broneknotgeld 26.09.03, 10:55 Po piwie A mie po piwie Palicom kiwie Jak szukom ryma To jego niy ma Chyba w komorka Kaj gowy gorka Zaś mi sie wcisnoł I drapko przisnoł. Odpowiedz Link Obserwuj wątek Podgląd Opublikuj
broneknotgeld Re: Kana Rudzko - niy Galilejsko 26.09.03, 10:56 Czynsto se rymy siedzom we chmielu Tymu przitaknońć trza przijocielu Yno że potym ciynżko je szukać Jak mi we gowie zaczyno stukać. Odpowiedz Link
broneknotgeld Re: Kana Rudzko - niy Galilejsko 26.09.03, 11:33 Richtig dobre by to było Jakby wiyncyj sie wkludziyło Na to ślonske forum piykne Chlapna za to - formy styknie. Odpowiedz Link
broneknotgeld Re: Kana Rudzko - niy Galilejsko 26.09.03, 11:49 Już mie moja baba wiyszo Że żech tukej zaś namiyszoł A skiż tego jest to wszystko Że mi czasym szumi piwsko To sie pedzieć zaś łośmiela Lubia jo tyn napoj z chmiela Choć mi tympi koncept czasym I coś robi z mojim basym Do kufelka zaś go leja Bo sie wiyncyj przi nim śmieja. Odpowiedz Link
broneknotgeld Re: Kana Rudzko - niy Galilejsko 28.09.03, 11:07 Biyra biyra dej nom Boże Łon na glaca tyż pomoże Dobry jest na smutek wielki - Lepsze yno som te frelki Kere z chopym zrobiom wiela I niy skompiom mu wesela. Odpowiedz Link
broneknotgeld Re: Kana Rudzko - niy Galilejsko 28.09.03, 22:15 Pora piw we gowie mom Dzisioj spokoj już se dom Myśla teroz ło weselu Bo coś siedzi we tym chmielu. Odpowiedz Link
broneknotgeld Re: Kana Rudzko - niy Galilejsko 28.09.03, 23:09 Ło tych felerach coś żech tyż szkryfloł Wszysko skiż tego żech halba wychloł. Odpowiedz Link
broneknotgeld Re: Kana Rudzko - niy Galilejsko 28.09.03, 23:11 Kana - kanka Ze kankom po piwo kedyś se chodziyło Jek sie we łogrodku somsiadka gościyło. Odpowiedz Link
broneknotgeld Re: Kana Rudzko - niy Galilejsko 28.09.03, 23:12 Czecio kanka A jak pynkła czecio kanka Już somsiadka do kankanka. Odpowiedz Link
broneknotgeld Re: Kana Rudzko - niy Galilejsko 28.09.03, 23:13 Sztop - ze Kany niy Sodoma To już inkszo przeca kroma. Odpowiedz Link
broneknotgeld Re: Kana Rudzko - niy Galilejsko 30.09.03, 22:26 Zabrzański browar durś jeszcze warzy I Górnoślonske nom sie przidarzy Choć jo nojczyńści Tyske se pija Jakoś z tym piwym weseli żyja. Odpowiedz Link
broneknotgeld Re: Kana Rudzko - niy Galilejsko 30.09.03, 22:27 Do dioska! Jak na "k" to może kwoska Po porzondnym piciu Kwoska wroco cie życiu. Odpowiedz Link
broneknotgeld Re: Kana Rudzko - niy Galilejsko 30.09.03, 22:27 Nasze piwo Zaniko "gornoślonsko" marka Browar we Zabrzu ledwo robi Tukej sie czyńści leje "warka" Lyj nasze piwo - nikt niy powiy Szczyńściym że tu durś te "tyske" momy "Żywiec" tyż gardło ślonske cieszy Ponoć i Zabrzu padnońć niy domy Ślonsk przeca tak niy może zgrzeszyć Niych "gornoślonske" pijom pierony Raduje sie ich ślonsko dusza Na cudze marki niych zaglondomy Tak by do picio ich niy zmuszać. Odpowiedz Link
broneknotgeld Re: Kana Rudzko - niy Galilejsko 30.09.03, 22:28 Może być kufel kista i kszinka Wszystko to szczimie moja rodzinka. Odpowiedz Link
broneknotgeld Re: Kana Rudzko - niy Galilejsko 30.09.03, 22:28 Piwnych łogrodkow u mie jest tela Że biera bajtli i moja frela I se na piwko latym idymy Kaj zowdy piyknie tyn czas spyndzymy Dziecioki sie na huśtowkach siedzom Zofty durś pijom i czipsy jedzom Ślubno zaś jedyn a jo dwa biyry I tyn czas leci - byda tu szczyry. Odpowiedz Link
broneknotgeld Re: Kana Rudzko - niy Galilejsko 01.10.03, 19:34 Wiyncy Wiyncy sklepow z gorzołom teroz w Rudzie bydzie Wiyncy z tego forsy miasu przeca przidzie Dyć wcale mi dioboł we duszy niy woło Łotwiyrej potmanyj - leć pod sklep z gorzołom. Odpowiedz Link
broneknotgeld Re: Kana Rudzko - niy Galilejsko 01.10.03, 23:15 Ze trowy to lubia żubrowka Choć ciynżko mom po nij tyż głowka. Odpowiedz Link
broneknotgeld Re: Kana Rudzko - niy Galilejsko 01.10.03, 23:16 Zaś tukej dzwigły nom sie procynta Niy chca łod ślubny dostać po piyntach Bo jak za mocno w gowie mi gzuje We końce gyrow kije mi suje. Odpowiedz Link
broneknotgeld Re: Kana Rudzko - niy Galilejsko 01.10.03, 23:17 Powiym prowda Niy yno łod ślubny ciyrpia bez gorzoła Jakbych czyńści zapioł to by sie łodpszoła Dyć po prowdzie niy wiym czamu jak mom kaca Musza sie po glacy i po piyntach macać. Odpowiedz Link
broneknotgeld Re: Kana Rudzko - niy Galilejsko 01.10.03, 23:18 Racjo mosz we tym że zdrowszy chmiel Ty tysz sie piwo terozki szczel Mie zaś przi drugim skończy sie werwa I ze komputrym zrobia sie przerwa. Odpowiedz Link
broneknotgeld Re: Kana Rudzko - niy Galilejsko 01.10.03, 23:21 Chopom szwankujom czynsto synapsy Wtedy i rymy schodzom im na psy Dyć jak te "łoncza" przidom do normy Zaś idzie blyszczeć ze dobry formy. Odpowiedz Link
broneknotgeld Re: Kana Rudzko - niy Galilejsko 01.10.03, 23:22 Z głowom jest ciynżko - dyć dlo porzondku Trza nom pamiyntać tyż ło żołondku. Odpowiedz Link
broneknotgeld Re: Kana Rudzko - niy Galilejsko 01.10.03, 23:22 Ale żołondek chycioł ta norma Choć w gowie kryńci łon czimie forma. Odpowiedz Link
broneknotgeld Re: Kana Rudzko - niy Galilejsko 01.10.03, 23:25 Na bole brzucha Dobro siwucha. Odpowiedz Link
broneknotgeld Re: Kana Rudzko - niy Galilejsko 01.10.03, 23:26 Zalyj szpyroniym łorzech se świyży Tyn medykamynt pozwolo wyżyć. Odpowiedz Link
