze Pana, prosze Pana
Rzecz sie stała niysłychano
Zamias dyszczu u somsiada
Dzisioj leciała łoranżada
Kolorowo, jak fto woli
- Ale ty mi sam fanzolisz!

To niy wszysko prosze Pana
U Wilusia wczora z rana
Flacha ze stoła sleciała
I tak się gupio poturlała
Że sie jabol wyloł na graty
A mieli do onkla przijś dwa kamraty

To dopiyro jes cygana
Doczkej Panie, niych Pan sucho
Po połedniu na Kalinie
Utopioły sie dwie świnie
Pan niy wierzy? Niy cygania!
Wieprzki rube jak ta bania
Boł to tyn stow kole cmyntorza
A te wieprzki znodli u masorza!

- Ech niy fajnie! Robisz sie zy mie jajca!
- Dostaniesz ty szmary łod łojca!

(Wiersz Jana Brzechwy „Kłamczucha” dowolnie przetłumaczył na ślonski Sławek
Osadnik.)

[hanys_hans]

Slonsko Wilijo

Dziyn roz w roku - sniyg na placu.
Mama w doma warzy, sprzonto.
Tata stawio nom choinka.
Bajtle grzeczne, bombki, lampki
i lameta powiyszajom.
Wonio moczkom , makówkami.
W sklepie stojom za karpiami.
Piyrszo gwiazdka juz na niebie.
Stól i swiyczk, z karpia luski,
a dwa grosze pod talyrzym.
Jedyn talyrz stoi wiyncyj.
Wszystke fajnie porzykali
i oblata polomali.
Z karpia zupa ze grzankami,
groch z kapustom, karp pieczony,
kompot ze suszonych sliwków.
Pod choinkom som geszynki,
" to Dzieciontko " - tak godajom.
Na pasterka pospieszajom.
Tam kolyndy zaspiywajom.
Nazod do dom, sniyg sie skrzipi.
Chopcy ciepiom sie kulkami.
Rano stanom zas rozsmione.
Dziyn roz w roku - Jezus prziszol
pobyc trocha z Slonzokami.

Szwager

[hanys_hans]

Autor: pasikoonik13
Data: 27.12.05, 23:48

--------------------------------------------------------------------------------
Uod samego rana Jou sie bidynuja,
trotuar uoklupja i pjoskym posuja.
Potym jak "panisko" poo niym maszyruja
do budki po cajtoong ... i sie dobrze cuja!

Prziniesa po droodze lynga, szplitroow pora,
bo jurz na s'niodanie je nojwyrszo pora.
Na tisz se pokuada, co se naszykuja
i ze smakym zjodoom! Godu jurz niy cuja!

Wezna se zegoowek, szysloong prziszykuja,
potym sie uwala, cajtoong poczytuja.
Zaparza se kawa coby niy spac' przi tym,
kej sie je na swojym, darmo bywac' ... zgniyuym! :-)

[hanys_hans]

STARO JEDLA

Rosła se starucno jedla
na zboczach Gróniczka,
całe dzieje wygrowała
w przepieknych pieśniczkach.

Żodne ksiyngi nie spisały,
co óna wiedziała,
bo do biydnych wiejskich okiyn
wieki zoglóndała.

Potym ludzie świat zmiynili,
dobrze sie już mieli,
na ty stare przeszłe czasy
hónym zapómnieli.

Roz sie Olza domowała
z siostróm Kozubowóm,
że sie pujdóm społu uczyć
mowym urzędowóm.
Staróm jedlym werbowały:
Besz darymnie szumieć,
dyć za takich piynć, szejś roków
gdo ci bee rozumieć?

Starzik uczy sie od wnuka,
zamiast wnuk od dziada.
Nowi ludzie, nowe czasy,
ciynżko na to rada.

Na to jedla odpowiado:
Stare już móm kości,
twardóm głowym, tympy rozum
na świecki móndrości.

Jak mie mama nauczyli,
tak se bedym szumieć.
Możne sie tu gdosi nojdzie,
gdo mi bee rozumieć.

[hanys_hans]

www.k.gwozdz.glt.pl/

[hanys_hans]

Komgrole i chroboki

W mojij putni som komgrole
co mjyszajom jak gorole !
Zanim czowiek sie skapuje
taki komgrol już grasuje !
Puszczo maile i pomału
doprowadzo mje do szału !
Poprzestawioł mi litery ,
a mje z nerwow gnijom nery !
Już ni wspomna cyfrobrokow -
-komputerowych chrobokow !
Te dziepjyro tu skokajom
i mi wszysko przestawjajom !
Już se s nimi nie wjym rady
taki to som wredne gady...

autor - Jyndrys

[hanys_hans]

Przeciw narodowi

Trzinostygo grudnia , cołki narod sie głowi ,
Wypowjydzioł Wojtek , wojna narodowi .
Ze pomocom ZOMO i gumowyj pały ,
Probowoł nom wybic naszy ideały .

Cołki narod zgupjoł , wodzow pozawjyrali ,
internowanjym – bicie mianowali .
Żodyn prowdy njy godo, gazety cyganiom ,
Myśloł se Wojtek , ize narod złomje .

Bergmon Piasta i Wujka na sztyry szłapy kuty,
Sztrajkujom inne gruby, tosz i stojom huty.
Przi pomocy ZOMO i twardych narkotykow,
WRON-a probowaua zdusić robotnikow.

ZOMO się dopuszczo bratobojczyj walki ,
Przeciw robotnikom karabiny i pałki .
Wojsko stoło ze boku , mjyszać się njy chciało,
Tosz ZOMO same, na matki i zony naciyrało.

Kożdy ze nos twardy, njy poddo sie juncie,
A wy matki , żony w gymba im plujcie.
Njy dejcie się bracio, broncie się i siostry,
Njy pomoże juncie, nawet terror łostry.

Krziwda norod cuje, ło swoji się bije,
Bo wodzow we maras, ZOMO wdeptuje.
Mocni się cujymy, bo we dobryj sprawje,
Siłom pokonomy przemoc i besprawjy.

pisownia oryginalno , autor Johanek

bergmony - górnicy
lajtong - rura z wodą

[hanys_hans]

Tam na wjyrchu wojsko stoji,
Cofo sie, bo brak im woli.
Leci ku nim som jeneroł,
Bo ze zadku ZOMO go popjyro.

Refryn : Jadom, jadom chamy,
Doszli już do bramy.
Ludzie ich wszczimali,
Łoni się cofali.

My siedzymy tu spokojnjy,
Wjyrch myślom durch ło wojny.
ZOMO siła pokazuje,
A komisorz smjyrć łobjycujy.
Refryn :
My im naskwol tu siedzymy,
I sie teroz zastawjymy.
Wszyjstkje szyby i łotwory,
Wjyrch zaś nom, njych liże wory.
Refryn :
My szkryflomy postulaty,
Łoni dzielom, je na raty.
My na pywno to wygromy,
I rzodzoncych powjeszymy.

[hanys_hans]

O losie

Górniczo mynczarnja , naszom njydolom ,
Fedrujymy wongjel , aże nos gnaty bolom .
Durch fedrujymy , aże we łocach ciymno ,
A we naszych chałpach , ciyngjym zimno .

Elektrownie wongiel polom , turbiny terkocom ,
I durch za wschodnio granica, wywożom go nocom.
Leci szychta za szychtom, aze pot ze czoła kapje,
Leci Wojtek do Moskwy i po drodze sapje.

Narzyko borok, ize wongla brakuje,
Solidarność mu durch rynce kupluje.
Na „Piaście” sztrajkujom i njyroby leżom,
Jednak Wojtkowi Sowieci njy wjerzom.

Wziońć im wolne soboty, njych ich krew zalywo,
A tymu co chce polić, njych se rombje drzywo.
Prikazy Wojtek, do kraju prziwozi,
We zamjan tygo, naszy dobro wywozi.

Myśloł Wojtek, ize styknom ciepłe słowka,
Za njydziyla partyjno ciepnjy nom złotowka.
Pralka, telewizor za njydziela i śwjynto,
Wolnygo njych robol, cołkjym njy pamjynto.

Ze dołu njy wyjyżdżo, tyn ryl popaprany,
Zasik ich matki napjyrajom na gruba bramy.
Bergmon sztrajkuje, robić mu sie njy chce,
Na jich njyszczyńście myśli i cosik zychce.

autor - Johan
pisownia oryginalno

[hanys_hans]

Modlitwa gornika

Pon Bocku nasz , ach Pon Bocku drogi,
Momy skuplowane rynce i nogi .
We jednyj Polsce mjyszkomy ,
I Slonzoki na mjano momy .

Żyjymy łoroz na jednyj ziymi ,
I czamu taki zło sie plyni .

Jydni jedzom rarytasy ,
Inksi majom puste basy .
Jednym , mjynki fotel ciało tuli ,
Inksi chodzom we zekrwawjonyj koszuli .

Pon Bocku nasz , ach Pon Bocku drogi ,
Kaj je kres, naszyj mynki i trwogi .

Chopy my twardzi , choc ze krwi i kości ,
Dłowjyni. Podnoszymy się we złości .
Jajmużny łod żodnygo njy chcymy ,
Chocia co naszy , siłom weznymy .

Ciynżko kożdy snos robi ,
Dodej nom otuchy, Pon Bocku drogi .

autor - Johan

pisownia oryginalno

[hanys_hans]

My bergmony, som my w kupje,
Wojtka z partiom, momy w dupje.
Sztrajkujymy bez łobawy,
Wywalczymy słuszny sprawy.

My tu wszyjstcy wjarom równo,
Chcesz uciekać, zbjyrej gówno.
Uciekajom same szczury,
Bo jim spiecho sie do gory.

ZOMO z glinom rozbrojymy,
Wojtka z partiom przegonjymy.
A kej wszystko załatwjymy,
Po kielichu se szczelymy.

autor - Johanek

[hanys_hans]

Rozmowki ślonsko-polskie

Znow sie pokłocil – zaś zrobioł haja.
Kocham cię bardzo – mocka ci przaja.
Piękna dziewczyna to gryfno frelka.
Lonty – ubranie, flaszka – butelka.

Dziadek to starzik, karlus to chłopak.
Ubrał odwrotnie – oblyk naopak.
Bizy to kancik, spodnie – galoty.
Franciszek – Francik, manterlok – motyl.

