szaket

[szwager_z_laband]

moge mi sam ktosik wyklarowac skond sie wzion tyn wyraz

[ballest]

wyglondou na francuski, ale jak se pytosz to napewno wiysz skond;)

[ballest]

www.myvideo.de/watch/2418942/Hans_mit_Schaket

[bratjakuba]

Po krotce szło by powiedzieć,że szaket wywodzi sie
od francuskigo Jaquette i piyrwoto fonetyka była "żaket" zarówno po nimiecku jak
i po polsku.Na ślonsku jak dycki,trocha to przekrynciyli
i powstoł szaket.Możno po nimiecku nie umieli tego inakszy napisać.
Jaquette oznaczo szyroko pojynte okrycie,np też Buchumschlag.Od tego też
pochodzi Jacke.
Ale i francuski rodowod tego słowa jest wielce zaskakujoncy.
Ale bliższe przedstawiynie jego pochodzynia wymagało by długigo wywodu

[szwager_z_laband]

risztik, podobnie jak ze portmanyjym abo np asjetkom ci tysz kreplami

[bratjakuba]

Opowiym wom sam dalszy ciong tej bojki o szakecie bo je pouczqajonco
w jak zawiły sposób powstajo roztomańte słowa.
Toż tyn szaket mo swoje żródło w imiyniu Jakub.
W sredniowieczu we Francji ludzi ze wsi-chłopow,przezywali Jaquets-Jakubki,bo imie Jakub po francusku- Jaque(frere Jaque,frere Jaque)było bardzo rozpowszechnione.
Na poczontu XIV wieku,mi sie zdo co dokładnie w 1332 roku,wybuchło
wielkie powstanie chłopskie kiere zaroz też przezwano Jaquetrie.
Powstanie trwało dość długo i ci biydni chłopi jako okrycia
używali miechowek abo coś podobnego i wuglondali chnet wszyjscy jednako.
Po pewnym czasie zapomniano o szczegółach powstania a w opisach
i na obrazach zwracano uwaga eno na te okrycia.
W XV wieku ale modne sie stały bluzy z rynkowami zapinane z przodka
kiere określono też zaroz jako okrycie czyli Jaquette z kierego
sie wzion dzisiejszy żaket,szaket,jacke i jakla.

[szwager_z_laband]

jo to znom konsek inaczyj - Jakub to take miano symbol na lokaja/suzoncego/
podobnie jak Jan, no i ze te lokaje Jakuby nosiyli take maszkyne obleczynie to
niby to sie z tego wzionuo

suzonce byli do panow brane ze wsi kere do nich nalezauy.

[sloneczko1]

ta historyjka Brata Jakuba bardzi mi sie podobo;)

[seppel]

a jopa
to chyba tysz szaket yno na zima?

[sloneczko1]

jupa,jupka

[seppel]

moj Vater mjou Jopa -a babom niy bou ;)

[sloneczko1]

niy pamiyntom,żeby moj Oupa mioł jupa,ale Ouma miała napewno:)a skod pochodzioł
Twoj Oupa?

acha,jeszcze jedno,Ouma chodziyła po chopsku i mono to je w tym chopskim stroju yno?

[szwager_z_laband]

najprzod oba powiydzcie eli o tym samym godocie

[sloneczko1]

seppel napisał:

> moj Vater mjou Jopa -a babom niy bou ;)


sorry Seppel żech Twojego Vatra zrobiyłach Oupom:(
chyba coś źle popaczałach

[bratjakuba]

seppel napisał:

> moj Vater mjou Jopa -a babom niy bou ;)

Sam mogecie poczytać o szaketach,jupach abo jopach i inkszych
blousonach.

www.lagerverkaufsmode.de/Esprit-Jacken-Mantel-Weste.htm
Choć tu je napisane,że juppa je okryciym mynskim to jednak na Ślonsku
downij nosiyło sie jupka jako bardzi seksowno odmiana damskej jakle.
Była dopasowano do figury z trzi sztwierciowym rynkowym i bez stehkragla ale z
wiynkszym abo myńszym dekoltym.Zależało to od odwagi frelki i tolerancji otoczynio.
Recht majom oboje,i Słoneczko i seppel.Chopy mieli swoje jupy abo
jopy,przeważnie na podzim abo zima a frelki swoje jupki na jaro
i wczasne lato.
Znom jeszcze take wsie kaj już po wojnie,na Wielkanoc synki szli do kościoła bez
szaketa ,w same kuszuli nowet we mroz a frelki też yno we swoich jupkach.

[ballest]

Jak widzam, to Juppa jest aus Österreich;)

www.vorarlberger-walservereinigung.at/kultur/trachten/kleinwalsertal/

[ballest]

ale tam to ta Juppa to jest rock;)

[ballest]

Moselfränkisch to Juppa jest Jacke
www6.dw-world.de/de/2221.php

[bratjakuba]

ballest napisał:

> Moselfränkisch to Juppa jest Jacke
> www6.dw-world.de/de/2221.php

Juppa - Jacke to nie jest wielke odkrycie bo cały czas godomy,
że ta damsko jupka to je rodzaj jakle.

Ale sie Ballest podziwej na tyn Beidel.Teraz wiadomo skond sie wzion
ślonski >bajtel< na okryślynie małego synka.
Abo po prostu downi tyn świat też był taki mały.

[ballest]

Ja, pierwsze osadniki na Slonsku, to bouy Franki, ale duzo ludzi mysli ze
Franki som z Nürnberg, Würzburga czy Aschaffenburga, ale Franki to tysz
Mozelanie (Trier), tereny Luxemburga i Holendry!
Te Bajtle tos slusznie zauwazou!
A Juppa jest nie wszyndzie Jacke;)

[bratjakuba]

ballest napisał:

> Jak widzam, to Juppa jest aus Österreich;)
>
> www.vorarlberger-walservereinigung.at/kultur/trachten/kleinwalsertal/

Powinien eś napisać,Też in Ostreich.

A,że to jest Traegerrock czyli spodnica na szelkach to w funkcjonalności jako okrycie ni wadzi.
Downi na Ślonsku w zło pogoda,kobiety se zakłodały te szyroke kiecki
tom tylnom,spodniom czynściom na głowa jako ochrona przed deszczym abo zimnym.

PS.

[bratjakuba]

Jeszczech zapomnioł dodać,że tyn żrodłosłow jest durch taki som.
Przeca zaczło sie od Jakuba - Jaque i od tego szaket abo ogólnie okrycie.
A Jupp to też jest nimiecki Jakub,czyli jupa abo Juppe też od Jakuba
choć wydowo sie dość zabawne.

[seppel]

Jopa to bou (psznojmi u nous)Halbmantel na zima(Zic'zakrywou)
Kupno boua za drogo,tonszo boua ze starego Mantla srobiono
Zeby lepi wyglondaua(Jopa)to sie tyn Stoff na drugo stona obrocauo
Wiym bo moja Oma psznojmi dwie Jopy przi mje uszyua:)
...do slonaczka-my som Hindenburger

[bratjakuba]

My sie sam z Tobom o to nie wadzymy.U nas też to było ciepłe,chłopske okrycie na
jesiyń i zima i godało sie na to jupa.Dzisiej to je kurtka po polsku.
A z tym przeszywaniym i obrocaniym to prawie po wojnie było powszechne.
Sztofoff nie szło kupić a jak kasik były to trza było wydać cało
miesiynczny zarobek. W 50-tych latach zarobiało sie ok.600 zł na miesionc a 3
metry sztofu u żyda we Wrocławiu kosztowało 700 zł.