artjomka
11.07.11, 21:25
Sen Nocy Letnij po ros jedynosty – abo „ExtraSzicht” rekordow.
Witom Wos pjyknie!
Jak jusz momy to w tradycji, i tym razym leci pora zacow jako reportaz ze kolyjny „ExtraSzichty”.
W sobota kole pionty po pouedniu zaczua sie – jedynasto z koleji impreza pokazujonco i prezyntujonco zabytki kultury przemyslowy naszego „Wynglowego Gorka” tukej w Ruhrgybicie. Jak i lonskigo roku tysionce ludzi – prawie bez couko noc jezdziouo po „Kohlenpocie”, coby sie pooglondac atrakcje przigotowane skuli ty szychty. A bouo co uoglondac.
W „Katedrze Prondu” szlo oglondac sztucznie robione pierony kulkowe. Pieronske larmo, jak te pierony szczylauy – ale dzieciska mialy szpasu kupa. Kolorowo iluminacjo mostu na kanale, imprezy kere mialy za haslo „Swiatuo i Woda” – we porcie kole muzeum.
Bouo by grzychym njy pojechac do stary sluzy wyporowy we pobliskiym Henrichenburgu. Tukej tysz atrakcje swietlne, fojerwerki i plywanie na starych holownikach ze tutejszego muzeum zeglugi srodlondowyj. Do tego muzyka dlo kozdego – od malego do starych prykow.
Dali to autobusa i za pora minut som my jusz w czasach maszyn parowych – we pjykny wykachlowyny starymi kachlami hali maszynowni kopalni w Gladbeck-Zweckel. Tukej akustyka hali je tak dobro, co nawet kejsik Menuhin z orkestrom Filharmonii Hungarica – dowol koncerty.
Suynno niy ino w Bochum „Jahrhunderthalle” dowala jak co roku mozliwosc posuchania klawjyrowy muzyki nojwyzczych lotow.
Nowy objekt w tym roku boua byuo kopalnia First Leopold w Dorsten. Tukej muzyka, taniec i swiatlo prziciongauo tysionce ludzi.
Niy cza zapomniec, co wszyndzie szlo sie zjejsc cojsik malego i do tego popic zimnym.
A co w cynie biletu bouo tysz jezdzynie wszyjstkiymi srodkami komunikacji mjyndzy Duisburgiem a Unnom, Witten a Waltrop – bez tosz szlo dojsc gipko poruszac sie z miejsca na miejsce
Ale powjym wom prowda. Wszyjstkigo i tak niy szlo uobejrzec – bo i nogi bolaly, no i ta ilosc atrakcji!
Do dom dokulali my sie o czeci nad ranym – zadowoloni jak zwykle.
Cza pedziec, co tym razym i pogoda dopisaua, co jeszcze bardzij przicionguo masy ludzi.
W tym roku na „ExtraSzichcie” policzono aze 200.000 uczestnikow.
Pyrsk!
PS: Wto wjy – mozno za niydugo i slonsko „Industriada” bydzie sie tysz takym wziynciym!