Ryma to katar, kara to taczka.
Pani za ladą to sprzedowaczka.
Ślubno to żona, lauba – altanka,
A narzeczona to je galanka.

Życzę ci szczęscia – winszuja piyknie.
Więcej nie trzeba – Bog zapłać, styknie.
Ślypia to oczy, kragel to kołnierz.
Wojok bigluje – prasuje żołnierz.

Ubrał skarpety – oblyk fusekle.
Słoik z pokrywką to krauza z deklym
Wyszedł w kaloszach – mo guminioki.
Nieudacznicy – Co za boroki!

Łańcuch mu zleciał – spadła mu keta.
Wziął papierosa – wzion cygareta.
W kredensie szklanka – glaska w byfyju.
Łyknął herbatki – szluknyl se tyju.

Witam serdecznie! – Szczynść Boże wszyskim!
Zaczął się kłócić – Wylecioł z pyskiym.
Alech sie uśmioł! – Zrywałem boki!
Wszyscy są mili – Same Ślonzoki.

autor - Olek

[hanys_hans]

Dziyń z życia nałogowca.

Łoko łotwiyrom, jeronie jusz rano,
Zajś żech sie szlajoł, noc niyprzespano,
Palica mie boli i czynsom sie grace,
Dobrze żech sie niy znod we pace.

Wczora żech przeca nic niy planowoł,
Do roboty żech rano ze pryka stowoł,
Szychta tak gryfnie mi przeleciała,
Nale pod koniec jusz mie graca świyndziała.

Świyndzi i korci, do kabzy siyngom,
Szukom potmanyja i klepoki wyciongom,
Na halba styknie, radość łogarnio człeka,
Że tak niywiela uszczyńśliwi czowieka.

Potym żech skoczoł do sklepu chyba,
Bo mi przed ślypiami świto oberiba,
Jusz niy pamiyntom, przeca to tak downo,
Chyba mie obsłużoła jako frela szykowno?

Dalij żech bezmaś spotkoł kamratow,
I chyba żech wlecioł do jakiś gratow,
Bo mie latoś tak jakoś plecyska bolom,
Byda sie musioł szmarnońć badysolom.

Grali my w szkata, jakeś frelki boły,
Bezmaś żech nawet lotoł na poł goły,
Tako skleroza, przeca bych wiedzioł,
Ftoś mi godoł, żech do ałsgusa cedzioł.

Chciołech łod dziołchy dostać kusika,
Tak gryfnie boło, idzie dostać bzika,
Niy, jo niy wierza, godocie gupoty,
Że jo ze psym urzondzoł jakieś zaloty?!

Już niy chca wiedzieć, nic niy godejcie,
Dejcie achtlika i gorzoły nalyjcie,
Bo tego na czyźwo spokopić niy idzie,
Jak sie moja dowiy, to co to bydzie?

Zajś larmo w doma, i haja w siyni,
Czy sie coś we moim życiu zmiyni?
No dyć musi sie zmiynić przeca,
Jak sie jusz piyńć lot w „AA” lecza...

autor - Sławek "Hajduk"

[hanys_hans]

ROBI GO ŻYWIEC ,WARZĄ GO TYCHY
I JEST NA STOŁACH COŁKIJ EUROPY.
CZASYM NIY TRZEBA NAWET ZAGRYCHY
PIJOM GO WSZYJSCY , NIY INO CHOPY.

JEST PRZECA STARSZY NAWET ŁOD WINA
A W SMAKU NIY MO DLO SIEBIE RÓWNYCH.
PIJOM GO W GÓRACH I NA NIZINACH.
W EUROPIE JEDYN Z NAPOJÓW GŁÓWNYCH!

JAK JEST NA DWORZE PIEROŃSKO HICA,
A I WIATEREK ŻODYN NIY DMUCHA,
WTEDY CI INO ROZJAŚNI LICA,
ZIMNEGO PIWKA POŁNIUTKO KUFA.

W KUFELKU PIWA BIOŁY KRAGLICZEK
A POD NIM ZŁOTO Z SZUMYM BOMBELKÓW.
ŁOSTATNI ZA TO ŁODDOSZ GROSICZEK,
BYLE CI WLOLI KILKA KUFELKÓW.

LECZ JAK WYPIJESZ TROCHA ZA DUŻO
MOŻESZ MIEĆ W GOWIE POWAŻNE SZMERY.
WTEDY SIĘ TWOJA STARO ŁOBURZO,
ŻE I WYKRYNCOSZ TAKE NUMERY.

PIJOM SE PIWKO STARSI I MODZI
COŁKI ROK PRAWIE , NAWET I W ZIMA.
JAK SIĘ MO UMIAR TO NIY ZASZKODZI,
GORZYJ , JAK TEGO UMIARU NIY MA.

JEST NAZYWANE NAPOJYM BOGÓW
BESTO NIYKERZY CZUJOM SIĘ W NIEBIE.
PRZI KUFLU PIWA NIY MA TYŻ WROGÓW
LUDZIE SIE MAJOM BARZI KU SIEBIE.

MOŻNO DO PIWKA TROCHA POŚPIYWAĆ,
ABO TYŻ PEDZIEĆ PORA DOWCIPÓW.
PRZI PIWKU CZAS TYŻ MIŁO UPŁYWO,
DOCHODZI NAWET I DO ZOLYTÓW.

