Dodaj do ulubionych

Ślönski hajmat

21.03.04, 00:03
Pieröna ..........

obejrzoł żech se dzisio kieryś tam roz "szösty zmysł", sztyjc na okröngło leci mi "My Immortal", leja w siebie kieregoś Heinekena i tak se rozmyślöm

czym do mie je tyn möj nieszczynsny Ślönski hajmat, z czym mie sie kojarzi

wtynczos spöminöm se starka mojigo kamrata. Pamiyntöm jak za łebka cało czylotka lotała po krzipopach, spinała sie po strömach, roztomańtych murkach, płotach, nurkowała w krzökach itp. itd. Fotry były w robocie, mamy warzyły w chałupach obiod abo robiyły coś inkszego. Ale nas dycki na oku miała starka od mojigo kömpla. Pamiyntöm jöm do dzisio. Czorno szatka, bryle na nosie. Siedziała przed chałupöm, rzykała i dowała na nas pozör. Nojbardzi jednako spöminöm se, jak mieli my już z tego lotanio jynzyki wywalöne na wiyrch, cali my byli spocyni i czerwjöni. Wtynczos starka nas wołała i szli my ku ni. A ona miała pełny ajmer zimne wody, prosto ze studnie, i z tego ajmra dowała sie nöm napić. Nabiyrała te wody abo do szolki, abo do kielnie i kożdy piył aż uż niy umioł. Do dzisio pamiyntöm jak ta woda szmakowała .......

spömino mi sie tyż möj starzik, kiery dycki woziył nas traktorkiym na pole. Pamiyntöm jak siedzieli my kiedyś s nim na werandzie. Szło ku burzy. Starzik siedzioł na ryczce, czyściył silnik s traktorka i pokazywoł nöm roztomańte chmury ......

tak było za łebka. S tym nojbardzi kojarzi mi sie Ślönsk. To je möj Ślönski hajmat, nojbardzi ślönsko jego czynść - starzi ludzie kierych uż ni ma, ale kierzi durch bydöm w moji pamiynci - i beztroski czasy małych wandrusöw .....
Obserwuj wątek
Inne wątki na temat:

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka