Dziyń Matki

[broneknotgeld]

Niy bydzie mie w środa - dzisioj Bronek wciepnie
Pewnikym na forum tyn wontek łokrzepnie
Choć muter we grobie dyć pamiyńć łostała
Wiela mogła tela dzieciom swojim dała

Bestoż rym sie możno dziwnie jakoś kleci
Winszuja jo zdrowio wszyskim tym co dzieci
Przi keckach czimajom abo i daleko
We świecie - dyć wiedzom że matka durś czeko

Winszuja radości, szczyńścio, pszonio świata
Dzieci co som skarbym - we tym jest zapłata
Mama - to dlo bajtla zowdy słowo piykne
Tela powinszowań możno mojich styknie.

[broneknotgeld]

Na pomorskim cmyntorzu

Poświycioł żech matce na starym cmyntorzu
Kery skiż dwoch zniczy jakby zaroz ożoł
Rok sztyrdziesty pionty łodcis na nim rynka
Poloki niy chcieli ło Niymcach pamiyntać

Kerhof poniymiecki to dzisioj ruina
Wygnali stond cera i wygnali syna
Grob niyjedny muter łostoł na zatrata
Za pszonie los jakby doł tako zapłata.