PIJMY WIĘC PIWO , BYLE NA ZDROWIE,
CZYLI INACZYJ – ZOWDY Z UMIARYM.
BO KOŻDY ŚLĄZOK DZISIOJ CI POWIY:
NIYCH ŻYJE PIWO – WIWAT BROWARY!

autor - H. Polok

[hanys_hans]

Ślonski kwiotek


Na tym naszym czornym Ślonsku,
Tak jak wszyndy kwitnom kwiotki!
Ale nikaj niy treficie,
Takij piyknyj jak tu godki.
To łona mie prziwitała,
Jak na Boży Świat żech prziszoł!
Starka z mamom tak godały,
Od nich piyrszy żech jom słyszoł.

To najlepszy ślonski kwiotek!
Idzie pedzieć – Rzecz to Świynto!
Kery tukej się urodziył,
Cołki życie jom pamiynto.

Naszo piykno Ślonsko godko,
Keroś wieki nom przetrwała!
Kwitnij dalij moja złoto,
Co byś dycki tu łostała!

autor - B. Dzierżawa

[hanys_hans]

JAK WIDZA MAŁYSZA...

NIY MIELI MY DUGO IDOLI,
CO SAMI PORADZOM SIĘ SZKOLIĆ,
I MAJOM ZAWZIYNTO NATURA-BO W GÓRACH.
A DZISIOJ NOM TAKICH POTRZEBA,
CO TROCHA PRZIBLIŻOM NOM NIEBA,
I JUŻ ŁOD BAJTLA W MIG,TRYNUJOM TAK JAK NIKT
I GIBKO CHYTAJOM SKOKÓW DRYG.

JAK WIDZA MAŁYSZA TO DYSZA
I NIC JUŻ NIY CZUJA, NIY SŁYSZA.
BO KOŻDY JEGO SKOK,TO DLO MNIE WIELKI SZOK
NIYCH LOTO, NIYCH FURGO TAK CO ROK.

NA PEWNOM TO NIY JEST PRZIPADEK,
BO MOŻE ADAMA JUŻ DZIADEK
PRÓBOWOŁ ŁODDOWAĆ SKOKI-NA BOKI.
A DOBRZE ŻE DZIADEK MIOŁ WNUKA,
CO UMIOŁ TALYNTU POSZUKAĆ
I DZIADKA NAŚLADUJE, ŻE SKOCZNI MU BRAKUJE
BO ZOWDY NA PROSTYM JUŻ LĄDUJE.


NIYCH TEROZ MU KOŻDY POMOŻE
BO SOM TEGO STRZIMAĆ NIY MOŻE,
A ŁON NIYCH PAMIYNTO ŁO BOGU-NA PROGU.
POLOKI ŚCISKEJCIE DURCH KCIUKI,
I BIERCI Z ADAMA NAUKI,
BO ŻEBY MEDAL MIEĆ,TO TRZEBA PRZECA CHCIEĆ,
DO CELU, DO CELU PEWNIE PRZEĆ!

autor - H. Polok

[hanys_hans]

GLACOKI

JEST TROCHA ŁYSYCH CHOPÓW NA ŚWIECIE,
A SOM TO LUDZIE BARDZO ŁOSZCZYŃDNI.
LECZ CHYBA WSZYJSCY TO DOBRZE WIYCIE
ŻE W PEWNYCH SPRAWACH SOM NOM NIYZBYŃDNI.
ŁYSY NIY MUSI SIĘ PRZECA CZESAĆ
BEZ TO NIY KUPI NIGDY GRZEBIYNIA.
WOSÓW NIY CIEPNIE NIGDY DO PIECA,
NO I FRIZURY NIY MUSI ZMIYNIAĆ.
NIY POTRZEBUJE KUPIĆ SZAMPONU,
GROSZ ZAŁOSZCZYŃDZI NA CO INNEGO.
NIY MO SUSZARKI ANI ŻEL –TONU
FRIZER TYŻ NIY MO S NIM NIC WSPÓLNEGO.
GLACA PUCUJE BLANK DO POŁYSKU,
MO BABA WIYŃCY DO CAŁOWANIO.
BEZ TO GO WIDAĆ Z DALEKA W SCISKU,
SŁOŃCE MO DUŻO MIEJSCA DO GRZONIO.
ALE SZCZYŃŚLIWI SOM TE ŁYSOLE,
A TRZA TO PEDZIEĆ BARDZO DOSADNIE:
BO CZY HANYSY,CZY TO GOROLE,
TO WOS IM NIGDY Z GOWY NIY SPADNIE.

[hanys_hans]

MOMY JUZAŚ WYLICZANKA,
U WAS TRAMWAJ – TUKEJ BANKA,
KALESONY TO SPODNIOKI,
NA SKARPETY GODOSZ ZOKI.
MAŁE STRUPKI TO BOLOKI,
TAM BUŁCZANKA – TU ŻYMLOKI.

MOMY NOWO WYLICZANKA,
TU KROSZONKA TAM PISANKA,
TANIE WINA TO JABOLE,
CHOPY Z POLSKI TO GOROLE.
TAM TOREBKA TUKEJ TYTKA,
U WAS CZAPKA – U NOS MYCKA.

