Gody

[broneknotgeld]

Pora jeszcze dni nom minie
Zaś bydymy przi Rodzinie
Co w Betlejem se tułała
Miejsca w domu tam niy miała.

[broneknotgeld]

Przi Wiliji

Niych moj opłatek w sieci nom leci
To co nojlepsze we duszach nieci
Przełom se z bliźnim - podej mu rynka
Życie to przeca niy zowdy mynka

Dzieciontko z nami - pomyślcie tako
Niychej we Gody wszyndy jednako
Blikej na inkszych - uwidź w nich siebie
Trza dyć niywiela by czuć sie w niebie

Boga w czowieku widzieć wystyknie
Mało iskerka - już bydzie piyknie
Toż we Wilijo Jezus jest z nami
My z Niym - nojciynży jak my som sami.

[broneknotgeld]

We Betlejym nawet hebamy niy było
Jak se nom Dzieciontko w stajynce rodziyło
Wydała go światu dyć Maryja Matka
Ciyngym teroz z nami choć durś lecom latka.

[Gość: pasikoonik]

Jak Szloonzouki sie szwyndajoom?
Ciyngjym kajs' Jyh przepyndzajoom?
Tela! (gest Kozakiewicza!) Tu soom Uoone Dooma!
Bez to w Gody banoom z Nooma.

[broneknotgeld]

Cicho noc świynto noc
Toż już klupie Wielko Moc
Wiymy ło tym - starzy młodzi
Dzisioj dzisioj Bog sie rodzi.

[broneknotgeld]

Z Rudy śla powinszowania
Czas opłatka to łomania.

[broneknotgeld]

Jezus sie już nom narodzioł
Zowdy bydzie ludzi godzioł
Bo w Niym richtig bosko moc
Co rozświytli kożdo noc.

[broneknotgeld]

Żłob we stajni przi gowiedzi
Tako sie zdarzyło
Piyrszy "tron" na kerym "siedzi"
Dyć wiela ich było?

[broneknotgeld]

Pastyrze Mu piyrsi prziszli pokłon złożyć
Szczyńśliwi że tego łoni mogli dożyć
Tako my pastyrka dzisioj łodprowiomy
Dzieciontko przi tymu przeca w sercach momy.