+ Tomasz Micuła +

[broneknotgeld]

Tomasz Micuła
Miechów

W fyrmie "Zynek" za szofera
Już niy robi karlus teraz
Toż ze szefym był we hali
Zynki se uratowali
Tomek już na zowdy łostoł
Jedyn z tych co ajzom dostoł
Dusza furgła z gołymbiami
A we doma przeca sami
Z cerom ślubno tyż brzymiynno
Tragedyjo dyć niyzmiynno.

[broneknotgeld]

Gołomb

Gołomb znakym jest pokoju
Tako łonym i Duch Świynty
Mom se tropić fraszkom mojom
W kery słabość "ludzki piynty"?

Lepi być ze gołymbiami
Gowa w gora durś mi skoko
Łone życio aniołami
Niych furgajom se wysoko

Dyć je widać nad Chorzowym
Trza ze duszy swoji paczeć
Tela dzisioj yno powiym
Wrona coś zowistnie kracze

Skond straszydło se tu wziyło?
Dziub mo jak łod śmiertki kosa
Ano jest jako i było
Choć gołymbia w sercu nosza.