GUZ NA CZOLE TO JEST BUŁA,
MIĘKKA PIŁKA – U NOS FUŁA.
BUTY Z DREWNA TO HOLCOKI,
U WAS ŁYSI TU GLACOKI.
WESTA TO JEST KAMIZELKA,
WASZA PANNA – NASZO FRELKA.

KOCHAM CIĘ TO ZNACZY PRZAJA,
ZMYŚLNY BERET TO JEST KAJA.
SKRZYNKA Z WĘGLEM TO KOKASTLA,
TAM KRASA – TU OMASTA.

U WAS RANDKA – TU ZOLYTY,
WASZE KROMKI,NASZE SZNITY.
U NOS SIYNIE, WASZE KLATKI,
TAM SPODENKI,TUKEJ BATKI.

TU GARDINY, TAM FIRANY,
NASZ NABITY – WASZ PIJANY.
KARMINADLA – PATRZ MIELONY,
A GÓRNICY TO PIERONY.

U WAS BIEDAK U NOS BOROK,
TO NAPISOŁ HYNIO POLOK.

[hanys_hans]

MOMY TRZECIO WYLICZANKA,
TUKEJ KRAŁZKA,TAM FALBANKA.
PODZIAŁ PRACY-FEREZUNEK,
U WAS KREDENS TU SZYBUNEK.
PRALKA RĘCZNA TO JEST ROMPLA,
ZAMIAST WUJKA MOMY ONKLA.

TAM WIDELCE,TU WIDOŁKI,
W MIEJSCE KRZESEŁ MOMY STOŁKI.
U NOS SZAŁOT TAM SAŁATKA,
NASZA CHADRA TO JEST SZMATKA.

U WAS PROBLEM TU ŁOSTUDA,
TAM STRZELNICA,TU SZISBUDA.
U WAS PĄCZEK ,TUKEJ KREPEL,
NA JÓZEFKA WOŁOSZ ZEFEL.

ZUPA Z CHLEBA TO WQODZIONKA,
JAJECZNICA ZAŚ SMARZONKA.
NIECO PÓŹNIEJ TO NIYSKORZYJ,
WY Z PROBOSZCZEM,MY Z FARORZYM.

COŚ ZAMOCZYĆ ZNACZY TONKNOŃĆ,
A COŚ ŁYKNĄĆ TO JEST SZLUKNOŃĆ.
O WAS URWIS U NOS NAJDUCH,
TAM JEST ROZWÓD A TU SZAJDUNG.

TUKEJ SZNITLOCH,WASZ SZCZYPIOREK,
U NOS BONTEK,WASZ ROZPOREK.
ROZRABIAKA TO JEST ROJBER,
WASZA PROCA A NASZ SZLOJDER.

U WAS CHŁOPCZYK U NOS BAJTEL,
NA PRZEDZIAŁEK GODOSZ SZAJTEL.
U WAS ŻOŁNIERZ U NOS WOJOK,
TO NAPISOŁ HYNIO POLOK.

[hanys_hans]

MOMY CZWORTO WYLICZANKA,
TUKEJ GLINIOK - TAM GLINIANKA.
ZRZUTKA NA COŚ TO JEST ŚCIEPA,
OBERIBA - KALAREPA.

SOK Z KAPUSTY TO JEST KWASKA,
A FARTUSZEK TO ZOPASKA.
U NOS LYJT, U WAS LANIE,
WASZE KŁUCIE, NASZE ŻGANIE.
PANNA Z DZIECKIEM TO ZOWITKA,

KROMKA CHLEBA – U NOS SZNITKA.
A MOTYLE – SZMATERLOKI,
ŁYŻWY Z KORBKĄ TO KURBLOKI.

DUŻO MÓWIĆ TO FANDZOLIĆ,
LEKCEWAŻYĆ- U NOS SMOLIĆ.
WŁÓCZYĆ SIĘ TO ZNACZY SMYKAĆ,
U WAS MODLIĆ – U NOS RZYKAĆ.

SCHACHARZONY TO ZEPSUTY,
TU SZCZEWIKI A TAM BUTY.
SEBLYC SIĘ – TO JEST ROZBIERAĆ,
ROZTOPIYRZAĆ–TO ROZPIERAĆ.

U WAS KATAR – U NOS RYMA,
DENATURAT TO JEST BRYNA.
TU WYKLUPAĆ –TAM WYTRZEPAĆ,
U WAS RZUCAĆ, U NOS CIEPAĆ.

IŚĆ NA RANDKĘ TO ZOLYCIĆ,M
U WAS ZŁAPAĆ – U NOS CHYCIĆ.
TU ZMARASIĆ TAM ZABRUDZIĆ,
TAM SPROWADZIĆ A TU SKLUDZIĆ.

CIEPAĆ MACHY - STROIĆ MINY,
TAM OBIERKI - ŁOSZKRABINY.
U WAS ŻONKOŚ – U NOS ŻYNIOL,
TO NAPISOŁ POLOK HYNIOL.

[hanys_hans]

Lyń

w starym pryku leży lyń
nic niy robi cołki dziyń
nawet tyju niy zaparzy
ani jajec niy usmaży
matka woło - pościel wyro
i dyliny powyciyroj
kaj łonymu do roboty
dyć by zmazoł se galoty
i tak leży cołki dziyń
bo łon jest śmierdzoncy lyń

autor J.W.

