Papiyżowi

[broneknotgeld]

Po Wielkanocy

Toż jeszcze Krystus po ziymi chodzi
Bog-czowiek już zmartwychwstały
Sie krześcijanin ze tym pogodzi
Że wlezie w Niebo wnet cały

Latoś zabiere z Polski papiyża?
Tako we woli jest Boga?
Ujmie mu ciyngym ludzkego krziża?
Za to porzykać dyć moga.

[broneknotgeld]

Papiyżowi

Kedy se Twoja Golgota skończy
Ponboczek Cie już zawoło
Możno i Polska w "światłość" sie włonczy
Toż pogodniejsze mom czoło

Duch Twoj durś przeca z nami łostanie
By ciyngym w utropie wspiyrać
Czy usłyszymy jego wołanie?
Czy nań bydymy spoziyrać?

[broneknotgeld]

Już żeś z Łojcym Bogym
Łotwar Pyjter wrota
Dobrze mosz za progym
Bo wiodła Cie cnota

Pasoł żeś baranki
Tako jako umioł
Dnie noce poranki
Zdo sie - świat zrozumioł.

[broneknotgeld]

iycie to - pomarł poeta
Toż rymym ślintać se godzi
Łostatni jo wierszokleta
Dyć dusza durś płaczka rodzi

I gańbić se tym niy byda
Ni tropić zaś nożyczkami
Chca - bestoż tukej z niom ida
Wybeczeć tymi rymami

Mie niy trza kiru żałoby
Chorongwi tysiyncy mszy
Bele to szkryfnońć tu szło by
Papiyż z Ponboczkym - Łon wiy

Coby se tropić - niy pedzioł
Spokojnie poszoł do Boga
Dyć wiyncy łod nos już wiedzioł
Za to dać gowa tyż moga

Rym niychej świyczkom jest życia
Ło kerym szkryfloł do końca
Choć niyporadnie go klyca
Zdo mi sie - ździybko w niym słońca.

[broneknotgeld]

Boże Miłosierny
Skończoł żeś Mu mynka
Nojpiyrszy z nos wierny
Już we Twojich rynkach

Bestoż - Alleluja!
Rymym Cie pochwola
W żolu radość czuja
Niych jest wola Twoja.

[Gość: :-)]

Papież jest dla Nas autorytetem sprawmy abyśmy nigdy nie zapomnieli o tak
szlachetnej i cudownej osobie.... Apeluje do wszystkich aby uczcili ze mną
pamięć naszego kochanego Karola Wojtyły niech co tydzień w sobote o godzinie
21 37 wszystkie dzwony biją aby za kilka, kilkadziesiąt lat nasze dzieci
wiedziały że o tej godzinie zmarł najświętszy człwiek XX XXI wielku mówcie o
tym wpisujcie się a może spełni się moja proźba i w całej Polsce tak się
stanie...

[Gość: papuzka]

napsiz gdzie boli: glowka czy glowa?