[hanys_hans]

Górniczo dola
Robił Alojz na grubie i niy myśloł chorować
bo tyn twardy wongiel, musioł durch fedrować
wiertoł dziury w ścianie, zakłodoł patrony
zapoloł cynsznura - a huku w pierony
a jak dymy wyszły, broł sie za łopata
i cIepoł na pancer, tak jak jego tata
łoba fedrowali tak jak gupie ciele
bo kieryś wymyślył - planowe niydziele
kcieli żyć jak ludzie, sił niy żałowali
a kożdy se myśloł - co to bydzie dali?
teroz sie doczkali takij smutnyj chwili
gruba jym zawarli , a łonych zwolnili
niy pomogły strajki i lamyntowanie
że stracili zdrowie na pierońskij ścianie
teroz Alojz żyje na grubowyj łasce
ponoś mo fedrować wongiel na Alasce
przi siarczystym mrozie i z eskimosami
cheba łogupieje pomiyndzy fokami
łociec niy pojedzie, bo już jest za stary
pod nosym mu przyńdom zielone dolary
za to Alojz jedzie po ciynżko robota
choć już na Alasce - downo nima złota
niyroz mu sie przyśni, ta ślonsko wodzionka
i tyn świyży chlebuś - łoćby z fetym kromka
a jak mu sie przyśni ło ślonskiym łobiedzie
pociepnie Alaska i nazod przijedzie
choć już w życiu tela ton wonglo wyromboł
bydzie z familoka na hołda zaglondoł
tela lot fedrowoł, w przodku i na ścianie
i niygdy niy myśloł - że ELWRYM łostanie

autor J.W.

[hanys_hans]

S'loonsko atmosfera

Nom na S'loonsku jest jak w raju,
Richtig jak w oliwnym gaju.

Taki lufcik, tako gwara,
Chlebik z tłustym, mało ćwiara.
Czasym nom sie odechciywo,
Ale żodyn sie niy gniywo.

Czasym piwka sie napiją,
Do połednia w pryku gniją.
Ale co tam jak na szychta,
Żonka chłopa wyrychtuje,
Chleba z kawką naszykuje.

A na plantach siedzą starki i starzyki,
Szuko opa, szuko oma swoi kryki.
To gołymbi pofutrują,
To sie gacie komuś prują.

A widoki piykne momy,
Momy lasy, momy domy,
Nasze hołdy, nasze kominy,
Nasze miasta, nasze gminy.

[hanys_hans]

Haja z kuli kaji

Dzisioj była w doma haja,
Bo straciła mi sie kaja.

Żonka ryczy szukej czopki,
Mi stowiają sie sam chopki,
Łod szukanio moji kaji,
Jo niy robia przeca baji.

Szukom w kuchni i w antryju,
Nima w szranku i w byfyju.

W kożdy izbie żech poszukoł,
I w żyrandol żech zakukoł.

Jak do żadła żech sie wejżoł,
To na gowie kaja łobejrzoł.

[hanys_hans]

Na plantach

Dwa starzyki sie trefili,
Opa Ewald, opa Willi.
Jedyn ślepy, drugi głuchy,
Mają opy jeszcze ruchy.

Dwa kumpliki łosprawiali,
Jak to kiedyś w bala grali,
Za dziołchami sie łoglądali.

Potym my sie łożynili,
Opowiado dali Willi.
Kawalerka sie skończyła,
Potym wojna zaro była.

Po wojnie niy było roboty,
Naprawiali my klamoty.
Dwóch bajtli żech zmajstrowoł,
Na ludzi żech ich wyrychtowoł.

Godo ślepy do głuchego,
Jak zaś kiej sie trefiymy,
To sie piwka napijymy,
A tyn głuchy do ślepego,
Niy zapomna moi kryki,
I ... rozeszli sie starzyki.

[hanys_hans]

Murzinek Bambo

W Africe miyszko Bambo, Murzinek,
Blank czorny, mały lokaty synek.
Czorno mo matka, łojca czornego,
Ujka i ciotka, dziadka i ... kozdego.
Mo piykno chałpa - by ją zbudować
trza mieć patyki, deski i trowa.
Bo przeca lepszyj chałpy nie trzeba
Jak sie rok caly hyc leje z nieba.
Bestoż to sagie są Afrykony
I mało kery je łobleczony.
Bestoż fest dużo se uszporują
Bo czopek, mantli...nic niy kupują.

Bambo Murzinek to mądry synek....
I niy mo w szkole samych jedynek.
Bo sie mądrości wkłodo do gowy
W swyj afrykońskij szkole ze trowy.
W szkole tyj niy ma ławek, tablicy
I gimnastycznyj sali - by ćwiczyć.
Tam wszyscy afrykońscy szkolorze
Mają sie od nos troszyczka gorzyj,
Bo brak im heftów, taszy z książkami,
Bestoż po piosku piszą palcami.
Lecz skuli tego tyż fajnie mają,
Bo im nic do dom niy zadowają!

Jak już Murzinki w szkole głód mają
To przerwa robią i se śniodają.
Ale niy mają tasz ze sznitami,
Ani sklepiku ze kołoczkami.
Głodny Murzinek se w las zaleci,
By se na drzewie fest pomaszkecić.
Może se urwać figi, daktyle
Lub po banany na drzewo wylyźć.
A jak go suszy to zamiast Coli
Na fest sie wielko palma wgramoli,
Kaj sie napije bardzo zdrowego,
Mlyczka z łorzecha kokosowego.

My tu na Śląsku, czy tam daleko,
Za siódmom górą, za siódmom rzeką...
Mieszkają ludzie - kożdy w swym domu
I to niy wadzi przeca nikomu,
Że jedyn jy kołocz a inny daktyle.
Porozmyślej o tym choćby przez chwilę!

[hanys_hans]

O utopku i smoku wawelskim

Tyj bojki dzieci, jeszcze niy słyszały,
Bo to bojka jest blank nowo,
Co zaś spochoł Meguś mały,
Poczytejcie słowo, w słowo.

W czerwonyj magierce na głowie,
Wybroł sie Utopek, na staryj kameli,
Poszukać w mieście Krakowie,
Cołkim nowych przijocieli.

Bo keryś kamrat mu pedzioł,
Na ucho w tajymnicy,
Ze Smok tam jakiś miyszko,
Wielki postrach okolicy.

Mo tam jakoś srogo jama,
Pod zomkiym królewskim,
Jest tam tyż zieleźno brama,
A w nij klucz diobelski.

Bezmała łogniym z pyskow,
Sromotnie smok pluje.
Na dokłodka młodo frelka,
Co wieczor łon potrzebuje.

Sztyry fury jabek w ciescie,
Siedmiogłowy gizd tyn zeżar,.
Nojszwarniejszyj dziywki w mieście ,
Jak niy dajom, zrobi pożar.

To mi styknie ! - padoł Megus,
Żeby śnim porządek zrobić,
Już niy bydzie tam tyn "Chlebuś",
Do swyj jamy dziywek wodzić...!

Jo cie naucza moresu,
Ty potworo z miasta Kraka,
Poznosz droga do Hadesu,
Jak zamiynia jo cie w raka.

Tak jak pedzioł, tak sie stało,
W wielki zmiynił go raczysko,
Bydzie teraz brakowało,
Smoka w Krakowie nad Wisłom.

Teraz tu w rybnickim morzu,
Smok po dnie se szpacyryje,
Bez to nom tu ciepłyj wody,
Nawet w zimie niy brakuje

autor : B. Dzierzawa

[hanys_hans]

ŁÓŻKO

ŁÓŻKO TO MEBEL STARY JAK ŚWIAT,
U NOS TYŻ ZWANY PRYKOLYM.
NIY JEST TO PRZECA ZWYCZAJNY GRAT,
A CZASYM NAWET HISTORIA POKOLYŃ.
W ŁÓŻKU SIĘ ZOWDY WSZYSTKO ZACZYNO,
CZY TO POD DEKOM CZY POD PIERZINOM.
NIYSTETY W ŁÓŻKU ŻYCIE TYŻ GAŚNIE,
JAK PRZIDZIE DOTRWAĆ TYN MOMYNT WŁAŚNIE.
JUŻ MAŁE DZIECKO SKOKO W ŁÓŻECZKU,
MAJĄC DOKOŁA PEŁNO ZABAWEK.
WTEDY RODZINA SIEDZI PRZI DZIECKU,
I PATRZY W NIEGO JAK W NIEBA SKRAWEK.
ŁÓŻKO TRZA DZIELIĆ ZE SWOJOM BABOM,
TO PRZECA ŚWIYNTY TWÓJ OBOWIĄZEK.
CZASYM JEST FAJNIE, A CZASYM SŁABO,
TAKI JEST PRZECA MAŁŻYŃSKI ZWIĄZEK.
JEDYN MO ŁOŻE IŚCIE KRÓLEWSKIE,
DRUGI TAKIGO NIY CHCE I WE ŚNIE.
NIYKIERYM STYKNIE WIYŃZIYNNO PRYCZA,
INNYM TRZA ŁOŻA SWEGO UŻYCZAĆ.
PRZIKRE NIYSTETY ŁÓŻKO SZPITALNE,
CZYNSTO TYN CHORY MUSI POCZEKAĆ.
SOM TO TENASZE REALIA FATALNE,
NAWET NA ZDROWIE ZAPOMNISZ NARZEKAĆ.
DUŻO MO LUDZI PROBLYM NIYMAŁY,
BY JAK NOJWIYNCYJ TYCH LATEK DOŻYĆ.
WAŻNYM JEST JEDNAK MORAŁ WSPANIAŁY:
BY W SWOIM ŻYCIU NIY CUDZOŁOŻYĆ!




autor - Henryk Polok

[hanys_hans]

Mój ¶niczek o ¦lónsku

Staro chałpa, choć góralsko,
tako blisko mi sie zdała
Starzik siod se przy niyj sielsko,
jako¶ koza zabeczała
W kuchni gorków gro łorkiestra...
Strwi±ż do Przemszy, nie do Dniestra
chnet łobrócił rychtung

I tyn zapach taki znany
jakbych nosił go ze sobóm
cołki żywot ka¶ schowany
tam głymboko, bliższy grobóm
aniżeli ¶wiatu tymu,
co wspomnieniu nojgłymbszymu
koże wdycki milczeć

Mruża oczy... chnet ta bryła
gór, co korzyń mój przyjyły
kontur bliskich hołd wyryła
pod powiekóm... Sk±d sie wziyły
downych przeżyć mych korale?...
Nie przeszkadzołech im wcale
oply¶ć duszyczki stynsknionyj

Tam kaj jo żech piyrwyj miyszkoł
stoł familok, ajncla jedna
była siyń z ausgusem w ¶rodku
i somsiadka była wredna
co ze szmatóm mnie goniła...

W piosku dziołszka sie bawiła,
łyżkóm w zymfcioku fyrlała
Kajże¶ dzisiej jest, ma Frelko?!
Toć żdżało już i dzieciato
Może jak elefant wielko
lub łoszkliwo i szczyrbato,
ale przeca tako miło!
...aże serce mi zabiło
jakżech spómnioł dzi¶ o Tobie!

Teroz tych dziecinnych lat raj
łobrósł już zielónóm trowóm
a sómsiadka jest już tam kaj
chmurki wysoko nad głowóm
het duszyczka jej leciała,
stamt±d szmatóm mi machała
furgaj±c rado¶nie

Był poranek, ćwierć na ósmo,
z betów zerwołech sie żywo
Toć do szkoły!... Starzik luz mo,
ino w łokno wejrzoł krzywo
za¶ gołymbie wróble gónióm!
Machnyłech wychodzónc dłonióm,
chciołbych mieć takie strapiynia!

Furman wjechoł do ajnfartu
kartofle, kartofle woło
Jo szykuja sie do startu,
bo nie bydzie mi wesoło
jak za¶ rechtór mie przyłapie
na spóĽnieniu... W mocnyj łapie
ucho moje trzymoł bydzie

Leca, tchu nie mogónc złapać,
rozpruwajónc dywan li¶ci
Już mnie w gardle zaczył drapać
dym polónych wszyndy ki¶ci
tych kadzideł mszy jesiennyj
dla mej duszy tak zbawiennyj
bo wsze troski weń kojóncyj

Jużech usiod w zadniyj ławce
Każdy co¶ blajsztiftym kry¶li
Jo za¶ sie przyglóndóm kawce
co tyż łóna sobie my¶li?...
szwarnie z gałynzi ¶latujónc
w parapecie upatrujónc
kaj po¶niodać jest nojlepiyj...

Łoroz zrywo mnie tyn dzwonek
pięć minut wolno¶ci tylko!
głosi wszystkim jak skowronek...
ale kiedy łón zamilko
jo sie budza gupi blank
skónd sie wziyno żdżadło, szrank?...
Przeca żech na ¦l±sku był!!!

[hanys_hans]

Chop Hilary

We Glywicach, w familoku starym,
Miyszkol jedyn chop, Hilary.
Miol lon pamiync pieronowo
I jak yno ruszol gowom,
To dzieje spominol stare:
- Kedy piyrszy miol zygarek,
- Jak konie byly na grubie,
- Godol jak sie piyrze szkubie,
- Kaj utopki w stowie zyjom,
- Czamu lozyroki pijom,
- Na co byly biydaszyby,
- Kiedy rosnom wielge grziby
- Kaj krol dycki piechty lazi...
...ale kaj se brele wrazyl,
To Hilary zapominol,
Choc jeszcze miol je przed chwilom!
Bestosz z niyszczynsliwom minom
Colko chalpa przeszukuje
I pieronsko pieronuje.
Ale se niy myslcie wcale,
Ze w tym poszukiwan szale,
W izbie delowka pozrywo.
Tak to na Slonsku niy bywo!
Wiync co zrobiol nasz Hilary?
A dyc obyczajym starym,
Jak to pobozno duszyczka,
Porzykol do Antoniczka,
Tego patrona swiyntego,
Od wszyskigo zgubionego.
Swiynty drapko go wysuchol
I tak padol mu na ucho:
Ach Hilary! Ty Gorolu!
Dyc mosz brele na kicholu!

[hanys_hans]

Godo ślepy do głuchego
Jak zaś kiej sie trefiymy
To se piwka napijymy
A tyn głuchy do ślepego
Niy zapomna moi kryki
I... rozeszli sie starzyki

[hanys_hans]

Dwa starzyki

Dwa starzyki sie trefili
Opa Ewald, opa Willi
Jedyn ślepy, drugi głuchy
Mają opy jeszcze ruchy

Dwa kumpliki łosprawiali
Jak to kiedyś w bala grali
Za dziołchami sie łoglądali

Potym my sie łożynili
Opowiado dali Willi
Kawalerka sie skończyła
Potym wojna zaro boła

Po wojnie niy boło roboty
Naprawiali my klamoty
Dwóch bajtli żech zmajstrowoł
Na ludzi żech ich wyrychtowoł

[hanys_hans]

Komgrole i chroboki

W mojij putni som komgrole
co mjyszajom jak gorole !
Zanim czowiek sie skapuje
taki komgrol już grasuje !
Puszczo maile i pomału
doprowadzo mje do szału !
Poprzestawioł mi litery
a mje z nerwów gnijom nery !
Już ni wspomna cyfroboków
komputerowych chroboków !
Te dziepjyro tu skokajom
i mi wszystko przestawjajom !
Już se s nimi nie wjym rady
takie to som wredne gady..